| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. вимуд̇д̇ааяад̇анасуд̇д̇аван̣н̣анаа
6. Vimuttāyatanasuttavaṇṇanā
26. чадтз вимуд̇д̇ияаа ваддад̣̇угкад̇о вимужжанасса ааяад̇анаани гааран̣аани вимуд̇д̇ааяад̇анаанийд̇и ааха – ‘‘вимужжанагааран̣ааний’’д̇и. баал̣иад̇т̇ам̣ ж̇аананд̇ассаад̇и ‘‘ид̇ха сийлам̣ ааг̇ад̇ам̣, ид̇ха самаад̇хи, ид̇ха бан̃н̃аа’’д̇иаад̣̇инаа д̇ам̣д̇ам̣баал̣иад̇т̇ам̣ яаат̇аавад̇о ж̇аананд̇асса. баал̣им̣ ж̇аананд̇ассаад̇и д̇ад̣̇ад̇т̇аб̣од̇хиним̣ баал̣им̣ яаат̇аавад̇о убад̇хаарзнд̇асса. д̇арун̣абийд̇ийд̇и сан̃ж̇аад̇амад̇д̇аа муд̣̇угаа бийд̇и ж̇ааяад̇и. гат̇ам̣ ж̇ааяад̇и? яат̇аад̣̇зсид̇ам̣ д̇хаммам̣ убад̇хаарзнд̇асса д̇ад̣̇анужчавигамзва ад̇д̇ано гааяаваажааманосамаажаарам̣ бариг̇г̇ан̣ханд̇асса соманассам̣ бад̇д̇асса бамод̣̇алагкан̣ам̣ баамож̇ж̇ам̣ ж̇ааяад̇и. д̇удтаагаарабхууд̇аа б̣алавабийд̇ийд̇и буримуббаннааяа бийд̇ияаа васзна лад̣̇д̇хаасзванад̇д̇аа ад̇ивияа д̇удтаагаарабхууд̇аа гааяажид̇д̇ад̣̇арат̇асса бассамбханасамад̇т̇ад̇ааяа бассад̣̇д̇хияаа бажжаяо бхавид̇ум̣ самад̇т̇аа б̣алаббад̇д̇аа бийд̇и ж̇ааяад̇и. яасмаа наамагааяз бассад̣̇д̇хз руубагааяоби бассад̣̇д̇хо зва ход̇и, д̇асмаа ‘‘наамагааяо бассамбхад̇и’’жжзва вуд̇д̇ам̣.
26. Chaṭṭhe vimuttiyā vaṭṭadukkhato vimuccanassa āyatanāni kāraṇāni vimuttāyatanānīti āha – ‘‘vimuccanakāraṇānī’’ti. Pāḷiatthaṃ jānantassāti ‘‘idha sīlaṃ āgataṃ, idha samādhi, idha paññā’’tiādinā taṃtaṃpāḷiatthaṃ yāthāvato jānantassa. Pāḷiṃ jānantassāti tadatthabodhiniṃ pāḷiṃ yāthāvato upadhārentassa. Taruṇapītīti sañjātamattā mudukā pīti jāyati. Kathaṃ jāyati? Yathādesitaṃ dhammaṃ upadhārentassa tadanucchavikameva attano kāyavācāmanosamācāraṃ pariggaṇhantassa somanassaṃ pattassa pamodalakkhaṇaṃ pāmojjaṃ jāyati. Tuṭṭhākārabhūtā balavapītīti purimuppannāya pītiyā vasena laddhāsevanattā ativiya tuṭṭhākārabhūtā kāyacittadarathassa passambhanasamatthatāya passaddhiyā paccayo bhavituṃ samatthā balappattā pīti jāyati. Yasmā nāmakāye passaddhe rūpakāyopi passaddho eva hoti, tasmā ‘‘nāmakāyo passambhati’’cceva vuttaṃ.
сукам̣ бадилабхад̇ийд̇и вагкамаанасса жид̇д̇асамаад̇хаанасса бажжаяо бхавид̇ум̣ самад̇т̇ам̣ жзд̇асигам̣ нираамисасукам̣ бадилабхад̇и винд̣̇ад̇и. самаад̇хияад̇ийд̇и зд̇т̇а бана на яо гожи самаад̇хи ад̇хиббзд̇о, ат̇а ко ануд̇д̇арасамаад̇хийд̇и д̣̇ассзнд̇о ‘‘арахад̇д̇а…бз… самаад̇хияад̇ий’’д̇и ааха. ‘‘аяам̣ хий’’д̇иаад̣̇и д̇ассам̣ д̣̇зсанааяам̣ д̇аад̣̇исасса буг̇г̇аласса яат̇аавуд̇д̇асамаад̇хибадилаабхасса гааран̣абхаававибхааванам̣, яам̣ д̇ат̇аа вимуд̇д̇ааяад̇анабхааво. осаггид̇унд̇и д̣̇ассид̇ум̣. самаад̇хиязва самаад̇хинимид̇д̇анд̇и гаммадтаанабаал̣ияаа аарул̣хо самаад̇хи зва барад̇о уббаж̇ж̇анагабхааванаасамаад̇хисса гааран̣абхаавад̇о самаад̇хинимид̇д̇ам̣. д̇знааха ‘‘аажарияасса санд̇игз’’д̇иаад̣̇и.
Sukhaṃpaṭilabhatīti vakkhamānassa cittasamādhānassa paccayo bhavituṃ samatthaṃ cetasikaṃ nirāmisasukhaṃ paṭilabhati vindati. Samādhiyatīti ettha pana na yo koci samādhi adhippeto, atha kho anuttarasamādhīti dassento ‘‘arahatta…pe… samādhiyatī’’ti āha. ‘‘Ayaṃ hī’’tiādi tassaṃ desanāyaṃ tādisassa puggalassa yathāvuttasamādhipaṭilābhassa kāraṇabhāvavibhāvanaṃ, yaṃ tathā vimuttāyatanabhāvo. Osakkitunti dassituṃ. Samādhiyeva samādhinimittanti kammaṭṭhānapāḷiyā āruḷho samādhi eva parato uppajjanakabhāvanāsamādhissa kāraṇabhāvato samādhinimittaṃ. Tenāha ‘‘ācariyassa santike’’tiādi.
вимуд̇д̇ааяад̇анасуд̇д̇аван̣н̣анаа нидтид̇аа.
Vimuttāyatanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. вимуд̇д̇ааяад̇анасуд̇д̇ам̣ • 6. Vimuttāyatanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. вимуд̇д̇ааяад̇анасуд̇д̇аван̣н̣анаа • 6. Vimuttāyatanasuttavaṇṇanā
