| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
2. вималаат̇зрийг̇аат̇ааван̣н̣анаа
2. Vimalātherīgāthāvaṇṇanā
мад̇д̇аа ван̣н̣зна руубзнаад̇иаад̣̇игаа вималааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з взсаалияам̣ ан̃н̃ад̇арааяа руубуубаж̇ийвинияаа ид̇т̇ияаа д̇хийд̇аа худ̇ваа ниб̣б̣ад̇д̇и. вималаад̇иссаа наамам̣ ахоси. саа ваяаббад̇д̇аа д̇ат̇зва ж̇ийвигам̣ габбзнд̇ий згад̣̇ивасам̣ ааяасманд̇ам̣ махаамог̇г̇аллаанам̣ взсаалияам̣ бин̣д̣ааяа жаранд̇ам̣ д̣̇исваа бадиб̣ад̣̇д̇хажид̇д̇аа худ̇ваа т̇зрасса васанадтаанам̣ г̇анд̇ваа т̇зрам̣ уд̣̇д̣̇исса балобханагаммам̣ гаад̇ум̣ аарабхи. ‘‘д̇ид̇т̇иязхи уяяож̇ид̇аа д̇ат̇аа агаасий’’д̇и гзжи вад̣̇анд̇и. т̇зро д̇ассаа асубхавибхааванамукзна санд̇аж̇ж̇анам̣ гад̇ваа оваад̣̇амад̣̇ааси. д̇ам̣ хздтаа т̇зраг̇аат̇ааяа ааг̇ад̇амзва, д̇ат̇аа бана т̇зрзна оваад̣̇з д̣̇иннз саа сам̣взг̇аж̇аад̇аа хирод̇д̇аббам̣ бажжубадтабзд̇ваа саасанз бадилад̣̇д̇хасад̣̇д̇хаа убаасигаа худ̇ваа абарабхааг̇з бхигкунийсу баб̣б̣аж̇ид̇ваа гхадзнд̇ий вааяаманд̇ий хзд̇усамбаннад̇ааяа на жирассзва арахад̇д̇ам̣ бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Mattā vaṇṇena rūpenātiādikā vimalāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde vesāliyaṃ aññatarāya rūpūpajīviniyā itthiyā dhītā hutvā nibbatti. Vimalātissā nāmaṃ ahosi. Sā vayappattā tatheva jīvikaṃ kappentī ekadivasaṃ āyasmantaṃ mahāmoggallānaṃ vesāliyaṃ piṇḍāya carantaṃ disvā paṭibaddhacittā hutvā therassa vasanaṭṭhānaṃ gantvā theraṃ uddissa palobhanakammaṃ kātuṃ ārabhi. ‘‘Titthiyehi uyyojitā tathā akāsī’’ti keci vadanti. Thero tassā asubhavibhāvanamukhena santajjanaṃ katvā ovādamadāsi. Taṃ heṭṭhā theragāthāya āgatameva, tathā pana therena ovāde dinne sā saṃvegajātā hirottappaṃ paccupaṭṭhapetvā sāsane paṭiladdhasaddhā upāsikā hutvā aparabhāge bhikkhunīsu pabbajitvā ghaṭentī vāyamantī hetusampannatāya na cirasseva arahattaṃ patvā attano paṭipattiṃ paccavekkhitvā udānavasena –
72.
72.
‘‘мад̇д̇аа ван̣н̣зна руубзна, собхаг̇г̇зна яасзна жа;
‘‘Mattā vaṇṇena rūpena, sobhaggena yasena ca;
яоб̣б̣анзна жубад̇т̇ад̣̇д̇хаа, ан̃н̃аасамад̇иман̃н̃ихам̣.
Yobbanena cupatthaddhā, aññāsamatimaññihaṃ.
73.
73.
‘‘вибхуусзд̇ваа имам̣ гааяам̣, сужид̇д̇ам̣ б̣аалалаабанам̣;
‘‘Vibhūsetvā imaṃ kāyaṃ, sucittaṃ bālalāpanaṃ;
адтаасим̣ взсид̣̇ваарамхи, луд̣̇д̣̇о баасамивод̣д̣ияа.
Aṭṭhāsiṃ vesidvāramhi, luddo pāsamivoḍḍiya.
74.
74.
‘‘бил̣анд̇ханам̣ вид̣̇ам̣сзнд̇ий, г̇уяхам̣ багаасигам̣ б̣ахум̣;
‘‘Piḷandhanaṃ vidaṃsentī, guyhaṃ pakāsikaṃ bahuṃ;
агаасим̣ вивид̇хам̣ мааяам̣, уж̇жхаг̇гханд̇ий б̣ахум̣ ж̇анам̣.
Akāsiṃ vividhaṃ māyaṃ, ujjhagghantī bahuṃ janaṃ.
