| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
винаяабан̃н̃ад̇д̇ияаажанагат̇аа
Vinayapaññattiyācanakathā
18. винаяабан̃н̃ад̇д̇ияаад̇и буб̣б̣з абан̃н̃ад̇д̇асигкаабад̣̇ам̣ санд̇хааяа вуд̇д̇ам̣. т̇зро хи бан̃н̃ад̇д̇асигкаабад̣̇аани табзд̇ваа ид̣̇аани бан̃н̃абзд̇аб̣б̣асигкаабад̣̇аани баад̇имогкуд̣̇д̣̇зсан̃жа санд̇хааяа ‘‘зд̇асса бхаг̇аваа гаало, зд̇асса суг̇ад̇а гаало, яам̣ бхаг̇аваа саавагаанам̣ сигкаабад̣̇ам̣ бан̃н̃абзяяа, уд̣̇д̣̇исзяяа баад̇имогка’’нд̇и (баараа. 21) ааха. бхаг̇авад̇ааби –
18.Vinayapaññattiyāti pubbe apaññattasikkhāpadaṃ sandhāya vuttaṃ. Thero hi paññattasikkhāpadāni ṭhapetvā idāni paññapetabbasikkhāpadāni pātimokkhuddesañca sandhāya ‘‘etassa bhagavā kālo, etassa sugata kālo, yaṃ bhagavā sāvakānaṃ sikkhāpadaṃ paññapeyya, uddiseyya pātimokkha’’nti (pārā. 21) āha. Bhagavatāpi –
‘‘го ну ко, бханд̇з, хзд̇у, го бажжаяо, язна буб̣б̣з аббад̇араани жзва сигкаабад̣̇аани ахзсум̣, б̣ахуд̇араа жа бхигкуу ан̃н̃ааяа сан̣тахим̣су. го бана, бханд̇з, хзд̇у, го бажжаяо, язна зд̇арахи б̣ахуд̇араани жзва сигкаабад̣̇аани хонд̇и, аббад̇араа жа бхигкуу ан̃н̃ааяа сан̣таханд̇ийд̇и. звамзд̇ам̣, бхад̣̇д̣̇аали, ход̇и, сад̇д̇зсу хааяамаанзсу сад̣̇д̇хаммз анд̇арад̇хааяамаанз б̣ахуд̇араани жзва сигкаабад̣̇аани хонд̇и, аббад̇араа жа бхигкуу ан̃н̃ааяа сан̣таханд̇ийд̇и. на д̇аава, бхад̣̇д̣̇аали, сад̇т̇аа саавагаанам̣ сигкаабад̣̇ам̣ бан̃н̃абзд̇и, яаава на ид̇хзгажжз аасавадтаанийяаа д̇хаммаа сан̇гхз баад̇убхаванд̇ий’’д̇и –
‘‘Ko nu kho, bhante, hetu, ko paccayo, yena pubbe appatarāni ceva sikkhāpadāni ahesuṃ, bahutarā ca bhikkhū aññāya saṇṭhahiṃsu. Ko pana, bhante, hetu, ko paccayo, yena etarahi bahutarāni ceva sikkhāpadāni honti, appatarā ca bhikkhū aññāya saṇṭhahantīti. Evametaṃ, bhaddāli, hoti, sattesu hāyamānesu saddhamme antaradhāyamāne bahutarāni ceva sikkhāpadāni honti, appatarā ca bhikkhū aññāya saṇṭhahantīti. Na tāva, bhaddāli, satthā sāvakānaṃ sikkhāpadaṃ paññapeti, yāva na idhekacce āsavaṭṭhānīyā dhammā saṅghe pātubhavantī’’ti –
имасмим̣ бхад̣̇д̣̇аалисуд̇д̇з (ма. ни. 2.145) вияа згажжзсу бан̃н̃ад̇д̇зсуби д̇ад̇о барам̣ бан̃н̃абзд̇аб̣б̣аани санд̇хааяа ‘‘на д̇аава, саарибуд̇д̇а, сад̇т̇аа саавагаанам̣ сигкаабад̣̇ам̣ бан̃н̃абзд̇ий’’д̇и вуд̇д̇ам̣. ид̇хзва жа адтагат̇ааяам̣ ‘‘саамамби бажанам̣ саман̣асааруббам̣ на ход̇и, на жа ваддад̇ий’’д̇и важанам̣ ‘‘рад̇д̇ижчзд̣̇о ваа вассажчзд̣̇о ваа на гад̇о’’д̇и важанан̃жа буб̣б̣з бан̃н̃ад̇д̇асигкаабад̣̇аанам̣ саб̣бхаавз бамаан̣анд̇и д̣̇адтаб̣б̣ам̣. сзсасигкаабад̣̇аанан̃жзва баад̇имогкуд̣̇д̣̇зсасса жа т̇зрасса ааяаажанзна бан̃н̃ад̇д̇ад̇д̇аа ‘‘муулад̇о бабхуд̇и нид̣̇аанам̣ д̣̇ассзд̇у’’нд̇и ааха. рахог̇ад̇ассаад̇и рахо ж̇анавивид̇д̇ам̣ таанам̣ убаг̇ад̇асса. д̇зна г̇ан̣асан̇г̇ан̣игаабхаавзна т̇зрасса гааяавивзгамааха. бадисаллийнассаад̇и наанаарамман̣ажаарад̇о жид̇д̇асса нивад̇д̇ияаа бади саммад̣̇зва нилийнасса д̇ад̇т̇а ависадажид̇д̇асса. д̇зна жид̇д̇асан̇г̇ан̣игаабхаавзнасса буб̣б̣абхааг̇ияам̣ жид̇д̇авивзгамааха. жиранд̇и гаалаабзгкам̣ ажжанд̇асам̣яог̇з убаяог̇аважанам̣. жираад̇и жирагаалаяуд̇д̇аа тид̇и абхзд̣̇зна вуд̇д̇аа.
Imasmiṃ bhaddālisutte (ma. ni. 2.145) viya ekaccesu paññattesupi tato paraṃ paññapetabbāni sandhāya ‘‘na tāva, sāriputta, satthā sāvakānaṃ sikkhāpadaṃ paññapetī’’ti vuttaṃ. Idheva ca aṭṭhakathāyaṃ ‘‘sāmampi pacanaṃ samaṇasāruppaṃ na hoti, na ca vaṭṭatī’’ti vacanaṃ ‘‘ratticchedo vā vassacchedo vā na kato’’ti vacanañca pubbe paññattasikkhāpadānaṃ sabbhāve pamāṇanti daṭṭhabbaṃ. Sesasikkhāpadānañceva pātimokkhuddesassa ca therassa āyācanena paññattattā ‘‘mūlato pabhuti nidānaṃ dassetu’’nti āha. Rahogatassāti raho janavivittaṃ ṭhānaṃ upagatassa. Tena gaṇasaṅgaṇikābhāvena therassa kāyavivekamāha. Paṭisallīnassāti nānārammaṇacārato cittassa nivattiyā paṭi sammadeva nilīnassa tattha avisaṭacittassa. Tena cittasaṅgaṇikābhāvenassa pubbabhāgiyaṃ cittavivekamāha. Ciranti kālāpekkhaṃ accantasaṃyoge upayogavacanaṃ. Cirāti cirakālayuttā ṭhiti abhedena vuttā.
зд̇ам̣ на саггод̇ийд̇и зд̇ам̣ винижчинид̇ум̣ на саггод̇и. адтагат̇ааяам̣ вуд̇д̇анаяам̣ д̣̇ассзд̇ваа ид̣̇аани т̇зраваад̣̇ам̣ д̣̇ассзнд̇о ааха ‘‘махаабад̣̇умад̇т̇зро банаа’’д̇иаад̣̇и. адтагат̇ааяамби ‘‘на саггод̇ий’’д̇и ид̣̇ам̣ яасмаа ж̇аанамааноби саммад̣̇зва барижчинд̣̇ид̇ум̣ на саггод̇и, д̇асмаа вуд̇д̇анд̇и вад̣̇анд̇и. сол̣асавид̇хааяа бан̃н̃ааяа мад̇т̇агам̣ бад̇д̇ассаад̇и маж̇жхиманигааяз анубад̣̇асуд̇д̇анд̇ад̣̇зсанааяа (ма. ни. 3.93) –
Etaṃna sakkotīti etaṃ vinicchinituṃ na sakkoti. Aṭṭhakathāyaṃ vuttanayaṃ dassetvā idāni theravādaṃ dassento āha ‘‘mahāpadumatthero panā’’tiādi. Aṭṭhakathāyampi ‘‘na sakkotī’’ti idaṃ yasmā jānamānopi sammadeva paricchindituṃ na sakkoti, tasmā vuttanti vadanti. Soḷasavidhāya paññāya matthakaṃ pattassāti majjhimanikāye anupadasuttantadesanāya (ma. ni. 3.93) –
‘‘махаабан̃н̃о бхигкавз саарибуд̇д̇о, бут̇убан̃н̃о бхигкавз саарибуд̇д̇о, хаасабан̃н̃о бхигкавз саарибуд̇д̇о, ж̇аванабан̃н̃о бхигкавз саарибуд̇д̇о, д̇игкабан̃н̃о бхигкавз саарибуд̇д̇о, ниб̣б̣зд̇хигабан̃н̃о бхигкавз саарибуд̇д̇о’’д̇и –
‘‘Mahāpañño bhikkhave sāriputto, puthupañño bhikkhave sāriputto, hāsapañño bhikkhave sāriputto, javanapañño bhikkhave sāriputto, tikkhapañño bhikkhave sāriputto, nibbedhikapañño bhikkhave sāriputto’’ti –
звамааг̇ад̇аа махаабан̃н̃аад̣̇игаа ча, д̇асмим̣язва суд̇д̇з ааг̇ад̇аа наваанубуб̣б̣авихаарасамаабад̇д̇ибан̃н̃аа, арахад̇д̇амаг̇г̇абан̃н̃аад̇и имаасам̣ сол̣асаббабхзд̣̇аанам̣ бан̃н̃аанам̣ саавагависаяз уггадтагодиббад̇д̇асса.
Evamāgatā mahāpaññādikā cha, tasmiṃyeva sutte āgatā navānupubbavihārasamāpattipaññā, arahattamaggapaññāti imāsaṃ soḷasappabhedānaṃ paññānaṃ sāvakavisaye ukkaṭṭhakoṭippattassa.
гасмаа банзд̇т̇а бхаг̇аваа вибассийаад̣̇ийнам̣ сад̇д̇аннам̣язва б̣уд̣̇д̇хаанам̣ б̣рахмажарияасса жирадтид̇игаажирадтид̇игабхаавам̣ гат̇зси, на б̣уд̣̇д̇хавам̣сад̣̇зсанааяам̣ вияа бан̃жавийсад̇ияаа б̣уд̣̇д̇хаанам̣, д̇ад̇о ваа бана бхияяод̇и? язсам̣ саммаасамб̣уд̣̇д̇хаанам̣ бадивзд̇хасаасанам̣ згам̣сад̇о нижчаязна аж̇ж̇ааби д̇харад̇и, на анд̇арахид̇ам̣, д̇з зва гид̇д̇знд̇о вибассийаад̣̇ийнам̣язва бхаг̇аванд̇аанам̣ б̣рахмажарияасса жирадтид̇игаажирадтид̇игабхаавам̣ ид̇ха гат̇зси. д̇зсам̣язва хи саавагаа д̇ад̣̇аа жзва зд̇арахи жа суд̣̇д̇хааваасабхуумияам̣ тид̇аа, на ан̃н̃зсам̣ бариниб̣б̣уд̇ад̇д̇аа. сид̣̇д̇хад̇т̇ад̇иссапуссаанам̣ гира б̣уд̣̇д̇хаанам̣ саавагаа суд̣̇д̇хааваасзсу уббаннаа уббад̇д̇исамананд̇арамзва имасмим̣ саасанз убагаад̣̇аяо вияа арахад̇д̇ам̣ ад̇хиг̇анд̇ваа на жирассзва бариниб̣б̣ааяим̣су, на д̇ад̇т̇а д̇ад̇т̇а саавагаа яаавад̇ааяугам̣ адтам̣сууд̇и вад̣̇анд̇и. абуб̣б̣аажариманияамо бана абараабарам̣ сам̣саран̣агасад̇д̇ааваасавасзна згиссаа логад̇хаад̇уяаа ижчид̇од̇и на д̇знзд̇ам̣ вируж̇жхад̇ийд̇и д̣̇адтаб̣б̣ам̣.
Kasmā panettha bhagavā vipassīādīnaṃ sattannaṃyeva buddhānaṃ brahmacariyassa ciraṭṭhitikāciraṭṭhitikabhāvaṃ kathesi, na buddhavaṃsadesanāyaṃ viya pañcavīsatiyā buddhānaṃ, tato vā pana bhiyyoti? Yesaṃ sammāsambuddhānaṃ paṭivedhasāsanaṃ ekaṃsato nicchayena ajjāpi dharati, na antarahitaṃ, te eva kittento vipassīādīnaṃyeva bhagavantānaṃ brahmacariyassa ciraṭṭhitikāciraṭṭhitikabhāvaṃ idha kathesi. Tesaṃyeva hi sāvakā tadā ceva etarahi ca suddhāvāsabhūmiyaṃ ṭhitā, na aññesaṃ parinibbutattā. Siddhatthatissaphussānaṃ kira buddhānaṃ sāvakā suddhāvāsesu uppannā uppattisamanantarameva imasmiṃ sāsane upakādayo viya arahattaṃ adhigantvā na cirasseva parinibbāyiṃsu, na tattha tattha sāvakā yāvatāyukaṃ aṭṭhaṃsūti vadanti. Apubbācarimaniyamo pana aparāparaṃ saṃsaraṇakasattāvāsavasena ekissā lokadhātuyā icchitoti na tenetaṃ virujjhatīti daṭṭhabbaṃ.
19. асаад̇хааран̣о хзд̇у, саад̇хааран̣о бажжаяод̇и звамаад̣̇ивибхааг̇зна ид̇ха баяож̇анам̣ над̇т̇и, вибассийаад̣̇ийнам̣ бана б̣рахмажарияасса ажирадтид̇игад̇ааяа жирадтид̇игад̇ааяа жа гааран̣абужчаабарад̇д̇аа жод̣̇анааяаад̇и ааха ‘‘хзд̇у бажжаяод̇и убхаяамзд̇ам̣ гааран̣аад̇хиважана’’нд̇и. хинод̇и д̇зна паланд̇и хзд̇ууд̇и гаран̣асаад̇ханояам̣ хзд̇усад̣̇д̣̇од̇и ааха ‘‘д̇зна д̇асса пала’’нд̇иаад̣̇и. гад̇д̇усаад̇ханоби хзд̇усад̣̇д̣̇о но на яуж̇ж̇ад̇и хинод̇и паласса хзд̇убхаавам̣ убаг̇ажчад̇ийд̇и хзд̇ууд̇и. д̇ам̣ бадижжа зд̇и бавад̇д̇ад̇ийд̇и д̇ам̣ гааран̣ам̣ бадижжа д̇асса палам̣ зд̇и бавад̇д̇ад̇и ниб̣б̣ад̇д̇ад̇ийд̇и ад̇т̇о.
19. Asādhāraṇo hetu, sādhāraṇo paccayoti evamādivibhāgena idha payojanaṃ natthi, vipassīādīnaṃ pana brahmacariyassa aciraṭṭhitikatāya ciraṭṭhitikatāya ca kāraṇapucchāparattā codanāyāti āha ‘‘hetu paccayoti ubhayametaṃ kāraṇādhivacana’’nti. Hinoti tena phalanti hetūti karaṇasādhanoyaṃ hetusaddoti āha ‘‘tena tassa phala’’ntiādi. Kattusādhanopi hetusaddo no na yujjati hinoti phalassa hetubhāvaṃ upagacchatīti hetūti. Taṃ paṭicca eti pavattatīti taṃ kāraṇaṃ paṭicca tassa phalaṃ eti pavattati nibbattatīti attho.
гилаасуно ахзсунд̇и аббоссуггаа ахзсум̣, нируссаахаа ахзсунд̇и ад̇т̇о. саа бана нируссаахад̇аа на ааласияавасзнаад̇и ааха ‘‘на ааласияагилаасуно’’д̇и, ааласияавасзна гилаасуно наахзсунд̇и ад̇т̇о. д̇ад̇т̇а гааран̣амааха ‘‘на хий’’д̇иаад̣̇и. ааласияам̣ ваад̇и иминаа т̇инамид̣̇д̇хавасаббавад̇д̇аанам̣ агусалаанам̣ абхаавамааха. осаннавийрияад̇аа ваад̇и иминаа бана ‘‘ааласияаабхаавзби анд̇амасо аннабхааранзсаад̣̇аанамби саггажжам̣язва д̇хаммам̣ д̣̇зсзд̇ий’’д̇и важанад̇о яасса гассажиби д̇хаммад̣̇зсанааяа нируссаахад̇аа над̇т̇ийд̇и д̣̇ийбзд̇и саб̣б̣зсам̣ самагзнзва уссаахзна д̇хаммад̣̇зсанааяа бавад̇д̇анад̇о. д̇знааха ‘‘б̣уд̣̇д̇хаа хий’’д̇иаад̣̇и. осаннавийрияаад̇и охийнавийрияаа, аббоссуггаад̇и ад̇т̇о. уссаннавийрияаад̇и ад̇хигавийрияаа, махуссаахаад̇и ад̇т̇о. взг̇знаад̇и ж̇авзна. д̇хаммз г̇ару зд̇зсанд̇и д̇хаммаг̇аруно. д̇хаммз г̇ааравамзд̇зсанд̇и д̇хаммаг̇аараваа. вибассисса бхаг̇авад̇о гаалз асийд̇и вассасахассаани ааяуббамаан̣ам̣ сикисса сад̇д̇ад̇и вассасахассаани, взссабхусса садтивассасахассаани ааяуббамаан̣анд̇и ааха ‘‘д̇зсам̣ гира гаалз д̣̇ийгхааяугаа сад̇д̇аа’’д̇и. абхисамзнд̇ийд̇и бадивиж̇жханд̇и.
Kilāsunoahesunti appossukkā ahesuṃ, nirussāhā ahesunti attho. Sā pana nirussāhatā na ālasiyavasenāti āha ‘‘na ālasiyakilāsuno’’ti, ālasiyavasena kilāsuno nāhesunti attho. Tattha kāraṇamāha ‘‘na hī’’tiādi. Ālasiyaṃ vāti iminā thinamiddhavasappavattānaṃ akusalānaṃ abhāvamāha. Osannavīriyatā vāti iminā pana ‘‘ālasiyābhāvepi antamaso annabhāranesādānampi sakkaccaṃyeva dhammaṃ desetī’’ti vacanato yassa kassacipi dhammadesanāya nirussāhatā natthīti dīpeti sabbesaṃ samakeneva ussāhena dhammadesanāya pavattanato. Tenāha ‘‘buddhā hī’’tiādi. Osannavīriyāti ohīnavīriyā, appossukkāti attho. Ussannavīriyāti adhikavīriyā, mahussāhāti attho. Vegenāti javena. Dhamme garu etesanti dhammagaruno. Dhamme gāravametesanti dhammagāravā. Vipassissa bhagavato kāle asīti vassasahassāni āyuppamāṇaṃ sikhissa sattati vassasahassāni, vessabhussa saṭṭhivassasahassāni āyuppamāṇanti āha ‘‘tesaṃ kira kāle dīghāyukā sattā’’ti. Abhisamentīti paṭivijjhanti.
нид̣̇д̣̇осад̇ааяаад̇и вийд̇иггамад̣̇осасса абхаавад̇о. ‘‘имасмим̣ вийд̇иггамз аяам̣ наама аабад̇д̇ий’’д̇и звам̣ аабад̇д̇ивасзна абан̃н̃абзд̇ваа ‘‘баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇ий’’д̇иаад̣̇инаа (д̣̇ий. ни. 1.8, 194) д̇хаммад̣̇зсанаавасзна оваад̣̇асигкаабад̣̇аанам̣язва бан̃н̃ад̇д̇ад̇д̇аа вуд̇д̇ам̣ ‘‘сад̇д̇аабад̇д̇игканд̇хавасзна аан̣аасигкаабад̣̇ам̣ абан̃н̃ад̇д̇а’’нд̇и. чаннам̣ чаннам̣ вассаанам̣ ажжаязнаад̇и баатасзсо д̣̇адтаб̣б̣о. ат̇а ваа чаннам̣ чаннам̣ вассаанам̣ осаанад̣̇ивасам̣ абзгкид̇ваа ‘‘сагим̣ саги’’нд̇и вуд̇д̇ад̇д̇аа д̇ад̣̇абзгкамид̣̇ам̣ саамиважанам̣. сагалаж̇амб̣уд̣̇ийбз саб̣б̣оби бхигкусан̇гхо згасмим̣язва таанз убосат̇ам̣ агаасийд̇и самб̣анд̇хо. гад̇амам̣ д̇ам̣ таананд̇и ааха ‘‘б̣анд̇хумад̇ияаа рааж̇ад̇хаанияаа’’д̇иаад̣̇и. исибад̇анам̣ д̇зна самаязна кзмам̣ наама уяяаанам̣ ход̇и, миг̇аанам̣ бана абхаяаваасад̇т̇ааяа д̣̇иннад̇д̇аа миг̇ад̣̇ааяод̇и вужжад̇и. д̇ам̣ санд̇хааяа вуд̇д̇ам̣ ‘‘кзмз миг̇ад̣̇ааяз’’д̇и.
Niddosatāyāti vītikkamadosassa abhāvato. ‘‘Imasmiṃ vītikkame ayaṃ nāma āpattī’’ti evaṃ āpattivasena apaññapetvā ‘‘pāṇātipātaṃ pahāya pāṇātipātā paṭivirato hotī’’tiādinā (dī. ni. 1.8, 194) dhammadesanāvasena ovādasikkhāpadānaṃyeva paññattattā vuttaṃ ‘‘sattāpattikkhandhavasena āṇāsikkhāpadaṃ apaññatta’’nti. Channaṃ channaṃ vassānaṃ accayenāti pāṭhaseso daṭṭhabbo. Atha vā channaṃ channaṃ vassānaṃ osānadivasaṃ apekkhitvā ‘‘sakiṃ saki’’nti vuttattā tadapekkhamidaṃ sāmivacanaṃ. Sakalajambudīpe sabbopi bhikkhusaṅgho ekasmiṃyeva ṭhāne uposathaṃ akāsīti sambandho. Katamaṃ taṃ ṭhānanti āha ‘‘bandhumatiyā rājadhāniyā’’tiādi. Isipatanaṃ tena samayena khemaṃ nāma uyyānaṃ hoti, migānaṃ pana abhayavāsatthāya dinnattā migadāyoti vuccati. Taṃ sandhāya vuttaṃ ‘‘kheme migadāye’’ti.
аб̣б̣огин̣н̣аани д̣̇асаби вийсад̇иби бхигкусахассаани васанд̇ийд̇и висабхааг̇абуг̇г̇алзхи асам̣садтаани д̣̇асаби вийсад̇иби бхигкуунам̣ сахассаани васанд̇и. д̣̇ийгханигааяадтагат̇ааяам̣ бана ‘‘д̇з саб̣б̣зби д̣̇ваад̣̇асасахассабхигкуг̇ан̣ханагаа махаавихаараа абхаяаг̇ирижзд̇ияабаб̣б̣ад̇ажид̇д̇алабаб̣б̣ад̇авихаарасад̣̇исаа жа ахзсу’’нд̇и вуд̇д̇ам̣. убосат̇аарожигаад̇и убосат̇аарожанагаа. д̇аа гира д̣̇звад̇аа згамхи вассз нигканд̇з д̇ад̇т̇а д̇ад̇т̇а г̇анд̇ваа аарожзнд̇и ‘‘нигканд̇ам̣ ко, маарисаа, згам̣ вассам̣, бан̃жа д̣̇аани вассаани сзсаани, бан̃жаннам̣ вассаанам̣ ажжаязна б̣анд̇хумад̇ий рааж̇ад̇хааний убасан̇гамид̇аб̣б̣аа баад̇имогкуд̣̇д̣̇зсааяаа’’д̇и. д̇ат̇аа д̣̇вийсу вассзсу нигканд̇зсу ‘‘нигканд̇аани ко, маарисаа, д̣̇вз вассаани , жад̇д̇аари вассаани сзсаани, жад̇уннам̣ вассаанам̣ ажжаязна б̣анд̇хумад̇ий рааж̇ад̇хааний убасан̇гамид̇аб̣б̣аа баад̇имогкуд̣̇д̣̇зсааяаа’’д̇и аарожзнд̇и. иминаава наязна д̇ийсу жад̇уусу бан̃жасу вассзсу ад̇игганд̇зсу аарожзнд̇и. д̇зна вуд̇д̇ам̣ ‘‘маарисаа згам̣ вассам̣ ад̇игганд̇а’’нд̇иаад̣̇и. саанубхааваад̇и ид̣̇д̇хаанубхаавзна саанубхааваа. д̇з гира бхигкууд̇и яз д̣̇звад̇аанубхаавзна г̇ажчанд̇и, д̇з санд̇хааяа вад̣̇ад̇и. баажийнасамуд̣̇д̣̇анд̇зд̇и баажийнасамуд̣̇д̣̇асса самийбад̣̇зсз. г̇амияавад̇д̇анд̇и г̇амигзхи гаад̇аб̣б̣ам̣ сзнаасанабадиж̇аг̇г̇анаад̣̇ивад̇д̇ам̣. убосат̇аг̇г̇анд̇и убосат̇агаран̣адтаанам̣. г̇ад̇аава хонд̇ийд̇и д̣̇звад̇аанубхаавзна г̇ад̇аа зва хонд̇и. д̇зд̇и ад̇д̇ано ад̇д̇ано аанубхаавзна д̣̇звад̇аанубхаавзна жа г̇ад̇аа саб̣б̣зби.
Abbokiṇṇāni dasapi vīsatipi bhikkhusahassāni vasantīti visabhāgapuggalehi asaṃsaṭṭhāni dasapi vīsatipi bhikkhūnaṃ sahassāni vasanti. Dīghanikāyaṭṭhakathāyaṃ pana ‘‘te sabbepi dvādasasahassabhikkhugaṇhanakā mahāvihārā abhayagiricetiyapabbatacittalapabbatavihārasadisā ca ahesu’’nti vuttaṃ. Uposathārocikāti uposathārocanakā. Tā kira devatā ekamhi vasse nikkhante tattha tattha gantvā ārocenti ‘‘nikkhantaṃ kho, mārisā, ekaṃ vassaṃ, pañca dāni vassāni sesāni, pañcannaṃ vassānaṃ accayena bandhumatī rājadhānī upasaṅkamitabbā pātimokkhuddesāyā’’ti. Tathā dvīsu vassesu nikkhantesu ‘‘nikkhantāni kho, mārisā, dve vassāni , cattāri vassāni sesāni, catunnaṃ vassānaṃ accayena bandhumatī rājadhānī upasaṅkamitabbā pātimokkhuddesāyā’’ti ārocenti. Imināva nayena tīsu catūsu pañcasu vassesu atikkantesu ārocenti. Tena vuttaṃ ‘‘mārisā ekaṃ vassaṃ atikkanta’’ntiādi. Sānubhāvāti iddhānubhāvena sānubhāvā. Te kira bhikkhūti ye devatānubhāvena gacchanti, te sandhāya vadati. Pācīnasamuddanteti pācīnasamuddassa samīpadese. Gamiyavattanti gamikehi kātabbaṃ senāsanapaṭijagganādivattaṃ. Uposathagganti uposathakaraṇaṭṭhānaṃ. Gatāva hontīti devatānubhāvena gatā eva honti. Teti attano attano ānubhāvena devatānubhāvena ca gatā sabbepi.
канд̇ий бараманд̇иаад̣̇ийсу (д̣̇ий. ни. адта. 2.90; д̇ха. ба. адта. 2.185) баруубаваад̣̇ам̣ бараабагаарам̣ сийд̇ун̣хаад̣̇ибхзд̣̇ан̃жа г̇ун̣обарод̇хам̣ камад̇и сахад̇и ад̇хиваасзд̇ийд̇и канд̇и. саа бана сийлаад̣̇ийнам̣ бадибагкад̇хаммз сависзсам̣ д̇абад̇и санд̇абад̇и вид̇хамад̇ийд̇и барамам̣ уд̇д̇амам̣ д̇або. д̇ид̇игканам̣ каманам̣ д̇ид̇игкаа. канд̇ияааязвзд̇ам̣ взважанам̣. агкаражинд̇агаа хи камааяам̣ д̇ид̇игкаасад̣̇д̣̇ам̣ ван̣н̣знд̇и, д̇асмаа звамзд̇т̇а ад̇т̇о д̣̇адтаб̣б̣о ‘‘д̇ид̇игкаасан̇каад̇аа ад̇хиваасанаканд̇и наама уд̇д̇амам̣ д̇або’’д̇и. ниб̣б̣аанам̣ барамам̣ вад̣̇анд̇и б̣уд̣̇д̇хаад̇и бхавзна бхаванд̇арам̣ винаад̇и бхаваниганд̇ибхаавзна сам̣сиб̣б̣ад̇и, сад̇ан̣хассзва ваа ааяад̇им̣ бунаб̣бхавабхаавад̇о палзна сад̣̇д̇хим̣ гаммам̣ винаад̇и сам̣сиб̣б̣ад̇ийд̇и ваананд̇и сан̇кяам̣ г̇ад̇ааяа д̇ан̣хааяа нигканд̇ам̣ ниб̣б̣аанам̣ д̇ад̇т̇а д̇ассаа саб̣б̣асо абхаавад̇о. д̇ам̣ ниб̣б̣аанам̣ бана санд̇абан̣ийд̇анибун̣асивакзмаад̣̇инаа саб̣б̣аагаарзна бараманд̇и вад̣̇анд̇и б̣уд̣̇д̇хаа.
Khantī paramantiādīsu (dī. ni. aṭṭha. 2.90; dha. pa. aṭṭha. 2.185) parūpavādaṃ parāpakāraṃ sītuṇhādibhedañca guṇoparodhaṃ khamati sahati adhivāsetīti khanti. Sā pana sīlādīnaṃ paṭipakkhadhamme savisesaṃ tapati santapati vidhamatīti paramaṃ uttamaṃ tapo. Titikkhanaṃ khamanaṃ titikkhā. Khantiyāyevetaṃ vevacanaṃ. Akkharacintakā hi khamāyaṃ titikkhāsaddaṃ vaṇṇenti, tasmā evamettha attho daṭṭhabbo ‘‘titikkhāsaṅkhātā adhivāsanakhanti nāma uttamaṃ tapo’’ti. Nibbānaṃ paramaṃ vadanti buddhāti bhavena bhavantaraṃ vināti bhavanikantibhāvena saṃsibbati, sataṇhasseva vā āyatiṃ punabbhavabhāvato phalena saddhiṃ kammaṃ vināti saṃsibbatīti vānanti saṅkhyaṃ gatāya taṇhāya nikkhantaṃ nibbānaṃ tattha tassā sabbaso abhāvato. Taṃ nibbānaṃ pana santapaṇītanipuṇasivakhemādinā sabbākārena paramanti vadanti buddhā.
на хи баб̣б̣аж̇ид̇о баруубагхаад̇ийд̇и яо ад̇хиваасанаканд̇ирахид̇ад̇д̇аа барам̣ убагхаад̇зд̇и б̣аад̇хад̇и вихим̣сад̇и, со баб̣б̣аж̇ид̇о наама на ход̇и баб̣б̣ааж̇зд̇аб̣б̣ад̇хаммасса абаб̣б̣ааж̇анад̇о. жад̇уд̇т̇абаад̣̇о бана д̇ад̇ияабаад̣̇ассзва взважанам̣ анад̇т̇анд̇арад̇д̇аа. ‘‘на хи баб̣б̣аж̇ид̇о’’д̇и зд̇асса хи ‘‘на саман̣о ход̇ий’’д̇и взважанам̣. ‘‘баруубагхаад̇ий’’д̇и зд̇асса ‘‘барам̣ вихзтаяанд̇о’’д̇и взважанам̣. ат̇а ваа баруубагхаад̇ийд̇и сийлуубагхаад̇ий. сийлан̃хи уд̇д̇амадтзна ‘‘бара’’нд̇и вужжад̇и барасад̣̇д̣̇асса сздтаваажагад̇д̇аа ‘‘буг̇г̇алабаробаран̃н̃уу’’д̇иаад̣̇ийсу вияа. яо жа саман̣о барам̣ яам̣ ган̃жи сад̇д̇ам̣ вихзтаяанд̇о баруубагхаад̇ий ход̇и ад̇д̇ано сийлавинаасаго, со баб̣б̣аж̇ид̇о наама на ход̇ийд̇и ад̇т̇о. ат̇а ваа яо ад̇хиваасанаканд̇ияаа абхааваа баруубагхаад̇ий ход̇и, барам̣ анд̇амасо д̣ам̣самагасамби ж̇ийвид̇аа воробзд̇и, со на хи баб̣б̣аж̇ид̇о. гим̣ гааран̣аа? баабамаласса абаб̣б̣ааж̇ид̇ад̇д̇аа анийхадад̇д̇аа. ‘‘баб̣б̣ааж̇аяамад̇д̇ано малам̣, д̇асмаа баб̣б̣аж̇ид̇од̇и вужжад̇ий’’д̇и (д̇ха. ба. 388) ид̣̇ан̃хи баб̣б̣аж̇ид̇алагкан̣ам̣ . яоби нахзва ко убагхаад̇зд̇и на маарзд̇и, абижа д̣̇ан̣д̣аад̣̇ийхи вихзтзд̇и, соби барам̣ вихзтаяанд̇о саман̣о на ход̇и. гим̣гааран̣аа? вихзсааяа асамид̇ад̇д̇аа. самид̇ад̇д̇аа саман̣од̇и вужжад̇ийд̇и ид̣̇ан̃хи саман̣алагкан̣ам̣. ‘‘самид̇ад̇д̇аа хи баабаанам̣, саман̣од̇и бавужжад̇ий’’д̇и (д̇ха. ба. 265) хи вуд̇д̇ам̣.
Na hi pabbajito parūpaghātīti yo adhivāsanakhantirahitattā paraṃ upaghāteti bādhati vihiṃsati, so pabbajito nāma na hoti pabbājetabbadhammassa apabbājanato. Catutthapādo pana tatiyapādasseva vevacanaṃ anatthantarattā. ‘‘Na hi pabbajito’’ti etassa hi ‘‘na samaṇo hotī’’ti vevacanaṃ. ‘‘Parūpaghātī’’ti etassa ‘‘paraṃ viheṭhayanto’’ti vevacanaṃ. Atha vā parūpaghātīti sīlūpaghātī. Sīlañhi uttamaṭṭhena ‘‘para’’nti vuccati parasaddassa seṭṭhavācakattā ‘‘puggalaparoparaññū’’tiādīsu viya. Yo ca samaṇo paraṃ yaṃ kañci sattaṃ viheṭhayanto parūpaghātī hoti attano sīlavināsako, so pabbajito nāma na hotīti attho. Atha vā yo adhivāsanakhantiyā abhāvā parūpaghātī hoti, paraṃ antamaso ḍaṃsamakasampi jīvitā voropeti, so na hi pabbajito. Kiṃ kāraṇā? Pāpamalassa apabbājitattā anīhaṭattā. ‘‘Pabbājayamattano malaṃ, tasmā pabbajitoti vuccatī’’ti (dha. pa. 388) idañhi pabbajitalakkhaṇaṃ . Yopi naheva kho upaghāteti na māreti, apica daṇḍādīhi viheṭheti, sopi paraṃ viheṭhayanto samaṇo na hoti. Kiṃkāraṇā? Vihesāya asamitattā. Samitattā samaṇoti vuccatīti idañhi samaṇalakkhaṇaṃ. ‘‘Samitattā hi pāpānaṃ, samaṇoti pavuccatī’’ti (dha. pa. 265) hi vuttaṃ.
абижа бхаг̇аваа бхигкуунам̣ баад̇имогкам̣ уд̣̇д̣̇исанд̇о баад̇имогкагат̇ааяа жа сийлаббад̇хаанад̇д̇аа сийласса жа висзсад̇о д̣̇осо бадибагкод̇и д̇асса ниг̇г̇ан̣ханавид̇хим̣ д̣̇ассзд̇ум̣ аад̣̇ид̇о ‘‘канд̇ий барамам̣ д̇або’’д̇и ааха. д̇зна анидтасса бадиханануубааяо вуд̇д̇о, д̇ид̇игкааг̇г̇ахан̣зна бана идтасса, д̇ад̣̇убхаязнаби уббаннам̣ арад̇им̣ уббаннам̣ рад̇им̣ абхибхуяяа вихарад̇ийд̇и аяамад̇т̇о д̣̇ассид̇о. д̇ан̣хааваанасса вуубасаманад̇о ниб̣б̣аанам̣ барамам̣ вад̣̇анд̇и б̣уд̣̇д̇хаа. д̇ад̇т̇а канд̇иг̇г̇ахан̣зна баяог̇авибад̇д̇ияаа абхааво д̣̇ассид̇о, д̇ид̇игкааг̇г̇ахан̣зна аасаяавибад̇д̇ияаа абхааво. д̇ат̇аа канд̇иг̇г̇ахан̣зна бараабараад̇хасахад̇аа, д̇ид̇игкааг̇г̇ахан̣зна барзсу анабараж̇жханаа д̣̇ассид̇аа. звам̣ гааран̣амукзна анваяад̇о баад̇имогкам̣ д̣̇ассзд̇ваа ид̣̇аани б̣яад̇ирзгад̇о д̇ам̣ д̣̇ассзд̇ум̣ ‘‘на хий’’д̇иаад̣̇и вуд̇д̇ам̣. д̇зна яат̇аа сад̇д̇аанам̣ ж̇ийвид̇аа воробанам̣ барам̣ баан̣илзд̣д̣уд̣̇ан̣д̣аад̣̇ийхи вихзтанан̃жа ‘‘баруубагхаад̇о барам̣ вихзтана’’нд̇и вужжад̇и, звам̣ д̇зсам̣ саабад̇зяяаавахаран̣ам̣ бараамасанам̣ висам̣ваад̣̇анам̣ ан̃н̃аман̃н̃абхзд̣̇анам̣ парусаважанзна маммагхадданам̣ нирад̇т̇агавиббалаабо барасанд̇агаабхиж̇жхаанам̣ ужчзд̣̇ажинд̇анам̣ мижчаабхинивзсанан̃жа убагхаад̇о баравихзтанан̃жа ход̇ийд̇и яасса гассажи агусаласса гаммабат̇асса гаммасса жа гаран̣зна баб̣б̣аж̇ид̇о саман̣о жа на ход̇ийд̇и д̣̇ассзд̇и.
Apica bhagavā bhikkhūnaṃ pātimokkhaṃ uddisanto pātimokkhakathāya ca sīlappadhānattā sīlassa ca visesato doso paṭipakkhoti tassa niggaṇhanavidhiṃ dassetuṃ ādito ‘‘khantī paramaṃ tapo’’ti āha. Tena aniṭṭhassa paṭihananūpāyo vutto, titikkhāggahaṇena pana iṭṭhassa, tadubhayenapi uppannaṃ aratiṃ uppannaṃ ratiṃ abhibhuyya viharatīti ayamattho dassito. Taṇhāvānassa vūpasamanato nibbānaṃ paramaṃ vadanti buddhā. Tattha khantiggahaṇena payogavipattiyā abhāvo dassito, titikkhāggahaṇena āsayavipattiyā abhāvo. Tathā khantiggahaṇena parāparādhasahatā, titikkhāggahaṇena paresu anaparajjhanā dassitā. Evaṃ kāraṇamukhena anvayato pātimokkhaṃ dassetvā idāni byatirekato taṃ dassetuṃ ‘‘na hī’’tiādi vuttaṃ. Tena yathā sattānaṃ jīvitā voropanaṃ paraṃ pāṇileḍḍudaṇḍādīhi viheṭhanañca ‘‘parūpaghāto paraṃ viheṭhana’’nti vuccati, evaṃ tesaṃ sāpateyyāvaharaṇaṃ parāmasanaṃ visaṃvādanaṃ aññamaññabhedanaṃ pharusavacanena mammaghaṭṭanaṃ niratthakavippalāpo parasantakābhijjhānaṃ ucchedacintanaṃ micchābhinivesanañca upaghāto paraviheṭhanañca hotīti yassa kassaci akusalassa kammapathassa kammassa ca karaṇena pabbajito samaṇo ca na hotīti dasseti.
д̣̇уд̇ияаг̇аат̇ааяа саб̣б̣абаабассаад̇и саб̣б̣аагусаласса саб̣б̣ассаби д̣̇ваад̣̇асаагусаласса саб̣б̣ажид̇д̇уббаад̣̇асан̇г̇ахид̇асса сааваж̇ж̇ад̇хаммасса. агаран̣анд̇и ануббаад̣̇анам̣. гаран̣ан̃хи наама д̇асса ад̇д̇ано санд̇аанз уббаад̣̇ананд̇и д̇аббадигкзбад̇о агаран̣ам̣ ануббаад̣̇анам̣. гусалассаад̇и жад̇убхуумигагусаласса. ‘‘гусалассаа’’д̇и хи ид̣̇ам̣ ‘‘зд̇ам̣ б̣уд̣̇д̇хаана саасана’’нд̇и вагкамаанад̇д̇аа арияамаг̇г̇ад̇хаммз д̇зсан̃жа самбхаарабхууд̇з д̇збхуумигагусалз д̇хаммз б̣од̇хзд̇и. убасамбад̣̇аад̇и убасамбаад̣̇анам̣. д̇ам̣ бана ад̇т̇ад̇о д̇асса гусаласса самад̇хиг̇амо бадилаабхо. сажид̇д̇абарияод̣̇абананд̇и ад̇д̇ано жид̇д̇асса ж̇од̇анам̣ жид̇д̇асса бабхассарабхаавагаран̣ам̣ саб̣б̣асо барисод̇ханам̣. д̇ам̣ бана арахад̇д̇зна ход̇и. зд̇т̇а жа яасмаа аг̇г̇амаг̇г̇асаман̇г̇ино жид̇д̇ам̣ саб̣б̣асо барияод̣̇абийяад̇и наама, аг̇г̇апалагкан̣з бана барияод̣̇абид̇ам̣ ход̇и буна барияод̣̇абзд̇аб̣б̣ад̇ааяа абхаавад̇о, д̇асмаа баринидтид̇абарияод̣̇абанад̇ам̣ санд̇хааяа вуд̇д̇ам̣ ‘‘д̇ам̣ бана арахад̇д̇зна ход̇ий’’д̇и. ид̇и сийласам̣варзна саб̣б̣абаабам̣ бахааяа логияалогуд̇д̇араахи самат̇авибассанаахи гусалам̣ самбаад̣̇зд̇ваа арахад̇д̇апалзна жид̇д̇ам̣ барияод̣̇абзд̇аб̣б̣анд̇и зд̇ам̣ б̣уд̣̇д̇хаанам̣ саасанам̣ оваад̣̇о анусидти.
Dutiyagāthāya sabbapāpassāti sabbākusalassa sabbassapi dvādasākusalassa sabbacittuppādasaṅgahitassa sāvajjadhammassa. Akaraṇanti anuppādanaṃ. Karaṇañhi nāma tassa attano santāne uppādananti tappaṭikkhepato akaraṇaṃ anuppādanaṃ. Kusalassāti catubhūmikakusalassa. ‘‘Kusalassā’’ti hi idaṃ ‘‘etaṃ buddhāna sāsana’’nti vakkhamānattā ariyamaggadhamme tesañca sambhārabhūte tebhūmikakusale dhamme bodheti. Upasampadāti upasampādanaṃ. Taṃ pana atthato tassa kusalassa samadhigamo paṭilābho. Sacittapariyodapananti attano cittassa jotanaṃ cittassa pabhassarabhāvakaraṇaṃ sabbaso parisodhanaṃ. Taṃ pana arahattena hoti. Ettha ca yasmā aggamaggasamaṅgino cittaṃ sabbaso pariyodapīyati nāma, aggaphalakkhaṇe pana pariyodapitaṃ hoti puna pariyodapetabbatāya abhāvato, tasmā pariniṭṭhitapariyodapanataṃ sandhāya vuttaṃ ‘‘taṃ pana arahattena hotī’’ti. Iti sīlasaṃvarena sabbapāpaṃ pahāya lokiyalokuttarāhi samathavipassanāhi kusalaṃ sampādetvā arahattaphalena cittaṃ pariyodapetabbanti etaṃ buddhānaṃ sāsanaṃ ovādo anusiṭṭhi.
д̇ад̇ияаг̇аат̇ааяа анубаваад̣̇од̇и ваажааяа гассажи анубавад̣̇анам̣. анубагхаад̇од̇и гааязна манасаа жа гассажи убагхаад̇аагаран̣ам̣ манасааби барзсам̣ анад̇т̇ажинд̇анаад̣̇ивасзна убагхаад̇агаран̣асса важ̇ж̇зд̇аб̣б̣ад̇д̇аа. баад̇имогкзд̇и яам̣ д̇ам̣ баад̇имогкам̣ ад̇ибамогкам̣ уд̇д̇амам̣ сийлам̣, баад̇и ваа суг̇ад̇ибхаязхи могкзд̇и д̣̇уг̇г̇ад̇ибхаязхи, яо ваа нам̣ баад̇и, д̇ам̣ могкзд̇ийд̇и баад̇имогканд̇и вужжад̇и, д̇асмим̣ баад̇имогкз жа. сам̣варод̇и сад̇д̇аннам̣ аабад̇д̇игканд̇хаанам̣ авийд̇иггамалагкан̣о сам̣варо. мад̇д̇ан̃н̃уд̇аад̇и бхож̇анз мад̇д̇ан̃н̃уд̇аа бадиг̇г̇ахан̣абарибхог̇авасзна бамаан̣ан̃н̃уд̇аа. банд̇ан̃жа саяанаасананд̇и ж̇анасан̇гхаддавирахид̇ам̣ ниж̇ж̇анасамб̣аад̇хам̣ вивид̇д̇ам̣ сзнаасанан̃жа. зд̇т̇а д̣̇вийхиязва бажжаязхи жад̇убажжаяасанд̇осо д̣̇ийбид̇од̇и взд̣̇ид̇аб̣б̣о бажжаяасанд̇осасааман̃н̃зна ид̇арад̣̇ваяассаби лагкан̣ахааранаязна ж̇од̇ид̇абхаавад̇о. ад̇хижид̇д̇з жа ааяог̇од̇и вибассанаабаад̣̇агам̣ адтасамаабад̇д̇ижид̇д̇ам̣ ад̇хижид̇д̇ам̣, д̇ад̇оби жа маг̇г̇апалажид̇д̇амзва ад̇хижид̇д̇ам̣, д̇асмим̣ яат̇аавуд̇д̇з ад̇хижид̇д̇з ааяог̇о жа, ануяог̇од̇и ад̇т̇о. зд̇ам̣ б̣уд̣̇д̇хаана саасананд̇и зд̇ам̣ барасса анубавад̣̇анам̣ анубагхаад̇анам̣ баад̇имогкз сам̣варо бадиг̇г̇ахан̣абарибхог̇зсу мад̇д̇ан̃н̃уд̇аа вивид̇д̇асзнаасанасзванам̣ ад̇хижид̇д̇аануяог̇о жа б̣уд̣̇д̇хаанам̣ саасанам̣ оваад̣̇о анусидти.
Tatiyagāthāya anupavādoti vācāya kassaci anupavadanaṃ. Anupaghātoti kāyena manasā ca kassaci upaghātākaraṇaṃ manasāpi paresaṃ anatthacintanādivasena upaghātakaraṇassa vajjetabbattā. Pātimokkheti yaṃ taṃ paatimokkhaṃ atipamokkhaṃ uttamaṃ sīlaṃ, pāti vā sugatibhayehi mokkheti duggatibhayehi, yo vā naṃ pāti, taṃ mokkhetīti pātimokkhanti vuccati, tasmiṃ pātimokkhe ca. Saṃvaroti sattannaṃ āpattikkhandhānaṃ avītikkamalakkhaṇo saṃvaro. Mattaññutāti bhojane mattaññutā paṭiggahaṇaparibhogavasena pamāṇaññutā. Pantañca sayanāsananti janasaṅghaṭṭavirahitaṃ nijjanasambādhaṃ vivittaṃ senāsanañca. Ettha dvīhiyeva paccayehi catupaccayasantoso dīpitoti veditabbo paccayasantosasāmaññena itaradvayassapi lakkhaṇahāranayena jotitabhāvato. Adhicitte ca āyogoti vipassanāpādakaṃ aṭṭhasamāpatticittaṃ adhicittaṃ, tatopi ca maggaphalacittameva adhicittaṃ, tasmiṃ yathāvutte adhicitte āyogo ca, anuyogoti attho. Etaṃ buddhāna sāsananti etaṃ parassa anupavadanaṃ anupaghātanaṃ pātimokkhe saṃvaro paṭiggahaṇaparibhogesu mattaññutā vivittasenāsanasevanaṃ adhicittānuyogo ca buddhānaṃ sāsanaṃ ovādo anusiṭṭhi.
имаа бана саб̣б̣аб̣уд̣̇д̇хаанам̣ баад̇имогкуд̣̇д̣̇зсаг̇аат̇аа хонд̇ийд̇и взд̣̇ид̇аб̣б̣аа. д̇знааха ‘‘зд̇знзва убааязнаа’’д̇иаад̣̇и. яаава саасанабарияанд̇аад̇и д̇харамаанагаб̣уд̣̇д̇хаанам̣ анусаасанабарияанд̇ам̣ санд̇хааяа вуд̇д̇ам̣, яаава б̣уд̣̇д̇хаа д̇харанд̇и, д̇аава уд̣̇д̣̇исид̇аб̣б̣ад̇ам̣ ааг̇ажчанд̇ийд̇и вуд̇д̇ам̣ ход̇и. оваад̣̇абаад̇имогкан̃хи б̣уд̣̇д̇хааязва уд̣̇д̣̇исанд̇и, на саавагаа. батамаб̣од̇хияам̣язва уд̣̇д̣̇зсамааг̇ажчанд̇ийд̇и самб̣анд̇хо. батамаб̣од̇хи жзд̇т̇а вийсад̇ивассабарижчиннаад̇и махааг̇ан̣тибад̣̇з вуд̇д̇ам̣. д̇ан̃жа хздтаа адтагат̇ааяамзва ‘‘бхаг̇авад̇о хи батамаб̣од̇хияам̣ вийсад̇ивассанд̇арз ниб̣ад̣̇д̇хубадтааго наама над̇т̇ий’’д̇и гат̇ид̇ад̇д̇аа ‘‘батамаб̣од̇хи наама вийсад̇ивассааний’’д̇и г̇ахзд̇ваа вуд̇д̇ам̣. аажарияад̇хаммабаалад̇т̇зрзна бана ‘‘бан̃жажад̇д̇аалийсааяа вассзсу аад̣̇ид̇о баннараса вассаани батамаб̣од̇хий’’д̇и вуд̇д̇ам̣. зван̃жа сад̇и маж̇жхз баннараса вассаани маж̇жхимаб̣од̇хи, анд̇з баннараса вассаани бажчимаб̣од̇хийд̇и д̇ин̣н̣ам̣ б̣од̇хийнам̣ самаббамаан̣ад̇аа сияаад̇и д̇амби яуд̇д̇ам̣. баннарасад̇д̇игзна хи бан̃жажад̇д̇аалийса вассаани буурзнд̇и. адтагат̇ааяам̣ бана баннарасавассаббамаан̣ааяа батамаб̣од̇хияаа вийсад̇ивассзсуязва анд̇ог̇ад̇хад̇д̇аа ‘‘батамаб̣од̇хияам̣ вийсад̇ивассанд̇арз’’д̇и вуд̇д̇анд̇и звамби саггаа вин̃н̃аад̇ум̣.
Imā pana sabbabuddhānaṃ pātimokkhuddesagāthā hontīti veditabbā. Tenāha ‘‘eteneva upāyenā’’tiādi. Yāva sāsanapariyantāti dharamānakabuddhānaṃ anusāsanapariyantaṃ sandhāya vuttaṃ, yāva buddhā dharanti, tāva uddisitabbataṃ āgacchantīti vuttaṃ hoti. Ovādapātimokkhañhi buddhāyeva uddisanti, na sāvakā. Paṭhamabodhiyaṃyeva uddesamāgacchantīti sambandho. Paṭhamabodhi cettha vīsativassaparicchinnāti mahāgaṇṭhipade vuttaṃ. Tañca heṭṭhā aṭṭhakathāyameva ‘‘bhagavato hi paṭhamabodhiyaṃ vīsativassantare nibaddhupaṭṭhāko nāma natthī’’ti kathitattā ‘‘paṭhamabodhi nāma vīsativassānī’’ti gahetvā vuttaṃ. Ācariyadhammapālattherena pana ‘‘pañcacattālīsāya vassesu ādito pannarasa vassāni paṭhamabodhī’’ti vuttaṃ. Evañca sati majjhe pannarasa vassāni majjhimabodhi, ante pannarasa vassāni pacchimabodhīti tiṇṇaṃ bodhīnaṃ samappamāṇatā siyāti tampi yuttaṃ. Pannarasattikena hi pañcacattālīsa vassāni pūrenti. Aṭṭhakathāyaṃ pana pannarasavassappamāṇāya paṭhamabodhiyā vīsativassesuyeva antogadhattā ‘‘paṭhamabodhiyaṃ vīsativassantare’’ti vuttanti evampi sakkā viññātuṃ.
нану жа гаанижи сигкаабад̣̇аани бан̃н̃абзд̇вааби на д̇аава аан̣аабаад̇имогкам̣ анун̃н̃аад̇ам̣ бажчаа т̇зрасса ааяаажанзна анун̃н̃аад̇ад̇д̇аа, д̇асмаа гат̇амзд̇ам̣ вуд̇д̇ам̣ ‘‘сигкаабад̣̇абан̃н̃ад̇д̇игаалад̇о бана бабхуд̇и аан̣аабаад̇имогкамзва уд̣̇д̣̇исийяад̇ий’’д̇и, яад̣̇иби гаанижи сигкаабад̣̇аани бан̃н̃абзд̇ваава аан̣аабаад̇имогкам̣ на анун̃н̃аад̇ам̣, д̇ат̇ааби абан̃н̃ад̇д̇з сигкаабад̣̇з аан̣аабаад̇имогкам̣ над̇т̇и, гинд̇у бан̃н̃ад̇д̇зязваад̇и имамад̇т̇ам̣ д̣̇ассзд̇ум̣ ‘‘сигкаабад̣̇абан̃н̃ад̇д̇игаалад̇о бана бабхуд̇ий’’д̇и вуд̇д̇ам̣. буб̣б̣аараамзд̇и саавад̇т̇ияаа баажийнад̣̇исаабхааг̇з гад̇ад̇д̇аа звам̣лад̣̇д̇хавохаарз махаавихаарз. миг̇аарамаад̇убаасаад̣̇зд̇и миг̇аарасздтино маад̇удтаанияад̇д̇аа миг̇аарамаад̇аад̇и сан̇кяам̣ г̇ад̇ааяа висаакаамахааубаасигааяа гаарид̇з баасаад̣̇з. адтаананд̇и хзд̇убадигкзбо. анавагаасод̇и бажжаяабадигкзбо. убхаязнаби гааран̣амзва бадигкибад̇и. яанд̇и язна гааран̣зна.
Nanu ca kānici sikkhāpadāni paññapetvāpi na tāva āṇāpātimokkhaṃ anuññātaṃ pacchā therassa āyācanena anuññātattā, tasmā kathametaṃ vuttaṃ ‘‘sikkhāpadapaññattikālato pana pabhuti āṇāpātimokkhameva uddisīyatī’’ti, yadipi kānici sikkhāpadāni paññapetvāva āṇāpātimokkhaṃ na anuññātaṃ, tathāpi apaññatte sikkhāpade āṇāpātimokkhaṃ natthi, kintu paññatteyevāti imamatthaṃ dassetuṃ ‘‘sikkhāpadapaññattikālato pana pabhutī’’ti vuttaṃ. Pubbārāmeti sāvatthiyā pācīnadisābhāge katattā evaṃladdhavohāre mahāvihāre. Migāramātupāsādeti migāraseṭṭhino mātuṭṭhāniyattā migāramātāti saṅkhyaṃ gatāya visākhāmahāupāsikāya kārite pāsāde. Aṭṭhānanti hetupaṭikkhepo. Anavakāsoti paccayapaṭikkhepo. Ubhayenapi kāraṇameva paṭikkhipati. Yanti yena kāraṇena.
д̇зсанд̇и бхигкуунам̣. саммукасаавагаанам̣ санд̇игз баб̣б̣аж̇ид̇аад̇и саб̣б̣анд̇имаанам̣ субхад̣̇д̣̇асад̣̇исаанам̣ саммукасаавагаанам̣ санд̇игз баб̣б̣аж̇ид̇з санд̇хааяа вад̣̇ад̇и. кад̇д̇ияагулаад̣̇ивасзнзва вивид̇хаа гулаад̇и самб̣анд̇хо. ужжанийжаул̣аарул̣аарабхог̇аад̣̇игулавасзна ваад̇и ужжанийжагулавасзна ул̣аарул̣аарабхог̇аад̣̇игулавасзна ваад̇и яож̇зд̇аб̣б̣ам̣. д̇ад̇т̇а кад̇д̇ияаб̣раахман̣авасзна ваа кад̇д̇ияаб̣раахман̣аг̇ахабад̇игаанам̣ васзна ваа ужжагулад̇аа взд̣̇ид̇аб̣б̣аа, сзсаанам̣ васзна нийжагулад̇аа. ул̣аарул̣аарабхог̇аад̣̇игулавасзна ваад̇и ул̣аарад̇арад̇амаубабхог̇аванд̇аад̣̇игулавасзна. ул̣аараад̇исаяаж̇од̇анад̇т̇ан̃хи буна ул̣аараг̇г̇ахан̣ам̣ ‘‘д̣̇угкад̣̇угка’’нд̇иаад̣̇ийсу вияа. аад̣̇и-сад̣̇д̣̇зна ул̣аараанул̣аараанам̣ г̇ахан̣ам̣ взд̣̇ид̇аб̣б̣ам̣.
Tesanti bhikkhūnaṃ. Sammukhasāvakānaṃ santike pabbajitāti sabbantimānaṃ subhaddasadisānaṃ sammukhasāvakānaṃ santike pabbajite sandhāya vadati. Khattiyakulādivaseneva vividhā kulāti sambandho. Uccanīcauḷāruḷārabhogādikulavasena vāti uccanīcakulavasena uḷāruḷārabhogādikulavasena vāti yojetabbaṃ. Tattha khattiyabrāhmaṇavasena vā khattiyabrāhmaṇagahapatikānaṃ vasena vā uccakulatā veditabbā, sesānaṃ vasena nīcakulatā. Uḷāruḷārabhogādikulavasena vāti uḷārataratamaupabhogavantādikulavasena. Uḷārātisayajotanatthañhi puna uḷāraggahaṇaṃ ‘‘dukkhadukkha’’ntiādīsu viya. Ādi-saddena uḷārānuḷārānaṃ gahaṇaṃ veditabbaṃ.
б̣рахмажарияам̣ рагканд̇ийд̇и вуд̇д̇амзвад̇т̇ам̣ багаасзд̇ваа д̣̇ассзнд̇о ааха ‘‘жирам̣ барияад̇д̇ид̇хаммам̣ барихаранд̇ий’’д̇и. абан̃н̃ад̇д̇зби сигкаабад̣̇з яад̣̇и самаанаж̇аад̇иаад̣̇игаа сияум̣, ад̇д̇ано ад̇д̇ано гулаануг̇ад̇аг̇ант̇ам̣ вияа на наасзяяум̣. яасмаа бана сигкаабад̣̇амби абан̃н̃ад̇д̇ам̣, имз жа бхигкуу на самаанаж̇аад̇иаад̣̇игаа, д̇асмаа винаасзсунд̇и имамад̇т̇ам̣ д̣̇ассзд̇ум̣ ‘‘яасмаа зганаамаа…бз… д̇асмаа ан̃н̃аман̃н̃ам̣ вихзтзнд̇аа’’д̇иаад̣̇и вуд̇д̇ам̣. яад̣̇и звам̣ гасмаа жирадтид̇игаваарзби ‘‘наанаанаамаа’’д̇иаад̣̇и вуд̇д̇анд̇и? сад̇иби д̇зсам̣ наанааж̇ажжаад̣̇ибхаавз сигкаабад̣̇абан̃н̃ад̇д̇ияаа зва саасанасса жираббавад̇д̇ийд̇и д̣̇ассанад̇т̇ам̣ вуд̇д̇ам̣. сигкаабад̣̇абан̃н̃ад̇д̇ивасзнзва саасанасса жираббавад̇д̇и. яасмаа б̣уд̣̇д̇хаа ад̇д̇ано бариниб̣б̣аанад̇о уд̣̇д̇хамби винзд̇аб̣б̣асад̇д̇асамбхавз сад̇и сигкаабад̣̇ам̣ бан̃н̃абзнд̇и, асад̇и на бан̃н̃абзнд̇и, д̇асмаад̇и взд̣̇ид̇аб̣б̣о. яат̇аа гааяаважийд̣̇ваарасан̇каад̇ам̣ вин̃н̃ад̇д̇им̣ самудтаабзд̇ваа бавад̇д̇амаанамби жид̇д̇ам̣ д̇ассааязва вин̃н̃ад̇д̇ияаа васзна бавад̇д̇анад̇о ‘‘гааяаважийд̣̇ваарзхи бавад̇д̇а’’нд̇и вужжад̇и, звам̣самбад̣̇амид̣̇ам̣ д̣̇адтаб̣б̣ам̣. яат̇аа д̇анд̇и зд̇т̇а д̇анд̇и нибаад̇амад̇д̇ам̣. ваг̇г̇асан̇г̇ахабан̣н̣аасасан̇г̇ахаад̣̇ийхийд̇и сийлагканд̇хаваг̇г̇амахааваг̇г̇аад̣̇иваг̇г̇асан̇г̇ахавасзна муулабан̣н̣аасамаажхамабан̣н̣аасаад̣̇ибан̣н̣аасасан̇г̇ахавасзна. аад̣̇и-сад̣̇д̣̇зна сам̣яуд̇д̇аад̣̇исан̇г̇ахо взд̣̇ид̇аб̣б̣о.
Brahmacariyaṃ rakkhantīti vuttamevatthaṃ pakāsetvā dassento āha ‘‘ciraṃ pariyattidhammaṃ pariharantī’’ti. Apaññattepi sikkhāpade yadi samānajātiādikā siyuṃ, attano attano kulānugataganthaṃ viya na nāseyyuṃ. Yasmā pana sikkhāpadampi apaññattaṃ, ime ca bhikkhū na samānajātiādikā, tasmā vināsesunti imamatthaṃ dassetuṃ ‘‘yasmā ekanāmā…pe… tasmā aññamaññaṃ viheṭhentā’’tiādi vuttaṃ. Yadi evaṃ kasmā ciraṭṭhitikavārepi ‘‘nānānāmā’’tiādi vuttanti? Satipi tesaṃ nānājaccādibhāve sikkhāpadapaññattiyā eva sāsanassa cirappavattīti dassanatthaṃ vuttaṃ. Sikkhāpadapaññattivaseneva sāsanassa cirappavatti. Yasmā buddhā attano parinibbānato uddhampi vinetabbasattasambhave sati sikkhāpadaṃ paññapenti, asati na paññapenti, tasmāti veditabbo. Yathā kāyavacīdvārasaṅkhātaṃ viññattiṃ samuṭṭhāpetvā pavattamānampi cittaṃ tassāyeva viññattiyā vasena pavattanato ‘‘kāyavacīdvārehi pavatta’’nti vuccati, evaṃsampadamidaṃ daṭṭhabbaṃ. Yathā tanti ettha tanti nipātamattaṃ. Vaggasaṅgahapaṇṇāsasaṅgahādīhīti sīlakkhandhavaggamahāvaggādivaggasaṅgahavasena mūlapaṇṇāsamaajhamapaṇṇāsādipaṇṇāsasaṅgahavasena. Ādi-saddena saṃyuttādisaṅgaho veditabbo.
звам̣ вид̇аггзт̇а, маа звам̣ вид̇аггаяид̇т̇аад̇и зд̇т̇а званд̇и яат̇аанусидтааяа анусаасанияаа вид̇хивасзна бадисзд̇ханавасзна жа бавад̇д̇ид̇аагаарабараамасанам̣, саа жа саммаавид̇аггаанам̣ мижчаавид̇аггаанан̃жа бавад̇д̇иаагаарад̣̇ассанавасзна бавад̇д̇ад̇и ад̇т̇ааанисам̣сасса аад̣̇ийнавасса жа вибхааванад̇т̇ам̣. д̇знааха ‘‘нзгкаммавид̇аггаад̣̇аяо д̇аяо вид̇аггз вид̇аггзт̇аа’’д̇иаад̣̇и. зд̇т̇а аад̣̇и-сад̣̇д̣̇зна аб̣яаабаад̣̇авид̇аггаавихим̣саавид̇аггаанам̣ г̇ахан̣ам̣ взд̣̇ид̇аб̣б̣ам̣. д̇ад̇т̇а нзгкаммам̣ вужжад̇и лобхад̇о нигканд̇ад̇д̇аа алобхо, нийваран̣зхи нигканд̇ад̇д̇аа батамаж̇жхаанам̣, саб̣б̣аагусалзхи нигканд̇ад̇д̇аа саб̣б̣о гусало д̇хаммо, саб̣б̣асан̇кад̇зхи нигканд̇ад̇д̇аа ниб̣б̣аанам̣, убаниссаяад̇о самбаяог̇ад̇о аарамман̣агаран̣ад̇о жа нзгкаммзна бадисам̣яуд̇д̇о вид̇агго нзгкаммавид̇агго, саммаасан̇габбо. со асубхаж̇жхаанасса буб̣б̣абхааг̇з гаамааважаро ход̇и, асубхаж̇жхаанз руубааважаро, д̇ам̣ жхаанам̣ баад̣̇агам̣ гад̇ваа уббаннамаг̇г̇апалагаалз логуд̇д̇аро. б̣яаабаад̣̇асса бадибагко аб̣яаабаад̣̇о, ган̃жиби на б̣яаабаад̣̇знд̇и зд̇знаад̇и ваа аб̣яаабаад̣̇о, мзд̇д̇аа. яат̇аавуд̇д̇зна аб̣яаабаад̣̇зна бадисам̣яуд̇д̇о вид̇агго аб̣яаабаад̣̇авид̇агго. со мзд̇д̇аажхаанасса буб̣б̣абхааг̇з гаамааважаро ход̇и, мзд̇д̇аабхааванаавасзна ад̇хиг̇ад̇з батамаж̇жхаанз руубааважаро, д̇ам̣ жхаанам̣ баад̣̇агам̣ гад̇ваа уббаннамаг̇г̇апалагаалз логуд̇д̇аро. вихим̣сааяа бадибагкаа, на вихим̣санд̇и ваа зд̇ааяа сад̇д̇зд̇и авихим̣саа, гарун̣аа. д̇ааяа бадисам̣яуд̇д̇о вид̇агго авихим̣саавид̇агго. со гарун̣аажхаанасса буб̣б̣абхааг̇з гаамааважаро, гарун̣аабхааванаавасзна ад̇хиг̇ад̇з батамаж̇жхаанз руубааважаро, д̇ам̣ жхаанам̣ баад̣̇агам̣ гад̇ваа уббаннамаг̇г̇апалагаалз логуд̇д̇аро.
Evaṃvitakketha, mā evaṃ vitakkayitthāti ettha evanti yathānusiṭṭhāya anusāsaniyā vidhivasena paṭisedhanavasena ca pavattitākāraparāmasanaṃ, sā ca sammāvitakkānaṃ micchāvitakkānañca pavattiākāradassanavasena pavattati atthaānisaṃsassa ādīnavassa ca vibhāvanatthaṃ. Tenāha ‘‘nekkhammavitakkādayo tayo vitakke vitakkethā’’tiādi. Ettha ādi-saddena abyāpādavitakkaavihiṃsāvitakkānaṃ gahaṇaṃ veditabbaṃ. Tattha nekkhammaṃ vuccati lobhato nikkhantattā alobho, nīvaraṇehi nikkhantattā paṭhamajjhānaṃ, sabbākusalehi nikkhantattā sabbo kusalo dhammo, sabbasaṅkhatehi nikkhantattā nibbānaṃ, upanissayato sampayogato ārammaṇakaraṇato ca nekkhammena paṭisaṃyutto vitakko nekkhammavitakko, sammāsaṅkappo. So asubhajjhānassa pubbabhāge kāmāvacaro hoti, asubhajjhāne rūpāvacaro, taṃ jhānaṃ pādakaṃ katvā uppannamaggaphalakāle lokuttaro. Byāpādassa paṭipakkho abyāpādo, kañcipi na byāpādenti etenāti vā abyāpādo, mettā. Yathāvuttena abyāpādena paṭisaṃyutto vitakko abyāpādavitakko. So mettājhānassa pubbabhāge kāmāvacaro hoti, mettābhāvanāvasena adhigate paṭhamajjhāne rūpāvacaro, taṃ jhānaṃ pādakaṃ katvā uppannamaggaphalakāle lokuttaro. Vihiṃsāya paṭipakkhā, na vihiṃsanti vā etāya satteti avihiṃsā, karuṇā. Tāya paṭisaṃyutto vitakko avihiṃsāvitakko. So karuṇājhānassa pubbabhāge kāmāvacaro, karuṇābhāvanāvasena adhigate paṭhamajjhāne rūpāvacaro, taṃ jhānaṃ pādakaṃ katvā uppannamaggaphalakāle lokuttaro.
нану жа алобхаад̣̇осаамохаанам̣ ан̃н̃аман̃н̃аавирахад̇о нзсам̣ васзна уббаж̇ж̇анагаанам̣ имзсам̣ нзгкаммавид̇аггаад̣̇ийнам̣ ан̃н̃аман̃н̃ам̣ асан̇гарад̇о вавад̇т̇аанам̣ на ход̇ийд̇и? но на ход̇и. яад̣̇аа хи алобхо бад̇хаано ход̇и нияамид̇абарин̣ад̇асамуд̣̇аажаараад̣̇ивасзна, д̇ад̣̇аа ид̇арз д̣̇вз д̇ад̣̇анвааяигаа бхаванд̇и. д̇ат̇аа хи яад̣̇аа алобхаббад̇хаано нзгкаммаг̇аруго жид̇д̇уббаад̣̇о ход̇и, д̇ад̣̇аа лад̣̇д̇хаавасаро нзгкаммавид̇агго бад̇идтахад̇и. д̇ам̣самбаяуд̇д̇асса бана ад̣̇осалагкан̣асса аб̣яаабаад̣̇асса васзна яо д̇ассзва аб̣яаабаад̣̇авид̇аггабхааво самбхавзяяа, сад̇и жа аб̣яаабаад̣̇авид̇аггабхаавз гассажиби авихзтанаж̇аад̇игад̇ааяа авихим̣саавид̇аггабхааво жа самбхавзяяа. д̇з ид̇арз д̣̇вз д̇ассзва нзгкаммавид̇аггасса ануг̇аамино саруубад̇о ад̣̇иссанад̇о д̇асмим̣ сад̇и хонд̇и, асад̇и на хонд̇ийд̇и анумаанзяяаа бхаванд̇и. звамзва яад̣̇аа мзд̇д̇аабад̇хаано жид̇д̇уббаад̣̇о ход̇и, д̇ад̣̇аа ид̇арз д̣̇вз д̇ад̣̇анвааяигаа бхаванд̇и. яад̣̇аа гарун̣аабад̇хаано жид̇д̇уббаад̣̇о ход̇и, д̇ад̣̇аа ид̇арз д̣̇вз д̇ад̣̇анвааяигаа бхаванд̇и.
Nanu ca alobhādosāmohānaṃ aññamaññāvirahato nesaṃ vasena uppajjanakānaṃ imesaṃ nekkhammavitakkādīnaṃ aññamaññaṃ asaṅkarato vavatthānaṃ na hotīti? No na hoti. Yadā hi alobho padhāno hoti niyamitapariṇatasamudācārādivasena, tadā itare dve tadanvāyikā bhavanti. Tathā hi yadā alobhappadhāno nekkhammagaruko cittuppādo hoti, tadā laddhāvasaro nekkhammavitakko patiṭṭhahati. Taṃsampayuttassa pana adosalakkhaṇassa abyāpādassa vasena yo tasseva abyāpādavitakkabhāvo sambhaveyya, sati ca abyāpādavitakkabhāve kassacipi aviheṭhanajātikatāya avihiṃsāvitakkabhāvo ca sambhaveyya. Te itare dve tasseva nekkhammavitakkassa anugāmino sarūpato adissanato tasmiṃ sati honti, asati na hontīti anumāneyyā bhavanti. Evameva yadā mettāpadhāno cittuppādo hoti, tadā itare dve tadanvāyikā bhavanti. Yadā karuṇāpadhāno cittuppādo hoti, tadā itare dve tadanvāyikā bhavanti.
гаамавид̇аггаад̣̇аяод̇и зд̇т̇а аад̣̇и-сад̣̇д̣̇зна б̣яаабаад̣̇авид̇аггавихим̣саавид̇аггаанам̣ г̇ахан̣ам̣ взд̣̇ид̇аб̣б̣ам̣. д̇ад̇т̇а гаамабадисам̣яуд̇д̇о вид̇агго гаамавид̇агго. зд̇т̇а хи д̣̇вз гаамаа вад̇т̇угаамо жа гилзсагаамо жа. д̇ад̇т̇а вад̇т̇угаамабагкз аарамман̣авасзна гаамзхи бадисам̣яуд̇д̇о вид̇агго гаамавид̇агго, гилзсагаамабагкз бана самбаяог̇авасзна гаамзна бадисам̣яуд̇д̇од̇и яож̇зд̇аб̣б̣ам̣. б̣яаабаад̣̇абадисам̣яуд̇д̇о вид̇агго б̣яаабаад̣̇авид̇агго. вихим̣саабадисам̣яуд̇д̇о вид̇агго вихим̣саавид̇агго. д̇зсу д̣̇вз сад̇д̇зсуби сан̇каарзсуби уббаж̇ж̇анд̇и. гаамавид̇агго хи бияз манаабз сад̇д̇з ваа сан̇каарз ваа вид̇аггзнд̇асса уббаж̇ж̇ад̇и, б̣яаабаад̣̇авид̇агго аббияз аманаабз сад̇д̇з ваа сан̇каарз ваа гуж̇жхид̇ваа ологанагаалад̇о бадтааяа яаава винаасанаа уббаж̇ж̇ад̇и, вихим̣саавид̇агго сан̇каарзсу нуббаж̇ж̇ад̇и. сан̇кааро хи д̣̇угкаабзд̇аб̣б̣о наама над̇т̇и, ‘‘имз сад̇д̇аа хан̃н̃анд̇у ваа ужчиж̇ж̇анд̇у ваа винассанд̇у ваа маа ваа ахзсу’’нд̇и жинд̇анагаалз бана сад̇д̇зсу уббаж̇ж̇ад̇и. ат̇а гасмаа вуд̇д̇ам̣ ‘‘сан̇кааро д̣̇угкаабзд̇аб̣б̣о наама над̇т̇ий’’д̇и, нану яз д̣̇угкаабзд̇аб̣б̣аад̇и ижчид̇аа сад̇д̇асан̃н̃ид̇аа, д̇зби ад̇т̇ад̇о сан̇каараа зваад̇и? сажжамзд̇ам̣, д̇з бана инд̣̇рияаб̣ад̣̇д̇хаа савин̃н̃аан̣агад̇ааяа д̣̇угкам̣ бадисам̣взд̣̇знд̇и, д̇асмаа д̇з вихим̣саавид̇аггасса висаяаа ижчид̇аа сад̇д̇асан̃н̃ид̇аа. яз бана на д̣̇угкам̣ бадисам̣взд̣̇знд̇и вуд̇д̇алагкан̣ааяог̇ад̇о, д̇з санд̇хааяа ‘‘вихим̣саавид̇агго сан̇каарзсу нуббаж̇ж̇ад̇ий’’д̇и вуд̇д̇ам̣.
Kāmavitakkādayoti ettha ādi-saddena byāpādavitakkavihiṃsāvitakkānaṃ gahaṇaṃ veditabbaṃ. Tattha kāmapaṭisaṃyutto vitakko kāmavitakko. Ettha hi dve kāmā vatthukāmo ca kilesakāmo ca. Tattha vatthukāmapakkhe ārammaṇavasena kāmehi paṭisaṃyutto vitakko kāmavitakko, kilesakāmapakkhe pana sampayogavasena kāmena paṭisaṃyuttoti yojetabbaṃ. Byāpādapaṭisaṃyutto vitakko byāpādavitakko. Vihiṃsāpaṭisaṃyutto vitakko vihiṃsāvitakko. Tesu dve sattesupi saṅkhāresupi uppajjanti. Kāmavitakko hi piye manāpe satte vā saṅkhāre vā vitakkentassa uppajjati, byāpādavitakko appiye amanāpe satte vā saṅkhāre vā kujjhitvā olokanakālato paṭṭhāya yāva vināsanā uppajjati, vihiṃsāvitakko saṅkhāresu nuppajjati. Saṅkhāro hi dukkhāpetabbo nāma natthi, ‘‘ime sattā haññantu vā ucchijjantu vā vinassantu vā mā vā ahesu’’nti cintanakāle pana sattesu uppajjati. Atha kasmā vuttaṃ ‘‘saṅkhāro dukkhāpetabbo nāma natthī’’ti, nanu ye dukkhāpetabbāti icchitā sattasaññitā, tepi atthato saṅkhārā evāti? Saccametaṃ, te pana indriyabaddhā saviññāṇakatāya dukkhaṃ paṭisaṃvedenti, tasmā te vihiṃsāvitakkassa visayā icchitā sattasaññitā. Ye pana na dukkhaṃ paṭisaṃvedenti vuttalakkhaṇāyogato, te sandhāya ‘‘vihiṃsāvitakko saṅkhāresu nuppajjatī’’ti vuttaṃ.
анубаад̣̇ааяа аасавзхи жид̇д̇аани вимужжим̣сууд̇и зд̇т̇а аасавзхийд̇и гад̇т̇уад̇т̇з гаран̣анид̣̇д̣̇зсо, жид̇д̇аанийд̇и бажжад̇д̇аб̣ахуважанам̣, вимужжим̣сууд̇и гаммасаад̇ханам̣, д̇асмаа аасавзхи гад̇д̇убхууд̇зхи анубаад̣̇ааяа аарамман̣авасзна аг̇г̇ахзд̇ваа жид̇д̇аани вимужжид̇аанийд̇и звамзд̇т̇а ад̇т̇о г̇ахзд̇аб̣б̣од̇и ааха ‘‘д̇зсан̃хи жид̇д̇ааний’’д̇иаад̣̇и. язхи аасавзхийд̇и зд̇т̇ааби гад̇д̇уад̇т̇з зва гаран̣анид̣̇д̣̇зсо. вимужжим̣сууд̇и гаммасаад̇ханам̣. на д̇з д̇аани г̇ахзд̇ваа вимужжим̣сууд̇и д̇з аасаваа д̇аани жид̇д̇аани аарамман̣авасзна на г̇ахзд̇ваа вимужжим̣су виможзсум̣. зд̇т̇а хи жид̇д̇аанийд̇и убаяог̇аб̣ахуважанам̣, вимужжим̣сууд̇и гад̇д̇усаад̇ханам̣. ануббаад̣̇анирод̇хзна нируж̇жхамаанаад̇и ааяад̇им̣ ануббад̇д̇исан̇каад̇зна нирод̇хзна нируж̇жхамаанаа аасаваа. аг̇г̇ахзд̇ваа вимужжим̣сууд̇и аарамман̣агаран̣авасзна аг̇г̇ахзд̇ваа жид̇д̇аани виможзсум̣. вигасид̇ажид̇д̇аа ахзсунд̇и саад̇исаяан̃аан̣арасмисампассзна сампуллажид̇д̇аа ахзсум̣. буримаважанаабзгканд̇и ‘‘ан̃н̃ад̇арасмим̣ бхим̣санагз ванасан̣д̣з’’д̇и вуд̇д̇аважанаабзгкам̣. д̇знааха ‘‘яам̣ вуд̇д̇ам̣ ан̃н̃ад̇арасмим̣ бхим̣санагз ванасан̣д̣зд̇и, д̇ад̇раа’’д̇и. гад̇анд̇и бхаавасаад̇ханаваажи ид̣̇ам̣ бад̣̇анд̇и ааха ‘‘бхим̣санагад̇асмим̣ ход̇и, бхим̣санагагирияааяаа’’д̇и. бхим̣санасса гаран̣ам̣ гирияаа бхим̣санагад̇ам̣, д̇асмим̣ бхим̣санагад̇асмим̣.
Anupādāya āsavehi cittāni vimucciṃsūti ettha āsavehīti katthuatthe karaṇaniddeso, cittānīti paccattabahuvacanaṃ, vimucciṃsūti kammasādhanaṃ, tasmā āsavehi kattubhūtehi anupādāya ārammaṇavasena aggahetvā cittāni vimuccitānīti evamettha attho gahetabboti āha ‘‘tesañhi cittānī’’tiādi. Yehi āsavehīti etthāpi kattuatthe eva karaṇaniddeso. Vimucciṃsūti kammasādhanaṃ. Na tetāni gahetvā vimucciṃsūti te āsavā tāni cittāni ārammaṇavasena na gahetvā vimucciṃsu vimocesuṃ. Ettha hi cittānīti upayogabahuvacanaṃ, vimucciṃsūti kattusādhanaṃ. Anuppādanirodhena nirujjhamānāti āyatiṃ anuppattisaṅkhātena nirodhena nirujjhamānā āsavā. Aggahetvā vimucciṃsūti ārammaṇakaraṇavasena aggahetvā cittāni vimocesuṃ. Vikasitacittā ahesunti sātisayañāṇarasmisamphassena samphullacittā ahesuṃ. Purimavacanāpekkhanti ‘‘aññatarasmiṃ bhiṃsanake vanasaṇḍe’’ti vuttavacanāpekkhaṃ. Tenāha ‘‘yaṃ vuttaṃ aññatarasmiṃ bhiṃsanake vanasaṇḍeti, tatrā’’ti. Katanti bhāvasādhanavāci idaṃ padanti āha ‘‘bhiṃsanakatasmiṃhoti, bhiṃsanakakiriyāyā’’ti. Bhiṃsanassa karaṇaṃ kiriyā bhiṃsanakataṃ, tasmiṃ bhiṃsanakatasmiṃ.
ид̣̇аани ан̃н̃ат̇ааби ад̇т̇аяож̇анам̣ д̣̇ассзнд̇о ааха ‘‘ат̇а ваа’’д̇иаад̣̇и. имасмим̣ ад̇т̇авигаббз бхим̣саяад̇ийд̇и бхим̣сано, бхим̣сано зва бхим̣санаго, д̇асса бхааво бхим̣санагад̇д̇анд̇и вад̇д̇аб̣б̣з д̇а-гаарасса лобам̣ гад̇ваа ‘‘бхим̣санагад̇а’’нд̇и вуд̇д̇анд̇и д̣̇ассзнд̇о ааха ‘‘бхим̣санагад̇асминд̇и бхим̣санагабхаавзд̇и ад̇т̇о’’д̇иаад̣̇и. язбхуяяаг̇г̇ахан̣ам̣ ломаванд̇авасзнаби яож̇зд̇аб̣б̣ам̣, на ломавасзнзваад̇и ааха ‘‘б̣ахуд̇араанам̣ ваа’’д̇иаад̣̇и.
Idāni aññathāpi atthayojanaṃ dassento āha ‘‘atha vā’’tiādi. Imasmiṃ atthavikappe bhiṃsayatīti bhiṃsano, bhiṃsano eva bhiṃsanako, tassa bhāvo bhiṃsanakattanti vattabbe ta-kārassa lopaṃ katvā ‘‘bhiṃsanakata’’nti vuttanti dassento āha ‘‘bhiṃsanakatasminti bhiṃsanakabhāveti attho’’tiādi. Yebhuyyaggahaṇaṃ lomavantavasenapi yojetabbaṃ, na lomavasenevāti āha ‘‘bahutarānaṃ vā’’tiādi.
бурисаяуг̇авасзнаад̇и бурисагаалавасзна, бурисаанам̣ ааяуббамаан̣авасзнаад̇и вуд̇д̇ам̣ ход̇и. ‘‘саб̣б̣абажчимаго субхад̣̇д̣̇асад̣̇исо’’д̇и д̇ийсуби г̇ан̣тибад̣̇зсу вуд̇д̇ам̣. д̇асмим̣ гаалз виж̇ж̇амаанаанам̣ д̣̇виннам̣ бурисаанам̣ ааяубарижчзд̣̇ам̣ сагаламзва г̇ахзд̇ваа ‘‘сад̇асахассам̣…бз… адтаасий’’д̇и вуд̇д̇ам̣. д̣̇взязва бурисаяуг̇аанийд̇и зд̇т̇а бурисаанам̣ яуг̇аббавад̇д̇игаало бурисаяуг̇ам̣. абхилаабамад̇д̇амзва жзд̇ам̣, ад̇т̇ад̇о бана бурисова бурисаяуг̇ам̣. д̇харамаанз бхаг̇авад̇и згам̣ бурисаяуг̇ам̣, бариниб̣б̣уд̇з зганд̇и гад̇ваа ‘‘д̣̇взязва бурисаяуг̇ааний’’д̇и вуд̇д̇ам̣. бариниб̣б̣уд̇з бана бхаг̇авад̇и згамзва бурисаяуг̇ам̣ асийд̇иязва вассасахассаани б̣рахмажарияам̣ адтаасийд̇и взд̣̇ид̇аб̣б̣ам̣.
Purisayugavasenāti purisakālavasena, purisānaṃ āyuppamāṇavasenāti vuttaṃ hoti. ‘‘Sabbapacchimako subhaddasadiso’’ti tīsupi gaṇṭhipadesu vuttaṃ. Tasmiṃ kāle vijjamānānaṃ dvinnaṃ purisānaṃ āyuparicchedaṃ sakalameva gahetvā ‘‘satasahassaṃ…pe… aṭṭhāsī’’ti vuttaṃ. Dveyeva purisayugānīti ettha purisānaṃ yugappavattikālo purisayugaṃ. Abhilāpamattameva cetaṃ, atthato pana purisova purisayugaṃ. Dharamāne bhagavati ekaṃ purisayugaṃ, parinibbute ekanti katvā ‘‘dveyeva purisayugānī’’ti vuttaṃ. Parinibbute pana bhagavati ekameva purisayugaṃ asītiyeva vassasahassāni brahmacariyaṃ aṭṭhāsīti veditabbaṃ.
20. саавагаяуг̇аанийд̇и саавагаа зва саавагаяуг̇аани. асамбхун̣анд̇знаад̇и абаабун̣анд̇зна. г̇аб̣бхам̣ г̇ан̣хаабзнд̇ассаад̇и саб̣б̣ан̃н̃уд̇ан̃н̃аан̣асса виж̇ааяанад̇т̇ам̣ н̃аан̣аг̇аб̣бхам̣ г̇ан̣хаабзнд̇асса.
20.Sāvakayugānīti sāvakā eva sāvakayugāni. Asambhuṇantenāti apāpuṇantena. Gabbhaṃ gaṇhāpentassāti sabbaññutaññāṇassa vijāyanatthaṃ ñāṇagabbhaṃ gaṇhāpentassa.
21. го анусанд̇хийд̇и буб̣б̣аабарагат̇аанам̣ гим̣ анусанд̇хаанам̣, го самб̣анд̇ход̇и ад̇т̇о. сигкаабад̣̇абан̃н̃ад̇д̇ияаажанаабзгканд̇и яаажийяад̇ийд̇и яаажанаа, сигкаабад̣̇абан̃н̃ад̇д̇иязва яаажанаа сигкаабад̣̇абан̃н̃ад̇д̇ияаажанаа, д̇ам̣ абзгкад̇ийд̇и сигкаабад̣̇абан̃н̃ад̇д̇ияаажанаабзгкам̣ бхуммаважанам̣, яаажияамаанасигкаабад̣̇абан̃н̃ад̇д̇иабзгкам̣ бхуммаважананд̇и вуд̇д̇ам̣ ход̇и. яаажанависидтаа сигкаабад̣̇абан̃н̃ад̇д̇иязва хи ‘‘д̇ад̇т̇аа’’д̇и иминаа бараамадтаа, д̇знзва вагкад̇и ‘‘д̇ад̇т̇а д̇ассаа сигкаабад̣̇абан̃н̃ад̇д̇ияаа’’д̇и. яам̣ вуд̇д̇анд̇и ‘‘сигкаабад̣̇ам̣ бан̃н̃абзяяаа’’д̇и иминаа яам̣ сигкаабад̣̇абан̃н̃абанам̣ вуд̇д̇ам̣, яаажид̇анд̇и ад̇т̇о. д̇ад̇т̇а д̇ассаа сигкаабад̣̇абан̃н̃ад̇д̇ияаад̇и д̇ассам̣ яаажияамаанасигкаабад̣̇абан̃н̃ад̇д̇ияанд̇и ад̇т̇о. агааланд̇и сигкаабад̣̇абан̃н̃ад̇д̇ияаа агаалам̣.
21.Koanusandhīti pubbāparakathānaṃ kiṃ anusandhānaṃ, ko sambandhoti attho. Sikkhāpadapaññattiyācanāpekkhanti yācīyatīti yācanā, sikkhāpadapaññattiyeva yācanā sikkhāpadapaññattiyācanā, taṃ apekkhatīti sikkhāpadapaññattiyācanāpekkhaṃ bhummavacanaṃ, yāciyamānasikkhāpadapaññattiapekkhaṃ bhummavacananti vuttaṃ hoti. Yācanavisiṭṭhā sikkhāpadapaññattiyeva hi ‘‘tatthā’’ti iminā parāmaṭṭhā, teneva vakkhati ‘‘tattha tassā sikkhāpadapaññattiyā’’ti. Yaṃ vuttanti ‘‘sikkhāpadaṃ paññapeyyā’’ti iminā yaṃ sikkhāpadapaññapanaṃ vuttaṃ, yācitanti attho. Tattha tassā sikkhāpadapaññattiyāti tassaṃ yāciyamānasikkhāpadapaññattiyanti attho. Akālanti sikkhāpadapaññattiyā akālaṃ.
аасавадтаанийяаад̇и зд̇т̇а ад̇хигаран̣з анийяасад̣̇д̣̇од̇и ааха ‘‘аасаваа д̇идтанд̇и зд̇зсуу’’д̇иаад̣̇и . гз бана д̇з аасаваа, гз жа д̇хаммаа д̇ад̣̇ад̇хигаран̣абхууд̇аад̇и ааха ‘‘язсу д̣̇идтад̇хаммигасамбарааяигаа’’д̇иаад̣̇и. д̣̇идтад̇хаммигаа баруубаваад̣̇аад̣̇аяо, самбарааяигаа аабааяигаа абааяад̣̇угкависзсаа. д̇з аасаванд̇и д̇зна д̇зна бажжаяавасзна бавад̇д̇анд̇ийд̇и аасаваа. нзсанд̇и баруубаваад̣̇аад̣̇иаасаваанам̣. д̇зд̇и вийд̇иггамад̇хаммаа. асад̇и аасавадтаанийяз д̇хаммз сигкаабад̣̇абан̃н̃ад̇д̇ияам̣ го д̣̇осо, язнзвам̣ вуд̇д̇анд̇и ааха ‘‘яад̣̇и хи бан̃н̃абзяяаа’’д̇иаад̣̇и, вийд̇иггамад̣̇осам̣ ад̣̇исваа яад̣̇и бан̃н̃абзяяаад̇и ад̇хиббааяо. бараммукаа аггосанам̣ баруубаваад̣̇о, барзхи важанзсу д̣̇осааробанам̣ баруубаарамбхо, саммукаа г̇араханам̣ г̇арахад̣̇осо.
Āsavaṭṭhānīyāti ettha adhikaraṇe anīyasaddoti āha ‘‘āsavā tiṭṭhanti etesū’’tiādi . Ke pana te āsavā, ke ca dhammā tadadhikaraṇabhūtāti āha ‘‘yesu diṭṭhadhammikasamparāyikā’’tiādi. Diṭṭhadhammikā parūpavādādayo, samparāyikā āpāyikā apāyadukkhavisesā. Te āsavanti tena tena paccayavasena pavattantīti āsavā. Nesanti parūpavādādiāsavānaṃ. Teti vītikkamadhammā. Asati āsavaṭṭhānīye dhamme sikkhāpadapaññattiyaṃ ko doso, yenevaṃ vuttanti āha ‘‘yadi hi paññapeyyā’’tiādi, vītikkamadosaṃ adisvā yadi paññapeyyāti adhippāyo. Parammukhā akkosanaṃ parūpavādo, parehi vacanesu dosāropanaṃ parūpārambho, sammukhā garahanaṃ garahadoso.
гат̇ан̃хи наама баливзтзссад̇ийд̇и самб̣анд̇хо, гат̇ам̣-сад̣̇д̣̇аяог̇з анааг̇ад̇аббаяог̇о д̣̇адтаб̣б̣о. анвааяигод̇и анувад̇д̇аго. бхог̇агканд̇ханд̇и бхог̇араасим̣. ‘‘амхаагамзд̇з’’д̇и н̃ааяанд̇ийд̇и н̃аад̇ий, бид̇аамахабид̇убуд̇д̇аад̣̇ивасзна баривадданадтзна бариваддо, н̃аад̇ийязва бариваддо н̃аад̇ибариваддо. гхаасажчаад̣̇анабарамад̇ааяа санд̇удтаад̇и гхаасажчаад̣̇анз барамад̇ааяа уд̇д̇амад̇ааяа санд̇удтаа, гхаасажчаад̣̇анабариязсанз саллзкавасзна барамад̇ааяа уггадтабхаавз сан̣тид̇аад̇и ад̇т̇о. гхаасажчаад̣̇анамзва ваа барамам̣ барамаа годи зд̇зсам̣ на д̇ад̇о барам̣ гин̃жи асаамисаж̇аад̇ам̣ бариязсанд̇и бажжаасийсанд̇и жаад̇и гхаасажчаад̣̇анабарамаа, д̇зсам̣ бхааво гхаасажчаад̣̇анабарамад̇аа, д̇ассам̣ гхаасажчаад̣̇анабарамад̇ааяа санд̇удтаа. д̇зсу наама год̇и яат̇аавуд̇д̇аг̇ун̣ависидтзсу д̇зсу бхигкуусу го наама. логаамисабхууд̇анд̇и логабарияаабаннам̣ худ̇ваа гилзсзхи аамасид̇аб̣б̣ад̇д̇аа логаамисабхууд̇ам̣. баб̣б̣аж̇ж̇аасан̇кзбзнзваад̇и ‘‘баан̣аад̇ибаад̇аа взраман̣ий’’д̇иаад̣̇инаа баб̣б̣аж̇ж̇аамукзнзва. зд̇анд̇и мзт̇унаад̣̇ийнам̣ агаран̣ам̣. т̇ааманд̇и сигкаабад̣̇аанам̣ бан̃н̃аабанагирияааяа саамад̇т̇ияам̣. б̣аланд̇и яаат̇аавад̇о саб̣б̣ад̇хаммаанам̣ бадивзд̇хасамад̇т̇ам̣ н̃аан̣аб̣алам̣. губбзяяаад̇и губбам̣ бхавзяяа. зд̇ассзвад̇т̇асса баагадагаран̣ам̣ на яат̇аатаанз д̇идтзяяаад̇и, бан̃н̃ад̇д̇идтаанз на д̇идтзяяаад̇и ад̇т̇о. агусалод̇и д̇игижчид̇ум̣ яуд̇д̇агааласса абариж̇аананад̇о агусало ачзго. авуд̣̇д̇хи анаяо, б̣яасанам̣ д̣̇угкам̣. бадигажжзваад̇и г̇ан̣д̣уббаад̣̇анад̇о батамамзва. сан̃чавим̣ гад̇ваад̇и собханажчавим̣ гад̇ваа. б̣аалавзж̇ж̇од̇и абан̣д̣ид̇авзж̇ж̇о. лохид̇агкаяан̃жа мам̣ баабзд̇ийд̇и вибхад̇д̇ивибарин̣аамам̣ гад̇ваа яож̇зд̇аб̣б̣ам̣.
Kathañhi nāma paliveṭhessatīti sambandho, kathaṃ-saddayoge anāgatappayogo daṭṭhabbo. Anvāyikoti anuvattako. Bhogakkhandhanti bhogarāsiṃ. ‘‘Amhākamete’’ti ñāyantīti ñātī, pitāmahapituputtādivasena parivaṭṭanaṭṭhena parivaṭṭo, ñātīyeva parivaṭṭo ñātiparivaṭṭo. Ghāsacchādanaparamatāya santuṭṭhāti ghāsacchādane paramatāya uttamatāya santuṭṭhā, ghāsacchādanapariyesane sallekhavasena paramatāya ukkaṭṭhabhāve saṇṭhitāti attho. Ghāsacchādanameva vā paramaṃ paramā koṭi etesaṃ na tato paraṃ kiñci asāmisajātaṃ pariyesanti paccāsīsanti cāti ghāsacchādanaparamā, tesaṃ bhāvo ghāsacchādanaparamatā, tassaṃ ghāsacchādanaparamatāya santuṭṭhā. Tesu nāma koti yathāvuttaguṇavisiṭṭhesu tesu bhikkhūsu ko nāma. Lokāmisabhūtanti lokapariyāpannaṃ hutvā kilesehi āmasitabbattā lokāmisabhūtaṃ. Pabbajjāsaṅkhepenevāti ‘‘pāṇātipātā veramaṇī’’tiādinā pabbajjāmukheneva. Etanti methunādīnaṃ akaraṇaṃ. Thāmanti sikkhāpadānaṃ paññāpanakiriyāya sāmatthiyaṃ. Balanti yāthāvato sabbadhammānaṃ paṭivedhasamatthaṃ ñāṇabalaṃ. Kuppeyyāti kuppaṃ bhaveyya. Etassevatthassa pākaṭakaraṇaṃ na yathāṭhāne tiṭṭheyyāti, paññattiṭṭhāne na tiṭṭheyyāti attho. Akusaloti tikicchituṃ yuttakālassa aparijānanato akusalo acheko. Avuddhi anayo, byasanaṃ dukkhaṃ. Paṭikaccevāti gaṇḍuppādanato paṭhamameva. Sañchaviṃ katvāti sobhanacchaviṃ katvā. Bālavejjoti apaṇḍitavejjo. Lohitakkhayañca maṃ pāpetīti vibhattivipariṇāmaṃ katvā yojetabbaṃ.
агаалам̣ д̣̇ассзд̇ваад̇и сигкаабад̣̇абан̃н̃ад̇д̇ияаа агаалам̣ д̣̇ассзд̇ваа. рог̇ам̣ вуубасамзд̇ваад̇и паасум̣ гад̇ваа. сагз аажарияагзд̇и аажарияасса бхааво, гаммам̣ ваа аажарияагам̣, д̇асмим̣ ад̇д̇ано аажарияабхаавз, аажарияагаммз ваа. нимид̇д̇ад̇т̇з жзд̇ам̣ бхуммаважанам̣. вид̣̇ид̇аанубхаавод̇и баагадаанубхааво.
Akālaṃ dassetvāti sikkhāpadapaññattiyā akālaṃ dassetvā. Rogaṃ vūpasametvāti phāsuṃ katvā. Sake ācariyaketi ācariyassa bhāvo, kammaṃ vā ācariyakaṃ, tasmiṃ attano ācariyabhāve, ācariyakamme vā. Nimittatthe cetaṃ bhummavacanaṃ. Viditānubhāvoti pākaṭānubhāvo.
вибулабхаавзнаад̇и баб̣б̣аж̇ид̇аанам̣ б̣ахубхаавзна. саасанз згажжз аасавадтаанийяаа д̇хаммаа на уббаж̇ж̇анд̇ийд̇и яасмаа сзнаасанаани бахонд̇и, д̇асмаа ааваасамажчарияаад̣̇ихзд̇угаа саасанз згажжз аасавадтаанийяаа д̇хаммаа на уббаж̇ж̇анд̇и. иминаа наязнаад̇и зд̇зна бад̣̇асод̇хаммасигкаабад̣̇аад̣̇ийнам̣ сан̇г̇ахо д̣̇адтаб̣б̣о.
Vipulabhāvenāti pabbajitānaṃ bahubhāvena. Sāsane ekacce āsavaṭṭhānīyā dhammā na uppajjantīti yasmā senāsanāni pahonti, tasmā āvāsamacchariyādihetukā sāsane ekacce āsavaṭṭhānīyā dhammā na uppajjanti. Iminā nayenāti etena padasodhammasikkhāpadādīnaṃ saṅgaho daṭṭhabbo.
лаабхаг̇г̇амахад̇д̇анд̇и жийвараад̣̇илабхид̇аб̣б̣абажжаяо лаабхо, д̇асса аг̇г̇ам̣ махад̇д̇ам̣ бан̣ийд̇ад̇аа б̣ахубхааво ваа. б̣ахуссуд̇асса бхааво б̣аахусажжам̣. аяонисо уммуж̇ж̇амаанаад̇и анубааязна абхинивисамаанаа, вибарийд̇ад̇о ж̇аанамаанаад̇и ад̇т̇о. расзна расам̣ сам̣санд̣̇ид̇ваад̇и сабхаавзна сабхаавам̣ сам̣санд̣̇ид̇ваа, анун̃н̃аад̇абажжад̇т̇аран̣аад̣̇ийсу сукасампассасааман̃н̃ад̇о убаад̣̇иннапассарасзби анаваж̇ж̇асан̃н̃ид̇ааяа анубаад̣̇иннапассарасзна убаад̣̇иннапассарасам̣ сам̣санд̣̇ид̇ваа, самаанабхаавам̣ убанзд̇ваад̇и ад̇т̇о. уд̣̇д̇хаммам̣ уб̣б̣инаяам̣ сад̇т̇усаасанам̣ д̣̇ийбзнд̇ийд̇и ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаамий’’д̇иаад̣̇инаа (баажи. 418) сад̇т̇усаасанам̣ уд̣̇д̇хаммам̣ уб̣б̣инаяам̣ гад̇ваа д̣̇ийбзнд̇и.
Lābhaggamahattanti cīvarādilabhitabbapaccayo lābho, tassa aggaṃ mahattaṃ paṇītatā bahubhāvo vā. Bahussutassa bhāvo bāhusaccaṃ. Ayoniso ummujjamānāti anupāyena abhinivisamānā, viparītato jānamānāti attho. Rasena rasaṃ saṃsanditvāti sabhāvena sabhāvaṃ saṃsanditvā, anuññātapaccattharaṇādīsu sukhasamphassasāmaññato upādinnaphassarasepi anavajjasaññitāya anupādinnaphassarasena upādinnaphassarasaṃ saṃsanditvā, samānabhāvaṃ upanetvāti attho. Uddhammaṃ ubbinayaṃsatthusāsanaṃ dīpentīti ‘‘tathāhaṃ bhagavatā dhammaṃ desitaṃ ājānāmī’’tiādinā (pāci. 418) satthusāsanaṃ uddhammaṃ ubbinayaṃ katvā dīpenti.
имасмим̣ ад̇т̇зд̇и ‘‘нираб̣б̣уд̣̇о хи, саарибуд̇д̇а, бхигкусан̇гхо’’д̇и (баараа. 21) звам̣ вуд̇д̇абхигкусан̇гхасан̃н̃ид̇з ад̇т̇з. гат̇ам̣ бана д̣̇уссийлаанам̣ жорабхаавод̇и ааха ‘‘д̇з хи ассаман̣аава худ̇ваа’’д̇иаад̣̇и. гаал̣агад̇хаммаяог̇аад̇и д̣̇уссийлад̇аасан̇каад̇абаабад̇хаммаяог̇ад̇о. бабхассарод̇и бабхассарасийло. саарод̇и вужжанд̇ийд̇и саасанаб̣рахмажарияасса саарабхууд̇ад̇д̇аа сийлаад̣̇аяо г̇ун̣аа ‘‘сааро’’д̇и вужжанд̇и.
Imasmiṃ attheti ‘‘nirabbudo hi, sāriputta, bhikkhusaṅgho’’ti (pārā. 21) evaṃ vuttabhikkhusaṅghasaññite atthe. Kathaṃ pana dussīlānaṃ corabhāvoti āha ‘‘te hi assamaṇāva hutvā’’tiādi. Kāḷakadhammayogāti dussīlatāsaṅkhātapāpadhammayogato. Pabhassaroti pabhassarasīlo. Sāroti vuccantīti sāsanabrahmacariyassa sārabhūtattā sīlādayo guṇā ‘‘sāro’’ti vuccanti.
саб̣б̣абарид̇д̇аг̇ун̣од̇и саб̣б̣зхи нихийнаг̇ун̣о, аббаг̇ун̣о ваа. со сод̇аабаннод̇и аананд̣̇ад̇т̇зрам̣ санд̇хааяа вад̣̇ад̇и. сод̇ам̣ аабаннод̇и маг̇г̇асод̇ам̣ аабанно. бадибагкад̇хаммаанам̣ анавасзсад̇о саванад̇о бзлланад̇о сод̇о арияамаг̇г̇од̇и ааха ‘‘сод̇од̇и жа маг̇г̇ассзд̇ам̣ ад̇хиважана’’нд̇и. сод̇аабаннод̇и д̇зна саманнааг̇ад̇асса буг̇г̇алассаад̇и иминаа маг̇г̇асаман̇г̇ий сод̇аабаннод̇и вад̇ваа д̇амзвад̇т̇ам̣ уд̣̇аахаран̣зна саад̇хзд̇ваа ид̣̇аани ид̇хаад̇хиббзд̇абуг̇г̇алам̣ нид̣̇д̇хаарзд̇ваа д̣̇ассзнд̇о ааха ‘‘ид̇ха банаа’’д̇иаад̣̇и. ид̇ха аабаннасад̣̇д̣̇о ‘‘паласажчигирияааяа бадибанно’’д̇иаад̣̇ийсу (сам̣. ни. 5.488) вияа вад̇д̇амаанагаалигод̇и ааха ‘‘маг̇г̇зна паласса наамам̣ д̣̇инна’’нд̇и. маг̇г̇зна хи ад̇д̇анаа сад̣̇исасса адтан̇г̇игасса ваа сад̇д̇ан̇г̇игасса ваа паласса сод̇од̇и наамам̣ д̣̇иннам̣, ад̇ийд̇агаалигад̇д̇з бана сарасад̇ова наамалаабхо сияаа. маг̇г̇агкан̣з хи маг̇г̇асод̇ам̣ аабаж̇ж̇ад̇и наама, палагкан̣з аабанно.
Sabbaparittaguṇoti sabbehi nihīnaguṇo, appaguṇo vā. So sotāpannoti ānandattheraṃ sandhāya vadati. Sotaṃ āpannoti maggasotaṃ āpanno. Paṭipakkhadhammānaṃ anavasesato savanato pellanato soto ariyamaggoti āha ‘‘sototi ca maggassetaṃ adhivacana’’nti. Sotāpannoti tena samannāgatassa puggalassāti iminā maggasamaṅgī sotāpannoti vatvā tamevatthaṃ udāharaṇena sādhetvā idāni idhādhippetapuggalaṃ niddhāretvā dassento āha ‘‘idha panā’’tiādi. Idha āpannasaddo ‘‘phalasacchikiriyāya paṭipanno’’tiādīsu (saṃ. ni. 5.488) viya vattamānakālikoti āha ‘‘maggena phalassa nāmaṃ dinna’’nti. Maggena hi attanā sadisassa aṭṭhaṅgikassa vā sattaṅgikassa vā phalassa sototi nāmaṃ dinnaṃ, atītakālikatte pana sarasatova nāmalābho siyā. Maggakkhaṇe hi maggasotaṃ āpajjati nāma, phalakkhaṇe āpanno.
вируубам̣ сад̣̇угкам̣ саубааяаасам̣ нибаад̇зд̇ийд̇и винибаад̇о, абааяад̣̇угкз кибанаго. д̇хаммод̇и сабхааво. д̇знааха ‘‘на ад̇д̇аанам̣ абааязсу винибаад̇анасабхааво’’д̇и. ат̇а ваа д̇хаммод̇и абааязсу кибанаго саггааяад̣̇идтиаад̣̇иго агусалад̇хаммо. яасса бана со агусалад̇хаммо над̇т̇и саб̣б̣асо бахийнад̇д̇аа, со яасмаа абааязсу ад̇д̇аанам̣ винибаад̇анасабхааво на ход̇и, д̇асмаа вуд̇д̇ам̣ ‘‘на ад̇д̇аанам̣ абааязсу винибаад̇анасабхаавод̇и вуд̇д̇ам̣ ход̇ий’’д̇и. гасмаад̇и авинибаад̇анад̇хаммад̇ааяа гааран̣ам̣ бужчад̇и. абааяам̣ г̇амзнд̇ийд̇и абааяаг̇аманийяаа. винибаад̇анасабхаавод̇и уббаж̇ж̇анасабхааво. саммад̇д̇анияаамзна маг̇г̇знаад̇и саммаа бхаванияаамагзна бадилад̣̇д̇хамаг̇г̇зна. нияад̇од̇и ваа хздтиманд̇ад̇о сад̇д̇амабхавад̇о убари ануббаж̇ж̇анад̇хаммад̇ааяа нияад̇о. самб̣од̇хийд̇и убаримаг̇г̇ад̇д̇аяасан̇каад̇аа самб̣од̇хи. самб̣уж̇жхад̇ийд̇и хи самб̣од̇хи, арияамаг̇г̇о. со жа ид̇ха батамамаг̇г̇асса ад̇хиг̇ад̇ад̇д̇аа авасидто зва ад̇хиг̇анд̇аб̣б̣абхаавзна ижчид̇аб̣б̣од̇и. д̇знааха ‘‘убаримаг̇г̇ад̇д̇аяам̣ авассам̣ самбаабаго’’д̇и. убаримаг̇г̇ад̇д̇аяам̣ авассам̣ самбаабун̣аад̇ийд̇и самбаабаго, сод̇аабанно.
Virūpaṃ sadukkhaṃ saupāyāsaṃ nipātetīti vinipāto, apāyadukkhe khipanako. Dhammoti sabhāvo. Tenāha ‘‘na attānaṃ apāyesu vinipātanasabhāvo’’ti. Atha vā dhammoti apāyesu khipanako sakkāyadiṭṭhiādiko akusaladhammo. Yassa pana so akusaladhammo natthi sabbaso pahīnattā, so yasmā apāyesu attānaṃ vinipātanasabhāvo na hoti, tasmā vuttaṃ ‘‘na attānaṃ apāyesu vinipātanasabhāvoti vuttaṃ hotī’’ti. Kasmāti avinipātanadhammatāya kāraṇaṃ pucchati. Apāyaṃ gamentīti apāyagamanīyā. Vinipātanasabhāvoti uppajjanasabhāvo. Sammattaniyāmena maggenāti sammā bhavaniyāmakena paṭiladdhamaggena. Niyatoti vā heṭṭhimantato sattamabhavato upari anuppajjanadhammatāya niyato. Sambodhīti uparimaggattayasaṅkhātā sambodhi. Sambujjhatīti hi sambodhi, ariyamaggo. So ca idha paṭhamamaggassa adhigatattā avasiṭṭho eva adhigantabbabhāvena icchitabboti. Tenāha ‘‘uparimaggattayaṃ avassaṃ sampāpako’’ti. Uparimaggattayaṃ avassaṃ sampāpuṇātīti sampāpako, sotāpanno.
винаяабан̃н̃ад̇д̇ияаажанагат̇аа нидтид̇аа.
Vinayapaññattiyācanakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / винаяабан̃н̃ад̇д̇ияаажанагат̇ааван̣н̣анаа • Vinayapaññattiyācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убаасагад̇д̇абадивзд̣̇анаагат̇ааван̣н̣анаа • Upāsakattapaṭivedanākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / винаяабан̃н̃ад̇д̇ияаажанагат̇ааван̣н̣анаа • Vinayapaññattiyācanakathāvaṇṇanā
