| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
винаяабан̃н̃ад̇д̇ияаажанагат̇ааван̣н̣анаа
Vinayapaññattiyācanakathāvaṇṇanā
18. ид̣̇аани ааяасмаа убаали винаяабан̃н̃ад̇д̇ияаа муулад̇о бабхуд̇и нид̣̇аанам̣ д̣̇ассзд̇ум̣ саарибуд̇д̇ад̇т̇зрасса сигкаабад̣̇абадисам̣яуд̇д̇ам̣ вид̇аггуббаад̣̇ам̣ д̣̇ассзнд̇о ‘‘ат̇а ко ааяасмад̇о саарибуд̇д̇ассаа’’д̇иаад̣̇имааха. д̇ад̇т̇а рахог̇ад̇ассаад̇и рахаси г̇ад̇асса. бадисаллийнассаад̇и саллийнасса згийбхаавам̣ г̇ад̇асса. гад̇амзсаананд̇и ад̇ийд̇зсу вибассийаад̣̇ийсу б̣уд̣̇д̇хзсу гад̇амзсам̣. жирам̣ асса тид̇и, жираа ваа асса тид̇ийд̇и жирадтид̇игам̣. сзсамзд̇т̇а уд̇д̇аанабад̣̇ад̇т̇амзва.
18. Idāni āyasmā upāli vinayapaññattiyā mūlato pabhuti nidānaṃ dassetuṃ sāriputtattherassa sikkhāpadapaṭisaṃyuttaṃ vitakkuppādaṃ dassento ‘‘atha kho āyasmato sāriputtassā’’tiādimāha. Tattha rahogatassāti rahasi gatassa. Paṭisallīnassāti sallīnassa ekībhāvaṃ gatassa. Katamesānanti atītesu vipassīādīsu buddhesu katamesaṃ. Ciraṃ assa ṭhiti, cirā vā assa ṭhitīti ciraṭṭhitikaṃ. Sesamettha uttānapadatthameva.
гим̣ бана т̇зро имам̣ ад̇д̇ано баривид̇аггам̣ саяам̣ винижчинид̇ум̣ на саггод̇ийд̇и? вужжад̇з – саггод̇и жа на саггод̇и жа. аяан̃хи имзсам̣ наама б̣уд̣̇д̇хаанам̣ саасанам̣ на жирадтид̇игам̣ ахоси, имзсам̣ жирадтид̇иганд̇и зд̇д̇агам̣ саггод̇и винижчинид̇ум̣. иминаа бана гааран̣зна на жирадтид̇игам̣ ахоси, иминаа жирадтид̇иганд̇и зд̇ам̣ на саггод̇и. махаабад̣̇умад̇т̇зро банааха – ‘‘зд̇амби сол̣асавид̇хааяа бан̃н̃ааяа мад̇т̇агам̣ бад̇д̇асса аг̇г̇асаавагасса на бхаарияам̣, саммаасамб̣уд̣̇д̇хзна бана сад̣̇д̇хим̣ згадтаанз васанд̇асса саяам̣ винижчаяагаран̣ам̣ д̇улам̣ чад̣д̣зд̇ваа хад̇т̇зна д̇уланасад̣̇исам̣ ход̇ийд̇и бхаг̇аванд̇ам̣язва убасан̇гамид̇ваа бужчий’’д̇и. ат̇асса бхаг̇аваа д̇ам̣ виссаж̇ж̇знд̇о ‘‘бхаг̇авад̇о жа саарибуд̇д̇а вибассиссаа’’д̇иаад̣̇имааха. д̇ам̣ уд̇д̇аанад̇т̇амзва.
Kiṃ pana thero imaṃ attano parivitakkaṃ sayaṃ vinicchinituṃ na sakkotīti? Vuccate – sakkoti ca na sakkoti ca. Ayañhi imesaṃ nāma buddhānaṃ sāsanaṃ na ciraṭṭhitikaṃ ahosi, imesaṃ ciraṭṭhitikanti ettakaṃ sakkoti vinicchinituṃ. Iminā pana kāraṇena na ciraṭṭhitikaṃ ahosi, iminā ciraṭṭhitikanti etaṃ na sakkoti. Mahāpadumatthero panāha – ‘‘etampi soḷasavidhāya paññāya matthakaṃ pattassa aggasāvakassa na bhāriyaṃ, sammāsambuddhena pana saddhiṃ ekaṭṭhāne vasantassa sayaṃ vinicchayakaraṇaṃ tulaṃ chaḍḍetvā hatthena tulanasadisaṃ hotīti bhagavantaṃyeva upasaṅkamitvā pucchī’’ti. Athassa bhagavā taṃ vissajjento ‘‘bhagavato ca sāriputta vipassissā’’tiādimāha. Taṃ uttānatthameva.
19. буна т̇зро гааран̣ам̣ бужчанд̇о го ну ко, бханд̇з, хзд̇ууд̇иаад̣̇имааха. д̇ад̇т̇а го ну ко бханд̇зд̇и гааран̣абужчаа , д̇асса гад̇амо ну ко бханд̇зд̇и ад̇т̇о. хзд̇у бажжаяод̇и убхаяамзд̇ам̣ гааран̣аад̇хиважанам̣; гааран̣ан̃хи яасмаа д̇зна д̇асса палам̣ хинод̇и бавад̇д̇ад̇и, д̇асмаа хзд̇ууд̇и вужжад̇и. яасмаа д̇ам̣ бадижжа зд̇и бавад̇д̇ад̇и, д̇асмаа бажжаяод̇и вужжад̇и. звам̣ ад̇т̇ад̇о згамби вохааравасзна жа важанасилидтад̇ааяа жа д̇ад̇ра д̇ад̇ра зд̇ам̣ убхаяамби вужжад̇и. сзсамзд̇т̇а уд̇д̇аанад̇т̇амзва.
19. Puna thero kāraṇaṃ pucchanto ko nu kho, bhante, hetūtiādimāha. Tattha ko nu kho bhanteti kāraṇapucchā , tassa katamo nu kho bhanteti attho. Hetu paccayoti ubhayametaṃ kāraṇādhivacanaṃ; kāraṇañhi yasmā tena tassa phalaṃ hinoti pavattati, tasmā hetūti vuccati. Yasmā taṃ paṭicca eti pavattati, tasmā paccayoti vuccati. Evaṃ atthato ekampi vohāravasena ca vacanasiliṭṭhatāya ca tatra tatra etaṃ ubhayampi vuccati. Sesamettha uttānatthameva.
ид̣̇аани д̇ам̣ хзд̇ун̃жа бажжаяан̃жа д̣̇ассзд̇ум̣ ‘‘бхаг̇аваа жа саарибуд̇д̇а вибассий’’д̇иаад̣̇имааха. д̇ад̇т̇а гилаасуно ахзсунд̇и на ааласияагилаасуно, на хи б̣уд̣̇д̇хаанам̣ ааласияам̣ ваа осаннавийрияад̇аа ваа ад̇т̇и. б̣уд̣̇д̇хаа хи згасса ваа д̣̇виннам̣ ваа сагалажаггаваал̣асса ваа д̇хаммам̣ д̣̇зсзнд̇аа самагзнзва уссаахзна д̇хаммам̣ д̣̇зсзнд̇и, на барисааяа аббабхаавам̣ д̣̇исваа осаннавийрияаа хонд̇и, нааби маханд̇абхаавам̣ д̣̇исваа уссаннавийрияаа. яат̇аа хи сийхо миг̇арааж̇аа сад̇д̇аннам̣ д̣̇ивасаанам̣ ажжаязна г̇ожарааяа багганд̇о куд̣̇д̣̇агз ваа маханд̇з ваа баан̣з згасад̣̇исзнзва взг̇зна д̇хаавад̇и. д̇ам̣ гисса хзд̇у? ‘‘маа мз ж̇аво барихааяий’’д̇и. звам̣ б̣уд̣̇д̇хаа аббагааяа ваа махад̇ияаа ваа барисааяа самагзнзва уссаахзна д̇хаммам̣ д̣̇зсзнд̇и. д̇ам̣ гисса хзд̇у? ‘‘маа но д̇хаммаг̇аруд̇аа барихааяий’’д̇и. д̇хаммаг̇аруно хи б̣уд̣̇д̇хаа д̇хаммаг̇аараваад̇и.
Idāni taṃ hetuñca paccayañca dassetuṃ ‘‘bhagavā ca sāriputta vipassī’’tiādimāha. Tattha kilāsuno ahesunti na ālasiyakilāsuno, na hi buddhānaṃ ālasiyaṃ vā osannavīriyatā vā atthi. Buddhā hi ekassa vā dvinnaṃ vā sakalacakkavāḷassa vā dhammaṃ desentā samakeneva ussāhena dhammaṃ desenti, na parisāya appabhāvaṃ disvā osannavīriyā honti, nāpi mahantabhāvaṃ disvā ussannavīriyā. Yathā hi sīho migarājā sattannaṃ divasānaṃ accayena gocarāya pakkanto khuddake vā mahante vā pāṇe ekasadiseneva vegena dhāvati. Taṃ kissa hetu? ‘‘Mā me javo parihāyī’’ti. Evaṃ buddhā appakāya vā mahatiyā vā parisāya samakeneva ussāhena dhammaṃ desenti. Taṃ kissa hetu? ‘‘Mā no dhammagarutā parihāyī’’ti. Dhammagaruno hi buddhā dhammagāravāti.
