| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. вимуд̇д̇ааяад̇анасуд̇д̇ам̣
6. Vimuttāyatanasuttaṃ
26. ‘‘бан̃жимаани , бхигкавз, вимуд̇д̇ааяад̇анаани яад̇т̇а бхигкуно аббамад̇д̇асса аад̇аабино бахид̇ад̇д̇асса вихарад̇о авимуд̇д̇ам̣ ваа жид̇д̇ам̣ вимужжад̇и, абаригкийн̣аа ваа аасаваа баригкаяам̣ г̇ажчанд̇и, анануббад̇д̇ам̣ ваа ануд̇д̇арам̣ яог̇агкзмам̣ анубаабун̣аад̇и.
26. ‘‘Pañcimāni , bhikkhave, vimuttāyatanāni yattha bhikkhuno appamattassa ātāpino pahitattassa viharato avimuttaṃ vā cittaṃ vimuccati, aparikkhīṇā vā āsavā parikkhayaṃ gacchanti, ananuppattaṃ vā anuttaraṃ yogakkhemaṃ anupāpuṇāti.
‘‘гад̇амаани бан̃жа? ид̇ха, бхигкавз, бхигкуно сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий. яат̇аа яат̇аа, бхигкавз, д̇асса бхигкуно сад̇т̇аа д̇хаммам̣ д̣̇зсзд̇и, ан̃н̃ад̇аро ваа г̇арудтаанияо саб̣рахмажаарий, д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа. д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ 1 ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇зд̇и 2. сукино жид̇д̇ам̣ самаад̇хияад̇и. ид̣̇ам̣, бхигкавз, батамам̣ вимуд̇д̇ааяад̇анам̣ яад̇т̇а бхигкуно аббамад̇д̇асса аад̇аабино бахид̇ад̇д̇асса вихарад̇о авимуд̇д̇ам̣ ваа жид̇д̇ам̣ вимужжад̇и, абаригкийн̣аа ваа аасаваа баригкаяам̣ г̇ажчанд̇и, анануббад̇д̇ам̣ ваа ануд̇д̇арам̣ яог̇агкзмам̣ анубаабун̣аад̇и.
‘‘Katamāni pañca? Idha, bhikkhave, bhikkhuno satthā dhammaṃ deseti aññataro vā garuṭṭhāniyo sabrahmacārī. Yathā yathā, bhikkhave, tassa bhikkhuno satthā dhammaṃ deseti, aññataro vā garuṭṭhāniyo sabrahmacārī, tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca. Tassa atthapaṭisaṃvedino dhammapaṭisaṃvedino pāmojjaṃ 3 jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ vedeti 4. Sukhino cittaṃ samādhiyati. Idaṃ, bhikkhave, paṭhamaṃ vimuttāyatanaṃ yattha bhikkhuno appamattassa ātāpino pahitattassa viharato avimuttaṃ vā cittaṃ vimuccati, aparikkhīṇā vā āsavā parikkhayaṃ gacchanti, ananuppattaṃ vā anuttaraṃ yogakkhemaṃ anupāpuṇāti.
‘‘буна жабарам̣, бхигкавз, бхигкуно на хзва ко сад̇т̇аа д̇хаммам̣ д̣̇зсзд̇и, ан̃н̃ад̇аро ваа г̇арудтаанияо саб̣рахмажаарий, аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и. яат̇аа яат̇аа, бхигкавз, бхигку яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа. д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇зд̇и. сукино жид̇д̇ам̣ самаад̇хияад̇и. ид̣̇ам̣, бхигкавз, д̣̇уд̇ияам̣ вимуд̇д̇ааяад̇анам̣ яад̇т̇а бхигкуно аббамад̇д̇асса аад̇аабино бахид̇ад̇д̇асса вихарад̇о авимуд̇д̇ам̣ ваа жид̇д̇ам̣ вимужжад̇и, абаригкийн̣аа ваа аасаваа баригкаяам̣ г̇ажчанд̇и, анануббад̇д̇ам̣ ваа ануд̇д̇арам̣ яог̇агкзмам̣ анубаабун̣аад̇и.
‘‘Puna caparaṃ, bhikkhave, bhikkhuno na heva kho satthā dhammaṃ deseti, aññataro vā garuṭṭhāniyo sabrahmacārī, api ca kho yathāsutaṃ yathāpariyattaṃ dhammaṃ vitthārena paresaṃ deseti. Yathā yathā, bhikkhave, bhikkhu yathāsutaṃ yathāpariyattaṃ dhammaṃ vitthārena paresaṃ deseti tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca. Tassa atthapaṭisaṃvedino dhammapaṭisaṃvedino pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ vedeti. Sukhino cittaṃ samādhiyati. Idaṃ, bhikkhave, dutiyaṃ vimuttāyatanaṃ yattha bhikkhuno appamattassa ātāpino pahitattassa viharato avimuttaṃ vā cittaṃ vimuccati, aparikkhīṇā vā āsavā parikkhayaṃ gacchanti, ananuppattaṃ vā anuttaraṃ yogakkhemaṃ anupāpuṇāti.
‘‘буна жабарам̣, бхигкавз, бхигкуно на хзва ко сад̇т̇аа д̇хаммам̣ д̣̇зсзд̇и, ан̃н̃ад̇аро ваа г̇арудтаанияо саб̣рахмажаарий, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и. яат̇аа яат̇аа, бхигкавз , бхигку яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа. д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇зд̇и. сукино жид̇д̇ам̣ самаад̇хияад̇и. ид̣̇ам̣, бхигкавз, д̇ад̇ияам̣ вимуд̇д̇ааяад̇анам̣ яад̇т̇а бхигкуно аббамад̇д̇асса аад̇аабино…бз… яог̇агкзмам̣ анубаабун̣аад̇и.
‘‘Puna caparaṃ, bhikkhave, bhikkhuno na heva kho satthā dhammaṃ deseti, aññataro vā garuṭṭhāniyo sabrahmacārī, nāpi yathāsutaṃ yathāpariyattaṃ dhammaṃ vitthārena paresaṃ deseti, api ca kho yathāsutaṃ yathāpariyattaṃ dhammaṃ vitthārena sajjhāyaṃ karoti. Yathā yathā, bhikkhave , bhikkhu yathāsutaṃ yathāpariyattaṃ dhammaṃ vitthārena sajjhāyaṃ karoti tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca. Tassa atthapaṭisaṃvedino dhammapaṭisaṃvedino pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ vedeti. Sukhino cittaṃ samādhiyati. Idaṃ, bhikkhave, tatiyaṃ vimuttāyatanaṃ yattha bhikkhuno appamattassa ātāpino…pe… yogakkhemaṃ anupāpuṇāti.
‘‘буна жабарам̣, бхигкавз, бхигкуно на хзва ко сад̇т̇аа д̇хаммам̣ д̣̇зсзд̇и, ан̃н̃ад̇аро ваа г̇арудтаанияо саб̣рахмажаарий, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и; аби жа ко яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и. яат̇аа яат̇аа, бхигкавз, бхигку яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа. д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇зд̇и. сукино жид̇д̇ам̣ самаад̇хияад̇и. ид̣̇ам̣, бхигкавз, жад̇уд̇т̇ам̣ вимуд̇д̇ааяад̇анам̣ яад̇т̇а бхигкуно аббамад̇д̇асса аад̇аабино бахид̇ад̇д̇асса вихарад̇о авимуд̇д̇ам̣ ваа жид̇д̇ам̣ вимужжад̇и, абаригкийн̣аа ваа аасаваа баригкаяам̣ г̇ажчанд̇и, анануббад̇д̇ам̣ ваа ануд̇д̇арам̣ яог̇агкзмам̣ анубаабун̣аад̇и.
‘‘Puna caparaṃ, bhikkhave, bhikkhuno na heva kho satthā dhammaṃ deseti, aññataro vā garuṭṭhāniyo sabrahmacārī, nāpi yathāsutaṃ yathāpariyattaṃ dhammaṃ vitthārena paresaṃ deseti, nāpi yathāsutaṃ yathāpariyattaṃ dhammaṃ vitthārena sajjhāyaṃ karoti; api ca kho yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati. Yathā yathā, bhikkhave, bhikkhu yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca. Tassa atthapaṭisaṃvedino dhammapaṭisaṃvedino pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ vedeti. Sukhino cittaṃ samādhiyati. Idaṃ, bhikkhave, catutthaṃ vimuttāyatanaṃ yattha bhikkhuno appamattassa ātāpino pahitattassa viharato avimuttaṃ vā cittaṃ vimuccati, aparikkhīṇā vā āsavā parikkhayaṃ gacchanti, ananuppattaṃ vā anuttaraṃ yogakkhemaṃ anupāpuṇāti.
