| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
13. விமுத்திஞாணனித்³தே³ஸோ
13. Vimuttiñāṇaniddeso
64. கத²ங் சி²ன்னவடுமானுபஸ்ஸனே பஞ்ஞா விமுத்திஞாணங்? ஸோதாபத்திமக்³கே³ன ஸக்காயதி³ட்டி², விசிகிச்சா², ஸீலப்³ப³தபராமாஸோ, தி³ட்டா²னுஸயோ, விசிகிச்சா²னுஸயோ அத்தனோ சித்தஸ்ஸ உபக்கிலேஸா ஸம்மா ஸமுச்சி²ன்னா ஹொந்தி. இமேஹி பஞ்சஹி உபக்கிலேஸேஹி ஸபரியுட்டா²னேஹி சித்தங் விமுத்தங் ஹோதி ஸுவிமுத்தங். தங்விமுத்தி ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘சி²ன்னவடுமானுபஸ்ஸனே பஞ்ஞா விமுத்திஞாணங்’’.
64. Kathaṃ chinnavaṭumānupassane paññā vimuttiñāṇaṃ? Sotāpattimaggena sakkāyadiṭṭhi, vicikicchā, sīlabbataparāmāso, diṭṭhānusayo, vicikicchānusayo attano cittassa upakkilesā sammā samucchinnā honti. Imehi pañcahi upakkilesehi sapariyuṭṭhānehi cittaṃ vimuttaṃ hoti suvimuttaṃ. Taṃvimutti ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’.
ஸகதா³கா³மிமக்³கே³ன ஓளாரிகங் காமராக³ஸஞ்ஞோஜனங், படிக⁴ஸஞ்ஞோஜனங், ஓளாரிகோ காமராகா³னுஸயோ, படிகா⁴னுஸயோ – அத்தனோ சித்தஸ்ஸ உபக்கிலேஸா ஸம்மா ஸமுச்சி²ன்னா ஹொந்தி. இமேஹி சதூஹி உபக்கிலேஸேஹி ஸபரியுட்டா²னேஹி சித்தங் விமுத்தங் ஹோதி ஸுவிமுத்தங். தங்விமுத்தி ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘சி²ன்னவடுமானுபஸ்ஸனே பஞ்ஞா விமுத்திஞாணங்’’.
Sakadāgāmimaggena oḷārikaṃ kāmarāgasaññojanaṃ, paṭighasaññojanaṃ, oḷāriko kāmarāgānusayo, paṭighānusayo – attano cittassa upakkilesā sammā samucchinnā honti. Imehi catūhi upakkilesehi sapariyuṭṭhānehi cittaṃ vimuttaṃ hoti suvimuttaṃ. Taṃvimutti ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’.
அனாகா³மிமக்³கே³ன அனுஸஹக³தங் காமராக³ஸஞ்ஞோஜனங், படிக⁴ஸஞ்ஞோஜனங், அனுஸஹக³தோ காமராகா³னுஸயோ, படிகா⁴னுஸயோ – அத்தனோ சித்தஸ்ஸ உபக்கிலேஸா ஸம்மா ஸமுச்சி²ன்னா ஹொந்தி. இமேஹி சதூஹி உபக்கிலேஸேஹி ஸபரியுட்டா²னேஹி சித்தங் விமுத்தங் ஹோதி ஸுவிமுத்தங். தங்விமுத்தி ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘சி²ன்னவடுமானுபஸ்ஸனே பஞ்ஞா விமுத்திஞாணங்’’.
Anāgāmimaggena anusahagataṃ kāmarāgasaññojanaṃ, paṭighasaññojanaṃ, anusahagato kāmarāgānusayo, paṭighānusayo – attano cittassa upakkilesā sammā samucchinnā honti. Imehi catūhi upakkilesehi sapariyuṭṭhānehi cittaṃ vimuttaṃ hoti suvimuttaṃ. Taṃvimutti ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’.
அரஹத்தமக்³கே³ன ரூபராகோ³, அரூபராகோ³, மானோ, உத்³த⁴ச்சங், அவிஜ்ஜா, மானானுஸயோ, ப⁴வராகா³னுஸயோ, அவிஜ்ஜானுஸயோ – அத்தனோ சித்தஸ்ஸ உபக்கிலேஸா ஸம்மா ஸமுச்சி²ன்னா ஹொந்தி. இமேஹி அட்ட²ஹி உபக்கிலேஸேஹி ஸபரியுட்டா²னேஹி சித்தங் விமுத்தங் ஹோதி ஸுவிமுத்தங். தங்விமுத்தி ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘சி²ன்னவடுமானுபஸ்ஸனே பஞ்ஞா விமுத்திஞாணங்’’. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘சி²ன்னவடுமானுபஸ்ஸனே பஞ்ஞா விமுத்திஞாணங்’’.
Arahattamaggena rūparāgo, arūparāgo, māno, uddhaccaṃ, avijjā, mānānusayo, bhavarāgānusayo, avijjānusayo – attano cittassa upakkilesā sammā samucchinnā honti. Imehi aṭṭhahi upakkilesehi sapariyuṭṭhānehi cittaṃ vimuttaṃ hoti suvimuttaṃ. Taṃvimutti ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’.
விமுத்திஞாணனித்³தே³ஸோ தேரஸமோ.
Vimuttiñāṇaniddeso terasamo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 13. விமுத்திஞாணனித்³தே³ஸவண்ணனா • 13. Vimuttiñāṇaniddesavaṇṇanā
