| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. виймам̣сагасуд̇д̇аван̣н̣анаа
7. Vīmaṃsakasuttavaṇṇanā
487. звам̣ мз суд̇анд̇и виймам̣сагасуд̇д̇ам̣. д̇ад̇т̇а виймам̣сагзнаад̇и д̇аяо виймам̣сагаа – ад̇т̇авиймам̣саго сан̇кааравиймам̣саго сад̇т̇увиймам̣сагод̇и. д̇зсу, ‘‘бан̣д̣ид̇аа хаавусо, мануссаа виймам̣сагаа’’д̇и (сам̣. ни. 3.2) зд̇т̇а ад̇т̇авиймам̣саго ааг̇ад̇о. ‘‘яад̇о ко, аананд̣̇а, бхигку д̇хаад̇угусало жа ход̇и, ааяад̇анагусало жа ход̇и, бадижжасамуббаад̣̇агусало жа ход̇и, таанаадтаанагусало жа ход̇и, зд̇д̇аавад̇аа ко, аананд̣̇а, бан̣д̣ид̇о бхигку виймам̣сагод̇и алам̣ важанааяаа’’д̇и (ма. ни. 3.124) зд̇т̇а сан̇кааравиймам̣саго ааг̇ад̇о. имасмим̣ бана суд̇д̇з сад̇т̇увиймам̣саго ад̇хиббзд̇о. жзд̇обарияааяанд̇и жид̇д̇аваарам̣ жид̇д̇абарижчзд̣̇ам̣. саманнзсанаад̇и зсанаа бариязсанаа убабаригкаа. ид̇и вин̃н̃аан̣ааяаад̇и звам̣ виж̇аананад̇т̇ааяа.
487.Evaṃme sutanti vīmaṃsakasuttaṃ. Tattha vīmaṃsakenāti tayo vīmaṃsakā – atthavīmaṃsako saṅkhāravīmaṃsako satthuvīmaṃsakoti. Tesu, ‘‘paṇḍitā hāvuso, manussā vīmaṃsakā’’ti (saṃ. ni. 3.2) ettha atthavīmaṃsako āgato. ‘‘Yato kho, ānanda, bhikkhu dhātukusalo ca hoti, āyatanakusalo ca hoti, paṭiccasamuppādakusalo ca hoti, ṭhānāṭṭhānakusalo ca hoti, ettāvatā kho, ānanda, paṇḍito bhikkhu vīmaṃsakoti alaṃ vacanāyā’’ti (ma. ni. 3.124) ettha saṅkhāravīmaṃsako āgato. Imasmiṃ pana sutte satthuvīmaṃsako adhippeto. Cetopariyāyanti cittavāraṃ cittaparicchedaṃ. Samannesanāti esanā pariyesanā upaparikkhā. Iti viññāṇāyāti evaṃ vijānanatthāya.
488. д̣̇вийсу д̇хаммзсу д̇ат̇ааг̇ад̇о саманнзсид̇аб̣б̣од̇и ид̇ха галяаан̣амид̇д̇уубаниссаяам̣ д̣̇ассзд̇и. махаа хи зса галяаан̣амид̇д̇уубаниссаяо наама. д̇асса маханд̇абхааво звам̣ взд̣̇ид̇аб̣б̣о – згасмим̣ хи самаяз ааяасмаа аананд̣̇о убад̣дхам̣ ад̇д̇ано аанубхаавзна ход̇и, убад̣дхам̣ галяаан̣амид̇д̇аанубхаавзнаад̇и жинд̇зд̇ваа ад̇д̇ано д̇хаммад̇ааяа нижчзд̇ум̣ асаггонд̇о бхаг̇аванд̇ам̣ убасан̇гамид̇ваа бужчи, – ‘‘убад̣дхамид̣̇ам̣, бханд̇з, б̣рахмажарияасса, яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’д̇и. бхаг̇аваа ааха – ‘‘маа хзвам̣, аананд̣̇а, маа хзвам̣, аананд̣̇а, сагаламзвид̣̇ам̣, аананд̣̇а, б̣рахмажарияам̣ яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа, галяаан̣асамбаван̇гад̇аа. галяаан̣амид̇д̇ассзд̇ам̣, аананд̣̇а, бхигкуно баадиган̇кам̣ галяаан̣асахааяасса галяаан̣асамбаван̇гасса, арияам̣ адтан̇г̇игам̣ маг̇г̇ам̣ бхаавзссад̇и, арияам̣ адтан̇г̇игам̣ маг̇г̇ам̣ б̣ахулийгариссад̇и. гат̇ан̃жаананд̣̇а, бхигку галяаан̣амид̇д̇о…бз… арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇и. ид̇хаананд̣̇а, бхигку саммаад̣̇идтим̣ бхаавзд̇и…бз… саммаасамаад̇хим̣ бхаавзд̇и вивзганиссид̇ам̣ звам̣ ко, аананд̣̇а, бхигку галяаан̣амид̇д̇о…бз… б̣ахулийгарод̇и, д̇ад̣̇аминаабзд̇ам̣, аананд̣̇а, барияааязна взд̣̇ид̇аб̣б̣ам̣. яат̇аа сагаламзвид̣̇ам̣ б̣рахмажарияам̣ яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа. маман̃хи, аананд̣̇а, галяаан̣амид̇д̇ам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и. ж̇араад̇хаммаа…бз… согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇ий’’д̇и (сам̣. ни. 5.2).
488.Dvīsu dhammesu tathāgato samannesitabboti idha kalyāṇamittūpanissayaṃ dasseti. Mahā hi esa kalyāṇamittūpanissayo nāma. Tassa mahantabhāvo evaṃ veditabbo – ekasmiṃ hi samaye āyasmā ānando upaḍḍhaṃ attano ānubhāvena hoti, upaḍḍhaṃ kalyāṇamittānubhāvenāti cintetvā attano dhammatāya nicchetuṃ asakkonto bhagavantaṃ upasaṅkamitvā pucchi, – ‘‘upaḍḍhamidaṃ, bhante, brahmacariyassa, yadidaṃ kalyāṇamittatā kalyāṇasahāyatā kalyāṇasampavaṅkatā’’ti. Bhagavā āha – ‘‘mā hevaṃ, ānanda, mā hevaṃ, ānanda, sakalamevidaṃ, ānanda, brahmacariyaṃ yadidaṃ kalyāṇamittatā kalyāṇasahāyatā, kalyāṇasampavaṅkatā. Kalyāṇamittassetaṃ, ānanda, bhikkhuno pāṭikaṅkhaṃ kalyāṇasahāyassa kalyāṇasampavaṅkassa, ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. Kathañcānanda, bhikkhu kalyāṇamitto…pe… ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti. Idhānanda, bhikkhu sammādiṭṭhiṃ bhāveti…pe… sammāsamādhiṃ bhāveti vivekanissitaṃ evaṃ kho, ānanda, bhikkhu kalyāṇamitto…pe… bahulīkaroti, tadamināpetaṃ, ānanda, pariyāyena veditabbaṃ. Yathā sakalamevidaṃ brahmacariyaṃ yadidaṃ kalyāṇamittatā kalyāṇasahāyatā kalyāṇasampavaṅkatā. Mamañhi, ānanda, kalyāṇamittaṃ āgamma jātidhammā sattā jātiyā parimuccanti. Jarādhammā…pe… sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccantī’’ti (saṃ. ni. 5.2).
бхигкуунам̣ б̣аахиран̇г̇асамбад̇д̇им̣ гат̇знд̇оби ааха – ‘‘б̣аахирам̣, бхигкавз, ан̇г̇анд̇и гарид̇ваа наан̃н̃ам̣ зган̇г̇амби саманубассаами, яам̣ звам̣ махад̇о ад̇т̇ааяа сам̣вад̇д̇ад̇и, яат̇аяид̣̇ам̣, бхигкавз, галяаан̣амид̇д̇ад̇аа. галяаан̣амид̇д̇ад̇аа, бхигкавз, махад̇о ад̇т̇ааяа сам̣вад̇д̇ад̇ий’’д̇и (а. ни. 1.113). махаажунд̣̇асса гилзсасаллзкабадибад̣̇ам̣ гат̇знд̇оби, ‘‘барз баабамид̇д̇аа бхависсанд̇и, маяамзд̇т̇а галяаан̣амид̇д̇аа бхависсаамаад̇и саллзко гаран̣ийяо’’д̇и (ма. ни. 1.83) ааха. мзгхияад̇т̇зрасса вимуд̇д̇ибарибаажанияад̇хаммз гат̇знд̇оби, ‘‘абарибаггааяа, мзгхияа, жзд̇овимуд̇д̇ияаа бан̃жа д̇хаммаа барибаагааяа сам̣вад̇д̇анд̇и. гад̇амз бан̃жа? ид̇ха, мзгхияа, бхигку галяаан̣амид̇д̇о ход̇и’’д̇и (уд̣̇аа. 31) галяаан̣амид̇д̇уубаниссаяамзва висзсзси. бияабуд̇д̇асса раахулад̇т̇зрасса абхин̣ховаад̣̇ам̣ д̣̇знд̇оби –
Bhikkhūnaṃ bāhiraṅgasampattiṃ kathentopi āha – ‘‘bāhiraṃ, bhikkhave, aṅganti karitvā nāññaṃ ekaṅgampi samanupassāmi, yaṃ evaṃ mahato atthāya saṃvattati, yathayidaṃ, bhikkhave, kalyāṇamittatā. Kalyāṇamittatā, bhikkhave, mahato atthāya saṃvattatī’’ti (a. ni. 1.113). Mahācundassa kilesasallekhapaṭipadaṃ kathentopi, ‘‘pare pāpamittā bhavissanti, mayamettha kalyāṇamittā bhavissāmāti sallekho karaṇīyo’’ti (ma. ni. 1.83) āha. Meghiyattherassa vimuttiparipācaniyadhamme kathentopi, ‘‘aparipakkāya, meghiya, cetovimuttiyā pañca dhammā paripākāya saṃvattanti. Katame pañca? Idha, meghiya, bhikkhu kalyāṇamitto hoti’’ti (udā. 31) kalyāṇamittūpanissayameva visesesi. Piyaputtassa rāhulattherassa abhiṇhovādaṃ dentopi –
‘‘мид̇д̇з бхаж̇ассу галяаан̣з, банд̇ан̃жа саяанаасанам̣;
‘‘Mitte bhajassu kalyāṇe, pantañca sayanāsanaṃ;
вивид̇д̇ам̣ аббаниг̇гхосам̣, мад̇д̇ан̃н̃уу хохи бхож̇анз.
