| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
4. விமுச்சமானகதா²வண்ணனா
4. Vimuccamānakathāvaṇṇanā
366. மக்³க³க்க²ணே சித்தங் ஏகதே³ஸேன விமுத்தங் ஏகதே³ஸேன அவிமுத்தந்தி அயங் ‘‘விமுத்தங் விமுச்சமான’’ந்தி லத்³தி⁴யா தோ³ஸோ. ததா² ஹி வுத்தங் ‘‘ஏகதே³ஸங் விமுத்தங், ஏகதே³ஸங் அவிமுத்த’’ந்தி. அட்ட²கதா²யஞ்ச ‘‘தஞ்ஹி ததா³ ஸமுச்சே²த³விமுத்தியா விமுத்தேகதே³ஸேன விமுச்சமானந்திஸ்ஸ லத்³தீ⁴’’தி த³ஸ்ஸிதோவாயமத்தோ². விப்பகதனித்³தே³ஸேதி விமுச்சனகிரியாய அபரியோஸிததானித்³தே³ஸே. யங் ஸந்தா⁴யாஹ ‘‘விமுத்தங் விமுச்சமானந்தி விப்பகதபா⁴வேன வுத்தத்தா’’தி. தேனாதி பரவாதி³னா. விமுச்ச…பே॰… வுத்தங் விமுச்சமானஸ்ஸ விமுத்தபா⁴வாபா⁴வதோ, விமுத்தபே⁴தே³ன பன ததா² வுத்தந்தி அதி⁴ப்பாயோ. ஸதி ச தோ³ஸே விப்பகதனித்³தே³ஸேதி ஆனெத்வா யோஜேதப்³ப³ங். ஏகதே³ஸோ விஸேஸனங் ஹோதி நிப்பதே³ஸவிமுத்தியா அவிச்சி²ன்னதோ. ப²லசித்தேனாதி பட²மப²லசித்தேன உப்பன்னேன.
366. Maggakkhaṇe cittaṃ ekadesena vimuttaṃ ekadesena avimuttanti ayaṃ ‘‘vimuttaṃ vimuccamāna’’nti laddhiyā doso. Tathā hi vuttaṃ ‘‘ekadesaṃ vimuttaṃ, ekadesaṃ avimutta’’nti. Aṭṭhakathāyañca ‘‘tañhi tadā samucchedavimuttiyā vimuttekadesena vimuccamānantissa laddhī’’ti dassitovāyamattho. Vippakataniddeseti vimuccanakiriyāya apariyositatāniddese. Yaṃ sandhāyāha ‘‘vimuttaṃ vimuccamānanti vippakatabhāvena vuttattā’’ti. Tenāti paravādinā. Vimucca…pe… vuttaṃ vimuccamānassa vimuttabhāvābhāvato, vimuttabhedena pana tathā vuttanti adhippāyo. Sati ca dose vippakataniddeseti ānetvā yojetabbaṃ. Ekadeso visesanaṃ hoti nippadesavimuttiyā avicchinnato. Phalacittenāti paṭhamaphalacittena uppannena.
விமுச்சமானகதா²வண்ணனா நிட்டி²தா.
Vimuccamānakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (24) 4. விமுச்சமானகதா² • (24) 4. Vimuccamānakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 4. விமுச்சமானகதா²வண்ணனா • 4. Vimuccamānakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. விமுச்சமானகதா²வண்ணனா • 4. Vimuccamānakathāvaṇṇanā
