| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. виймам̣сагасуд̇д̇аван̣н̣анаа
7. Vīmaṃsakasuttavaṇṇanā
487. ад̇т̇авиймам̣сагод̇и ад̇д̇ад̇т̇абарад̇т̇аад̣̇иад̇т̇авиж̇аананаго. сан̇кааравиймам̣сагод̇и сан̇кад̇ад̇хаммз салагкан̣ад̇о сааман̃н̃алагкан̣ад̇о ваа ааяад̇анаад̣̇ивибхааг̇ад̇о жа виймам̣саго. сад̇т̇увиймам̣сагод̇и ‘‘сад̇т̇аа наама г̇ун̣ад̇о зд̣̇исо зд̣̇исо жаа’’д̇и сад̇т̇у убабаригкаго. виймам̣сагод̇и вижаараго. яам̣ жзд̇асо сарааг̇аад̣̇ивибхааг̇ад̇о барижчинд̣̇анам̣, д̇ам̣ жзд̇обарияааяо. д̇знааха ‘‘жид̇д̇абарижчзд̣̇а’’нд̇и. яасмаа жзд̇обарияааяан̃аан̣алаабхий – ‘‘ид̣̇ам̣ жид̇д̇ам̣ ид̇о барам̣ бавад̇д̇ам̣ ид̣̇амид̇о бара’’нд̇и барасса жид̇д̇уббад̇д̇им̣ баж̇аанаад̇и, д̇асмаа вуд̇д̇ам̣ ‘‘жзд̇обарияааяанд̇и жид̇д̇аваара’’нд̇и. ваарад̇т̇зби хи барияааяа-сад̣̇д̣̇о ход̇и – ‘‘гасса ну ко, аананд̣̇а, барияааяо аж̇ж̇а бхигкунияо овад̣̇ид̇у’’нд̇иаад̣̇ийсу (ма. ни. 3.398). жид̇д̇ажааранд̇иби баато, жид̇д̇абавад̇д̇инд̇и ад̇т̇о. звам̣ виж̇аананад̇т̇ааяаад̇и ид̣̇аани вужжамаанаагаарзна виймам̣санад̇т̇ааяа.
487.Atthavīmaṃsakoti attatthaparatthādiatthavijānanako. Saṅkhāravīmaṃsakoti saṅkhatadhamme salakkhaṇato sāmaññalakkhaṇato vā āyatanādivibhāgato ca vīmaṃsako. Satthuvīmaṃsakoti ‘‘satthā nāma guṇato ediso ediso cā’’ti satthu upaparikkhako. Vīmaṃsakoti vicārako. Yaṃ cetaso sarāgādivibhāgato paricchindanaṃ, taṃ cetopariyāyo. Tenāha ‘‘cittapariccheda’’nti. Yasmā cetopariyāyañāṇalābhī – ‘‘idaṃ cittaṃ ito paraṃ pavattaṃ idamito para’’nti parassa cittuppattiṃ pajānāti, tasmā vuttaṃ ‘‘cetopariyāyanti cittavāra’’nti. Vāratthepi hi pariyāya-saddo hoti – ‘‘kassa nu kho, ānanda, pariyāyo ajja bhikkhuniyo ovaditu’’ntiādīsu (ma. ni. 3.398). Cittacārantipi pāṭho, cittapavattinti attho. Evaṃ vijānanatthāyāti idāni vuccamānākārena vīmaṃsanatthāya.
488. галяаан̣амид̇д̇уубаниссаяанд̇и галяаан̣амид̇д̇асан̇каад̇ам̣ б̣рахмажарияаваасасса б̣алавасанниссаяам̣. убад̣дхам̣ ад̇д̇ано аанубхаавзнаад̇и иминаа буг̇г̇алзна самбаад̣̇ияамаанасса б̣рахмажарияасса убад̣дхабхааг̇амад̇д̇ам̣ ад̇д̇ано вимуд̇д̇ибарибаажагад̇хаммаанубхаавзна сиж̇жхад̇и. убад̣дхам̣ галяаан̣амид̇д̇аанубхаавзнаад̇и ид̇аро бана убад̣дхабхааг̇о яам̣ ниссааяа б̣рахмажарияам̣ вуссад̇и, д̇асса галяаан̣амид̇д̇асса убад̣̇зсаанубхаавзна ход̇и, сиж̇жхад̇ийд̇и ад̇т̇о. логасид̣̇д̇хо зва аяамад̇т̇о. логияаа хи –
488.Kalyāṇamittūpanissayanti kalyāṇamittasaṅkhātaṃ brahmacariyavāsassa balavasannissayaṃ. Upaḍḍhaṃ attano ānubhāvenāti iminā puggalena sampādiyamānassa brahmacariyassa upaḍḍhabhāgamattaṃ attano vimuttiparipācakadhammānubhāvena sijjhati. Upaḍḍhaṃ kalyāṇamittānubhāvenāti itaro pana upaḍḍhabhāgo yaṃ nissāya brahmacariyaṃ vussati, tassa kalyāṇamittassa upadesānubhāvena hoti, sijjhatīti attho. Lokasiddho eva ayamattho. Lokiyā hi –
‘‘баад̣̇о сид̣̇д̇хо аажарияаа, баад̣̇о хиссаанубхаавад̇о;
‘‘Pādo siddho ācariyā, pādo hissānubhāvato;
д̇ам̣виж̇ж̇аасзвагаа баад̣̇о, баад̣̇о гаалзна бажжад̇ий’’д̇и. –
Taṃvijjāsevakā pādo, pādo kālena paccatī’’ti. –
вад̣̇анд̇и. ад̇д̇ано д̇хаммад̇ааяаад̇и ад̇д̇ано сабхаавзна, н̃аан̣знаад̇и ад̇т̇о. галяаан̣амид̇д̇ад̇аад̇и галяаан̣о бхад̣̇ро сунд̣̇аро мид̇д̇о зд̇ассаад̇и галяаан̣амид̇д̇о, д̇асса бхааво галяаан̣амид̇д̇ад̇аа, галяаан̣амид̇д̇аванд̇ад̇аа. сийлаад̣̇иг̇ун̣асамбаннзхи галяаан̣абуг̇г̇алзхзва аяанам̣ бавад̇д̇и галяаан̣асахааяад̇аа. д̇зсу зва жид̇д̇зна жзва гааязна жа ниннабон̣абаб̣бхаарабхаавзна бавад̇д̇и галяаан̣асамбаван̇гад̇аа. маахзванд̇и звам̣ маа ааха, ‘‘убад̣дхам̣ б̣рахмажарияассаа’’д̇и маа гат̇зхийд̇и ад̇т̇о. д̇ад̣̇аминаад̇и зд̇т̇а нд̇и нибаад̇амад̇д̇ам̣ д̣̇а-гааро бад̣̇асанд̇хигаро и-гаарасса а-гаарам̣ гад̇ваа нид̣̇д̣̇зсо. иминаабийд̇и ид̣̇аани вужжамаанзнабийд̇и ад̇т̇о. барияааязнаад̇и гааран̣зна. ид̣̇аани д̇ам̣ гааран̣ам̣ д̣̇ассзд̇ум̣ ‘‘мамам̣ хий’’д̇иаад̣̇и вуд̇д̇ам̣.