Vivittaṃ appanigghosaṃ, mattaññū hohi bhojane.
жийварз бин̣д̣абаад̇з жа, бажжаяз саяанаасанз;
Cīvare piṇḍapāte ca, paccaye sayanāsane;
зд̇зсу д̇ан̣хам̣ маагааси, маа логам̣ бунарааг̇амий’’д̇и. (су. ни. 340, 341) –
Etesu taṇhaṃ mākāsi, mā lokaṃ punarāgamī’’ti. (su. ni. 340, 341) –
галяаан̣амид̇д̇уубаниссаяамзва саб̣б̣абатамам̣ гат̇зси. звам̣ махаа зса галяаан̣амид̇д̇уубаниссаяо наама. ид̇хааби д̇ам̣ д̣̇ассзнд̇о бхаг̇аваа д̣̇вийсу д̇хаммзсу д̇ат̇ааг̇ад̇о саманнзсид̇аб̣б̣од̇и д̣̇зсанам̣ аарабхи. бан̣д̣ид̇о бхигку д̣̇вийсу д̇хаммзсу д̇ат̇ааг̇ад̇ам̣ зсад̇у г̇авзсад̇ууд̇и ад̇т̇о. зд̇зна бхаг̇аваа аяам̣ махааж̇ажжод̇и ваа, лагкан̣асамбаннод̇и ваа, абхируубо д̣̇ассанийяод̇и ваа, абхин̃н̃аад̇о абхилагкид̇од̇и ваа, имам̣ ниссааяаахам̣ жийвараад̣̇аяо бажжаяз лабхиссаамийд̇и ваа, звам̣ жинд̇зд̇ваа мам̣ ниссааяа васанагижжам̣ над̇т̇и. яо бана звам̣ саллагкзд̇и, ‘‘баход̇и мз зса сад̇т̇аа худ̇ваа сад̇т̇угижжам̣ саад̇хзд̇у’’нд̇и, со мам̣ бхаж̇ад̇ууд̇и сийханаад̣̇ам̣ над̣̇ад̇и. б̣уд̣̇д̇хасийханаад̣̇о гира наамзса суд̇д̇анд̇од̇и.
Kalyāṇamittūpanissayameva sabbapaṭhamaṃ kathesi. Evaṃ mahā esa kalyāṇamittūpanissayo nāma. Idhāpi taṃ dassento bhagavā dvīsu dhammesu tathāgato samannesitabboti desanaṃ ārabhi. Paṇḍito bhikkhu dvīsu dhammesu tathāgataṃ esatu gavesatūti attho. Etena bhagavā ayaṃ mahājaccoti vā, lakkhaṇasampannoti vā, abhirūpo dassanīyoti vā, abhiññāto abhilakkhitoti vā, imaṃ nissāyāhaṃ cīvarādayo paccaye labhissāmīti vā, evaṃ cintetvā maṃ nissāya vasanakiccaṃ natthi. Yo pana evaṃ sallakkheti, ‘‘pahoti me esa satthā hutvā satthukiccaṃ sādhetu’’nti, so maṃ bhajatūti sīhanādaṃ nadati. Buddhasīhanādo kira nāmesa suttantoti.
ид̣̇аани д̇з д̣̇вз д̇хаммз д̣̇ассзнд̇о жагкусод̇авин̃н̃зяязсууд̇и ааха. д̇ад̇т̇а сад̇т̇у гааяиго самаажааро виймам̣сагасса жагкувин̃н̃зяяо д̇хаммо наама. ваажасиго самаажааро сод̇авин̃н̃зяяо д̇хаммо наама. ид̣̇аани д̇зсу саманнзсид̇аб̣б̣аагаарам̣ д̣̇ассзнд̇о яз сам̣гилидтаад̇иаад̣̇имааха. д̇ад̇т̇а сам̣гилидтаад̇и гилзсасамбаяуд̇д̇аа. д̇з жа на жагкусод̇авин̃н̃зяяаа. яат̇аа бана уд̣̇агз жаланд̇з ваа бубпул̣агз ваа мун̃жанд̇з анд̇о мажчо ад̇т̇ийд̇и вин̃н̃ааяад̇и, звам̣ баан̣аад̇ибаад̇аад̣̇ийни ваа гаронд̇асса, мусааваад̣̇аад̣̇ийни ваа бхан̣анд̇асса гааяаважийсамаажаарз д̣̇исваа жа суд̇ваа жа д̇ам̣самудтаабагажид̇д̇ам̣ сам̣гилидтанд̇и вин̃н̃ааяад̇и. д̇асмаа звамааха. сам̣гилидтажид̇д̇асса хи гааяаважийсамаажаарааби сам̣гилидтааязва наама. на д̇з д̇ат̇ааг̇ад̇асса сам̣виж̇ж̇анд̇ийд̇и на д̇з д̇ат̇ааг̇ад̇асса ад̇т̇и. на убалаб̣бханд̇ийд̇и звам̣ ж̇аанаад̇ийд̇и ад̇т̇о. над̇т̇ид̇ааязва хи д̇з на убалаб̣бханд̇и на бадижчаннад̇ааяа. д̇ат̇аа хи бхаг̇аваа згад̣̇ивасам̣ имзсу д̇хаммзсу бхигкусан̇гхам̣ баваарзнд̇о ааха – ‘‘ханд̣̇а д̣̇аани, бхигкавз, баваарзми во, на жа мз гин̃жи г̇арахат̇а гааяигам̣ ваа ваажасигам̣ ваа’’д̇и. звам̣ вуд̇д̇з ааяасмаа саарибуд̇д̇о удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘на ко маяам̣, бханд̇з, бхаг̇авад̇о гин̃жи г̇арахаама гааяигам̣ ваа ваажасигам̣ ваа. бхаг̇аваа хи, бханд̇з, ануббаннасса маг̇г̇асса уббаад̣̇зд̇аа, асан̃ж̇аад̇асса маг̇г̇асса сан̃ж̇аанзд̇аа, анагкаад̇асса маг̇г̇асса агкаад̇аа, маг̇г̇ан̃н̃уу маг̇г̇авид̣̇уу маг̇г̇аговид̣̇о. маг̇г̇аануг̇аа жа, бханд̇з, зд̇арахи саавагаа вихаранд̇и бажчаасаманнааг̇ад̇аа’’д̇и (сам̣. ни. 1.215). звам̣ барисуд̣̇д̇хаа д̇ат̇ааг̇ад̇асса гааяаважийсамаажаараа. уд̇д̇ароби суд̣̇ам̣ маан̣аво д̇ат̇ааг̇ад̇асса гааяаважийд̣̇ваарз анаараад̇ханийяам̣ гин̃жи бассиссаамийд̇и сад̇д̇а маасз ануб̣анд̇хид̇ваа лигкаамад̇д̇амби на ад̣̇д̣̇аса. мануссабхууд̇о ваа зса б̣уд̣̇д̇хабхууд̇асса гааяаважийд̣̇ваарз гим̣ анаараад̇ханийяам̣ бассиссад̇и? маароби д̣̇звабуд̇д̇о б̣од̇хисад̇д̇асса сад̇о махаабхинигкаманад̇о бадтааяа чаб̣б̣ассаани г̇авзсамаано гин̃жи анаараад̇ханийяам̣ наад̣̇д̣̇аса, анд̇амасо жзд̇обаривид̇аггамад̇д̇амби. мааро гира жинд̇зси – ‘‘сажасса вид̇аггид̇амад̇д̇амби агусалам̣ бассиссаами, д̇ад̇т̇зва нам̣ муд̣̇д̇хани бахарид̇ваа баггамиссаамий’’д̇и. со чаб̣б̣ассаани ад̣̇исваа б̣уд̣̇д̇хабхууд̇амби згам̣ вассам̣ ануб̣анд̇хид̇ваа гин̃жи важ̇ж̇ам̣ абассанд̇о г̇аманасамаяз ванд̣̇ид̇ваа –
Idāni te dve dhamme dassento cakkhusotaviññeyyesūti āha. Tattha satthu kāyiko samācāro vīmaṃsakassa cakkhuviññeyyo dhammo nāma. Vācasiko samācāro sotaviññeyyo dhammo nāma. Idāni tesu samannesitabbākāraṃ dassento ye saṃkiliṭṭhātiādimāha. Tattha saṃkiliṭṭhāti kilesasampayuttā. Te ca na cakkhusotaviññeyyā. Yathā pana udake calante vā pupphuḷake vā muñcante anto maccho atthīti viññāyati, evaṃ pāṇātipātādīni vā karontassa, musāvādādīni vā bhaṇantassa kāyavacīsamācāre disvā ca sutvā ca taṃsamuṭṭhāpakacittaṃ saṃkiliṭṭhanti viññāyati. Tasmā evamāha. Saṃkiliṭṭhacittassa hi kāyavacīsamācārāpi saṃkiliṭṭhāyeva nāma. Na te tathāgatassa saṃvijjantīti na te tathāgatassa atthi. Na upalabbhantīti evaṃ jānātīti attho. Natthitāyeva hi te na upalabbhanti na paṭicchannatāya. Tathā hi bhagavā ekadivasaṃ imesu dhammesu bhikkhusaṅghaṃ pavārento āha – ‘‘handa dāni, bhikkhave, pavāremi vo, na ca me kiñci garahatha kāyikaṃ vā vācasikaṃ vā’’ti. Evaṃ vutte āyasmā sāriputto uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘na kho mayaṃ, bhante, bhagavato kiñci garahāma kāyikaṃ vā vācasikaṃ vā. Bhagavā hi, bhante, anuppannassa maggassa uppādetā, asañjātassa maggassa sañjānetā, anakkhātassa maggassa akkhātā, maggaññū maggavidū maggakovido. Maggānugā ca, bhante, etarahi sāvakā viharanti pacchāsamannāgatā’’ti (saṃ. ni. 1.215). Evaṃ parisuddhā tathāgatassa kāyavacīsamācārā. Uttaropi sudaṃ māṇavo tathāgatassa kāyavacīdvāre anārādhanīyaṃ kiñci passissāmīti satta māse anubandhitvā likkhāmattampi na addasa. Manussabhūto vā esa buddhabhūtassa kāyavacīdvāre kiṃ anārādhanīyaṃ passissati? Māropi devaputto bodhisattassa sato mahābhinikkhamanato paṭṭhāya chabbassāni gavesamāno kiñci anārādhanīyaṃ nāddasa, antamaso cetoparivitakkamattampi. Māro kira cintesi – ‘‘sacassa vitakkitamattampi akusalaṃ passissāmi, tattheva naṃ muddhani paharitvā pakkamissāmī’’ti. So chabbassāni adisvā buddhabhūtampi ekaṃ vassaṃ anubandhitvā kiñci vajjaṃ apassanto gamanasamaye vanditvā –
‘‘махаавийра махаабун̃н̃ам̣, ид̣̇д̇хияаа яасасаа ж̇алам̣;
‘‘Mahāvīra mahāpuññaṃ, iddhiyā yasasā jalaṃ;
саб̣б̣авзрабхаяаад̇ийд̇ам̣, баад̣̇з ванд̣̇аами г̇од̇ама’’нд̇и. (сам̣. ни. 1.159) –
Sabbaverabhayātītaṃ, pāde vandāmi gotama’’nti. (saṃ. ni. 1.159) –
г̇аат̇ам̣ вад̇ваа г̇ад̇о.
