| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. вимогкасуд̇д̇аван̣н̣анаа
6. Vimokkhasuttavaṇṇanā
66. чадтз (д̣̇ий. ни. дий. 2.129) гзнадтзнаад̇и гзна сабхаавзна. сабхааво хи н̃аан̣зна яаат̇аавад̇о аран̣ийяад̇о н̃аад̇аб̣б̣ад̇о ‘‘ад̇т̇о’’д̇и вужжад̇и, со зва д̇т̇а-гаарасса дта-гаарам̣ гад̇ваа ‘‘адто’’д̇и вуд̇д̇о. ад̇химужжанадтзнаад̇и ад̇хигам̣ сависзсам̣ мужжанадтзна. зд̇зна сад̇иби саб̣б̣ассаби руубааважараж̇жхаанасса вигкамбханавасзна бадибагкад̇о вимуд̇д̇абхаавз язна бхааванаависзсзна д̇ам̣ жхаанам̣ саад̇исаяам̣ бадибагкад̇о вимужжид̇ваа бавад̇д̇ад̇и, со бхааванаависзсо д̣̇ийбид̇о. бхавад̇и хи самаанаж̇аад̇ияуд̇д̇оби бхааванаависзсзна бавад̇д̇иаагаарависзсо. яат̇аа д̇ам̣ сад̣̇д̇хаавимуд̇д̇ад̇о д̣̇идтиббад̇д̇асса, д̇ат̇аа бажжанийгад̇хаммзхи судту вимуд̇д̇ад̇ааяа зва аниг̇г̇ахид̇абхаавзна нираасан̇гад̇ааяа абхирад̇ивасзна судту ад̇химужжанадтзнаби вимогко. д̇знааха ‘‘аарамман̣з жаа’’д̇иаад̣̇и. аяам̣ банад̇т̇од̇и аяам̣ ад̇химужжанадто бажчимз вимогкз нирод̇хз над̇т̇и. гзвало вимуд̇д̇адто зва д̇ад̇т̇а лаб̣бхад̇и, д̇ам̣ саяамзва барад̇о вагкад̇и.
66. Chaṭṭhe (dī. ni. ṭī. 2.129) kenaṭṭhenāti kena sabhāvena. Sabhāvo hi ñāṇena yāthāvato araṇīyato ñātabbato ‘‘attho’’ti vuccati, so eva ttha-kārassa ṭṭha-kāraṃ katvā ‘‘aṭṭho’’ti vutto. Adhimuccanaṭṭhenāti adhikaṃ savisesaṃ muccanaṭṭhena. Etena satipi sabbassapi rūpāvacarajjhānassa vikkhambhanavasena paṭipakkhato vimuttabhāve yena bhāvanāvisesena taṃ jhānaṃ sātisayaṃ paṭipakkhato vimuccitvā pavattati, so bhāvanāviseso dīpito. Bhavati hi samānajātiyuttopi bhāvanāvisesena pavattiākāraviseso. Yathā taṃ saddhāvimuttato diṭṭhippattassa, tathā paccanīkadhammehi suṭṭhu vimuttatāya eva aniggahitabhāvena nirāsaṅkatāya abhirativasena suṭṭhu adhimuccanaṭṭhenapi vimokkho. Tenāha ‘‘ārammaṇe cā’’tiādi. Ayaṃ panatthoti ayaṃ adhimuccanaṭṭho pacchime vimokkhe nirodhe natthi. Kevalo vimuttaṭṭho eva tattha labbhati, taṃ sayameva parato vakkhati.
руубийд̇и язнааяам̣ сасанд̇ад̇ибарияаабаннзна руубзна саманнааг̇ад̇о, д̇ам̣ яасса жхаанасса хзд̇убхаавзна висидтаруубам̣ ход̇и, язна висидтзна руубзна ‘‘руубий’’д̇и вужжзяяа руубийсад̣̇д̣̇асса ад̇исаяад̇т̇ад̣̇ийбанад̇о, д̇ад̣̇зва сасанд̇ад̇ибарияаабаннаруубасса васзна бадилад̣̇д̇хаж̇жхаанам̣ ид̇ха барамад̇т̇ад̇о руубибхаавасаад̇хаганд̇и д̣̇адтаб̣б̣ам̣. д̇знааха ‘‘аж̇жхад̇д̇а’’нд̇иаад̣̇и. руубаж̇жхаанам̣ руубам̣ уд̇д̇арабад̣̇алобзна. руубаанийд̇и банзд̇т̇а буримабад̣̇алобо д̣̇адтаб̣б̣о. д̇зна вуд̇д̇ам̣ ‘‘нийлагасин̣аад̣̇ийни руубааний’’д̇и. руубз гасин̣аруубз сан̃н̃аа руубасан̃н̃аа , саа зд̇асса ад̇т̇ийд̇и руубасан̃н̃ий, сан̃н̃аасийсзна жхаанам̣ вад̣̇ад̇и. д̇аббадибагкзна аруубасан̃н̃ий. д̇знааха ‘‘аж̇жхад̇д̇ам̣ на руубасан̃н̃ий’’д̇иаад̣̇и.
