Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā

    2. вимогканид̣̇д̣̇зсаван̣н̣анаа

    2. Vimokkhaniddesavaṇṇanā

    210. гад̇амод̇иаад̣̇игз уд̣̇д̣̇зсасса нид̣̇д̣̇зсз ид̇и бадисан̃жигкад̇ийд̇и звам̣ убабаригкад̇и. сун̃н̃амид̣̇анд̇и ид̣̇ам̣ канд̇хабан̃жагам̣ сун̃н̃ам̣. гзна сун̃н̃ам̣? ад̇д̇зна ваа ад̇д̇аниязна ваа. д̇ад̇т̇а ад̇д̇зна ваад̇и б̣аалаж̇анабаригаббид̇асса ад̇д̇ано абхааваа д̇зна ад̇д̇анаа жа сун̃н̃ам̣. ад̇д̇аниязна ваад̇и д̇асса баригаббид̇асса ад̇д̇ано санд̇агзна жа сун̃н̃ам̣. ад̇д̇ано абхаавзнзва ад̇д̇анияаабхааво. ад̇д̇анияан̃жа наама нижжам̣ ваа сияаа сукам̣ ваа, д̇ад̣̇убхаяамби над̇т̇и. д̇зна нижжабадигкзбзна анижжаанубассанаа, сукабадигкзбзна д̣̇угкаанубассанаа жа вуд̇д̇аа ход̇и. сун̃н̃амид̣̇ам̣ ад̇д̇зна ваад̇и анад̇д̇аанубассанааязва вуд̇д̇аа. сод̇и со звам̣ д̇ийхи анубассанаахи вибассамаано бхигку. абхинивзсам̣ на гарод̇ийд̇и анад̇д̇аанубассанаавасзна ад̇д̇аабхинивзсам̣ на гарод̇и.

    210.Katamotiādike uddesassa niddese iti paṭisañcikkhatīti evaṃ upaparikkhati. Suññamidanti idaṃ khandhapañcakaṃ suññaṃ. Kena suññaṃ? Attena vā attaniyena vā. Tattha attena vāti bālajanaparikappitassa attano abhāvā tena attanā ca suññaṃ. Attaniyena vāti tassa parikappitassa attano santakena ca suññaṃ. Attano abhāveneva attaniyābhāvo. Attaniyañca nāma niccaṃ vā siyā sukhaṃ vā, tadubhayampi natthi. Tena niccapaṭikkhepena aniccānupassanā, sukhapaṭikkhepena dukkhānupassanā ca vuttā hoti. Suññamidaṃ attena vāti anattānupassanāyeva vuttā. Soti so evaṃ tīhi anupassanāhi vipassamāno bhikkhu. Abhinivesaṃ na karotīti anattānupassanāvasena attābhinivesaṃ na karoti.

    нимид̇д̇ам̣ на гарод̇ийд̇и анижжаанубассанаавасзна нижжанимид̇д̇ам̣ на гарод̇и. бан̣ид̇хим̣ на гарод̇ийд̇и д̣̇угкаанубассанаавасзна бан̣ид̇хим̣ на гарод̇и. имз д̇аяо вимогкаа барияааязна вибассанаагкан̣з д̇ад̣̇ан̇г̇авасзнааби лаб̣бханд̇и, ниббарияааязна бана самужчзд̣̇авасзна маг̇г̇агкан̣зязва. жад̇д̇аари жхаанаани аж̇жхад̇д̇ам̣ нийваран̣аад̣̇ийхи вудтаанад̇о аж̇жхад̇д̇авудтаано вимогко. жад̇ассо аруубасамаабад̇д̇ияо аарамман̣зхи вудтаанад̇о б̣ахид̣̇д̇хаавудтаано вимогко. аарамман̣амби хи б̣аахирааяад̇анаани вияа ид̇ха ‘‘б̣ахид̣̇д̇хаа’’д̇и вуд̇д̇ам̣. имз д̣̇вз вигкамбханавимогкаа, д̣̇убхад̇о вудтаано бана самужчзд̣̇авимогко.

    Nimittaṃ na karotīti aniccānupassanāvasena niccanimittaṃ na karoti. Paṇidhiṃ na karotīti dukkhānupassanāvasena paṇidhiṃ na karoti. Ime tayo vimokkhā pariyāyena vipassanākkhaṇe tadaṅgavasenāpi labbhanti, nippariyāyena pana samucchedavasena maggakkhaṇeyeva. Cattāri jhānāni ajjhattaṃ nīvaraṇādīhi vuṭṭhānato ajjhattavuṭṭhāno vimokkho. Catasso arūpasamāpattiyo ārammaṇehi vuṭṭhānato bahiddhāvuṭṭhāno vimokkho. Ārammaṇampi hi bāhirāyatanāni viya idha ‘‘bahiddhā’’ti vuttaṃ. Ime dve vikkhambhanavimokkhā, dubhato vuṭṭhāno pana samucchedavimokkho.

    нийваран̣зхи вудтаад̇ийд̇иаад̣̇ийхи аж̇жхад̇д̇авудтаанам̣ саруубад̇о вуд̇д̇ам̣. руубасан̃н̃ааяаад̇иаад̣̇ийхи гасин̣аад̣̇иаарамман̣асамад̇иггамасса баагадад̇д̇аа д̇ам̣ авад̇ваа суд̇д̇анд̇зсу вуд̇д̇аруубасан̃н̃аад̣̇исамад̇иггамо вуд̇д̇о. саггааяад̣̇идтивижигижчаасийлаб̣б̣ад̇абараамаасаад̇и самаасабад̣̇ам̣, саггааяад̣̇идтияаа вижигижчааяа сийлаб̣б̣ад̇абараамаасаад̇и вижчзд̣̇о. аяамзва ваа баато.

    Nīvaraṇehi vuṭṭhātītiādīhi ajjhattavuṭṭhānaṃ sarūpato vuttaṃ. Rūpasaññāyātiādīhi kasiṇādiārammaṇasamatikkamassa pākaṭattā taṃ avatvā suttantesu vuttarūpasaññādisamatikkamo vutto. Sakkāyadiṭṭhivicikicchāsīlabbataparāmāsāti samāsapadaṃ, sakkāyadiṭṭhiyā vicikicchāya sīlabbataparāmāsāti vicchedo. Ayameva vā pāṭho.

    211. вид̇агго жаад̇иаад̣̇ийхи жхаанаанам̣ самаабад̇д̇ийнан̃жа убажаарабхуумияо вуд̇д̇аа. анижжаанубассанаад̇иаад̣̇ийхи жад̇уннам̣ маг̇г̇аанам̣ буб̣б̣абхааг̇авибассанаа вуд̇д̇аа. бадилаабхо ваад̇и бан̃жавид̇хавасиббад̇д̇ияаа б̣яаабид̇о бад̇т̇адо лаабход̇и бадилаабхо. васиббад̇д̇ияаа хи саб̣б̣о жхаанабаяог̇о жа самаабад̇д̇ибаяог̇о жа бадиббассад̣̇д̇хо ход̇и, д̇асмаа бадилаабхо ‘‘бадиббассад̣̇д̇хивимогко’’д̇и вуд̇д̇о. вибааго бана жхаанасса самаабад̇д̇ияаа жа бадиббассад̣̇д̇хи ход̇ийд̇и уж̇угамзва. гзжи бана ‘‘убажаарабаяог̇асса бадиббассад̣̇д̇хад̇д̇аа жхаанасса самаабад̇д̇ияаа жа бадилаабхо ход̇и, д̇асмаа жхаанасамаабад̇д̇ибадилаабхо ‘бадиббассад̣̇д̇хивимогко’д̇и вужжад̇ий’’д̇и вад̣̇анд̇и.

    211.Vitakko cātiādīhi jhānānaṃ samāpattīnañca upacārabhūmiyo vuttā. Aniccānupassanātiādīhi catunnaṃ maggānaṃ pubbabhāgavipassanā vuttā. Paṭilābhovāti pañcavidhavasippattiyā byāpito patthaṭo lābhoti paṭilābho. Vasippattiyā hi sabbo jhānapayogo ca samāpattipayogo ca paṭippassaddho hoti, tasmā paṭilābho ‘‘paṭippassaddhivimokkho’’ti vutto. Vipāko pana jhānassa samāpattiyā ca paṭippassaddhi hotīti ujukameva. Keci pana ‘‘upacārapayogassa paṭippassaddhattā jhānassa samāpattiyā ca paṭilābho hoti, tasmā jhānasamāpattipaṭilābho ‘paṭippassaddhivimokkho’ti vuccatī’’ti vadanti.

    212. аж̇жхад̇д̇анд̇и ад̇д̇аанам̣ ад̇хигижжа бавад̇д̇ам̣. бажжад̇д̇анд̇и ад̇д̇аанам̣ бадижжа бавад̇д̇ам̣. убхаязнааби нияагаж̇жхад̇д̇амзва д̣̇ийбзд̇и нийланимид̇д̇анд̇и нийламзва. нийласан̃н̃ам̣ бадилабхад̇ийд̇и д̇асмим̣ нийланимид̇д̇з нийламид̇исан̃н̃ам̣ бадилабхад̇и. суг̇г̇ахид̇ам̣ гарод̇ийд̇и баригаммабхуумияам̣ судту уг̇г̇ахид̇ам̣ гарод̇и. суубад̇хаарид̇ам̣ убад̇хаарзд̇ийд̇и убажаарабхуумияам̣ судту убад̇хаарид̇ам̣ гад̇ваа убад̇хаарзд̇и. сваавад̇т̇ид̇ам̣ авад̇т̇аабзд̇ийд̇и аббанаабхуумияам̣ судту нижчид̇ам̣ нижчинаад̇и. вавад̇т̇аабзд̇ийд̇иби баато. аж̇жхад̇д̇ан̃хи нийлабаригаммам̣ гаронд̇о гзсз ваа бид̇д̇з ваа агкид̇аарагааяам̣ ваа гарод̇и. б̣ахид̣̇д̇хаа нийланимид̇д̇зд̇и нийлабубпанийлавад̇т̇анийлад̇хаад̇уунам̣ ан̃н̃ад̇арз нийлагасин̣з. жид̇д̇ам̣ убасам̣харад̇ийд̇и жид̇д̇ам̣ убанзд̇и. бийд̇аад̣̇ийсуби зсзва наяо. аасзвад̇ийд̇и д̇амзва сан̃н̃ам̣ аад̣̇ид̇о сзвад̇и. бхаавзд̇ийд̇и вад̣дхзд̇и. б̣ахулийгарод̇ийд̇и бунаббунам̣ гарод̇и. руубанд̇и нийланимид̇д̇ам̣ руубам̣. руубасан̃н̃ийд̇и д̇асмим̣ руубз сан̃н̃аа руубасан̃н̃аа, саа асса ад̇т̇ийд̇и руубасан̃н̃ий. аж̇жхад̇д̇ам̣ бийд̇анимид̇д̇аад̣̇ийсу бийд̇абаригаммам̣ гаронд̇о мзд̣̇з ваа чавияаа ваа агкийнам̣ бийд̇адтаанз ваа гарод̇и. лохид̇абаригаммам̣ гаронд̇о мам̣сз ваа лохид̇з ваа ж̇ивхааяа ваа хад̇т̇ад̇алабаад̣̇ад̇алзсу ваа агкийнам̣ рад̇д̇адтаанз ваа гарод̇и. од̣̇аад̇абаригаммам̣ гаронд̇о адтимхи ваа д̣̇анд̇з ваа накз ваа агкийнам̣ сзд̇адтаанз ваа гарод̇и. аж̇жхад̇д̇ам̣ аруубанд̇и аж̇жхад̇д̇ам̣ руубанимид̇д̇ам̣ над̇т̇ийд̇и ад̇т̇о.

    212.Ajjhattanti attānaṃ adhikicca pavattaṃ. Paccattanti attānaṃ paṭicca pavattaṃ. Ubhayenāpi niyakajjhattameva dīpeti nīlanimittanti nīlameva. Nīlasaññaṃ paṭilabhatīti tasmiṃ nīlanimitte nīlamitisaññaṃ paṭilabhati. Suggahitaṃ karotīti parikammabhūmiyaṃ suṭṭhu uggahitaṃ karoti. Sūpadhāritaṃ upadhāretīti upacārabhūmiyaṃ suṭṭhu upadhāritaṃ katvā upadhāreti. Svāvatthitaṃ avatthāpetīti appanābhūmiyaṃ suṭṭhu nicchitaṃ nicchināti. Vavatthāpetītipi pāṭho. Ajjhattañhi nīlaparikammaṃ karonto kese vā pitte vā akkhitārakāyaṃ vā karoti. Bahiddhā nīlanimitteti nīlapupphanīlavatthanīladhātūnaṃ aññatare nīlakasiṇe. Cittaṃ upasaṃharatīti cittaṃ upaneti. Pītādīsupi eseva nayo. Āsevatīti tameva saññaṃ ādito sevati. Bhāvetīti vaḍḍheti. Bahulīkarotīti punappunaṃ karoti. Rūpanti nīlanimittaṃ rūpaṃ. Rūpasaññīti tasmiṃ rūpe saññā rūpasaññā, sā assa atthīti rūpasaññī. Ajjhattaṃ pītanimittādīsu pītaparikammaṃ karonto mede vā chaviyā vā akkhīnaṃ pītaṭṭhāne vā karoti. Lohitaparikammaṃ karonto maṃse vā lohite vā jivhāya vā hatthatalapādatalesu vā akkhīnaṃ rattaṭṭhāne vā karoti. Odātaparikammaṃ karonto aṭṭhimhi vā dante vā nakhe vā akkhīnaṃ setaṭṭhāne vā karoti. Ajjhattaṃ arūpanti ajjhattaṃ rūpanimittaṃ natthīti attho.

    мзд̇д̇аасахаг̇ад̇знаад̇и батамад̣̇уд̇ияад̇ад̇ияаж̇жхаанавасзна мзд̇д̇ааяа саманнааг̇ад̇зна. жзд̇асаад̇и жид̇д̇зна. згам̣ д̣̇исанд̇и згам̣ згиссаа д̣̇исааяа батамабариг̇г̇ахид̇ам̣ сад̇д̇ам̣ убаад̣̇ааяа згад̣̇исаабарияаабаннасад̇д̇апаран̣авасзна вуд̇д̇ам̣. парид̇ваад̇и пусид̇ваа аарамман̣ам̣ гад̇ваа. вихарад̇ийд̇и б̣рахмавихаараад̇хидтид̇ам̣ ирияаабат̇авихаарам̣ бавад̇д̇зд̇и. д̇ат̇аа д̣̇уд̇ияанд̇и яат̇аа бурад̇т̇имаад̣̇ийсу яам̣гин̃жи згам̣ д̣̇исам̣ парид̇ваа вихарад̇и, д̇ат̇зва д̇ад̣̇ананд̇арам̣ д̣̇уд̇ияам̣ д̇ад̇ияам̣ жад̇уд̇т̇ам̣ ваад̇и ад̇т̇о. ид̇и уд̣̇д̇ханд̇и зд̇знзва наязна убаримам̣ д̣̇исанд̇и вуд̇д̇ам̣ ход̇и. ад̇хо д̇ирияанд̇и ад̇ход̣̇исамби д̇ирияам̣ д̣̇исамби звамзва . д̇ад̇т̇а жа ад̇ход̇и хздтаа. д̇ирияанд̇и ануд̣̇исаа. звам̣ саб̣б̣ад̣̇исаасу ассаман̣д̣алигааяа ассамива мзд̇д̇аасахаг̇ад̇ам̣ жид̇д̇ам̣ саарзд̇иби бажжаасаарзд̇ибийд̇и. зд̇д̇аавад̇аа згамзгам̣ д̣̇исам̣ бариг̇г̇ахзд̇ваа од̇хисо мзд̇д̇аапаран̣ам̣ д̣̇ассид̇ам̣. саб̣б̣ад̇хийд̇иаад̣̇и бана анод̇хисо д̣̇ассанад̇т̇ам̣ вуд̇д̇ам̣. д̇ад̇т̇а саб̣б̣ад̇хийд̇и саб̣б̣ад̇т̇а. саб̣б̣ад̇д̇ад̇ааяаад̇и саб̣б̣зсу хийнамаж̇жхимуггадтамид̇д̇асабад̇д̇амаж̇жхад̇д̇аад̣̇иббабхзд̣̇зсу ад̇д̇ад̇ааяа, ‘‘аяам̣ барасад̇д̇о’’д̇и вибхааг̇ам̣ агад̇ваа ад̇д̇асамад̇ааяаад̇и вуд̇д̇ам̣ ход̇и. ат̇а ваа саб̣б̣ад̇д̇ад̇ааяаад̇и саб̣б̣зна жид̇д̇абхаавзна, ийсагамби б̣ахи авигкибамаанод̇и вуд̇д̇ам̣ ход̇и. саб̣б̣ааванд̇анд̇и саб̣б̣асад̇д̇аванд̇ам̣, саб̣б̣асад̇д̇аяуд̇д̇анд̇и ад̇т̇о. саб̣б̣аванд̇анд̇иби баато. логанд̇и сад̇д̇алогам̣.

    Mettāsahagatenāti paṭhamadutiyatatiyajjhānavasena mettāya samannāgatena. Cetasāti cittena. Ekaṃ disanti ekaṃ ekissā disāya paṭhamapariggahitaṃ sattaṃ upādāya ekadisāpariyāpannasattapharaṇavasena vuttaṃ. Pharitvāti phusitvā ārammaṇaṃ katvā. Viharatīti brahmavihārādhiṭṭhitaṃ iriyāpathavihāraṃ pavatteti. Tathā dutiyanti yathā puratthimādīsu yaṃkiñci ekaṃ disaṃ pharitvā viharati, tatheva tadanantaraṃ dutiyaṃ tatiyaṃ catutthaṃ vāti attho. Iti uddhanti eteneva nayena uparimaṃ disanti vuttaṃ hoti. Adho tiriyanti adhodisampi tiriyaṃ disampi evameva . Tattha ca adhoti heṭṭhā. Tiriyanti anudisā. Evaṃ sabbadisāsu assamaṇḍalikāya assamiva mettāsahagataṃ cittaṃ sāretipi paccāsāretipīti. Ettāvatā ekamekaṃ disaṃ pariggahetvā odhiso mettāpharaṇaṃ dassitaṃ. Sabbadhītiādi pana anodhiso dassanatthaṃ vuttaṃ. Tattha sabbadhīti sabbattha. Sabbattatāyāti sabbesu hīnamajjhimukkaṭṭhamittasapattamajjhattādippabhedesu attatāya, ‘‘ayaṃ parasatto’’ti vibhāgaṃ akatvā attasamatāyāti vuttaṃ hoti. Atha vā sabbattatāyāti sabbena cittabhāvena, īsakampi bahi avikkhipamānoti vuttaṃ hoti. Sabbāvantanti sabbasattavantaṃ, sabbasattayuttanti attho. Sabbavantantipi pāṭho. Lokanti sattalokaṃ.