Gāthaṃ vatvā gato.
вийд̇имиссаад̇и гаалз ган̣хаа, гаалз суггаад̇и звам̣ вомиссагаа. вод̣̇аад̇аад̇и барисуд̣̇д̇хаа ниггилзсаа. сам̣виж̇ж̇анд̇ийд̇и вод̣̇аад̇аа д̇хаммаа ад̇т̇и убалаб̣бханд̇и. д̇ат̇ааг̇ад̇асса хи барисуд̣̇д̇хаа гааяасамаажаараад̣̇аяо. д̇знааха – ‘‘жад̇д̇ааримаани, бхигкавз, д̇ат̇ааг̇ад̇асса арагкзяяаани. гад̇амаани жад̇д̇аари? барисуд̣̇д̇хагааяасамаажааро, бхигкавз, д̇ат̇ааг̇ад̇о, над̇т̇и д̇ат̇ааг̇ад̇асса гааяад̣̇ужжарид̇ам̣, яам̣ д̇ат̇ааг̇ад̇о рагкзяяа, ‘маа мз ид̣̇ам̣ баро ан̃н̃аасий’д̇и. барисуд̣̇д̇хаважийсамаажааро… барисуд̣̇д̇хаманосамаажааро… барисуд̣̇д̇хааж̇ийво, бхигкавз, д̇ат̇ааг̇ад̇о , над̇т̇и д̇ат̇ааг̇ад̇асса мижчааж̇ийво, яам̣ д̇ат̇ааг̇ад̇о рагкзяяа, маа мз ид̣̇ам̣ баро ан̃н̃аасий’’д̇и (а. ни. 7.58).
Vītimissāti kāle kaṇhā, kāle sukkāti evaṃ vomissakā. Vodātāti parisuddhā nikkilesā. Saṃvijjantīti vodātā dhammā atthi upalabbhanti. Tathāgatassa hi parisuddhā kāyasamācārādayo. Tenāha – ‘‘cattārimāni, bhikkhave, tathāgatassa arakkheyyāni. Katamāni cattāri? Parisuddhakāyasamācāro, bhikkhave, tathāgato, natthi tathāgatassa kāyaduccaritaṃ, yaṃ tathāgato rakkheyya, ‘mā me idaṃ paro aññāsī’ti. Parisuddhavacīsamācāro… parisuddhamanosamācāro… parisuddhājīvo, bhikkhave, tathāgato , natthi tathāgatassa micchājīvo, yaṃ tathāgato rakkheyya, mā me idaṃ paro aññāsī’’ti (a. ni. 7.58).
имам̣ гусалам̣ д̇хамманд̇и имам̣ анаваж̇ж̇ам̣ ааж̇ийвадтамагасийлам̣. ‘‘аяамааяасмаа сад̇т̇аа гим̣ ну ко д̣̇ийгхарад̇д̇ам̣ самаабанно ад̇ижирагаалад̇о бадтааяа иминаа саманнааг̇ад̇о, уд̣̇ааху ид̇д̇арасамаабанно хияяо ваа барз ваа барасувз ваа д̣̇ивасз самаабанно’’д̇и звам̣ г̇авзсад̇ууд̇и ад̇т̇о. згажжзна хи згасмим̣ таанз васанд̇зна б̣аху мижчааж̇ийвагаммам̣ гад̇ам̣, д̇ам̣ д̇ад̇т̇а гаалаад̇иггамз бан̃н̃ааяад̇и, баагадам̣ ход̇и. со ан̃н̃ад̇арам̣ бажжанд̇аг̇аамам̣ ваа самуд̣̇д̣̇ад̇ийрам̣ ваа г̇анд̇ваа бан̣н̣асаалам̣ гаарзд̇ваа ааран̃н̃аго вияа худ̇ваа вихарад̇и. мануссаа самбхааванам̣ уббаад̣̇зд̇ваа д̇асса бан̣ийд̇з бажжаяз д̣̇знд̇и. ж̇анабад̣̇аваасино бхигкуу д̇асса барихаарам̣ д̣̇исваа, ‘‘ад̇ид̣̇аббид̇о вад̇ааяам̣ ааяасмаа, го ну ко зсо’’д̇и бариг̇г̇ан̣ханд̇аа, ‘‘асугадтаанз асугам̣ наама мижчааж̇ийвам̣ гад̇ваа багганд̇абхигкуу’’д̇и н̃ад̇ваа на саггаа иминаа сад̣̇д̇хим̣ убосат̇о ваа бавааран̣аа ваа гаад̇унд̇и саннибад̇ид̇ваа д̇хаммзна самзна угкзбанийяаад̣̇ийсу ан̃н̃ад̇арам̣ гаммам̣ гаронд̇и. зваруубааяа бадижчаннабадибад̇д̇ияаа ад̇т̇ибхаавам̣ ваа над̇т̇ибхаавам̣ ваа виймам̣саабзд̇ум̣ звамааха.
Imaṃ kusalaṃ dhammanti imaṃ anavajjaṃ ājīvaṭṭhamakasīlaṃ. ‘‘Ayamāyasmā satthā kiṃ nu kho dīgharattaṃ samāpanno aticirakālato paṭṭhāya iminā samannāgato, udāhu ittarasamāpanno hiyyo vā pare vā parasuve vā divase samāpanno’’ti evaṃ gavesatūti attho. Ekaccena hi ekasmiṃ ṭhāne vasantena bahu micchājīvakammaṃ kataṃ, taṃ tattha kālātikkame paññāyati, pākaṭaṃ hoti. So aññataraṃ paccantagāmaṃ vā samuddatīraṃ vā gantvā paṇṇasālaṃ kāretvā āraññako viya hutvā viharati. Manussā sambhāvanaṃ uppādetvā tassa paṇīte paccaye denti. Janapadavāsino bhikkhū tassa parihāraṃ disvā, ‘‘atidappito vatāyaṃ āyasmā, ko nu kho eso’’ti pariggaṇhantā, ‘‘asukaṭṭhāne asukaṃ nāma micchājīvaṃ katvā pakkantabhikkhū’’ti ñatvā na sakkā iminā saddhiṃ uposatho vā pavāraṇā vā kātunti sannipatitvā dhammena samena ukkhepanīyādīsu aññataraṃ kammaṃ karonti. Evarūpāya paṭicchannapaṭipattiyā atthibhāvaṃ vā natthibhāvaṃ vā vīmaṃsāpetuṃ evamāha.
звам̣ ж̇аанаад̇ийд̇и д̣̇ийгхарад̇д̇ам̣ самаабанно, на ид̇д̇арасамаабаннод̇и ж̇аанаад̇и. анажчарияам̣ жзд̇ам̣. яам̣ д̇ат̇ааг̇ад̇асса зд̇арахи саб̣б̣ан̃н̃уд̇ам̣ бад̇д̇асса д̣̇ийгхарад̇д̇ам̣ ааж̇ийвадтамагасийлам̣ барисуд̣̇д̇хам̣ бхавзяяа. яасса б̣од̇хисад̇д̇агаалзби звам̣ ахоси.
Evaṃjānātīti dīgharattaṃ samāpanno, na ittarasamāpannoti jānāti. Anacchariyaṃ cetaṃ. Yaṃ tathāgatassa etarahi sabbaññutaṃ pattassa dīgharattaṃ ājīvaṭṭhamakasīlaṃ parisuddhaṃ bhaveyya. Yassa bodhisattakālepi evaṃ ahosi.