яат̇аа бана амхаагам̣ бхаг̇аваа махаасамуд̣̇д̣̇ам̣ буураяамаано вияа вид̇т̇аарзна д̇хаммам̣ д̣̇зсзси, звам̣ д̇з на д̣̇зсзсум̣. гасмаа? сад̇д̇аанам̣ аббараж̇агкад̇ааяа. д̇зсам̣ гира гаалз д̣̇ийгхааяугаа сад̇д̇аа аббараж̇агкаа ахзсум̣. д̇з жад̇усажжабадисам̣яуд̇д̇ам̣ згаг̇аат̇амби суд̇ваа д̇хаммам̣ абхисамзнд̇и, д̇асмаа на вид̇т̇аарзна д̇хаммам̣ д̣̇зсзсум̣. д̇знзва гааран̣зна аббаган̃жа нзсам̣ ахоси суд̇д̇ам̣…бз… взд̣̇алланд̇и. д̇ад̇т̇а суд̇д̇аад̣̇ийнам̣ наанад̇д̇ам̣ батамасан̇г̇ийд̇иван̣н̣анааяам̣ вуд̇д̇амзва.
Yathā pana amhākaṃ bhagavā mahāsamuddaṃ pūrayamāno viya vitthārena dhammaṃ desesi, evaṃ te na desesuṃ. Kasmā? Sattānaṃ apparajakkhatāya. Tesaṃ kira kāle dīghāyukā sattā apparajakkhā ahesuṃ. Te catusaccapaṭisaṃyuttaṃ ekagāthampi sutvā dhammaṃ abhisamenti, tasmā na vitthārena dhammaṃ desesuṃ. Teneva kāraṇena appakañca nesaṃ ahosi suttaṃ…pe… vedallanti. Tattha suttādīnaṃ nānattaṃ paṭhamasaṅgītivaṇṇanāyaṃ vuttameva.
абан̃н̃ад̇д̇ам̣ саавагаанам̣ сигкаабад̣̇анд̇и саавагаанам̣ нид̣̇д̣̇осад̇ааяа д̣̇осаануруубад̇о бан̃н̃абзд̇аб̣б̣ам̣ сад̇д̇аабад̇д̇игканд̇хавасзна аан̣аасигкаабад̣̇ам̣ абан̃н̃ад̇д̇ам̣. ануд̣̇д̣̇идтам̣ баад̇имогканд̇и анвад̣̇д̇хамаасам̣ аан̣аабаад̇имогкам̣ ануд̣̇д̣̇идтам̣ ахоси. оваад̣̇абаад̇имогкамзва д̇з уд̣̇д̣̇исим̣су; д̇амби жа но анвад̣̇д̇хамаасам̣. д̇ат̇аа хи вибассий бхаг̇аваа чаннам̣ чаннам̣ вассаанам̣ сагим̣ сагим̣ оваад̣̇абаад̇имогкам̣ уд̣̇д̣̇иси; д̇ан̃жа ко саамам̣язва. саавагаа банасса ад̇д̇ано ад̇д̇ано васанадтаанзсу на уд̣̇д̣̇исим̣су. сагалаж̇амб̣уд̣̇ийбз згасмим̣язва таанз б̣анд̇хумад̇ияаа рааж̇ад̇хаанияаа кзмз миг̇ад̣̇ааяз вибассисса бхаг̇авад̇о васанадтаанз саб̣б̣оби бхигкусан̇гхо убосат̇ам̣ агааси. д̇ан̃жа ко сан̇гхубосат̇амзва; на г̇ан̣убосат̇ам̣, на буг̇г̇алубосат̇ам̣, на баарисуд̣̇д̇хиубосат̇ам̣, на ад̇хидтаанубосат̇ам̣.
Apaññattaṃsāvakānaṃ sikkhāpadanti sāvakānaṃ niddosatāya dosānurūpato paññapetabbaṃ sattāpattikkhandhavasena āṇāsikkhāpadaṃ apaññattaṃ. Anuddiṭṭhaṃpātimokkhanti anvaddhamāsaṃ āṇāpātimokkhaṃ anuddiṭṭhaṃ ahosi. Ovādapātimokkhameva te uddisiṃsu; tampi ca no anvaddhamāsaṃ. Tathā hi vipassī bhagavā channaṃ channaṃ vassānaṃ sakiṃ sakiṃ ovādapātimokkhaṃ uddisi; tañca kho sāmaṃyeva. Sāvakā panassa attano attano vasanaṭṭhānesu na uddisiṃsu. Sakalajambudīpe ekasmiṃyeva ṭhāne bandhumatiyā rājadhāniyā kheme migadāye vipassissa bhagavato vasanaṭṭhāne sabbopi bhikkhusaṅgho uposathaṃ akāsi. Tañca kho saṅghuposathameva; na gaṇuposathaṃ, na puggaluposathaṃ, na pārisuddhiuposathaṃ, na adhiṭṭhānuposathaṃ.
д̇ад̣̇аа гира ж̇амб̣уд̣̇ийбз жад̇ураасийд̇ивихаарасахассаани хонд̇и. згамзгасмим̣ вихаарз аб̣б̣огин̣н̣аани д̣̇асаби вийсад̇иби бхигкусахассаани васанд̇и, бхияяоби васанд̇и. убосат̇аарожигаа д̣̇звад̇аа д̇ад̇т̇а д̇ад̇т̇а г̇анд̇ваа аарожзнд̇и – ‘‘маарисаа, згам̣ вассам̣ ад̇игганд̇ам̣, д̣̇вз д̇ийн̣и жад̇д̇аари бан̃жа вассаани ад̇игганд̇аани, ид̣̇ам̣ чадтам̣ вассам̣, ааг̇ааминияаа бун̣н̣амаасияаа б̣уд̣̇д̇хад̣̇ассанад̇т̇ам̣ убосат̇агаран̣ад̇т̇ан̃жа г̇анд̇аб̣б̣ам̣! самбад̇д̇о во саннибаад̇агаало’’д̇и. д̇ад̇о саанубхааваа бхигкуу ад̇д̇ано ад̇д̇ано аанубхаавзна г̇ажчанд̇и, ид̇арз д̣̇звад̇аанубхаавзна. гат̇ам̣? д̇з гира бхигкуу баажийнасамуд̣̇д̣̇анд̇з ваа бажчимауд̇д̇арад̣̇агкин̣асамуд̣̇д̣̇анд̇з ваа тид̇аа г̇амияавад̇д̇ам̣ буурзд̇ваа бад̇д̇ажийварамаад̣̇ааяа ‘‘г̇ажчаамаа’’д̇и жид̇д̇ам̣ уббаад̣̇знд̇и; саха жид̇д̇уббаад̣̇аа убосат̇аг̇г̇ам̣ г̇ад̇аава хонд̇и. д̇з вибассим̣ саммаасамб̣уд̣̇д̇хам̣ абхиваад̣̇зд̇ваа нисийд̣̇анд̇и. бхаг̇авааби саннисиннааяа барисааяа имам̣ оваад̣̇абаад̇имогкам̣ уд̣̇д̣̇исад̇и.
Tadā kira jambudīpe caturāsītivihārasahassāni honti. Ekamekasmiṃ vihāre abbokiṇṇāni dasapi vīsatipi bhikkhusahassāni vasanti, bhiyyopi vasanti. Uposathārocikā devatā tattha tattha gantvā ārocenti – ‘‘mārisā, ekaṃ vassaṃ atikkantaṃ, dve tīṇi cattāri pañca vassāni atikkantāni, idaṃ chaṭṭhaṃ vassaṃ, āgāminiyā puṇṇamāsiyā buddhadassanatthaṃ uposathakaraṇatthañca gantabbaṃ! Sampatto vo sannipātakālo’’ti. Tato sānubhāvā bhikkhū attano attano ānubhāvena gacchanti, itare devatānubhāvena. Kathaṃ? Te kira bhikkhū pācīnasamuddante vā pacchimauttaradakkhiṇasamuddante vā ṭhitā gamiyavattaṃ pūretvā pattacīvaramādāya ‘‘gacchāmā’’ti cittaṃ uppādenti; saha cittuppādā uposathaggaṃ gatāva honti. Te vipassiṃ sammāsambuddhaṃ abhivādetvā nisīdanti. Bhagavāpi sannisinnāya parisāya imaṃ ovādapātimokkhaṃ uddisati.
‘‘канд̇ий барамам̣ д̇або д̇ид̇игкаа;
‘‘Khantī paramaṃ tapo titikkhā;
ниб̣б̣аанам̣ барамам̣ вад̣̇анд̇и б̣уд̣̇д̇хаа;
Nibbānaṃ paramaṃ vadanti buddhā;
на хи баб̣б̣аж̇ид̇о баруубагхаад̇ий;
Na hi pabbajito parūpaghātī;
на саман̣о ход̇и барам̣ вихзтаяанд̇о.
Na samaṇo hoti paraṃ viheṭhayanto.
‘‘саб̣б̣абаабасса агаран̣ам̣, гусаласса убасамбад̣̇аа;
‘‘Sabbapāpassa akaraṇaṃ, kusalassa upasampadā;
сажид̇д̇абарияод̣̇абанам̣, зд̇ам̣ б̣уд̣̇д̇хаана саасанам̣.
Sacittapariyodapanaṃ, etaṃ buddhāna sāsanaṃ.