75.
75.
‘‘сааж̇ж̇а бин̣д̣ам̣ жарид̇ваана, мун̣д̣аа сан̇гхаадибааруд̇аа;
‘‘Sājja piṇḍaṃ caritvāna, muṇḍā saṅghāṭipārutā;
нисиннаа ругкамууламхи, авид̇аггасса лаабхиний.
Nisinnā rukkhamūlamhi, avitakkassa lābhinī.
76.
76.
‘‘саб̣б̣з яог̇аа самужчиннаа, яз д̣̇иб̣б̣аа яз жа маанусаа;
‘‘Sabbe yogā samucchinnā, ye dibbā ye ca mānusā;
кзбзд̇ваа аасавз саб̣б̣з, сийд̇ибхууд̇аамхи ниб̣б̣уд̇аа’’д̇и. –
Khepetvā āsave sabbe, sītibhūtāmhi nibbutā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а мад̇д̇аа ван̣н̣зна руубзнаад̇и г̇ун̣аван̣н̣зна жзва руубасамбад̇д̇ияаа жа. собхаг̇г̇знаад̇и субхаг̇абхаавзна. яасзнаад̇и бариваарасамбад̇д̇ияаа. мад̇д̇аа ван̣н̣амад̣̇аруубамад̣̇асобхаг̇г̇амад̣̇абариваарамад̣̇авасзна мад̣̇ам̣ аабаннаад̇и ад̇т̇о. яоб̣б̣анзна жубад̇т̇ад̣̇д̇хаад̇и яоб̣б̣анамад̣̇зна убаруубари т̇ад̣̇д̇хаа яоб̣б̣ананимид̇д̇зна ахан̇гаарзна убад̇т̇ад̣̇д̇хажид̇д̇аа анубасанд̇амаанасаа. ан̃н̃аасамад̇иман̃н̃иханд̇и ан̃н̃аа ид̇т̇ияо ад̇д̇ано ван̣н̣аад̣̇иг̇ун̣зхи саб̣б̣ат̇ааби ад̇иггамид̇ваа ман̃н̃им̣ ахам̣. ан̃н̃аасам̣ ваа ид̇т̇ийнам̣ ван̣н̣аад̣̇иг̇ун̣з ад̇иман̃н̃им̣ ад̇иггамид̇ваа аман̃н̃им̣ авамаанам̣ агаасим̣.
Tattha mattā vaṇṇena rūpenāti guṇavaṇṇena ceva rūpasampattiyā ca. Sobhaggenāti subhagabhāvena. Yasenāti parivārasampattiyā. Mattā vaṇṇamadarūpamadasobhaggamadaparivāramadavasena madaṃ āpannāti attho. Yobbanena cupatthaddhāti yobbanamadena uparūpari thaddhā yobbananimittena ahaṅkārena upatthaddhacittā anupasantamānasā. Aññāsamatimaññihanti aññā itthiyo attano vaṇṇādiguṇehi sabbathāpi atikkamitvā maññiṃ ahaṃ. Aññāsaṃ vā itthīnaṃ vaṇṇādiguṇe atimaññiṃ atikkamitvā amaññiṃ avamānaṃ akāsiṃ.
вибхуусид̇ваа имам̣ гааяам̣, сужид̇д̇ам̣ б̣аалалаабананд̇и имам̣ наанаавид̇хаасужибхарид̇ам̣ ж̇зг̇ужчам̣ ахам̣ мамаад̇и б̣аалаанам̣ лаабанад̇о ваажанад̇о б̣аалалаабанам̣ мама гааяам̣ чавирааг̇агаран̣агзсадтабанаад̣̇инаа сужид̇д̇ам̣ вад̇т̇аабхаран̣зхи вибхуусид̇ваа суман̣д̣ид̇абасаад̣̇ид̇ам̣ гад̇ваа. адтаасим̣ взсид̣̇ваарамхи, луд̣̇д̣̇о баасамивод̣д̣ияаад̇и миг̇алуд̣̇д̣̇о вияа миг̇аанам̣ б̣анд̇ханад̇т̇ааяа д̣̇ан̣д̣аваагураад̣̇имиг̇абаасам̣, маарасса баасабхууд̇ам̣ яат̇аавуд̇д̇ам̣ мама гааяам̣ взсид̣̇ваарамхи взсияаа гхарад̣̇ваарз од̣д̣ияид̇ваа адтаасим̣.
