| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. ৰিমুত্তিকথাৰণ্ণনা
3. Vimuttikathāvaṇṇanā
৩৬৩. ইদানি ৰিমুত্তিকথা নাম হোতি। তত্থ যেসং ‘‘ৰীতরাগচিত্তানং ৰিমুত্তিপযোজনং নাম নত্থি। যথা পন মলীনং ৰত্থং ধোৰিযমানং মলা ৰিমুচ্চতি, এৰং সরাগং চিত্তং রাগতো ৰিমুচ্চতী’’তি লদ্ধি, সেয্যথাপি এতরহি অন্ধকানং; তে সন্ধায সরাগন্তি পুচ্ছা সকৰাদিস্স, পটিঞ্ঞা ইতরস্স। ততো রাগসহগতন্তিআদিনা নযেন পুট্ঠো মগ্গক্খণে চিত্তং ৰিমুচ্চতি নাম। তদা চ এৰরূপং চিত্তং নত্থীতি পটিক্খিপতি।
363. Idāni vimuttikathā nāma hoti. Tattha yesaṃ ‘‘vītarāgacittānaṃ vimuttipayojanaṃ nāma natthi. Yathā pana malīnaṃ vatthaṃ dhoviyamānaṃ malā vimuccati, evaṃ sarāgaṃ cittaṃ rāgato vimuccatī’’ti laddhi, seyyathāpi etarahi andhakānaṃ; te sandhāya sarāganti pucchā sakavādissa, paṭiññā itarassa. Tato rāgasahagatantiādinā nayena puṭṭho maggakkhaṇe cittaṃ vimuccati nāma. Tadā ca evarūpaṃ cittaṃ natthīti paṭikkhipati.
সফস্সন্তিআদিনা নযেন পুট্ঠোপি যথা ফস্সো চ চিত্তঞ্চ উভো রাগতো ৰিমুচ্চন্তি, এৰং রাগস্স ৰিমুত্তিং অপস্সমানো পটিক্খিপতি। সদোসাদীসুপি ইমিনাৰুপাযেন অত্থো ৰেদিতব্বো।
Saphassantiādinā nayena puṭṭhopi yathā phasso ca cittañca ubho rāgato vimuccanti, evaṃ rāgassa vimuttiṃ apassamāno paṭikkhipati. Sadosādīsupi imināvupāyena attho veditabbo.
ৰিমুত্তিকথাৰণ্ণনা।
Vimuttikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২৩) ৩. ৰিমুত্তিকথা • (23) 3. Vimuttikathā
