| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. вимуд̇д̇ааяад̇анасуд̇д̇аван̣н̣анаа
6. Vimuttāyatanasuttavaṇṇanā
26. чадтз вимуд̇д̇ааяад̇анаанийд̇и вимужжанагааран̣аани. яад̇т̇аад̇и язсу вимуд̇д̇ааяад̇анзсу. сад̇т̇аа д̇хаммам̣ д̣̇зсзд̇ийд̇и жад̇усажжад̇хаммам̣ д̣̇зсзд̇и. ад̇т̇абадисам̣взд̣̇инод̇и баал̣иад̇т̇ам̣ ж̇аананд̇асса. д̇хаммабадисам̣взд̣̇инод̇и баал̣им̣ ж̇аананд̇асса. баамож̇ж̇анд̇и д̇арун̣абийд̇и. бийд̇ийд̇и д̇удтаагаарабхууд̇аа б̣алавабийд̇и. гааяод̇и наамагааяо. бассамбхад̇ийд̇и бадиббассамбхад̇и. сукам̣ взд̣̇зд̇ийд̇и сукам̣ бадилабхад̇и. жид̇д̇ам̣ самаад̇хияад̇ийд̇и арахад̇д̇апаласамаад̇хинаа самаад̇хияад̇и. аяан̃хи д̇ам̣ д̇хаммам̣ сун̣анд̇о ааг̇ад̇ааг̇ад̇адтаанз жхаанавибассанаамаг̇г̇апалаани ж̇аанаад̇и, д̇асса звам̣ ж̇аанад̇о бийд̇и уббаж̇ж̇ад̇и. со д̇ассаа бийд̇ияаа анд̇араа осаггид̇ум̣ на д̣̇знд̇о убажаарагаммадтааниго худ̇ваа вибассанам̣ вад̣дхзд̇ваа арахад̇д̇ам̣ баабун̣аад̇и. д̇ам̣ санд̇хааяа вуд̇д̇ам̣ – ‘‘жид̇д̇ам̣ самаад̇хияад̇ий’’д̇и. сзсзсуби зсзва наяо. аяам̣ бана висзсо – самаад̇хинимид̇д̇анд̇и адтад̇им̣сааяа аарамман̣зсу ан̃н̃ад̇аро самаад̇хиязва самаад̇хинимид̇д̇ам̣. суг̇г̇ахид̇ам̣ ход̇ийд̇иаад̣̇ису аажарияасса санд̇игз гаммадтаанам̣ уг̇г̇ан̣ханд̇зна судту г̇ахид̇ам̣ ход̇и судту манасигад̇ам̣ судту убад̇хаарид̇ам̣. суббадивид̣̇д̇хам̣ бан̃н̃ааяаад̇и бан̃н̃ааяа судту бажжагкам̣ гад̇ам̣. д̇асмим̣ д̇хаммзд̇и д̇асмим̣ гаммадтаанабаал̣ид̇хаммз. ид̇и имасмим̣ суд̇д̇з бан̃жаби вимуд̇д̇ааяад̇анаани арахад̇д̇ам̣ баабзд̇ваа гат̇ид̇аанийд̇и.
26. Chaṭṭhe vimuttāyatanānīti vimuccanakāraṇāni. Yatthāti yesu vimuttāyatanesu. Satthā dhammaṃ desetīti catusaccadhammaṃ deseti. Atthapaṭisaṃvedinoti pāḷiatthaṃ jānantassa. Dhammapaṭisaṃvedinoti pāḷiṃ jānantassa. Pāmojjanti taruṇapīti. Pītīti tuṭṭhākārabhūtā balavapīti. Kāyoti nāmakāyo. Passambhatīti paṭippassambhati. Sukhaṃ vedetīti sukhaṃ paṭilabhati. Cittaṃ samādhiyatīti arahattaphalasamādhinā samādhiyati. Ayañhi taṃ dhammaṃ suṇanto āgatāgataṭṭhāne jhānavipassanāmaggaphalāni jānāti, tassa evaṃ jānato pīti uppajjati. So tassā pītiyā antarā osakkituṃ na dento upacārakammaṭṭhāniko hutvā vipassanaṃ vaḍḍhetvā arahattaṃ pāpuṇāti. Taṃ sandhāya vuttaṃ – ‘‘cittaṃ samādhiyatī’’ti. Sesesupi eseva nayo. Ayaṃ pana viseso – samādhinimittanti aṭṭhatiṃsāya ārammaṇesu aññataro samādhiyeva samādhinimittaṃ. Suggahitaṃhotītiādisu ācariyassa santike kammaṭṭhānaṃ uggaṇhantena suṭṭhu gahitaṃ hoti suṭṭhu manasikataṃ suṭṭhu upadhāritaṃ. Suppaṭividdhaṃ paññāyāti paññāya suṭṭhu paccakkhaṃ kataṃ. Tasmiṃ dhammeti tasmiṃ kammaṭṭhānapāḷidhamme. Iti imasmiṃ sutte pañcapi vimuttāyatanāni arahattaṃ pāpetvā kathitānīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. вимуд̇д̇ааяад̇анасуд̇д̇ам̣ • 6. Vimuttāyatanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. вимуд̇д̇ааяад̇анасуд̇д̇аван̣н̣анаа • 6. Vimuttāyatanasuttavaṇṇanā