Vibhūsitvāimaṃ kāyaṃ, sucittaṃ bālalāpananti imaṃ nānāvidhaasucibharitaṃ jegucchaṃ ahaṃ mamāti bālānaṃ lāpanato vācanato bālalāpanaṃ mama kāyaṃ chavirāgakaraṇakesaṭṭhapanādinā sucittaṃ vatthābharaṇehi vibhūsitvā sumaṇḍitapasāditaṃ katvā. Aṭṭhāsiṃ vesidvāramhi, luddo pāsamivoḍḍiyāti migaluddo viya migānaṃ bandhanatthāya daṇḍavākurādimigapāsaṃ, mārassa pāsabhūtaṃ yathāvuttaṃ mama kāyaṃ vesidvāramhi vesiyā gharadvāre oḍḍiyitvā aṭṭhāsiṃ.
бил̣анд̇ханам̣ вид̣̇ам̣сзнд̇ий, г̇уяхам̣ багаасигам̣ б̣ахунд̇и ууруж̇агханат̇анад̣̇ассанаад̣̇игам̣ г̇уяхан̃жзва баад̣̇аж̇аан̣усираад̣̇игам̣ багаасан̃жаад̇и г̇уяхам̣ багаасиган̃жа б̣ахум̣ наанаббагаарам̣ бил̣анд̇ханам̣ аабхаран̣ам̣ д̣̇ассзнд̇ий. агаасим̣ вивид̇хам̣ мааяам̣, уж̇жхаг̇гханд̇ий б̣ахум̣ ж̇ананд̇и яоб̣б̣анамад̣̇амад̇д̇ам̣ б̣ахум̣ б̣аалаж̇анам̣ виббаламбхзд̇ум̣ хасанд̇ий г̇анд̇хамаалаавад̇т̇аабхаран̣аад̣̇ийхи сарийрасабхаавабадижчаад̣̇анзна хасавилаасабхааваад̣̇ийхи д̇зхи жа вивид̇хам̣ наанаббагаарам̣ ван̃жанам̣ агаасим̣.
Piḷandhanaṃ vidaṃsentī, guyhaṃ pakāsikaṃ bahunti ūrujaghanathanadassanādikaṃ guyhañceva pādajāṇusirādikaṃ pakāsañcāti guyhaṃ pakāsikañca bahuṃ nānappakāraṃ piḷandhanaṃ ābharaṇaṃ dassentī. Akāsiṃ vividhaṃ māyaṃ, ujjhagghantī bahuṃjananti yobbanamadamattaṃ bahuṃ bālajanaṃ vippalambhetuṃ hasantī gandhamālāvatthābharaṇādīhi sarīrasabhāvapaṭicchādanena hasavilāsabhāvādīhi tehi ca vividhaṃ nānappakāraṃ vañcanaṃ akāsiṃ.
сааж̇ж̇а бин̣д̣ам̣ жарид̇ваана…бз… авид̇аггасса лаабхинийд̇и саа ахам̣ звам̣ бамаад̣̇авихаариний самаанаа аж̇ж̇а ид̣̇аани аяяасса махаамог̇г̇аллаанад̇т̇зрасса оваад̣̇з тад̇ваа саасанз баб̣б̣аж̇ид̇ваа мун̣д̣аа сан̇гхаадибааруд̇аа худ̇ваа бин̣д̣ам̣ жарид̇ваана бхигкаахаарам̣ бхун̃ж̇ид̇ваа нисиннаа ругкамууламхи ругкамуулз вивид̇д̇аасанз нисиннаа д̣̇уд̇ияаж̇жхаанабаад̣̇агасса аг̇г̇апаласса ад̇хиг̇амзна авид̇аггасса лаабхиний амхийд̇и яож̇анаа.
Sājja piṇḍaṃ caritvāna…pe… avitakkassa lābhinīti sā ahaṃ evaṃ pamādavihārinī samānā ajja idāni ayyassa mahāmoggallānattherassa ovāde ṭhatvā sāsane pabbajitvā muṇḍā saṅghāṭipārutā hutvā piṇḍaṃ caritvāna bhikkhāhāraṃ bhuñjitvā nisinnā rukkhamūlamhi rukkhamūle vivittāsane nisinnā dutiyajjhānapādakassa aggaphalassa adhigamena avitakkassa lābhinī amhīti yojanā.
саб̣б̣з яог̇аад̇и гаамаяог̇аад̣̇аяо жад̇д̇аароби яог̇аа. самужчиннаад̇и батамамаг̇г̇аад̣̇инаа яат̇аарахам̣ саммад̣̇зва ужчиннаа бахийнаа. сзсам̣ вуд̇д̇анаяамзва.
Sabbe yogāti kāmayogādayo cattāropi yogā. Samucchinnāti paṭhamamaggādinā yathārahaṃ sammadeva ucchinnā pahīnā. Sesaṃ vuttanayameva.
вималаат̇зрийг̇аат̇ааван̣н̣анаа нидтид̇аа.
Vimalātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 2. вималаат̇зрийг̇аат̇аа • 2. Vimalātherīgāthā