    вибулзнаад̇и звамаад̣̇ибарияааяад̣̇ассанад̇о банзд̇т̇а буна ‘‘мзд̇д̇аасахаг̇ад̇знаа’’д̇и вуд̇д̇ам̣. яасмаа ваа зд̇т̇а од̇хисо паран̣з вияа буна д̇ат̇аасад̣̇д̣̇о ваа ид̇и-сад̣̇д̣̇о ваа на вуд̇д̇о, д̇асмаа буна ‘‘мзд̇д̇аасахаг̇ад̇зна жзд̇асаа’’д̇и вуд̇д̇ам̣, ниг̇аманавасзна ваа зд̇ам̣ вуд̇д̇ам̣. вибулзнаад̇и зд̇т̇а паран̣авасзна вибулад̇аа д̣̇адтаб̣б̣аа. бхуумивасзна бана д̇ам̣ махаг̇г̇ад̇ам̣. д̇ан̃хи гилзсавигкамбханасамад̇т̇ад̇ааяа вибулапалад̇ааяа д̣̇ийгхасанд̇аанад̇ааяа жа маханд̇абхаавам̣ г̇ад̇ам̣, маханд̇зхи ваа ул̣ааражчанд̣̇авийрияажид̇д̇абан̃н̃зхи г̇ад̇ам̣ бадибаннанд̇и махаг̇г̇ад̇ам̣. баг̇ун̣авасзна аббамаан̣асад̇д̇аарамман̣авасзна жа аббамаан̣ам̣. б̣яаабаад̣̇абажжад̇т̇игаббахаанзна авзрам̣. д̣̇оманассаббахаанад̇о аб̣яаабаж̇ж̇ам̣, нид̣̇д̣̇угканд̇и вуд̇д̇ам̣ ход̇и. аббадигуулаа хонд̇ийд̇и бхигкуно жид̇д̇асса аббадигуулаа худ̇ваа убадтаханд̇и. сзсзсуби вуд̇д̇анаязнзва гарун̣аамуд̣̇ид̇ааубзгкаавасзна яож̇зд̇аб̣б̣ам̣. гарун̣ааяа вихзсаабажжад̇т̇игаббахаанзна авзрам̣, муд̣̇ид̇ааяа арад̇ибажжад̇т̇игаббахаанзна.

    Vipulenāti evamādipariyāyadassanato panettha puna ‘‘mettāsahagatenā’’ti vuttaṃ. Yasmā vā ettha odhiso pharaṇe viya puna tathāsaddo vā iti-saddo vā na vutto, tasmā puna ‘‘mettāsahagatena cetasā’’ti vuttaṃ, nigamanavasena vā etaṃ vuttaṃ. Vipulenāti ettha pharaṇavasena vipulatā daṭṭhabbā. Bhūmivasena pana taṃ mahaggataṃ. Tañhi kilesavikkhambhanasamatthatāya vipulaphalatāya dīghasantānatāya ca mahantabhāvaṃ gataṃ, mahantehi vā uḷāracchandavīriyacittapaññehi gataṃ paṭipannanti mahaggataṃ. Paguṇavasena appamāṇasattārammaṇavasena ca appamāṇaṃ. Byāpādapaccatthikappahānena averaṃ. Domanassappahānato abyāpajjaṃ, niddukkhanti vuttaṃ hoti. Appaṭikūlā hontīti bhikkhuno cittassa appaṭikūlā hutvā upaṭṭhahanti. Sesesupi vuttanayeneva karuṇāmuditāupekkhāvasena yojetabbaṃ. Karuṇāya vihesāpaccatthikappahānena averaṃ, muditāya aratipaccatthikappahānena.

    убзгкаасахаг̇ад̇знаад̇и жад̇уд̇т̇аж̇жхаанавасзна убзгкааяа саманнааг̇ад̇зна. рааг̇абажжад̇т̇игаббахаанзна авзрам̣, г̇зхасид̇асоманассаббахаанад̇о аб̣яаабаж̇ж̇ам̣. саб̣б̣амби хи агусалам̣ гилзсабарил̣аахаяог̇ад̇о саб̣яаабаж̇ж̇амзваад̇и аяамзд̇зсам̣ висзсо.

    Upekkhāsahagatenāti catutthajjhānavasena upekkhāya samannāgatena. Rāgapaccatthikappahānena averaṃ, gehasitasomanassappahānato abyāpajjaṃ. Sabbampi hi akusalaṃ kilesapariḷāhayogato sabyāpajjamevāti ayametesaṃ viseso.

    213. саб̣б̣асод̇и саб̣б̣аагаарзна, саб̣б̣аасам̣ ваа, анавасзсаананд̇и ад̇т̇о. руубасан̃н̃аананд̇и сан̃н̃аасийсзна вуд̇д̇аруубааважараж̇жхаанаанан̃жзва д̇ад̣̇аарамман̣аанан̃жа. руубааважараж̇жхаанамби хи руубанд̇и вужжад̇и ‘‘руубий руубаани бассад̇ий’’д̇иаад̣̇ийсу (бади. ма. 1.209; д̇ха. са. 248), д̇асса аарамман̣амби б̣ахид̣̇д̇хаа руубаани бассад̇и ‘‘суван̣н̣ад̣̇уб̣б̣ан̣н̣ааний’’д̇иаад̣̇ийсу (д̇ха. са. 223). д̇асмаа ид̇ха руубз сан̃н̃аа руубасан̃н̃аад̇и звам̣ сан̃н̃аасийсзна вуд̇д̇аруубааважараж̇жхаанассзд̇ам̣ ад̇хиважанам̣. руубам̣ сан̃н̃аа ассаад̇и руубасан̃н̃ам̣, руубамасса нааманд̇и вуд̇д̇ам̣ ход̇и. звам̣ бат̇авийгасин̣аад̣̇ибхзд̣̇асса д̇ад̣̇аарамман̣асса жзд̇ам̣ ад̇хиважананд̇и взд̣̇ид̇аб̣б̣ам̣. самад̇иггамаад̇и вирааг̇аа нирод̇хаа жа. гим̣ вуд̇д̇ам̣ ход̇и? зд̇аасам̣ гусалавибаагагирияаавасзна бан̃жад̣̇асаннам̣ жхаанасан̇каад̇аанам̣ руубасан̃н̃аанам̣, зд̇зсан̃жа бат̇авийгасин̣аад̣̇ивасзна наваннам̣ аарамман̣асан̇каад̇аанам̣ руубасан̃н̃аанам̣ саб̣б̣аагаарзна, анавасзсаанам̣ ваа вирааг̇аа жа нирод̇хаа жа вирааг̇ахзд̇у жзва нирод̇хахзд̇у жа аагаасаанан̃жааяад̇анам̣ убасамбаж̇ж̇а вихарад̇и. на хи саггаа саб̣б̣асо анад̇игганд̇аруубасан̃н̃зна зд̇ам̣ убасамбаж̇ж̇а вихарид̇унд̇и. яасмаа бана аарамман̣асамад̇иггамзна бад̇д̇аб̣б̣аа зд̇аа самаабад̇д̇ияо, на згасмим̣язва аарамман̣з батамаж̇жхаанаад̣̇ийни вияа. аарамман̣з авирад̇д̇асса жа сан̃н̃аасамад̇иггамо на ход̇и, д̇асмаа аяам̣ аарамман̣асамад̇иггамавасзнааби ад̇т̇аван̣н̣анаа гад̇аад̇и взд̣̇ид̇аб̣б̣аа.

    213.Sabbasoti sabbākārena, sabbāsaṃ vā, anavasesānanti attho. Rūpasaññānanti saññāsīsena vuttarūpāvacarajjhānānañceva tadārammaṇānañca. Rūpāvacarajjhānampi hi rūpanti vuccati ‘‘rūpī rūpāni passatī’’tiādīsu (paṭi. ma. 1.209; dha. sa. 248), tassa ārammaṇampi bahiddhā rūpāni passati ‘‘suvaṇṇadubbaṇṇānī’’tiādīsu (dha. sa. 223). Tasmā idha rūpe saññā rūpasaññāti evaṃ saññāsīsena vuttarūpāvacarajjhānassetaṃ adhivacanaṃ. Rūpaṃ saññā assāti rūpasaññaṃ, rūpamassa nāmanti vuttaṃ hoti. Evaṃ pathavīkasiṇādibhedassa tadārammaṇassa cetaṃ adhivacananti veditabbaṃ. Samatikkamāti virāgā nirodhā ca. Kiṃ vuttaṃ hoti? Etāsaṃ kusalavipākakiriyāvasena pañcadasannaṃ jhānasaṅkhātānaṃ rūpasaññānaṃ, etesañca pathavīkasiṇādivasena navannaṃ ārammaṇasaṅkhātānaṃ rūpasaññānaṃ sabbākārena, anavasesānaṃ vā virāgā ca nirodhā ca virāgahetu ceva nirodhahetu ca ākāsānañcāyatanaṃ upasampajja viharati. Na hi sakkā sabbaso anatikkantarūpasaññena etaṃ upasampajja viharitunti. Yasmā pana ārammaṇasamatikkamena pattabbā etā samāpattiyo, na ekasmiṃyeva ārammaṇe paṭhamajjhānādīni viya. Ārammaṇe avirattassa ca saññāsamatikkamo na hoti, tasmā ayaṃ ārammaṇasamatikkamavasenāpi atthavaṇṇanā katāti veditabbā.

    бадигхасан̃н̃аанам̣ ад̇т̇ан̇г̇амаад̇и жагкаад̣̇ийнам̣ вад̇т̇уунам̣ руубаад̣̇ийнам̣ аарамман̣аанан̃жа бадигхаад̇зна уббаннаа сан̃н̃аа бадигхасан̃н̃аа, руубасан̃н̃аад̣̇ийнам̣ зд̇ам̣ ад̇хиважанам̣. д̇аасам̣ гусалавибаагаанам̣ бан̃жаннам̣, агусалавибаагаанам̣ бан̃жаннанд̇и саб̣б̣асо д̣̇асаннамби бадигхасан̃н̃аанам̣ ад̇т̇ан̇г̇амаа бахаанаа асамуббаад̣̇аа, аббавад̇д̇им̣ гад̇ваад̇и вуд̇д̇ам̣ ход̇и. гааман̃жзд̇аа батамаж̇жхаанаад̣̇ийни самаабаннассаби на санд̇и, на хи д̇асмим̣ самаяз бан̃жад̣̇вааравасзна жид̇д̇ам̣ бавад̇д̇ад̇и, звам̣ санд̇зби ан̃н̃ад̇т̇а бахийнаанам̣ сукад̣̇угкаанам̣ жад̇уд̇т̇аж̇жхаанз вияа саггааяад̣̇идтаад̣̇ийнам̣ д̇ад̇ияамаг̇г̇з вияа жа имасмим̣ жхаанз уссаахаж̇ананад̇т̇ам̣ имасса жхаанасса басам̣саавасзна зд̇аасам̣ зд̇т̇а важанам̣ взд̣̇ид̇аб̣б̣ам̣. ат̇а ваа гин̃жааби д̇аа руубааважарам̣ самаабаннасса на санд̇и, ат̇а ко на бахийнад̇д̇аа на санд̇и. на хи руубавирааг̇ааяа руубааважарабхааванаа сам̣вад̇д̇ад̇и, руубааяад̇д̇ааязва жа зд̇аасам̣ бавад̇д̇и. аяам̣ бана бхааванаа руубавирааг̇ааяа сам̣вад̇д̇ад̇и, д̇асмаа д̇аа зд̇т̇а бахийнаад̇и вад̇д̇ум̣ ваддад̇и. на гзвалан̃жа вад̇д̇ум̣, згам̣сзнзва звам̣ д̇хаарзд̇умби ваддад̇и. д̇аасан̃хи ид̇о буб̣б̣з аббахийнад̇д̇ааязва ‘‘батамаж̇жхаанам̣ самаабаннасса сад̣̇д̣̇о ган̣даго’’д̇и (а. ни. 10.72) вуд̇д̇о бхаг̇авад̇аа. ид̇ха жа бахийнад̇д̇ааязва аруубасамаабад̇д̇ийнам̣ аанзн̃ж̇ад̇аа санд̇авимогкад̇аа жа вуд̇д̇аа.

    Paṭighasaññānaṃ atthaṅgamāti cakkhādīnaṃ vatthūnaṃ rūpādīnaṃ ārammaṇānañca paṭighātena uppannā saññā paṭighasaññā, rūpasaññādīnaṃ etaṃ adhivacanaṃ. Tāsaṃ kusalavipākānaṃ pañcannaṃ, akusalavipākānaṃ pañcannanti sabbaso dasannampi paṭighasaññānaṃ atthaṅgamā pahānā asamuppādā, appavattiṃ katvāti vuttaṃ hoti. Kāmañcetā paṭhamajjhānādīni samāpannassapi na santi, na hi tasmiṃ samaye pañcadvāravasena cittaṃ pavattati, evaṃ santepi aññattha pahīnānaṃ sukhadukkhānaṃ catutthajjhāne viya sakkāyadiṭṭhādīnaṃ tatiyamagge viya ca imasmiṃ jhāne ussāhajananatthaṃ imassa jhānassa pasaṃsāvasena etāsaṃ ettha vacanaṃ veditabbaṃ. Atha vā kiñcāpi tā rūpāvacaraṃ samāpannassa na santi, atha kho na pahīnattā na santi. Na hi rūpavirāgāya rūpāvacarabhāvanā saṃvattati, rūpāyattāyeva ca etāsaṃ pavatti. Ayaṃ pana bhāvanā rūpavirāgāya saṃvattati, tasmā tā ettha pahīnāti vattuṃ vaṭṭati. Na kevalañca vattuṃ, ekaṃseneva evaṃ dhāretumpi vaṭṭati. Tāsañhi ito pubbe appahīnattāyeva ‘‘paṭhamajjhānaṃ samāpannassa saddo kaṇṭako’’ti (a. ni. 10.72) vutto bhagavatā. Idha ca pahīnattāyeva arūpasamāpattīnaṃ āneñjatā santavimokkhatā ca vuttā.

    наанад̇д̇асан̃н̃аанам̣ аманасигаараад̇и наанад̇д̇з ваа г̇ожарз бавад̇д̇аанам̣ сан̃н̃аанам̣, наанад̇д̇аанам̣ ваа сан̃н̃аанам̣. яасмаа хзд̇аа руубасад̣̇д̣̇аад̣̇ибхзд̣̇з наанад̇д̇з наанаасабхаавз г̇ожарз бавад̇д̇анд̇и, яасмаа жзд̇аа адта гаамааважарагусаласан̃н̃аа, д̣̇ваад̣̇аса агусаласан̃н̃аа, згаад̣̇аса гаамааважарагусалавибаагасан̃н̃аа, д̣̇вз агусалавибаагасан̃н̃аа, згаад̣̇аса гаамааважарагирияаасан̃н̃аад̇и звам̣ жад̇ужад̇д̇аалийсамби сан̃н̃аа наанад̇д̇аа наанаасабхааваа ан̃н̃аман̃н̃ависад̣̇исаа, д̇асмаа ‘‘наанад̇д̇асан̃н̃аа’’д̇и вуд̇д̇аа. д̇аасам̣ саб̣б̣асо наанад̇д̇асан̃н̃аанам̣ аманасигаараа анааваж̇ж̇анаа жид̇д̇з жа ануббаад̣̇анаа. яасмаа д̇аа нааваж̇ж̇ад̇и жид̇д̇з жа на уббаад̣̇зд̇и на манасигарод̇и на бажжавзгкад̇и, д̇асмаад̇и вуд̇д̇ам̣ ход̇и. яасмаа жзд̇т̇а буримаа руубасан̃н̃аа бадигхасан̃н̃аа жа иминаа жхаанзна ниб̣б̣ад̇д̇з бхавзби на виж̇ж̇анд̇и, баг̇зва д̇асмим̣ бхавз имам̣ жхаанам̣ убасамбаж̇ж̇а вихаран̣агаалз, д̇асмаа д̇аасам̣ самад̇иггамаа ад̇т̇ан̇г̇амаад̇и д̣̇взд̇хааби абхаавоязва вуд̇д̇о. наанад̇д̇асан̃н̃аасу бана яасмаа адта гаамааважарагусаласан̃н̃аа, нава гирияаасан̃н̃аа, д̣̇асаагусаласан̃н̃аад̇и имаа сад̇д̇авийсад̇и сан̃н̃аа иминаа жхаанзна ниб̣б̣ад̇д̇з бхавз виж̇ж̇анд̇и, д̇асмаа д̇аасам̣ аманасигаараад̇и вуд̇д̇анд̇и взд̣̇ид̇аб̣б̣ам̣. д̇ад̇т̇ааби хи имам̣ жхаанам̣ убасамбаж̇ж̇а вихаранд̇о д̇аасам̣ аманасигаарааязва убасамбаж̇ж̇а вихарад̇и. д̇аа бана манасигаронд̇о асамаабанно ход̇ийд̇и. сан̇кзбад̇о жзд̇т̇а ‘‘руубасан̃н̃аанам̣ самад̇иггамаа’’д̇ииминаа саб̣б̣аруубааважарад̇хаммаанам̣ бахаанам̣ вуд̇д̇ам̣. ‘‘бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа’’д̇ииминаа саб̣б̣зсам̣ гаамааважаражид̇д̇ажзд̇асигаанам̣ бахаанан̃жа аманасигааро жа вуд̇д̇од̇и взд̣̇ид̇аб̣б̣о.

