| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
13. вимуд̇д̇ин̃аан̣анид̣̇д̣̇зсо
13. Vimuttiñāṇaniddeso
64. гат̇ам̣ чиннавадумаанубассанз бан̃н̃аа вимуд̇д̇ин̃аан̣ам̣? сод̇аабад̇д̇имаг̇г̇зна саггааяад̣̇идти, вижигижчаа, сийлаб̣б̣ад̇абараамаасо, д̣̇идтаанусаяо, вижигижчаанусаяо ад̇д̇ано жид̇д̇асса убаггилзсаа саммаа самужчиннаа хонд̇и. имзхи бан̃жахи убаггилзсзхи сабарияудтаанзхи жид̇д̇ам̣ вимуд̇д̇ам̣ ход̇и сувимуд̇д̇ам̣. д̇ам̣вимуд̇д̇и н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘чиннавадумаанубассанз бан̃н̃аа вимуд̇д̇ин̃аан̣ам̣’’.
64. Kathaṃ chinnavaṭumānupassane paññā vimuttiñāṇaṃ? Sotāpattimaggena sakkāyadiṭṭhi, vicikicchā, sīlabbataparāmāso, diṭṭhānusayo, vicikicchānusayo attano cittassa upakkilesā sammā samucchinnā honti. Imehi pañcahi upakkilesehi sapariyuṭṭhānehi cittaṃ vimuttaṃ hoti suvimuttaṃ. Taṃvimutti ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’.
сагад̣̇ааг̇аамимаг̇г̇зна ол̣ааригам̣ гаамарааг̇асан̃н̃ож̇анам̣, бадигхасан̃н̃ож̇анам̣, ол̣аариго гаамарааг̇аанусаяо, бадигхаанусаяо – ад̇д̇ано жид̇д̇асса убаггилзсаа саммаа самужчиннаа хонд̇и. имзхи жад̇уухи убаггилзсзхи сабарияудтаанзхи жид̇д̇ам̣ вимуд̇д̇ам̣ ход̇и сувимуд̇д̇ам̣. д̇ам̣вимуд̇д̇и н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘чиннавадумаанубассанз бан̃н̃аа вимуд̇д̇ин̃аан̣ам̣’’.
Sakadāgāmimaggena oḷārikaṃ kāmarāgasaññojanaṃ, paṭighasaññojanaṃ, oḷāriko kāmarāgānusayo, paṭighānusayo – attano cittassa upakkilesā sammā samucchinnā honti. Imehi catūhi upakkilesehi sapariyuṭṭhānehi cittaṃ vimuttaṃ hoti suvimuttaṃ. Taṃvimutti ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’.
анааг̇аамимаг̇г̇зна анусахаг̇ад̇ам̣ гаамарааг̇асан̃н̃ож̇анам̣, бадигхасан̃н̃ож̇анам̣, анусахаг̇ад̇о гаамарааг̇аанусаяо, бадигхаанусаяо – ад̇д̇ано жид̇д̇асса убаггилзсаа саммаа самужчиннаа хонд̇и. имзхи жад̇уухи убаггилзсзхи сабарияудтаанзхи жид̇д̇ам̣ вимуд̇д̇ам̣ ход̇и сувимуд̇д̇ам̣. д̇ам̣вимуд̇д̇и н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘чиннавадумаанубассанз бан̃н̃аа вимуд̇д̇ин̃аан̣ам̣’’.
Anāgāmimaggena anusahagataṃ kāmarāgasaññojanaṃ, paṭighasaññojanaṃ, anusahagato kāmarāgānusayo, paṭighānusayo – attano cittassa upakkilesā sammā samucchinnā honti. Imehi catūhi upakkilesehi sapariyuṭṭhānehi cittaṃ vimuttaṃ hoti suvimuttaṃ. Taṃvimutti ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’.
арахад̇д̇амаг̇г̇зна руубарааг̇о, аруубарааг̇о, маано, уд̣̇д̇хажжам̣, авиж̇ж̇аа, маанаанусаяо, бхаварааг̇аанусаяо, авиж̇ж̇аанусаяо – ад̇д̇ано жид̇д̇асса убаггилзсаа саммаа самужчиннаа хонд̇и. имзхи адтахи убаггилзсзхи сабарияудтаанзхи жид̇д̇ам̣ вимуд̇д̇ам̣ ход̇и сувимуд̇д̇ам̣. д̇ам̣вимуд̇д̇и н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘чиннавадумаанубассанз бан̃н̃аа вимуд̇д̇ин̃аан̣ам̣’’. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘чиннавадумаанубассанз бан̃н̃аа вимуд̇д̇ин̃аан̣ам̣’’.
Arahattamaggena rūparāgo, arūparāgo, māno, uddhaccaṃ, avijjā, mānānusayo, bhavarāgānusayo, avijjānusayo – attano cittassa upakkilesā sammā samucchinnā honti. Imehi aṭṭhahi upakkilesehi sapariyuṭṭhānehi cittaṃ vimuttaṃ hoti suvimuttaṃ. Taṃvimutti ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘chinnavaṭumānupassane paññā vimuttiñāṇaṃ’’.
вимуд̇д̇ин̃аан̣анид̣̇д̣̇зсо д̇зрасамо.
Vimuttiñāṇaniddeso terasamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 13. вимуд̇д̇ин̃аан̣анид̣̇д̣̇зсаван̣н̣анаа • 13. Vimuttiñāṇaniddesavaṇṇanā
