| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
5. вимогкагат̇аа
5. Vimokkhakathā
1. вимогкуд̣̇д̣̇зсаван̣н̣анаа
1. Vimokkhuddesavaṇṇanā
209. ид̣̇аани инд̣̇рияагат̇аананд̇арам̣ гат̇ид̇ааяа вимогкагат̇ааяа абуб̣б̣ад̇т̇аануван̣н̣анаа ануббад̇д̇аа. аяан̃хи вимогкагат̇аа инд̣̇рияабхааванаануяуд̇д̇асса вимогкасаб̣бхаавад̇о инд̣̇рияагат̇аананд̇арам̣ гат̇ид̇аа. д̇ан̃жа гат̇знд̇о бхаг̇авад̇о саммукаа суд̇асуд̇д̇анд̇ад̣̇зсанаабуб̣б̣ан̇г̇амам̣ гад̇ваа гат̇зси. д̇ад̇т̇а суд̇д̇анд̇з д̇аава сун̃н̃ад̇о вимогкод̇иаад̣̇ийсу сун̃н̃ад̇аагаарзна ниб̣б̣аанам̣ аарамман̣ам̣ гад̇ваа бавад̇д̇о арияамаг̇г̇о сун̃н̃ад̇о вимогко. со хи сун̃н̃ад̇ааяа д̇хаад̇уяаа уббаннад̇д̇аа сун̃н̃ад̇о, гилзсзхи вимуд̇д̇ад̇д̇аа вимогко. зд̇знзва наязна анимид̇д̇аагаарзна ниб̣б̣аанам̣ аарамман̣ам̣ гад̇ваа бавад̇д̇о анимид̇д̇о, аббан̣ихид̇аагаарзна ниб̣б̣аанам̣ аарамман̣ам̣ гад̇ваа бавад̇д̇о аббан̣ихид̇од̇и взд̣̇ид̇аб̣б̣о.
209. Idāni indriyakathānantaraṃ kathitāya vimokkhakathāya apubbatthānuvaṇṇanā anuppattā. Ayañhi vimokkhakathā indriyabhāvanānuyuttassa vimokkhasabbhāvato indriyakathānantaraṃ kathitā. Tañca kathento bhagavato sammukhā sutasuttantadesanāpubbaṅgamaṃ katvā kathesi. Tattha suttante tāva suññato vimokkhotiādīsu suññatākārena nibbānaṃ ārammaṇaṃ katvā pavatto ariyamaggo suññato vimokkho. So hi suññatāya dhātuyā uppannattā suññato, kilesehi vimuttattā vimokkho. Eteneva nayena animittākārena nibbānaṃ ārammaṇaṃ katvā pavatto animitto, appaṇihitākārena nibbānaṃ ārammaṇaṃ katvā pavatto appaṇihitoti veditabbo.