ад̇ийд̇з гира г̇анд̇хаарарааж̇аа жа взд̣̇зхарааж̇аа жа д̣̇взби сахааяагаа худ̇ваа гаамзсу аад̣̇ийнавам̣ д̣̇исваа раж̇ж̇аани буд̇д̇аанам̣ нияяаад̇зд̇ваа исибаб̣б̣аж̇ж̇ам̣ баб̣б̣аж̇ид̇ваа згасмим̣ аран̃н̃аг̇аамагз бин̣д̣ааяа жаранд̇и. бажжанд̇о наама д̣̇уллабхалон̣о ход̇и. д̇ад̇о алон̣ам̣ яааг̇ум̣ лабхид̇ваа згиссааяа саалааяа нисийд̣̇ид̇ваа биванд̇и. анд̇аранд̇арз мануссаа лон̣ажун̣н̣ам̣ аахарид̇ваа д̣̇знд̇и. згад̣̇ивасам̣ зго взд̣̇зхисисса бан̣н̣з багкибид̇ваа лон̣ажун̣н̣ам̣ ад̣̇ааси . взд̣̇зхиси г̇ахзд̇ваа убад̣дхам̣ г̇анд̇хаарисисса-санд̇игз табзд̇ваа убад̣дхам̣ ад̇д̇ано санд̇игз табзси. д̇ад̇о т̇огам̣ барибхуд̇д̇аавасзсам̣ д̣̇исваа, ‘‘маа ид̣̇ам̣ нассий’’д̇и бан̣н̣зна взтзд̇ваа д̇ин̣аг̇аханз табзси. буна згасмим̣ д̣̇ивасз яааг̇убаанагаалз сад̇им̣ гад̇ваа ологзнд̇о д̇ам̣ д̣̇исваа г̇анд̇хаарисим̣ убасан̇гамид̇ваа, ‘‘ид̇о т̇огам̣ г̇ан̣хат̇а аажарияаа’’д̇и ааха. гуд̇о д̇з лад̣̇д̇хам̣ взд̣̇зхисийд̇и? д̇асмим̣ д̣̇ивасз барибхуд̇д̇аавасзсам̣ ‘‘маа нассий’’д̇и маяаа табид̇анд̇и. г̇анд̇хаариси г̇ахзд̇ум̣ на ижчад̇и, алон̣агам̣язва яааг̇ум̣ бивид̇ваа взд̣̇зхам̣ исим̣ авожа –
Atīte kira gandhārarājā ca vedeharājā ca dvepi sahāyakā hutvā kāmesu ādīnavaṃ disvā rajjāni puttānaṃ niyyātetvā isipabbajjaṃ pabbajitvā ekasmiṃ araññagāmake piṇḍāya caranti. Paccanto nāma dullabhaloṇo hoti. Tato aloṇaṃ yāguṃ labhitvā ekissāya sālāya nisīditvā pivanti. Antarantare manussā loṇacuṇṇaṃ āharitvā denti. Ekadivasaṃ eko vedehisissa paṇṇe pakkhipitvā loṇacuṇṇaṃ adāsi . Vedehisi gahetvā upaḍḍhaṃ gandhārisissa-santike ṭhapetvā upaḍḍhaṃ attano santike ṭhapesi. Tato thokaṃ paribhuttāvasesaṃ disvā, ‘‘mā idaṃ nassī’’ti paṇṇena veṭhetvā tiṇagahane ṭhapesi. Puna ekasmiṃ divase yāgupānakāle satiṃ katvā olokento taṃ disvā gandhārisiṃ upasaṅkamitvā, ‘‘ito thokaṃ gaṇhatha ācariyā’’ti āha. Kuto te laddhaṃ vedehisīti? Tasmiṃ divase paribhuttāvasesaṃ ‘‘mā nassī’’ti mayā ṭhapitanti. Gandhārisi gahetuṃ na icchati, aloṇakaṃyeva yāguṃ pivitvā vedehaṃ isiṃ avoca –
‘‘хид̇ваа г̇аамасахассаани, барибун̣н̣аани сол̣аса;
‘‘Hitvā gāmasahassāni, paripuṇṇāni soḷasa;
годтааг̇аараани пийд̇аани, саннид̇хим̣ д̣̇аани губ̣б̣асий’’д̇и. (ж̇аа. 1.7.76);
Koṭṭhāgārāni phītāni, sannidhiṃ dāni kubbasī’’ti. (jā. 1.7.76);
взд̣̇зхиси авожа – ‘‘д̇умхз раж̇ж̇ам̣ бахааяа баб̣б̣аж̇ид̇аа, ид̣̇аани гасмаа лон̣ажун̣н̣амад̇д̇асаннид̇хигааран̣аа баб̣б̣аж̇ж̇ааяа анужчавигам̣ на гарот̇аа’’д̇и? гим̣ маяаа гад̇ам̣ взд̣̇зхисийд̇и? ат̇а нам̣ ааха –
Vedehisi avoca – ‘‘tumhe rajjaṃ pahāya pabbajitā, idāni kasmā loṇacuṇṇamattasannidhikāraṇā pabbajjāya anucchavikaṃ na karothā’’ti? Kiṃ mayā kataṃ vedehisīti? Atha naṃ āha –
‘‘хид̇ваа г̇анд̇хаарависаяам̣, бахууд̇ад̇ханад̇хаарияам̣;
‘‘Hitvā gandhāravisayaṃ, pahūtadhanadhāriyaṃ;
басаасанад̇о нигканд̇о, ид̇ха д̣̇аани басаасасий’’д̇и. (ж̇аа. 1.7.77);
Pasāsanato nikkhanto, idha dāni pasāsasī’’ti. (jā. 1.7.77);
г̇анд̇хааро ааха –
Gandhāro āha –
‘‘д̇хаммам̣ бхан̣аами взд̣̇зха, ад̇хаммо мз на ружжад̇и;
‘‘Dhammaṃ bhaṇāmi vedeha, adhammo me na ruccati;
д̇хаммам̣ мз бхан̣амаанасса, на баабамубалимбад̇ий’’д̇и. (ж̇аа. 1.7.78);
Dhammaṃ me bhaṇamānassa, na pāpamupalimpatī’’ti. (jā. 1.7.78);
взд̣̇зхо ааха –
Vedeho āha –
‘‘язна гзнажи ван̣н̣зна, баро лабхад̇и руббанам̣;
‘‘Yena kenaci vaṇṇena, paro labhati ruppanaṃ;
махад̇т̇ияамби жз ваажам̣, на д̇ам̣ бхаасзяяа бан̣д̣ид̇о’’д̇и. (ж̇аа. 1.7.79);
Mahatthiyampi ce vācaṃ, na taṃ bhāseyya paṇḍito’’ti. (jā. 1.7.79);
г̇анд̇хааро ааха –
Gandhāro āha –
‘‘гаамам̣ руббад̇у ваа маа ваа, бхусам̣ва вигирийяад̇у;
‘‘Kāmaṃ ruppatu vā mā vā, bhusaṃva vikirīyatu;
д̇хаммам̣ мз бхан̣амаанасса, на баабамубалимбад̇ий’’д̇и. (ж̇аа. 1.7.80);
Dhammaṃ me bhaṇamānassa, na pāpamupalimpatī’’ti. (jā. 1.7.80);
д̇ад̇о взд̣̇зхиси яасса сагааби б̣уд̣̇д̇хи над̇т̇и, аажарияасанд̇игз винаяам̣ на сигкад̇и, со анд̇хамахим̣со вияа ванз жарад̇ийд̇и жинд̇зд̇ваа ааха –
Tato vedehisi yassa sakāpi buddhi natthi, ācariyasantike vinayaṃ na sikkhati, so andhamahiṃso viya vane caratīti cintetvā āha –
‘‘но жз асса сагаа б̣уд̣̇д̇хи, винаяо ваа сусигкид̇о;
‘‘No ce assa sakā buddhi, vinayo vā susikkhito;
ванз анд̇хамахим̣сова, жарзяяа б̣ахуго ж̇ано.
Vane andhamahiṃsova, careyya bahuko jano.
яасмаа жа банид̇хзгажжз, аажзрамхи сусигкид̇аа;
Yasmā ca panidhekacce, āceramhi susikkhitā;
д̇асмаа винийд̇авинаяаа, жаранд̇и сусамаахид̇аа’’д̇и. (ж̇аа. 1.7.81-82);
Tasmā vinītavinayā, caranti susamāhitā’’ti. (jā. 1.7.81-82);
зван̃жа бана вад̇ваа взд̣̇зхиси аж̇аанид̇ваа маяаа гад̇анд̇и г̇анд̇хаарисим̣ камаабзси. д̇з убхоби д̇абам̣ жарид̇ваа б̣рахмалогам̣ аг̇амам̣су. звам̣ д̇ат̇ааг̇ад̇асса б̣од̇хисад̇д̇агаалзби д̣̇ийгхарад̇д̇ам̣ ааж̇ийвадтамагасийлам̣ барисуд̣̇д̇хам̣ ахоси.
Evañca pana vatvā vedehisi ajānitvā mayā katanti gandhārisiṃ khamāpesi. Te ubhopi tapaṃ caritvā brahmalokaṃ agamaṃsu. Evaṃ tathāgatassa bodhisattakālepi dīgharattaṃ ājīvaṭṭhamakasīlaṃ parisuddhaṃ ahosi.
уд̇д̇аж̇жхаабанно аяамааяасмаа бхигку яасабад̇д̇од̇и аяамааяасмаа амхаагам̣ сад̇т̇аа бхигку н̃ад̇д̇ам̣ бан̃н̃аад̇абхаавам̣ баагадабхаавам̣ аж̇жхаабанно ну ко, саяан̃жа бариваарасамбад̇д̇им̣ бад̇д̇о ну ко нод̇и. д̇зна жасса бан̃н̃аад̇аж̇жхаабаннабхаавзна яасасанниссид̇абхаавзна жа гим̣ згажжз аад̣̇ийнаваа санд̣̇иссанд̇и уд̣̇ааху нод̇и звам̣ саманнзсанд̇ууд̇и д̣̇ассзд̇и. на д̇аава, бхигкавзд̇и, бхигкавз, яаава бхигку на рааж̇арааж̇амахаамад̇д̇аад̣̇ийсу абхин̃н̃аад̇абхаавам̣ ваа бариваарасамбад̇д̇им̣ ваа аабанно ход̇и, д̇аава згажжз маанаад̇имаанаад̣̇аяо аад̣̇ийнаваа на сам̣виж̇ж̇анд̇и убасанд̇уубасанд̇о вияа сод̇аабанно вияа сагад̣̇ааг̇аамий вияа жа вихарад̇и. арияо ну ко бут̇уж̇ж̇ано ну код̇иби н̃аад̇ум̣ на саггаа ход̇и.
