| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੪. વਿਮੁਚ੍ਚਮਾਨਕਥਾવਣ੍ਣਨਾ
4. Vimuccamānakathāvaṇṇanā
੩੬੬. ਮਗ੍ਗਕ੍ਖਣੇ ਚਿਤ੍ਤਂ ਏਕਦੇਸੇਨ વਿਮੁਤ੍ਤਂ ਏਕਦੇਸੇਨ ਅવਿਮੁਤ੍ਤਨ੍ਤਿ ਅਯਂ ‘‘વਿਮੁਤ੍ਤਂ વਿਮੁਚ੍ਚਮਾਨ’’ਨ੍ਤਿ ਲਦ੍ਧਿਯਾ ਦੋਸੋ। ਤਥਾ ਹਿ વੁਤ੍ਤਂ ‘‘ਏਕਦੇਸਂ વਿਮੁਤ੍ਤਂ, ਏਕਦੇਸਂ ਅવਿਮੁਤ੍ਤ’’ਨ੍ਤਿ। ਅਟ੍ਠਕਥਾਯਞ੍ਚ ‘‘ਤਞ੍ਹਿ ਤਦਾ ਸਮੁਚ੍ਛੇਦવਿਮੁਤ੍ਤਿਯਾ વਿਮੁਤ੍ਤੇਕਦੇਸੇਨ વਿਮੁਚ੍ਚਮਾਨਨ੍ਤਿਸ੍ਸ ਲਦ੍ਧੀ’’ਤਿ ਦਸ੍ਸਿਤੋવਾਯਮਤ੍ਥੋ। વਿਪ੍ਪਕਤਨਿਦ੍ਦੇਸੇਤਿ વਿਮੁਚ੍ਚਨਕਿਰਿਯਾਯ ਅਪਰਿਯੋਸਿਤਤਾਨਿਦ੍ਦੇਸੇ। ਯਂ ਸਨ੍ਧਾਯਾਹ ‘‘વਿਮੁਤ੍ਤਂ વਿਮੁਚ੍ਚਮਾਨਨ੍ਤਿ વਿਪ੍ਪਕਤਭਾવੇਨ વੁਤ੍ਤਤ੍ਤਾ’’ਤਿ। ਤੇਨਾਤਿ ਪਰવਾਦਿਨਾ। વਿਮੁਚ੍ਚ…ਪੇ॰… વੁਤ੍ਤਂ વਿਮੁਚ੍ਚਮਾਨਸ੍ਸ વਿਮੁਤ੍ਤਭਾવਾਭਾવਤੋ, વਿਮੁਤ੍ਤਭੇਦੇਨ ਪਨ ਤਥਾ વੁਤ੍ਤਨ੍ਤਿ ਅਧਿਪ੍ਪਾਯੋ। ਸਤਿ ਚ ਦੋਸੇ વਿਪ੍ਪਕਤਨਿਦ੍ਦੇਸੇਤਿ ਆਨੇਤ੍વਾ ਯੋਜੇਤਬ੍ਬਂ। ਏਕਦੇਸੋ વਿਸੇਸਨਂ ਹੋਤਿ ਨਿਪ੍ਪਦੇਸવਿਮੁਤ੍ਤਿਯਾ ਅવਿਚ੍ਛਿਨ੍ਨਤੋ। ਫਲਚਿਤ੍ਤੇਨਾਤਿ ਪਠਮਫਲਚਿਤ੍ਤੇਨ ਉਪ੍ਪਨ੍ਨੇਨ।
366. Maggakkhaṇe cittaṃ ekadesena vimuttaṃ ekadesena avimuttanti ayaṃ ‘‘vimuttaṃ vimuccamāna’’nti laddhiyā doso. Tathā hi vuttaṃ ‘‘ekadesaṃ vimuttaṃ, ekadesaṃ avimutta’’nti. Aṭṭhakathāyañca ‘‘tañhi tadā samucchedavimuttiyā vimuttekadesena vimuccamānantissa laddhī’’ti dassitovāyamattho. Vippakataniddeseti vimuccanakiriyāya apariyositatāniddese. Yaṃ sandhāyāha ‘‘vimuttaṃ vimuccamānanti vippakatabhāvena vuttattā’’ti. Tenāti paravādinā. Vimucca…pe… vuttaṃ vimuccamānassa vimuttabhāvābhāvato, vimuttabhedena pana tathā vuttanti adhippāyo. Sati ca dose vippakataniddeseti ānetvā yojetabbaṃ. Ekadeso visesanaṃ hoti nippadesavimuttiyā avicchinnato. Phalacittenāti paṭhamaphalacittena uppannena.
વਿਮੁਚ੍ਚਮਾਨਕਥਾવਣ੍ਣਨਾ ਨਿਟ੍ਠਿਤਾ।
Vimuccamānakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੪) ੪. વਿਮੁਚ੍ਚਮਾਨਕਥਾ • (24) 4. Vimuccamānakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. વਿਮੁਚ੍ਚਮਾਨਕਥਾવਣ੍ਣਨਾ • 4. Vimuccamānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. વਿਮੁਚ੍ਚਮਾਨਕਥਾવਣ੍ਣਨਾ • 4. Vimuccamānakathāvaṇṇanā