зго хи аад̣̇ид̇ова анижжад̇о сан̇каарз саммасад̇и. яасмаа бана на анижжад̇о саммасанамад̇д̇знзва маг̇г̇авудтаанам̣ ход̇и, д̣̇угкад̇оби анад̇д̇ад̇оби саммасид̇аб̣б̣амзва, д̇асмаа д̣̇угкад̇оби анад̇д̇ад̇оби саммасад̇и. д̇асса звам̣ бадибаннасса анижжад̇о жз саммасанагаалз маг̇г̇авудтаанам̣ ход̇и, аяам̣ анижжад̇о абхинивисид̇ваа анижжад̇о вудтаад̇и наама. сажз банасса д̣̇угкад̇о анад̇д̇ад̇о саммасанагаалз маг̇г̇авудтаанам̣ ход̇и, аяам̣ анижжад̇о абхинивисид̇ваа д̣̇угкад̇о, анад̇д̇ад̇о вудтаад̇и наама. зса наяо д̣̇угкад̇о анад̇д̇ад̇о абхинивисид̇ваа вудтаанзсуби. зд̇т̇а жа яоби анижжад̇о абхинивидто, яоби д̣̇угкад̇о, яоби анад̇д̇ад̇о. вудтаанагаалз жз анижжад̇о вудтаанам̣ ход̇и, д̇аяоби ж̇анаа ад̇химогкаб̣ахулаа хонд̇и, сад̣̇д̇хинд̣̇рияам̣ бадилабханд̇и, анимид̇д̇авимогкзна вимужжанд̇и, батамамаг̇г̇агкан̣з сад̣̇д̇хаанусаарино хонд̇и, сад̇д̇асу таанзсу сад̣̇д̇хаавимуд̇д̇аа. сажз бана д̣̇угкад̇о вудтаанам̣ ход̇и, д̇аяоби ж̇анаа бассад̣̇д̇хиб̣ахулаа хонд̇и, самаад̇хинд̣̇рияам̣ бадилабханд̇и, аббан̣ихид̇авимогкзна вимужжанд̇и, саб̣б̣ад̇т̇а гааяасагкино хонд̇и. яасса банзд̇т̇а аруубаж̇жхаанам̣ баад̣̇агам̣ ход̇и, со аг̇г̇апалз убхад̇обхааг̇авимуд̇д̇о ход̇и. ат̇а нзсам̣ анад̇д̇ад̇о вудтаанам̣ ход̇и, д̇аяоби ж̇анаа взд̣̇аб̣ахулаа хонд̇и, бан̃н̃инд̣̇рияам̣ бадилабханд̇и, сун̃н̃ад̇авимогкзна вимужжанд̇и, батамамаг̇г̇агкан̣з д̇хаммаанусаарино хонд̇и, часу таанзсу д̣̇идтиббад̇д̇аа, аг̇г̇апалз бан̃н̃аавимуд̇д̇аад̇и.
Eko hi āditova aniccato saṅkhāre sammasati. Yasmā pana na aniccato sammasanamatteneva maggavuṭṭhānaṃ hoti, dukkhatopi anattatopi sammasitabbameva, tasmā dukkhatopi anattatopi sammasati. Tassa evaṃ paṭipannassa aniccato ce sammasanakāle maggavuṭṭhānaṃ hoti, ayaṃ aniccato abhinivisitvā aniccato vuṭṭhāti nāma. Sace panassa dukkhato anattato sammasanakāle maggavuṭṭhānaṃ hoti, ayaṃ aniccato abhinivisitvā dukkhato, anattato vuṭṭhāti nāma. Esa nayo dukkhato anattato abhinivisitvā vuṭṭhānesupi. Ettha ca yopi aniccato abhiniviṭṭho, yopi dukkhato, yopi anattato. Vuṭṭhānakāle ce aniccato vuṭṭhānaṃ hoti, tayopi janā adhimokkhabahulā honti, saddhindriyaṃ paṭilabhanti, animittavimokkhena vimuccanti, paṭhamamaggakkhaṇe saddhānusārino honti, sattasu ṭhānesu saddhāvimuttā. Sace pana dukkhato vuṭṭhānaṃ hoti, tayopi janā passaddhibahulā honti, samādhindriyaṃ paṭilabhanti, appaṇihitavimokkhena vimuccanti, sabbattha kāyasakkhino honti. Yassa panettha arūpajjhānaṃ pādakaṃ hoti, so aggaphale ubhatobhāgavimutto hoti. Atha nesaṃ anattato vuṭṭhānaṃ hoti, tayopi janā vedabahulā honti, paññindriyaṃ paṭilabhanti, suññatavimokkhena vimuccanti, paṭhamamaggakkhaṇe dhammānusārino honti, chasu ṭhānesu diṭṭhippattā, aggaphale paññāvimuttāti.
