| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. вимогкасуд̇д̇аван̣н̣анаа
6. Vimokkhasuttavaṇṇanā
66. вимогкаад̇и гзнадтзна вимогкаа? ад̇химужжанадтзна. го банааяам̣ ад̇химужжанадто наама? бажжанийгад̇хаммзхи жа судту мужжанадто, аарамман̣з жа абхирад̇ивасзна судту мужжанадто, бид̇уан̇гз виссадтан̇г̇абажжан̇г̇асса д̣̇аарагасса саяанам̣ вияа аниг̇г̇ахид̇абхаавзна нираасан̇гад̇ааяа аарамман̣з бавад̇д̇ийд̇и вуд̇д̇ам̣ ход̇и. аяам̣ банад̇т̇о бажчимз вимогкз над̇т̇и, буримзсу вимогкзсу ад̇т̇и.
66.Vimokkhāti kenaṭṭhena vimokkhā? Adhimuccanaṭṭhena. Ko panāyaṃ adhimuccanaṭṭho nāma? Paccanīkadhammehi ca suṭṭhu muccanaṭṭho, ārammaṇe ca abhirativasena suṭṭhu muccanaṭṭho, pituaṅke vissaṭṭhaṅgapaccaṅgassa dārakassa sayanaṃ viya aniggahitabhāvena nirāsaṅkatāya ārammaṇe pavattīti vuttaṃ hoti. Ayaṃ panattho pacchime vimokkhe natthi, purimesu vimokkhesu atthi.
руубий руубаани бассад̇ийд̇и зд̇т̇а аж̇жхад̇д̇ам̣ гзсаад̣̇ийсу нийлагасин̣аад̣̇ивасзна уббаад̣̇ид̇ам̣ руубаж̇жхаанам̣ руубам̣, д̇ад̣̇ассад̇т̇ийд̇и руубий. б̣ахид̣̇д̇хааби нийлагасин̣аад̣̇ийни руубаани жхаанажагкунаа бассад̇и. иминаа аж̇жхад̇д̇аб̣ахид̣̇д̇хавад̇т̇угзсу гасин̣зсу уббаад̣̇ид̇аж̇жхаанасса буг̇г̇аласса жад̇д̇аари руубааважараж̇жхаанаани д̣̇ассид̇аани. аж̇жхад̇д̇ам̣ аруубасан̃н̃ийд̇и аж̇жхад̇д̇ам̣ на руубасан̃н̃ий, ад̇д̇ано гзсаад̣̇ийсу ануббаад̣̇ид̇аруубааважараж̇жхаанод̇и ад̇т̇о. иминаа б̣ахид̣̇д̇хаа баригаммам̣ гад̇ваа б̣ахид̣̇д̇хаава уббаад̣̇ид̇аж̇жхаанасса руубааважараж̇жхаанаани д̣̇ассид̇аани.
Rūpī rūpāni passatīti ettha ajjhattaṃ kesādīsu nīlakasiṇādivasena uppāditaṃ rūpajjhānaṃ rūpaṃ, tadassatthīti rūpī. Bahiddhāpi nīlakasiṇādīni rūpāni jhānacakkhunā passati. Iminā ajjhattabahiddhavatthukesu kasiṇesu uppāditajjhānassa puggalassa cattāri rūpāvacarajjhānāni dassitāni. Ajjhattaṃ arūpasaññīti ajjhattaṃ na rūpasaññī, attano kesādīsu anuppāditarūpāvacarajjhānoti attho. Iminā bahiddhā parikammaṃ katvā bahiddhāva uppāditajjhānassa rūpāvacarajjhānāni dassitāni.
субханд̇зва ад̇химуд̇д̇о ход̇ийд̇и иминаа сувисуд̣̇д̇хзсу нийлаад̣̇ийсу ван̣н̣агасин̣зсу жхаанаани д̣̇ассид̇аани. д̇ад̇т̇а гин̃жааби анд̇оаббанааяа ‘‘субха’’нд̇и аабхог̇о над̇т̇и, яо бана сувисуд̣̇д̇хам̣ субхам̣ гасин̣ам̣ аарамман̣ам̣ гад̇ваа вихарад̇и, со яасмаа ‘‘субханд̇и ад̇химуд̇д̇о ход̇ий’’д̇и вад̇д̇аб̣б̣ад̇ам̣ аабаж̇ж̇ад̇и, д̇асмаа звам̣ д̣̇зсанаа гад̇аа. бадисамбхид̣̇аамаг̇г̇з бана –
Subhanteva adhimutto hotīti iminā suvisuddhesu nīlādīsu vaṇṇakasiṇesu jhānāni dassitāni. Tattha kiñcāpi antoappanāya ‘‘subha’’nti ābhogo natthi, yo pana suvisuddhaṃ subhaṃ kasiṇaṃ ārammaṇaṃ katvā viharati, so yasmā ‘‘subhanti adhimutto hotī’’ti vattabbataṃ āpajjati, tasmā evaṃ desanā katā. Paṭisambhidāmagge pana –
‘‘гат̇ам̣ субханд̇зва ад̇химуд̇д̇о ход̇ийд̇и вимогко? ид̇ха бхигку мзд̇д̇аасахаг̇ад̇зна жзд̇асаа згам̣ д̣̇исам̣ …бз… вихарад̇и. мзд̇д̇ааяа бхаавид̇ад̇д̇аа сад̇д̇аа аббадигуулаа хонд̇и. гарун̣аасахаг̇ад̇зна…бз… муд̣̇ид̇аасахаг̇ад̇зна …бз… убзгкаасахаг̇ад̇зна жзд̇асаа згам̣ д̣̇исам̣…бз… вихарад̇и. убзгкааяа бхаавид̇ад̇д̇аа сад̇д̇аа аббадигуулаа хонд̇и. звам̣ субханд̇зва ад̇химуд̇д̇о ход̇ийд̇и вимогко’’д̇и (бади. ма. 1.212) вуд̇д̇ам̣.
‘‘Kathaṃ subhanteva adhimutto hotīti vimokkho? Idha bhikkhu mettāsahagatena cetasā ekaṃ disaṃ …pe… viharati. Mettāya bhāvitattā sattā appaṭikūlā honti. Karuṇāsahagatena…pe… muditāsahagatena …pe… upekkhāsahagatena cetasā ekaṃ disaṃ…pe… viharati. Upekkhāya bhāvitattā sattā appaṭikūlā honti. Evaṃ subhanteva adhimutto hotīti vimokkho’’ti (paṭi. ma. 1.212) vuttaṃ.
саб̣б̣асо руубасан̃н̃аананд̇иаад̣̇ийсу яам̣ вад̇д̇аб̣б̣ам̣, д̇ам̣ висуд̣̇д̇химаг̇г̇з (висуд̣̇д̇хи. 1.276-277) вуд̇д̇амзва. аяам̣ адтамо вимогкод̇и аяам̣ жад̇уннам̣ канд̇хаанам̣ саб̣б̣асо виссадтад̇д̇аа вимуд̇д̇ад̇д̇аа адтамо уд̇д̇амо вимогко наама.
Sabbaso rūpasaññānantiādīsu yaṃ vattabbaṃ, taṃ visuddhimagge (visuddhi. 1.276-277) vuttameva. Ayaṃ aṭṭhamo vimokkhoti ayaṃ catunnaṃ khandhānaṃ sabbaso vissaṭṭhattā vimuttattā aṭṭhamo uttamo vimokkho nāma.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. вимогкасуд̇д̇ам̣ • 6. Vimokkhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. вимогкасуд̇д̇аван̣н̣анаа • 6. Vimokkhasuttavaṇṇanā