    Nānattasaññānaṃ amanasikārāti nānatte vā gocare pavattānaṃ saññānaṃ, nānattānaṃ vā saññānaṃ. Yasmā hetā rūpasaddādibhede nānatte nānāsabhāve gocare pavattanti, yasmā cetā aṭṭha kāmāvacarakusalasaññā, dvādasa akusalasaññā, ekādasa kāmāvacarakusalavipākasaññā, dve akusalavipākasaññā, ekādasa kāmāvacarakiriyāsaññāti evaṃ catucattālīsampi saññā nānattā nānāsabhāvā aññamaññavisadisā, tasmā ‘‘nānattasaññā’’ti vuttā. Tāsaṃ sabbaso nānattasaññānaṃ amanasikārā anāvajjanā citte ca anuppādanā. Yasmā tā nāvajjati citte ca na uppādeti na manasikaroti na paccavekkhati, tasmāti vuttaṃ hoti. Yasmā cettha purimā rūpasaññā paṭighasaññā ca iminā jhānena nibbatte bhavepi na vijjanti, pageva tasmiṃ bhave imaṃ jhānaṃ upasampajja viharaṇakāle, tasmā tāsaṃ samatikkamā atthaṅgamāti dvedhāpi abhāvoyeva vutto. Nānattasaññāsu pana yasmā aṭṭha kāmāvacarakusalasaññā, nava kiriyāsaññā, dasākusalasaññāti imā sattavīsati saññā iminā jhānena nibbatte bhave vijjanti, tasmā tāsaṃ amanasikārāti vuttanti veditabbaṃ. Tatthāpi hi imaṃ jhānaṃ upasampajja viharanto tāsaṃ amanasikārāyeva upasampajja viharati. Tā pana manasikaronto asamāpanno hotīti. Saṅkhepato cettha ‘‘rūpasaññānaṃ samatikkamā’’tiiminā sabbarūpāvacaradhammānaṃ pahānaṃ vuttaṃ. ‘‘Paṭighasaññānaṃ atthaṅgamā nānattasaññānaṃ amanasikārā’’tiiminā sabbesaṃ kāmāvacaracittacetasikānaṃ pahānañca amanasikāro ca vuttoti veditabbo.

    ананд̇о аагаасод̇и зд̇т̇а бан̃н̃ад̇д̇имад̇д̇ад̇д̇аа наасса уббаад̣̇анд̇о ваа ваяанд̇о ваа бан̃н̃ааяад̇ийд̇и ананд̇о, ананд̇апаран̣авасзнааби ананд̇о. на хи со яог̇ий згад̣̇зсавасзна парад̇и, сагалавасзнзва парад̇и. аагаасод̇и гасин̣уг̇гхаадимаагаасо. аагаасаанан̃жааяад̇анаад̣̇ийни вуд̇д̇ад̇т̇аани. убасамбаж̇ж̇а вихарад̇ийд̇и д̇ам̣ бад̇ваа нибпаад̣̇зд̇ваа д̇ад̣̇ануруубзна ирияаабат̇зна вихарад̇и. д̇ад̣̇зва самаабаж̇ж̇ид̇аб̣б̣ад̇о самаабад̇д̇и.

    Anantoākāsoti ettha paññattimattattā nāssa uppādanto vā vayanto vā paññāyatīti ananto, anantapharaṇavasenāpi ananto. Na hi so yogī ekadesavasena pharati, sakalavaseneva pharati. Ākāsoti kasiṇugghāṭimākāso. Ākāsānañcāyatanādīni vuttatthāni. Upasampajja viharatīti taṃ patvā nipphādetvā tadanurūpena iriyāpathena viharati. Tadeva samāpajjitabbato samāpatti.

    аагаасаанан̃жааяад̇анам̣ самад̇иггаммаад̇и буб̣б̣з вуд̇д̇анаязна жхаанамби аагаасаанан̃жааяад̇анам̣ аарамман̣амби. аарамман̣амби хи буб̣б̣з вуд̇д̇анаязнзва аагаасаанан̃жам̣ жа д̇ам̣ батамасса ааруббаж̇жхаанасса аарамман̣ад̇д̇аа д̣̇зваанам̣ д̣̇звааяад̇анам̣ вияа ад̇хидтаанадтзна ааяад̇анан̃жаад̇и аагаасаанан̃жааяад̇анам̣, д̇ат̇аа аагаасаанан̃жам̣ жа д̇ам̣ д̇асса жхаанасса сан̃ж̇аад̇ихзд̇уд̇д̇аа ‘‘гамб̣ож̇аа ассаанам̣ ааяад̇ана’’нд̇иаад̣̇ийни вияа сан̃ж̇аад̇ид̣̇зсадтзна ааяад̇анан̃жаад̇иби аагаасаанан̃жааяад̇анам̣. звамзд̇ам̣ жхаанан̃жа аарамман̣ан̃жаад̇и убхаяамби аббавад̇д̇игаран̣зна жа аманасигаран̣зна жа самад̇иггамид̇ваава яасмаа ид̣̇ам̣ вин̃н̃аан̣ан̃жааяад̇анам̣ убасамбаж̇ж̇а вихаад̇аб̣б̣ам̣, д̇асмаа убхаяамбзд̇амзгаж̇жхам̣ гад̇ваа ‘‘аагаасаанан̃жааяад̇анам̣ самад̇иггаммаа’’д̇и ид̣̇ам̣ вуд̇д̇анд̇и взд̣̇ид̇аб̣б̣ам̣. ананд̇ам̣ вин̃н̃аан̣анд̇и д̇ам̣язва ‘‘ананд̇о аагаасо’’д̇и парид̇ваа бавад̇д̇ам̣ вин̃н̃аан̣ам̣ ‘‘ананд̇ам̣ вин̃н̃аан̣а’’нд̇и манасигаронд̇од̇и вуд̇д̇ам̣ ход̇и. манасигааравасзна ваа ананд̇ам̣. со хи д̇ам̣ аагаасаарамман̣ам̣ вин̃н̃аан̣ам̣ анавасзсад̇о манасигаронд̇о ананд̇ам̣ манаси гарод̇и.

    Ākāsānañcāyatanaṃ samatikkammāti pubbe vuttanayena jhānampi ākāsānañcāyatanaṃ ārammaṇampi. Ārammaṇampi hi pubbe vuttanayeneva ākāsānañcaṃ ca taṃ paṭhamassa āruppajjhānassa ārammaṇattā devānaṃ devāyatanaṃ viya adhiṭṭhānaṭṭhena āyatanañcāti ākāsānañcāyatanaṃ, tathā ākāsānañcaṃ ca taṃ tassa jhānassa sañjātihetuttā ‘‘kambojā assānaṃ āyatana’’ntiādīni viya sañjātidesaṭṭhena āyatanañcātipi ākāsānañcāyatanaṃ. Evametaṃ jhānañca ārammaṇañcāti ubhayampi appavattikaraṇena ca amanasikaraṇena ca samatikkamitvāva yasmā idaṃ viññāṇañcāyatanaṃ upasampajja vihātabbaṃ, tasmā ubhayampetamekajjhaṃ katvā ‘‘ākāsānañcāyatanaṃ samatikkammā’’ti idaṃ vuttanti veditabbaṃ. Anantaṃ viññāṇanti taṃyeva ‘‘ananto ākāso’’ti pharitvā pavattaṃ viññāṇaṃ ‘‘anantaṃ viññāṇa’’nti manasikarontoti vuttaṃ hoti. Manasikāravasena vā anantaṃ. So hi taṃ ākāsārammaṇaṃ viññāṇaṃ anavasesato manasikaronto anantaṃ manasi karoti.

    вин̃н̃аан̣ан̃жааяад̇анам̣ самад̇иггаммаад̇и зд̇т̇ааби жа буб̣б̣з вуд̇д̇анаязнзва жхаанамби вин̃н̃аан̣ан̃жааяад̇анам̣ аарамман̣амби. аарамман̣амби хи буб̣б̣з вуд̇д̇анаязнзва вин̃н̃аан̣ан̃жам̣ жа д̇ам̣ д̣̇уд̇ияасса ааруббаж̇жхаанасса аарамман̣ад̇д̇аа ад̇хидтаанадтзна ааяад̇анан̃жаад̇и вин̃н̃аан̣ан̃жааяад̇анам̣, д̇ат̇аа вин̃н̃аан̣ан̃жам̣ жа д̇ам̣ д̇ассзва жхаанасса сан̃ж̇аад̇ихзд̇уд̇д̇аа сан̃ж̇аад̇ид̣̇зсадтзна ааяад̇анан̃жаад̇иби вин̃н̃аан̣ан̃жааяад̇анам̣. звамзд̇ам̣ жхаанан̃жа аарамман̣ан̃жаад̇и убхаяамби аббавад̇д̇игаран̣зна жа аманасигаран̣зна жа самад̇иггамид̇ваава яасмаа ид̣̇ам̣ аагин̃жан̃н̃ааяад̇анам̣ убасамбаж̇ж̇а вихаад̇аб̣б̣ам̣, д̇асмаа убхаяамбзд̇амзгаж̇жхам̣ гад̇ваа ‘‘вин̃н̃аан̣ан̃жааяад̇анам̣ самад̇иггаммаа’’д̇и ид̣̇ам̣ вуд̇д̇анд̇и взд̣̇ид̇аб̣б̣ам̣. над̇т̇и гин̃жийд̇и над̇т̇и над̇т̇и, сун̃н̃ам̣ сун̃н̃ам̣, вивид̇д̇ам̣ вивид̇д̇анд̇и звам̣ манасигаронд̇од̇и вуд̇д̇ам̣ ход̇и.

    Viññāṇañcāyatanaṃsamatikkammāti etthāpi ca pubbe vuttanayeneva jhānampi viññāṇañcāyatanaṃ ārammaṇampi. Ārammaṇampi hi pubbe vuttanayeneva viññāṇañcaṃ ca taṃ dutiyassa āruppajjhānassa ārammaṇattā adhiṭṭhānaṭṭhena āyatanañcāti viññāṇañcāyatanaṃ, tathā viññāṇañcaṃ ca taṃ tasseva jhānassa sañjātihetuttā sañjātidesaṭṭhena āyatanañcātipi viññāṇañcāyatanaṃ. Evametaṃ jhānañca ārammaṇañcāti ubhayampi appavattikaraṇena ca amanasikaraṇena ca samatikkamitvāva yasmā idaṃ ākiñcaññāyatanaṃ upasampajja vihātabbaṃ, tasmā ubhayampetamekajjhaṃ katvā ‘‘viññāṇañcāyatanaṃ samatikkammā’’ti idaṃ vuttanti veditabbaṃ. Natthi kiñcīti natthi natthi, suññaṃ suññaṃ, vivittaṃ vivittanti evaṃ manasikarontoti vuttaṃ hoti.

    аагин̃жан̃н̃ааяад̇анам̣ самад̇иггаммаад̇и зд̇т̇ааби буб̣б̣з вуд̇д̇анаязнзва жхаанамби аагин̃жан̃н̃ааяад̇анам̣ аарамман̣амби. аарамман̣амби хи буб̣б̣з вуд̇д̇анаязнзва аагин̃жан̃н̃ан̃жа д̇ам̣ д̇ад̇ияасса ааруббаж̇жхаанасса аарамман̣ад̇д̇аа ад̇хидтаанадтзна ааяад̇анан̃жаад̇и аагин̃жан̃н̃ааяад̇анам̣, д̇ат̇аа аагин̃жан̃н̃ан̃жа д̇ам̣ д̇ассзва жхаанасса сан̃ж̇аад̇ихзд̇уд̇д̇аа сан̃ж̇аад̇ид̣̇зсадтзна ааяад̇анан̃жаад̇иби аагин̃жан̃н̃ааяад̇анам̣. звамзд̇ам̣ жхаанан̃жа аарамман̣ан̃жаад̇и убхаяамби аббавад̇д̇игаран̣зна жа аманасигаран̣зна жа самад̇иггамид̇ваава яасмаа ид̣̇ам̣ нзвасан̃н̃аанаасан̃н̃ааяад̇анам̣ убасамбаж̇ж̇а вихаад̇аб̣б̣ам̣, д̇асмаа убхаяамбзд̇амзгаж̇жхам̣ гад̇ваа ‘‘аагин̃жан̃н̃ааяад̇анам̣ самад̇иггаммаа’’д̇и ид̣̇ам̣ вуд̇д̇анд̇и взд̣̇ид̇аб̣б̣ам̣. сан̃н̃аавзд̣̇аяид̇анирод̇хагат̇аа хздтаа гат̇ид̇аава.

    Ākiñcaññāyatanaṃsamatikkammāti etthāpi pubbe vuttanayeneva jhānampi ākiñcaññāyatanaṃ ārammaṇampi. Ārammaṇampi hi pubbe vuttanayeneva ākiñcaññañca taṃ tatiyassa āruppajjhānassa ārammaṇattā adhiṭṭhānaṭṭhena āyatanañcāti ākiñcaññāyatanaṃ, tathā ākiñcaññañca taṃ tasseva jhānassa sañjātihetuttā sañjātidesaṭṭhena āyatanañcātipi ākiñcaññāyatanaṃ. Evametaṃ jhānañca ārammaṇañcāti ubhayampi appavattikaraṇena ca amanasikaraṇena ca samatikkamitvāva yasmā idaṃ nevasaññānāsaññāyatanaṃ upasampajja vihātabbaṃ, tasmā ubhayampetamekajjhaṃ katvā ‘‘ākiñcaññāyatanaṃ samatikkammā’’ti idaṃ vuttanti veditabbaṃ. Saññāvedayitanirodhakathā heṭṭhā kathitāva.

    ‘‘руубий руубаани бассад̇ий’’д̇иаад̣̇игаа сад̇д̇а вимогкаа бажжанийгад̇хаммзхи судту вимужжанадтзна аарамман̣з абхирад̇ивасзна судту мужжанадтзна жа вимогкаа, нирод̇хасамаабад̇д̇и бана жид̇д̇ажзд̇асигзхи вимуд̇д̇адтзна вимогко. самаабад̇д̇исамаабаннасамаяз вимуд̇д̇о ход̇и, вудтид̇асамаяз авимуд̇д̇о ход̇ийд̇и самаяавимогко. самужчзд̣̇авимуд̇д̇ивасзна ажжанд̇авимуд̇д̇ад̇д̇аа арияамаг̇г̇аа, бадиббассад̣̇д̇хивимуд̇д̇ивасзна ажжанд̇авимуд̇д̇ад̇д̇аа сааман̃н̃апалаани, ниссаран̣авимуд̇д̇ивасзна ажжанд̇авимуд̇д̇ад̇д̇аа ниб̣б̣аанам̣ асамаяавимогко. д̇ат̇аа саамаяигаасаамаяигавимогкаа.

    ‘‘Rūpī rūpāni passatī’’tiādikā satta vimokkhā paccanīkadhammehi suṭṭhu vimuccanaṭṭhena ārammaṇe abhirativasena suṭṭhu muccanaṭṭhena ca vimokkhā, nirodhasamāpatti pana cittacetasikehi vimuttaṭṭhena vimokkho. Samāpattisamāpannasamaye vimutto hoti, vuṭṭhitasamaye avimutto hotīti samayavimokkho. Samucchedavimuttivasena accantavimuttattā ariyamaggā, paṭippassaddhivimuttivasena accantavimuttattā sāmaññaphalāni, nissaraṇavimuttivasena accantavimuttattā nibbānaṃ asamayavimokkho. Tathā sāmayikāsāmayikavimokkhā.

    бамаад̣̇ам̣ ааг̇амма барихааяад̇ийд̇и губбо. д̇ат̇аа на барихааяад̇ийд̇и агуббо. логааяа сам̣вад̇д̇ад̇ийд̇и логияо. арияамаг̇г̇аа логам̣ уд̇д̇аранд̇ийд̇и логуд̇д̇араа, сааман̃н̃апалаани ниб̣б̣аанан̃жа логад̇о уд̇д̇ин̣н̣аад̇и логуд̇д̇араа. аад̣̇ид̇д̇ам̣ аяог̇ул̣ам̣ магкигаа вияа д̇зж̇уссад̣̇ам̣ логуд̇д̇арам̣ д̇хаммам̣ аасаваа нааламб̣анд̇ийд̇и анаасаво. руубаббадисан̃н̃уд̇д̇од̇и руубаж̇жхаанаани. аруубаббадисан̃н̃уд̇д̇од̇и аруубасамаабад̇д̇ияо. д̇ан̣хааяа ааламб̣ид̇о бан̣ихид̇о. анааламб̣ид̇о аббан̣ихид̇о. маг̇г̇апалаани згаарамман̣ад̇д̇аа зганидтад̇д̇аа жа згад̇д̇авимогко, ниб̣б̣аанам̣ ад̣̇уд̇ияад̇д̇аа згад̇д̇авимогко, аарамман̣анаанад̇д̇аа вибааганаанад̇д̇аа жа наанад̇д̇авимогко.

    Pamādaṃ āgamma parihāyatīti kuppo. Tathā na parihāyatīti akuppo. Lokāya saṃvattatīti lokiyo. Ariyamaggā lokaṃ uttarantīti lokuttarā, sāmaññaphalāni nibbānañca lokato uttiṇṇāti lokuttarā. Ādittaṃ ayoguḷaṃ makkhikā viya tejussadaṃ lokuttaraṃ dhammaṃ āsavā nālambantīti anāsavo. Rūpappaṭisaññuttoti rūpajjhānāni. Arūpappaṭisaññuttoti arūpasamāpattiyo. Taṇhāya ālambito paṇihito. Anālambito appaṇihito. Maggaphalāni ekārammaṇattā ekaniṭṭhattā ca ekattavimokkho, nibbānaṃ adutiyattā ekattavimokkho, ārammaṇanānattā vipākanānattā ca nānattavimokkho.