‘‘буна жабарам̣, бхигкавз, бхигкуно на хзва ко сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо саб̣рахмажаарий, нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и , нааби яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна саж̇жхааяам̣ гарод̇и, нааби яат̇аасуд̇ам̣ яат̇аабарияад̇д̇ам̣ д̇хаммам̣ жзд̇асаа анувид̇аггзд̇и анувижаарзд̇и манасаанубзгкад̇и; аби жа квасса ан̃н̃ад̇арам̣ самаад̇хинимид̇д̇ам̣ суг̇г̇ахид̇ам̣ ход̇и суманасигад̇ам̣ суубад̇хаарид̇ам̣ суббадивид̣̇д̇хам̣ бан̃н̃ааяа. яат̇аа яат̇аа, бхигкавз, бхигкуно ан̃н̃ад̇арам̣ самаад̇хинимид̇д̇ам̣ суг̇г̇ахид̇ам̣ ход̇и суманасигад̇ам̣ суубад̇хаарид̇ам̣ суббадивид̣̇д̇хам̣ бан̃н̃ааяа д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жа. д̇асса ад̇т̇абадисам̣взд̣̇ино д̇хаммабадисам̣взд̣̇ино баамож̇ж̇ам̣ ж̇ааяад̇и. бамуд̣̇ид̇асса бийд̇и ж̇ааяад̇и. бийд̇иманасса гааяо бассамбхад̇и. бассад̣̇д̇хагааяо сукам̣ взд̣̇зд̇и. сукино жид̇д̇ам̣ самаад̇хияад̇и. ид̣̇ам̣, бхигкавз, бан̃жамам̣ вимуд̇д̇ааяад̇анам̣ яад̇т̇а бхигкуно аббамад̇д̇асса аад̇аабино бахид̇ад̇д̇асса вихарад̇о авимуд̇д̇ам̣ ваа жид̇д̇ам̣ вимужжад̇и, абаригкийн̣аа ваа аасаваа баригкаяам̣ г̇ажчанд̇и, анануббад̇д̇ам̣ ваа ануд̇д̇арам̣ яог̇агкзмам̣ анубаабун̣аад̇и.
‘‘Puna caparaṃ, bhikkhave, bhikkhuno na heva kho satthā dhammaṃ deseti aññataro vā garuṭṭhāniyo sabrahmacārī, nāpi yathāsutaṃ yathāpariyattaṃ dhammaṃ vitthārena paresaṃ deseti , nāpi yathāsutaṃ yathāpariyattaṃ dhammaṃ vitthārena sajjhāyaṃ karoti, nāpi yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati; api ca khvassa aññataraṃ samādhinimittaṃ suggahitaṃ hoti sumanasikataṃ sūpadhāritaṃ suppaṭividdhaṃ paññāya. Yathā yathā, bhikkhave, bhikkhuno aññataraṃ samādhinimittaṃ suggahitaṃ hoti sumanasikataṃ sūpadhāritaṃ suppaṭividdhaṃ paññāya tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī ca. Tassa atthapaṭisaṃvedino dhammapaṭisaṃvedino pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ vedeti. Sukhino cittaṃ samādhiyati. Idaṃ, bhikkhave, pañcamaṃ vimuttāyatanaṃ yattha bhikkhuno appamattassa ātāpino pahitattassa viharato avimuttaṃ vā cittaṃ vimuccati, aparikkhīṇā vā āsavā parikkhayaṃ gacchanti, ananuppattaṃ vā anuttaraṃ yogakkhemaṃ anupāpuṇāti.
‘‘имаани ко, бхигкавз, бан̃жа вимуд̇д̇ааяад̇анаани яад̇т̇а бхигкуно аббамад̇д̇асса аад̇аабино бахид̇ад̇д̇асса вихарад̇о авимуд̇д̇ам̣ ваа жид̇д̇ам̣ вимужжад̇и, абаригкийн̣аа ваа аасаваа баригкаяам̣ г̇ажчанд̇и, анануббад̇д̇ам̣ ваа ануд̇д̇арам̣ яог̇агкзмам̣ анубаабун̣аад̇ий’’д̇и. чадтам̣.
‘‘Imāni kho, bhikkhave, pañca vimuttāyatanāni yattha bhikkhuno appamattassa ātāpino pahitattassa viharato avimuttaṃ vā cittaṃ vimuccati, aparikkhīṇā vā āsavā parikkhayaṃ gacchanti, ananuppattaṃ vā anuttaraṃ yogakkhemaṃ anupāpuṇātī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. вимуд̇д̇ааяад̇анасуд̇д̇аван̣н̣анаа • 6. Vimuttāyatanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. вимуд̇д̇ааяад̇анасуд̇д̇аван̣н̣анаа • 6. Vimuttāyatanasuttavaṇṇanā
