| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. бан̃жамаваг̇г̇о
5. Pañcamavaggo
1. вимуд̇д̇игат̇ааван̣н̣анаа
1. Vimuttikathāvaṇṇanā
418. ид̣̇аани вимуд̇д̇игат̇аа наама ход̇и. д̇ад̇т̇а вибассанаа, маг̇г̇о, палам̣, бажжавзгкан̣анд̇и жад̇уннам̣ н̃аан̣аанам̣ вимуд̇д̇ин̃аан̣анд̇и наамам̣. д̇зсу вибассанаан̃аан̣ам̣ нижжанимид̇д̇аад̣̇ийхи вимуд̇д̇ад̇д̇аа, д̇ад̣̇ан̇г̇авимуд̇д̇ибхаавзна ваа вимуд̇д̇ад̇д̇аа вимуд̇д̇ин̃аан̣ам̣. маг̇г̇о самужчзд̣̇авимуд̇д̇и, палам̣ бадиббассад̣̇д̇хивимуд̇д̇и, бажжавзгкан̣ан̃аан̣ам̣ бана вимуд̇д̇им̣ ж̇аанаад̇ийд̇и вимуд̇д̇ин̃аан̣ам̣. звам̣ жад̇уб̣б̣ид̇хз вимуд̇д̇ин̃аан̣з ниббарияааязна палан̃аан̣амзва вимуд̇д̇и. сзсаани ‘‘вимуд̇д̇ааний’’д̇и ваа ‘‘авимуд̇д̇ааний’’д̇и ваа на вад̇д̇аб̣б̣аани. д̇асмаа ‘‘ид̣̇ам̣ наама вимуд̇д̇ин̃аан̣ам̣ вимуд̇д̇а’’нд̇и авад̇ваа ависзсзнзва ‘‘вимуд̇д̇ин̃аан̣ам̣ вимуд̇д̇а’’нд̇и язсам̣ лад̣̇д̇хи, сзяяат̇ааби анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа бараваад̣̇исса. буна яам̣гин̃жийд̇и будто бажжавзгкан̣аад̣̇ийни санд̇хааяа бадигкибад̇и. бадибаннассаад̇и будто маг̇г̇ан̃аан̣асса анаасавад̇ам̣ санд̇хааяа бадиж̇аанаад̇и. яасмаа бана д̇ам̣ сод̇аабаннасса палз тид̇асса н̃аан̣ам̣ на ход̇и, д̇асмаа вимуд̇д̇ам̣ наама на ход̇ийд̇и жод̣̇анад̇т̇ам̣ буна сагаваад̣̇ий сод̇аабаннассаад̇иаад̣̇имааха. иминаа убааязна саб̣б̣ад̇т̇а ад̇т̇о взд̣̇ид̇аб̣б̣о.
418. Idāni vimuttikathā nāma hoti. Tattha vipassanā, maggo, phalaṃ, paccavekkhaṇanti catunnaṃ ñāṇānaṃ vimuttiñāṇanti nāmaṃ. Tesu vipassanāñāṇaṃ niccanimittādīhi vimuttattā, tadaṅgavimuttibhāvena vā vimuttattā vimuttiñāṇaṃ. Maggo samucchedavimutti, phalaṃ paṭippassaddhivimutti, paccavekkhaṇañāṇaṃ pana vimuttiṃ jānātīti vimuttiñāṇaṃ. Evaṃ catubbidhe vimuttiñāṇe nippariyāyena phalañāṇameva vimutti. Sesāni ‘‘vimuttānī’’ti vā ‘‘avimuttānī’’ti vā na vattabbāni. Tasmā ‘‘idaṃ nāma vimuttiñāṇaṃ vimutta’’nti avatvā aviseseneva ‘‘vimuttiñāṇaṃ vimutta’’nti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā paravādissa. Puna yaṃkiñcīti puṭṭho paccavekkhaṇādīni sandhāya paṭikkhipati. Paṭipannassāti puṭṭho maggañāṇassa anāsavataṃ sandhāya paṭijānāti. Yasmā pana taṃ sotāpannassa phale ṭhitassa ñāṇaṃ na hoti, tasmā vimuttaṃ nāma na hotīti codanatthaṃ puna sakavādī sotāpannassātiādimāha. Iminā upāyena sabbattha attho veditabbo.
вимуд̇д̇игат̇ааван̣н̣анаа.
Vimuttikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (43) 1. вимуд̇д̇игат̇аа • (43) 1. Vimuttikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. вимуд̇д̇игат̇ааван̣н̣анаа • 1. Vimuttikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. вимуд̇д̇игат̇ааван̣н̣анаа • 1. Vimuttikathāvaṇṇanā