    214. сияаад̇и бхавзяяа, д̣̇аса хонд̇ийд̇и жа зго ход̇ийд̇и жа бхавзяяаад̇и ад̇т̇о. ‘‘сияаа’’д̇и жа зд̇ам̣ вид̇хиважанам̣, на бужчааважанам̣. вад̇т̇увасзнаад̇и нижжасан̃н̃аад̣̇ид̣̇асавад̇т̇увасзна д̣̇аса хонд̇и. барияааязнаад̇и вимужжанабарияааязна зго ход̇и. сияаад̇и гат̇ан̃жа сияаад̇и яам̣ ваа сияаад̇и вихид̇ам̣, д̇ам̣ гат̇ам̣ сияаад̇и бужчад̇и. анижжаанубассанан̃аан̣анд̇и самаасабад̣̇ам̣. анижжаанубассанаан̃аан̣анд̇и ваа баато. д̇ат̇аа сзсзсуби. нижжад̇о сан̃н̃ааяаад̇и нижжад̇о бавад̇д̇ааяа сан̃н̃ааяа, ‘‘нижжа’’нд̇и бавад̇д̇ааяа сан̃н̃ааяаад̇и ад̇т̇о. зса наяо сукад̇о ад̇д̇ад̇о нимид̇д̇ад̇о сан̃н̃ааяаад̇и зд̇т̇ааби. нимид̇д̇ад̇од̇и жа нижжанимид̇д̇ад̇о. нанд̣̇ияаа сан̃н̃ааяаад̇и нанд̣̇ивасзна бавад̇д̇ааяа сан̃н̃ааяа, нанд̣̇исамбаяуд̇д̇ааяа сан̃н̃ааяаад̇и ад̇т̇о. зса наяо рааг̇ад̇о самуд̣̇аяад̇о аад̣̇аанад̇о бан̣ид̇хид̇о абхинивзсад̇о сан̃н̃ааяаад̇и зд̇т̇ааби. яасмаа бана каяаваяавибарин̣аамаанубассанаа д̇иссо анижжаанубассанаад̣̇ийнам̣ б̣алавабхаавааяа б̣алавабажжаяабхууд̇аа бхан̇г̇аанубассанаависзсаа. бхан̇г̇ад̣̇ассанзна хи анижжаанубассанаа б̣алавад̇ий ход̇и. анижжаанубассанааяа жа б̣алавад̇ияаа ж̇аад̇ааяа ‘‘яад̣̇анижжам̣ д̇ам̣ д̣̇угкам̣, яам̣ д̣̇угкам̣ д̇ад̣̇анад̇д̇аа’’д̇и (сам̣. ни. 3.15) д̣̇угкаанад̇д̇аанубассанааби б̣алавад̇ияо хонд̇и. д̇асмаа анижжаанубассанаад̣̇ийсу вуд̇д̇аасу д̇ааби д̇иссо вуд̇д̇аава хонд̇и. яасмаа жа сун̃н̃ад̇аанубассанаа ‘‘абхинивзсад̇о сан̃н̃ааяа мужжад̇ий’’д̇и важанзнзва саараад̣̇аанаабхинивзсасаммохаабхинивзсааалаяаабхинивзсасан̃н̃ог̇аабхинивзсад̇о сан̃н̃ааяа мужжад̇ийд̇и вуд̇д̇амзва ход̇и, абхинивзсаабхаавзнзва аббадисан̇каад̇о сан̃н̃ааяа мужжад̇ийд̇и вуд̇д̇амзва ход̇и, д̇асмаа ад̇хибан̃н̃аад̇хаммавибассанаад̣̇аяо бан̃жаби анубассанаа на вуд̇д̇аад̇и взд̣̇ид̇аб̣б̣аа. звам̣ адтаарасасу махаавибассанаасу зд̇аа адта анубассанаа авад̇ваа д̣̇асзва анубассанаа вуд̇д̇аад̇и взд̣̇ид̇аб̣б̣аа.

    214.Siyāti bhaveyya, dasa hontīti ca eko hotīti ca bhaveyyāti attho. ‘‘Siyā’’ti ca etaṃ vidhivacanaṃ, na pucchāvacanaṃ. Vatthuvasenāti niccasaññādidasavatthuvasena dasa honti. Pariyāyenāti vimuccanapariyāyena eko hoti. Siyāti kathañca siyāti yaṃ vā siyāti vihitaṃ, taṃ kathaṃ siyāti pucchati. Aniccānupassanañāṇanti samāsapadaṃ. Aniccānupassanāñāṇanti vā pāṭho. Tathā sesesupi. Niccato saññāyāti niccato pavattāya saññāya, ‘‘nicca’’nti pavattāya saññāyāti attho. Esa nayo sukhato attato nimittato saññāyāti etthāpi. Nimittatoti ca niccanimittato. Nandiyā saññāyāti nandivasena pavattāya saññāya, nandisampayuttāya saññāyāti attho. Esa nayo rāgato samudayato ādānato paṇidhito abhinivesato saññāyāti etthāpi. Yasmā pana khayavayavipariṇāmānupassanā tisso aniccānupassanādīnaṃ balavabhāvāya balavapaccayabhūtā bhaṅgānupassanāvisesā. Bhaṅgadassanena hi aniccānupassanā balavatī hoti. Aniccānupassanāya ca balavatiyā jātāya ‘‘yadaniccaṃ taṃ dukkhaṃ, yaṃ dukkhaṃ tadanattā’’ti (saṃ. ni. 3.15) dukkhānattānupassanāpi balavatiyo honti. Tasmā aniccānupassanādīsu vuttāsu tāpi tisso vuttāva honti. Yasmā ca suññatānupassanā ‘‘abhinivesato saññāya muccatī’’ti vacaneneva sārādānābhinivesasammohābhinivesaālayābhinivesasaññogābhinivesato saññāya muccatīti vuttameva hoti, abhinivesābhāveneva appaṭisaṅkhāto saññāya muccatīti vuttameva hoti, tasmā adhipaññādhammavipassanādayo pañcapi anupassanā na vuttāti veditabbā. Evaṃ aṭṭhārasasu mahāvipassanāsu etā aṭṭha anupassanā avatvā daseva anupassanā vuttāti veditabbā.

    215. анижжаанубассанаа яат̇аабхууд̇ам̣ н̃аан̣анд̇и анижжаанубассанааязва яат̇аабхууд̇ан̃аан̣ам̣. убхаяамби бажжад̇д̇аважанам̣. яат̇аабхууд̇ан̃аан̣анд̇и н̃аан̣ад̇т̇о вуд̇д̇о. звам̣ сзсзсуби. саммохаа ан̃н̃аан̣аад̇и саммохабхууд̇аа ан̃н̃аан̣аа. мужжад̇ийд̇и вимогкад̇т̇о вуд̇д̇о.

    215.Aniccānupassanā yathābhūtaṃ ñāṇanti aniccānupassanāyeva yathābhūtañāṇaṃ. Ubhayampi paccattavacanaṃ. Yathābhūtañāṇanti ñāṇattho vutto. Evaṃ sesesupi. Sammohā aññāṇāti sammohabhūtā aññāṇā. Muccatīti vimokkhattho vutto.

    216. анижжаанубассанаа ануд̇д̇арам̣ сийд̇ибхааван̃аан̣анд̇и зд̇т̇а саасанзязва саб̣бхаавад̇о уд̇д̇амадтзна ануд̇д̇арам̣, ануд̇д̇арасса бажжаяад̇д̇аа ваа ануд̇д̇арам̣, сийд̇ибхааво зва н̃аан̣ам̣ сийд̇ибхааван̃аан̣ам̣. д̇ам̣ анижжаанубассанаасан̇каад̇ам̣ ануд̇д̇арам̣ сийд̇ибхааван̃аан̣ам̣. ‘‘чахи, бхигкавз, д̇хаммзхи саманнааг̇ад̇о бхигку бхаб̣б̣о ануд̇д̇арам̣ сийд̇ибхаавам̣ сажчигаад̇у’’нд̇и (а. ни. 6.85) зд̇т̇а ниб̣б̣аанам̣ ануд̇д̇аро сийд̇ибхааво наама. ид̇ха бана вибассанаа ануд̇д̇аро сийд̇ибхааво. нижжад̇о санд̇аабабарил̣аахад̣̇арат̇аа мужжад̇ийд̇и зд̇т̇ааби ‘‘нижжа’’нд̇и бавад̇д̇агилзсаа зва ид̇ха жаамуд̇ра жа санд̇аабанадтзна санд̇аабо, барид̣̇аханадтзна барил̣аахо, ун̣хадтзна д̣̇арат̇од̇и вужжанд̇и.

    216.Aniccānupassanāanuttaraṃ sītibhāvañāṇanti ettha sāsaneyeva sabbhāvato uttamaṭṭhena anuttaraṃ, anuttarassa paccayattā vā anuttaraṃ, sītibhāvo eva ñāṇaṃ sītibhāvañāṇaṃ. Taṃ aniccānupassanāsaṅkhātaṃ anuttaraṃ sītibhāvañāṇaṃ. ‘‘Chahi, bhikkhave, dhammehi samannāgato bhikkhu bhabbo anuttaraṃ sītibhāvaṃ sacchikātu’’nti (a. ni. 6.85) ettha nibbānaṃ anuttaro sītibhāvo nāma. Idha pana vipassanā anuttaro sītibhāvo. Niccato santāpapariḷāhadarathā muccatīti etthāpi ‘‘nicca’’nti pavattakilesā eva idha cāmutra ca santāpanaṭṭhena santāpo, paridahanaṭṭhena pariḷāho, uṇhaṭṭhena darathoti vuccanti.

    217. нзгкаммам̣ жхааяад̇ийд̇и жхаананд̇иаад̣̇аяо хздтаа вуд̇д̇ад̇т̇аа. нзгкаммаад̣̇ийни жзд̇т̇а адта самаабад̇д̇ияо жа ниб̣б̣зд̇хабхааг̇ияаанзва.

    217.Nekkhammaṃ jhāyatīti jhānantiādayo heṭṭhā vuttatthā. Nekkhammādīni cettha aṭṭha samāpattiyo ca nibbedhabhāgiyāneva.

    218. анубаад̣̇аа жид̇д̇асса вимогкод̇и ид̇ха вибассанааязва. ‘‘зд̇ад̣̇ад̇т̇аа гат̇аа, зд̇ад̣̇ад̇т̇аа манд̇анаа, яад̣̇ид̣̇ам̣ анубаад̣̇аа жид̇д̇асса вимогко’’д̇и (бари. 366; а. ни. 3.68) зд̇т̇а бана ниб̣б̣аанам̣ анубаад̣̇аа жид̇д̇асса вимогко. гад̇ихубаад̣̇аанзхийд̇и гад̇ихи убаад̣̇аанзхи. гад̇амаа згубаад̣̇аанаад̇и гад̇амад̇о згубаад̣̇аанад̇о. ид̣̇ам̣ згубаад̣̇аанаад̇и ид̇о згад̇о убаад̣̇аанад̇о. ид̣̇анд̇и буб̣б̣ан̃аан̣аабзгкам̣ ваа. убаад̣̇аанад̇о мужжанзсу яасмаа аад̣̇ид̇о сан̇каараанам̣ уд̣̇аяаб̣б̣аяам̣ бассид̇ваа бассид̇ваа анижжаанубассанааяа вибассад̇и, бажчаа сан̇каараанам̣ бхан̇г̇амзва бассид̇ваа анимид̇д̇аанубассанааяа вибассад̇и. анижжаанубассанаависзсоязва хи анимид̇д̇аанубассанаа. сан̇каараанам̣ уд̣̇аяаб̣б̣аяад̣̇ассанзна жа бхан̇г̇ад̣̇ассанзна жа ад̇д̇аабхааво баагадо ход̇и. д̇зна д̣̇идтубаад̣̇аанасса жа ад̇д̇аваад̣̇убаад̣̇аанасса жа бахаанам̣ ход̇и. д̣̇идтиббахаанзнзва жа ‘‘сийлаб̣б̣ад̇зна ад̇д̇аа суж̇жхад̇ий’’д̇и д̣̇ассанасса абхаавад̇о сийлаб̣б̣ад̇убаад̣̇аанасса бахаанам̣ ход̇и. яасмаа жа анад̇д̇аанубассанааяа уж̇угамзва ад̇д̇аабхаавам̣ бассад̇и, анад̇д̇аанубассанаависзсоязва жа сун̃н̃ад̇аанубассанаа, д̇асмаа имаани жад̇д̇аари н̃аан̣аани д̣̇идтубаад̣̇аанаад̣̇ийхи д̇ийхи убаад̣̇аанзхи мужжанд̇и. д̣̇угкаанубассанаад̣̇ийнам̣язва бана жад̇ассаннам̣ д̇ан̣хааяа уж̇увибажжанийгад̇д̇аа анижжаанубассанаад̣̇ийнам̣ жад̇ассаннам̣ гаамубаад̣̇аанад̇о мужжанам̣ на вуд̇д̇ам̣. яасмаа аад̣̇ид̇о д̣̇угкаанубассанааяа ‘‘сан̇каараа д̣̇угкаа’’д̇и бассад̇о бажчаа аббан̣ихид̇аанубассанааяа жа ‘‘сан̇каараа д̣̇угкаа’’д̇и бассад̇о сан̇каараанам̣ бад̇т̇анаа бахийяад̇и. д̣̇угкаанубассанаависзсоязва хи аббан̣ихид̇аанубассанаа. яасмаа жа сан̇каарзсу ниб̣б̣ид̣̇аанубассанааяа ниб̣б̣инд̣̇анд̇асса вирааг̇аанубассанааяа вираж̇ж̇анд̇асса сан̇каараанам̣ бад̇т̇анаа бахийяад̇и, д̇асмаа имаани жад̇д̇аари н̃аан̣аани гаамубаад̣̇аанад̇о мужжанд̇и. яасмаа нирод̇хаанубассанааяа гилзсз нирод̇хзд̇и, бадиниссаг̇г̇аанубассанааяа гилзсз барижжаж̇ад̇и, д̇асмаа имаани д̣̇вз н̃аан̣аани жад̇уухи убаад̣̇аанзхи мужжанд̇ийд̇и звам̣ сабхааванаанад̇д̇зна жа аагааранаанад̇д̇зна жа адтасадти вимогкаа нид̣̇д̣̇идтаа.

    218.Anupādā cittassa vimokkhoti idha vipassanāyeva. ‘‘Etadatthā kathā, etadatthā mantanā, yadidaṃ anupādā cittassa vimokkho’’ti (pari. 366; a. ni. 3.68) ettha pana nibbānaṃ anupādā cittassa vimokkho. Katihupādānehīti katihi upādānehi. Katamā ekupādānāti katamato ekupādānato. Idaṃ ekupādānāti ito ekato upādānato. Idanti pubbañāṇāpekkhaṃ vā. Upādānato muccanesu yasmā ādito saṅkhārānaṃ udayabbayaṃ passitvā passitvā aniccānupassanāya vipassati, pacchā saṅkhārānaṃ bhaṅgameva passitvā animittānupassanāya vipassati. Aniccānupassanāvisesoyeva hi animittānupassanā. Saṅkhārānaṃ udayabbayadassanena ca bhaṅgadassanena ca attābhāvo pākaṭo hoti. Tena diṭṭhupādānassa ca attavādupādānassa ca pahānaṃ hoti. Diṭṭhippahāneneva ca ‘‘sīlabbatena attā sujjhatī’’ti dassanassa abhāvato sīlabbatupādānassa pahānaṃ hoti. Yasmā ca anattānupassanāya ujukameva attābhāvaṃ passati, anattānupassanāvisesoyeva ca suññatānupassanā, tasmā imāni cattāri ñāṇāni diṭṭhupādānādīhi tīhi upādānehi muccanti. Dukkhānupassanādīnaṃyeva pana catassannaṃ taṇhāya ujuvipaccanīkattā aniccānupassanādīnaṃ catassannaṃ kāmupādānato muccanaṃ na vuttaṃ. Yasmā ādito dukkhānupassanāya ‘‘saṅkhārā dukkhā’’ti passato pacchā appaṇihitānupassanāya ca ‘‘saṅkhārā dukkhā’’ti passato saṅkhārānaṃ patthanā pahīyati. Dukkhānupassanāvisesoyeva hi appaṇihitānupassanā. Yasmā ca saṅkhāresu nibbidānupassanāya nibbindantassa virāgānupassanāya virajjantassa saṅkhārānaṃ patthanā pahīyati, tasmā imāni cattāri ñāṇāni kāmupādānato muccanti. Yasmā nirodhānupassanāya kilese nirodheti, paṭinissaggānupassanāya kilese pariccajati, tasmā imāni dve ñāṇāni catūhi upādānehi muccantīti evaṃ sabhāvanānattena ca ākāranānattena ca aṭṭhasaṭṭhi vimokkhā niddiṭṭhā.

    219. ид̣̇аани аад̣̇ид̇о уд̣̇д̣̇идтаанам̣ д̇ин̣н̣ам̣ вимогкаанам̣ мукаани д̣̇ассзд̇ваа вимогкамукабуб̣б̣ан̇г̇амам̣ инд̣̇рияависзсам̣ буг̇г̇алависзсан̃жа д̣̇ассзд̇угаамо д̇ийн̣и ко банимаанийд̇иаад̣̇имааха. д̇ад̇т̇а вимогкамукаанийд̇и д̇ин̣н̣ам̣ вимогкаанам̣ мукаани. логанияяаанааяа сам̣вад̇д̇анд̇ийд̇и д̇зд̇хаад̇угалогад̇о нияяаанааяа ниг̇г̇аманааяа сам̣вад̇д̇анд̇и. саб̣б̣асан̇каарз барижчзд̣̇абаривадумад̇о саманубассанад̇ааяаад̇и саб̣б̣зсам̣ сан̇каараанам̣ уд̣̇аяаб̣б̣аяавасзна барижчзд̣̇ад̇о жзва баривадумад̇о жа саманубассанад̇ааяа. логанияяаанам̣ ход̇ийд̇и баатасзсо. анижжаанубассанаа хи уд̣̇аяад̇о буб̣б̣з сан̇каараа над̇т̇ийд̇и барижчинд̣̇ид̇ваа д̇зсам̣ г̇ад̇им̣ саманнзсамаанаа ваяад̇о барам̣ на г̇ажчанд̇и, зд̇т̇зва анд̇арад̇хааяанд̇ийд̇и баривадумад̇о барияанд̇ад̇о саманубассад̇и. саб̣б̣асан̇каараа хи уд̣̇аязна буб̣б̣анд̇абарижчиннаа, ваязна абаранд̇абарижчиннаа. анимид̇д̇ааяа жа д̇хаад̇уяаа жид̇д̇асамбагканд̣̇анад̇ааяаад̇и вибассанаагкан̣зби ниб̣б̣аананиннад̇ааяа анимид̇д̇аагаарзна убадтаанад̇о анимид̇д̇асан̇каад̇ааяа ниб̣б̣аанад̇хаад̇уяаа жид̇д̇абависанад̇ааяа жа логанияяаанам̣ ход̇и. маносамуд̇д̇зж̇анад̇ааяаад̇и жид̇д̇асам̣взж̇анад̇ааяа. д̣̇угкаанубассанааяа хи сан̇каарзсу жид̇д̇ам̣ сам̣виж̇ж̇ад̇и. аббан̣ихид̇ааяа жа д̇хаад̇уяаад̇и вибассанаагкан̣зби ниб̣б̣аананиннад̇ааяа аббан̣ихид̇аагаарзна убадтаанад̇о аббан̣ихид̇асан̇каад̇ааяа ниб̣б̣аанад̇хаад̇уяаа. саб̣б̣ад̇хаммзд̇и ниб̣б̣аанасса авибассанубаг̇ад̇д̇зби анад̇д̇асабхаавасаб̣бхаавад̇о ‘‘саб̣б̣асан̇каарз’’д̇и авад̇ваа ‘‘саб̣б̣ад̇хаммз’’д̇и вуд̇д̇ам̣. барад̇о саманубассанад̇ааяаад̇и бажжаяааяад̇д̇ад̇д̇аа авасад̇ааяа авид̇хзяяад̇ааяа жа ‘‘наахам̣ на мама’’нд̇и звам̣ анад̇д̇ад̇о саманубассанад̇ааяа. сун̃н̃ад̇ааяа жа д̇хаад̇уяаад̇и вибассанаагкан̣зби ниб̣б̣аананиннад̇ааяа сун̃н̃ад̇аагаарзна убадтаанад̇о сун̃н̃ад̇аасан̇каад̇ааяа ниб̣б̣аанад̇хаад̇уяаа. ид̇и имаани д̇ийн̣и важанаани анижжад̣̇угкаанад̇д̇аанубассанаанам̣ васзна вуд̇д̇аани. д̇знзва д̇ад̣̇ананд̇арам̣ анижжад̇о манасигарод̇од̇иаад̣̇и вуд̇д̇ам̣. д̇ад̇т̇а каяад̇од̇и кийяанад̇о. бхаяад̇од̇и сабхаяад̇о. сун̃н̃ад̇од̇и ад̇д̇арахид̇ад̇о.