Vadanti. Attano dhammatāyāti attano sabhāvena, ñāṇenāti attho. Kalyāṇamittatāti kalyāṇo bhadro sundaro mitto etassāti kalyāṇamitto, tassa bhāvo kalyāṇamittatā, kalyāṇamittavantatā. Sīlādiguṇasampannehi kalyāṇapuggaleheva ayanaṃ pavatti kalyāṇasahāyatā. Tesu eva cittena ceva kāyena ca ninnapoṇapabbhārabhāvena pavatti kalyāṇasampavaṅkatā. Māhevanti evaṃ mā āha, ‘‘upaḍḍhaṃ brahmacariyassā’’ti mā kathehīti attho. Tadamināti ettha nti nipātamattaṃ da-kāro padasandhikaro i-kārassa a-kāraṃ katvā niddeso. Imināpīti idāni vuccamānenapīti attho. Pariyāyenāti kāraṇena. Idāni taṃ kāraṇaṃ dassetuṃ ‘‘mamaṃ hī’’tiādi vuttaṃ.
яат̇аа жзд̇т̇а, ан̃н̃зсуби суд̇д̇зсу галяаан̣амид̇д̇убаниссаяамзва висзсод̇и д̣̇ассзнд̇о ‘‘бхигкуунам̣ б̣аахиран̇г̇асамбад̇д̇им̣ гат̇знд̇обий’’д̇иаад̣̇имааха. д̇ад̇т̇а вимуд̇д̇ибарибаажанияад̇хаммзд̇и вимуд̇д̇ияаа арахад̇д̇асса барибаажагад̇хаммз. бажжаязд̇и г̇илаанабажжаяабхзсаж̇ж̇з. махааж̇ажжод̇и махаагулийно.
Yathā cettha, aññesupi suttesu kalyāṇamittupanissayameva visesoti dassento ‘‘bhikkhūnaṃ bāhiraṅgasampattiṃ kathentopī’’tiādimāha. Tattha vimuttiparipācaniyadhammeti vimuttiyā arahattassa paripācakadhamme. Paccayeti gilānapaccayabhesajje. Mahājaccoti mahākulīno.
гааяиго самаажаарод̇и абхиггамабадиггамаад̣̇иго сад̇исамбаж̇ан̃н̃абаригкад̇о баагад̇иго жа. виймам̣сагасса убабаригкагасса. жагкувин̃н̃зяяо наама жагкуд̣̇ваараанусаарзна вин̃н̃аад̇аб̣б̣ад̇д̇аа. сод̇авин̃н̃зяяод̇и зд̇т̇ааби зсзва наяо. сам̣гилидтаад̇и рааг̇аад̣̇исам̣гилзсад̇хаммзхи виб̣аад̇хид̇аа, убад̇аабид̇аа вид̣̇уусид̇аа малийнаа жаад̇и ад̇т̇о. д̇з бана д̇зхи саманнааг̇ад̇аа хонд̇ийд̇и ааха ‘‘гилзсасамбаяуд̇д̇аа’’д̇и. яад̣̇и на жагкусод̇авин̃н̃зяяаа, баал̣ияам̣ гат̇ам̣ д̇ат̇аа вуд̇д̇аад̇и ааха ‘‘яат̇аа банаа’’д̇иаад̣̇и. гааяаважийсамаажаарааби сам̣гилидтааязва наама сам̣гилидтажид̇д̇асамудтаанад̇о. бхавад̇и хи д̇ам̣хзд̇угзби д̇ад̣̇убажааро яат̇аа ‘‘сзмхо г̇ул̣о’’д̇и. ‘‘маа мз ид̣̇ам̣ асааруббам̣ баро ан̃н̃аасий’’д̇и бана бадижчаннад̇ааяа на на убалаб̣бханд̇и. ‘‘на ко маяам̣, бханд̇з, бхаг̇авад̇о гин̃жи г̇арахаамаа’’д̇и вад̇ваа г̇арахид̇аб̣б̣аабхаавам̣ д̣̇ассзнд̇о ‘‘бхаг̇аваа хий’’д̇иаад̣̇имааха. абхаавид̇амаг̇г̇асса хи г̇арахид̇аб̣б̣ад̇аа наама сияаа, на бхаавид̇амаг̇г̇асса. зса уд̇д̇аро маан̣аво ‘‘б̣уд̣̇д̇хамби г̇арахид̇ваа баггамиссаамий’’д̇и гад̇ваа ануб̣анд̇хи. звам̣ жинд̇зси махаабхинигкаманад̣̇ивасз ад̇д̇ано важанз адтид̇ад̇д̇аа. гин̃жи важ̇ж̇ам̣ абассанд̇о мааро звамааха –
Kāyiko samācāroti abhikkamapaṭikkamādiko satisampajaññaparikkhato pākatiko ca. Vīmaṃsakassa upaparikkhakassa. Cakkhuviññeyyo nāma cakkhudvārānusārena viññātabbattā. Sotaviññeyyoti etthāpi eseva nayo. Saṃkiliṭṭhāti rāgādisaṃkilesadhammehi vibādhitā, upatāpitā vidūsitā malīnā cāti attho. Te pana tehi samannāgatā hontīti āha ‘‘kilesasampayuttā’’ti. Yadi na cakkhusotaviññeyyā, pāḷiyaṃ kathaṃ tathā vuttāti āha ‘‘yathā panā’’tiādi. Kāyavacīsamācārāpisaṃkiliṭṭhāyeva nāma saṃkiliṭṭhacittasamuṭṭhānato. Bhavati hi taṃhetukepi tadupacāro yathā ‘‘semho guḷo’’ti. ‘‘Mā me idaṃ asāruppaṃ paro aññāsī’’ti pana paṭicchannatāya na na upalabbhanti. ‘‘Na kho mayaṃ, bhante, bhagavato kiñci garahāmā’’ti vatvā garahitabbābhāvaṃ dassento ‘‘bhagavā hī’’tiādimāha. Abhāvitamaggassa hi garahitabbatā nāma siyā, na bhāvitamaggassa. Esa uttaro māṇavo ‘‘buddhampi garahitvā pakkamissāmī’’ti katvā anubandhi. Evaṃ cintesi mahābhinikkhamanadivase attano vacane aṭṭhitattā. Kiñci vajjaṃ apassanto māro evamāha –
‘‘сад̇д̇а вассаани бхаг̇аванд̇ам̣, ануб̣анд̇хим̣ бад̣̇аабад̣̇ам̣;
‘‘Satta vassāni bhagavantaṃ, anubandhiṃ padāpadaṃ;
од̇аарам̣ наад̇хиг̇ажчиссам̣, самб̣уд̣̇д̇хасса сад̇иймад̇о’’д̇и. (су. ни. 448);
Otāraṃ nādhigacchissaṃ, sambuddhassa satīmato’’ti. (su. ni. 448);
гаалз ган̣хаа, гаалз суггаад̇и яат̇аасамаад̣̇иннам̣ саммаабадибад̇д̇им̣ барисуд̣̇д̇хам̣ гад̇ваа бавад̇д̇зд̇ум̣ асаггонд̇асса гад̣̇аажи ган̣хаа абарисуд̣̇д̇хаа гааяасамаажаараад̣̇аяо, гад̣̇аажи суггаа барисуд̣̇д̇хаад̇и звам̣ анд̇аранд̇араа б̣яаамиссавасзна вомиссагаа. ниггилзсаад̇и нирубаггилзсаа анубаггилидтаа.