Rūpīti yenāyaṃ sasantatipariyāpannena rūpena samannāgato, taṃ yassa jhānassa hetubhāvena visiṭṭharūpaṃ hoti, yena visiṭṭhena rūpena ‘‘rūpī’’ti vucceyya rūpīsaddassa atisayatthadīpanato, tadeva sasantatipariyāpannarūpassa vasena paṭiladdhajjhānaṃ idha paramatthato rūpibhāvasādhakanti daṭṭhabbaṃ. Tenāha ‘‘ajjhatta’’ntiādi. Rūpajjhānaṃ rūpaṃ uttarapadalopena. Rūpānīti panettha purimapadalopo daṭṭhabbo. Tena vuttaṃ ‘‘nīlakasiṇādīni rūpānī’’ti. Rūpe kasiṇarūpe saññā rūpasaññā , sā etassa atthīti rūpasaññī, saññāsīsena jhānaṃ vadati. Tappaṭipakkhena arūpasaññī. Tenāha ‘‘ajjhattaṃ na rūpasaññī’’tiādi.
анд̇о аббанааяам̣ ‘‘субха’’нд̇и аабхог̇о над̇т̇ийд̇и иминаа буб̣б̣аабхог̇авасзна д̇ат̇аа ад̇химуд̇д̇и сияаад̇и д̣̇ассзд̇и. зван̃хзд̇т̇а д̇ат̇аавад̇д̇аб̣б̣ад̇аабад̇д̇ижод̣̇анаа анавадтаанаа ход̇и. яасмаа сувисуд̣̇д̇хзсу нийлаад̣̇ийсу ван̣н̣агасин̣зсу д̇ад̇т̇а гад̇аад̇хигаараанам̣ абхирад̇ивасзна судту ад̇химужжанадто самбхавад̇и, д̇асмаа адтагат̇ааяам̣ д̇ат̇аа д̇ад̇ияо вимогко сам̣ван̣н̣ид̇о. яасмаа бана мзд̇д̇аад̣̇ивасзна бавад̇д̇амаанаа бхааванаа сад̇д̇з аббадигуулад̇о д̣̇аханд̇и, д̇з субхад̇о ад̇химужжид̇ваа бавад̇д̇ад̇и, д̇асмаа бадисамбхид̣̇аамаг̇г̇з (бади. ма. 1.212-213) б̣рахмавихаарабхааванаа ‘‘субхавимогко’’д̇и вуд̇д̇аа. д̇аяид̣̇ам̣ убхаяамби д̇зна д̇зна барияааязна вуд̇д̇ад̇д̇аа на вируж̇жхад̇ийд̇и д̣̇адтаб̣б̣ам̣.
Anto appanāyaṃ ‘‘subha’’nti ābhogo natthīti iminā pubbābhogavasena tathā adhimutti siyāti dasseti. Evañhettha tathāvattabbatāpatticodanā anavaṭṭhānā hoti. Yasmā suvisuddhesu nīlādīsu vaṇṇakasiṇesu tattha katādhikārānaṃ abhirativasena suṭṭhu adhimuccanaṭṭho sambhavati, tasmā aṭṭhakathāyaṃ tathā tatiyo vimokkho saṃvaṇṇito. Yasmā pana mettādivasena pavattamānā bhāvanā satte appaṭikūlato dahanti, te subhato adhimuccitvā pavattati, tasmā paṭisambhidāmagge (paṭi. ma. 1.212-213) brahmavihārabhāvanā ‘‘subhavimokkho’’ti vuttā. Tayidaṃ ubhayampi tena tena pariyāyena vuttattā na virujjhatīti daṭṭhabbaṃ.
саб̣б̣асод̇и анавасзсад̇о. на хи жад̇уннам̣ аруубагканд̇хаанам̣ згад̣̇зсоби д̇ад̇т̇а авасиссад̇и. виссадтад̇д̇аад̇и яат̇аабарижчиннагаалз нирод̇хид̇ад̇д̇аа. уд̇д̇амо вимогко наама ариязхзва самаабаж̇ж̇ид̇аб̣б̣ад̇о арияапалабарияосаанад̇д̇аа д̣̇идтзва д̇хаммз ниб̣б̣аанаббад̇д̇ибхаавад̇о жа.
Sabbasoti anavasesato. Na hi catunnaṃ arūpakkhandhānaṃ ekadesopi tattha avasissati. Vissaṭṭhattāti yathāparicchinnakāle nirodhitattā. Uttamo vimokkho nāma ariyeheva samāpajjitabbato ariyaphalapariyosānattā diṭṭheva dhamme nibbānappattibhāvato ca.
вимогкасуд̇д̇аван̣н̣анаа нидтид̇аа.
Vimokkhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. вимогкасуд̇д̇ам̣ • 6. Vimokkhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. вимогкасуд̇д̇аван̣н̣анаа • 6. Vimokkhasuttavaṇṇanā