‘‘анубаваад̣̇о анубагхаад̇о, баад̇имогкз жа сам̣варо;
‘‘Anupavādo anupaghāto, pātimokkhe ca saṃvaro;
мад̇д̇ан̃н̃уд̇аа жа бхад̇д̇асмим̣, банд̇ан̃жа саяанаасанам̣;
Mattaññutā ca bhattasmiṃ, pantañca sayanāsanaṃ;
ад̇хижид̇д̇з жа ааяог̇о, зд̇ам̣ б̣уд̣̇д̇хаана саасана’’нд̇и. (д̣̇ий. ни. 2.90; д̇ха. ба. 183-185);
Adhicitte ca āyogo, etaṃ buddhāna sāsana’’nti. (dī. ni. 2.90; dha. pa. 183-185);
зд̇знзва убааязна ид̇арзсамби б̣уд̣̇д̇хаанам̣ баад̇имогкуд̣̇д̣̇зсо взд̣̇ид̇аб̣б̣о. саб̣б̣аб̣уд̣̇д̇хаанан̃хи имаа д̇иссова оваад̣̇абаад̇имогкаг̇аат̇ааяо хонд̇и. д̇аа д̣̇ийгхааяугаб̣уд̣̇д̇хаанам̣ яаава саасанабарияанд̇аа уд̣̇д̣̇зсамааг̇ажчанд̇и; аббааяугаб̣уд̣̇д̇хаанам̣ батамаб̣од̇хияам̣язва. сигкаабад̣̇абан̃н̃ад̇д̇игаалад̇о бана бабхуд̇и аан̣аабаад̇имогкамзва уд̣̇д̣̇исийяад̇и. д̇ан̃жа ко бхигкуу зва уд̣̇д̣̇исанд̇и, на б̣уд̣̇д̇хаа. д̇асмаа амхаагамби бхаг̇аваа батамаб̣од̇хияам̣ вийсад̇ивассамад̇д̇амзва ид̣̇ам̣ оваад̣̇абаад̇имогкам̣ уд̣̇д̣̇иси. ат̇згад̣̇ивасам̣ буб̣б̣аараамз миг̇аарамаад̇убаасаад̣̇з нисинно бхигкуу ааманд̇зси – ‘‘на д̣̇аанаахам̣, бхигкавз, ид̇о барам̣ убосат̇ам̣ гариссаами баад̇имогкам̣ уд̣̇д̣̇исиссаами, д̇умхзва д̣̇аани бхигкавз ид̇о барам̣ убосат̇ам̣ гарзяяаат̇а, баад̇имогкам̣ уд̣̇д̣̇исзяяаат̇а. адтаанамзд̇ам̣, бхигкавз, анавагаасо яам̣ д̇ат̇ааг̇ад̇о абарисуд̣̇д̇хааяа барисааяа убосат̇ам̣ гарзяяа, баад̇имогкам̣ уд̣̇д̣̇исзяяаа’’д̇и (жуул̣ава. 386). д̇ад̇о бадтааяа бхигкуу аан̣аабаад̇имогкам̣ уд̣̇д̣̇исанд̇и. ид̣̇ам̣ аан̣аабаад̇имогкам̣ д̇зсам̣ ануд̣̇д̣̇идтам̣ ахоси. д̇зна вуд̇д̇ам̣ – ‘‘ануд̣̇д̣̇идтам̣ баад̇имогка’’нд̇и.
Eteneva upāyena itaresampi buddhānaṃ pātimokkhuddeso veditabbo. Sabbabuddhānañhi imā tissova ovādapātimokkhagāthāyo honti. Tā dīghāyukabuddhānaṃ yāva sāsanapariyantā uddesamāgacchanti; appāyukabuddhānaṃ paṭhamabodhiyaṃyeva. Sikkhāpadapaññattikālato pana pabhuti āṇāpātimokkhameva uddisīyati. Tañca kho bhikkhū eva uddisanti, na buddhā. Tasmā amhākampi bhagavā paṭhamabodhiyaṃ vīsativassamattameva idaṃ ovādapātimokkhaṃ uddisi. Athekadivasaṃ pubbārāme migāramātupāsāde nisinno bhikkhū āmantesi – ‘‘na dānāhaṃ, bhikkhave, ito paraṃ uposathaṃ karissāmi pātimokkhaṃ uddisissāmi, tumheva dāni bhikkhave ito paraṃ uposathaṃ kareyyātha, pātimokkhaṃ uddiseyyātha. Aṭṭhānametaṃ, bhikkhave, anavakāso yaṃ tathāgato aparisuddhāya parisāya uposathaṃ kareyya, pātimokkhaṃ uddiseyyā’’ti (cūḷava. 386). Tato paṭṭhāya bhikkhū āṇāpātimokkhaṃ uddisanti. Idaṃ āṇāpātimokkhaṃ tesaṃ anuddiṭṭhaṃ ahosi. Tena vuttaṃ – ‘‘anuddiṭṭhaṃ pātimokkha’’nti.
д̇зсам̣ б̣уд̣̇д̇хаананд̇и д̇зсам̣ вибассийаад̣̇ийнам̣ д̇ин̣н̣ам̣ б̣уд̣̇д̇хаанам̣. анд̇арад̇хаанзнаад̇и канд̇ханд̇арад̇хаанзна; бариниб̣б̣аанзнаад̇и вуд̇д̇ам̣ ход̇и. б̣уд̣̇д̇хаануб̣уд̣̇д̇хаананд̇и яз д̇зсам̣ б̣уд̣̇д̇хаанам̣ ануб̣уд̣̇д̇хаа саммукасаавагаа д̇зсан̃жа канд̇ханд̇арад̇хаанзна. яз д̇з бажчимаа саавагаад̇и яз д̇зсам̣ саммукасаавагаанам̣ санд̇игз баб̣б̣аж̇ид̇аа бажчимаа саавагаа. наанаанаамаад̇и ‘‘б̣уд̣̇д̇харагкид̇о, д̇хаммарагкид̇о’’д̇иаад̣̇и наамавасзна вивид̇ханаамаа. наанааг̇од̇д̇аад̇и ‘‘г̇од̇амо, мог̇г̇аллаано’’д̇иаад̣̇и г̇од̇д̇авасзна вивид̇хаг̇од̇д̇аа. наанааж̇ажжаад̇и ‘‘кад̇д̇ияо, б̣раахман̣о’’д̇иаад̣̇иж̇аад̇ивасзна наанааж̇ажжаа. наанаагулаа баб̣б̣аж̇ид̇аад̇и кад̇д̇ияагулаад̣̇ивасз нзва ужжанийжаул̣аарул̣аарабхог̇аад̣̇игулавасзна ваа вивид̇хагулаа нигкамма баб̣б̣аж̇ид̇аа.
Tesaṃbuddhānanti tesaṃ vipassīādīnaṃ tiṇṇaṃ buddhānaṃ. Antaradhānenāti khandhantaradhānena; parinibbānenāti vuttaṃ hoti. Buddhānubuddhānanti ye tesaṃ buddhānaṃ anubuddhā sammukhasāvakā tesañca khandhantaradhānena. Ye te pacchimā sāvakāti ye tesaṃ sammukhasāvakānaṃ santike pabbajitā pacchimā sāvakā. Nānānāmāti ‘‘buddharakkhito, dhammarakkhito’’tiādi nāmavasena vividhanāmā. Nānāgottāti ‘‘gotamo, moggallāno’’tiādi gottavasena vividhagottā. Nānājaccāti ‘‘khattiyo, brāhmaṇo’’tiādijātivasena nānājaccā. Nānākulā pabbajitāti khattiyakulādivase neva uccanīcauḷāruḷārabhogādikulavasena vā vividhakulā nikkhamma pabbajitā.
д̇з д̇ам̣ б̣рахмажарияанд̇и д̇з бажчимаа саавагаа яасмаа зганаамаа згаг̇од̇д̇аа згаж̇аад̇игаа згагулаа баб̣б̣аж̇ид̇аа ‘‘амхаагам̣ саасанам̣ д̇анд̇и бавзн̣ий’’д̇и ад̇д̇ано бхаарам̣ гад̇ваа б̣рахмажарияам̣ рагканд̇и, жирам̣ барияад̇д̇ид̇хаммам̣ барихаранд̇и. имз жа д̇аад̣̇исаа на хонд̇и. д̇асмаа ан̃н̃аман̃н̃ам̣ вихзтзнд̇аа виломам̣ г̇ан̣ханд̇аа ‘‘асуго т̇зро ж̇ааниссад̇и, асуго т̇зро ж̇ааниссад̇ий’’д̇и сит̇илам̣ гаронд̇аа д̇ам̣ б̣рахмажарияам̣ киббан̃н̃зва анд̇арад̇хаабзсум̣, сан̇г̇ахам̣ ааробзд̇ваа на рагким̣су. сзяяат̇аабийд̇и д̇ассад̇т̇асса обамманид̣̇ассанам̣. вигирад̇ийд̇и вигкибад̇и. вид̇хамад̇ийд̇и таананд̇арам̣ нзд̇и. вид̣̇д̇хам̣сзд̇ийд̇и тид̇адтаанад̇о абанзд̇и. яат̇аа д̇ам̣ суд̇д̇зна асан̇г̇ахид̇ад̇д̇аад̇и яат̇аа суд̇д̇зна асан̇г̇ахид̇ад̇д̇аа аг̇ант̇ид̇ад̇д̇аа аб̣ад̣̇д̇хад̇д̇аа звам̣ вигирад̇и яат̇аа суд̇д̇зна асан̇г̇ахид̇аани вигирияанд̇и, звам̣ вигирад̇ийд̇и вуд̇д̇ам̣ ход̇и. звамзва код̇и обаммасамбадибаад̣̇анам̣. анд̇арад̇хаабзсунд̇и ваг̇г̇асан̇г̇аха-бан̣н̣аасасан̇г̇ахаад̣̇ийхи асан̇г̇ан̣ханд̇аа яам̣ яам̣ ад̇д̇ано ружжад̇и, д̇ам̣ д̇ад̣̇зва г̇ахзд̇ваа сзсам̣ винаасзсум̣ ад̣̇ассанам̣ наяим̣су.
