| Library / Tipiṭaka / திபிடக • Tipiṭaka / த⁴ம்மஸங்க³ணீ-அனுடீகா • Dhammasaṅgaṇī-anuṭīkā |
விமொக்க²கதா²வண்ணனா
Vimokkhakathāvaṇṇanā
248. தந்தி ‘‘ஸஸந்ததிபரியாபன்னரூப’’ந்தி வுத்தகேஸாதி³வண்ணமாஹ. தங் பன யஸ்மா க²லமண்ட³லாதி³ விய பரம்பராய ஜா²னஸ்ஸ காரணங், தஸ்மா ‘‘ஜா²னஸ்ஸ ஹேதுபா⁴வேனா’’தி ஆஹ. யேனாதி யதா²வுத்தரூபவிஸேஸேன. விஸிட்டே²னாதி அதிஸயப்பத்தேன ‘‘ரூபூபபத்தியா’’திஆதீ³ஸு (த⁴॰ ஸ॰ 160 ஆத³யோ; விப⁴॰ 625) விய உத்தரபத³லோபேன ‘‘ரூப’’ந்தி வுத்தேன ரூபஜா²னேன. ‘‘விஸிட்டே²னா’’தி இமினா ஹி அதிஸயரூபயுத்தோ ரூபீதி வுத்தோதி த³ஸ்ஸேதி. ‘‘பட²மங் ஜா²னங் உபஸம்பஜ்ஜ விஹரதி பத²வீகஸிண’’ந்திஆதி³னா (த⁴॰ ஸ॰ 499) ஜா²னானமேவ கஸிணபா⁴வேன பவத்தா. ஸுத்தே ஆரம்மணானங் கஸிணபா⁴வேன பவத்தா ‘‘பத²வீகஸிணமேகோ ஸஞ்ஜானாதீ’’திஆதி³னா (தீ³॰ நி॰ 3.360; அ॰ நி॰ 10.25).
248. Tanti ‘‘sasantatipariyāpannarūpa’’nti vuttakesādivaṇṇamāha. Taṃ pana yasmā khalamaṇḍalādi viya paramparāya jhānassa kāraṇaṃ, tasmā ‘‘jhānassa hetubhāvenā’’ti āha. Yenāti yathāvuttarūpavisesena. Visiṭṭhenāti atisayappattena ‘‘rūpūpapattiyā’’tiādīsu (dha. sa. 160 ādayo; vibha. 625) viya uttarapadalopena ‘‘rūpa’’nti vuttena rūpajhānena. ‘‘Visiṭṭhenā’’ti iminā hi atisayarūpayutto rūpīti vuttoti dasseti. ‘‘Paṭhamaṃ jhānaṃ upasampajja viharati pathavīkasiṇa’’ntiādinā (dha. sa. 499) jhānānameva kasiṇabhāvena pavattā. Sutte ārammaṇānaṃ kasiṇabhāvena pavattā ‘‘pathavīkasiṇameko sañjānātī’’tiādinā (dī. ni. 3.360; a. ni. 10.25).
விமொக்க²கதா²வண்ணனா நிட்டி²தா.
Vimokkhakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / ரூபாவசரகுஸலங் • Rūpāvacarakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / விமொக்க²கதா² • Vimokkhakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / விமொக்க²கதா²வண்ணனா • Vimokkhakathāvaṇṇanā