    219. Idāni ādito uddiṭṭhānaṃ tiṇṇaṃ vimokkhānaṃ mukhāni dassetvā vimokkhamukhapubbaṅgamaṃ indriyavisesaṃ puggalavisesañca dassetukāmo tīṇi kho panimānītiādimāha. Tattha vimokkhamukhānīti tiṇṇaṃ vimokkhānaṃ mukhāni. Lokaniyyānāya saṃvattantīti tedhātukalokato niyyānāya niggamanāya saṃvattanti. Sabbasaṅkhāre paricchedaparivaṭumato samanupassanatāyāti sabbesaṃ saṅkhārānaṃ udayabbayavasena paricchedato ceva parivaṭumato ca samanupassanatāya. Lokaniyyānaṃ hotīti pāṭhaseso. Aniccānupassanā hi udayato pubbe saṅkhārā natthīti paricchinditvā tesaṃ gatiṃ samannesamānā vayato paraṃ na gacchanti, ettheva antaradhāyantīti parivaṭumato pariyantato samanupassati. Sabbasaṅkhārā hi udayena pubbantaparicchinnā, vayena aparantaparicchinnā. Animittāya ca dhātuyā cittasampakkhandanatāyāti vipassanākkhaṇepi nibbānaninnatāya animittākārena upaṭṭhānato animittasaṅkhātāya nibbānadhātuyā cittapavisanatāya ca lokaniyyānaṃ hoti. Manosamuttejanatāyāti cittasaṃvejanatāya. Dukkhānupassanāya hi saṅkhāresu cittaṃ saṃvijjati. Appaṇihitāya ca dhātuyāti vipassanākkhaṇepi nibbānaninnatāya appaṇihitākārena upaṭṭhānato appaṇihitasaṅkhātāya nibbānadhātuyā. Sabbadhammeti nibbānassa avipassanupagattepi anattasabhāvasabbhāvato ‘‘sabbasaṅkhāre’’ti avatvā ‘‘sabbadhamme’’ti vuttaṃ. Parato samanupassanatāyāti paccayāyattattā avasatāya avidheyyatāya ca ‘‘nāhaṃ na mama’’nti evaṃ anattato samanupassanatāya. Suññatāya ca dhātuyāti vipassanākkhaṇepi nibbānaninnatāya suññatākārena upaṭṭhānato suññatāsaṅkhātāya nibbānadhātuyā. Iti imāni tīṇi vacanāni aniccadukkhānattānupassanānaṃ vasena vuttāni. Teneva tadanantaraṃ aniccato manasikarototiādi vuttaṃ. Tattha khayatoti khīyanato. Bhayatoti sabhayato. Suññatoti attarahitato.

    ад̇химогкаб̣ахуланд̇и анижжаанубассанааяа ‘‘кан̣абхан̇г̇авасзна сан̇каараа бхиж̇ж̇анд̇ий’’д̇и сад̣̇д̇хааяа бадибаннасса бажжагкад̇о кан̣абхан̇г̇ад̣̇ассанзна ‘‘сажжам̣ вад̇ааха бхаг̇аваа’’д̇и бхаг̇авад̇и сад̣̇д̇хааяа сад̣̇д̇хааб̣ахулам̣ жид̇д̇ам̣ ход̇и. ат̇а ваа бажжуббаннаанам̣ бад̣̇зсасан̇каараанам̣ анижжад̇ам̣ бассид̇ваа ‘‘звам̣ анижжаа ад̇ийд̇аанааг̇ад̇абажжуббаннаа саб̣б̣з сан̇каараа’’д̇и ад̇химужжанад̇о ад̇химогкаб̣ахулам̣ жид̇д̇ам̣ ход̇и. бассад̣̇д̇хиб̣ахуланд̇и д̣̇угкаанубассанааяа жид̇д̇агкобхагарааяа бан̣ид̇хияаа баж̇аханад̇о жид̇д̇ад̣̇арат̇аабхаавзна бассад̣̇д̇хиб̣ахулам̣ жид̇д̇ам̣ ход̇и. ат̇а ваа д̣̇угкаанубассанааяа сам̣взг̇аж̇ананад̇о сам̣виг̇г̇асса жа яонисо бад̣̇аханад̇о вигкзбаабхаавзна бассад̣̇д̇хиб̣ахулам̣ жид̇д̇ам̣ ход̇и. взд̣̇аб̣ахуланд̇и анад̇д̇аанубассанааяа б̣аахирагзхи ад̣̇идтам̣ г̇амбхийрам̣ анад̇д̇алагкан̣ам̣ бассад̇о н̃аан̣аб̣ахулам̣ жид̇д̇ам̣ ход̇и. ат̇а ваа ‘‘сад̣̇звагзна логзна ад̣̇идтам̣ анад̇д̇алагкан̣ам̣ д̣̇идта’’нд̇и д̇удтасса д̇удтиб̣ахулам̣ жид̇д̇ам̣ ход̇и.

    Adhimokkhabahulanti aniccānupassanāya ‘‘khaṇabhaṅgavasena saṅkhārā bhijjantī’’ti saddhāya paṭipannassa paccakkhato khaṇabhaṅgadassanena ‘‘saccaṃ vatāha bhagavā’’ti bhagavati saddhāya saddhābahulaṃ cittaṃ hoti. Atha vā paccuppannānaṃ padesasaṅkhārānaṃ aniccataṃ passitvā ‘‘evaṃ aniccā atītānāgatapaccuppannā sabbe saṅkhārā’’ti adhimuccanato adhimokkhabahulaṃ cittaṃ hoti. Passaddhibahulanti dukkhānupassanāya cittakkhobhakarāya paṇidhiyā pajahanato cittadarathābhāvena passaddhibahulaṃ cittaṃ hoti. Atha vā dukkhānupassanāya saṃvegajananato saṃviggassa ca yoniso padahanato vikkhepābhāvena passaddhibahulaṃ cittaṃ hoti. Vedabahulanti anattānupassanāya bāhirakehi adiṭṭhaṃ gambhīraṃ anattalakkhaṇaṃ passato ñāṇabahulaṃ cittaṃ hoti. Atha vā ‘‘sadevakena lokena adiṭṭhaṃ anattalakkhaṇaṃ diṭṭha’’nti tuṭṭhassa tuṭṭhibahulaṃ cittaṃ hoti.

    ад̇химогкаб̣ахуло сад̣̇д̇хинд̣̇рияам̣ бадилабхад̇ийд̇и буб̣б̣абхааг̇з ад̇химогко б̣ахулам̣ бавад̇д̇амаано бхааванаабаарибуурияаа сад̣̇д̇хинд̣̇рияам̣ наама ход̇и, д̇ам̣ со бадилабхад̇и наама. бассад̣̇д̇хиб̣ахуло самаад̇хинд̣̇рияам̣ бадилабхад̇ийд̇и буб̣б̣абхааг̇з бассад̣̇д̇хиб̣ахуласса ‘‘бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇ий’’д̇и (бади. ма. 1.73; а. ни. 5.26) важанад̇о бхааванаабаарибуурияаа бассад̣̇д̇хибажжаяаа самаад̇хинд̣̇рияам̣ ход̇и, д̇ам̣ со бадилабхад̇и наама. взд̣̇аб̣ахуло бан̃н̃инд̣̇рияам̣ бадилабхад̇ийд̇и буб̣б̣абхааг̇з взд̣̇о б̣ахулам̣ бавад̇д̇амаано бхааванаабаарибуурияаа бан̃н̃инд̣̇рияам̣ наама ход̇и, д̇ам̣ со бадилабхад̇и наама.

    Adhimokkhabahulo saddhindriyaṃ paṭilabhatīti pubbabhāge adhimokkho bahulaṃ pavattamāno bhāvanāpāripūriyā saddhindriyaṃ nāma hoti, taṃ so paṭilabhati nāma. Passaddhibahulo samādhindriyaṃ paṭilabhatīti pubbabhāge passaddhibahulassa ‘‘passaddhakāyo sukhaṃ vedeti, sukhino cittaṃ samādhiyatī’’ti (paṭi. ma. 1.73; a. ni. 5.26) vacanato bhāvanāpāripūriyā passaddhipaccayā samādhindriyaṃ hoti, taṃ so paṭilabhati nāma. Vedabahulo paññindriyaṃ paṭilabhatīti pubbabhāge vedo bahulaṃ pavattamāno bhāvanāpāripūriyā paññindriyaṃ nāma hoti, taṃ so paṭilabhati nāma.

    аад̇хибад̇зяяам̣ ход̇ийд̇и чанд̣̇аад̣̇игз ад̇хибад̇ибхууд̇зби сагижжанибпаад̣̇анавасзна ад̇хибад̇и ход̇и бад̇хаано ход̇и. бхааванааяаад̇и бхуммаважанам̣, убаруубари бхааванад̇т̇ааяа ваа. д̇ад̣̇анваяаа хонд̇ийд̇и д̇ам̣ ануг̇ааминий д̇ам̣ анувад̇д̇иний хонд̇и. сахаж̇аад̇абажжаяаа хонд̇ийд̇и уббаж̇ж̇амаанаа жа сахауббаад̣̇анабхаавзна убагаарагаа хонд̇и багаасасса бад̣̇ийбо вияа. ан̃н̃аман̃н̃абажжаяаа хонд̇ийд̇и ан̃н̃аман̃н̃ам̣ уббаад̣̇анубад̇т̇амбханабхаавзна убагаарагаа хонд̇и ан̃н̃аман̃н̃уубад̇т̇амбхагам̣ д̇ид̣̇ан̣д̣ам̣ вияа. ниссаяабажжаяаа хонд̇ийд̇и ад̇хидтаанаагаарзна ниссаяаагаарзна жа убагаарагаа хонд̇и д̇аружид̇д̇агаммаанам̣ бат̇авийбадаад̣̇и вияа. самбаяуд̇д̇абажжаяаа хонд̇ийд̇и згавад̇т̇угазгаарамман̣азгуббаад̣̇азганирод̇хасан̇каад̇зна самбаяуд̇д̇абхаавзна убагаарагаа хонд̇и.

    Ādhipateyyaṃ hotīti chandādike adhipatibhūtepi sakiccanipphādanavasena adhipati hoti padhāno hoti. Bhāvanāyāti bhummavacanaṃ, uparūpari bhāvanatthāya vā. Tadanvayā hontīti taṃ anugāminī taṃ anuvattinī honti. Sahajātapaccayā hontīti uppajjamānā ca sahauppādanabhāvena upakārakā honti pakāsassa padīpo viya. Aññamaññapaccayā hontīti aññamaññaṃ uppādanupatthambhanabhāvena upakārakā honti aññamaññūpatthambhakaṃ tidaṇḍaṃ viya. Nissayapaccayā hontīti adhiṭṭhānākārena nissayākārena ca upakārakā honti tarucittakammānaṃ pathavīpaṭādi viya. Sampayuttapaccayā hontīti ekavatthukaekārammaṇaekuppādaekanirodhasaṅkhātena sampayuttabhāvena upakārakā honti.

    220. бадивзд̇хагаалзд̇и маг̇г̇агкан̣з сажжабадивзд̇хагаалз. бан̃н̃инд̣̇рияам̣ аад̇хибад̇зяяам̣ ход̇ийд̇и маг̇г̇агкан̣з ниб̣б̣аанам̣ аарамман̣ам̣ гад̇ваа сажжад̣̇ассанагижжагаран̣авасзна жа гилзсаббахаанагижжагаран̣авасзна жа бан̃н̃инд̣̇рияамзва ж̇здтагам̣ ход̇и. бадивзд̇хааяаад̇и сажжабадивиж̇жханад̇т̇ааяа. згарасаад̇и вимуд̇д̇ирасзна. д̣̇ассанадтзнаад̇и сажжад̣̇ассанадтзна. звам̣ бадивиж̇жханд̇оби бхаавзд̇и, бхаавзнд̇оби бадивиж̇жхад̇ийд̇и маг̇г̇агкан̣з сагим̣язва бхааванааяа жа бадивзд̇хасса жа саб̣бхаавад̣̇ассанад̇т̇ам̣ вуд̇д̇ам̣. анад̇д̇аанубассанааяа вибассанаагкан̣зби бан̃н̃инд̣̇рияассзва аад̇хибад̇зяяад̇д̇аа ‘‘бадивзд̇хагаалзбий’’д̇и абисад̣̇д̣̇о баяуд̇д̇о.

    220.Paṭivedhakāleti maggakkhaṇe saccapaṭivedhakāle. Paññindriyaṃ ādhipateyyaṃ hotīti maggakkhaṇe nibbānaṃ ārammaṇaṃ katvā saccadassanakiccakaraṇavasena ca kilesappahānakiccakaraṇavasena ca paññindriyameva jeṭṭhakaṃ hoti. Paṭivedhāyāti saccapaṭivijjhanatthāya. Ekarasāti vimuttirasena. Dassanaṭṭhenāti saccadassanaṭṭhena. Evaṃ paṭivijjhantopi bhāveti, bhāventopi paṭivijjhatīti maggakkhaṇe sakiṃyeva bhāvanāya ca paṭivedhassa ca sabbhāvadassanatthaṃ vuttaṃ. Anattānupassanāya vipassanākkhaṇepi paññindriyasseva ādhipateyyattā ‘‘paṭivedhakālepī’’ti apisaddo payutto.

    221. анижжад̇о манасигарод̇о гад̇аминд̣̇рияам̣ ад̇химад̇д̇ам̣ ход̇ийд̇иаад̣̇и инд̣̇рияависзсзна буг̇г̇алависзсам̣ д̣̇ассзд̇ум̣ вуд̇д̇ам̣. д̇ад̇т̇а ад̇химад̇д̇анд̇и ад̇хигам̣. д̇ад̇т̇а сад̣̇д̇хинд̣̇рияасамаад̇хинд̣̇рияабан̃н̃инд̣̇рияаанам̣ ад̇химад̇д̇ад̇аа сан̇каарубзгкааяа взд̣̇ид̇аб̣б̣аа. сад̣̇д̇хаавимуд̇д̇од̇и зд̇т̇а ависзсзд̇ваа вуд̇д̇зби убари висзсзд̇ваа вуд̇д̇ад̇д̇аа сод̇аабад̇д̇имаг̇г̇ам̣ табзд̇ваа сзсзсу сад̇д̇асу таанзсу сад̣̇д̇хаавимуд̇д̇од̇и вуд̇д̇ам̣ ход̇и. сад̣̇д̇хаавимуд̇д̇о сад̣̇д̇хинд̣̇рияасса ад̇химад̇д̇ад̇д̇аа ход̇и, на сад̣̇д̇хинд̣̇рияасса ад̇химад̇д̇ад̇д̇аа саб̣б̣ад̇т̇а сад̣̇д̇хаавимуд̇д̇од̇иби вуд̇д̇ам̣ ход̇и. сод̇аабад̇д̇имаг̇г̇агкан̣з сад̣̇д̇хинд̣̇рияасса ад̇химад̇д̇ад̇д̇ааязва сзсзсу самаад̇хинд̣̇рияабан̃н̃инд̣̇рияаад̇химад̇д̇ад̇д̇зби сад̇и сад̣̇д̇хаавимуд̇д̇оязва наама ход̇ийд̇и вад̣̇анд̇и. гааяасагкий ход̇ийд̇и адтасуби таанзсу гааяасагкий наама ход̇и. д̣̇идтиббад̇д̇о ход̇ийд̇и сад̣̇д̇хаавимуд̇д̇з вуд̇д̇анаязнзва взд̣̇ид̇аб̣б̣ам̣.

    221.Aniccatomanasikaroto katamindriyaṃ adhimattaṃ hotītiādi indriyavisesena puggalavisesaṃ dassetuṃ vuttaṃ. Tattha adhimattanti adhikaṃ. Tattha saddhindriyasamādhindriyapaññindriyānaṃ adhimattatā saṅkhārupekkhāya veditabbā. Saddhāvimuttoti ettha avisesetvā vuttepi upari visesetvā vuttattā sotāpattimaggaṃ ṭhapetvā sesesu sattasu ṭhānesu saddhāvimuttoti vuttaṃ hoti. Saddhāvimutto saddhindriyassa adhimattattā hoti, na saddhindriyassa adhimattattā sabbattha saddhāvimuttotipi vuttaṃ hoti. Sotāpattimaggakkhaṇe saddhindriyassa adhimattattāyeva sesesu samādhindriyapaññindriyādhimattattepi sati saddhāvimuttoyeva nāma hotīti vadanti. Kāyasakkhī hotīti aṭṭhasupi ṭhānesu kāyasakkhī nāma hoti. Diṭṭhippatto hotīti saddhāvimutte vuttanayeneva veditabbaṃ.

