| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣. ཝིམུཏྟིཀཐཱཝཎྞནཱ
3. Vimuttikathāvaṇṇanā
༣༦༣. ཨིདཱནི ཝིམུཏྟིཀཐཱ ནཱམ ཧོཏི། ཏཏྠ ཡེསཾ ‘‘ཝཱིཏརཱགཙིཏྟཱནཾ ཝིམུཏྟིཔཡོཛནཾ ནཱམ ནཏྠི། ཡཐཱ པན མལཱིནཾ ཝཏྠཾ དྷོཝིཡམཱནཾ མལཱ ཝིམུཙྩཏི, ཨེཝཾ སརཱགཾ ཙིཏྟཾ རཱགཏོ ཝིམུཙྩཏཱི’’ཏི ལདྡྷི, སེཡྻཐཱཔི ཨེཏརཧི ཨནྡྷཀཱནཾ; ཏེ སནྡྷཱཡ སརཱགནྟི པུཙྪཱ སཀཝཱདིསྶ, པཊིཉྙཱ ཨིཏརསྶ། ཏཏོ རཱགསཧགཏནྟིཨཱདིནཱ ནཡེན པུཊྛོ མགྒཀྑཎེ ཙིཏྟཾ ཝིམུཙྩཏི ནཱམ། ཏདཱ ཙ ཨེཝརཱུཔཾ ཙིཏྟཾ ནཏྠཱིཏི པཊིཀྑིཔཏི།
363. Idāni vimuttikathā nāma hoti. Tattha yesaṃ ‘‘vītarāgacittānaṃ vimuttipayojanaṃ nāma natthi. Yathā pana malīnaṃ vatthaṃ dhoviyamānaṃ malā vimuccati, evaṃ sarāgaṃ cittaṃ rāgato vimuccatī’’ti laddhi, seyyathāpi etarahi andhakānaṃ; te sandhāya sarāganti pucchā sakavādissa, paṭiññā itarassa. Tato rāgasahagatantiādinā nayena puṭṭho maggakkhaṇe cittaṃ vimuccati nāma. Tadā ca evarūpaṃ cittaṃ natthīti paṭikkhipati.
སཕསྶནྟིཨཱདིནཱ ནཡེན པུཊྛོཔི ཡཐཱ ཕསྶོ ཙ ཙིཏྟཉྩ ཨུབྷོ རཱགཏོ ཝིམུཙྩནྟི, ཨེཝཾ རཱགསྶ ཝིམུཏྟིཾ ཨཔསྶམཱནོ པཊིཀྑིཔཏི། སདོསཱདཱིསུཔི ཨིམིནཱཝུཔཱཡེན ཨཏྠོ ཝེདིཏབྦོ།
Saphassantiādinā nayena puṭṭhopi yathā phasso ca cittañca ubho rāgato vimuccanti, evaṃ rāgassa vimuttiṃ apassamāno paṭikkhipati. Sadosādīsupi imināvupāyena attho veditabbo.
ཝིམུཏྟིཀཐཱཝཎྞནཱ།
Vimuttikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༣) ༣. ཝིམུཏྟིཀཐཱ • (23) 3. Vimuttikathā