Tetaṃ brahmacariyanti te pacchimā sāvakā yasmā ekanāmā ekagottā ekajātikā ekakulā pabbajitā ‘‘amhākaṃ sāsanaṃ tanti paveṇī’’ti attano bhāraṃ katvā brahmacariyaṃ rakkhanti, ciraṃ pariyattidhammaṃ pariharanti. Ime ca tādisā na honti. Tasmā aññamaññaṃ viheṭhentā vilomaṃ gaṇhantā ‘‘asuko thero jānissati, asuko thero jānissatī’’ti sithilaṃ karontā taṃ brahmacariyaṃ khippaññeva antaradhāpesuṃ, saṅgahaṃ āropetvā na rakkhiṃsu. Seyyathāpīti tassatthassa opammanidassanaṃ. Vikiratīti vikkhipati. Vidhamatīti ṭhānantaraṃ neti. Viddhaṃsetīti ṭhitaṭṭhānato apaneti. Yathā taṃ suttena asaṅgahitattāti yathā suttena asaṅgahitattā aganthitattā abaddhattā evaṃ vikirati yathā suttena asaṅgahitāni vikiriyanti, evaṃ vikiratīti vuttaṃ hoti. Evameva khoti opammasampaṭipādanaṃ. Antaradhāpesunti vaggasaṅgaha-paṇṇāsasaṅgahādīhi asaṅgaṇhantā yaṃ yaṃ attano ruccati, taṃ tadeva gahetvā sesaṃ vināsesuṃ adassanaṃ nayiṃsu.
агилаасуно жа д̇з бхаг̇аванд̇о ахзсум̣ саавагз жзд̇асаа жзд̇о барижжа овад̣̇ид̇унд̇и абижа саарибуд̇д̇а д̇з б̣уд̣̇д̇хаа ад̇д̇ано жзд̇асаа саавагаанам̣ жзд̇о барижжа барижчинд̣̇ид̇ваа овад̣̇ид̇ум̣ агилаасуно ахзсум̣, баражид̇д̇ам̣ н̃ад̇ваа анусаасаним̣ на бхаарияад̇о на бабан̃жад̇о ад̣̇д̣̇асам̣су. бхууд̇абуб̣б̣ам̣ саарибуд̇д̇аад̇иаад̣̇и д̇зсам̣ агилаасубхааваббагаасанад̇т̇ам̣ вуд̇д̇ам̣. бхим̣санагзд̇и бхаяаанагз бхаяаж̇ананагз. звам̣ вид̇аггзт̇аад̇и нзгкаммавид̇аггаад̣̇аяо д̇аяо вид̇аггз вид̇аггзт̇а. маа звам̣ вид̇аггаяид̇т̇аад̇и гаамавид̇аггаад̣̇аяо д̇аяо агусалавид̇аггз маа вид̇аггаяид̇т̇а. звам̣ манаси гарот̇аад̇и ‘‘анижжам̣ д̣̇угкаманад̇д̇аа асубха’’нд̇и манаси гарот̇а. маа звам̣ манасаа гад̇т̇аад̇и ‘‘нижжам̣ сукам̣ ад̇д̇аа субха’’нд̇и маа манаси агарид̇т̇а. ид̣̇ам̣ баж̇ахат̇аад̇и агусалам̣ баж̇ахат̇а. ид̣̇ам̣ убасамбаж̇ж̇а вихарат̇аад̇и гусалам̣ убасамбаж̇ж̇а бадилабхид̇ваа нибпаад̣̇зд̇ваа вихарат̇а.
Akilāsuno ca te bhagavanto ahesuṃ sāvake cetasā ceto paricca ovaditunti apica sāriputta te buddhā attano cetasā sāvakānaṃ ceto paricca paricchinditvā ovadituṃ akilāsuno ahesuṃ, paracittaṃ ñatvā anusāsaniṃ na bhāriyato na papañcato addasaṃsu. Bhūtapubbaṃ sāriputtātiādi tesaṃ akilāsubhāvappakāsanatthaṃ vuttaṃ. Bhiṃsanaketi bhayānake bhayajananake. Evaṃ vitakkethāti nekkhammavitakkādayo tayo vitakke vitakketha. Mā evaṃ vitakkayitthāti kāmavitakkādayo tayo akusalavitakke mā vitakkayittha. Evaṃ manasi karothāti ‘‘aniccaṃ dukkhamanattā asubha’’nti manasi karotha. Mā evaṃ manasā katthāti ‘‘niccaṃ sukhaṃ attā subha’’nti mā manasi akarittha. Idaṃ pajahathāti akusalaṃ pajahatha. Idaṃ upasampajja viharathāti kusalaṃ upasampajja paṭilabhitvā nipphādetvā viharatha.
анубаад̣̇ааяа аасавзхи жид̇д̇аани вимужжим̣сууд̇и аг̇г̇ахзд̇ваа вимужжим̣су. д̇зсан̃хи жид̇д̇аани язхи аасавзхи вимужжим̣су, на д̇з д̇аани г̇ахзд̇ваа вимужжим̣су. ануббаад̣̇анирод̇хзна бана нируж̇жхамаанаа аг̇г̇ахзд̇ваа вимужжим̣су. д̇зна вуд̇д̇ам̣ – ‘‘анубаад̣̇ааяа аасавзхи жид̇д̇аани вимужжим̣суу’’д̇и. саб̣б̣зби д̇з арахад̇д̇ам̣ бад̇ваа суурияарасмисампудтамива бад̣̇умаванам̣ вигасид̇ажид̇д̇аа ахзсум̣. д̇ад̇ра суд̣̇ам̣ саарибуд̇д̇а бхим̣санагасса ванасан̣д̣асса бхим̣санагад̇асмим̣ ход̇ийд̇и д̇ад̇раад̇и буримаважанаабзгкам̣; суд̣̇анд̇и бад̣̇абууран̣амад̇д̇з нибаад̇о; саарибуд̇д̇аад̇и аалабанам̣. аяам̣ банзд̇т̇а ад̇т̇аяож̇анаа – д̇ад̇раад̇и яам̣ вуд̇д̇ам̣ ‘‘ан̃н̃ад̇арасмим̣ бхим̣санагз ванасан̣д̣з’’д̇и, д̇ад̇ра яо со бхим̣санагод̇и ванасан̣д̣о вуд̇д̇о, д̇асса бхим̣санагасса ванасан̣д̣асса бхим̣санагад̇асмим̣ ход̇и, бхим̣санагирияааяа ход̇ийд̇и ад̇т̇о. гим̣ ход̇и? ид̣̇ам̣ ход̇и – яо гожи авийд̇арааг̇о…бз… ломаани хам̣санд̇ийд̇и.
Anupādāyaāsavehi cittāni vimucciṃsūti aggahetvā vimucciṃsu. Tesañhi cittāni yehi āsavehi vimucciṃsu, na te tāni gahetvā vimucciṃsu. Anuppādanirodhena pana nirujjhamānā aggahetvā vimucciṃsu. Tena vuttaṃ – ‘‘anupādāya āsavehi cittāni vimucciṃsū’’ti. Sabbepi te arahattaṃ patvā sūriyarasmisamphuṭṭhamiva padumavanaṃ vikasitacittā ahesuṃ. Tatra sudaṃ sāriputta bhiṃsanakassa vanasaṇḍassa bhiṃsanakatasmiṃ hotīti tatrāti purimavacanāpekkhaṃ; sudanti padapūraṇamatte nipāto; sāriputtāti ālapanaṃ. Ayaṃ panettha atthayojanā – tatrāti yaṃ vuttaṃ ‘‘aññatarasmiṃ bhiṃsanake vanasaṇḍe’’ti, tatra yo so bhiṃsanakoti vanasaṇḍo vutto, tassa bhiṃsanakassa vanasaṇḍassa bhiṃsanakatasmiṃ hoti, bhiṃsanakiriyāya hotīti attho. Kiṃ hoti? Idaṃ hoti – yo koci avītarāgo…pe… lomāni haṃsantīti.
ат̇а ваа д̇ад̇раад̇и саамиад̇т̇з бхуммам̣. суид̇и нибаад̇о; ‘‘гим̣ су наама д̇з бхонд̇о саман̣аб̣раахман̣аа’’д̇иаад̣̇ийсу (ма. ни. 1.469) вияа. ид̣̇анд̇и ад̇хиббзд̇амад̇т̇ам̣ бажжагкам̣ вияа гад̇ваа д̣̇ассанаважанам̣. суид̣̇анд̇и суд̣̇ам̣, санд̇хивасзна игааралобо взд̣̇ид̇аб̣б̣о. ‘‘жагкунд̣̇рияам̣, ид̇т̇инд̣̇рияам̣, анан̃н̃аад̇ан̃н̃ассаамийд̇инд̣̇рияам̣ (вибха. 219), ‘‘гим̣ сууд̇ха вид̇д̇а’’нд̇иаад̣̇ийсу (сам̣. ни. 1.73, 246; су. ни. 183) вияа. аяам̣ банзд̇т̇а ад̇т̇аяож̇анаа – д̇асса саарибуд̇д̇а бхим̣санагасса ванасан̣д̣асса бхим̣санагад̇асмим̣ ид̣̇ам̣су ход̇и. бхим̣санагад̇асминд̇и бхим̣санагабхаавзд̇и ад̇т̇о. згасса д̇агаарасса лобо д̣̇адтаб̣б̣о. бхим̣санагад̇д̇асминд̇иязва ваа баато. ‘‘бхим̣санагад̇ааяа’’ ид̇и ваа вад̇д̇аб̣б̣з лин̇г̇авибаллаасо гад̇о. нимид̇д̇ад̇т̇з жзд̇ам̣ бхуммаважанам̣, д̇асмаа звам̣ самб̣анд̇хо взд̣̇ид̇аб̣б̣о – бхим̣санагабхаавз ид̣̇ам̣су ход̇и, бхим̣санагабхааванимид̇д̇ам̣ бхим̣санагабхаавахзд̇у бхим̣санагабхаавабажжаяаа ид̣̇ам̣су ход̇и. яо гожи авийд̇арааг̇о д̇ам̣ ванасан̣д̣ам̣ бависад̇и, язбхуяязна ломаани хам̣санд̇ийд̇и б̣ахуд̇араани ломаани хам̣санд̇и уд̣̇д̇хам̣ мукаани суужисад̣̇исаани ган̣дагасад̣̇исаани жа худ̇ваа д̇идтанд̇и, аббаани на хам̣санд̇и. б̣ахуд̇араанам̣ ваа сад̇д̇аанам̣ хам̣санд̇и. аббагаанам̣ ад̇исуурабурисаанам̣ на хам̣санд̇и.