    сад̣̇д̣̇аханд̇о вимуд̇д̇од̇и сад̣̇д̇хаавимуд̇д̇од̇и сад̣̇д̇хинд̣̇рияасса ад̇химад̇д̇ад̇д̇аа сод̇аабад̇д̇имаг̇г̇агкан̣з сад̣̇д̣̇аханд̇о жад̇уусуби палагкан̣зсу вимуд̇д̇од̇и сад̣̇д̇хаавимуд̇д̇од̇и вуд̇д̇ам̣ ход̇и. убаримаг̇г̇ад̇д̇аяагкан̣з сад̣̇д̇хаавимуд̇д̇ад̇д̇ам̣ ид̣̇аани вагкад̇и. сод̇аабад̇д̇имаг̇г̇агкан̣з бана сад̣̇д̇хаанусаарид̇д̇ам̣ бажчаа вагкад̇и. пудтад̇д̇аа сажчигад̇од̇и гааяасагкийд̇и сугкавибассагад̇д̇з сад̇и убажаараж̇жхаанапассасса руубааруубаж̇жхааналаабхид̇д̇з сад̇и руубааруубаж̇жхаанапассасса пудтад̇д̇аа ниб̣б̣аанам̣ сажчигад̇од̇и гааяасагкий, наамагааязна вуд̇д̇аббагаарз жхаанапассз жа ниб̣б̣аанз жа сагкийд̇и вуд̇д̇ам̣ ход̇и. д̣̇идтад̇д̇аа бад̇д̇од̇и д̣̇идтиббад̇д̇од̇и сод̇аабад̇д̇имаг̇г̇агкан̣з самбаяуд̇д̇зна бан̃н̃инд̣̇риязна батамам̣ ниб̣б̣аанасса д̣̇идтад̇д̇аа бажчаа сод̇аабад̇д̇ипалаад̣̇ивасзна ниб̣б̣аанам̣ бад̇д̇од̇и д̣̇идтиббад̇д̇о, бан̃н̃инд̣̇рияасан̇каад̇ааяа д̣̇идтияаа ниб̣б̣аанам̣ бад̇д̇од̇и вуд̇д̇ам̣ ход̇и. сод̇аабад̇д̇имаг̇г̇агкан̣з бана д̇хаммаанусаарид̇д̇ам̣ бажчаа вагкад̇и. сад̣̇д̣̇аханд̇о вимужжад̇ийд̇и сад̣̇д̇хаавимуд̇д̇од̇и сад̣̇д̇хинд̣̇рияасса ад̇химад̇д̇ад̇д̇аа сагад̣̇ааг̇аамианааг̇аамиарахад̇д̇амаг̇г̇агкан̣зсу сад̣̇д̣̇аханд̇о вимужжад̇ийд̇и сад̣̇д̇хаавимуд̇д̇о. зд̇т̇а вимужжамааноби аасам̣сааяа бхууд̇аважанавасзна ‘‘вимуд̇д̇о’’д̇и вуд̇д̇о. жхаанапассанд̇и д̇ивид̇хам̣ жхаанапассам̣. ‘‘жхаанапасса’’нд̇иаад̣̇ийни ‘‘д̣̇угкаа сан̇каараа’’д̇иаад̣̇ийни жа батамам̣ вуд̇д̇ам̣ д̣̇ваяамзва висзсзд̇ваа вуд̇д̇аани. н̃аад̇ам̣ ход̇ийд̇иаад̣̇ийни хздтаа вуд̇д̇ад̇т̇аани. зд̇т̇а жа жхааналаабхий буг̇г̇ало самаад̇хинд̣̇рияасса анугуулааяа д̣̇угкаанубассанааяа зва вудтахид̇ваа маг̇г̇апалаани баабун̣аад̇ийд̇и аажарияаанам̣ ад̇хиббааяо.

    Saddahanto vimuttoti saddhāvimuttoti saddhindriyassa adhimattattā sotāpattimaggakkhaṇe saddahanto catūsupi phalakkhaṇesu vimuttoti saddhāvimuttoti vuttaṃ hoti. Uparimaggattayakkhaṇe saddhāvimuttattaṃ idāni vakkhati. Sotāpattimaggakkhaṇe pana saddhānusārittaṃ pacchā vakkhati. Phuṭṭhattā sacchikatoti kāyasakkhīti sukkhavipassakatte sati upacārajjhānaphassassa rūpārūpajjhānalābhitte sati rūpārūpajjhānaphassassa phuṭṭhattā nibbānaṃ sacchikatoti kāyasakkhī, nāmakāyena vuttappakāre jhānaphasse ca nibbāne ca sakkhīti vuttaṃ hoti. Diṭṭhattā pattoti diṭṭhippattoti sotāpattimaggakkhaṇe sampayuttena paññindriyena paṭhamaṃ nibbānassa diṭṭhattā pacchā sotāpattiphalādivasena nibbānaṃ pattoti diṭṭhippatto, paññindriyasaṅkhātāya diṭṭhiyā nibbānaṃ pattoti vuttaṃ hoti. Sotāpattimaggakkhaṇe pana dhammānusārittaṃ pacchā vakkhati. Saddahanto vimuccatīti saddhāvimuttoti saddhindriyassa adhimattattā sakadāgāmianāgāmiarahattamaggakkhaṇesu saddahanto vimuccatīti saddhāvimutto. Ettha vimuccamānopi āsaṃsāya bhūtavacanavasena ‘‘vimutto’’ti vutto. Jhānaphassanti tividhaṃ jhānaphassaṃ. ‘‘Jhānaphassa’’ntiādīni ‘‘dukkhā saṅkhārā’’tiādīni ca paṭhamaṃ vuttaṃ dvayameva visesetvā vuttāni. Ñātaṃ hotītiādīni heṭṭhā vuttatthāni. Ettha ca jhānalābhī puggalo samādhindriyassa anukūlāya dukkhānupassanāya eva vuṭṭhahitvā maggaphalāni pāpuṇātīti ācariyānaṃ adhippāyo.

    сияаад̇и сияум̣, бхавзяяунд̇и ад̇т̇о. ‘‘сияаа’’д̇и зд̇ам̣ вид̇хиважанамзва. д̇аяо буг̇г̇алаад̇и вибассанаанияамзна инд̣̇рияанияамзна жа вуд̇д̇аа д̇аяо буг̇г̇алаа. вад̇т̇увасзнаад̇и д̇ийсу анубассанаасу згзгаинд̣̇рияавад̇т̇увасзна. барияааязнаад̇и д̇знзва барияааязна. иминаа ваарзна гим̣ д̣̇ассид̇ам̣ ход̇и ? хздтаа згзгиссаа анубассанааяа згзгасса инд̣̇рияасса аад̇хибажжам̣ язбхуяяавасзна вуд̇д̇анд̇и жа, гад̣̇аажи д̇ийсуби анубассанаасу згзгассзва инд̣̇рияасса аад̇хибажжам̣ ход̇ийд̇и жа д̣̇ассид̇ам̣ ход̇и. ат̇а ваа буб̣б̣абхааг̇авибассанаагкан̣з д̇иссаннамби анубассанаанам̣ саб̣бхаавад̇о д̇аасу буб̣б̣абхааг̇авибассанаасу д̇зсам̣ д̇зсам̣ инд̣̇рияаанам̣ аад̇хибажжам̣ абзгкид̇ваа маг̇г̇апалагкан̣зсу сад̣̇д̇хаавимуд̇д̇аад̣̇ийни наамаани хонд̇ийд̇и. зван̃хи вужжамаанз хздтаа вудтаанаг̇ааминивибассанааяа убари жа гад̇о инд̣̇рияаад̇хибажжабуг̇г̇аланияамо сугад̇оязва нижжалоязва жа ход̇и. ананд̇араваарз сияаад̇и ан̃н̃оязваад̇и звам̣ сияаад̇и ад̇т̇о. зд̇т̇а буб̣б̣з вуд̇д̇оязва нияамо.

    Siyāti siyuṃ, bhaveyyunti attho. ‘‘Siyā’’ti etaṃ vidhivacanameva. Tayo puggalāti vipassanāniyamena indriyaniyamena ca vuttā tayo puggalā. Vatthuvasenāti tīsu anupassanāsu ekekaindriyavatthuvasena. Pariyāyenāti teneva pariyāyena. Iminā vārena kiṃ dassitaṃ hoti ? Heṭṭhā ekekissā anupassanāya ekekassa indriyassa ādhipaccaṃ yebhuyyavasena vuttanti ca, kadāci tīsupi anupassanāsu ekekasseva indriyassa ādhipaccaṃ hotīti ca dassitaṃ hoti. Atha vā pubbabhāgavipassanākkhaṇe tissannampi anupassanānaṃ sabbhāvato tāsu pubbabhāgavipassanāsu tesaṃ tesaṃ indriyānaṃ ādhipaccaṃ apekkhitvā maggaphalakkhaṇesu saddhāvimuttādīni nāmāni hontīti. Evañhi vuccamāne heṭṭhā vuṭṭhānagāminivipassanāya upari ca kato indriyādhipaccapuggalaniyamo sukatoyeva niccaloyeva ca hoti. Anantaravāre siyāti aññoyevāti evaṃ siyāti attho. Ettha pubbe vuttoyeva niyamo.

    ид̣̇аани маг̇г̇апалавасзна буг̇г̇алависзсам̣ вибхаж̇ид̇ваа д̣̇ассзд̇ум̣ анижжад̇о манасигарод̇о…бз… сод̇аабад̇д̇имаг̇г̇ам̣ бадилабхад̇ийд̇иаад̣̇имааха. д̇ад̇т̇а сад̣̇д̇хам̣ ануссарад̇и ануг̇ажчад̇и, сад̣̇д̇хааяа ваа ниб̣б̣аанам̣ ануссарад̇и ануг̇ажчад̇ийд̇и сад̣̇д̇хаанусаарий. сажчигад̇анд̇и бажжагкагад̇ам̣. арахад̇д̇анд̇и арахад̇д̇апалам̣. бан̃н̃аасан̇каад̇ам̣ д̇хаммам̣ ануссарад̇и, д̇зна ваа д̇хаммзна ниб̣б̣аанам̣ ануссарад̇ийд̇и д̇хаммаанусаарий.

    Idāni maggaphalavasena puggalavisesaṃ vibhajitvā dassetuṃ aniccato manasikaroto…pe… sotāpattimaggaṃ paṭilabhatītiādimāha. Tattha saddhaṃ anussarati anugacchati, saddhāya vā nibbānaṃ anussarati anugacchatīti saddhānusārī. Sacchikatanti paccakkhakataṃ. Arahattanti arahattaphalaṃ. Paññāsaṅkhātaṃ dhammaṃ anussarati, tena vā dhammena nibbānaṃ anussaratīti dhammānusārī.

    222. буна абарзхи барияааязхи инд̣̇рияад̇д̇аяависзсзна буг̇г̇алависзсам̣ ван̣н̣зд̇угаамо яз хи гзжийд̇иаад̣̇имааха. д̇ад̇т̇а бхаавид̇аа ваад̇и ад̇ийд̇з бхааваяим̣су ваа. бхаавзнд̇и ваад̇и бажжуббаннз. бхаависсанд̇и ваад̇и анааг̇ад̇з. ад̇хиг̇ад̇аа ваад̇иаад̣̇и згзганд̇игам̣ буримасса буримасса ад̇т̇авиваран̣ад̇т̇ам̣ вуд̇д̇ам̣. пассид̇аа ваад̇и н̃аан̣апусанааяа пусим̣су ваа. васиббад̇д̇аад̇и иссарабхаавам̣ бад̇д̇аа. баарамиббад̇д̇аад̇и восаанам̣ бад̇д̇аа. взсаараж̇ж̇аббад̇д̇аад̇и висаарад̣̇абхаавам̣ бад̇д̇аа. саб̣б̣ад̇т̇а сад̣̇д̇хаавимуд̇д̇аад̣̇аяо хздтаа вуд̇д̇агкан̣зсуязва, сад̇ибадтаанаад̣̇аяо маг̇г̇агкан̣зязва. адта вимогкзд̇и ‘‘руубий руубаани бассад̇ий’’д̇иаад̣̇игз (бади. ма. 1.209; д̇ха. са. 248) бадисамбхид̣̇аамаг̇г̇аббад̇д̇ияаа зва бад̇д̇аа.

    222. Puna aparehi pariyāyehi indriyattayavisesena puggalavisesaṃ vaṇṇetukāmo ye hi kecītiādimāha. Tattha bhāvitā vāti atīte bhāvayiṃsu vā. Bhāventi vāti paccuppanne. Bhāvissanti vāti anāgate. Adhigatā vātiādi ekekantikaṃ purimassa purimassa atthavivaraṇatthaṃ vuttaṃ. Phassitā vāti ñāṇaphusanāya phusiṃsu vā. Vasippattāti issarabhāvaṃ pattā. Pāramippattāti vosānaṃ pattā. Vesārajjappattāti visāradabhāvaṃ pattā. Sabbattha saddhāvimuttādayo heṭṭhā vuttakkhaṇesuyeva, satipaṭṭhānādayo maggakkhaṇeyeva. Aṭṭha vimokkheti ‘‘rūpī rūpāni passatī’’tiādike (paṭi. ma. 1.209; dha. sa. 248) paṭisambhidāmaggappattiyā eva pattā.

    д̇иссо сигкаад̇и ад̇хисийласигкаа ад̇хижид̇д̇асигкаа ад̇хибан̃н̃аасигкаа маг̇г̇аббад̇д̇аа зва сигкамаанаа. д̣̇угкам̣ бариж̇аананд̇ийд̇иаад̣̇ийни маг̇г̇агкан̣зязва. барин̃н̃аабадивзд̇хам̣ бадивиж̇жхад̇ийд̇и барин̃н̃аабадивзд̇хзна бадивиж̇жхад̇и, барин̃н̃ааяа бадивиж̇жхид̇аб̣б̣анд̇и ваа барин̃н̃аабадивзд̇хам̣. звам̣ сзсзсуби. саб̣б̣ад̇хаммаад̣̇ийхи висзсзд̇ваа абхин̃н̃аабадивзд̇хаад̣̇аяо вуд̇д̇аа. сажчигирияаабадивзд̇хо бана маг̇г̇агкан̣зязва ниб̣б̣аанабажжавзгкан̣ан̃аан̣асид̣̇д̇хивасзна взд̣̇ид̇аб̣б̣од̇и. звамид̇ха бан̃жа арияабуг̇г̇алаа нид̣̇д̣̇идтаа хонд̇и, убхад̇обхааг̇авимуд̇д̇о жа бан̃н̃аавимуд̇д̇о жаад̇и имз д̣̇вз анид̣̇д̣̇идтаа. ан̃н̃ад̇т̇а (висуд̣̇д̇хи. 2.773) бана ‘‘яо бана д̣̇угкад̇о манасигаронд̇о бассад̣̇д̇хиб̣ахуло самаад̇хинд̣̇рияам̣ бадилабхад̇и, со саб̣б̣ад̇т̇а гааяасагкий наама ход̇и, аруубаж̇жхаанам̣ бана бад̇ваа аг̇г̇апалам̣ бад̇д̇о убхад̇обхааг̇авимуд̇д̇о наама ход̇и. яо бана анад̇д̇ад̇о манасигаронд̇о взд̣̇аб̣ахуло бан̃н̃инд̣̇рияам̣ бадилабхад̇и, сод̇аабад̇д̇имаг̇г̇агкан̣з д̇хаммаанусаарий ход̇и, часу таанзсу д̣̇идтиббад̇д̇о, аг̇г̇апалз бан̃н̃аавимуд̇д̇о’’д̇и вуд̇д̇ам̣. д̇з ид̇ха гааяасагкид̣̇идтиббад̇д̇зхиязва сан̇г̇ахид̇аа. ад̇т̇ад̇о бана аруубаж̇жхаанзна жзва арияамаг̇г̇зна жаад̇и убхад̇обхааг̇зна вимуд̇д̇од̇и убхад̇обхааг̇авимуд̇д̇о. баж̇аананд̇о вимуд̇д̇од̇и бан̃н̃аавимуд̇д̇од̇и. зд̇д̇аавад̇аа инд̣̇рияабуг̇г̇алависзсаа нид̣̇д̣̇идтаа хонд̇и.

    Tisso sikkhāti adhisīlasikkhā adhicittasikkhā adhipaññāsikkhā maggappattā eva sikkhamānā. Dukkhaṃ parijānantītiādīni maggakkhaṇeyeva. Pariññāpaṭivedhaṃ paṭivijjhatīti pariññāpaṭivedhena paṭivijjhati, pariññāya paṭivijjhitabbanti vā pariññāpaṭivedhaṃ. Evaṃ sesesupi. Sabbadhammādīhi visesetvā abhiññāpaṭivedhādayo vuttā. Sacchikiriyāpaṭivedho pana maggakkhaṇeyeva nibbānapaccavekkhaṇañāṇasiddhivasena veditabboti. Evamidha pañca ariyapuggalā niddiṭṭhā honti, ubhatobhāgavimutto ca paññāvimutto cāti ime dve aniddiṭṭhā. Aññattha (visuddhi. 2.773) pana ‘‘yo pana dukkhato manasikaronto passaddhibahulo samādhindriyaṃ paṭilabhati, so sabbattha kāyasakkhī nāma hoti, arūpajjhānaṃ pana patvā aggaphalaṃ patto ubhatobhāgavimutto nāma hoti. Yo pana anattato manasikaronto vedabahulo paññindriyaṃ paṭilabhati, sotāpattimaggakkhaṇe dhammānusārī hoti, chasu ṭhānesu diṭṭhippatto, aggaphale paññāvimutto’’ti vuttaṃ. Te idha kāyasakkhidiṭṭhippattehiyeva saṅgahitā. Atthato pana arūpajjhānena ceva ariyamaggena cāti ubhatobhāgena vimuttoti ubhatobhāgavimutto. Pajānanto vimuttoti paññāvimuttoti. Ettāvatā indriyapuggalavisesā niddiṭṭhā honti.

    223-226. ид̣̇аани вимогкабуб̣б̣ан̇г̇амамзва вимогкависзсам̣ буг̇г̇алависзсан̃жа д̣̇ассзд̇угаамо анижжад̇о манасигарод̇од̇иаад̣̇имааха. д̇ад̇т̇а д̣̇вз вимогкаад̇и аббан̣ихид̇асун̃н̃ад̇авимогкаа. анижжаанубассанааг̇аманавасзна хи анимид̇д̇авимогкод̇и лад̣̇д̇ханаамо маг̇г̇о рааг̇ад̣̇осамохабан̣ид̇хийнам̣ абхааваа саг̇ун̣ад̇о жа д̇зсам̣язва бан̣ид̇хийнам̣ абхааваа аббан̣ихид̇анд̇и лад̣̇д̇ханаамам̣ ниб̣б̣аанам̣ аарамман̣ам̣ гарод̇ийд̇и аарамман̣ад̇о жа аббан̣ихид̇авимогкод̇и наамамби лабхад̇и. д̇ат̇аа рааг̇ад̣̇осамохзхи сун̃н̃ад̇д̇аа саг̇ун̣ад̇о жа рааг̇аад̣̇ийхиязва сун̃н̃ад̇д̇аа сун̃н̃ад̇анд̇и лад̣̇д̇ханаамам̣ ниб̣б̣аанам̣ аарамман̣ам̣ гарод̇ийд̇и аарамман̣ад̇о жа сун̃н̃ад̇авимогкод̇и наамамби лабхад̇и. д̇асмаа д̇з д̣̇вз вимогкаа анимид̇д̇авимогканваяаа наама хонд̇и. анимид̇д̇амаг̇г̇ад̇о анан̃н̃зби адтаннам̣ маг̇г̇ан̇г̇аанам̣ згзгасса маг̇г̇ан̇г̇асса васзна сахаж̇аад̇аад̣̇ибажжаяаа жа хонд̇ийд̇и взд̣̇ид̇аб̣б̣аа. буна д̣̇вз вимогкаад̇и сун̃н̃ад̇аанимид̇д̇авимогкаа. д̣̇угкаанубассанааг̇аманавасзна хи аббан̣ихид̇авимогкод̇и лад̣̇д̇ханаамо маг̇г̇о руубанимид̇д̇аад̣̇ийнам̣ рааг̇анимид̇д̇аад̣̇ийнам̣ нижжанимид̇д̇аад̣̇ийнан̃жа абхааваа саг̇ун̣ад̇о жа д̇зсам̣язва нимид̇д̇аанам̣ абхааваа анимид̇д̇асан̇каад̇ам̣ ниб̣б̣аанам̣ аарамман̣ам̣ гарод̇ийд̇и аарамман̣ад̇о жа анимид̇д̇авимогкод̇и наамамби лабхад̇и. сзсам̣ вуд̇д̇анаязнзва яож̇зд̇аб̣б̣ам̣. буна д̣̇вз вимогкаад̇и анимид̇д̇ааббан̣ихид̇авимогкаа. яож̇анаа банзд̇т̇а вуд̇д̇анаяаа зва.

