| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
5. பஞ்சமவக்³கோ³
5. Pañcamavaggo
1. விமுத்திகதா²வண்ணனா
1. Vimuttikathāvaṇṇanā
418. இதா³னி விமுத்திகதா² நாம ஹோதி. தத்த² விபஸ்ஸனா, மக்³கோ³, ப²லங், பச்சவெக்க²ணந்தி சதுன்னங் ஞாணானங் விமுத்திஞாணந்தி நாமங். தேஸு விபஸ்ஸனாஞாணங் நிச்சனிமித்தாதீ³ஹி விமுத்தத்தா, தத³ங்க³விமுத்திபா⁴வேன வா விமுத்தத்தா விமுத்திஞாணங். மக்³கோ³ ஸமுச்சே²த³விமுத்தி, ப²லங் படிப்பஸ்ஸத்³தி⁴விமுத்தி, பச்சவெக்க²ணஞாணங் பன விமுத்திங் ஜானாதீதி விமுத்திஞாணங். ஏவங் சதுப்³பி³தே⁴ விமுத்திஞாணே நிப்பரியாயேன ப²லஞாணமேவ விமுத்தி. ஸேஸானி ‘‘விமுத்தானீ’’தி வா ‘‘அவிமுத்தானீ’’தி வா ந வத்தப்³பா³னி. தஸ்மா ‘‘இத³ங் நாம விமுத்திஞாணங் விமுத்த’’ந்தி அவத்வா அவிஸேஸேனேவ ‘‘விமுத்திஞாணங் விமுத்த’’ந்தி யேஸங் லத்³தி⁴, ஸெய்யதா²பி அந்த⁴கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா பரவாதி³ஸ்ஸ. புன யங்கிஞ்சீதி புட்டோ² பச்சவெக்க²ணாதீ³னி ஸந்தா⁴ய படிக்கி²பதி. படிபன்னஸ்ஸாதி புட்டோ² மக்³க³ஞாணஸ்ஸ அனாஸவதங் ஸந்தா⁴ய படிஜானாதி. யஸ்மா பன தங் ஸோதாபன்னஸ்ஸ ப²லே டி²தஸ்ஸ ஞாணங் ந ஹோதி, தஸ்மா விமுத்தங் நாம ந ஹோதீதி சோத³னத்த²ங் புன ஸகவாதீ³ ஸோதாபன்னஸ்ஸாதிஆதி³மாஹ. இமினா உபாயேன ஸப்³ப³த்த² அத்தோ² வேதி³தப்³போ³.
418. Idāni vimuttikathā nāma hoti. Tattha vipassanā, maggo, phalaṃ, paccavekkhaṇanti catunnaṃ ñāṇānaṃ vimuttiñāṇanti nāmaṃ. Tesu vipassanāñāṇaṃ niccanimittādīhi vimuttattā, tadaṅgavimuttibhāvena vā vimuttattā vimuttiñāṇaṃ. Maggo samucchedavimutti, phalaṃ paṭippassaddhivimutti, paccavekkhaṇañāṇaṃ pana vimuttiṃ jānātīti vimuttiñāṇaṃ. Evaṃ catubbidhe vimuttiñāṇe nippariyāyena phalañāṇameva vimutti. Sesāni ‘‘vimuttānī’’ti vā ‘‘avimuttānī’’ti vā na vattabbāni. Tasmā ‘‘idaṃ nāma vimuttiñāṇaṃ vimutta’’nti avatvā aviseseneva ‘‘vimuttiñāṇaṃ vimutta’’nti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā paravādissa. Puna yaṃkiñcīti puṭṭho paccavekkhaṇādīni sandhāya paṭikkhipati. Paṭipannassāti puṭṭho maggañāṇassa anāsavataṃ sandhāya paṭijānāti. Yasmā pana taṃ sotāpannassa phale ṭhitassa ñāṇaṃ na hoti, tasmā vimuttaṃ nāma na hotīti codanatthaṃ puna sakavādī sotāpannassātiādimāha. Iminā upāyena sabbattha attho veditabbo.
விமுத்திகதா²வண்ணனா.
Vimuttikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (43) 1. விமுத்திகதா² • (43) 1. Vimuttikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. விமுத்திகதா²வண்ணனா • 1. Vimuttikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. விமுத்திகதா²வண்ணனா • 1. Vimuttikathāvaṇṇanā