Atha vā tatrāti sāmiatthe bhummaṃ. Suiti nipāto; ‘‘kiṃ su nāma te bhonto samaṇabrāhmaṇā’’tiādīsu (ma. ni. 1.469) viya. Idanti adhippetamatthaṃ paccakkhaṃ viya katvā dassanavacanaṃ. Suidanti sudaṃ, sandhivasena ikāralopo veditabbo. ‘‘Cakkhundriyaṃ, itthindriyaṃ, anaññātaññassāmītindriyaṃ (vibha. 219), ‘‘kiṃ sūdha vitta’’ntiādīsu (saṃ. ni. 1.73, 246; su. ni. 183) viya. Ayaṃ panettha atthayojanā – tassa sāriputta bhiṃsanakassa vanasaṇḍassa bhiṃsanakatasmiṃ idaṃsu hoti. Bhiṃsanakatasminti bhiṃsanakabhāveti attho. Ekassa takārassa lopo daṭṭhabbo. Bhiṃsanakattasmintiyeva vā pāṭho. ‘‘Bhiṃsanakatāya’’ iti vā vattabbe liṅgavipallāso kato. Nimittatthe cetaṃ bhummavacanaṃ, tasmā evaṃ sambandho veditabbo – bhiṃsanakabhāve idaṃsu hoti, bhiṃsanakabhāvanimittaṃ bhiṃsanakabhāvahetu bhiṃsanakabhāvapaccayā idaṃsu hoti. Yo koci avītarāgo taṃ vanasaṇḍaṃ pavisati, yebhuyyena lomāni haṃsantīti bahutarāni lomāni haṃsanti uddhaṃ mukhāni sūcisadisāni kaṇṭakasadisāni ca hutvā tiṭṭhanti, appāni na haṃsanti. Bahutarānaṃ vā sattānaṃ haṃsanti. Appakānaṃ atisūrapurisānaṃ na haṃsanti.
ид̣̇аани аяам̣ ко, саарибуд̇д̇а, хзд̇ууд̇иаад̣̇и ниг̇аманам̣. яан̃жзд̇т̇а анд̇аранд̇араа на вуд̇д̇ам̣, д̇ам̣ уд̇д̇аанад̇т̇амзва. д̇асмаа баал̣иггамзнзва взд̣̇ид̇аб̣б̣ам̣. яам̣ бана вуд̇д̇ам̣ на жирадтид̇игам̣ ахосийд̇и, д̇ам̣ бурисаяуг̇авасзна вуд̇д̇анд̇и взд̣̇ид̇аб̣б̣ам̣. вассаг̇ан̣анааяа хи вибассисса бхаг̇авад̇о асийд̇ивассасахассаани ааяу, саммукасаавагаанамбисса д̇ад̇д̇агамзва. звамасса явааяам̣ саб̣б̣абажчимаго сааваго, д̇зна саха гхадзд̇ваа сад̇асахассам̣ садтимад̇д̇аани жа вассасахассаани б̣рахмажарияам̣ адтааси. бурисаяуг̇авасзна бана яуг̇абарамбарааяа ааг̇анд̇ваа д̣̇взязва бурисаяуг̇аани адтааси. д̇асмаа на жирадтид̇иганд̇и вуд̇д̇ам̣. сикисса бана бхаг̇авад̇о сад̇д̇ад̇ивассасахассаани ааяу. саммукасаавагаанамбисса д̇ад̇д̇агамзва. взссабхусса бхаг̇авад̇о садтивассасахассаани ааяу. саммукасаавагаанамбисса д̇ад̇д̇агамзва. звам̣ д̇зсамби яз саб̣б̣абажчимагаа саавагаа д̇зхи саха гхадзд̇ваа сад̇асахассад̇о уд̣̇д̇хам̣ жад̇д̇аалийсамад̇д̇аани вийсад̇имад̇д̇аани жа вассасахассаани б̣рахмажарияам̣ адтааси. бурисаяуг̇авасзна бана яуг̇абарамбарааяа ааг̇анд̇ваа д̣̇вз д̣̇взязва бурисаяуг̇аани адтааси. д̇асмаа на жирадтид̇иганд̇и вуд̇д̇ам̣.
Idāni ayaṃ kho, sāriputta, hetūtiādi nigamanaṃ. Yañcettha antarantarā na vuttaṃ, taṃ uttānatthameva. Tasmā pāḷikkameneva veditabbaṃ. Yaṃ pana vuttaṃ na ciraṭṭhitikaṃ ahosīti, taṃ purisayugavasena vuttanti veditabbaṃ. Vassagaṇanāya hi vipassissa bhagavato asītivassasahassāni āyu, sammukhasāvakānampissa tattakameva. Evamassa yvāyaṃ sabbapacchimako sāvako, tena saha ghaṭetvā satasahassaṃ saṭṭhimattāni ca vassasahassāni brahmacariyaṃ aṭṭhāsi. Purisayugavasena pana yugaparamparāya āgantvā dveyeva purisayugāni aṭṭhāsi. Tasmā na ciraṭṭhitikanti vuttaṃ. Sikhissa pana bhagavato sattativassasahassāni āyu. Sammukhasāvakānampissa tattakameva. Vessabhussa bhagavato saṭṭhivassasahassāni āyu. Sammukhasāvakānampissa tattakameva. Evaṃ tesampi ye sabbapacchimakā sāvakā tehi saha ghaṭetvā satasahassato uddhaṃ cattālīsamattāni vīsatimattāni ca vassasahassāni brahmacariyaṃ aṭṭhāsi. Purisayugavasena pana yugaparamparāya āgantvā dve dveyeva purisayugāni aṭṭhāsi. Tasmā na ciraṭṭhitikanti vuttaṃ.
20. звам̣ ааяасмаа саарибуд̇д̇о д̇ин̣н̣ам̣ б̣уд̣̇д̇хаанам̣ б̣рахмажарияасса на жирадтид̇игааран̣ам̣ суд̇ваа ид̇арзсам̣ д̇ин̣н̣ам̣ б̣рахмажарияасса жирадтид̇игааран̣ам̣ сод̇угаамо буна бхаг̇аванд̇ам̣ ‘‘го бана бханд̇з хзд̇уу’’д̇и аад̣̇инаа наязна бужчи. бхаг̇аваабисса б̣яаагааси. д̇ам̣ саб̣б̣ам̣ вуд̇д̇абадибагкавасзна взд̣̇ид̇аб̣б̣ам̣. жирадтид̇игабхаавзби жзд̇т̇а д̇зсам̣ б̣уд̣̇д̇хаанам̣ ааяубаримаан̣ад̇оби бурисаяуг̇ад̇оби убхаяат̇аа жирадтид̇игад̇аа взд̣̇ид̇аб̣б̣аа. гагусанд̇хасса хи бхаг̇авад̇о жад̇д̇аалийсавассасахассаани ааяу, гон̣ааг̇аманасса бхаг̇авад̇о д̇им̣савассасахассаани, гассабасса бхаг̇авад̇о вийсад̇ивассасахассаани; саммукасаавагаанамби нзсам̣ д̇ад̇д̇агамзва. б̣ахууни жа нзсам̣ саавагаяуг̇аани барамбарааяа б̣рахмажарияам̣ бавад̇д̇зсум̣. звам̣ д̇зсам̣ ааяубаримаан̣ад̇оби саавагаяуг̇ад̇оби убхаяат̇аа б̣рахмажарияам̣ жирадтид̇игам̣ ахоси.
20. Evaṃ āyasmā sāriputto tiṇṇaṃ buddhānaṃ brahmacariyassa na ciraṭṭhitikāraṇaṃ sutvā itaresaṃ tiṇṇaṃ brahmacariyassa ciraṭṭhitikāraṇaṃ sotukāmo puna bhagavantaṃ ‘‘ko pana bhante hetū’’ti ādinā nayena pucchi. Bhagavāpissa byākāsi. Taṃ sabbaṃ vuttapaṭipakkhavasena veditabbaṃ. Ciraṭṭhitikabhāvepi cettha tesaṃ buddhānaṃ āyuparimāṇatopi purisayugatopi ubhayathā ciraṭṭhitikatā veditabbā. Kakusandhassa hi bhagavato cattālīsavassasahassāni āyu, koṇāgamanassa bhagavato tiṃsavassasahassāni, kassapassa bhagavato vīsativassasahassāni; sammukhasāvakānampi nesaṃ tattakameva. Bahūni ca nesaṃ sāvakayugāni paramparāya brahmacariyaṃ pavattesuṃ. Evaṃ tesaṃ āyuparimāṇatopi sāvakayugatopi ubhayathā brahmacariyaṃ ciraṭṭhitikaṃ ahosi.
амхаагам̣ бана бхаг̇авад̇о гассабасса бхаг̇авад̇о убад̣дхааяугаббамаан̣з д̣̇асавассасахассааяугагаалз уббаж̇ж̇ид̇аб̣б̣ам̣ сияаа. д̇ам̣ асамбхун̣анд̇зна бан̃жавассасахассааяугагаалз, згавассасахассааяугагаалз, бан̃жавассасад̇ааяугагаалзби ваа уббаж̇ж̇ид̇аб̣б̣ам̣ сияаа. яасмаа банасса б̣уд̣̇д̇хад̇д̇агаарагз д̇хаммз зсанд̇асса бариязсанд̇асса н̃аан̣ам̣ барибаажзнд̇асса г̇аб̣бхам̣ г̇ан̣хаабзнд̇асса вассасад̇ааяугагаалз н̃аан̣ам̣ барибаагамаг̇амааси. д̇асмаа ад̇ибарид̇д̇ааяугагаалз уббанно. д̇знасса саавагабарамбараавасзна жирадтид̇игамби б̣рахмажарияам̣ ааяубаримаан̣авасзна вассаг̇ан̣анааяа нажирадтид̇игамзваад̇и вад̇д̇ум̣ ваддад̇и.
Amhākaṃ pana bhagavato kassapassa bhagavato upaḍḍhāyukappamāṇe dasavassasahassāyukakāle uppajjitabbaṃ siyā. Taṃ asambhuṇantena pañcavassasahassāyukakāle, ekavassasahassāyukakāle, pañcavassasatāyukakālepi vā uppajjitabbaṃ siyā. Yasmā panassa buddhattakārake dhamme esantassa pariyesantassa ñāṇaṃ paripācentassa gabbhaṃ gaṇhāpentassa vassasatāyukakāle ñāṇaṃ paripākamagamāsi. Tasmā atiparittāyukakāle uppanno. Tenassa sāvakaparamparāvasena ciraṭṭhitikampi brahmacariyaṃ āyuparimāṇavasena vassagaṇanāya naciraṭṭhitikamevāti vattuṃ vaṭṭati.
21. ат̇а ко ааяасмаа саарибуд̇д̇од̇и го анусанд̇хи? звам̣ д̇ин̣н̣ам̣ б̣уд̣̇д̇хаанам̣ б̣рахмажарияасса жирадтид̇игааран̣ам̣ суд̇ваа сигкаабад̣̇абан̃н̃ад̇д̇иязва жирадтид̇игабхаавахзд̇ууд̇и нидтам̣ г̇анд̇ваа бхаг̇авад̇оби б̣рахмажарияасса жирадтид̇игабхаавам̣ ижчанд̇о ааяасмаа саарибуд̇д̇о бхаг̇аванд̇ам̣ сигкаабад̣̇абан̃н̃ад̇д̇им̣ яаажи. д̇ассаа яаажанавид̇хид̣̇ассанад̇т̇амзд̇ам̣ вуд̇д̇ам̣ – ат̇а ко ааяасмаа саарибуд̇д̇о удтааяаасанаа …бз… жирадтид̇иганд̇и. д̇ад̇т̇а ад̣̇д̇ханияанд̇и ад̣̇д̇хаанагкамам̣; д̣̇ийгхагаалиганд̇и вуд̇д̇ам̣ ход̇и. сзсам̣ уд̇д̇аанад̇т̇амзва.
21.Atha kho āyasmā sāriputtoti ko anusandhi? Evaṃ tiṇṇaṃ buddhānaṃ brahmacariyassa ciraṭṭhitikāraṇaṃ sutvā sikkhāpadapaññattiyeva ciraṭṭhitikabhāvahetūti niṭṭhaṃ gantvā bhagavatopi brahmacariyassa ciraṭṭhitikabhāvaṃ icchanto āyasmā sāriputto bhagavantaṃ sikkhāpadapaññattiṃ yāci. Tassā yācanavidhidassanatthametaṃ vuttaṃ – atha kho āyasmā sāriputto uṭṭhāyāsanā …pe… ciraṭṭhitikanti. Tattha addhaniyanti addhānakkhamaṃ; dīghakālikanti vuttaṃ hoti. Sesaṃ uttānatthameva.
ат̇асса бхаг̇аваа ‘‘на д̇аавааяам̣ сигкаабад̣̇абан̃н̃ад̇д̇игаало’’д̇и багаасзнд̇о ‘‘ааг̇амзхи д̇вам̣ саарибуд̇д̇аа’’д̇иаад̣̇имааха. д̇ад̇т̇а ааг̇амзхи д̇ванд̇и д̇идта д̇аава д̇вам̣; ад̇хиваасзхи д̇аава д̇ванд̇и вуд̇д̇ам̣ ход̇и. аад̣̇арад̇т̇авасзнзвзд̇т̇а д̣̇вигкад̇д̇ум̣ вуд̇д̇ам̣. зд̇зна бхаг̇аваа сигкаабад̣̇абан̃н̃ад̇д̇ияаа саавагаанам̣ висаяабхаавам̣ бадигкибид̇ваа ‘‘б̣уд̣̇д̇хависаяова сигкаабад̣̇абан̃н̃ад̇д̇ий’’д̇и аавигаронд̇о ‘‘д̇ат̇ааг̇ад̇о ваа’’д̇иаад̣̇имааха. зд̇т̇а жа д̇ад̇т̇аад̇и сигкаабад̣̇абан̃н̃ад̇д̇ияаажанаабзгкам̣ бхуммаважанам̣. д̇ад̇рааяам̣ яож̇анаа – яам̣ вуд̇д̇ам̣ ‘‘сигкаабад̣̇ам̣ бан̃н̃абзяяаа’’д̇и, д̇ад̇т̇а д̇ассаа сигкаабад̣̇абан̃н̃ад̇д̇ияаа д̇ат̇ааг̇ад̇оязва гаалам̣ ж̇ааниссад̇ийд̇и. звам̣ вад̇ваа агаалам̣ д̇аава д̣̇ассзд̇ум̣ ‘‘на д̇аава саарибуд̇д̇аа’’д̇иаад̣̇имааха.
Athassa bhagavā ‘‘na tāvāyaṃ sikkhāpadapaññattikālo’’ti pakāsento ‘‘āgamehi tvaṃ sāriputtā’’tiādimāha. Tattha āgamehi tvanti tiṭṭha tāva tvaṃ; adhivāsehi tāva tvanti vuttaṃ hoti. Ādaratthavasenevettha dvikkhattuṃ vuttaṃ. Etena bhagavā sikkhāpadapaññattiyā sāvakānaṃ visayabhāvaṃ paṭikkhipitvā ‘‘buddhavisayova sikkhāpadapaññattī’’ti āvikaronto ‘‘tathāgato vā’’tiādimāha. Ettha ca tatthāti sikkhāpadapaññattiyācanāpekkhaṃ bhummavacanaṃ. Tatrāyaṃ yojanā – yaṃ vuttaṃ ‘‘sikkhāpadaṃ paññapeyyā’’ti, tattha tassā sikkhāpadapaññattiyā tathāgatoyeva kālaṃ jānissatīti. Evaṃ vatvā akālaṃ tāva dassetuṃ ‘‘na tāva sāriputtā’’tiādimāha.
д̇ад̇т̇а аасаваа д̇идтанд̇и зд̇зсууд̇и аасавадтаанийяаа. язсу д̣̇идтад̇хаммигасамбарааяигаа д̣̇угкаасаваа гилзсаасаваа жа баруубаваад̣̇авиббадисааравад̇хаб̣анд̇ханаад̣̇аяо жзва абааяад̣̇угкависзсабхууд̇аа жа аасаваа д̇идтанд̇иязва, яасмаа нзсам̣ д̇з гааран̣ам̣ хонд̇ийд̇и ад̇т̇о. д̇з аасавадтаанийяаа вийд̇иггамад̇хаммаа яаава на сан̇гхз баад̇убхаванд̇и, на д̇аава сад̇т̇аа саавагаанам̣ сигкаабад̣̇ам̣ бан̃н̃абзд̇ийд̇и аяамзд̇т̇а яож̇анаа. яад̣̇и хи бан̃н̃абзяяа, баруубаваад̣̇аа баруубаарамбхаа г̇арахад̣̇осаа на баримужжзяяа.
Tattha āsavā tiṭṭhanti etesūti āsavaṭṭhānīyā. Yesu diṭṭhadhammikasamparāyikā dukkhāsavā kilesāsavā ca parūpavādavippaṭisāravadhabandhanādayo ceva apāyadukkhavisesabhūtā ca āsavā tiṭṭhantiyeva, yasmā nesaṃ te kāraṇaṃ hontīti attho. Te āsavaṭṭhānīyā vītikkamadhammā yāva na saṅghe pātubhavanti, na tāva satthā sāvakānaṃ sikkhāpadaṃ paññapetīti ayamettha yojanā. Yadi hi paññapeyya, parūpavādā parūpārambhā garahadosā na parimucceyya.
гат̇ам̣? бан̃н̃абзнд̇зна хи ‘‘яо бана бхигку мзт̇унам̣ д̇хаммам̣ бадисзвзяяаа’’д̇иаад̣̇и саб̣б̣ам̣ бан̃н̃абзд̇аб̣б̣ам̣ бхавзяяа. ад̣̇исваава вийд̇иггамад̣̇осам̣ имам̣ бан̃н̃ад̇д̇им̣ н̃ад̇ваа барз звам̣ убаваад̣̇ан̃жа убаарамбхан̃жа г̇арахан̃жа бавад̇д̇зяяум̣ – ‘‘гат̇ан̃хи наама саман̣о г̇од̇амо бхигкусан̇гхо мз анвааяиго важанагарод̇и зд̇д̇аавад̇аа сигкаабад̣̇зхи баливзтзссад̇и, баарааж̇игам̣ бан̃н̃абзссад̇и? нану имз гулабуд̇д̇аа маханд̇ам̣ бхог̇агканд̇хам̣ маханд̇ан̃жа н̃аад̇ибариваддам̣ хад̇т̇аг̇ад̇аани жа раж̇ж̇ааниби бахааяа баб̣б̣аж̇ид̇аа, гхаасажчаад̣̇анабарамад̇ааяа санд̇удтаа, сигкааяа д̇иб̣б̣аг̇аараваа, гааяз жа ж̇ийвид̇з жа нирабзгкаа вихаранд̇и. д̇зсу наама го логаамисабхууд̇ам̣ мзт̇унам̣ ваа бадисзвиссад̇и, барабхан̣д̣ам̣ ваа хариссад̇и, барасса ваа идтам̣ ганд̇ам̣ ад̇имад̇хурам̣ ж̇ийвид̇ам̣ убажчинд̣̇иссад̇и, абхууд̇аг̇ун̣агат̇ааяа ваа ж̇ийвид̇ам̣ габбзссад̇и! нану баарааж̇игз абан̃н̃ад̇д̇зби баб̣б̣аж̇ж̇аасан̇кзбзнзвзд̇ам̣ баагадам̣ гад̇а’’нд̇и. д̇ат̇ааг̇ад̇асса жа т̇ааман̃жа б̣алан̃жа сад̇д̇аа на ж̇аанзяяум̣. бан̃н̃ад̇д̇амби сигкаабад̣̇ам̣ губбзяяа, на яат̇аатаанз д̇идтзяяа. сзяяат̇ааби наама агусало взж̇ж̇о ган̃жи ануббаннаг̇ан̣д̣ам̣ бурисам̣ баггосаабзд̇ваа ‘‘зхи бхо буриса, имасмим̣ д̇з сарийраббад̣̇зсз махааг̇ан̣д̣о уббаж̇ж̇ид̇ваа анаяаб̣яасанам̣ баабзссад̇и, бадигажжзва нам̣ д̇игижчаабзхий’’д̇и вад̇ваа ‘‘саад̇хаажарияа, д̇вам̣язва нам̣ д̇игижчассуу’’д̇и вуд̇д̇о д̇асса арог̇ам̣ сарийраббад̣̇зсам̣ паалзд̇ваа лохид̇ам̣ нийхарид̇ваа аалзбанаб̣анд̇ханад̇хованаад̣̇ийхи д̇ам̣ бад̣̇зсам̣ сан̃чавим̣ гад̇ваа д̇ам̣ бурисам̣ вад̣̇зяяа – ‘‘махаарог̇о д̇з маяаа д̇игижчид̇о, д̣̇зхи мз д̣̇зяяад̇хамма’’нд̇и. со д̇ам̣ ‘‘гимаяам̣ б̣аалавзж̇ж̇о вад̣̇ад̇и? гад̇аро гира мз иминаа рог̇о д̇игижчид̇о? нану мз аяам̣ д̣̇угкан̃жа ж̇анзд̇и, лохид̇агкаяан̃жа мам̣ баабзд̇ий’’д̇и звам̣ убавад̣̇зяяа жзва убаарамбхзяяа жа г̇арахзяяа жа, на жасса г̇ун̣ам̣ ж̇аанзяяа. звамзва яад̣̇и ануббаннз вийд̇иггамад̣̇осз сад̇т̇аа саавагаанам̣ сигкаабад̣̇ам̣ бан̃н̃абзяяа, баруубаваад̣̇аад̣̇ийхи жа на баримужжзяяа, на жасса т̇аамам̣ ваа б̣алам̣ ваа сад̇д̇аа ж̇аанзяяум̣, бан̃н̃ад̇д̇амби сигкаабад̣̇ам̣ губбзяяа, на яат̇аатаанз д̇идтзяяа. д̇асмаа вуд̇д̇ам̣ – ‘‘на д̇аава саарибуд̇д̇а сад̇т̇аа саавагаанам̣…бз… баад̇убхаванд̇ий’’д̇и.
Kathaṃ? Paññapentena hi ‘‘yo pana bhikkhu methunaṃ dhammaṃ paṭiseveyyā’’tiādi sabbaṃ paññapetabbaṃ bhaveyya. Adisvāva vītikkamadosaṃ imaṃ paññattiṃ ñatvā pare evaṃ upavādañca upārambhañca garahañca pavatteyyuṃ – ‘‘kathañhi nāma samaṇo gotamo bhikkhusaṅgho me anvāyiko vacanakaroti ettāvatā sikkhāpadehi paliveṭhessati, pārājikaṃ paññapessati? Nanu ime kulaputtā mahantaṃ bhogakkhandhaṃ mahantañca ñātiparivaṭṭaṃ hatthagatāni ca rajjānipi pahāya pabbajitā, ghāsacchādanaparamatāya santuṭṭhā, sikkhāya tibbagāravā, kāye ca jīvite ca nirapekkhā viharanti. Tesu nāma ko lokāmisabhūtaṃ methunaṃ vā paṭisevissati, parabhaṇḍaṃ vā harissati, parassa vā iṭṭhaṃ kantaṃ atimadhuraṃ jīvitaṃ upacchindissati, abhūtaguṇakathāya vā jīvitaṃ kappessati! Nanu pārājike apaññattepi pabbajjāsaṅkhepenevetaṃ pākaṭaṃ kata’’nti. Tathāgatassa ca thāmañca balañca sattā na jāneyyuṃ. Paññattampi sikkhāpadaṃ kuppeyya, na yathāṭhāne tiṭṭheyya. Seyyathāpi nāma akusalo vejjo kañci anuppannagaṇḍaṃ purisaṃ pakkosāpetvā ‘‘ehi bho purisa, imasmiṃ te sarīrappadese mahāgaṇḍo uppajjitvā anayabyasanaṃ pāpessati, paṭikacceva naṃ tikicchāpehī’’ti vatvā ‘‘sādhācariya, tvaṃyeva naṃ tikicchassū’’ti vutto tassa arogaṃ sarīrappadesaṃ phāletvā lohitaṃ nīharitvā ālepanabandhanadhovanādīhi taṃ padesaṃ sañchaviṃ katvā taṃ purisaṃ vadeyya – ‘‘mahārogo te mayā tikicchito, dehi me deyyadhamma’’nti. So taṃ ‘‘kimayaṃ bālavejjo vadati? Kataro kira me iminā rogo tikicchito? Nanu me ayaṃ dukkhañca janeti, lohitakkhayañca maṃ pāpetī’’ti evaṃ upavadeyya ceva upārambheyya ca garaheyya ca, na cassa guṇaṃ jāneyya. Evameva yadi anuppanne vītikkamadose satthā sāvakānaṃ sikkhāpadaṃ paññapeyya, parūpavādādīhi ca na parimucceyya, na cassa thāmaṃ vā balaṃ vā sattā jāneyyuṃ, paññattampi sikkhāpadaṃ kuppeyya, na yathāṭhāne tiṭṭheyya. Tasmā vuttaṃ – ‘‘na tāva sāriputta satthā sāvakānaṃ…pe… pātubhavantī’’ti.
звам̣ агаалам̣ д̣̇ассзд̇ваа буна гаалам̣ д̣̇ассзд̇ум̣ ‘‘яад̇о жа ко саарибуд̇д̇аа’’д̇иаад̣̇имааха. д̇ад̇т̇а яад̇од̇и яад̣̇аа; яасмим̣ гаалзд̇и вуд̇д̇ам̣ ход̇и. сзсам̣ вуд̇д̇аанусаарзнзва взд̣̇ид̇аб̣б̣ам̣. аяам̣ ваа хзд̇т̇а сан̇кзбад̇т̇о – яасмим̣ самаяз ‘‘аасавадтаанийяаа д̇хаммаа’’д̇и сан̇кяам̣ г̇ад̇аа вийд̇иггамад̣̇осаа сан̇гхз баад̇убхаванд̇и, д̇ад̣̇аа сад̇т̇аа саавагаанам̣ сигкаабад̣̇ам̣ бан̃н̃абзд̇и, уд̣̇д̣̇исад̇и баад̇имогкам̣. гасмаа? д̇зсам̣язва ‘‘аасавадтаанийяаа д̇хаммаа’’д̇и сан̇кяам̣ г̇ад̇аанам̣ вийд̇иггамад̣̇осаанам̣ бадигхаад̇ааяа. звам̣ бан̃н̃абзнд̇о яат̇аа наама гусало взж̇ж̇о уббаннам̣ г̇ан̣д̣ам̣ пааланалзбанаб̣анд̇ханад̇хованаад̣̇ийхи д̇игижчанд̇о рог̇ам̣ вуубасамзд̇ваа сан̃чавим̣ гад̇ваа на д̇взва убаваад̣̇аад̣̇ирахо ход̇и, сагз жа аажарияагз вид̣̇ид̇аанубхааво худ̇ваа саггаарам̣ баабун̣аад̇и; звам̣ на жа убаваад̣̇аад̣̇ирахо ход̇и, сагз жа саб̣б̣ан̃н̃увисаяз вид̣̇ид̇аанубхааво худ̇ваа саггаарам̣ баабун̣аад̇и. д̇ан̃жасса сигкаабад̣̇ам̣ агуббам̣ ход̇и, яат̇аатаанз д̇идтад̇ийд̇и.
Evaṃ akālaṃ dassetvā puna kālaṃ dassetuṃ ‘‘yato ca kho sāriputtā’’tiādimāha. Tattha yatoti yadā; yasmiṃ kāleti vuttaṃ hoti. Sesaṃ vuttānusāreneva veditabbaṃ. Ayaṃ vā hettha saṅkhepattho – yasmiṃ samaye ‘‘āsavaṭṭhānīyā dhammā’’ti saṅkhyaṃ gatā vītikkamadosā saṅghe pātubhavanti, tadā satthā sāvakānaṃ sikkhāpadaṃ paññapeti, uddisati pātimokkhaṃ. Kasmā? Tesaṃyeva ‘‘āsavaṭṭhānīyā dhammā’’ti saṅkhyaṃ gatānaṃ vītikkamadosānaṃ paṭighātāya. Evaṃ paññapento yathā nāma kusalo vejjo uppannaṃ gaṇḍaṃ phālanalepanabandhanadhovanādīhi tikicchanto rogaṃ vūpasametvā sañchaviṃ katvā na tveva upavādādiraho hoti, sake ca ācariyake viditānubhāvo hutvā sakkāraṃ pāpuṇāti; evaṃ na ca upavādādiraho hoti, sake ca sabbaññuvisaye viditānubhāvo hutvā sakkāraṃ pāpuṇāti. Tañcassa sikkhāpadaṃ akuppaṃ hoti, yathāṭhāne tiṭṭhatīti.