    223-226. Idāni vimokkhapubbaṅgamameva vimokkhavisesaṃ puggalavisesañca dassetukāmo aniccato manasikarototiādimāha. Tattha dve vimokkhāti appaṇihitasuññatavimokkhā. Aniccānupassanāgamanavasena hi animittavimokkhoti laddhanāmo maggo rāgadosamohapaṇidhīnaṃ abhāvā saguṇato ca tesaṃyeva paṇidhīnaṃ abhāvā appaṇihitanti laddhanāmaṃ nibbānaṃ ārammaṇaṃ karotīti ārammaṇato ca appaṇihitavimokkhoti nāmampi labhati. Tathā rāgadosamohehi suññattā saguṇato ca rāgādīhiyeva suññattā suññatanti laddhanāmaṃ nibbānaṃ ārammaṇaṃ karotīti ārammaṇato ca suññatavimokkhoti nāmampi labhati. Tasmā te dve vimokkhā animittavimokkhanvayā nāma honti. Animittamaggato anaññepi aṭṭhannaṃ maggaṅgānaṃ ekekassa maggaṅgassa vasena sahajātādipaccayā ca hontīti veditabbā. Puna dve vimokkhāti suññatānimittavimokkhā. Dukkhānupassanāgamanavasena hi appaṇihitavimokkhoti laddhanāmo maggo rūpanimittādīnaṃ rāganimittādīnaṃ niccanimittādīnañca abhāvā saguṇato ca tesaṃyeva nimittānaṃ abhāvā animittasaṅkhātaṃ nibbānaṃ ārammaṇaṃ karotīti ārammaṇato ca animittavimokkhoti nāmampi labhati. Sesaṃ vuttanayeneva yojetabbaṃ. Puna dve vimokkhāti animittaappaṇihitavimokkhā. Yojanā panettha vuttanayā eva.

    бадивзд̇хагаалзд̇и инд̣̇рияаанам̣ вуд̇д̇аггамзнзва вуд̇д̇ам̣. маг̇г̇агкан̣ам̣ бана мун̃жид̇ваа вибассанаагкан̣з вимогко наама над̇т̇и . батамам̣ вуд̇д̇оязва бана маг̇г̇авимогко ‘‘бадивзд̇хагаалз’’д̇и важанзна висзсзд̇ваа д̣̇ассид̇о. ‘‘яо жааяам̣ буг̇г̇ало сад̣̇д̇хаавимуд̇д̇о’’д̇иаад̣̇игаа д̣̇вз ваараа жа ‘‘анижжад̇о манасигаронд̇о сод̇аабад̇д̇имаг̇г̇ам̣ бадилабхад̇ий’’д̇иаад̣̇иго вааро жа сан̇кид̇д̇о, вимогкавасзна бана яож̇зд̇ваа вид̇т̇аарад̇о взд̣̇ид̇аб̣б̣о. яз хи гзжи нзгкамманд̇иаад̣̇иго вааро вуд̇д̇анаязнзва взд̣̇ид̇аб̣б̣од̇и. зд̇д̇аавад̇аа вимогкабуг̇г̇алависзсаа нид̣̇д̣̇идтаа хонд̇ийд̇и.

    Paṭivedhakāleti indriyānaṃ vuttakkameneva vuttaṃ. Maggakkhaṇaṃ pana muñcitvā vipassanākkhaṇe vimokkho nāma natthi . Paṭhamaṃ vuttoyeva pana maggavimokkho ‘‘paṭivedhakāle’’ti vacanena visesetvā dassito. ‘‘Yo cāyaṃ puggalo saddhāvimutto’’tiādikā dve vārā ca ‘‘aniccato manasikaronto sotāpattimaggaṃ paṭilabhatī’’tiādiko vāro ca saṅkhitto, vimokkhavasena pana yojetvā vitthārato veditabbo. Ye hi keci nekkhammantiādiko vāro vuttanayeneva veditabboti. Ettāvatā vimokkhapuggalavisesā niddiṭṭhā hontīti.

    227. буна вимогкамукаани жа вимогкз жа анзгад̇хаа нид̣̇д̣̇исид̇угаамо анижжад̇о манасигаронд̇од̇иаад̣̇имааха. д̇ад̇т̇а яат̇аабхууд̇анд̇и яат̇аасабхаавзна. ж̇аанаад̇ийд̇и н̃аан̣зна ж̇аанаад̇и. бассад̇ийд̇и д̇знзва н̃аан̣зна жагкунаа вияа бассад̇и. д̇ад̣̇анваязнаад̇и д̇ад̣̇ануг̇аманзна, д̇асса бажжагкад̇о н̃аан̣зна д̣̇идтасса ануг̇аманзнаад̇и ад̇т̇о. ган̇каа бахийяад̇ийд̇и анижжаанубассанааяа нижжаанижжаган̇каа, ид̇араахи ид̇араган̇каа. нимид̇д̇анд̇и санд̇ад̇игханавиниб̣бхог̇зна нижжасан̃н̃ааяа бахийнад̇д̇аа аарамман̣абхууд̇ам̣ сан̇кааранимид̇д̇ам̣ яат̇аабхууд̇ам̣ ж̇аанаад̇и. д̇зна вужжад̇и саммаад̣̇ассананд̇и д̇зна яат̇аабхууд̇аж̇аананзна д̇ам̣ н̃аан̣ам̣ ‘‘саммаад̣̇ассана’’нд̇и вужжад̇и. бавад̇д̇анд̇и д̣̇угкаббад̇д̇аагаарз сукасан̃н̃ам̣ уг̇гхаадзд̇ваа сукасан̃н̃ааяа бахаанзна бан̣ид̇хисан̇каад̇ааяа д̇ан̣хааяа бахийнад̇д̇аа сукасаммад̇амби вибаагабавад̇д̇ам̣ яат̇аабхууд̇ам̣ ж̇аанаад̇и. нимид̇д̇ан̃жа бавад̇д̇ан̃жаад̇и наанаад̇хаад̇уманасигаарасамбхавзна самуухагханавиниб̣бхог̇зна убхаяат̇ааби ад̇д̇асан̃н̃ааяа бахийнад̇д̇аа сан̇кааранимид̇д̇ан̃жа вибаагабавад̇д̇ан̃жа яат̇аабхууд̇ам̣ ж̇аанаад̇и. яан̃жа яат̇аабхууд̇ам̣ н̃аан̣анд̇иаад̣̇ид̇д̇аяам̣ ид̣̇аани вуд̇д̇амзва, на ан̃н̃ам̣. бхаяад̇о убадтаад̇ийд̇и нижжасукаад̇д̇аабхаавад̣̇ассанад̇о яат̇ааггамам̣ д̇ам̣ д̇ам̣ бхаяад̇о убадтаад̇и. яаа жа бхаяад̇убадтаанз бан̃н̃аад̇иаад̣̇инаа ‘‘уд̣̇аяаб̣б̣аяаанубассанаан̃аан̣ам̣ бхан̇г̇аанубассанаан̃аан̣ам̣ бхаяад̇убадтаанан̃аан̣ам̣ аад̣̇ийнаваанубассанаан̃аан̣ам̣ ниб̣б̣ид̣̇аанубассанаан̃аан̣ам̣ мун̃жид̇угамяад̇аан̃аан̣ам̣ бадисан̇каанубассанаан̃аан̣ам̣ сан̇каарубзгкаан̃аан̣ам̣ ануломан̃аан̣а’’нд̇и вуд̇д̇зсу бадибад̣̇аан̃аан̣ад̣̇ассанависуд̣̇д̇хисан̇каад̇зсу навасу вибассанаан̃аан̣зсу бхаяад̇убадтаанасамб̣анд̇хзна авад̇т̇аабхзд̣̇зна бхиннаани згадтаани д̇ийн̣и н̃аан̣аани вуд̇д̇аани, на сзсаани.

    227. Puna vimokkhamukhāni ca vimokkhe ca anekadhā niddisitukāmo aniccato manasikarontotiādimāha. Tattha yathābhūtanti yathāsabhāvena. Jānātīti ñāṇena jānāti. Passatīti teneva ñāṇena cakkhunā viya passati. Tadanvayenāti tadanugamanena, tassa paccakkhato ñāṇena diṭṭhassa anugamanenāti attho. Kaṅkhā pahīyatīti aniccānupassanāya niccāniccakaṅkhā, itarāhi itarakaṅkhā. Nimittanti santatighanavinibbhogena niccasaññāya pahīnattā ārammaṇabhūtaṃ saṅkhāranimittaṃ yathābhūtaṃ jānāti. Tena vuccati sammādassananti tena yathābhūtajānanena taṃ ñāṇaṃ ‘‘sammādassana’’nti vuccati. Pavattanti dukkhappattākāre sukhasaññaṃ ugghāṭetvā sukhasaññāya pahānena paṇidhisaṅkhātāya taṇhāya pahīnattā sukhasammatampi vipākapavattaṃ yathābhūtaṃ jānāti. Nimittañca pavattañcāti nānādhātumanasikārasambhavena samūhaghanavinibbhogena ubhayathāpi attasaññāya pahīnattā saṅkhāranimittañca vipākapavattañca yathābhūtaṃ jānāti. Yañca yathābhūtaṃ ñāṇantiādittayaṃ idāni vuttameva, na aññaṃ. Bhayato upaṭṭhātīti niccasukhaattābhāvadassanato yathākkamaṃ taṃ taṃ bhayato upaṭṭhāti. Yā ca bhayatupaṭṭhāne paññātiādinā ‘‘udayabbayānupassanāñāṇaṃ bhaṅgānupassanāñāṇaṃ bhayatupaṭṭhānañāṇaṃ ādīnavānupassanāñāṇaṃ nibbidānupassanāñāṇaṃ muñcitukamyatāñāṇaṃ paṭisaṅkhānupassanāñāṇaṃ saṅkhārupekkhāñāṇaṃ anulomañāṇa’’nti vuttesu paṭipadāñāṇadassanavisuddhisaṅkhātesu navasu vipassanāñāṇesu bhayatupaṭṭhānasambandhena avatthābhedena bhinnāni ekaṭṭhāni tīṇi ñāṇāni vuttāni, na sesāni.

    буна д̇ийсу анубассанаасу анд̇з тид̇ааяа ананд̇арааяа анад̇д̇аанубассанааяа самб̣анд̇хзна д̇ааяа саха сун̃н̃ад̇аанубассанааяа згадтад̇ам̣ д̣̇ассзд̇ум̣ яаа жа анад̇д̇аанубассанаа яаа жа сун̃н̃ад̇аанубассанаад̇иаад̣̇имааха. имаани хи д̣̇вз н̃аан̣аани ад̇т̇ад̇о згамзва, авад̇т̇аабхзд̣̇зна бана бхиннаани. яат̇аа жа имаани, д̇ат̇аа анижжаанубассанаа жа анимид̇д̇аанубассанаа жа ад̇т̇ад̇о згамзва н̃аан̣ам̣, д̣̇угкаанубассанаа жа аббан̣ихид̇аанубассанаа жа ад̇т̇ад̇о згамзва н̃аан̣ам̣, гзвалам̣ авад̇т̇аабхзд̣̇знзва бхиннаани. анад̇д̇аанубассанаасун̃н̃ад̇аанубассанаанан̃жа згадтад̇ааяа вуд̇д̇ааяа д̇зсам̣ д̣̇виннам̣ д̣̇виннамби н̃аан̣аанам̣ згалагкан̣ад̇д̇аа згадтад̇аа вуд̇д̇аава ход̇ийд̇и. нимид̇д̇ам̣ бадисан̇каа н̃аан̣ам̣ уббаж̇ж̇ад̇ийд̇и ‘‘сан̇кааранимид̇д̇ам̣ ад̣̇д̇хувам̣ д̇аавагаалига’’нд̇и анижжалагкан̣авасзна ж̇аанид̇ваа н̃аан̣ам̣ уббаж̇ж̇ад̇и. гааман̃жа на батамам̣ ж̇аанид̇ваа бажчаа н̃аан̣ам̣ уббаж̇ж̇ад̇и, вохааравасзна бана ‘‘манан̃жа бадижжа д̇хаммз жа уббаж̇ж̇ад̇и мановин̃н̃аан̣а’’нд̇иаад̣̇ийни (сам̣. ни. 4.60; ма. ни. 1.400; 3.421) вияа звам̣ вужжад̇и. сад̣̇д̣̇асад̇т̇авид̣̇ууби жа ‘‘аад̣̇ижжам̣ баабун̣ид̇ваа д̇амо виг̇ажчад̇ий’’д̇иаад̣̇ийсу вияа самаанагаалзби имам̣ бад̣̇ам̣ ижчанд̇и. згад̇д̇анаязна ваа буриман̃жа бажчиман̃жа згам̣ гад̇ваа звам̣ вуд̇д̇анд̇и взд̣̇ид̇аб̣б̣ам̣. иминаа наязна ид̇арасмимби бад̣̇ад̣̇ваяз ад̇т̇о взд̣̇ид̇аб̣б̣о. мун̃жид̇угамяад̇аад̣̇ийнам̣ д̇ин̣н̣ам̣ н̃аан̣аанам̣ згадтад̇аа хздтаа вуд̇д̇анаяаа зва.

    Puna tīsu anupassanāsu ante ṭhitāya anantarāya anattānupassanāya sambandhena tāya saha suññatānupassanāya ekaṭṭhataṃ dassetuṃ yā ca anattānupassanā yā ca suññatānupassanātiādimāha. Imāni hi dve ñāṇāni atthato ekameva, avatthābhedena pana bhinnāni. Yathā ca imāni, tathā aniccānupassanā ca animittānupassanā ca atthato ekameva ñāṇaṃ, dukkhānupassanā ca appaṇihitānupassanā ca atthato ekameva ñāṇaṃ, kevalaṃ avatthābhedeneva bhinnāni. Anattānupassanāsuññatānupassanānañca ekaṭṭhatāya vuttāya tesaṃ dvinnaṃ dvinnampi ñāṇānaṃ ekalakkhaṇattā ekaṭṭhatā vuttāva hotīti. Nimittaṃ paṭisaṅkhā ñāṇaṃ uppajjatīti ‘‘saṅkhāranimittaṃ addhuvaṃ tāvakālika’’nti aniccalakkhaṇavasena jānitvā ñāṇaṃ uppajjati. Kāmañca na paṭhamaṃ jānitvā pacchā ñāṇaṃ uppajjati, vohāravasena pana ‘‘manañca paṭicca dhamme ca uppajjati manoviññāṇa’’ntiādīni (saṃ. ni. 4.60; ma. ni. 1.400; 3.421) viya evaṃ vuccati. Saddasatthavidūpi ca ‘‘ādiccaṃ pāpuṇitvā tamo vigacchatī’’tiādīsu viya samānakālepi imaṃ padaṃ icchanti. Ekattanayena vā purimañca pacchimañca ekaṃ katvā evaṃ vuttanti veditabbaṃ. Iminā nayena itarasmimpi padadvaye attho veditabbo. Muñcitukamyatādīnaṃ tiṇṇaṃ ñāṇānaṃ ekaṭṭhatā heṭṭhā vuttanayā eva.

    нимид̇д̇аа жид̇д̇ам̣ вудтаад̇ийд̇и сан̇кааранимид̇д̇з д̣̇осад̣̇ассанзна д̇ад̇т̇а аналлийнад̇ааяа сан̇кааранимид̇д̇аа жид̇д̇ам̣ вудтаад̇и наама. анимид̇д̇з жид̇д̇ам̣ багканд̣̇ад̇ийд̇и сан̇кааранимид̇д̇абадибагкзна анимид̇д̇асан̇каад̇з ниб̣б̣аанз д̇анниннад̇ааяа жид̇д̇ам̣ бависад̇и. сзсаанубассанаад̣̇ваязби иминаа наязна ад̇т̇о взд̣̇ид̇аб̣б̣о. нирод̇хз ниб̣б̣аанад̇хаад̇уяаад̇и ид̇ха вуд̇д̇знзва батамаанубассанаад̣̇ваяамби вуд̇д̇амзва ход̇и. нирод̇хзд̇иби баато. б̣ахид̣̇д̇хаавудтаанавивадданз бан̃н̃аад̇и вудтаанасамб̣анд̇хзна г̇од̇рабхун̃аан̣ам̣ вуд̇д̇ам̣. г̇од̇рабхуу д̇хаммаад̇и г̇од̇рабхун̃аан̣амзва. ид̇арат̇аа хи згадтад̇аа на яуж̇ж̇ад̇и. ‘‘асан̇кад̇аа д̇хаммаа, аббажжаяаа д̇хаммаа’’д̇иаад̣̇ийсу (д̇ха. са. д̣̇угамаад̇игаа 7, 8) вияа ваа жад̇умаг̇г̇авасзна ваа б̣ахуважанам̣ гад̇анд̇и взд̣̇ид̇аб̣б̣ам̣. яасмаа вимогкод̇и маг̇г̇о, маг̇г̇о жа д̣̇убхад̇овудтаано, д̇асмаа д̇зна самб̣анд̇хзна яаа жа д̣̇убхад̇овудтаанавивадданз бан̃н̃аад̇иаад̣̇и вуд̇д̇ам̣.