Uttajjhāpanno ayamāyasmā bhikkhu yasapattoti ayamāyasmā amhākaṃ satthā bhikkhu ñattaṃ paññātabhāvaṃ pākaṭabhāvaṃ ajjhāpanno nu kho, sayañca parivārasampattiṃ patto nu kho noti. Tena cassa paññātajjhāpannabhāvena yasasannissitabhāvena ca kiṃ ekacce ādīnavā sandissanti udāhu noti evaṃ samannesantūti dasseti. Na tāva, bhikkhaveti, bhikkhave, yāva bhikkhu na rājarājamahāmattādīsu abhiññātabhāvaṃ vā parivārasampattiṃ vā āpanno hoti, tāva ekacce mānātimānādayo ādīnavā na saṃvijjanti upasantūpasanto viya sotāpanno viya sakadāgāmī viya ca viharati. Ariyo nu kho puthujjano nu khotipi ñātuṃ na sakkā hoti.
яад̇о жа ко, бхигкавзд̇и яад̣̇аа бана ид̇хзгажжо бхигку н̃аад̇о ход̇и бариваарасамбанно ваа, д̇ад̣̇аа д̇ин̣хзна син̇г̇зна г̇ог̇ан̣ам̣ виж̇жханд̇о д̣̇удтаг̇он̣о вияа, миг̇асан̇гхам̣ абхимад̣̇д̣̇амаано д̣̇ийби вияа жа ан̃н̃з бхигкуу д̇ад̇т̇а д̇ад̇т̇а виж̇жханд̇о аг̇аараво асабхааг̇авуд̇д̇и аг̇г̇абаад̣̇зна бхуумим̣ пусанд̇о вияа жарад̇и. згажжо бана гулабуд̇д̇о яат̇аа яат̇аа н̃аад̇о ход̇и яасассий, д̇ат̇аа д̇ат̇аа палабхаарабхарид̇о вияа саали судтуд̇арам̣ онамад̇и, рааж̇арааж̇амахаамад̇д̇аад̣̇ийсу убасан̇гаманд̇зсу агин̃жанабхаавам̣ бажжавзгкид̇ваа саман̣асан̃н̃ам̣ убадтабзд̇ваа чиннависаан̣аусабхо вияа, жан̣д̣аалад̣̇аараго вияа жа сорад̇о ниваад̇о нийжажид̇д̇о худ̇ваа бхигкусан̇гхасса жзва сад̣̇звагасса жа логасса, хид̇ааяа сукааяа бадибаж̇ж̇ад̇и. зваруубам̣ бадибад̇д̇им̣ санд̇хааяа ‘‘наасса ид̇хзгажжз аад̣̇ийнаваа’’д̇и ааха.
Yatoca kho, bhikkhaveti yadā pana idhekacco bhikkhu ñāto hoti parivārasampanno vā, tadā tiṇhena siṅgena gogaṇaṃ vijjhanto duṭṭhagoṇo viya, migasaṅghaṃ abhimaddamāno dīpi viya ca aññe bhikkhū tattha tattha vijjhanto agāravo asabhāgavutti aggapādena bhūmiṃ phusanto viya carati. Ekacco pana kulaputto yathā yathā ñāto hoti yasassī, tathā tathā phalabhārabharito viya sāli suṭṭhutaraṃ onamati, rājarājamahāmattādīsu upasaṅkamantesu akiñcanabhāvaṃ paccavekkhitvā samaṇasaññaṃ upaṭṭhapetvā chinnavisāṇausabho viya, caṇḍāladārako viya ca sorato nivāto nīcacitto hutvā bhikkhusaṅghassa ceva sadevakassa ca lokassa, hitāya sukhāya paṭipajjati. Evarūpaṃ paṭipattiṃ sandhāya ‘‘nāssa idhekacce ādīnavā’’ti āha.
д̇ат̇ааг̇ад̇о бана адтасу логад̇хаммзсу д̇аад̣̇ий, со хи лаабхзби д̇аад̣̇ий, алаабхзби д̇аад̣̇ий, яасзби д̇аад̣̇ий, аяасзби д̇аад̣̇ий, басам̣сааяаби д̇аад̣̇ий, нинд̣̇ааяаби д̇аад̣̇ий, сукзби д̇аад̣̇ий, д̣̇угкзби д̇аад̣̇ий, д̇асмаа саб̣б̣аагаарзна наасса ид̇хзгажжз аад̣̇ийнаваа сам̣виж̇ж̇анд̇и. абхаяуубарад̇од̇и абхаяо худ̇ваа убарад̇о, ажжанд̇уубарад̇о сад̇ад̇уубарад̇од̇и ад̇т̇о. на ваа бхаязна убарад̇од̇иби абхаяуубарад̇о. жад̇д̇аари хи бхаяаани гилзсабхаяам̣ ваддабхаяам̣ д̣̇уг̇г̇ад̇ибхаяам̣ убаваад̣̇абхаяанд̇и. бут̇уж̇ж̇ано жад̇уухиби бхаязхи бхааяад̇и. сзгкаа д̇ийхи, д̇зсан̃хи д̣̇уг̇г̇ад̇ибхаяам̣ бахийнам̣, ид̇и сад̇д̇а сзгкаа бхаяуубарад̇аа, кийн̣аасаво абхаяуубарад̇о наама, д̇асса хи згамби бхаяам̣ над̇т̇и. гим̣ бараваад̣̇абхаяам̣ над̇т̇ийд̇и? над̇т̇и. бараануд̣̇д̣̇аяам̣ бана бадижжа, ‘‘маад̣̇исам̣ кийн̣аасавам̣ бадижжа сад̇д̇аа маа нассанд̇уу’’д̇и убаваад̣̇ам̣ рагкад̇и. муулуббалаваабивихаараваасий яасад̇т̇зро вияа.
Tathāgato pana aṭṭhasu lokadhammesu tādī, so hi lābhepi tādī, alābhepi tādī, yasepi tādī, ayasepi tādī, pasaṃsāyapi tādī, nindāyapi tādī, sukhepi tādī, dukkhepi tādī, tasmā sabbākārena nāssa idhekacce ādīnavā saṃvijjanti. Abhayūparatoti abhayo hutvā uparato, accantūparato satatūparatoti attho. Na vā bhayena uparatotipi abhayūparato. Cattāri hi bhayāni kilesabhayaṃ vaṭṭabhayaṃ duggatibhayaṃ upavādabhayanti. Puthujjano catūhipi bhayehi bhāyati. Sekkhā tīhi, tesañhi duggatibhayaṃ pahīnaṃ, iti satta sekkhā bhayūparatā, khīṇāsavo abhayūparato nāma, tassa hi ekampi bhayaṃ natthi. Kiṃ paravādabhayaṃ natthīti? Natthi. Parānuddayaṃ pana paṭicca, ‘‘mādisaṃ khīṇāsavaṃ paṭicca sattā mā nassantū’’ti upavādaṃ rakkhati. Mūluppalavāpivihāravāsī yasatthero viya.
т̇зро гира муулуббалаваабиг̇аамам̣ бин̣д̣ааяа баависи. ат̇асса убадтаагагулад̣̇ваарам̣ бад̇д̇асса бад̇д̇ам̣ г̇ахзд̇ваа т̇ан̣д̣илабийтагам̣ ниссааяа аасанам̣ бан̃н̃абзсум̣. амажжад̇хийд̇ааби д̇ам̣язва бийтагам̣ ниссааяа барад̇обхааг̇з нийжад̇арам̣ аасанам̣ бан̃н̃аабзд̇ваа нисийд̣̇и. зго нзваасиго бхигку бажчаа бин̣д̣ааяа бавидто д̣̇ваарз тад̇ваава ологзнд̇о т̇зро амажжад̇хийд̇араа сад̣̇д̇хим̣ згаман̃жз нисиннод̇и саллагкзд̇ваа, ‘‘аяам̣ бам̣сугуулиго вихаарзва убасанд̇уубасанд̇о вияа вихарад̇и, анд̇ог̇аамз бана убадтааяигаахи сад̣̇д̇хим̣ згаман̃жз нисийд̣̇ад̇ий’’д̇и жинд̇зд̇ваа, ‘‘гим̣ ну ко маяаа д̣̇уд̣̇д̣̇идта’’нд̇и бунаббунам̣ ологзд̇ваа д̇ат̇аасан̃н̃ийва худ̇ваа баггаами. т̇зроби бхад̇д̇агижжам̣ гад̇ваа вихаарам̣ г̇анд̇ваа васанадтаанам̣ бависид̇ваа д̣̇ваарам̣ бид̇хааяа нисийд̣̇и. нзваасигоби гад̇абхад̇д̇агижжо вихаарам̣ г̇анд̇ваа, ‘‘д̇ам̣ бам̣сугуулигам̣ ниг̇г̇ан̣хид̇ваа вихаараа ниггад̣дхиссаамий’’д̇и асан̃н̃ад̇анийхаарзна т̇зрасса васанадтаанам̣ г̇анд̇ваа барибхог̇агхадад̇о улун̇гзна уд̣̇агам̣ г̇ахзд̇ваа махаасад̣̇д̣̇ам̣ гаронд̇о баад̣̇з д̇хови. т̇зро, ‘‘го ну ко аяам̣ асан̃н̃ад̇ажаариго’’д̇и ааваж̇ж̇анд̇о саб̣б̣ам̣ н̃ад̇ваа, ‘‘аяам̣ маяи манам̣ бад̣̇осзд̇ваа абааяуубаг̇о маа ахосий’’д̇и взхаасам̣ аб̣бхуг̇г̇анд̇ваа ган̣н̣игааман̣д̣аласамийбз баллан̇гзна нисийд̣̇и. нзваасиго д̣̇удтаагаарзна гхадигам̣ угкибид̇ваа д̣̇ваарам̣ виварид̇ваа анд̇о бавидто т̇зрам̣ абассанд̇о, ‘‘хздтааман̃жам̣ бавидто бхависсад̇ий’’д̇и ологзд̇ваа д̇ад̇т̇ааби абассанд̇о нигкамид̇ум̣ аарабхи. т̇зро уггааси. ид̇аро уд̣̇д̇хам̣ ологзнд̇о д̣̇исваа ад̇хиваасзд̇ум̣ асаггонд̇о звамааха – ‘‘бад̇ируубам̣ д̇з, аавусо, бам̣сугуулига звам̣ аанубхаавасамбаннасса убадтааяигааяа сад̣̇д̇хим̣ згаман̃жз нисийд̣̇ид̇у’’нд̇и. баб̣б̣аж̇ид̇аа наама, бханд̇з, маад̇уг̇аамзна сад̣̇д̇хим̣ на згаман̃жз нисийд̣̇анд̇и, д̇умхзхи бана д̣̇уд̣̇д̣̇идтамзд̇анд̇и. звам̣ кийн̣аасаваа бараануд̣̇д̣̇аяааяа убаваад̣̇ам̣ рагканд̇и.
Thero kira mūluppalavāpigāmaṃ piṇḍāya pāvisi. Athassa upaṭṭhākakuladvāraṃ pattassa pattaṃ gahetvā thaṇḍilapīṭhakaṃ nissāya āsanaṃ paññapesuṃ. Amaccadhītāpi taṃyeva pīṭhakaṃ nissāya paratobhāge nīcataraṃ āsanaṃ paññāpetvā nisīdi. Eko nevāsiko bhikkhu pacchā piṇḍāya paviṭṭho dvāre ṭhatvāva olokento thero amaccadhītarā saddhiṃ ekamañce nisinnoti sallakkhetvā, ‘‘ayaṃ paṃsukūliko vihāreva upasantūpasanto viya viharati, antogāme pana upaṭṭhāyikāhi saddhiṃ ekamañce nisīdatī’’ti cintetvā, ‘‘kiṃ nu kho mayā duddiṭṭha’’nti punappunaṃ oloketvā tathāsaññīva hutvā pakkāmi. Theropi bhattakiccaṃ katvā vihāraṃ gantvā vasanaṭṭhānaṃ pavisitvā dvāraṃ pidhāya nisīdi. Nevāsikopi katabhattakicco vihāraṃ gantvā, ‘‘taṃ paṃsukūlikaṃ niggaṇhitvā vihārā nikkaḍḍhissāmī’’ti asaññatanīhārena therassa vasanaṭṭhānaṃ gantvā paribhogaghaṭato uluṅkena udakaṃ gahetvā mahāsaddaṃ karonto pāde dhovi. Thero, ‘‘ko nu kho ayaṃ asaññatacāriko’’ti āvajjanto sabbaṃ ñatvā, ‘‘ayaṃ mayi manaṃ padosetvā apāyūpago mā ahosī’’ti vehāsaṃ abbhuggantvā kaṇṇikāmaṇḍalasamīpe pallaṅkena nisīdi. Nevāsiko duṭṭhākārena ghaṭikaṃ ukkhipitvā dvāraṃ vivaritvā anto paviṭṭho theraṃ apassanto, ‘‘heṭṭhāmañcaṃ paviṭṭho bhavissatī’’ti oloketvā tatthāpi apassanto nikkhamituṃ ārabhi. Thero ukkāsi. Itaro uddhaṃ olokento disvā adhivāsetuṃ asakkonto evamāha – ‘‘patirūpaṃ te, āvuso, paṃsukūlika evaṃ ānubhāvasampannassa upaṭṭhāyikāya saddhiṃ ekamañce nisīditu’’nti. Pabbajitā nāma, bhante, mātugāmena saddhiṃ na ekamañce nisīdanti, tumhehi pana duddiṭṭhametanti. Evaṃ khīṇāsavā parānuddayāya upavādaṃ rakkhanti.
каяаа рааг̇ассаад̇и рааг̇асса каязнзва. вийд̇арааг̇ад̇д̇аа гаамз на бадисзвад̇и, на бадисан̇кааяа ваарзд̇ваад̇и. д̇ан̃жзд̇и звам̣ д̇ат̇ааг̇ад̇асса гилзсаббахаанам̣ н̃ад̇ваа д̇ад̇т̇а д̇ад̇т̇а тид̇анисиннагаалаад̣̇ийсуби жад̇убарисамаж̇жхз алан̇гад̇ад̇хаммаасанз нисийд̣̇ид̇вааби ид̇иби сад̇т̇аа вийд̇арааг̇о вийд̇ад̣̇осо вийд̇амохо ванд̇агилзсо бахийнамало аб̣бхаа муд̇д̇абун̣н̣ажанд̣̇о вияа субарисуд̣̇д̇ход̇и звам̣ д̇ат̇ааг̇ад̇асса гилзсаббахаанз ван̣н̣ам̣ гат̇аяамаанам̣ д̇ам̣ виймам̣сагам̣ бхигкум̣ барз звам̣ бужчзяяум̣ жзд̇и ад̇т̇о.
Khayā rāgassāti rāgassa khayeneva. Vītarāgattā kāme na paṭisevati, na paṭisaṅkhāya vāretvāti. Tañceti evaṃ tathāgatassa kilesappahānaṃ ñatvā tattha tattha ṭhitanisinnakālādīsupi catuparisamajjhe alaṅkatadhammāsane nisīditvāpi itipi satthā vītarāgo vītadoso vītamoho vantakileso pahīnamalo abbhā muttapuṇṇacando viya suparisuddhoti evaṃ tathāgatassa kilesappahāne vaṇṇaṃ kathayamānaṃ taṃ vīmaṃsakaṃ bhikkhuṃ pare evaṃ puccheyyuṃ ceti attho.
аагаараад̇и гааран̣аани. анваяаад̇и ануб̣уд̣̇д̇хияо. сан̇гхз ваа вихаранд̇од̇и аббзгад̣̇аа абарижчиннаг̇ан̣анасса бхигкусан̇гхасса маж̇жхз вихаранд̇о. зго ваа вихаранд̇од̇и ижчаамахам̣, бхигкавз , ад̣дхамаасам̣ бадисаллийяид̇унд̇и, д̇змаасам̣ бадисаллийяид̇унд̇и звам̣ бадисаллаанз жзва баалилзяяагаванасан̣д̣з жа згаго вихаранд̇о. суг̇ад̇аад̇и судтуг̇ад̇аа суббадибаннаа гаарагаа яуд̇д̇абаяуд̇д̇аа. зваруубааби хи згажжз бхигкуу ад̇т̇и. д̣̇уг̇г̇ад̇аад̇и д̣̇удтуг̇ад̇аа д̣̇уббадибаннаа гааяад̣̇ал̣хиб̣ахулаа виссадтагаммадтаанаа. зваруубааби згажжз ад̇т̇и. г̇ан̣аманусаасанд̇ийд̇и г̇ан̣аб̣анд̇ханзна б̣ад̣̇д̇хаа г̇ан̣аараамаа г̇ан̣аб̣ахулигаа худ̇ваа г̇ан̣ам̣ барихаранд̇и. зваруубааби згажжз ад̇т̇и. д̇зсам̣ бадибагкабхууд̇аа г̇ан̣ад̇о ниссадаа висам̣садтаа виббамуд̇д̇авихаариноби ад̇т̇и.
Ākārāti kāraṇāni. Anvayāti anubuddhiyo. Saṅghe vā viharantoti appekadā aparicchinnagaṇanassa bhikkhusaṅghassa majjhe viharanto. Eko vā viharantoti icchāmahaṃ, bhikkhave , aḍḍhamāsaṃ paṭisallīyitunti, temāsaṃ paṭisallīyitunti evaṃ paṭisallāne ceva pālileyyakavanasaṇḍe ca ekako viharanto. Sugatāti suṭṭhugatā suppaṭipannā kārakā yuttapayuttā. Evarūpāpi hi ekacce bhikkhū atthi. Duggatāti duṭṭhugatā duppaṭipannā kāyadaḷhibahulā vissaṭṭhakammaṭṭhānā. Evarūpāpi ekacce atthi. Gaṇamanusāsantīti gaṇabandhanena baddhā gaṇārāmā gaṇabahulikā hutvā gaṇaṃ pariharanti. Evarūpāpi ekacce atthi. Tesaṃ paṭipakkhabhūtā gaṇato nissaṭā visaṃsaṭṭhā vippamuttavihārinopi atthi.
