| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. вималад̇т̇зраг̇аат̇ааван̣н̣анаа
10. Vimalattheragāthāvaṇṇanā
д̇харан̣ий жа син̃жад̇и ваад̇и ааяасмад̇о вималад̇т̇зрасса г̇аат̇аа. гаа уббад̇д̇и? соби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о вибассисса бхаг̇авад̇о гаалз сан̇кад̇хаманагулз ниб̣б̣ад̇д̇ид̇ваа вин̃н̃уд̇ам̣ бад̇д̇о д̇асмим̣ сиббз нибпад̇д̇им̣ г̇ад̇о згад̣̇ивасам̣ вибассим̣ бхаг̇аванд̇ам̣ бассид̇ваа басаннамаанасо сан̇кад̇хаманзна бууж̇ам̣ гад̇ваа д̇ад̇о бадтааяа гаалзна гаалам̣ сад̇т̇у убадтаанам̣ агааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о гассабасса бхаг̇авад̇о гаалз ‘‘анааг̇ад̇з мз вимало висуд̣̇д̇хо гааяо ход̇уу’’д̇и б̣од̇хиругкам̣ г̇анд̇ход̣̇агзхи нхаабзси, жзд̇ияан̇г̇ан̣аб̣од̇хияан̇г̇ан̣зсу аасанаани д̇ховаабзси, бхигкуунамби гилидтз саман̣абаригкаарз д̇ховаабзси.
Dharaṇīca siñcati vāti āyasmato vimalattherassa gāthā. Kā uppatti? Sopi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto vipassissa bhagavato kāle saṅkhadhamanakule nibbattitvā viññutaṃ patto tasmiṃ sippe nipphattiṃ gato ekadivasaṃ vipassiṃ bhagavantaṃ passitvā pasannamānaso saṅkhadhamanena pūjaṃ katvā tato paṭṭhāya kālena kālaṃ satthu upaṭṭhānaṃ akāsi. So tena puññakammena devaloke nibbattitvā aparāparaṃ puññāni katvā devamanussesu saṃsaranto kassapassa bhagavato kāle ‘‘anāgate me vimalo visuddho kāyo hotū’’ti bodhirukkhaṃ gandhodakehi nhāpesi, cetiyaṅgaṇabodhiyaṅgaṇesu āsanāni dhovāpesi, bhikkhūnampi kiliṭṭhe samaṇaparikkhāre dhovāpesi.
со д̇ад̇о жавид̇ваа д̣̇звзсу жа мануссзсу жа баривад̇д̇знд̇о имасмим̣ б̣уд̣̇д̇хуббаад̣̇з рааж̇аг̇ахз иб̣бхагулз ниб̣б̣ад̇д̇и. д̇асса маад̇угужчияам̣ васанд̇асса нигкаманд̇асса жа гааяо бид̇д̇асзмхаад̣̇ийхи асам̣гилидто бад̣̇умабалаасз уд̣̇агаб̣инд̣̇у вияа алаг̇г̇о бажчимабхавигаб̣од̇хисад̇д̇асса вияа сувисуд̣̇д̇хо ахоси, д̇знасса вималод̇взва наамам̣ агам̣су. со ваяаббад̇д̇о рааж̇аг̇ахаббавзсанз б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа гаммадтаанам̣ г̇ахзд̇ваа госаларадтз баб̣б̣ад̇аг̇ухааяам̣ вихарад̇и. ат̇згад̣̇ивасам̣ жаад̇уд̣̇д̣̇ийбигамахаамзгхо сагалам̣ жаггаваал̣аг̇аб̣бхам̣ бад̇т̇арид̇ваа баавасси. виваддадтааяимхи б̣уд̣̇д̇хаанам̣ жаггавад̇д̇ийнан̃жа д̇харамаанагаалз зва гира звам̣ вассад̇и. гхаммабарил̣аахавуубасамад̇о уд̇усаббааяалаабхзна т̇зрасса жид̇д̇ам̣ самаахид̇ам̣ ахоси згаг̇г̇ам̣. со самаахид̇ажид̇д̇о д̇аавад̣̇зва вибассанам̣ уссуггаабзд̇ваа маг̇г̇абадибаадияаа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.10.56-60) –
So tato cavitvā devesu ca manussesu ca parivattento imasmiṃ buddhuppāde rājagahe ibbhakule nibbatti. Tassa mātukucchiyaṃ vasantassa nikkhamantassa ca kāyo pittasemhādīhi asaṃkiliṭṭho padumapalāse udakabindu viya alaggo pacchimabhavikabodhisattassa viya suvisuddho ahosi, tenassa vimalotveva nāmaṃ akaṃsu. So vayappatto rājagahappavesane buddhānubhāvaṃ disvā paṭiladdhasaddho pabbajitvā kammaṭṭhānaṃ gahetvā kosalaraṭṭhe pabbataguhāyaṃ viharati. Athekadivasaṃ cātuddīpikamahāmegho sakalaṃ cakkavāḷagabbhaṃ pattharitvā pāvassi. Vivaṭṭaṭṭhāyimhi buddhānaṃ cakkavattīnañca dharamānakāle eva kira evaṃ vassati. Ghammapariḷāhavūpasamato utusappāyalābhena therassa cittaṃ samāhitaṃ ahosi ekaggaṃ. So samāhitacitto tāvadeva vipassanaṃ ussukkāpetvā maggapaṭipāṭiyā arahattaṃ pāpuṇi. Tena vuttaṃ apadāne (apa. thera 1.10.56-60) –
‘‘вибассисса бхаг̇авад̇о, ахосим̣ сан̇кад̇хаммаго;
‘‘Vipassissa bhagavato, ahosiṃ saṅkhadhammako;
нижжубадтаанаяуд̇д̇омхи, суг̇ад̇асса махзсино.
Niccupaṭṭhānayuttomhi, sugatassa mahesino.
‘‘убадтаанапалам̣ басса, логанаат̇асса д̇аад̣̇ино;
‘‘Upaṭṭhānaphalaṃ passa, lokanāthassa tādino;
садти д̇уурияасахассаани, бариваарзнд̇и мам̣ сад̣̇аа.
Saṭṭhi tūriyasahassāni, parivārenti maṃ sadā.
‘‘зганавуд̇ид̇о габбз, убадтахим̣ махааисим̣;
‘‘Ekanavutito kappe, upaṭṭhahiṃ mahāisiṃ;
д̣̇уг̇г̇ад̇им̣ наабхиж̇аанаами, убадтаанассид̣̇ам̣ палам̣.
Duggatiṃ nābhijānāmi, upaṭṭhānassidaṃ phalaṃ.
‘‘жад̇увийсз ид̇о габбз, махааниг̇гхосанаамагаа;
‘‘Catuvīse ito kappe, mahānigghosanāmakā;
сол̣асаасим̣су рааж̇аано, жаггавад̇д̇ий махаб̣б̣алаа.
Soḷasāsiṃsu rājāno, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа гад̇агижжад̇ааяа д̇удтамаанасо уд̣̇аанам̣ уд̣̇аанзнд̇о ‘‘д̇харан̣ий жа син̃жад̇и ваад̇и маалуд̇о’’д̇и г̇аат̇ам̣ абхааси.
Arahattaṃ pana patvā katakiccatāya tuṭṭhamānaso udānaṃ udānento ‘‘dharaṇī ca siñcati vāti māluto’’ti gāthaṃ abhāsi.
50. д̇ад̇т̇а д̇харан̣ийд̇и бат̇авий, саа хи сагалам̣ д̇хараад̇харам̣ д̇хаарзд̇ийд̇и ‘‘д̇харан̣ий’’д̇и вужжад̇и. син̃жад̇ийд̇и саманд̇ад̇о набхам̣ буурзд̇ваа абхиббавассад̇о махаамзгхасса вудтид̇хаараахи син̃жад̇и . ваад̇и маалуд̇од̇и уд̣̇агапусид̇асаммиссад̇ааяа сийд̇ало ваад̇о вааяад̇и. виж̇ж̇уд̇аа жарад̇и набхзд̇и д̇ад̇т̇а д̇ад̇т̇а г̇аж̇ж̇ад̇аа г̇ал̣аг̇ал̣ааяад̇аа махаамзгхад̇о нижчаранд̇ияо сад̇зрад̇аа аагаасз ид̇о жид̇о жа вижаранд̇и. убасаманд̇и вид̇аггаад̇и уд̇усаббааяасид̣̇д̇хзна самат̇авибассанаад̇хиг̇амзна буб̣б̣абхааг̇з д̇ад̣̇ан̇г̇аад̣̇ивасзна вуубасанд̇аа худ̇ваа гаамавид̇аггаад̣̇аяо саб̣б̣зби нава махаавид̇аггаа арияамаг̇г̇аад̇хиг̇амзна убасаманд̇и. анавасзсад̇о самужчиж̇ж̇анд̇ийд̇и. вад̇д̇амаанасамийбад̇ааяа арияамаг̇г̇агкан̣ам̣ вад̇д̇амаанам̣ гад̇ваа вад̣̇ад̇и. ад̇ийд̇ад̇т̇з ваа зд̇ам̣ бажжуббаннаважанам̣. жид̇д̇ам̣ сусамаахид̇ам̣ мамаад̇и д̇ад̇о зва логуд̇д̇арасамаад̇хинаа мама жид̇д̇ам̣ судту самаахид̇ам̣, на д̣̇аани д̇асса самаад̇хаанз гин̃жи гаад̇аб̣б̣ам̣ ад̇т̇ийд̇и т̇зро ан̃н̃ам̣ б̣яаагааси.
50. Tattha dharaṇīti pathavī, sā hi sakalaṃ dharādharaṃ dhāretīti ‘‘dharaṇī’’ti vuccati. Siñcatīti samantato nabhaṃ pūretvā abhippavassato mahāmeghassa vuṭṭhidhārāhi siñcati . Vāti mālutoti udakaphusitasammissatāya sītalo vāto vāyati. Vijjutā carati nabheti tattha tattha gajjatā gaḷagaḷāyatā mahāmeghato niccharantiyo sateratā ākāse ito cito ca vicaranti. Upasamanti vitakkāti utusappāyasiddhena samathavipassanādhigamena pubbabhāge tadaṅgādivasena vūpasantā hutvā kāmavitakkādayo sabbepi nava mahāvitakkā ariyamaggādhigamena upasamanti. Anavasesato samucchijjantīti. Vattamānasamīpatāya ariyamaggakkhaṇaṃ vattamānaṃ katvā vadati. Atītatthe vā etaṃ paccuppannavacanaṃ. Cittaṃ susamāhitaṃ mamāti tato eva lokuttarasamādhinā mama cittaṃ suṭṭhu samāhitaṃ, na dāni tassa samādhāne kiñci kātabbaṃ atthīti thero aññaṃ byākāsi.
вималад̇т̇зраг̇аат̇ааван̣н̣анаа нидтид̇аа.
Vimalattheragāthāvaṇṇanā niṭṭhitā.
бан̃жамаваг̇г̇аван̣н̣анаа нидтид̇аа.
Pañcamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. вималад̇т̇зраг̇аат̇аа • 10. Vimalattheragāthā
