| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൪. വിമുച്ചമാനകഥാവണ്ണനാ
4. Vimuccamānakathāvaṇṇanā
൩൬൬. ഝാനേന വിക്ഖമ്ഭനവിമുത്തിയാ വിമുത്തം ചിത്തം മഗ്ഗക്ഖണേ സമുച്ഛേദവിമുത്തിയാ വിമുച്ചമാനം നാമ ഹോതീതി ഏതിസ്സാ ലദ്ധിയാ കോ ദോസോതി വിചാരേതബ്ബം. യദി വിപ്പകതനിദ്ദേസേ ദോസോ, തത്രാപി തേന വിമുച്ചമാനതായ ‘‘വിമുത്തം വിമുച്ചമാന’’ന്തി വുത്തം. സതി ച ദോസേ ഉപ്പാദക്ഖണേ വിമുത്തം, വയക്ഖണേ വിമുച്ചമാനന്തി വിമുത്തവിമുച്ചമാനവചനസ്സ ന ചോദേതബ്ബം സിയാ, അഥ ഖോ വിമുച്ചമാനവചനമേവാതി. ഏകദേസേന, ഏകദേസേ വാ വിമുച്ചമാനസ്സ ച വിമുത്തകിരിയായ ഏകദേസോ വിസേസനം ഹോതീതി ‘‘ഭാവനപുംസക’’ന്തി വുത്തം. കടാദയോതി കടപടാദയോ. ഏകേനേവ ചിത്തേനാതി ഏകേനേവ ഫലചിത്തേനാതി അധിപ്പായോ.
366. Jhānenavikkhambhanavimuttiyā vimuttaṃ cittaṃ maggakkhaṇe samucchedavimuttiyā vimuccamānaṃ nāma hotīti etissā laddhiyā ko dosoti vicāretabbaṃ. Yadi vippakataniddese doso, tatrāpi tena vimuccamānatāya ‘‘vimuttaṃ vimuccamāna’’nti vuttaṃ. Sati ca dose uppādakkhaṇe vimuttaṃ, vayakkhaṇe vimuccamānanti vimuttavimuccamānavacanassa na codetabbaṃ siyā, atha kho vimuccamānavacanamevāti. Ekadesena, ekadese vā vimuccamānassa ca vimuttakiriyāya ekadeso visesanaṃ hotīti ‘‘bhāvanapuṃsaka’’nti vuttaṃ. Kaṭādayoti kaṭapaṭādayo. Ekeneva cittenāti ekeneva phalacittenāti adhippāyo.
വിമുച്ചമാനകഥാവണ്ണനാ നിട്ഠിതാ.
Vimuccamānakathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൨൪) ൪. വിമുച്ചമാനകഥാ • (24) 4. Vimuccamānakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. വിമുച്ചമാനകഥാവണ്ണനാ • 4. Vimuccamānakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൪. വിമുച്ചമാനകഥാവണ്ണനാ • 4. Vimuccamānakathāvaṇṇanā
