| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. виймам̣санабан̃хо
3. Vīmaṃsanapañho
3. рааж̇аа ааха ‘‘бханд̇з нааг̇асзна, саллабиссаси маяаа сад̣̇д̇хи’’нд̇и? ‘‘сажз, д̇вам̣ махаарааж̇а, бан̣д̣ид̇аваад̣̇ам̣ 1 саллабиссаси саллабиссаами, сажз бана рааж̇аваад̣̇ам̣ саллабиссаси на саллабиссаамий’’д̇и. ‘‘гат̇ам̣, бханд̇з нааг̇асзна, бан̣д̣ид̇аа саллабанд̇ий’’д̇и? ‘‘бан̣д̣ид̇аанам̣ ко, махаарааж̇а, саллаабз аавзтанамби гаяирад̇и, ниб̣б̣зтанамби гаяирад̇и, ниг̇г̇ахоби гаяирад̇и, бадигаммамби гаяирад̇и, виссаасоби 2 гаяирад̇и, бадивиссаасоби гаяирад̇и, на жа д̇зна бан̣д̣ид̇аа губбанд̇и, звам̣ ко, махаарааж̇а, бан̣д̣ид̇аа саллабанд̇ий’’д̇и. ‘‘гат̇ам̣ бана, бханд̇з, рааж̇аано саллабанд̇ий’’д̇и? ‘‘рааж̇аано ко, махаарааж̇а, саллаабз згам̣ вад̇т̇ум̣ бадиж̇аананд̇и, яо д̇ам̣ вад̇т̇ум̣ виломзд̇и, д̇асса д̣̇ан̣д̣ам̣ аан̣аабзнд̇и ‘имасса д̣̇ан̣д̣ам̣ бан̣зт̇аа’д̇и, звам̣ ко, махаарааж̇а, рааж̇аано саллабанд̇ий’’д̇и. ‘‘бан̣д̣ид̇аваад̣̇аахам̣, бханд̇з, саллабиссаами, но рааж̇аваад̣̇ам̣, виссадто бхад̣̇анд̇о саллабад̇у яат̇аа бхигкунаа ваа сааман̣зрзна ваа убаасагзна ваа аараамигзна ваа сад̣̇д̇хим̣ саллабад̇и , звам̣ виссадто бхад̣̇анд̇о саллабад̇у маа бхааяад̇уу’’д̇и. ‘‘судту махаарааж̇аа’’д̇и т̇зро аб̣бхаанумод̣̇и.
3. Rājā āha ‘‘bhante nāgasena, sallapissasi mayā saddhi’’nti? ‘‘Sace, tvaṃ mahārāja, paṇḍitavādaṃ 3 sallapissasi sallapissāmi, sace pana rājavādaṃ sallapissasi na sallapissāmī’’ti. ‘‘Kathaṃ, bhante nāgasena, paṇḍitā sallapantī’’ti? ‘‘Paṇḍitānaṃ kho, mahārāja, sallāpe āveṭhanampi kayirati, nibbeṭhanampi kayirati, niggahopi kayirati, paṭikammampi kayirati, vissāsopi 4 kayirati, paṭivissāsopi kayirati, na ca tena paṇḍitā kuppanti, evaṃ kho, mahārāja, paṇḍitā sallapantī’’ti. ‘‘Kathaṃ pana, bhante, rājāno sallapantī’’ti? ‘‘Rājāno kho, mahārāja, sallāpe ekaṃ vatthuṃ paṭijānanti, yo taṃ vatthuṃ vilometi, tassa daṇḍaṃ āṇāpenti ‘imassa daṇḍaṃ paṇethā’ti, evaṃ kho, mahārāja, rājāno sallapantī’’ti. ‘‘Paṇḍitavādāhaṃ, bhante, sallapissāmi, no rājavādaṃ, vissaṭṭho bhadanto sallapatu yathā bhikkhunā vā sāmaṇerena vā upāsakena vā ārāmikena vā saddhiṃ sallapati , evaṃ vissaṭṭho bhadanto sallapatu mā bhāyatū’’ti. ‘‘Suṭṭhu mahārājā’’ti thero abbhānumodi.
рааж̇аа ааха ‘‘бханд̇з нааг̇асзна, бужчиссаамий’’д̇и. ‘‘бужча махаарааж̇аа’’д̇и. ‘‘бужчид̇оси мз бханд̇з’’д̇и. ‘‘висаж̇ж̇ид̇ам̣ махаарааж̇аа’’д̇и. ‘‘гим̣ бана, бханд̇з, д̇аяаа висаж̇ж̇ид̇а’’нд̇и? ‘‘гим̣ бана, махаарааж̇а, д̇аяаа бужчид̇а’’нд̇и.
Rājā āha ‘‘bhante nāgasena, pucchissāmī’’ti. ‘‘Puccha mahārājā’’ti. ‘‘Pucchitosi me bhante’’ti. ‘‘Visajjitaṃ mahārājā’’ti. ‘‘Kiṃ pana, bhante, tayā visajjita’’nti? ‘‘Kiṃ pana, mahārāja, tayā pucchita’’nti.
виймам̣санабан̃хо д̇ад̇ияо.
Vīmaṃsanapañho tatiyo.
Footnotes:
