| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൫. പഞ്ചമവഗ്ഗോ
5. Pañcamavaggo
(൪൩) ൧. വിമുത്തികഥാ
(43) 1. Vimuttikathā
൪൧൮. വിമുത്തിഞാണം വിമുത്തന്തി? ആമന്താ. യം കിഞ്ചി വിമുത്തിഞാണം സബ്ബം തം വിമുത്തന്തി? ന ഹേവം വത്തബ്ബേ…പേ॰…. വിമുത്തിഞാണം വിമുത്തന്തി? ആമന്താ. പച്ചവേക്ഖണഞാണം വിമുത്തന്തി? ന ഹേവം വത്തബ്ബേ…പേ॰….
418. Vimuttiñāṇaṃ vimuttanti? Āmantā. Yaṃ kiñci vimuttiñāṇaṃ sabbaṃ taṃ vimuttanti? Na hevaṃ vattabbe…pe…. Vimuttiñāṇaṃ vimuttanti? Āmantā. Paccavekkhaṇañāṇaṃ vimuttanti? Na hevaṃ vattabbe…pe….
വിമുത്തിഞാണം വിമുത്തന്തി? ആമന്താ. ഗോത്രഭുനോ പുഗ്ഗലസ്സ വിമുത്തിഞാണം വിമുത്തന്തി? ന ഹേവം വത്തബ്ബേ…പേ॰… സോതാപത്തിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തന്തി? ആമന്താ. സോതാപന്നസ്സ ഞാണം, സോതാപത്തിഫലം പത്തസ്സ പടിലദ്ധസ്സ അധിഗതസ്സ സച്ഛികതസ്സ ഞാണന്തി? ന ഹേവം വത്തബ്ബേ…പേ॰… സകദാഗാമിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തന്തി? ആമന്താ. സകദാഗാമിസ്സ ഞാണം, സകദാഗാമിഫലം പത്തസ്സ പടിലദ്ധസ്സ അധിഗതസ്സ സച്ഛികതസ്സ ഞാണന്തി? ന ഹേവം വത്തബ്ബേ…പേ॰… അനാഗാമിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തന്തി? ആമന്താ. അനാഗാമിസ്സ ഞാണം, അനാഗാമിഫലം പത്തസ്സ പടിലദ്ധസ്സ അധിഗതസ്സ സച്ഛികതസ്സ ഞാണന്തി? ന ഹേവം വത്തബ്ബേ…പേ॰… അരഹത്തസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തന്തി? ആമന്താ. അരഹതോ ഞാണം, അരഹത്തം പത്തസ്സ പടിലദ്ധസ്സ അധിഗതസ്സ സച്ഛികതസ്സ ഞാണന്തി? ന ഹേവം വത്തബ്ബേ…പേ॰….
Vimuttiñāṇaṃ vimuttanti? Āmantā. Gotrabhuno puggalassa vimuttiñāṇaṃ vimuttanti? Na hevaṃ vattabbe…pe… sotāpattiphalasacchikiriyāya paṭipannassa puggalassa vimuttiñāṇaṃ vimuttanti? Āmantā. Sotāpannassa ñāṇaṃ, sotāpattiphalaṃ pattassa paṭiladdhassa adhigatassa sacchikatassa ñāṇanti? Na hevaṃ vattabbe…pe… sakadāgāmiphalasacchikiriyāya paṭipannassa puggalassa vimuttiñāṇaṃ vimuttanti? Āmantā. Sakadāgāmissa ñāṇaṃ, sakadāgāmiphalaṃ pattassa paṭiladdhassa adhigatassa sacchikatassa ñāṇanti? Na hevaṃ vattabbe…pe… anāgāmiphalasacchikiriyāya paṭipannassa puggalassa vimuttiñāṇaṃ vimuttanti? Āmantā. Anāgāmissa ñāṇaṃ, anāgāmiphalaṃ pattassa paṭiladdhassa adhigatassa sacchikatassa ñāṇanti? Na hevaṃ vattabbe…pe… arahattasacchikiriyāya paṭipannassa puggalassa vimuttiñāṇaṃ vimuttanti? Āmantā. Arahato ñāṇaṃ, arahattaṃ pattassa paṭiladdhassa adhigatassa sacchikatassa ñāṇanti? Na hevaṃ vattabbe…pe….
൪൧൯. സോതാപത്തിഫലസമങ്ഗിസ്സ പുഗ്ഗലസ്സ വിമുത്തിഞാണം വിമുത്തന്തി? ആമന്താ. സോതാപത്തിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തന്തി? ന ഹേവം വത്തബ്ബേ…പേ॰… സകദാഗാമിഫലസമങ്ഗിസ്സ പുഗ്ഗലസ്സ വിമുത്തിഞാണം വിമുത്തന്തി? ആമന്താ. സകദാഗാമിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തന്തി? ന ഹേവം വത്തബ്ബേ…പേ॰… അനാഗാമിഫലസമങ്ഗിസ്സ പുഗ്ഗലസ്സ വിമുത്തിഞാണം വിമുത്തന്തി? ആമന്താ. അനാഗാമിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തന്തി? ന ഹേവം വത്തബ്ബേ…പേ॰… അരഹത്തഫലസമങ്ഗിസ്സ പുഗ്ഗലസ്സ വിമുത്തിഞാണം വിമുത്തന്തി? ആമന്താ. അരഹത്തസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തന്തി? ന ഹേവം വത്തബ്ബേ…പേ॰….