Kāle kaṇhā, kāle sukkāti yathāsamādinnaṃ sammāpaṭipattiṃ parisuddhaṃ katvā pavattetuṃ asakkontassa kadāci kaṇhā aparisuddhā kāyasamācārādayo, kadāci sukkā parisuddhāti evaṃ antarantarā byāmissavasena vomissakā. Nikkilesāti nirupakkilesā anupakkiliṭṭhā.
анаваж̇ж̇ам̣ важ̇ж̇арахид̇ад̇д̇аа. д̣̇ийгхарад̇д̇анд̇и ажжанд̇асам̣яог̇з убаяог̇аважанам̣. самаабаннод̇и саммаа аабанно саман̇г̇ийбхууд̇о. д̇знааха ‘‘саманнааг̇ад̇о’’д̇и. ад̇д̇анаа гад̇асса асааруббасса бадижчаад̣̇анад̇т̇ам̣ ааран̃н̃аго вияа худ̇ваа. д̇асса барихааранд̇и ул̣аарзхи бууж̇аасаггаарзхи мануссзхи д̇асса барихарияамаанад̇ам̣. ад̇ид̣̇аббид̇од̇и звам̣ мануссаанам̣ самбхааванааяа ад̇ивияа д̣̇ад̇д̇о г̇аб̣б̣ид̇о.
Anavajjaṃ vajjarahitattā. Dīgharattanti accantasaṃyoge upayogavacanaṃ. Samāpannoti sammā āpanno samaṅgībhūto. Tenāha ‘‘samannāgato’’ti. Attanā katassa asāruppassa paṭicchādanatthaṃ āraññakoviya hutvā. Tassa parihāranti uḷārehi pūjāsakkārehi manussehi tassa parihariyamānataṃ. Atidappitoti evaṃ manussānaṃ sambhāvanāya ativiya datto gabbito.
на ид̇д̇арасамаабаннод̇и ж̇аанаад̇и. гасмаа? сийлам̣ наама д̣̇ийгхзна ад̣̇д̇хунаа ж̇аанид̇аб̣б̣ам̣, на ид̇д̇арзна. ид̣̇аани анзгаж̇аад̇исамуд̣̇аажааравасзна д̇ат̇ааг̇ад̇о имам̣ гусалам̣ д̇хаммам̣ д̣̇ийгхарад̇д̇ам̣ самаабанно, д̇ан̃жасса ад̇ивияа ажчарияанд̇и д̣̇ассзд̇ум̣ ‘‘анажчарияам̣ жзд̇а’’нд̇иаад̣̇и вуд̇д̇ам̣.
Na ittarasamāpannoti jānāti. Kasmā? Sīlaṃ nāma dīghena addhunā jānitabbaṃ, na ittarena. Idāni anekajātisamudācāravasena tathāgato imaṃ kusalaṃ dhammaṃ dīgharattaṃ samāpanno, tañcassa ativiya acchariyanti dassetuṃ ‘‘anacchariyaṃ ceta’’ntiādi vuttaṃ.
аран̃н̃аг̇аамагзд̇и аран̃н̃абад̣̇зсз згасмим̣ куд̣̇д̣̇агаг̇аамз. д̇ад̇т̇а нзсам̣ д̣̇ивасз д̣̇ивасз бин̣д̣ааяа жаран̣асса авижчиннад̇ам̣ д̣̇ассзд̇ум̣ ‘‘бин̣д̣ааяа жаранд̇ий’’д̇и вуд̇д̇ам̣. биванд̇ийд̇и зд̇т̇ааби зсзва наяо. д̣̇уллабхалон̣о ход̇и самуд̣̇д̣̇асса д̣̇уурад̇ааяа.
Araññagāmaketi araññapadese ekasmiṃ khuddakagāme. Tattha nesaṃ divase divase piṇḍāya caraṇassa avicchinnataṃ dassetuṃ ‘‘piṇḍāya carantī’’ti vuttaṃ. Pivantīti etthāpi eseva nayo. Dullabhaloṇo hoti samuddassa dūratāya.
д̇ад̣̇аа гира вид̣̇зхарадтз сол̣аса г̇аамасахассаани маханд̇аанзва. д̇знааха – ‘‘хид̇ваа г̇аамасахассаани, барибун̣н̣аани сол̣асаа’’д̇и. ид̣̇аани гасмаа ‘‘саннид̇хим̣ д̣̇аани губ̣б̣асий’’д̇и мам̣ гхаддзт̇аад̇и вад̇т̇угаамо д̇ам̣ анаавигад̇ваа ‘‘лон̣а…бз… на гарот̇аа’’д̇и ааха. г̇анд̇хааро д̇ассаад̇хиббааяам̣ вибхаавзд̇угаамо ‘‘гим̣ маяаа гад̇ам̣ взд̣̇зхийсий’’д̇и ааха.
Tadā kira videharaṭṭhe soḷasa gāmasahassāni mahantāneva. Tenāha – ‘‘hitvā gāmasahassāni, paripuṇṇāni soḷasā’’ti. Idāni kasmā ‘‘sannidhiṃ dāni kubbasī’’ti maṃ ghaṭṭethāti vatthukāmo taṃ anāvikatvā ‘‘loṇa…pe… na karothā’’ti āha. Gandhāro tassādhippāyaṃ vibhāvetukāmo ‘‘kiṃ mayā kataṃ vedehīsī’’ti āha.