абижа маг̇г̇о наама бан̃жахи гааран̣зхи наамам̣ лабхад̇и сарасзна ваа бажжанийгзна ваа саг̇ун̣зна ваа аарамман̣зна ваа ааг̇аманзна ваа. сажз хи сан̇каарубзгкаа анижжад̇о сан̇каарз саммасид̇ваа вудтаад̇и, анимид̇д̇авимогкзна вимужжад̇и. сажз д̣̇угкад̇о саммасид̇ваа вудтаад̇и, аббан̣ихид̇авимогкзна вимужжад̇и. сажз анад̇д̇ад̇о саммасид̇ваа вудтаад̇и, сун̃н̃ад̇авимогкзна вимужжад̇и. ид̣̇ам̣ сарасад̇о наамам̣ наама. анижжаанубассанааяа бана сан̇каараанам̣ гханавиниб̣бхог̇ам̣ гад̇ваа нижжанимид̇д̇ад̇хуванимид̇д̇асассад̇анимид̇д̇аани бахааяа ааг̇ад̇ад̇д̇аа анимид̇д̇о, д̣̇угкаанубассанааяа сукасан̃н̃ам̣ бахааяа бан̣ид̇хибад̇т̇анам̣ сугкаабзд̇ваа ааг̇ад̇ад̇д̇аа аббан̣ихид̇о, анад̇д̇аанубассанааяа ад̇д̇асад̇д̇абуг̇г̇аласан̃н̃ам̣ бахааяа сан̇каарз сун̃н̃ад̇о д̣̇идтад̇д̇аа сун̃н̃ад̇од̇и ид̣̇ам̣ бажжанийгад̇о наамам̣ наама. рааг̇аад̣̇ийхи бана сун̃н̃ад̇д̇аа сун̃н̃ад̇о, руубанимид̇д̇аад̣̇ийнам̣, рааг̇анимид̇д̇аад̣̇ийнам̣язва ваа абхаавзна анимид̇д̇о, рааг̇абан̣ид̇хиаад̣̇ийнам̣ абхаавад̇о аббан̣ихид̇од̇и ид̣̇амасса саг̇ун̣ад̇о наамам̣ наама. сояам̣ сун̃н̃ам̣ анимид̇д̇ам̣ аббан̣ихид̇ан̃жа ниб̣б̣аанам̣ аарамман̣ам̣ гарод̇ийд̇иби сун̃н̃ад̇о анимид̇д̇о аббан̣ихид̇од̇и вужжад̇и. ид̣̇амасса аарамман̣ад̇о наамам̣ наама. ааг̇аманам̣ бана д̣̇увид̇хам̣ вибассанааг̇аманам̣ маг̇г̇ааг̇аманан̃жа. д̇ад̇т̇а маг̇г̇з вибассанааг̇аманам̣ лаб̣бхад̇и, палз маг̇г̇ааг̇аманам̣. анад̇д̇аанубассанаа хи сун̃н̃ад̇аа наама, сун̃н̃ад̇авибассанааяа маг̇г̇о сун̃н̃ад̇о, сун̃н̃ад̇амаг̇г̇асса палам̣ сун̃н̃ад̇ам̣. анижжаанубассанаа анимид̇д̇аа наама, анимид̇д̇авибассанааяа маг̇г̇о анимид̇д̇о. ид̣̇ам̣ бана наамам̣ абхид̇хаммабарияааяз на лаб̣бхад̇и, суд̇д̇анд̇абарияааяз бана лаб̣бхад̇и. д̇ад̇т̇а хи г̇од̇рабхун̃аан̣ам̣ анимид̇д̇ам̣ ниб̣б̣аанам̣ аарамман̣ам̣ гад̇ваа анимид̇д̇анаамагам̣ худ̇ваа саяам̣ ааг̇аманийяадтаанз тад̇ваа маг̇г̇асса наамам̣ д̣̇зд̇ийд̇и вад̣̇анд̇и. д̇зна маг̇г̇о анимид̇д̇од̇и вуд̇д̇о. маг̇г̇ааг̇аманзна палам̣ анимид̇д̇анд̇и яуж̇ж̇ад̇иязва. д̣̇угкаанубассанаа сан̇каарзсу бан̣ид̇хим̣ сугкаабзд̇ваа ааг̇ад̇ад̇д̇аа аббан̣ихид̇аа наама, аббан̣ихид̇авибассанааяа маг̇г̇о аббан̣ихид̇о, аббан̣ихид̇амаг̇г̇асса палам̣ аббан̣ихид̇анд̇и звам̣ вибассанаа ад̇д̇ано наамам̣ маг̇г̇асса д̣̇зд̇и, маг̇г̇о палассаад̇и ид̣̇ам̣ ааг̇аманад̇о наамам̣ наама. звам̣ сан̇каарубзгкаа вимогкависзсам̣ нияамзд̇ийд̇и.
