| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
винаяаанисам̣сагат̇ааван̣н̣анаа
Vinayānisaṃsakathāvaṇṇanā
зд̇д̇аавад̇аа жа ‘‘гзнаабхад̇а’’нд̇и имам̣ бан̃хам̣ вид̇т̇аарад̇о вибхаж̇ид̇ваа ид̣̇аани ‘‘гад̇т̇а бад̇идтид̇а’’нд̇и имам̣ бан̃хам̣ виссаж̇ж̇знд̇о ааха ‘‘гад̇т̇а бад̇идтид̇а’’нд̇иаад̣̇и. д̇ад̇т̇а д̇зламиваад̇и сийхад̇зламива. ад̇химад̇д̇асад̇иг̇ад̇ид̇хийд̇иманд̇зсууд̇и зд̇т̇а сад̇ийд̇и б̣уд̣̇д̇хаважанам̣ уг̇г̇ахзд̇ваа д̇хааран̣агасад̇и. г̇ад̇ийд̇и уг̇г̇ан̣ханагаг̇ад̇и. д̇хийд̇ийд̇и саннидтаанам̣ гад̇ваа г̇ан̣ханаган̃аан̣ам̣. г̇ад̇ийд̇и ваа бан̃н̃ааг̇ад̇и. д̇хийд̇ийд̇и б̣уд̣̇д̇хаважанам̣ уг̇г̇ан̣ханавийрияам̣ саж̇жхааяанавийрияам̣ д̇хааран̣авийрияан̃жа. лаж̇ж̇ийсууд̇и баабаж̇иг̇ужчанагалагкан̣ааяа лаж̇ж̇ааяа саманнааг̇ад̇зсу. гуггужжагзсууд̇и ан̣умад̇д̇зсуби важ̇ж̇зсу д̣̇осад̣̇ассаавид̇ааяа габбияаагаббияам̣ ниссааяа гуггужжагаарийсу. сигкаагаамзсууд̇и ад̇хисийлааажид̇д̇аад̇хибан̃н̃аавасзна д̇иссо сигкаа гаамаяамаанзсу самбияааяид̇ваа сигканд̇зсу.
Ettāvatā ca ‘‘kenābhata’’nti imaṃ pañhaṃ vitthārato vibhajitvā idāni ‘‘kattha patiṭṭhita’’nti imaṃ pañhaṃ vissajjento āha ‘‘kattha patiṭṭhita’’ntiādi. Tattha telamivāti sīhatelamiva. Adhimattasatigatidhītimantesūti ettha satīti buddhavacanaṃ uggahetvā dhāraṇakasati. Gatīti uggaṇhanakagati. Dhītīti sanniṭṭhānaṃ katvā gaṇhanakañāṇaṃ. Gatīti vā paññāgati. Dhītīti buddhavacanaṃ uggaṇhanavīriyaṃ sajjhāyanavīriyaṃ dhāraṇavīriyañca. Lajjīsūti pāpajigucchanakalakkhaṇāya lajjāya samannāgatesu. Kukkuccakesūti aṇumattesupi vajjesu dosadassāvitāya kappiyākappiyaṃ nissāya kukkuccakārīsu. Sikkhākāmesūti adhisīlaaacittaadhipaññāvasena tisso sikkhā kāmayamānesu sampiyāyitvā sikkhantesu.
агад̇д̇аб̣б̣ад̇о ниваарзд̇ваа гад̇д̇аб̣б̣зсу бад̇идтаабанад̇о маад̇аабид̇удтаанияод̇и вуд̇д̇ам̣. аажаараг̇ожарагусалад̇аад̇и взл̣уд̣̇аанаад̣̇имижчааж̇ийвасса гааяабааг̇аб̣бхияаад̣̇ийнан̃жа агаран̣зна саб̣б̣асо анаажаарам̣ важ̇ж̇зд̇ваа ‘‘гааяиго авийд̇иггамо ваажасиго авийд̇иггамо’’д̇и (вибха. 511) звам̣ вуд̇д̇абхигкусааруббааажаарасамбад̇д̇ияаа взсияаад̣̇иаг̇ожарам̣ важ̇ж̇зд̇ваа бин̣д̣абаад̇аад̣̇иад̇т̇ам̣ убасан̇гамид̇ум̣ яуд̇д̇адтаанасан̇каад̇аг̇ожарзна жа самбаннад̇д̇аа саман̣аажаарзсу жзва саман̣аг̇ожарзсу жа гусалад̇аа. абижа яо бхигку сад̇т̇ари саг̇аараво саббад̇иссо саб̣рахмажаарийсу саг̇аараво саббад̇иссо хирод̇д̇аббасамбанно сунивад̇т̇о субааруд̇о баасаад̣̇игзна абхигганд̇зна бадигганд̇зна аалогид̇зна вилогид̇зна самин̃ж̇ид̇зна басаарид̇зна огкид̇д̇ажагку ирияаабат̇асамбанно инд̣̇риязсу г̇уд̇д̇ад̣̇вааро бхож̇анз мад̇д̇ан̃н̃уу ж̇ааг̇арияамануяуд̇д̇о сад̇исамбаж̇ан̃н̃зна саманнааг̇ад̇о аббижчо санд̇удто аарад̣̇д̇хавийрияо бавивид̇д̇о асам̣садто аабхисамаажааригзсу саггажжагаарий г̇аружид̇д̇ийгаараб̣ахуло вихарад̇и, аяам̣ вужжад̇и аажааро.
Akattabbato nivāretvā kattabbesu patiṭṭhāpanato mātāpituṭṭhāniyoti vuttaṃ. Ācāragocarakusalatāti veḷudānādimicchājīvassa kāyapāgabbhiyādīnañca akaraṇena sabbaso anācāraṃ vajjetvā ‘‘kāyiko avītikkamo vācasiko avītikkamo’’ti (vibha. 511) evaṃ vuttabhikkhusāruppaācārasampattiyā vesiyādiagocaraṃ vajjetvā piṇḍapātādiatthaṃ upasaṅkamituṃ yuttaṭṭhānasaṅkhātagocarena ca sampannattā samaṇācāresu ceva samaṇagocaresu ca kusalatā. Apica yo bhikkhu satthari sagāravo sappatisso sabrahmacārīsu sagāravo sappatisso hirottappasampanno sunivattho supāruto pāsādikena abhikkantena paṭikkantena ālokitena vilokitena samiñjitena pasāritena okkhittacakkhu iriyāpathasampanno indriyesu guttadvāro bhojane mattaññū jāgariyamanuyutto satisampajaññena samannāgato appiccho santuṭṭho āraddhavīriyo pavivitto asaṃsaṭṭho ābhisamācārikesu sakkaccakārī garucittīkārabahulo viharati, ayaṃ vuccati ācāro.
г̇ожаро бана убаниссаяаг̇ожаро аарагкаг̇ожаро убаниб̣анд̇хаг̇ожарод̇и д̇ивид̇хо. д̇ад̇т̇а д̣̇асагат̇аавад̇т̇уг̇ун̣асаманнааг̇ад̇о галяаан̣амид̇д̇о, яам̣ ниссааяа ассуд̇ам̣ сун̣аад̇и, суд̇ам̣ барияод̣̇аабзд̇и, ган̇кам̣ вид̇арад̇и , д̣̇идтим̣ уж̇ум̣ гарод̇и, жид̇д̇ам̣ басаад̣̇зд̇и, яасса ваа бана анусигкамаано сад̣̇д̇хааяа вад̣дхад̇и, сийлзна, суд̇зна, жааг̇зна, бан̃н̃ааяа вад̣дхад̇и, аяам̣ убаниссаяаг̇ожаро. яо бана бхигку анд̇арагхарам̣ бавидто вийт̇ибадибанно огкид̇д̇ажагку яуг̇амад̇д̇ад̣̇ассаавий сам̣вуд̇о г̇ажчад̇и, на хад̇т̇им̣ ологзнд̇о, на ассам̣, на рат̇ам̣, на бад̇д̇им̣, на ид̇т̇им̣, на бурисам̣ ологзнд̇о, на уд̣̇д̇хам̣ ологзнд̇о, на ад̇хо ологзнд̇о, на д̣̇исаавид̣̇исамби бзгкамаано г̇ажчад̇и, аяам̣ аарагкаг̇ожаро. убаниб̣анд̇хаг̇ожаро бана жад̇д̇ааро сад̇ибадтаанаа, яад̇т̇а бхигку ад̇д̇ано жид̇д̇ам̣ убаниб̣анд̇хад̇и. вуд̇д̇ан̃хзд̇ам̣ бхаг̇авад̇аа – ‘‘го жа, бхигкавз, бхигкуно г̇ожаро саго бзд̇д̇иго висаяо, яад̣̇ид̣̇ам̣ жад̇д̇ааро сад̇ибадтаанаа’’д̇и. аяам̣ убаниб̣анд̇хаг̇ожаро. ид̇и иминаа жа аажаарзна иминаа жа г̇ожарзна саманнааг̇ад̇ад̇д̇аа аажаараг̇ожарагусалад̇аа. звам̣ анаажаарам̣ аг̇ожаран̃жа важ̇ж̇зд̇ваа сад̣̇д̇хаабаб̣б̣аж̇ид̇аанам̣ яат̇аавуд̇д̇ааажаараг̇ожарзсу гусалабхааво винаяад̇харааяад̇д̇од̇и аяамаанисам̣со винаяабарияад̇д̇ияаа д̣̇ассид̇од̇и взд̣̇ид̇аб̣б̣о.
Gocaro pana upanissayagocaro ārakkhagocaro upanibandhagocaroti tividho. Tattha dasakathāvatthuguṇasamannāgato kalyāṇamitto, yaṃ nissāya assutaṃ suṇāti, sutaṃ pariyodāpeti, kaṅkhaṃ vitarati , diṭṭhiṃ ujuṃ karoti, cittaṃ pasādeti, yassa vā pana anusikkhamāno saddhāya vaḍḍhati, sīlena, sutena, cāgena, paññāya vaḍḍhati, ayaṃ upanissayagocaro. Yo pana bhikkhu antaragharaṃ paviṭṭho vīthipaṭipanno okkhittacakkhu yugamattadassāvī saṃvuto gacchati, na hatthiṃ olokento, na assaṃ, na rathaṃ, na pattiṃ, na itthiṃ, na purisaṃ olokento, na uddhaṃ olokento, na adho olokento, na disāvidisampi pekkhamāno gacchati, ayaṃ ārakkhagocaro. Upanibandhagocaro pana cattāro satipaṭṭhānā, yattha bhikkhu attano cittaṃ upanibandhati. Vuttañhetaṃ bhagavatā – ‘‘ko ca, bhikkhave, bhikkhuno gocaro sako pettiko visayo, yadidaṃ cattāro satipaṭṭhānā’’ti. Ayaṃ upanibandhagocaro. Iti iminā ca ācārena iminā ca gocarena samannāgatattā ācāragocarakusalatā. Evaṃ anācāraṃ agocarañca vajjetvā saddhāpabbajitānaṃ yathāvuttaācāragocaresu kusalabhāvo vinayadharāyattoti ayamānisaṃso vinayapariyattiyā dassitoti veditabbo.
винаяабарияад̇д̇им̣ ниссааяаад̇и винаяабарияаабун̣анам̣ ниссааяа. ад̇д̇ано сийлагканд̇хо суг̇уд̇д̇о ход̇и сурагкид̇од̇и гат̇амасса ад̇д̇ано сийлагканд̇хо суг̇уд̇д̇о ход̇и сурагкид̇о? аабад̇д̇ин̃хи аабаж̇ж̇анд̇о чахаагаарзхи аабаж̇ж̇ад̇и алаж̇ж̇ид̇аа, ан̃н̃аан̣ад̇аа, гуггужжабагад̇ад̇аа, агаббияз габбияасан̃н̃ид̇аа, габбияз агаббияасан̃н̃ид̇аа, сад̇исаммосаад̇и. винаяад̇харо бана имзхи чахаагаарзхи аабад̇д̇им̣ наабаж̇ж̇ад̇и.
Vinayapariyattiṃ nissāyāti vinayapariyāpuṇanaṃ nissāya. Attano sīlakkhandho sugutto hotisurakkhitoti kathamassa attano sīlakkhandho sugutto hoti surakkhito? Āpattiñhi āpajjanto chahākārehi āpajjati alajjitā, aññāṇatā, kukkuccapakatatā, akappiye kappiyasaññitā, kappiye akappiyasaññitā, satisammosāti. Vinayadharo pana imehi chahākārehi āpattiṃ nāpajjati.
гат̇ам̣ алаж̇ж̇ид̇ааяа наабаж̇ж̇ад̇и? со хи ‘‘бассат̇а бхо, аяам̣ габбияаагаббияам̣ ж̇аананд̇оязва бан̣н̣ад̇д̇ивийд̇иггамам̣ гарод̇ий’’д̇и имам̣ баруубаваад̣̇ам̣ рагканд̇оби агаббияабхаавам̣ ж̇аананд̇оязва мад̣̇д̣̇ид̇ваа вийд̇иггамам̣ на гарод̇и. звам̣ алаж̇ж̇ид̇ааяа наабаж̇ж̇ад̇и. сахасаа аабаннамби д̣̇зсанааг̇ааминим̣ д̣̇зсзд̇ваа вудтаанаг̇ааминияаа вудтахид̇ваа суд̣̇д̇ханд̇з бад̇идтаад̇и, д̇ад̇о –
Kathaṃ alajjitāya nāpajjati? So hi ‘‘passatha bho, ayaṃ kappiyākappiyaṃ jānantoyeva paṇṇattivītikkamaṃ karotī’’ti imaṃ parūpavādaṃ rakkhantopi akappiyabhāvaṃ jānantoyeva madditvā vītikkamaṃ na karoti. Evaṃ alajjitāya nāpajjati. Sahasā āpannampi desanāgāminiṃ desetvā vuṭṭhānagāminiyā vuṭṭhahitvā suddhante patiṭṭhāti, tato –
‘‘сан̃жижжа аабад̇д̇им̣ наабаж̇ж̇ад̇и, аабад̇д̇им̣ на бариг̇уухад̇и;
‘‘Sañcicca āpattiṃ nāpajjati, āpattiṃ na parigūhati;
аг̇ад̇иг̇аманан̃жа на г̇ажчад̇и, зд̣̇исо вужжад̇и лаж̇ж̇ибуг̇г̇ало’’д̇и. (бари. 359) –
Agatigamanañca na gacchati, ediso vuccati lajjipuggalo’’ti. (pari. 359) –
имасмим̣ лаж̇ж̇ибхаавз бад̇идтид̇ова ход̇и.
Imasmiṃ lajjibhāve patiṭṭhitova hoti.
гат̇ам̣ ан̃н̃аан̣ад̇ааяа наабаж̇ж̇ад̇и? со хи габбияаагаббияам̣ ж̇аанаад̇и, д̇асмаа габбияам̣язва гарод̇и, агаббияам̣ на гарод̇и. звам̣ ан̃н̃аан̣ад̇ааяа наабаж̇ж̇ад̇и.
Kathaṃ aññāṇatāya nāpajjati? So hi kappiyākappiyaṃ jānāti, tasmā kappiyaṃyeva karoti, akappiyaṃ na karoti. Evaṃ aññāṇatāya nāpajjati.
гат̇ам̣ гуггужжабагад̇ад̇ааяа наабаж̇ж̇ад̇и? габбияаагаббияам̣ ниссааяа гуггужжз уббаннз вад̇т̇ум̣ ологзд̇ваа маад̇игам̣ бад̣̇абхааж̇анам̣ анд̇араабад̇д̇им̣ анаабад̇д̇им̣ ологзд̇ваа габбияам̣ жз ход̇и, гарод̇и, агаббияам̣ жз, на гарод̇и. уббаннам̣ бана гуггужжам̣ авинижчинид̇ваава ‘‘ваддад̇ий’’д̇и мад̣̇д̣̇ид̇ваа на вийд̇иггамад̇и. звам̣ гуггужжабагад̇ад̇ааяа наабаж̇ж̇ад̇и.
Kathaṃ kukkuccapakatatāya nāpajjati? Kappiyākappiyaṃ nissāya kukkucce uppanne vatthuṃ oloketvā mātikaṃ padabhājanaṃ antarāpattiṃ anāpattiṃ oloketvā kappiyaṃ ce hoti, karoti, akappiyaṃ ce, na karoti. Uppannaṃ pana kukkuccaṃ avinicchinitvāva ‘‘vaṭṭatī’’ti madditvā na vītikkamati. Evaṃ kukkuccapakatatāya nāpajjati.
гат̇ам̣ агаббияз габбияасан̃н̃ид̇аад̣̇ийхи наабаж̇ж̇ад̇и? со хи габбияаагаббияам̣ ж̇аанаад̇и, д̇асмаа агаббияз габбияасан̃н̃ий на ход̇и, габбияз агаббияасан̃н̃ий на ход̇и, субад̇идтид̇аа жасса сад̇и ход̇и, ад̇хидтаад̇аб̣б̣ам̣ ад̇хидтзд̇и, вигаббзд̇аб̣б̣ам̣ вигаббзд̇и. ид̇и имзхи чахаагаарзхи аабад̇д̇им̣ наабаж̇ж̇ад̇и, аабад̇д̇им̣ анаабаж̇ж̇анд̇о акан̣д̣асийло ход̇и барисуд̣̇д̇хасийло. звамасса ад̇д̇ано сийлагканд̇хо суг̇уд̇д̇о ход̇и сурагкид̇о.
Kathaṃ akappiye kappiyasaññitādīhi nāpajjati? So hi kappiyākappiyaṃ jānāti, tasmā akappiye kappiyasaññī na hoti, kappiye akappiyasaññī na hoti, supatiṭṭhitā cassa sati hoti, adhiṭṭhātabbaṃ adhiṭṭheti, vikappetabbaṃ vikappeti. Iti imehi chahākārehi āpattiṃ nāpajjati, āpattiṃ anāpajjanto akhaṇḍasīlo hoti parisuddhasīlo. Evamassa attano sīlakkhandho sugutto hoti surakkhito.
гуггужжабагад̇аананд̇и габбияаагаббияам̣ ниссааяа уббаннзна гуггужжзна абхибхууд̇аанам̣. гат̇ам̣ бана гуггужжабагад̇аанам̣ бадисаран̣ам̣ ход̇и? д̇ирорадтзсу д̇ирож̇анабад̣̇зсу жа уббаннагуггужжаа бхигкуу ‘‘асугасмим̣ гира вихаарз винаяад̇харо васад̇ий’’д̇и д̣̇уурад̇оби д̇асса санд̇игам̣ ааг̇анд̇ваа гуггужжам̣ бужчанд̇и. со д̇зхи гад̇агаммасса вад̇т̇ум̣ ологзд̇ваа аабад̇д̇аанаабад̇д̇им̣ г̇аругалахугаад̣̇ибхзд̣̇ам̣ саллагкзд̇ваа д̣̇зсанааг̇ааминим̣ д̣̇зсаабзд̇ваа вудтаанаг̇ааминияаа вудтаабзд̇ваа суд̣̇д̇ханд̇з бад̇идтаабзд̇и. звам̣ гуггужжабагад̇аанам̣ бадисаран̣ам̣ ход̇и.
Kukkuccapakatānanti kappiyākappiyaṃ nissāya uppannena kukkuccena abhibhūtānaṃ. Kathaṃ pana kukkuccapakatānaṃ paṭisaraṇaṃ hoti? Tiroraṭṭhesu tirojanapadesu ca uppannakukkuccā bhikkhū ‘‘asukasmiṃ kira vihāre vinayadharo vasatī’’ti dūratopi tassa santikaṃ āgantvā kukkuccaṃ pucchanti. So tehi katakammassa vatthuṃ oloketvā āpattānāpattiṃ garukalahukādibhedaṃ sallakkhetvā desanāgāminiṃ desāpetvā vuṭṭhānagāminiyā vuṭṭhāpetvā suddhante patiṭṭhāpeti. Evaṃ kukkuccapakatānaṃ paṭisaraṇaṃ hoti.
висаарад̣̇о сан̇гхамаж̇жхз вохарад̇ийд̇и виг̇ад̇о саарад̣̇о бхаяам̣ зд̇ассаад̇и висаарад̣̇о, абхийд̇од̇и ад̇т̇о. авинаяад̇харасса хи сан̇гхамаж̇жхз гат̇знд̇асса бхаяам̣ саараж̇ж̇ам̣ оггамад̇и, винаяад̇харасса д̇ам̣ на ход̇и. гасмаа? ‘‘звам̣ гат̇знд̇асса д̣̇осо ход̇и, звам̣ на д̣̇осо’’д̇и н̃ад̇ваа гат̇анад̇о.
Visārado saṅghamajjhe voharatīti vigato sārado bhayaṃ etassāti visārado, abhītoti attho. Avinayadharassa hi saṅghamajjhe kathentassa bhayaṃ sārajjaṃ okkamati, vinayadharassa taṃ na hoti. Kasmā? ‘‘Evaṃ kathentassa doso hoti, evaṃ na doso’’ti ñatvā kathanato.
бажжад̇т̇игз сахад̇хаммзна суниг̇г̇ахид̇ам̣ ниг̇г̇ан̣хаад̇ийд̇и зд̇т̇а д̣̇вид̇хаа бажжад̇т̇игаа наама ад̇д̇абажжад̇т̇игаа жа саасанабажжад̇т̇игаа жа. д̇ад̇т̇а мзд̇д̇ияабхуммаж̇агаа жа бхигкуу вад̣дхо жа лижчавий амуулагзна анд̇имавад̇т̇унаа жод̣̇зсум̣, имз ад̇д̇абажжад̇т̇игаа наама. яз ваа банан̃н̃зби д̣̇уссийлаа баабад̇хаммаа, саб̣б̣з д̇з ад̇д̇абажжад̇т̇игаа. вибарийд̇ад̣̇ассанаа бана аридтабхигкуган̣дагасааман̣зравзсаалигаваж̇ж̇ибуд̇д̇агаа махаасан̇гхигаад̣̇аяо жа аб̣уд̣̇д̇хасаасанам̣ ‘‘б̣уд̣̇д̇хасаасана’’нд̇и вад̇ваа гад̇абаг̇г̇ахаа саасанабажжад̇т̇игаа наама. д̇з саб̣б̣зби сахад̇хаммзна сахагааран̣зна важанзна яат̇аа д̇ам̣ асад̣̇д̇хаммам̣ бад̇идтаабзд̇ум̣ на саггонд̇и, звам̣ суниг̇г̇ахид̇ам̣ гад̇ваа ниг̇г̇ан̣хаад̇и.
Paccatthikesahadhammena suniggahitaṃ niggaṇhātīti ettha dvidhā paccatthikā nāma attapaccatthikā ca sāsanapaccatthikā ca. Tattha mettiyabhummajakā ca bhikkhū vaḍḍho ca licchavī amūlakena antimavatthunā codesuṃ, ime attapaccatthikā nāma. Ye vā panaññepi dussīlā pāpadhammā, sabbe te attapaccatthikā. Viparītadassanā pana ariṭṭhabhikkhukaṇṭakasāmaṇeravesālikavajjiputtakā mahāsaṅghikādayo ca abuddhasāsanaṃ ‘‘buddhasāsana’’nti vatvā katapaggahā sāsanapaccatthikā nāma. Te sabbepi sahadhammena sahakāraṇena vacanena yathā taṃ asaddhammaṃ patiṭṭhāpetuṃ na sakkonti, evaṃ suniggahitaṃ katvā niggaṇhāti.
сад̣̇д̇хаммадтид̇ияаа бадибанно ход̇ийд̇и зд̇т̇а бана д̇ивид̇хо сад̣̇д̇хаммо барияад̇д̇ибадибад̇д̇иад̇хиг̇амавасзна. д̇ад̇т̇а д̇ибидагам̣ б̣уд̣̇д̇хаважанам̣ барияад̇д̇исад̣̇д̇хаммо наама. д̇зраса д̇худ̇ан̇г̇аг̇ун̣аа жуд̣̇д̣̇аса канд̇хагавад̇д̇аани д̣̇взасийд̇и махаавад̇д̇аанийд̇и аяам̣ бадибад̇д̇исад̣̇д̇хаммо наама. жад̇д̇ааро маг̇г̇аа жа жад̇д̇аари палаани жа, аяам̣ ад̇хиг̇амасад̣̇д̇хаммо наама. д̇ад̇т̇а гзжи т̇зраа ‘‘яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’’д̇и (д̣̇ий. ни. 2.216) иминаа суд̇д̇зна ‘‘саасанасса барияад̇д̇и муула’’нд̇и вад̣̇анд̇и. гзжи т̇зраа ‘‘имз жа, субхад̣̇д̣̇а, бхигкуу саммаа вихарзяяум̣, асун̃н̃о лого араханд̇зхи ассаа’’д̇и иминаа суд̇д̇зна (д̣̇ий. ни. 2.214) ‘‘саасанасса бадибад̇д̇и муула’’нд̇и вад̇ваа ‘‘яаава бан̃жа бхигкуу саммаа бадибаннаа сам̣виж̇ж̇анд̇и, д̇аава саасанам̣ тид̇ам̣ ход̇ий’’д̇и аахам̣су. ид̇арз бана т̇зраа ‘‘барияад̇д̇ияаа анд̇арахид̇ааяа суббадибаннассаби д̇хаммаабхисамаяо над̇т̇ий’’д̇и вад̇ваа аахам̣су. сажзби бан̃жа бхигкуу жад̇д̇аари баарааж̇игаани рагкан̣агаа хонд̇и, д̇з сад̣̇д̇хз гулабуд̇д̇з баб̣б̣ааж̇зд̇ваа бажжанд̇имз ж̇анабад̣̇з убасамбаад̣̇зд̇ваа д̣̇асаваг̇г̇аг̇ан̣ам̣ буурзд̇ваа маж̇жхимаж̇анабад̣̇зби убасамбад̣̇ам̣ гариссанд̇и. зд̇знубааязна вийсад̇иваг̇г̇асан̇гхам̣ буурзд̇ваа ад̇д̇аноби аб̣бхаанагаммам̣ гад̇ваа саасанам̣ вуд̣дхим̣ вирул̣хим̣ г̇амаяиссанд̇и. звамаяам̣ винаяад̇харо д̇ивид̇хассаби сад̣̇д̇хаммасса жирадтид̇ияаа бадибанно ход̇ийд̇и. звамаяам̣ винаяад̇харо имз бан̃жаанисам̣сз бадилабхад̇ийд̇и взд̣̇ид̇аб̣б̣о.
Saddhammaṭṭhitiyā paṭipanno hotīti ettha pana tividho saddhammo pariyattipaṭipattiadhigamavasena. Tattha tipiṭakaṃ buddhavacanaṃ pariyattisaddhammo nāma. Terasa dhutaṅgaguṇā cuddasa khandhakavattāni dveasīti mahāvattānīti ayaṃ paṭipattisaddhammo nāma. Cattāro maggā ca cattāri phalāni ca, ayaṃ adhigamasaddhammo nāma. Tattha keci therā ‘‘yo vo, ānanda, mayā dhammo ca vinayo ca desito paññatto, so vo mamaccayena satthā’’ti (dī. ni. 2.216) iminā suttena ‘‘sāsanassa pariyatti mūla’’nti vadanti. Keci therā ‘‘ime ca, subhadda, bhikkhū sammā vihareyyuṃ, asuñño loko arahantehi assā’’ti iminā suttena (dī. ni. 2.214) ‘‘sāsanassa paṭipatti mūla’’nti vatvā ‘‘yāva pañca bhikkhū sammā paṭipannā saṃvijjanti, tāva sāsanaṃ ṭhitaṃ hotī’’ti āhaṃsu. Itare pana therā ‘‘pariyattiyā antarahitāya suppaṭipannassapi dhammābhisamayo natthī’’ti vatvā āhaṃsu. Sacepi pañca bhikkhū cattāri pārājikāni rakkhaṇakā honti, te saddhe kulaputte pabbājetvā paccantime janapade upasampādetvā dasavaggagaṇaṃ pūretvā majjhimajanapadepi upasampadaṃ karissanti. Etenupāyena vīsativaggasaṅghaṃ pūretvā attanopi abbhānakammaṃ katvā sāsanaṃ vuḍḍhiṃ viruḷhiṃ gamayissanti. Evamayaṃ vinayadharo tividhassapi saddhammassa ciraṭṭhitiyā paṭipanno hotīti. Evamayaṃ vinayadharo ime pañcānisaṃse paṭilabhatīti veditabbo.
винаяо сам̣варад̇т̇ааяаад̇иаад̣̇ийсу (бари. адта. 366) винаяод̇и винаяасса барияаабун̣анам̣, винаяод̇и ваа винаяабан̃н̃ад̇д̇и вуд̇д̇аа, д̇асмаа сагалааби винаяабан̃н̃ад̇д̇и винаяабарияаабун̣анам̣ ваа гааяаважийд̣̇ваарасам̣варад̇т̇ааяаад̇и ад̇т̇о, ааж̇ийвабаарисуд̣̇д̇хибарияосаанасса сийласса убаниссаяабажжаяо ход̇ийд̇и вуд̇д̇ам̣ ход̇и. авиббадисаарод̇и баабабун̃н̃аанам̣ гад̇аагад̇аанусожанавасзна бавад̇д̇ажид̇д̇авиббадисаараабхааво. баамож̇ж̇анд̇и д̣̇уб̣б̣алаа д̇арун̣абийд̇и. бийд̇ийд̇и б̣алавабийд̇и. бассад̣̇д̇хийд̇и гааяажид̇д̇ад̣̇арат̇абадиббассад̣̇д̇хи. суканд̇и гааяигам̣ жзд̇асиган̃жа сукам̣. д̇ан̃хи д̣̇увид̇хамби самаад̇хисса убаниссаяабажжаяо ход̇и. самаад̇хийд̇и жид̇д̇згаг̇г̇ад̇аа. яат̇аабхууд̇ан̃аан̣ад̣̇ассананд̇и саббажжаяанаамаруубабариг̇г̇ахо. ниб̣б̣ид̣̇аад̇и вибассанаа. ат̇а ваа яат̇аабхууд̇ан̃аан̣ад̣̇ассанам̣ д̇арун̣авибассанаа, уд̣̇аяаб̣б̣аяан̃аан̣ассзд̇ам̣ ад̇хиважанам̣. жид̇д̇згаг̇г̇ад̇аа хи д̇арун̣авибассанааяа убаниссаяабажжаяо ход̇и. ниб̣б̣ид̣̇аад̇и сикааббад̇д̇аа вудтаанаг̇ааминиб̣алававибассанаа. вирааг̇од̇и арияамаг̇г̇о. вимуд̇д̇ийд̇и арахад̇д̇апалам̣. жад̇уб̣б̣ид̇хоби хи арияамаг̇г̇о арахад̇д̇асса убаниссаяабажжаяо ход̇и. вимуд̇д̇ин̃аан̣ад̣̇ассананд̇и бажжавзгкан̣ан̃аан̣ам̣. анубаад̣̇аабариниб̣б̣аанад̇т̇ааяаад̇и ган̃жи д̇хаммам̣ аг̇г̇ахзд̇ваа анавасзсзд̇ваа бариниб̣б̣аанад̇т̇ааяа, аббажжаяабариниб̣б̣аанад̇т̇ааяаад̇и ад̇т̇о. аббажжаяабариниб̣б̣аанасса хи вимуд̇д̇ин̃аан̣ад̣̇ассанам̣ бажжаяо ход̇и д̇асмим̣ ануббад̇д̇з авассам̣ бариниб̣б̣ааяид̇аб̣б̣ад̇о, на жа бажжавзгкан̣ан̃аан̣з ануббаннз анд̇араа бариниб̣б̣аанам̣ ход̇и.
Vinayo saṃvaratthāyātiādīsu (pari. aṭṭha. 366) vinayoti vinayassa pariyāpuṇanaṃ, vinayoti vā vinayapaññatti vuttā, tasmā sakalāpi vinayapaññatti vinayapariyāpuṇanaṃ vā kāyavacīdvārasaṃvaratthāyāti attho, ājīvapārisuddhipariyosānassa sīlassa upanissayapaccayo hotīti vuttaṃ hoti. Avippaṭisāroti pāpapuññānaṃ katākatānusocanavasena pavattacittavippaṭisārābhāvo. Pāmojjanti dubbalā taruṇapīti. Pītīti balavapīti. Passaddhīti kāyacittadarathapaṭippassaddhi. Sukhanti kāyikaṃ cetasikañca sukhaṃ. Tañhi duvidhampi samādhissa upanissayapaccayo hoti. Samādhīti cittekaggatā. Yathābhūtañāṇadassananti sappaccayanāmarūpapariggaho. Nibbidāti vipassanā. Atha vā yathābhūtañāṇadassanaṃ taruṇavipassanā, udayabbayañāṇassetaṃ adhivacanaṃ. Cittekaggatā hi taruṇavipassanāya upanissayapaccayo hoti. Nibbidāti sikhāppattā vuṭṭhānagāminibalavavipassanā. Virāgoti ariyamaggo. Vimuttīti arahattaphalaṃ. Catubbidhopi hi ariyamaggo arahattassa upanissayapaccayo hoti. Vimuttiñāṇadassananti paccavekkhaṇañāṇaṃ. Anupādāparinibbānatthāyāti kañci dhammaṃ aggahetvā anavasesetvā parinibbānatthāya, appaccayaparinibbānatthāyāti attho. Appaccayaparinibbānassa hi vimuttiñāṇadassanaṃ paccayo hoti tasmiṃ anuppatte avassaṃ parinibbāyitabbato, na ca paccavekkhaṇañāṇe anuppanne antarā parinibbānaṃ hoti.
зд̇ад̣̇ад̇т̇аа гат̇аад̇и аяам̣ винаяагат̇аа наама зд̇ад̣̇ад̇т̇ааяа, анубаад̣̇аабариниб̣б̣аанад̇т̇ааяаад̇и ад̇т̇о. звам̣ саб̣б̣ад̇т̇аби. манд̇анааби винаяаманд̇анаазва, ‘‘звам̣ гариссаама, на гариссаамаа’’д̇и винаяабадиб̣ад̣̇д̇хасам̣санд̣̇анаа. зд̇ад̣̇ад̇т̇аа убанисаад̇и убанисийд̣̇ад̇и зд̇т̇а палам̣ д̇аббадиб̣ад̣̇д̇хавуд̇д̇ид̇ааяаад̇и убанисаа вужжад̇и гааран̣ам̣ бажжаяод̇и. ‘‘винаяо сам̣варад̇т̇ааяаа’’д̇иаад̣̇игаа гааран̣абарамбараа зд̇ад̣̇ад̇т̇аад̇и ад̇т̇о. зд̇ад̣̇ад̇т̇ам̣ сод̇аавад̇хаананд̇и имиссаа барамбарабажжаяагат̇ааяа сод̇аавад̇хаанам̣ имам̣ гат̇ам̣ суд̇ваа яам̣ уббаж̇ж̇ад̇и н̃аан̣ам̣, д̇амби зд̇ад̣̇ад̇т̇ам̣. яад̣̇ид̣̇ам̣ анубаад̣̇аажид̇д̇асса вимогкод̇и яад̣̇ид̣̇анд̇и нибаад̇о. саб̣б̣алин̇г̇авибхад̇д̇иважанзсу д̇аад̣̇исова д̇ад̇т̇а д̇ад̇т̇а ад̇т̇ад̇о барин̣аамзд̇аб̣б̣о, д̇асмаа звамзд̇т̇а ад̇т̇о взд̣̇ид̇аб̣б̣о – яо аяам̣ жад̇уухи убаад̣̇аанзхи анубаад̣̇ияид̇ваа жид̇д̇асса арахад̇д̇апаласан̇каад̇о вимогко, соби зд̇ад̣̇ад̇т̇ааяа анубаад̣̇аабариниб̣б̣аанад̇т̇ааяаад̇и звамзд̇т̇а самб̣анд̇хо взд̣̇ид̇аб̣б̣о. яо аяам̣ анубаад̣̇аажид̇д̇асса вимогкасан̇каад̇о маг̇г̇о, хздтаа вуд̇д̇ам̣ саб̣б̣амби зд̇ад̣̇ад̇т̇амзваад̇и. зван̃жа сад̇и иминаа махуссаахад̇о саад̇хид̇аб̣б̣ам̣ нияад̇аббаяож̇анам̣ д̣̇ассид̇ам̣ ход̇и. хздтаа ‘‘вирааг̇о…бз… ниб̣б̣аанад̇т̇ааяаа’’д̇и иминаа бана лаб̣бхамаанаанисам̣сапалам̣ д̣̇ассид̇анд̇и взд̣̇ид̇аб̣б̣ам̣. ааяог̇од̇и уг̇г̇ахан̣ажинд̇анаад̣̇ивасзна бунаббунам̣ абхияог̇о.
Etadatthā kathāti ayaṃ vinayakathā nāma etadatthāya, anupādāparinibbānatthāyāti attho. Evaṃ sabbatthapi. Mantanāpi vinayamantanāeva, ‘‘evaṃ karissāma, na karissāmā’’ti vinayapaṭibaddhasaṃsandanā. Etadatthā upanisāti upanisīdati ettha phalaṃ tappaṭibaddhavuttitāyāti upanisā vuccati kāraṇaṃ paccayoti. ‘‘Vinayo saṃvaratthāyā’’tiādikā kāraṇaparamparā etadatthāti attho. Etadatthaṃ sotāvadhānanti imissā paramparapaccayakathāya sotāvadhānaṃ imaṃ kathaṃ sutvā yaṃ uppajjati ñāṇaṃ, tampi etadatthaṃ. Yadidaṃ anupādācittassa vimokkhoti yadidanti nipāto. Sabbaliṅgavibhattivacanesu tādisova tattha tattha atthato pariṇāmetabbo, tasmā evamettha attho veditabbo – yo ayaṃ catūhi upādānehi anupādiyitvā cittassa arahattaphalasaṅkhāto vimokkho, sopi etadatthāya anupādāparinibbānatthāyāti evamettha sambandho veditabbo. Yo ayaṃ anupādācittassa vimokkhasaṅkhāto maggo, heṭṭhā vuttaṃ sabbampi etadatthamevāti. Evañca sati iminā mahussāhato sādhitabbaṃ niyatappayojanaṃ dassitaṃ hoti. Heṭṭhā ‘‘virāgo…pe… nibbānatthāyā’’ti iminā pana labbhamānānisaṃsaphalaṃ dassitanti veditabbaṃ. Āyogoti uggahaṇacintanādivasena punappunaṃ abhiyogo.
винаяаанисам̣сагат̇ааван̣н̣анаа нидтид̇аа.
Vinayānisaṃsakathāvaṇṇanā niṭṭhitā.
ид̇и саманд̇абаасаад̣̇игааяа винаяадтагат̇ааяа саарад̇т̇ад̣̇ийбанияам̣
Iti samantapāsādikāya vinayaṭṭhakathāya sāratthadīpaniyaṃ
б̣аахиранид̣̇аанаван̣н̣анаа самад̇д̇аа.
Bāhiranidānavaṇṇanā samattā.
