| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
3. විමුත්‌තිකථාවණ්‌ණනා
3. Vimuttikathāvaṇṇanā
363. ඉදානි විමුත්‌තිකථා නාම හොති. තත්‌ථ යෙසං ‘‘වීතරාගචිත්‌තානං විමුත්‌තිපයොජනං නාම නත්‌ථි. යථා පන මලීනං වත්‌ථං ධොවියමානං මලා විමුච්‌චති, එවං සරාගං චිත්‌තං රාගතො විමුච්‌චතී’’ති ලද්‌ධි, සෙය්‍යථාපි එතරහි අන්‌ධකානං; තෙ සන්‌ධාය සරාගන්‌ති පුච්‌ඡා සකවාදිස්‌ස, පටිඤ්‌ඤා ඉතරස්‌ස. තතො රාගසහගතන්‌තිආදිනා නයෙන පුට්‌ඨො මග්‌ගක්‌ඛණෙ චිත්‌තං විමුච්‌චති නාම. තදා ච එවරූපං චිත්‌තං නත්‌ථීති පටික්‌ඛිපති.
363. Idāni vimuttikathā nāma hoti. Tattha yesaṃ ‘‘vītarāgacittānaṃ vimuttipayojanaṃ nāma natthi. Yathā pana malīnaṃ vatthaṃ dhoviyamānaṃ malā vimuccati, evaṃ sarāgaṃ cittaṃ rāgato vimuccatī’’ti laddhi, seyyathāpi etarahi andhakānaṃ; te sandhāya sarāganti pucchā sakavādissa, paṭiññā itarassa. Tato rāgasahagatantiādinā nayena puṭṭho maggakkhaṇe cittaṃ vimuccati nāma. Tadā ca evarūpaṃ cittaṃ natthīti paṭikkhipati.
සඵස්‌සන්‌තිආදිනා නයෙන පුට්‌ඨොපි යථා ඵස්‌සො ච චිත්‌තඤ්‌ච උභො රාගතො විමුච්‌චන්‌ති, එවං රාගස්‌ස විමුත්‌තිං අපස්‌සමානො පටික්‌ඛිපති. සදොසාදීසුපි ඉමිනාවුපායෙන අත්‌ථො වෙදිතබ්‌බො.
Saphassantiādinā nayena puṭṭhopi yathā phasso ca cittañca ubho rāgato vimuccanti, evaṃ rāgassa vimuttiṃ apassamāno paṭikkhipati. Sadosādīsupi imināvupāyena attho veditabbo.
විමුත්‌තිකථාවණ්‌ණනා.
Vimuttikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (23) 3. විමුත්‌තිකථා • (23) 3. Vimuttikathā