ид̇аро ад̇д̇ано ад̇хиббааяам̣ вибхаавзнд̇о ‘‘хид̇ваа’’д̇и г̇аат̇амааха. ид̇аро ‘‘д̇хаммам̣ бхан̣аамий’’д̇и г̇аат̇анд̇и звам̣ саб̣б̣ааби нзсам̣ важанабадиважанаг̇аат̇аа. д̇ад̇т̇а басаасасийд̇и гхаддзнд̇о вияа анусаасаси. на баабамубалимбад̇и жид̇д̇аббагобаабхаавад̇о. махад̇т̇ияанд̇и махааад̇т̇асам̣хид̇ам̣. но жз асса сагаа б̣уд̣̇д̇хийд̇иаад̣̇и взд̣̇зхаисино – ‘‘аажарияо мама хид̇зсид̇ааяа тад̇ваа д̇хаммам̣ зва бхан̣ад̇ий’’д̇и яонисо уммуж̇ж̇анаагаарад̣̇ассанам̣. д̇знааха ‘‘зван̃жа бана вад̇ваа’’д̇иаад̣̇и.
Itaro attano adhippāyaṃ vibhāvento ‘‘hitvā’’ti gāthamāha. Itaro ‘‘dhammaṃ bhaṇāmī’’ti gāthanti evaṃ sabbāpi nesaṃ vacanapaṭivacanagāthā. Tattha pasāsasīti ghaṭṭento viya anusāsasi. Na pāpamupalimpati cittappakopābhāvato. Mahatthiyanti mahāatthasaṃhitaṃ. No ce assa sakā buddhītiādi vedehaisino – ‘‘ācariyo mama hitesitāya ṭhatvā dhammaṃ eva bhaṇatī’’ti yoniso ummujjanākāradassanaṃ. Tenāha ‘‘evañca pana vatvā’’tiādi.
‘‘н̃ад̇д̇аа’’д̇и логз н̃ааяад̇и виссуд̇од̇и н̃аад̇о, н̃аад̇асса бхааво н̃ад̇д̇ам̣. аж̇жхаабаннод̇и убаг̇ад̇о. н̃ад̇д̇а-г̇г̇ахан̣зна бад̇т̇адаяасад̇аа вибхаавид̇аад̇и ааха ‘‘яасан̃жа бариваарасамбад̇д̇и’’нд̇и. гинд̇и гим̣баяож̇анам̣, го зд̇т̇а д̣̇осод̇и ад̇хиббааяо.
‘‘Ñattā’’ti loke ñāyati vissutoti ñāto, ñātassa bhāvo ñattaṃ. Ajjhāpannoti upagato. Ñatta-ggahaṇena patthaṭayasatā vibhāvitāti āha ‘‘yasañca parivārasampatti’’nti. Kinti kiṃpayojanaṃ, ko ettha dosoti adhippāyo.
д̇ад̇т̇а д̇ад̇т̇а виж̇жханд̇од̇и яасамад̣̇зна бариваарамад̣̇зна жа мад̇д̇о худ̇ваа г̇аамзби вихаарзби ж̇анавивид̇д̇зби сан̇гхамаж̇жхзби ан̃н̃з бхигкуу гхаддзнд̇о ‘‘маяхам̣ наама баад̣̇аа ид̇арзсам̣ баад̣̇апусанадтаанам̣ пусанд̇ий’’д̇и апусид̇угаамад̇ааяа аг̇г̇абаад̣̇зна бхуумим̣ пусанд̇о вияа жарад̇и. онамад̇ийд̇и ниваад̇авуд̇д̇ид̇ааяа аванамад̇и ануд̣̇д̇хад̇о ад̇т̇ад̣̇д̇хо ход̇и. агин̃жанабхааванд̇и ‘‘баб̣б̣аж̇ид̇зна наама агин̃жанан̃аан̣зна самабариг̇г̇ахзна бхавид̇аб̣б̣а’’нд̇и агин̃жанаж̇жхаасаяам̣ бадиавзгкид̇ваа. лаабхзби д̇аад̣̇ий, алаабхзби д̇аад̣̇ийд̇и яат̇аа алаабхагаалз лаабхасса лад̣̇д̇хагаалзби д̇ат̇зваад̇и д̇аад̣̇ий згасад̣̇исо. яасз сад̇иби махаабариваарагаалзби.
Tattha tattha vijjhantoti yasamadena parivāramadena ca matto hutvā gāmepi vihārepi janavivittepi saṅghamajjhepi aññe bhikkhū ghaṭṭento ‘‘mayhaṃ nāma pādā itaresaṃ pādaphusanaṭṭhānaṃ phusantī’’ti aphusitukāmatāya aggapādena bhūmiṃ phusanto viya carati. Onamatīti nivātavuttitāya avanamati anuddhato atthaddho hoti. Akiñcanabhāvanti ‘‘pabbajitena nāma akiñcanañāṇena samapariggahena bhavitabba’’nti akiñcanajjhāsayaṃ paṭiavekkhitvā. Lābhepi tādī, alābhepi tādīti yathā alābhakāle lābhassa laddhakālepi tathevāti tādī ekasadiso. Yase satipi mahāparivārakālepi.
абхаяо худ̇ваа убарад̇од̇и ниб̣бхаяо худ̇ваа бхаяасса абхаавзнзва орамид̇аб̣б̣ад̇о убарад̇о бхаяахзд̇уунам̣ бахийнад̇д̇аа. д̇ан̃жа ко на гад̇ибаяагаалам̣, ат̇а ко ажжанд̇амзва убарад̇од̇и ажжанд̇уубарад̇о. ат̇а ко бхааяид̇аб̣б̣авад̇т̇ум̣ авзгкид̇ваа д̇ад̇о бхаязна убарад̇о. гилзсаа зва бхааяид̇аб̣б̣ад̇о гилзсабхаяам̣. зса наяо сзсзсуби. сад̇д̇а сзгкаад̇и сад̇д̇а сзгкааби бхаяуубарад̇аа, баг̇зва бут̇уж̇ж̇анод̇и ад̇хиббааяо.
Abhayo hutvā uparatoti nibbhayo hutvā bhayassa abhāveneva oramitabbato uparato bhayahetūnaṃ pahīnattā. Tañca kho na katipayakālaṃ, atha kho accantameva uparatoti accantūparato. Atha kho bhāyitabbavatthuṃ avekkhitvā tato bhayena uparato. Kilesā eva bhāyitabbato kilesabhayaṃ. Esa nayo sesesupi. Satta sekkhāti satta sekkhāpi bhayūparatā, pageva puthujjanoti adhippāyo.
т̇ан̣д̣илабийтаганд̇и т̇ан̣д̣иламан̃жасад̣̇исам̣ бийтаганд̇и ад̇т̇о. ниссааяаад̇и абассааяа д̇ам̣ абассааяам̣ гад̇ваа. д̣̇виннам̣ маж̇жхз т̇ан̣д̣илабийтагаа д̣̇ваарз тад̇ваа ологзнд̇асса нзваасигабхигкусса на бан̃н̃ааяи. асан̃н̃ад̇анийхаарзнаад̇и на сан̃н̃ад̇аагаарзна. ‘‘мам̣ бхааяанд̇о хздтааман̃жам̣ бавидто бхависсад̇ий’’д̇и хздтааман̃жам̣ ологзд̇ваа. уггааси ‘‘б̣ахи г̇ажчанд̇о аггосид̇ваа маа абун̃н̃ам̣ басавий’’д̇и. ад̇хиваасзд̇унд̇и д̇аад̣̇исам̣ ид̣̇д̇хаанабхаавам̣ д̣̇исвааби бадабадааяанд̇о ад̇д̇ано год̇хам̣ ад̇хиваасзд̇ум̣ асаггонд̇о.
Thaṇḍilapīṭhakanti thaṇḍilamañcasadisaṃ pīṭhakanti attho. Nissāyāti apassāya taṃ apassāyaṃ katvā. Dvinnaṃ majjhe thaṇḍilapīṭhakā dvāre ṭhatvā olokentassa nevāsikabhikkhussa na paññāyi. Asaññatanīhārenāti na saññatākārena. ‘‘Maṃ bhāyanto heṭṭhāmañcaṃ paviṭṭho bhavissatī’’ti heṭṭhāmañcaṃ oloketvā. Ukkāsi ‘‘bahi gacchanto akkositvā mā apuññaṃ pasavī’’ti. Adhivāsetunti tādisaṃ iddhānabhāvaṃ disvāpi paṭapaṭāyanto attano kodhaṃ adhivāsetuṃ asakkonto.
каязнзваад̇и рааг̇асса ажжанд̇агкаязнзва вийд̇арааг̇ад̇д̇аа. на бадисан̇кааяа ваарзд̇ваад̇и на бадисан̇каанаб̣алзна рааг̇абарияудтаанам̣ ниваарзд̇ваа вийд̇арааг̇ад̇д̇аа. звам̣ вуд̇д̇аббагаарзна. гааяасамаажаараад̣̇ийнам̣ сам̣гилидтаанам̣ вийд̇иггамияаанан̃жа абхаавам̣ аажаарасса вод̣̇аанам̣ жирагааласамаажин̣н̣ад̇ааяа н̃аад̇асса сахид̇абхаавзби анубаггилидтад̇ааяа абхаяуубарад̇абхаавасаманнзсанааяа аагарийяад̇и н̃аабзд̇ум̣ ижчид̇о ад̇т̇о багаарад̇о н̃аабийяад̇и зд̇зхийд̇и аагаараа, убабад̇д̇исаад̇ханагааран̣аани. д̇аани бана яасмаа ад̇д̇ано яат̇аанумад̇асса ад̇т̇асса н̃аабагабхаавзна вавад̇т̇ийяанд̇и, д̇асмаа д̇аани д̇зсам̣ муулагааран̣абхууд̇аани анумаанан̃аан̣аани жа д̣̇ассзнд̇о бхаг̇аваа – ‘‘гз банааяасмад̇о аагаараа гз анваяаа’’д̇и авожаад̇и имамад̇т̇ам̣ вибхаавзнд̇о ‘‘аагаараад̇и гааран̣аани, анваяаад̇и ануб̣уд̣̇д̇хияо’’д̇и ааха. яат̇аа хи логз д̣̇идтзна д̇хуумзна ад̣̇идтам̣ аг̇г̇им̣ анвзд̇и анумаанад̇о ж̇аанаад̇и, звам̣ виймам̣саго бхигку – ‘‘бхаг̇аваа згзгавихаарзсу суббадибаннзсу д̣̇уббадибаннзсу жа яат̇аа згасад̣̇исад̇аад̣̇ассанзна абхаяуубарад̇ад̇ам̣ анвзд̇и анумаанад̇о ж̇аанаад̇и, суббадибаннад̣̇уббадибаннабуг̇г̇алзсу ануссаад̣̇анаанабасаад̣̇анаббад̇д̇ааяа сад̇т̇у авибарийд̇ад̇хаммад̣̇зсанад̇ааяа саммаасамб̣уд̣̇д̇хад̇ам̣ сан̇гхасуббадибад̇д̇ин̃жа анвзд̇и анумаанад̇о ж̇аанаад̇и, звам̣ ж̇аананд̇о жа абхаяуубарад̇о д̇ат̇ааг̇ад̇о саб̣б̣ад̇хи вийд̇арааг̇ад̇д̇аа, яо яад̇т̇а вийд̇арааг̇о, на со д̇аннимид̇д̇ам̣ гин̃жи бхаяам̣ бассад̇и сзяяат̇ааби б̣рахмаа гаамабхаванимид̇д̇ам̣, д̇ат̇аа саммаасамб̣уд̣̇д̇хо бхаг̇аваа авибарийд̇ад̇хаммад̣̇зсанад̇д̇аа, сваакаад̇о д̇хаммо зганд̇анияяаанигад̇д̇аа, суббадибанно сан̇гхо авзжжаббасаннад̇д̇аа’’д̇и вад̇т̇уд̇д̇аяам̣ г̇ун̣ад̇о яаат̇аавад̇о ж̇аанаад̇и.
Khayenevāti rāgassa accantakkhayeneva vītarāgattā. Na paṭisaṅkhāya vāretvāti na paṭisaṅkhānabalena rāgapariyuṭṭhānaṃ nivāretvā vītarāgattā. Evaṃ vuttappakārena. Kāyasamācārādīnaṃ saṃkiliṭṭhānaṃ vītikkamiyānañca abhāvaṃ ācārassa vodānaṃ cirakālasamāciṇṇatāya ñātassa sahitabhāvepi anupakkiliṭṭhatāya abhayūparatabhāvasamannesanāya ākarīyati ñāpetuṃ icchito attho pakārato ñāpīyati etehīti ākārā, upapattisādhanakāraṇāni. Tāni pana yasmā attano yathānumatassa atthassa ñāpakabhāvena vavatthīyanti, tasmā tāni tesaṃ mūlakāraṇabhūtāni anumānañāṇāni ca dassento bhagavā – ‘‘ke panāyasmato ākārā ke anvayā’’ti avocāti imamatthaṃ vibhāvento ‘‘ākārāti kāraṇāni, anvayāti anubuddhiyo’’ti āha. Yathā hi loke diṭṭhena dhūmena adiṭṭhaṃ aggiṃ anveti anumānato jānāti, evaṃ vīmaṃsako bhikkhu – ‘‘bhagavā ekekavihāresu suppaṭipannesu duppaṭipannesu ca yathā ekasadisatādassanena abhayūparatataṃ anveti anumānato jānāti, suppaṭipannaduppaṭipannapuggalesu anussādanānapasādanappattāya satthu aviparītadhammadesanatāya sammāsambuddhataṃ saṅghasuppaṭipattiñca anveti anumānato jānāti, evaṃ jānanto ca abhayūparato tathāgato sabbadhi vītarāgattā, yo yattha vītarāgo, na so tannimittaṃ kiñci bhayaṃ passati seyyathāpi brahmā kāmabhavanimittaṃ, tathā sammāsambuddho bhagavā aviparītadhammadesanattā, svākhāto dhammo ekantaniyyānikattā, suppaṭipanno saṅgho aveccappasannattā’’ti vatthuttayaṃ guṇato yāthāvato jānāti.
г̇ан̣аб̣анд̇ханзнаад̇и ‘‘мама сад̣̇д̇хивихааригаа мама анд̇зваасигаа’’д̇и звам̣ г̇ан̣з абзгкаасан̇каад̇зна б̣анд̇ханзна б̣ад̣̇д̇хаа баяуд̇д̇аа. д̇ааяа д̇ааяа бадибад̇д̇ияаад̇и ‘‘суг̇ад̇аа д̣̇уг̇г̇ад̇аа’’д̇и вуд̇д̇ааяа суббадибад̇д̇ияаа д̣̇уббадибад̇д̇ияаа жа. уссаад̣̇анаад̇и г̇ун̣авасзна уггам̣санаа. абасаад̣̇анаад̇и хийл̣анаа. убхаяад̇т̇а г̇зхассид̇авасзнаад̇и иминаа саммаабадибад̇д̇ияаа барзсам̣ уяяож̇анад̇т̇ам̣ – ‘‘бан̣д̣ид̇о, бхигкавз, махаагажжаано’’д̇иаад̣̇инаа (ма. ни. 1.205; 3.285, 322) г̇ун̣ад̇о уггам̣санамби ааяад̇им̣ сам̣варааяа яат̇аабараад̇хам̣ г̇арахан̣амби на ниваарзд̇и.
Gaṇabandhanenāti ‘‘mama saddhivihārikā mama antevāsikā’’ti evaṃ gaṇe apekkhāsaṅkhātena bandhanena baddhā payuttā. Tāya tāya paṭipattiyāti ‘‘sugatā duggatā’’ti vuttāya suppaṭipattiyā duppaṭipattiyā ca. Ussādanāti guṇavasena ukkaṃsanā. Apasādanāti hīḷanā. Ubhayattha gehassitavasenāti iminā sammāpaṭipattiyā paresaṃ uyyojanatthaṃ – ‘‘paṇḍito, bhikkhave, mahākaccāno’’tiādinā (ma. ni. 1.205; 3.285, 322) guṇato ukkaṃsanampi āyatiṃ saṃvarāya yathāparādhaṃ garahaṇampi na nivāreti.
489. виймам̣сагассаби ад̇хиббааяо виймам̣санавасзна бавад̇д̇о. муулавиймам̣саго хзд̇уваад̣̇ид̇ааяа. г̇ан̣тивиймам̣сагасса ануссуд̇ибхаавад̇о вуд̇д̇ам̣ ‘‘барассзва гат̇ааяа нидтан̇г̇ад̇о’’д̇и. д̇знааха бхаг̇аваа – ‘‘барасса жзд̇обарияааяам̣ аж̇аананд̇знаа’’д̇и. д̇ат̇ааг̇ад̇ова бадибужчид̇аб̣б̣од̇и иминаа буб̣б̣з саад̇хааран̣ад̇о вуд̇д̇ам̣ анумаанам̣ уггам̣сам̣ баабзд̇ваа вад̣̇ад̇и. уггам̣саг̇ад̇ан̃хзд̇ам̣ анумаанам̣, яад̣̇ид̣̇ам̣ саб̣б̣ан̃н̃уважанам̣ ависам̣ваад̣̇ам̣ сааман̃н̃ад̇о абут̇уж̇ж̇анаг̇ожарасса ад̇т̇асса анумаанад̇о. д̇ивид̇хо хи ад̇т̇о, гожи бажжагкасид̣̇д̇хо, яо руубаад̣̇ид̇хаммаанам̣ бажжад̇д̇авзд̣̇анияо анид̣̇д̣̇исид̇аб̣б̣аагааро. гожи анумаанасид̣̇д̇хо, яо гхадаад̣̇ийсу басид̣̇д̇хзна бажжаяааяад̇д̇абхаавзна саад̇хияамаано сад̣̇д̣̇аад̣̇ийнам̣ анижжад̇аад̣̇иаагааро. гожи огаббанасид̣̇д̇хо, яо бажураж̇анасса ажжанд̇амад̣̇идто сад̣̇д̇хаависаяо баралоганиб̣б̣аанаад̣̇и. д̇ад̇т̇а яасса сад̇т̇уно важанам̣ бажжагкасид̣̇д̇хз анумаанасид̣̇д̇хз жа ад̇т̇з на висам̣ваад̣̇зд̇и авибарийд̇аббавад̇д̇ияаа, д̇асса важанзна сад̣̇д̇хзяяад̇т̇асид̣̇д̇хи, сад̣̇д̇хзяяаруубаа зва жа язбхуяязна сад̇т̇уг̇ун̣аа ажжанд̇асамбхавад̇о.
489. Vīmaṃsakassapi adhippāyo vīmaṃsanavasena pavatto. Mūlavīmaṃsako hetuvāditāya. Gaṇṭhivīmaṃsakassa anussutibhāvato vuttaṃ ‘‘parasseva kathāya niṭṭhaṅgato’’ti. Tenāha bhagavā – ‘‘parassa cetopariyāyaṃ ajānantenā’’ti. Tathāgatova paṭipucchitabboti iminā pubbe sādhāraṇato vuttaṃ anumānaṃ ukkaṃsaṃ pāpetvā vadati. Ukkaṃsagatañhetaṃ anumānaṃ, yadidaṃ sabbaññuvacanaṃ avisaṃvādaṃ sāmaññato aputhujjanagocarassa atthassa anumānato. Tividho hi attho, koci paccakkhasiddho, yo rūpādidhammānaṃ paccattavedaniyo aniddisitabbākāro. Koci anumānasiddho, yo ghaṭādīsu pasiddhena paccayāyattabhāvena sādhiyamāno saddādīnaṃ aniccatādiākāro. Koci okappanasiddho, yo pacurajanassa accantamadiṭṭho saddhāvisayo paralokanibbānādi. Tattha yassa satthuno vacanaṃ paccakkhasiddhe anumānasiddhe ca atthe na visaṃvādeti aviparītappavattiyā, tassa vacanena saddheyyatthasiddhi, saddheyyarūpā eva ca yebhuyyena satthuguṇā accantasambhavato.
зса маяхам̣ бат̇од̇и явааяам̣ ааж̇ийвадтамагасийласан̇каад̇о маяхам̣ орамад̇д̇аго г̇ун̣о, зса абаражид̇д̇авид̣̇уно виймам̣сагасса бхигкуно мама ж̇аананабат̇о ж̇аананамаг̇г̇о. зса г̇ожарод̇и зсо зд̇д̇аго зва д̇асса маяи г̇ожаро, на ид̇о барам̣. д̇ат̇аа хи б̣рахмаж̇аалзби (д̣̇ий. ни. 1.7) бхаг̇авад̇аа ааж̇ийвадтамагасийламзва нид̣̇д̣̇идтам̣. зд̇аабаат̇од̇и зд̇д̇агаабаат̇о. яо сийлз бад̇идтид̇о ‘‘зд̇ам̣ мамаа’’д̇и, ‘‘иминаахам̣ сийлзна д̣̇зво ваа бхависсаами д̣̇зван̃н̃ад̇аро ваа’’д̇и д̇ан̣хааяа бараамасанд̇о, д̇асса висзсабхааг̇ияад̇ааяа, ниб̣б̣зд̇хабхааг̇ияад̇ааяа ваа агааран̣зна д̇ан̣хам̣ анад̇ивад̇д̇анад̇о со д̇аммаяо наама. д̇знааха ‘‘на д̇аммаяо на сад̇ан̣хо’’д̇иаад̣̇и.
Esa mayhaṃ pathoti yvāyaṃ ājīvaṭṭhamakasīlasaṅkhāto mayhaṃ oramattako guṇo, esa aparacittaviduno vīmaṃsakassa bhikkhuno mama jānanapatho jānanamaggo. Esa gocaroti eso ettako eva tassa mayi gocaro, na ito paraṃ. Tathā hi brahmajālepi (dī. ni. 1.7) bhagavatā ājīvaṭṭhamakasīlameva niddiṭṭhaṃ. Etāpāthoti ettakāpātho. Yo sīle patiṭṭhito ‘‘etaṃ mamā’’ti, ‘‘imināhaṃ sīlena devo vā bhavissāmi devaññataro vā’’ti taṇhāya parāmasanto, tassa visesabhāgiyatāya, nibbedhabhāgiyatāya vā akāraṇena taṇhaṃ anativattanato so tammayo nāma. Tenāha ‘‘na tammayo na sataṇho’’tiādi.
суд̇асса убаруубари висзсаавахабхаавзна уд̇д̇аруд̇д̇аран̃жзва д̇асса жа висзсасса ануггамзна бан̣ийд̇ад̇арабхаавад̇о бан̣ийд̇ад̇аран̃жа гад̇ваа д̣̇зсзд̇и. савибагканд̇и бахаад̇аб̣б̣абахааяагабхаавзна саббадибагкам̣. ган̣хам̣ бадиб̣аахид̇ваа сугганд̇и ид̣̇ам̣ д̇хаммаж̇аад̇ам̣ ган̣хам̣ наама, имасса бахааяагам̣ ид̣̇ам̣ суггам̣ наамаад̇и звам̣ ган̣хам̣ бадиб̣аахид̇ваа суггам̣. суггам̣ бадиб̣аахид̇ваа ган̣ханд̇и зд̇т̇ааби зсзва наяо. ид̇ха бана ‘‘иминаа бахаад̇аб̣б̣а’’нд̇и вад̇д̇аб̣б̣ам̣. сауссааханд̇и саб̣яаабаарам̣. гирияамаяажид̇д̇аанан̃хи анубажчиннаавиж̇ж̇аад̇ан̣хаамаанаад̣̇игз санд̇аанз саб̣яаабаарад̇аа сауссаахад̇аа, савибаагад̇хаммад̇аад̇и ад̇т̇о. д̇асмим̣ д̣̇зсид̇з д̇хаммзд̇и д̇асмим̣ сад̇т̇аараа д̣̇зсид̇з логияалогуд̇д̇арад̇хаммз. згажжам̣ згад̣̇зсабхууд̇ам̣ маг̇г̇апаланиб̣б̣аанасан̇каад̇ам̣ бадивзд̇хад̇хаммам̣ абхин̃н̃ааяа абхивисидтааяа маг̇г̇абан̃н̃ааяа ж̇аанид̇ваа. бадивзд̇хад̇хаммзна маг̇г̇зна. д̣̇зсанаад̇хаммзд̇и д̣̇зсанаарул̣хз буб̣б̣абхааг̇ияз б̣од̇хибагкияад̇хаммз нидтам̣ г̇ажчад̇и – ‘‘ад̣̇д̇хаа имааяа бадибад̣̇ааяа ж̇араамаран̣ад̇о мужжиссаамий’’д̇и. буб̣б̣з бот̇уж̇ж̇анигасад̣̇д̇хааяаби басанно, д̇ад̇о бхияяосомад̇д̇ааяа авибарийд̇ад̇хаммад̣̇зсано саммаасамб̣уд̣̇д̇хо со бхаг̇аваад̇и сад̇т̇ари басийд̣̇ад̇и. нияяаанигад̇д̇аад̇и ваддад̣̇угкад̇о зва д̇ад̇о нияяаанаавахад̇д̇аа. ван̇гаад̣̇ийд̇и аад̣̇и-сад̣̇д̣̇зна ан̃н̃ам̣ асаамийжибарияааяам̣ саб̣б̣ам̣ д̣̇осам̣ сан̇г̇ан̣хаад̇и.
Sutassa uparūpari visesāvahabhāvena uttaruttarañceva tassa ca visesassa anukkamena paṇītatarabhāvato paṇītatarañca katvā deseti. Savipakkhanti pahātabbapahāyakabhāvena sappaṭipakkhaṃ. Kaṇhaṃ paṭibāhitvā sukkanti idaṃ dhammajātaṃ kaṇhaṃ nāma, imassa pahāyakaṃ idaṃ sukkaṃ nāmāti evaṃ kaṇhaṃ paṭibāhitvā sukkaṃ. Sukkaṃ paṭibāhitvā kaṇhanti etthāpi eseva nayo. Idha pana ‘‘iminā pahātabba’’nti vattabbaṃ. Saussāhanti sabyāpāraṃ. Kiriyamayacittānañhi anupacchinnāvijjātaṇhāmānādike santāne sabyāpāratā saussāhatā, savipākadhammatāti attho. Tasmiṃ desite dhammeti tasmiṃ satthārā desite lokiyalokuttaradhamme. Ekaccaṃ ekadesabhūtaṃ maggaphalanibbānasaṅkhātaṃ paṭivedhadhammaṃ abhiññāya abhivisiṭṭhāya maggapaññāya jānitvā. Paṭivedhadhammena maggena. Desanādhammeti desanāruḷhe pubbabhāgiye bodhipakkhiyadhamme niṭṭhaṃ gacchati – ‘‘addhā imāya paṭipadāya jarāmaraṇato muccissāmī’’ti. Pubbe pothujjanikasaddhāyapi pasanno, tato bhiyyosomattāya aviparītadhammadesano sammāsambuddho so bhagavāti satthari pasīdati. Niyyānikattāti vaṭṭadukkhato eva tato niyyānāvahattā. Vaṅkādīti ādi-saddena aññaṃ asāmīcipariyāyaṃ sabbaṃ dosaṃ saṅgaṇhāti.
490. имзхи сад̇т̇увиймам̣санагааран̣зхийд̇и ‘‘барисуд̣̇д̇хагааяасамаажаарад̇аад̣̇ийхи жзва уд̇д̇аруд̇д̇арибан̣ийд̇абан̣ийд̇аавибарийд̇ад̇хаммад̣̇зсанаахи жаа’’д̇и имзхи яат̇аавуд̇д̇зхи сад̇т̇уубабаригканагааран̣зхи. агкарасамбин̣д̣анабад̣̇зхийд̇и д̇зсам̣язва гааран̣аанам̣ самб̣од̇ханзхи агкарасамуд̣̇ааяалагкан̣зхи бад̣̇зхи. ид̇ха вуд̇д̇зхи агкарзхийд̇и имасмим̣ суд̇д̇з вуд̇д̇зхи яат̇аавуд̇д̇асса ад̇т̇асса абхиб̣яан̃ж̇анад̇о б̣яан̃ж̇анасан̃н̃ид̇зхи агкарзхи. огаббанаад̇и сад̣̇д̇хзяяавад̇т̇ум̣ огганд̇ид̇ваа басийд̣̇анад̇о огаббаналагкан̣аа. сад̣̇д̇хааяа муулам̣ наамаад̇и авзжжаббасаад̣̇абхууд̇ааяа сад̣̇д̇хааяа муулам̣ наама гааран̣анд̇и сад̣̇д̣̇аханасса гааран̣ам̣ барисуд̣̇д̇хагааяасамаажаараад̣̇игам̣. т̇ираа бадибагкасамужчзд̣̇зна суббад̇идтид̇ад̇д̇аа. харид̇ум̣ на саггаад̇и абанзд̇ум̣ асаггун̣зяяаа. ид̇арзсу саман̣аб̣раахман̣ад̣̇звзсу вад̇д̇аб̣б̣амзва над̇т̇ийд̇и ааха ‘‘самид̇абаабасаман̣зна ваа’’д̇иаад̣̇и.
490.Imehi satthuvīmaṃsanakāraṇehīti ‘‘parisuddhakāyasamācāratādīhi ceva uttaruttaripaṇītapaṇītaaviparītadhammadesanāhi cā’’ti imehi yathāvuttehi satthuupaparikkhanakāraṇehi. Akkharasampiṇḍanapadehīti tesaṃyeva kāraṇānaṃ sambodhanehi akkharasamudāyalakkhaṇehi padehi. Idha vuttehi akkharehīti imasmiṃ sutte vuttehi yathāvuttassa atthassa abhibyañjanato byañjanasaññitehi akkharehi. Okappanāti saddheyyavatthuṃ okkantitvā pasīdanato okappanalakkhaṇā. Saddhāya mūlaṃ nāmāti aveccappasādabhūtāya saddhāya mūlaṃ nāma kāraṇanti saddahanassa kāraṇaṃ parisuddhakāyasamācārādikaṃ. Thirā paṭipakkhasamucchedena suppatiṭṭhitattā. Harituṃ na sakkāti apanetuṃ asakkuṇeyyā. Itaresu samaṇabrāhmaṇadevesu vattabbameva natthīti āha ‘‘samitapāpasamaṇena vā’’tiādi.
‘‘б̣уд̣̇д̇хаанам̣ гзсан̃жи саавагаанан̃жа виб̣аад̇ханад̇т̇ам̣ мааро убаг̇ажчад̇ий’’д̇и суд̇абуб̣б̣ад̇д̇аа ‘‘аяам̣ мааро ааг̇ад̇о’’д̇и жинд̇зси. аанубхаавасамбаннзна арияасаавагзна бужчид̇ад̇д̇аа мусааваад̣̇ам̣ гаад̇ум̣ наасагки. зд̇зд̇и яат̇аавуд̇д̇з самид̇абаабасаман̣аад̣̇аяо табзд̇ваа. сабхаавасаманнзсанаад̇и яаат̇аавасаманнзсанаа авибарийд̇авиймам̣саа. сабхаавзнзваад̇и саб̣бхаавзнзва яат̇аабхууд̇аг̇ун̣ад̇о зва. судту саммад̣̇зва. саманнзсид̇од̇и убабаригкид̇о. сзсам̣ сувин̃н̃зяяамзваад̇и.
‘‘Buddhānaṃ kesañci sāvakānañca vibādhanatthaṃ māro upagacchatī’’ti sutapubbattā ‘‘ayaṃ māro āgato’’ti cintesi. Ānubhāvasampannena ariyasāvakena pucchitattā musāvādaṃ kātuṃ nāsakkhi. Eteti yathāvutte samitapāpasamaṇādayo ṭhapetvā. Sabhāvasamannesanāti yāthāvasamannesanā aviparītavīmaṃsā. Sabhāvenevāti sabbhāveneva yathābhūtaguṇato eva. Suṭṭhu sammadeva. Samannesitoti upaparikkhito. Sesaṃ suviññeyyamevāti.
виймам̣сагасуд̇д̇аван̣н̣анааяа лийнад̇т̇аббагаасанаа самад̇д̇аа.
Vīmaṃsakasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. виймам̣сагасуд̇д̇ам̣ • 7. Vīmaṃsakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. виймам̣сагасуд̇д̇аван̣н̣анаа • 7. Vīmaṃsakasuttavaṇṇanā
