| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
4. вимужжамаанагат̇ааван̣н̣анаа
4. Vimuccamānakathāvaṇṇanā
366. маг̇г̇агкан̣з жид̇д̇ам̣ згад̣̇зсзна вимуд̇д̇ам̣ згад̣̇зсзна авимуд̇д̇анд̇и аяам̣ ‘‘вимуд̇д̇ам̣ вимужжамаана’’нд̇и лад̣̇д̇хияаа д̣̇осо. д̇ат̇аа хи вуд̇д̇ам̣ ‘‘згад̣̇зсам̣ вимуд̇д̇ам̣, згад̣̇зсам̣ авимуд̇д̇а’’нд̇и. адтагат̇ааяан̃жа ‘‘д̇ан̃хи д̇ад̣̇аа самужчзд̣̇авимуд̇д̇ияаа вимуд̇д̇згад̣̇зсзна вимужжамаананд̇исса лад̣̇д̇хий’’д̇и д̣̇ассид̇овааяамад̇т̇о. виббагад̇анид̣̇д̣̇зсзд̇и вимужжанагирияааяа абарияосид̇ад̇аанид̣̇д̣̇зсз. яам̣ санд̇хааяааха ‘‘вимуд̇д̇ам̣ вимужжамаананд̇и виббагад̇абхаавзна вуд̇д̇ад̇д̇аа’’д̇и. д̇знаад̇и бараваад̣̇инаа. вимужжа…бз… вуд̇д̇ам̣ вимужжамаанасса вимуд̇д̇абхааваабхаавад̇о, вимуд̇д̇абхзд̣̇зна бана д̇ат̇аа вуд̇д̇анд̇и ад̇хиббааяо. сад̇и жа д̣̇осз виббагад̇анид̣̇д̣̇зсзд̇и аанзд̇ваа яож̇зд̇аб̣б̣ам̣. згад̣̇зсо висзсанам̣ ход̇и ниббад̣̇зсавимуд̇д̇ияаа авижчиннад̇о. палажид̇д̇знаад̇и батамапалажид̇д̇зна уббаннзна.
366. Maggakkhaṇe cittaṃ ekadesena vimuttaṃ ekadesena avimuttanti ayaṃ ‘‘vimuttaṃ vimuccamāna’’nti laddhiyā doso. Tathā hi vuttaṃ ‘‘ekadesaṃ vimuttaṃ, ekadesaṃ avimutta’’nti. Aṭṭhakathāyañca ‘‘tañhi tadā samucchedavimuttiyā vimuttekadesena vimuccamānantissa laddhī’’ti dassitovāyamattho. Vippakataniddeseti vimuccanakiriyāya apariyositatāniddese. Yaṃ sandhāyāha ‘‘vimuttaṃ vimuccamānanti vippakatabhāvena vuttattā’’ti. Tenāti paravādinā. Vimucca…pe… vuttaṃ vimuccamānassa vimuttabhāvābhāvato, vimuttabhedena pana tathā vuttanti adhippāyo. Sati ca dose vippakataniddeseti ānetvā yojetabbaṃ. Ekadeso visesanaṃ hoti nippadesavimuttiyā avicchinnato. Phalacittenāti paṭhamaphalacittena uppannena.
вимужжамаанагат̇ааван̣н̣анаа нидтид̇аа.
Vimuccamānakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (24) 4. вимужжамаанагат̇аа • (24) 4. Vimuccamānakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. вимужжамаанагат̇ааван̣н̣анаа • 4. Vimuccamānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. вимужжамаанагат̇ааван̣н̣анаа • 4. Vimuccamānakathāvaṇṇanā