Apica maggo nāma pañcahi kāraṇehi nāmaṃ labhati sarasena vā paccanīkena vā saguṇena vā ārammaṇena vā āgamanena vā. Sace hi saṅkhārupekkhā aniccato saṅkhāre sammasitvā vuṭṭhāti, animittavimokkhena vimuccati. Sace dukkhato sammasitvā vuṭṭhāti, appaṇihitavimokkhena vimuccati. Sace anattato sammasitvā vuṭṭhāti, suññatavimokkhena vimuccati. Idaṃ sarasato nāmaṃ nāma. Aniccānupassanāya pana saṅkhārānaṃ ghanavinibbhogaṃ katvā niccanimittadhuvanimittasassatanimittāni pahāya āgatattā animitto, dukkhānupassanāya sukhasaññaṃ pahāya paṇidhipatthanaṃ sukkhāpetvā āgatattā appaṇihito, anattānupassanāya attasattapuggalasaññaṃ pahāya saṅkhāre suññato diṭṭhattā suññatoti idaṃ paccanīkato nāmaṃ nāma. Rāgādīhi pana suññattā suññato, rūpanimittādīnaṃ, rāganimittādīnaṃyeva vā abhāvena animitto, rāgapaṇidhiādīnaṃ abhāvato appaṇihitoti idamassa saguṇato nāmaṃ nāma. Soyaṃ suññaṃ animittaṃ appaṇihitañca nibbānaṃ ārammaṇaṃ karotītipi suññato animitto appaṇihitoti vuccati. Idamassa ārammaṇato nāmaṃ nāma. Āgamanaṃ pana duvidhaṃ vipassanāgamanaṃ maggāgamanañca. Tattha magge vipassanāgamanaṃ labbhati, phale maggāgamanaṃ. Anattānupassanā hi suññatā nāma, suññatavipassanāya maggo suññato, suññatamaggassa phalaṃ suññataṃ. Aniccānupassanā animittā nāma, animittavipassanāya maggo animitto. Idaṃ pana nāmaṃ abhidhammapariyāye na labbhati, suttantapariyāye pana labbhati. Tattha hi gotrabhuñāṇaṃ animittaṃ nibbānaṃ ārammaṇaṃ katvā animittanāmakaṃ hutvā sayaṃ āgamanīyaṭṭhāne ṭhatvā maggassa nāmaṃ detīti vadanti. Tena maggo animittoti vutto. Maggāgamanena phalaṃ animittanti yujjatiyeva. Dukkhānupassanā saṅkhāresu paṇidhiṃ sukkhāpetvā āgatattā appaṇihitā nāma, appaṇihitavipassanāya maggo appaṇihito, appaṇihitamaggassa phalaṃ appaṇihitanti evaṃ vipassanā attano nāmaṃ maggassa deti, maggo phalassāti idaṃ āgamanato nāmaṃ nāma. Evaṃ saṅkhārupekkhā vimokkhavisesaṃ niyametīti.
звам̣ бхаг̇авад̇аа д̣̇зсид̇з д̇аяо махаавад̇т̇угз вимогкз уд̣̇д̣̇исид̇ваа д̇ам̣нид̣̇д̣̇зсавасзнзва абарзби вимогкз нид̣̇д̣̇исид̇угаамо абижа адтасадти вимогкаад̇иаад̣̇имааха. д̇ад̇т̇а абижаад̇и абарабарияааяад̣̇ассанам̣. гат̇ам̣ д̇з адтасадти хонд̇и, нану д̇з бан̃жасад̇д̇ад̇ийд̇и? сажжам̣ яат̇ааруд̇авасзна бан̃жасад̇д̇ад̇и. бхаг̇авад̇аа бана д̣̇зсид̇з д̇аяо вимогкз табзд̇ваа ан̃н̃авимогкз нид̣̇д̣̇исанад̇о имзсам̣ д̇ад̣̇аварод̇хад̇о жа имз д̇аяо на г̇ан̣зд̇аб̣б̣аа, аж̇жхад̇д̇авимогкаад̣̇аяо д̇аяоби вимогкаа жад̇уд̇хаа вид̇т̇аараважанзязва анд̇ог̇ад̇хад̇д̇аа на г̇ан̣зд̇аб̣б̣аа, ‘‘бан̣ихид̇о вимогко, аббан̣ихид̇о вимогко’’д̇и зд̇т̇а аббан̣ихид̇о вимогко батамам̣ уд̣̇д̣̇идтзна зганаамигад̇д̇аа на г̇ан̣зд̇аб̣б̣о, звам̣ имзсу сад̇д̇асу абанийд̇зсу сзсаа адтасадти вимогкаа хонд̇и. звам̣ санд̇з сун̃н̃ад̇авимогкаад̣̇аяо д̇аяо буна гасмаа уд̣̇д̣̇идтаад̇и жз? уд̣̇д̣̇зсзна сан̇г̇ахзд̇ваа д̇зсамби нид̣̇д̣̇зсагаран̣ад̇т̇ам̣. аж̇жхад̇д̇авудтаанаад̣̇аяо бана д̇аяо бабхзд̣̇ам̣ винаа муулараасивасзна уд̣̇д̣̇идтаа, бан̣ихид̇авимогкабадибагкавасзна буна аббан̣ихид̇о вимогко уд̣̇д̣̇идтод̇и взд̣̇ид̇аб̣б̣о.
Evaṃ bhagavatā desite tayo mahāvatthuke vimokkhe uddisitvā taṃniddesavaseneva aparepi vimokkhe niddisitukāmo apica aṭṭhasaṭṭhi vimokkhātiādimāha. Tattha apicāti aparapariyāyadassanaṃ. Kathaṃ te aṭṭhasaṭṭhi honti, nanu te pañcasattatīti? Saccaṃ yathārutavasena pañcasattati. Bhagavatā pana desite tayo vimokkhe ṭhapetvā aññavimokkhe niddisanato imesaṃ tadavarodhato ca ime tayo na gaṇetabbā, ajjhattavimokkhādayo tayopi vimokkhā catudhā vitthāravacaneyeva antogadhattā na gaṇetabbā, ‘‘paṇihito vimokkho, appaṇihito vimokkho’’ti ettha appaṇihito vimokkho paṭhamaṃ uddiṭṭhena ekanāmikattā na gaṇetabbo, evaṃ imesu sattasu apanītesu sesā aṭṭhasaṭṭhi vimokkhā honti. Evaṃ sante suññatavimokkhādayo tayo puna kasmā uddiṭṭhāti ce? Uddesena saṅgahetvā tesampi niddesakaraṇatthaṃ. Ajjhattavuṭṭhānādayo pana tayo pabhedaṃ vinā mūlarāsivasena uddiṭṭhā, paṇihitavimokkhapaṭipakkhavasena puna appaṇihito vimokkho uddiṭṭhoti veditabbo.
