| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩. વਿਮੁਤ੍ਤਿਕਥਾવਣ੍ਣਨਾ
3. Vimuttikathāvaṇṇanā
੩੬੩. ਇਦਾਨਿ વਿਮੁਤ੍ਤਿਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘વੀਤਰਾਗਚਿਤ੍ਤਾਨਂ વਿਮੁਤ੍ਤਿਪਯੋਜਨਂ ਨਾਮ ਨਤ੍ਥਿ। ਯਥਾ ਪਨ ਮਲੀਨਂ વਤ੍ਥਂ ਧੋવਿਯਮਾਨਂ ਮਲਾ વਿਮੁਚ੍ਚਤਿ, ਏવਂ ਸਰਾਗਂ ਚਿਤ੍ਤਂ ਰਾਗਤੋ વਿਮੁਚ੍ਚਤੀ’’ਤਿ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਅਨ੍ਧਕਾਨਂ; ਤੇ ਸਨ੍ਧਾਯ ਸਰਾਗਨ੍ਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਤਤੋ ਰਾਗਸਹਗਤਨ੍ਤਿਆਦਿਨਾ ਨਯੇਨ ਪੁਟ੍ਠੋ ਮਗ੍ਗਕ੍ਖਣੇ ਚਿਤ੍ਤਂ વਿਮੁਚ੍ਚਤਿ ਨਾਮ। ਤਦਾ ਚ ਏવਰੂਪਂ ਚਿਤ੍ਤਂ ਨਤ੍ਥੀਤਿ ਪਟਿਕ੍ਖਿਪਤਿ।
363. Idāni vimuttikathā nāma hoti. Tattha yesaṃ ‘‘vītarāgacittānaṃ vimuttipayojanaṃ nāma natthi. Yathā pana malīnaṃ vatthaṃ dhoviyamānaṃ malā vimuccati, evaṃ sarāgaṃ cittaṃ rāgato vimuccatī’’ti laddhi, seyyathāpi etarahi andhakānaṃ; te sandhāya sarāganti pucchā sakavādissa, paṭiññā itarassa. Tato rāgasahagatantiādinā nayena puṭṭho maggakkhaṇe cittaṃ vimuccati nāma. Tadā ca evarūpaṃ cittaṃ natthīti paṭikkhipati.
ਸਫਸ੍ਸਨ੍ਤਿਆਦਿਨਾ ਨਯੇਨ ਪੁਟ੍ਠੋਪਿ ਯਥਾ ਫਸ੍ਸੋ ਚ ਚਿਤ੍ਤਞ੍ਚ ਉਭੋ ਰਾਗਤੋ વਿਮੁਚ੍ਚਨ੍ਤਿ, ਏવਂ ਰਾਗਸ੍ਸ વਿਮੁਤ੍ਤਿਂ ਅਪਸ੍ਸਮਾਨੋ ਪਟਿਕ੍ਖਿਪਤਿ। ਸਦੋਸਾਦੀਸੁਪਿ ਇਮਿਨਾવੁਪਾਯੇਨ ਅਤ੍ਥੋ વੇਦਿਤਬ੍ਬੋ।
Saphassantiādinā nayena puṭṭhopi yathā phasso ca cittañca ubho rāgato vimuccanti, evaṃ rāgassa vimuttiṃ apassamāno paṭikkhipati. Sadosādīsupi imināvupāyena attho veditabbo.
વਿਮੁਤ੍ਤਿਕਥਾવਣ੍ਣਨਾ।
Vimuttikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੩) ੩. વਿਮੁਤ੍ਤਿਕਥਾ • (23) 3. Vimuttikathā