аамисзсу санд̣̇иссанд̇ийд̇и аамисаг̇ид̣̇д̇хаа аамисажагкугаа жад̇убажжаяааамисад̇т̇амзва аахин̣д̣амаанаа аамисзсу санд̣̇иссамаанагабхигкууби ад̇т̇и. аамисзна анубалид̇д̇аа жад̇уухи бажжаязхи винивад̇д̇амаанасаа аб̣бхаа муд̇д̇ажанд̣̇асад̣̇исаа худ̇ваа вихарамаанааби ад̇т̇и. нааяамааяасмаа д̇ам̣ д̇зна аваж̇аанаад̇ийд̇и аяам̣ ааяасмаа сад̇т̇аа д̇ааяа д̇ааяа бадибад̇д̇ияаа д̇ам̣ д̇ам̣ буг̇г̇алам̣ нааваж̇аанаад̇и, аяам̣ бадибанно гаараго, аяам̣ г̇ан̣ад̇о ниссадо висам̣садто. аяам̣ аамисзна анубалид̇д̇о бажжаязхи винивад̇д̇амаанасо аб̣бхаа муд̇д̇о жанд̣̇имаа вияаад̇и звамасса г̇зхасид̇авасзна уссаад̣̇анааби над̇т̇и. аяам̣ д̣̇уббадибанно агаараго гааяад̣̇ал̣хиб̣ахуло виссадтагаммадтаано, аяам̣ г̇ан̣аб̣анд̇ханаб̣ад̣̇д̇хо, аяам̣ аамисаг̇ид̣̇д̇хо лоло аамисажагкугод̇и звамасса г̇зхасид̇авасзна абасаад̣̇анааби над̇т̇ийд̇и ад̇т̇о. иминаа гим̣ гат̇ид̇ам̣ ход̇и? д̇ат̇ааг̇ад̇асса сад̇д̇зсу д̇аад̣̇ибхааво гат̇ид̇о ход̇и. аяан̃хи –
Āmisesu sandissantīti āmisagiddhā āmisacakkhukā catupaccayaāmisatthameva āhiṇḍamānā āmisesu sandissamānakabhikkhūpi atthi. Āmisena anupalittā catūhi paccayehi vinivattamānasā abbhā muttacandasadisā hutvā viharamānāpi atthi. Nāyamāyasmā taṃ tena avajānātīti ayaṃ āyasmā satthā tāya tāya paṭipattiyā taṃ taṃ puggalaṃ nāvajānāti, ayaṃ paṭipanno kārako, ayaṃ gaṇato nissaṭo visaṃsaṭṭho. Ayaṃ āmisena anupalitto paccayehi vinivattamānaso abbhā mutto candimā viyāti evamassa gehasitavasena ussādanāpi natthi. Ayaṃ duppaṭipanno akārako kāyadaḷhibahulo vissaṭṭhakammaṭṭhāno, ayaṃ gaṇabandhanabaddho, ayaṃ āmisagiddho lolo āmisacakkhukoti evamassa gehasitavasena apasādanāpi natthīti attho. Iminā kiṃ kathitaṃ hoti? Tathāgatassa sattesu tādibhāvo kathito hoti. Ayañhi –
‘‘вад̇хагасса д̣̇звад̣̇ад̇д̇асса, жорассан̇г̇улимаалино;
‘‘Vadhakassa devadattassa, corassaṅgulimālino;
д̇ханабаалз раахулз жа, саб̣б̣зсам̣ самаго муний’’д̇и. (ми. ба. 6.6.5);
Dhanapāle rāhule ca, sabbesaṃ samako munī’’ti. (mi. pa. 6.6.5);
489. д̇ад̇ра, бхигкавзд̇и д̇зсу д̣̇вийсу виймам̣сагзсу. яо, ‘‘гз банааяасмад̇о аагаараа’’д̇и бужчааяам̣ ааг̇ад̇о г̇ан̣тивиймам̣саго жа, яо ‘‘абхаяуубарад̇о аяамааяасмаа’’д̇и ааг̇ад̇о муулавиймам̣саго жа. д̇зсу муулавиймам̣сагзна д̇ат̇ааг̇ад̇ова уд̇д̇ари бадибужчид̇аб̣б̣о. со хи буб̣б̣з барассзва гат̇ааяа нидтан̇г̇ад̇о. баро жа наама ж̇аанид̇вааби гат̇зяяа аж̇аанид̇вааби. звамасса гат̇аа бхууд̇ааби ход̇и абхууд̇ааби, д̇асмаа барассзва гат̇ааяа нидтам̣ аг̇анд̇ваа д̇ад̇о уд̇д̇ари д̇ат̇ааг̇ад̇ова бадибужчид̇аб̣б̣од̇и ад̇т̇о.
489.Tatra, bhikkhaveti tesu dvīsu vīmaṃsakesu. Yo, ‘‘ke panāyasmato ākārā’’ti pucchāyaṃ āgato gaṇṭhivīmaṃsako ca, yo ‘‘abhayūparato ayamāyasmā’’ti āgato mūlavīmaṃsako ca. Tesu mūlavīmaṃsakena tathāgatova uttari paṭipucchitabbo. So hi pubbe parasseva kathāya niṭṭhaṅgato. Paro ca nāma jānitvāpi katheyya ajānitvāpi. Evamassa kathā bhūtāpi hoti abhūtāpi, tasmā parasseva kathāya niṭṭhaṃ agantvā tato uttari tathāgatova paṭipucchitabboti attho.
б̣яаагарамаанод̇и зд̇т̇а яасмаа д̇ат̇ааг̇ад̇асса мижчааб̣яаагаран̣ам̣ наама над̇т̇и, д̇асмаа саммаа мижчаад̇и авад̇ваа б̣яаагарамаанод̇взва вуд̇д̇ам̣. зд̇ам̣ бат̇охамасми зд̇ам̣ г̇ожарод̇и зса маяхам̣ бат̇о зса г̇ожарод̇и ад̇т̇о. ‘‘зд̇аабаат̇о’’д̇иби баато, д̇ассад̇т̇о маяхам̣ ааж̇ийвадтамагасийлам̣ барисуд̣̇д̇хам̣, сваахам̣ д̇асса барисуд̣̇д̇хабхаавзна виймам̣сагасса бхигкуно н̃аан̣амукз зд̇аабаат̇о, звам̣ аабаат̇ам̣ г̇ажчаамийд̇и вуд̇д̇ам̣ ход̇и. но жа д̇зна д̇аммаяод̇и д̇знаби жаахам̣ барисуд̣̇д̇хзна сийлзна на д̇аммаяо, на сад̇ан̣хо, барисуд̣̇д̇хасийлад̇д̇аава нид̇д̇ан̣хохамасмийд̇и д̣̇ийбзд̇и.
Byākaramānoti ettha yasmā tathāgatassa micchābyākaraṇaṃ nāma natthi, tasmā sammā micchāti avatvā byākaramānotveva vuttaṃ. Etaṃ pathohamasmietaṃ gocaroti esa mayhaṃ patho esa gocaroti attho. ‘‘Etāpātho’’tipi pāṭho, tassattho mayhaṃ ājīvaṭṭhamakasīlaṃ parisuddhaṃ, svāhaṃ tassa parisuddhabhāvena vīmaṃsakassa bhikkhuno ñāṇamukhe etāpātho, evaṃ āpāthaṃ gacchāmīti vuttaṃ hoti. No ca tena tammayoti tenapi cāhaṃ parisuddhena sīlena na tammayo, na sataṇho, parisuddhasīlattāva nittaṇhohamasmīti dīpeti.
уд̇д̇аруд̇д̇арим̣ бан̣ийд̇абан̣ийд̇анд̇и уд̇д̇аруд̇д̇арим̣ жзва бан̣ийд̇ад̇аран̃жа гад̇ваа д̣̇зсзд̇и. ган̣хасуггасаббадибхааг̇анд̇и ган̣хам̣ жзва сугган̃жа, д̇ан̃жа ко саббадибхааг̇ам̣ савибагкам̣ гад̇ваа, ган̣хам̣ бадиб̣аахид̇ваа сугганд̇и суггам̣ бадиб̣аахид̇ваа ган̣ханд̇и звам̣ саббадибхааг̇ам̣ гад̇ваа ган̣хасуггам̣ д̣̇зсзд̇и. ган̣хам̣ д̣̇зсзнд̇оби сауссаахам̣ савибаагам̣ д̣̇зсзд̇и, суггам̣ д̣̇зсзнд̇оби сауссаахам̣ савибаагам̣ д̣̇зсзд̇и. абхин̃н̃ааяа ид̇хзгажжам̣ д̇хаммам̣ д̇хаммзсу нидтам̣ г̇ажчад̇ийд̇и д̇асмим̣ д̣̇зсид̇з д̇хаммз згажжам̣ бадивзд̇хад̇хаммам̣ абхин̃н̃ааяа д̇зна бадивзд̇хад̇хаммзна д̣̇зсанаад̇хаммз нидтам̣ г̇ажчад̇и. сад̇т̇ари басийд̣̇ад̇ийд̇и звам̣ д̇хаммз нидтам̣ г̇анд̇ваа бхияяосомад̇д̇ааяа саммаасамб̣уд̣̇д̇хо со бхаг̇аваад̇и сад̇т̇ари басийд̣̇ад̇и. д̇зна бана бхаг̇авад̇аа яо д̇хаммо агкаад̇о, соби сваагкаад̇о бхаг̇авад̇аа д̇хаммо нияяаанигад̇д̇аа. яваасса д̇ам̣ д̇хаммам̣ бадибанно сан̇гхо, соби суббадибанно ван̇гаад̣̇ид̣̇осарахид̇ам̣ бадибад̣̇ам̣ бадибаннад̇д̇аад̇и звам̣ д̇хаммз сан̇гхзби басийд̣̇ад̇и. д̇ан̃жзд̇и д̇ам̣ звам̣ басаннам̣ д̇ад̇т̇а д̇ад̇т̇а д̇ин̣н̣ам̣ рад̇анаанам̣ ван̣н̣ам̣ гат̇знд̇ам̣ бхигкум̣.