419. Sotāpattiphalasamaṅgissa puggalassa vimuttiñāṇaṃ vimuttanti? Āmantā. Sotāpattiphalasacchikiriyāya paṭipannassa puggalassa vimuttiñāṇaṃ vimuttanti? Na hevaṃ vattabbe…pe… sakadāgāmiphalasamaṅgissa puggalassa vimuttiñāṇaṃ vimuttanti? Āmantā. Sakadāgāmiphalasacchikiriyāya paṭipannassa puggalassa vimuttiñāṇaṃ vimuttanti? Na hevaṃ vattabbe…pe… anāgāmiphalasamaṅgissa puggalassa vimuttiñāṇaṃ vimuttanti? Āmantā. Anāgāmiphalasacchikiriyāya paṭipannassa puggalassa vimuttiñāṇaṃ vimuttanti? Na hevaṃ vattabbe…pe… arahattaphalasamaṅgissa puggalassa vimuttiñāṇaṃ vimuttanti? Āmantā. Arahattasacchikiriyāya paṭipannassa puggalassa vimuttiñāṇaṃ vimuttanti? Na hevaṃ vattabbe…pe….
൪൨൦. സോതാപത്തിഫലസമങ്ഗിസ്സ പുഗ്ഗലസ്സ വിമുത്തിഞാണം വിമുത്തം തഞ്ച ഫലം പത്തസ്സ ഞാണന്തി? ആമന്താ. സോതാപത്തിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തം തഞ്ച ഫലം പത്തസ്സ ഞാണന്തി? ന ഹേവം വത്തബ്ബേ…പേ॰… സകദാഗാമിഫലസമങ്ഗിസ്സ പുഗ്ഗലസ്സ വിമുത്തിഞാണം വിമുത്തം തഞ്ച ഫലം പത്തസ്സ ഞാണന്തി? ആമന്താ . സകദാഗാമിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തം തഞ്ച ഫലം പത്തസ്സ ഞാണന്തി? ന ഹേവം വത്തബ്ബേ…പേ॰… അനാഗാമിഫലസമങ്ഗിസ്സ പുഗ്ഗലസ്സ വിമുത്തിഞാണം വിമുത്തം തഞ്ച ഫലം പത്തസ്സ ഞാണന്തി? ആമന്താ. അനാഗാമിഫലസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തം തഞ്ച ഫലം പത്തസ്സ ഞാണന്തി? ന ഹേവം വത്തബ്ബേ…പേ॰… അരഹത്തഫലസമങ്ഗിസ്സ പുഗ്ഗലസ്സ വിമുത്തിഞാണം വിമുത്തം തഞ്ച ഫലം പത്തസ്സ ഞാണന്തി? ആമന്താ. അരഹത്തസച്ഛികിരിയായ പടിപന്നസ്സ പുഗ്ഗലസ്സ വിമുത്തിഞാണം വിമുത്തം തഞ്ച ഫലം പത്തസ്സ ഞാണന്തി? ന ഹേവം വത്തബ്ബേ…പേ॰….
420. Sotāpattiphalasamaṅgissa puggalassa vimuttiñāṇaṃ vimuttaṃ tañca phalaṃ pattassa ñāṇanti? Āmantā. Sotāpattiphalasacchikiriyāya paṭipannassa puggalassa vimuttiñāṇaṃ vimuttaṃ tañca phalaṃ pattassa ñāṇanti? Na hevaṃ vattabbe…pe… sakadāgāmiphalasamaṅgissa puggalassa vimuttiñāṇaṃ vimuttaṃ tañca phalaṃ pattassa ñāṇanti? Āmantā . Sakadāgāmiphalasacchikiriyāya paṭipannassa puggalassa vimuttiñāṇaṃ vimuttaṃ tañca phalaṃ pattassa ñāṇanti? Na hevaṃ vattabbe…pe… anāgāmiphalasamaṅgissa puggalassa vimuttiñāṇaṃ vimuttaṃ tañca phalaṃ pattassa ñāṇanti? Āmantā. Anāgāmiphalasacchikiriyāya paṭipannassa puggalassa vimuttiñāṇaṃ vimuttaṃ tañca phalaṃ pattassa ñāṇanti? Na hevaṃ vattabbe…pe… arahattaphalasamaṅgissa puggalassa vimuttiñāṇaṃ vimuttaṃ tañca phalaṃ pattassa ñāṇanti? Āmantā. Arahattasacchikiriyāya paṭipannassa puggalassa vimuttiñāṇaṃ vimuttaṃ tañca phalaṃ pattassa ñāṇanti? Na hevaṃ vattabbe…pe….
വിമുത്തികഥാ നിട്ഠിതാ.
Vimuttikathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧. വിമുത്തികഥാവണ്ണനാ • 1. Vimuttikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧. വിമുത്തികഥാവണ്ണനാ • 1. Vimuttikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧. വിമുത്തികഥാവണ്ണനാ • 1. Vimuttikathāvaṇṇanā
