| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
13. вимуд̇д̇ин̃аан̣анид̣̇д̣̇зсаван̣н̣анаа
13. Vimuttiñāṇaniddesavaṇṇanā
64. вимуд̇д̇ин̃аан̣анид̣̇д̣̇зсз саггааяад̣̇идтийд̇и виж̇ж̇амаанадтзна сад̇и канд̇хабан̃жагасан̇каад̇з гааяз, саяам̣ ваа сад̇ий д̇асмим̣ гааяз д̣̇идтийд̇и саггааяад̣̇идти. вижигижчаад̇и виг̇ад̇аа жигижчаа, сабхаавам̣ ваа вижинанд̇о зд̇ааяа гижчад̇и гиламад̇ийд̇и вижигижчаа. сийлаб̣б̣ад̇абараамаасод̇и сийлзна суд̣̇д̇хи вад̇зна суд̣̇д̇хи сийлаб̣б̣ад̇зна суд̣̇д̇хийд̇и г̇ахид̇аабхинивзсо. со хи сабхаавам̣ ад̇иггамид̇ваа барад̇о аамасад̇ийд̇и сийлаб̣б̣ад̇абараамаасо. убхиннам̣ самаанзби д̣̇идтибхаавз д̇агган̃жа баруубад̣̇зсан̃жа винаа багад̇ияаа зва саггааяад̣̇идтиг̇ахан̣ад̇о багад̇ибхууд̇ааяа вийсад̇ивад̇т̇угааяа саггааяад̣̇идтияаа бахаанзнзва саб̣б̣ад̣̇идтиббахаанад̣̇ассанад̇т̇ам̣ саггааяад̣̇идти вуд̇д̇аа. сийлаб̣б̣ад̇абараамаасо бана ‘‘суд̣̇д̇хибадибад̣̇ам̣ бадибаж̇ж̇аамаа’’д̇и бадибаннаанам̣ бадибад̣̇ааяа мижчаабхаавад̣̇ассанад̇т̇ам̣ висум̣ вуд̇д̇од̇и взд̣̇ид̇аб̣б̣о. д̇ин̣н̣амби анусаяаббахаанзнзва бахаанам̣ д̣̇ассзд̇ум̣ д̣̇идтаанусаяо вижигижчаанусаяод̇и вуд̇д̇ам̣, на висум̣ гилзсад̇д̇аа. убаггилзсаад̇и гилзсзнд̇и убад̇аабзнд̇и виб̣аад̇хзнд̇ийд̇и гилзсаа, т̇аамаг̇ад̇адтзна бхусаа гилзсаад̇и убаггилзсаа. саммаа самужчиннаа хонд̇ийд̇и самужчзд̣̇аббахаанзна ануббаад̣̇анирод̇хзна саммаа самужчиннаа хонд̇и. сабарияудтаанзхийд̇и жид̇д̇ам̣ барияонанд̇ханд̇аани удтзнд̇и уббаж̇ж̇анд̇ийд̇и барияудтаанаани, самуд̣̇аажаараббад̇д̇аанам̣ гилзсаанамзд̇ам̣ ад̇хиважанам̣. саха барияудтаанзхийд̇и сабарияудтаанаани. д̇зхи сабарияудтаанзхи анусаяид̇аубаггилзсзхи. жид̇д̇ам̣ вимуд̇д̇ам̣ ход̇ийд̇и д̇зсам̣ абхаб̣б̣уббад̇д̇игабхууд̇ад̇д̇аа санд̇ад̇ивасзна бавад̇д̇амаанам̣ жид̇д̇ам̣ д̇ад̇о вимуд̇д̇ам̣ наама ход̇и. д̇ад̣̇зва судту вимуд̇д̇ад̇д̇аа сувимуд̇д̇ам̣. д̇ам̣вимуд̇д̇ин̃аад̇адтзнаад̇и д̇ассаа вимуд̇д̇ияаа ж̇аананадтзна.
64. Vimuttiñāṇaniddese sakkāyadiṭṭhīti vijjamānaṭṭhena sati khandhapañcakasaṅkhāte kāye, sayaṃ vā satī tasmiṃ kāye diṭṭhīti sakkāyadiṭṭhi. Vicikicchāti vigatā cikicchā, sabhāvaṃ vā vicinanto etāya kicchati kilamatīti vicikicchā. Sīlabbataparāmāsoti sīlena suddhi vatena suddhi sīlabbatena suddhīti gahitaabhiniveso. So hi sabhāvaṃ atikkamitvā parato āmasatīti sīlabbataparāmāso. Ubhinnaṃ samānepi diṭṭhibhāve takkañca parūpadesañca vinā pakatiyā eva sakkāyadiṭṭhigahaṇato pakatibhūtāya vīsativatthukāya sakkāyadiṭṭhiyā pahāneneva sabbadiṭṭhippahānadassanatthaṃ sakkāyadiṭṭhi vuttā. Sīlabbataparāmāso pana ‘‘suddhipaṭipadaṃ paṭipajjāmā’’ti paṭipannānaṃ paṭipadāya micchābhāvadassanatthaṃ visuṃ vuttoti veditabbo. Tiṇṇampi anusayappahāneneva pahānaṃ dassetuṃ diṭṭhānusayo vicikicchānusayoti vuttaṃ, na visuṃ kilesattā. Upakkilesāti kilesenti upatāpenti vibādhentīti kilesā, thāmagataṭṭhena bhusā kilesāti upakkilesā. Sammā samucchinnā hontīti samucchedappahānena anuppādanirodhena sammā samucchinnā honti. Sapariyuṭṭhānehīti cittaṃ pariyonandhantāni uṭṭhenti uppajjantīti pariyuṭṭhānāni, samudācārappattānaṃ kilesānametaṃ adhivacanaṃ. Saha pariyuṭṭhānehīti sapariyuṭṭhānāni. Tehi sapariyuṭṭhānehi anusayitaupakkilesehi. Cittaṃ vimuttaṃ hotīti tesaṃ abhabbuppattikabhūtattā santativasena pavattamānaṃ cittaṃ tato vimuttaṃ nāma hoti. Tadeva suṭṭhu vimuttattā suvimuttaṃ. Taṃvimuttiñātaṭṭhenāti tassā vimuttiyā jānanaṭṭhena.
вимуд̇д̇ин̃аан̣анид̣̇д̣̇зсаван̣н̣анаа нидтид̇аа.
Vimuttiñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 13. вимуд̇д̇ин̃аан̣анид̣̇д̣̇зсо • 13. Vimuttiñāṇaniddeso