Uttaruttariṃpaṇītapaṇītanti uttaruttariṃ ceva paṇītatarañca katvā deseti. Kaṇhasukkasappaṭibhāganti kaṇhaṃ ceva sukkañca, tañca kho sappaṭibhāgaṃ savipakkhaṃ katvā, kaṇhaṃ paṭibāhitvā sukkanti sukkaṃ paṭibāhitvā kaṇhanti evaṃ sappaṭibhāgaṃ katvā kaṇhasukkaṃ deseti. Kaṇhaṃ desentopi saussāhaṃ savipākaṃ deseti, sukkaṃ desentopi saussāhaṃ savipākaṃ deseti. Abhiññāya idhekaccaṃ dhammaṃ dhammesu niṭṭhaṃ gacchatīti tasmiṃ desite dhamme ekaccaṃ paṭivedhadhammaṃ abhiññāya tena paṭivedhadhammena desanādhamme niṭṭhaṃ gacchati. Satthari pasīdatīti evaṃ dhamme niṭṭhaṃ gantvā bhiyyosomattāya sammāsambuddho so bhagavāti satthari pasīdati. Tena pana bhagavatā yo dhammo akkhāto, sopi svākkhāto bhagavatā dhammo niyyānikattā. Yvāssa taṃ dhammaṃ paṭipanno saṅgho, sopi suppaṭipanno vaṅkādidosarahitaṃ paṭipadaṃ paṭipannattāti evaṃ dhamme saṅghepi pasīdati. Tañceti taṃ evaṃ pasannaṃ tattha tattha tiṇṇaṃ ratanānaṃ vaṇṇaṃ kathentaṃ bhikkhuṃ.
490. имзхи аагаарзхийд̇и имзхи сад̇т̇увиймам̣санагааран̣зхи. имзхи бад̣̇зхийд̇и имзхи агкарасамбин̣д̣анабад̣̇зхи. имзхи б̣яан̃ж̇анзхийд̇и имзхи ид̇ха вуд̇д̇зхи агкарзхи. сад̣̇д̇хаа нивидтаад̇и огаббанаа бад̇идтид̇аа. муулаж̇аад̇аад̇и сод̇аабад̇д̇имаг̇г̇авасзна сан̃ж̇аад̇амуулаа. сод̇аабад̇д̇имаг̇г̇о хи сад̣̇д̇хааяа муулам̣ наама. аагааравад̇ийд̇и гааран̣ам̣ бариязсид̇ваа г̇ахид̇ад̇д̇аа сагааран̣аа. д̣̇ассанамуулигаад̇и сод̇аабад̇д̇имаг̇г̇амуулигаа. со хи д̣̇ассананд̇и вужжад̇и. д̣̇ал̣хаад̇и т̇ираа. асам̣хаарияаад̇и харид̇ум̣ на саггаа. саман̣зна ваад̇и самид̇абаабасаман̣зна ваа. б̣раахман̣зна ваад̇и б̣аахид̇абаабаб̣раахман̣зна ваа. д̣̇звзна ваад̇и убабад̇д̇ид̣̇звзна ваа. маарзна ваад̇и васавад̇д̇имаарзна ваа, сод̇аабаннасса хи васавад̇д̇имаарзнааби сад̣̇д̇хаа асам̣хаарияаа ход̇и суурамб̣адтасса вияа.
490.Imehi ākārehīti imehi satthuvīmaṃsanakāraṇehi. Imehi padehīti imehi akkharasampiṇḍanapadehi. Imehi byañjanehīti imehi idha vuttehi akkharehi. Saddhā niviṭṭhāti okappanā patiṭṭhitā. Mūlajātāti sotāpattimaggavasena sañjātamūlā. Sotāpattimaggo hi saddhāya mūlaṃ nāma. Ākāravatīti kāraṇaṃ pariyesitvā gahitattā sakāraṇā. Dassanamūlikāti sotāpattimaggamūlikā. So hi dassananti vuccati. Daḷhāti thirā. Asaṃhāriyāti harituṃ na sakkā. Samaṇena vāti samitapāpasamaṇena vā. Brāhmaṇena vāti bāhitapāpabrāhmaṇena vā. Devena vāti upapattidevena vā. Mārena vāti vasavattimārena vā, sotāpannassa hi vasavattimārenāpi saddhā asaṃhāriyā hoti sūrambaṭṭhassa viya.
со гира сад̇т̇у д̇хаммад̣̇зсанам̣ суд̇ваа сод̇аабанно худ̇ваа г̇зхам̣ ааг̇ад̇о. ат̇а мааро д̣̇вад̇д̇им̣саваралагкан̣аббадиман̣д̣ид̇ам̣ б̣уд̣̇д̇харуубам̣ маабзд̇ваа д̇асса гхарад̣̇ваарз тад̇ваа – ‘‘сад̇т̇аа ааг̇ад̇о’’д̇и саасанам̣ бахин̣и. сууро жинд̇зси, ‘‘ахам̣ ид̣̇аанзва сад̇т̇у санд̇игаа д̇хаммам̣ суд̇ваа ааг̇ад̇о, гим̣ ну ко бхависсад̇ий’’д̇и убасан̇гамид̇ваа сад̇т̇усан̃н̃ааяа ванд̣̇ид̇ваа адтааси. мааро ааха – ‘‘яам̣ д̇з маяаа, суурамб̣адта, руубам̣ анижжам̣…бз… вин̃н̃аан̣ам̣ анижжанд̇и гат̇ид̇ам̣, д̇ам̣ анубад̇хаарзд̇ваава сахасаа маяаа звам̣ вуд̇д̇ам̣. д̇асмаа д̇вам̣ руубам̣ нижжам̣…бз… вин̃н̃аан̣ам̣ нижжанд̇и г̇ан̣хаахий’’д̇и. сууро жинд̇зси – ‘‘адтаанамзд̇ам̣, яам̣ б̣уд̣̇д̇хаа анубад̇хаарзд̇ваа абажжагкам̣ гад̇ваа гин̃жи гат̇зяяум̣, ад̣̇д̇хаа аяам̣ маяхам̣ виб̣аад̇ханад̇т̇ам̣ мааро ааг̇ад̇о’’д̇и. д̇ад̇о нам̣ д̇вам̣ маарод̇и ааха. со мусааваад̣̇ам̣ гаад̇ум̣ наасагки, аама мааросмийд̇и бадиж̇аани. гасмаа ааг̇ад̇осийд̇и вуд̇д̇з д̇ава сад̣̇д̇хаажааланад̇т̇анд̇и ааха. ган̣ха баабима, д̇вам̣ д̇аава згаго д̇идта, д̇аад̣̇исаанам̣ маараанам̣ сад̇амби сахассамби мама сад̣̇д̇хам̣ жаалзд̇ум̣ асамад̇т̇ам̣, маг̇г̇зна ааг̇ад̇аа сад̣̇д̇хаа наама силаабат̇авияам̣ бад̇идтид̇асинзру вияа ажалаа ход̇и, гим̣ д̇вам̣ зд̇т̇аад̇и ажчарам̣ бахари. со таад̇ум̣ асаггонд̇о д̇ад̇т̇званд̇арад̇хааяи. б̣рахмунаа ваад̇и б̣рахмагааяигаад̣̇ийсу ан̃н̃ад̇араб̣рахмунаа ваа. гзнажи ваа логасминд̇и зд̇з саман̣аад̣̇аяо табзд̇ваа ан̃н̃знаби гзнажи ваа логасмим̣ харид̇ум̣ на саггаа. д̇хаммасаманнзсанаад̇и сабхаавасаманнзсанаа. д̇хаммад̇аасусаманнидтод̇и д̇хаммад̇ааяа сусаманнидто, сабхаавзнзва судту саманнзсид̇о ход̇ийд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
So kira satthu dhammadesanaṃ sutvā sotāpanno hutvā gehaṃ āgato. Atha māro dvattiṃsavaralakkhaṇappaṭimaṇḍitaṃ buddharūpaṃ māpetvā tassa gharadvāre ṭhatvā – ‘‘satthā āgato’’ti sāsanaṃ pahiṇi. Sūro cintesi, ‘‘ahaṃ idāneva satthu santikā dhammaṃ sutvā āgato, kiṃ nu kho bhavissatī’’ti upasaṅkamitvā satthusaññāya vanditvā aṭṭhāsi. Māro āha – ‘‘yaṃ te mayā, sūrambaṭṭha, rūpaṃ aniccaṃ…pe… viññāṇaṃ aniccanti kathitaṃ, taṃ anupadhāretvāva sahasā mayā evaṃ vuttaṃ. Tasmā tvaṃ rūpaṃ niccaṃ…pe… viññāṇaṃ niccanti gaṇhāhī’’ti. Sūro cintesi – ‘‘aṭṭhānametaṃ, yaṃ buddhā anupadhāretvā apaccakkhaṃ katvā kiñci katheyyuṃ, addhā ayaṃ mayhaṃ vibādhanatthaṃ māro āgato’’ti. Tato naṃ tvaṃ māroti āha. So musāvādaṃ kātuṃ nāsakkhi, āma mārosmīti paṭijāni. Kasmā āgatosīti vutte tava saddhācālanatthanti āha. Kaṇha pāpima, tvaṃ tāva ekako tiṭṭha, tādisānaṃ mārānaṃ satampi sahassampi mama saddhaṃ cāletuṃ asamatthaṃ, maggena āgatā saddhā nāma silāpathaviyaṃ patiṭṭhitasineru viya acalā hoti, kiṃ tvaṃ etthāti accharaṃ pahari. So ṭhātuṃ asakkonto tatthevantaradhāyi. Brahmunā vāti brahmakāyikādīsu aññatarabrahmunā vā. Kenaci vā lokasminti ete samaṇādayo ṭhapetvā aññenapi kenaci vā lokasmiṃ harituṃ na sakkā. Dhammasamannesanāti sabhāvasamannesanā. Dhammatāsusamanniṭṭhoti dhammatāya susamanniṭṭho, sabhāveneva suṭṭhu samannesito hotīti attho. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
виймам̣сагасуд̇д̇аван̣н̣анаа нидтид̇аа.
Vīmaṃsakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. виймам̣сагасуд̇д̇ам̣ • 7. Vīmaṃsakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. виймам̣сагасуд̇д̇аван̣н̣анаа • 7. Vīmaṃsakasuttavaṇṇanā