    Nimittācittaṃ vuṭṭhātīti saṅkhāranimitte dosadassanena tattha anallīnatāya saṅkhāranimittā cittaṃ vuṭṭhāti nāma. Animitte cittaṃ pakkhandatīti saṅkhāranimittapaṭipakkhena animittasaṅkhāte nibbāne tanninnatāya cittaṃ pavisati. Sesānupassanādvayepi iminā nayena attho veditabbo. Nirodhe nibbānadhātuyāti idha vutteneva paṭhamānupassanādvayampi vuttameva hoti. Nirodhetipi pāṭho. Bahiddhāvuṭṭhānavivaṭṭane paññāti vuṭṭhānasambandhena gotrabhuñāṇaṃ vuttaṃ. Gotrabhū dhammāti gotrabhuñāṇameva. Itarathā hi ekaṭṭhatā na yujjati. ‘‘Asaṅkhatā dhammā, appaccayā dhammā’’tiādīsu (dha. sa. dukamātikā 7, 8) viya vā catumaggavasena vā bahuvacanaṃ katanti veditabbaṃ. Yasmā vimokkhoti maggo, maggo ca dubhatovuṭṭhāno, tasmā tena sambandhena yā ca dubhatovuṭṭhānavivaṭṭane paññātiādi vuttaṃ.

    228. буна вимогкаанам̣ наанаагкан̣аанам̣ згагкан̣абарияааяам̣ д̣̇ассзд̇угаамо гад̇ихаагаарзхийд̇иаад̣̇имааха. д̇ад̇т̇а аад̇хибад̇зяяадтзнаад̇и ж̇здтагадтзна. ад̇хидтаанадтзнаад̇и бад̇идтаанадтзна. абхинийхаарадтзнаад̇и вибассанаавийт̇ид̇о нийхаран̣адтзна. нияяаанадтзнаад̇и ниб̣б̣аанубаг̇аманадтзна. анижжад̇о манасигарод̇од̇и вудтаанаг̇ааминивибассанаагкан̣зязва . анимид̇д̇о вимогкод̇и маг̇г̇агкан̣зязва. зса наяо сзсзсу. жид̇д̇ам̣ ад̇хидтаад̇ийд̇и жид̇д̇ам̣ ад̇хигам̣ гад̇ваа таад̇и, жид̇д̇ам̣ бад̇идтаабзд̇ийд̇и ад̇хиббааяо. жид̇д̇ам̣ абхинийхарад̇ийд̇и вибассанаавийт̇ид̇о жид̇д̇ам̣ нийхарад̇и. нирод̇хам̣ ниб̣б̣аанам̣ нияяаад̇ийд̇и нирод̇хасан̇каад̇ам̣ ниб̣б̣аанам̣ убаг̇ажчад̇ийд̇и звам̣ аагааранаанад̇д̇ад̇о жад̇уд̇хаа наанаагкан̣ад̇аа д̣̇ассид̇аа.

    228. Puna vimokkhānaṃ nānākkhaṇānaṃ ekakkhaṇapariyāyaṃ dassetukāmo katihākārehītiādimāha. Tattha ādhipateyyaṭṭhenāti jeṭṭhakaṭṭhena. Adhiṭṭhānaṭṭhenāti patiṭṭhānaṭṭhena. Abhinīhāraṭṭhenāti vipassanāvīthito nīharaṇaṭṭhena. Niyyānaṭṭhenāti nibbānupagamanaṭṭhena. Aniccato manasikarototi vuṭṭhānagāminivipassanākkhaṇeyeva . Animitto vimokkhoti maggakkhaṇeyeva. Esa nayo sesesu. Cittaṃ adhiṭṭhātīti cittaṃ adhikaṃ katvā ṭhāti, cittaṃ patiṭṭhāpetīti adhippāyo. Cittaṃ abhinīharatīti vipassanāvīthito cittaṃ nīharati. Nirodhaṃ nibbānaṃ niyyātīti nirodhasaṅkhātaṃ nibbānaṃ upagacchatīti evaṃ ākāranānattato catudhā nānākkhaṇatā dassitā.

    згагкан̣ад̇ааяа самод̇хаанадтзнаад̇и згаж̇жхам̣ самосаран̣адтзна. ад̇хиг̇аманадтзнаад̇и винд̣̇анадтзна. бадилаабхадтзнаад̇и баабун̣анадтзна. бадивзд̇хадтзнаад̇и н̃аан̣зна бадивиж̇жханадтзна. сажчигирияадтзнаад̇и бажжагкагаран̣адтзна. пассанадтзнаад̇и н̃аан̣апусанааяа пусанадтзна. абхисамаяадтзнаад̇и абхимукам̣ самааг̇аманадтзна. зд̇т̇а ‘‘самод̇хаанадтзнаа’’д̇и муулабад̣̇ам̣, сзсаани ад̇хиг̇амавзважанаани. д̇асмааязва хи саб̣б̣зсам̣ згад̇о виссаж̇ж̇анам̣ гад̇ам̣. нимид̇д̇аа мужжад̇ийд̇и нижжанимид̇д̇ад̇о мужжад̇и. иминаа вимогкадто вуд̇д̇о. яад̇о мужжад̇ийд̇и яад̇о нимид̇д̇ад̇о мужжад̇и. д̇ад̇т̇а на бан̣ид̣̇ахад̇ийд̇и д̇асмим̣ нимид̇д̇з бад̇т̇анам̣ на гарод̇и. яад̇т̇а на бан̣ид̣̇ахад̇ийд̇и яасмим̣ нимид̇д̇з на бан̣ид̣̇ахад̇и. д̇зна сун̃н̃од̇и д̇зна нимид̇д̇зна сун̃н̃о. язна сун̃н̃од̇и язна нимид̇д̇зна сун̃н̃о. д̇зна нимид̇д̇зна анимид̇д̇од̇и иминаа анимид̇д̇адто вуд̇д̇о.

    Ekakkhaṇatāya samodhānaṭṭhenāti ekajjhaṃ samosaraṇaṭṭhena. Adhigamanaṭṭhenāti vindanaṭṭhena. Paṭilābhaṭṭhenāti pāpuṇanaṭṭhena. Paṭivedhaṭṭhenāti ñāṇena paṭivijjhanaṭṭhena. Sacchikiriyaṭṭhenāti paccakkhakaraṇaṭṭhena. Phassanaṭṭhenāti ñāṇaphusanāya phusanaṭṭhena. Abhisamayaṭṭhenāti abhimukhaṃ samāgamanaṭṭhena. Ettha ‘‘samodhānaṭṭhenā’’ti mūlapadaṃ, sesāni adhigamavevacanāni. Tasmāyeva hi sabbesaṃ ekato vissajjanaṃ kataṃ. Nimittā muccatīti niccanimittato muccati. Iminā vimokkhaṭṭho vutto. Yato muccatīti yato nimittato muccati. Tattha na paṇidahatīti tasmiṃ nimitte patthanaṃ na karoti. Yattha na paṇidahatīti yasmiṃ nimitte na paṇidahati. Tena suññoti tena nimittena suñño. Yena suññoti yena nimittena suñño. Tena nimittena animittoti iminā animittaṭṭho vutto.

    бан̣ид̇хияаа мужжад̇ийд̇и бан̣ид̇хид̇о мужжад̇и. ‘‘бан̣ид̇хи мужжад̇ий’’д̇и баато ниссаггад̇т̇оязва. иминаа вимогкадто вуд̇д̇о. яад̇т̇а на бан̣ид̣̇ахад̇ийд̇и яасмим̣ д̣̇угкз на бан̣ид̣̇ахад̇и. д̇зна сун̃н̃од̇и д̇зна д̣̇угкзна сун̃н̃о. язна сун̃н̃од̇и язна д̣̇угканимид̇д̇зна сун̃н̃о. язна нимид̇д̇знаад̇и язна д̣̇угканимид̇д̇зна. д̇ад̇т̇а на бан̣ид̣̇ахад̇ийд̇и иминаа аббан̣ихид̇адто вуд̇д̇о. абхинивзсаа мужжад̇ийд̇и иминаа вимогкадто вуд̇д̇о. язна сун̃н̃од̇и язна абхинивзсанимид̇д̇зна сун̃н̃о. язна нимид̇д̇знаад̇и язна абхинивзсанимид̇д̇зна. яад̇т̇а на бан̣ид̣̇ахад̇и, д̇зна сун̃н̃од̇и яасмим̣ абхинивзсанимид̇д̇з на бан̣ид̣̇ахад̇и, д̇зна абхинивзсанимид̇д̇зна сун̃н̃о. иминаа сун̃н̃ад̇адто вуд̇д̇о.

    Paṇidhiyā muccatīti paṇidhito muccati. ‘‘Paṇidhi muccatī’’ti pāṭho nissakkatthoyeva. Iminā vimokkhaṭṭho vutto. Yattha na paṇidahatīti yasmiṃ dukkhe na paṇidahati. Tena suññoti tena dukkhena suñño. Yena suññoti yena dukkhanimittena suñño. Yena nimittenāti yena dukkhanimittena. Tattha na paṇidahatīti iminā appaṇihitaṭṭho vutto. Abhinivesā muccatīti iminā vimokkhaṭṭho vutto. Yena suññoti yena abhinivesanimittena suñño. Yena nimittenāti yena abhinivesanimittena. Yattha na paṇidahati, tena suññoti yasmiṃ abhinivesanimitte na paṇidahati, tena abhinivesanimittena suñño. Iminā suññataṭṭho vutto.

    229. буна адтавимогкаад̣̇ийни нид̣̇д̣̇исид̇угаамо ад̇т̇и вимогкод̇иаад̣̇имааха. д̇ад̇т̇а нижжад̇о абхинивзсаад̇иаад̣̇ийни сан̃н̃аавимогкз вуд̇д̇анаязна взд̣̇ид̇аб̣б̣аани. саб̣б̣аабхинивзсзхийд̇и вуд̇д̇аббагаарзхи абхинивзсзхи. ид̇и абхинивзсамужжанавасзна сун̃н̃ад̇авимогкаа наама ж̇аад̇аа, д̇зязва нижжаад̣̇инимид̇д̇амужжанавасзна анимид̇д̇авимогкаа, нижжанд̇иаад̣̇ибан̣ид̇хийхи мужжанавасзна аббан̣ихид̇авимогкаа. зд̇т̇а жа бан̣ид̇хи мужжад̇ийд̇и саб̣б̣ад̇т̇а ниссаггад̇т̇о взд̣̇ид̇аб̣б̣о. бан̣ид̇хияаа мужжад̇ийд̇и ваа баато. ‘‘саб̣б̣абан̣ид̇хийхи мужжад̇ий’’д̇и жзд̇т̇а саад̇хагам̣. звам̣ д̇иссо анубассанаа д̇ад̣̇ан̇г̇авимогкад̇д̇аа жа самужчзд̣̇авимогкасса бажжаяад̇д̇аа жа барияааязна вимогкаад̇и вуд̇д̇аа.

    229. Puna aṭṭhavimokkhādīni niddisitukāmo atthi vimokkhotiādimāha. Tattha niccato abhinivesātiādīni saññāvimokkhe vuttanayena veditabbāni. Sabbābhinivesehīti vuttappakārehi abhinivesehi. Iti abhinivesamuccanavasena suññatavimokkhā nāma jātā, teyeva niccādinimittamuccanavasena animittavimokkhā, niccantiādipaṇidhīhi muccanavasena appaṇihitavimokkhā. Ettha ca paṇidhi muccatīti sabbattha nissakkattho veditabbo. Paṇidhiyā muccatīti vā pāṭho. ‘‘Sabbapaṇidhīhi muccatī’’ti cettha sādhakaṃ. Evaṃ tisso anupassanā tadaṅgavimokkhattā ca samucchedavimokkhassa paccayattā ca pariyāyena vimokkhāti vuttā.

    230. д̇ад̇т̇а ж̇аад̇аад̇и ананд̇арз вибассанаавимогкзби сад̇и имиссаа гат̇ааяа маг̇г̇авимогкаад̇хигаарад̇д̇аа д̇асмим̣ маг̇г̇авимогкз ж̇аад̇аад̇и вуд̇д̇ам̣ ход̇и. анаваж̇ж̇агусалаад̇и рааг̇аад̣̇иваж̇ж̇авирахид̇аа гусалаа. вижчзд̣̇ам̣ гад̇ваа ваа баато. б̣од̇хибагкияаа д̇хаммаад̇и ‘‘жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа , арияо адтан̇г̇иго маг̇г̇о’’д̇и (ма. ни. 3.35, 43; жуул̣ани. мзд̇д̇аг̇уумаан̣авабужчаанид̣̇д̣̇зса 22; ми. ба. 5.4.1) вуд̇д̇аа сад̇д̇ад̇им̣са б̣од̇хибагкияад̇хаммаа. ид̣̇ам̣ муканд̇и ид̣̇ам̣ вуд̇д̇аббагаарам̣ д̇хаммаж̇аад̇ам̣ аарамман̣ад̇о ниб̣б̣аанабавзсааяа мукад̇д̇аа мукам̣ наамаад̇и вуд̇д̇ам̣ ход̇и. д̇зсам̣ д̇хаммаананд̇и д̇зсам̣ б̣од̇хибагкияаанам̣ д̇хаммаанам̣. ид̣̇ам̣ вимогкамуканд̇и ниб̣б̣аанам̣ вигкамбханад̇ад̣̇ан̇г̇асамужчзд̣̇абадиббассад̣̇д̇хиниссаран̣авимогкзсу ниссаран̣авимогкова, ‘‘яаавад̇аа, бхигкавз , д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ д̇хаммаанам̣ аг̇г̇амагкааяад̇ий’’д̇и (ид̇иву. 90; а. ни. 4.34) вуд̇д̇ад̇д̇аа уд̇д̇амадтзна мукан̃жаад̇и вимогкамукам̣. вимогкан̃жа д̇ам̣ мукан̃жа вимогкамуканд̇и гаммад̇хаараяасамаасавасзна аяамзва ад̇т̇о вуд̇д̇о. вимогкан̃жаад̇и зд̇т̇а лин̇г̇авибаллаасо гад̇о. д̇ийн̣и агусаламуулаанийд̇и лобхад̣̇осамохаа. д̇ийн̣и д̣̇ужжарид̇аанийд̇и гааяаважийманод̣̇ужжарид̇аани. саб̣б̣зби агусалаа д̇хаммаад̇и агусаламуулзхи самбаяуд̇д̇аа д̣̇ужжарид̇зхи самбаяуд̇д̇аа жа асамбаяуд̇д̇аа жа сзвид̇аб̣б̣ад̣̇оманассаад̣̇ийни табзд̇ваа саб̣б̣зби агусалаа д̇хаммаа. гусаламууласужарид̇аани вуд̇д̇абадибагкзна взд̣̇ид̇аб̣б̣аани. саб̣б̣зби гусалаа д̇хаммаад̇и вуд̇д̇анаязнзва самбаяуд̇д̇аа асамбаяуд̇д̇аа жа вимогкасса убаниссаяабхууд̇аа саб̣б̣зби гусалаа д̇хаммаа. виваддагат̇аа хздтаа вуд̇д̇аа. вимогкавиваддасамб̣анд̇хзна банзд̇т̇а сзсавиваддааби вуд̇д̇аа. аасзванаад̇и аад̣̇ид̇о сзванаа. бхааванаад̇и д̇ассзва вад̣дханаа. б̣ахулийгамманд̇и д̇ассзва васиббад̇д̇ияаа бунаббунам̣ гаран̣ам̣. маг̇г̇асса бана згагкан̣зязва гижжасаад̇ханавасзна аасзванаад̣̇ийни взд̣̇ид̇аб̣б̣аани. бадилаабхо ваа вибааго ваад̇иаад̣̇ийни хздтаа вуд̇д̇ад̇т̇аанзваад̇и.

    230.Tattha jātāti anantare vipassanāvimokkhepi sati imissā kathāya maggavimokkhādhikārattā tasmiṃ maggavimokkhe jātāti vuttaṃ hoti. Anavajjakusalāti rāgādivajjavirahitā kusalā. Vicchedaṃ katvā vā pāṭho. Bodhipakkhiyā dhammāti ‘‘cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā , ariyo aṭṭhaṅgiko maggo’’ti (ma. ni. 3.35, 43; cūḷani. mettagūmāṇavapucchāniddesa 22; mi. pa. 5.4.1) vuttā sattatiṃsa bodhipakkhiyadhammā. Idaṃ mukhanti idaṃ vuttappakāraṃ dhammajātaṃ ārammaṇato nibbānapavesāya mukhattā mukhaṃ nāmāti vuttaṃ hoti. Tesaṃ dhammānanti tesaṃ bodhipakkhiyānaṃ dhammānaṃ. Idaṃ vimokkhamukhanti nibbānaṃ vikkhambhanatadaṅgasamucchedapaṭippassaddhinissaraṇavimokkhesu nissaraṇavimokkhova, ‘‘yāvatā, bhikkhave , dhammā saṅkhatā vā asaṅkhatā vā, virāgo tesaṃ dhammānaṃ aggamakkhāyatī’’ti (itivu. 90; a. ni. 4.34) vuttattā uttamaṭṭhena mukhañcāti vimokkhamukhaṃ. Vimokkhañca taṃ mukhañca vimokkhamukhanti kammadhārayasamāsavasena ayameva attho vutto. Vimokkhañcāti ettha liṅgavipallāso kato. Tīṇi akusalamūlānīti lobhadosamohā. Tīṇi duccaritānīti kāyavacīmanoduccaritāni. Sabbepi akusalā dhammāti akusalamūlehi sampayuttā duccaritehi sampayuttā ca asampayuttā ca sevitabbadomanassādīni ṭhapetvā sabbepi akusalā dhammā. Kusalamūlasucaritāni vuttapaṭipakkhena veditabbāni. Sabbepi kusalā dhammāti vuttanayeneva sampayuttā asampayuttā ca vimokkhassa upanissayabhūtā sabbepi kusalā dhammā. Vivaṭṭakathā heṭṭhā vuttā. Vimokkhavivaṭṭasambandhena panettha sesavivaṭṭāpi vuttā. Āsevanāti ādito sevanā. Bhāvanāti tasseva vaḍḍhanā. Bahulīkammanti tasseva vasippattiyā punappunaṃ karaṇaṃ. Maggassa pana ekakkhaṇeyeva kiccasādhanavasena āsevanādīni veditabbāni. Paṭilābho vā vipāko vātiādīni heṭṭhā vuttatthānevāti.

    вимогканид̣̇д̣̇зсаван̣н̣анаа нидтид̇аа.

    Vimokkhaniddesavaṇṇanā niṭṭhitā.

    сад̣̇д̇хаммаббагаасинияаа бадисамбхид̣̇аамаг̇г̇а-адтагат̇ааяа

    Saddhammappakāsiniyā paṭisambhidāmagga-aṭṭhakathāya

    вимогкагат̇ааван̣н̣анаа нидтид̇аа.

    Vimokkhakathāvaṇṇanā niṭṭhitā.




    Next: 6. г̇ад̇игат̇аа • 6. Gatikathā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 2. нид̣̇д̣̇зсо • 2. Niddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact