| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੩. ਤਤਿਯવਗ੍ਗੋ
3. Tatiyavaggo
(੨੪) ੪. વਿਮੁਚ੍ਚਮਾਨਕਥਾ
(24) 4. Vimuccamānakathā
੩੬੬. વਿਮੁਤ੍ਤਂ વਿਮੁਚ੍ਚਮਾਨਨ੍ਤਿ? ਆਮਨ੍ਤਾ। ਏਕਦੇਸਂ વਿਮੁਤ੍ਤਂ, ਏਕਦੇਸਂ ਅવਿਮੁਤ੍ਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
366. Vimuttaṃ vimuccamānanti? Āmantā. Ekadesaṃ vimuttaṃ, ekadesaṃ avimuttanti? Na hevaṃ vattabbe…pe….
ਏਕਦੇਸਂ વਿਮੁਤ੍ਤਂ, ਏਕਦੇਸਂ ਅવਿਮੁਤ੍ਤਨ੍ਤਿ? ਆਮਨ੍ਤਾ। ਏਕਦੇਸਂ ਸੋਤਾਪਨ੍ਨੋ, ਏਕਦੇਸਂ ਨ ਸੋਤਾਪਨ੍ਨੋ, ਏਕਦੇਸਂ ਸੋਤਾਪਤ੍ਤਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ વਿਹਰਤਿ, ਕਾਯੇਨ ਫੁਸਿਤ੍વਾ વਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍વਾ વਿਹਰਤਿ, ਏਕਦੇਸਂ ਸਤ੍ਤਕ੍ਖਤ੍ਤੁਪਰਮੋ ਕੋਲਙ੍ਕੋਲੋ ਏਕਬੀਜੀ ਬੁਦ੍ਧੇ ਅવੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ ਧਮ੍ਮੇ…ਪੇ॰… ਸਙ੍ਘੇ…ਪੇ॰… ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ, ਏਕਦੇਸਂ ਅਰਿਯਕਨ੍ਤੇਹਿ ਸੀਲੇਹਿ ਨ ਸਮਨ੍ਨਾਗਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ekadesaṃ vimuttaṃ, ekadesaṃ avimuttanti? Āmantā. Ekadesaṃ sotāpanno, ekadesaṃ na sotāpanno, ekadesaṃ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ sattakkhattuparamo kolaṅkolo ekabījī buddhe aveccappasādena samannāgato dhamme…pe… saṅghe…pe… ariyakantehi sīlehi samannāgato, ekadesaṃ ariyakantehi sīlehi na samannāgatoti? Na hevaṃ vattabbe…pe….
ਏਕਦੇਸਂ વਿਮੁਤ੍ਤਂ, ਏਕਦੇਸਂ ਅવਿਮੁਤ੍ਤਨ੍ਤਿ? ਆਮਨ੍ਤਾ । ਏਕਦੇਸਂ ਸਕਦਾਗਾਮੀ, ਏਕਦੇਸਂ ਨ ਸਕਦਾਗਾਮੀ, ਏਕਦੇਸਂ ਸਕਦਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ વਿਹਰਤਿ, ਕਾਯੇਨ ਫੁਸਿਤ੍વਾ વਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍વਾ વਿਹਰਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ekadesaṃ vimuttaṃ, ekadesaṃ avimuttanti? Āmantā . Ekadesaṃ sakadāgāmī, ekadesaṃ na sakadāgāmī, ekadesaṃ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharatīti? Na hevaṃ vattabbe…pe….
ਏਕਦੇਸਂ વਿਮੁਤ੍ਤਂ, ਏਕਦੇਸਂ ਅવਿਮੁਤ੍ਤਨ੍ਤਿ? ਆਮਨ੍ਤਾ। ਏਕਦੇਸਂ ਅਨਾਗਾਮੀ, ਏਕਦੇਸਂ ਨ ਅਨਾਗਾਮੀ, ਏਕਦੇਸਂ ਅਨਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ વਿਹਰਤਿ, ਕਾਯੇਨ ਫੁਸਿਤ੍વਾ વਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍વਾ વਿਹਰਤਿ, ਏਕਦੇਸਂ ਅਨ੍ਤਰਾਪਰਿਨਿਬ੍ਬਾਯੀ , ਉਪਹਚ੍ਚਪਰਿਨਿਬ੍ਬਾਯੀ, ਅਸਙ੍ਖਾਰਪਰਿਨਿਬ੍ਬਾਯੀ, ਸਸਙ੍ਖਾਰਪਰਿਨਿਬ੍ਬਾਯੀ, ਉਦ੍ਧਂਸੋਤੋਅਕਨਿਟ੍ਠਗਾਮੀ, ਏਕਦੇਸਂ ਨ ਉਦ੍ਧਂਸੋਤੋਅਕਨਿਟ੍ਠਗਾਮੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ekadesaṃ vimuttaṃ, ekadesaṃ avimuttanti? Āmantā. Ekadesaṃ anāgāmī, ekadesaṃ na anāgāmī, ekadesaṃ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ antarāparinibbāyī , upahaccaparinibbāyī, asaṅkhāraparinibbāyī, sasaṅkhāraparinibbāyī, uddhaṃsotoakaniṭṭhagāmī, ekadesaṃ na uddhaṃsotoakaniṭṭhagāmīti? Na hevaṃ vattabbe…pe….
ਏਕਦੇਸਂ વਿਮੁਤ੍ਤਂ, ਏਕਦੇਸਂ ਅવਿਮੁਤ੍ਤਨ੍ਤਿ? ਆਮਨ੍ਤਾ। ਏਕਦੇਸਂ ਅਰਹਾ ਏਕਦੇਸਂ ਨ ਅਰਹਾ, ਏਕਦੇਸਂ ਅਰਹਤ੍ਤਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ વਿਹਰਤਿ, ਕਾਯੇਨ ਫੁਸਿਤ੍વਾ વਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍વਾ વਿਹਰਤਿ, ਏਕਦੇਸਂ વੀਤਰਾਗੋ વੀਤਦੋਸੋ વੀਤਮੋਹੋ…ਪੇ॰… ਏਕਦੇਸਂ ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਏਕਦੇਸਂ ਸਚ੍ਛਿਕਾਤਬ੍ਬਂ ਨ ਸਚ੍ਛਿਕਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ekadesaṃ vimuttaṃ, ekadesaṃ avimuttanti? Āmantā. Ekadesaṃ arahā ekadesaṃ na arahā, ekadesaṃ arahattappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ vītarāgo vītadoso vītamoho…pe… ekadesaṃ sacchikātabbaṃ sacchikataṃ, ekadesaṃ sacchikātabbaṃ na sacchikatanti? Na hevaṃ vattabbe…pe….
વਿਮੁਤ੍ਤਂ વਿਮੁਚ੍ਚਮਾਨਨ੍ਤਿ? ਆਮਨ੍ਤਾ। ਉਪ੍ਪਾਦਕ੍ਖਣੇ વਿਮੁਤ੍ਤਂ, ਭਙ੍ਗਕ੍ਖਣੇ વਿਮੁਚ੍ਚਮਾਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Vimuttaṃ vimuccamānanti? Āmantā. Uppādakkhaṇe vimuttaṃ, bhaṅgakkhaṇe vimuccamānanti? Na hevaṃ vattabbe…pe….
વਿਮੁਤ੍ਤਂ વਿਮੁਚ੍ਚਮਾਨਨ੍ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਸੋ ਏવਂ ਸਮਾਹਿਤੇ ਚਿਤ੍ਤੇ ਪਰਿਸੁਦ੍ਧੇ ਪਰਿਯੋਦਾਤੇ ਅਨਙ੍ਗਣੇ વਿਗਤੂਪਕ੍ਕਿਲੇਸੇ ਮੁਦੁਭੂਤੇ ਕਮ੍ਮਨਿਯੇ ਠਿਤੇ ਆਨੇਞ੍ਜਪ੍ਪਤ੍ਤੇ ਆਸવਾਨਂ ਖਯਞਾਣਾਯ ਚਿਤ੍ਤਂ ਅਭਿਨਿਨ੍ਨਾਮੇਤੀ’’ਤਿ! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘વਿਮੁਤ੍ਤਂ વਿਮੁਚ੍ਚਮਾਨ’’ਨ੍ਤਿ।
Vimuttaṃ vimuccamānanti? Āmantā. Nanu vuttaṃ bhagavatā – ‘‘so evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmetī’’ti! Attheva suttantoti? Āmantā. Tena hi na vattabbaṃ – ‘‘vimuttaṃ vimuccamāna’’nti.
ਅਤ੍ਥਿ ਚਿਤ੍ਤਂ વਿਮੁਚ੍ਚਮਾਨਨ੍ਤਿ? ਆਮਨ੍ਤਾ। ਅਤ੍ਥਿ ਚਿਤ੍ਤਂ ਰਜ੍ਜਮਾਨਂ ਦੁਸ੍ਸਮਾਨਂ ਮੁਯ੍ਹਮਾਨਂ ਕਿਲਿਸ੍ਸਮਾਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਰਤ੍ਤਞ੍ਚੇવ ਅਰਤ੍ਤਞ੍ਚ, ਦੁਟ੍ਠਞ੍ਚੇવ ਅਦੁਟ੍ਠਞ੍ਚ, ਮੂਲ਼੍ਹਞ੍ਚੇવ ਅਮੂਲ਼੍ਹਞ੍ਚ, ਛਿਨ੍ਨਞ੍ਚੇવ ਅਛਿਨ੍ਨਞ੍ਚ, ਭਿਨ੍ਨਞ੍ਚੇવ ਅਭਿਨ੍ਨਞ੍ਚ, ਕਤਞ੍ਚੇવ ਅਕਤਞ੍ਚਾਤਿ ? ਆਮਨ੍ਤਾ। ਹਞ੍ਚਿ ਰਤ੍ਤਞ੍ਚੇવ ਅਰਤ੍ਤਞ੍ਚ, ਦੁਟ੍ਠਞ੍ਚੇવ ਅਦੁਟ੍ਠਞ੍ਚ, ਮੂਲ਼੍ਹਞ੍ਚੇવ ਅਮੂਲ਼੍ਹਞ੍ਚ, ਛਿਨ੍ਨਞ੍ਚੇવ ਅਛਿਨ੍ਨਞ੍ਚ, ਭਿਨ੍ਨਞ੍ਚੇવ ਅਭਿਨ੍ਨਞ੍ਚ, ਕਤਞ੍ਚੇવ ਅਕਤਞ੍ਚ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਚਿਤ੍ਤਂ વਿਮੁਚ੍ਚਮਾਨ’’ਨ੍ਤਿ।
Atthi cittaṃ vimuccamānanti? Āmantā. Atthi cittaṃ rajjamānaṃ dussamānaṃ muyhamānaṃ kilissamānanti? Na hevaṃ vattabbe…pe… nanu rattañceva arattañca, duṭṭhañceva aduṭṭhañca, mūḷhañceva amūḷhañca, chinnañceva achinnañca, bhinnañceva abhinnañca, katañceva akatañcāti ? Āmantā. Hañci rattañceva arattañca, duṭṭhañceva aduṭṭhañca, mūḷhañceva amūḷhañca, chinnañceva achinnañca, bhinnañceva abhinnañca, katañceva akatañca, no ca vata re vattabbe – ‘‘atthi cittaṃ vimuccamāna’’nti.
વਿਮੁਚ੍ਚਮਾਨਕਥਾ ਨਿਟ੍ਠਿਤਾ।
Vimuccamānakathā niṭṭhitā.
੩. ਤਤਿਯવਗ੍ਗੋ
3. Tatiyavaggo
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. વਿਮੁਚ੍ਚਮਾਨਕਥਾવਣ੍ਣਨਾ • 4. Vimuccamānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. વਿਮੁਚ੍ਚਮਾਨਕਥਾવਣ੍ਣਨਾ • 4. Vimuccamānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. વਿਮੁਚ੍ਚਮਾਨਕਥਾવਣ੍ਣਨਾ • 4. Vimuccamānakathāvaṇṇanā