аж̇жхад̇д̇авудтаанаад̣̇ийсу аж̇жхад̇д̇ад̇о вудтаад̇ийд̇и аж̇жхад̇д̇авудтаано. ануломзнд̇ийд̇и ануломаа. аж̇жхад̇д̇авудтаанаанам̣ бадиббассад̣̇д̇хи абаг̇амаа аж̇жхад̇д̇авудтаанабадиббассад̣̇д̇хи. руубийд̇и аж̇жхад̇д̇ам̣ гзсаад̣̇ийсу уббаад̣̇ид̇ам̣ руубаж̇жхаанам̣ руубам̣, д̇ам̣ руубамасса ад̇т̇ийд̇и руубий руубаани бассад̇ийд̇и б̣ахид̣̇д̇хаа нийлагасин̣аад̣̇ируубаани жхаанажагкунаа бассад̇и. иминаа аж̇жхад̇д̇аб̣ахид̣̇д̇хаавад̇т̇угзсу гасин̣зсу жхаанабадилаабхо д̣̇ассид̇о. аж̇жхад̇д̇ам̣ аруубасан̃н̃ийд̇и аж̇жхад̇д̇ам̣ на руубасан̃н̃ий, ад̇д̇ано гзсаад̣̇ийсу ануббаад̣̇ид̇аруубааважараж̇жхаанод̇и ад̇т̇о. иминаа б̣ахид̣̇д̇хаа баригаммам̣ гад̇ваа б̣ахид̣̇д̇хаава бадилад̣̇д̇хаж̇жхаанад̇аа д̣̇ассид̇аа. субханд̇зва ад̇химуд̇д̇од̇и ‘‘субха’’мижжзва аарамман̣з ад̇химуд̇д̇о. д̇ад̇т̇а гин̃жааби анд̇оаббанааяам̣ ‘‘субха’’нд̇и аабхог̇о над̇т̇и, яо бана аббадигуулаагаарзна сад̇д̇аарамман̣ам̣ паранд̇о вихарад̇и, со яасмаа ‘‘субха’’нд̇зва ад̇химуд̇д̇о ход̇и, д̇асмаа звам̣ уд̣̇д̣̇зсо гад̇од̇и. аббид̇аббид̇асамаяз зва вигкамбханавимуд̇д̇исаб̣бхаавад̇о самаяавимогко. соязва сагижжагаран̣авасзна аббид̇асамаяз зва нияуд̇д̇од̇и саамаяиго. саамааяигод̇иби баато. гобзд̇ум̣ бхан̃ж̇ид̇ум̣ саггун̣зяяад̇ааяа губбо. логам̣ анад̇иггаманад̇о логз нияуд̇д̇од̇и логиго. логияод̇иби баато. логам̣ уд̇д̇арад̇и, уд̇д̇ин̣н̣од̇и ваа логуд̇д̇аро. аарамман̣агаран̣авасзна саха аасавзхийд̇и саасаво. аарамман̣агаран̣авасзна самбаяог̇авасзна жа над̇т̇зд̇т̇а аасаваад̇и анаасаво. руубасан̇каад̇зна саха аамисзнаад̇и саамисо. саб̣б̣асо руубааруубаббахаанаа нираамисад̇оби нираамисад̇арод̇и нираамисаа нираамисад̇аро. бан̣ихид̇од̇и д̇ан̣хаавасзна бан̣ихид̇о бад̇т̇ид̇о. аарамман̣агаран̣авасзна сан̃н̃ож̇анзхи сам̣яуд̇д̇ад̇д̇аа сан̃н̃уд̇д̇о. згад̇д̇авимогкод̇и гилзсзхи анаж̇жхаарул̣хад̇д̇аа згасабхааво вимогко. сан̃н̃аавимогкод̇и вибассанаан̃аан̣амзва вибарийд̇асан̃н̃ааяа вимужжанад̇о сан̃н̃аавимогко. д̇ад̣̇зва вибассанаан̃аан̣ам̣ саммохад̇о вимужжанавасзна н̃аан̣амзва вимогкод̇и н̃аан̣авимогко. сийд̇исияаавимогкод̇и вибассанаан̃аан̣амзва сийд̇и бхавзяяаад̇и бавад̇д̇о вимогко сийд̇исияаавимогко . сийд̇исигаавимогкод̇иби баато, сийд̇ибхаавигааяа вимогкод̇и д̇асса ад̇т̇ам̣ ван̣н̣аяанд̇и. жхаанавимогкод̇и убажаараббанаабхзд̣̇ам̣ логияалогуд̇д̇арабхзд̣̇ан̃жа жхаанамзва вимогко. анубаад̣̇аа жид̇д̇асса вимогкод̇и анубаад̣̇ияид̇ваа г̇ахан̣ам̣ агад̇ваа жид̇д̇асса вимогко. сзсам̣ вуд̇д̇анаязнзва взд̣̇ид̇аб̣б̣анд̇и.
Ajjhattavuṭṭhānādīsu ajjhattato vuṭṭhātīti ajjhattavuṭṭhāno. Anulomentīti anulomā. Ajjhattavuṭṭhānānaṃ paṭippassaddhi apagamā ajjhattavuṭṭhānapaṭippassaddhi. Rūpīti ajjhattaṃ kesādīsu uppāditaṃ rūpajjhānaṃ rūpaṃ, taṃ rūpamassa atthīti rūpī rūpāni passatīti bahiddhā nīlakasiṇādirūpāni jhānacakkhunā passati. Iminā ajjhattabahiddhāvatthukesu kasiṇesu jhānapaṭilābho dassito. Ajjhattaṃ arūpasaññīti ajjhattaṃ na rūpasaññī, attano kesādīsu anuppāditarūpāvacarajjhānoti attho. Iminā bahiddhā parikammaṃ katvā bahiddhāva paṭiladdhajjhānatā dassitā. Subhanteva adhimuttoti ‘‘subha’’micceva ārammaṇe adhimutto. Tattha kiñcāpi antoappanāyaṃ ‘‘subha’’nti ābhogo natthi, yo pana appaṭikūlākārena sattārammaṇaṃ pharanto viharati, so yasmā ‘‘subha’’nteva adhimutto hoti, tasmā evaṃ uddeso katoti. Appitappitasamaye eva vikkhambhanavimuttisabbhāvato samayavimokkho. Soyeva sakiccakaraṇavasena appitasamaye eva niyuttoti sāmayiko. Sāmāyikotipi pāṭho. Kopetuṃ bhañjituṃ sakkuṇeyyatāya kuppo. Lokaṃ anatikkamanato loke niyuttoti lokiko. Lokiyotipi pāṭho. Lokaṃ uttarati, uttiṇṇoti vā lokuttaro. Ārammaṇakaraṇavasena saha āsavehīti sāsavo. Ārammaṇakaraṇavasena sampayogavasena ca natthettha āsavāti anāsavo. Rūpasaṅkhātena saha āmisenāti sāmiso. Sabbaso rūpārūpappahānā nirāmisatopi nirāmisataroti nirāmisā nirāmisataro. Paṇihitoti taṇhāvasena paṇihito patthito. Ārammaṇakaraṇavasena saññojanehi saṃyuttattā saññutto. Ekattavimokkhoti kilesehi anajjhāruḷhattā ekasabhāvo vimokkho. Saññāvimokkhoti vipassanāñāṇameva viparītasaññāya vimuccanato saññāvimokkho. Tadeva vipassanāñāṇaṃ sammohato vimuccanavasena ñāṇameva vimokkhoti ñāṇavimokkho. Sītisiyāvimokkhoti vipassanāñāṇameva sīti bhaveyyāti pavatto vimokkho sītisiyāvimokkho . Sītisikāvimokkhotipi pāṭho, sītibhāvikāya vimokkhoti tassa atthaṃ vaṇṇayanti. Jhānavimokkhoti upacārappanābhedaṃ lokiyalokuttarabhedañca jhānameva vimokkho. Anupādā cittassa vimokkhoti anupādiyitvā gahaṇaṃ akatvā cittassa vimokkho. Sesaṃ vuttanayeneva veditabbanti.
вимогкуд̣̇д̣̇зсаван̣н̣анаа нидтид̇аа.
Vimokkhuddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. уд̣̇д̣̇зсо • 1. Uddeso