звам̣ аасавадтаанийяаанам̣ д̇хаммаанам̣ ануббад̇д̇им̣ сигкаабад̣̇абан̃н̃ад̇д̇ияаа агаалам̣ уббад̇д̇ин̃жа гааланд̇и вад̇ваа ид̣̇аани д̇зсам̣ д̇хаммаанам̣ ануббад̇д̇игаалан̃жа уббад̇д̇игаалан̃жа д̣̇ассзд̇ум̣ ‘‘на д̇аава саарибуд̇д̇а ид̇хзгажжз’’д̇иаад̣̇имааха. д̇ад̇т̇а уд̇д̇аанад̇т̇аани бад̣̇аани баал̣ивасзнзва взд̣̇ид̇аб̣б̣аани. аяам̣ бана ануд̇д̇аанабад̣̇аван̣н̣анаа – рад̇д̇ияо ж̇аананд̇ийд̇и рад̇д̇ан̃н̃уу, ад̇д̇ано баб̣б̣аж̇ид̇ад̣̇ивасад̇о бадтааяа б̣ахугаа рад̇д̇ияо ж̇аананд̇и, жирабаб̣б̣аж̇ид̇аад̇и вуд̇д̇ам̣ ход̇и. рад̇д̇ан̃н̃уухи махад̇д̇ам̣ рад̇д̇ан̃н̃умахад̇д̇ам̣; жирабаб̣б̣аж̇ид̇зхи маханд̇абхааванд̇и ад̇т̇о. д̇ад̇ра рад̇д̇ан̃н̃умахад̇д̇ам̣ бад̇д̇з сан̇гхз убасзнам̣ ван̇г̇анд̇абуд̇д̇ам̣ аараб̣бха сигкаабад̣̇ам̣ бан̃н̃ад̇д̇анд̇и взд̣̇ид̇аб̣б̣ам̣. со хааяасмаа уунад̣̇асавассз бхигкуу убасамбаад̣̇знд̇з д̣̇исваа згавассо сад̣̇д̇хивихааригам̣ убасамбаад̣̇зси. ат̇а бхаг̇аваа сигкаабад̣̇ам̣ бан̃н̃абзси – ‘‘на, бхигкавз , уунад̣̇асавассзна убасамбаад̣̇зд̇аб̣б̣о. яо убасамбаад̣̇зяяа, аабад̇д̇и д̣̇уггадассаа’’д̇и (махаава. 75). звам̣ бан̃н̃ад̇д̇з сигкаабад̣̇з буна бхигкуу ‘‘д̣̇асавассаамха д̣̇асавассаамхаа’’д̇и б̣аалаа аб̣яад̇д̇аа убасамбаад̣̇знд̇и. ат̇а бхаг̇аваа абарамби сигкаабад̣̇ам̣ бан̃н̃аабзси – ‘‘на, бхигкавз, б̣аалзна аб̣яад̇д̇зна убасамбаад̣̇зд̇аб̣б̣о. яо убасамбаад̣̇зяяа, аабад̇д̇и д̣̇уггадасса. ануж̇аанаами, бхигкавз, б̣яад̇д̇зна бхигкунаа бадиб̣алзна д̣̇асавассзна ваа ад̇ирзгад̣̇асавассзна ваа убасамбаад̣̇зд̇у’’нд̇и (махаава. 76) рад̇д̇ан̃н̃умахад̇д̇ам̣ бад̇д̇агаалз д̣̇вз сигкаабад̣̇аани бан̃н̃ад̇д̇аани.
Evaṃ āsavaṭṭhānīyānaṃ dhammānaṃ anuppattiṃ sikkhāpadapaññattiyā akālaṃ uppattiñca kālanti vatvā idāni tesaṃ dhammānaṃ anuppattikālañca uppattikālañca dassetuṃ ‘‘na tāva sāriputta idhekacce’’tiādimāha. Tattha uttānatthāni padāni pāḷivaseneva veditabbāni. Ayaṃ pana anuttānapadavaṇṇanā – rattiyo jānantīti rattaññū, attano pabbajitadivasato paṭṭhāya bahukā rattiyo jānanti, cirapabbajitāti vuttaṃ hoti. Rattaññūhi mahattaṃ rattaññumahattaṃ; cirapabbajitehi mahantabhāvanti attho. Tatra rattaññumahattaṃ patte saṅghe upasenaṃ vaṅgantaputtaṃ ārabbha sikkhāpadaṃ paññattanti veditabbaṃ. So hāyasmā ūnadasavasse bhikkhū upasampādente disvā ekavasso saddhivihārikaṃ upasampādesi. Atha bhagavā sikkhāpadaṃ paññapesi – ‘‘na, bhikkhave , ūnadasavassena upasampādetabbo. Yo upasampādeyya, āpatti dukkaṭassā’’ti (mahāva. 75). Evaṃ paññatte sikkhāpade puna bhikkhū ‘‘dasavassāmha dasavassāmhā’’ti bālā abyattā upasampādenti. Atha bhagavā aparampi sikkhāpadaṃ paññāpesi – ‘‘na, bhikkhave, bālena abyattena upasampādetabbo. Yo upasampādeyya, āpatti dukkaṭassa. Anujānāmi, bhikkhave, byattena bhikkhunā paṭibalena dasavassena vā atirekadasavassena vā upasampādetu’’nti (mahāva. 76) rattaññumahattaṃ pattakāle dve sikkhāpadāni paññattāni.
взбулламахад̇д̇анд̇и вибулабхаавзна махад̇д̇ам̣. сан̇гхо хи яаава на т̇зранавамаж̇жхимаанам̣ васзна взбулламахад̇д̇ам̣ бад̇д̇о ход̇и, д̇аава сзнаасанаани бахонд̇и. саасанз згажжз аасавадтаанийяаа д̇хаммаа на уббаж̇ж̇анд̇и. взбулламахад̇д̇ам̣ бана бад̇д̇з д̇з уббаж̇ж̇анд̇и. ат̇а сад̇т̇аа саавагаанам̣ сигкаабад̣̇ам̣ бан̃н̃абзд̇и. д̇ад̇т̇а взбулламахад̇д̇ам̣ бад̇д̇з сан̇гхз бан̃н̃ад̇д̇асигкаабад̣̇аани ‘‘яо бана бхигку анубасамбаннзна уд̇д̇ари д̣̇ирад̇д̇ад̇ирад̇д̇ам̣ сахасзяяам̣ габбзяяа, баажид̇д̇ияам̣’’ (баажи. 51); ‘‘яаа бана бхигкуний анувассам̣ вудтаабзяяа, баажид̇д̇ияам̣’’ (баажи. 1171); ‘‘яаа бана бхигкуний згам̣ вассам̣ д̣̇вз вудтаабзяяа, баажид̇д̇ияа’’нд̇и (баажи. 1175) иминаа наязна взд̣̇ид̇аб̣б̣аани.
Vepullamahattanti vipulabhāvena mahattaṃ. Saṅgho hi yāva na theranavamajjhimānaṃ vasena vepullamahattaṃ patto hoti, tāva senāsanāni pahonti. Sāsane ekacce āsavaṭṭhānīyā dhammā na uppajjanti. Vepullamahattaṃ pana patte te uppajjanti. Atha satthā sāvakānaṃ sikkhāpadaṃ paññapeti. Tattha vepullamahattaṃ patte saṅghe paññattasikkhāpadāni ‘‘yo pana bhikkhu anupasampannena uttari dirattatirattaṃ sahaseyyaṃ kappeyya, pācittiyaṃ’’ (pāci. 51); ‘‘yā pana bhikkhunī anuvassaṃ vuṭṭhāpeyya, pācittiyaṃ’’ (pāci. 1171); ‘‘yā pana bhikkhunī ekaṃ vassaṃ dve vuṭṭhāpeyya, pācittiya’’nti (pāci. 1175) iminā nayena veditabbāni.
лаабхаг̇г̇амахад̇д̇анд̇и лаабхасса аг̇г̇амахад̇д̇ам̣; яо лаабхасса аг̇г̇о уд̇д̇амо маханд̇абхааво, д̇ам̣ бад̇д̇о ход̇ийд̇и ад̇т̇о. лаабхзна ваа аг̇г̇амахад̇д̇амби, лаабхзна сздтад̇д̇ан̃жа маханд̇ад̇д̇ан̃жа бад̇д̇од̇и ад̇т̇о. сан̇гхо хи яаава на лаабхаг̇г̇амахад̇д̇ам̣ бад̇д̇о ход̇и, д̇аава на лаабхам̣ бадижжа аасавадтаанийяаа д̇хаммаа уббаж̇ж̇анд̇и. бад̇д̇з бана уббаж̇ж̇анд̇и, ат̇а сад̇т̇аа саавагаанам̣ сигкаабад̣̇ам̣ бан̃н̃абзд̇и – ‘‘яо бана бхигку ажзлагасса ваа бариб̣б̣ааж̇агасса ваа бариб̣б̣ааж̇игааяа ваа сахад̇т̇аа каад̣̇анийяам̣ ваа бхож̇анийяам̣ ваа д̣̇ад̣̇зяяа, баажид̇д̇ияа’’нд̇и (баажи. 270). ид̣̇ан̃хи лаабхаг̇г̇амахад̇д̇ам̣ бад̇д̇з сан̇гхз сигкаабад̣̇ам̣ бан̃н̃ад̇д̇ам̣.
Lābhaggamahattanti lābhassa aggamahattaṃ; yo lābhassa aggo uttamo mahantabhāvo, taṃ patto hotīti attho. Lābhena vā aggamahattampi, lābhena seṭṭhattañca mahantattañca pattoti attho. Saṅgho hi yāva na lābhaggamahattaṃ patto hoti, tāva na lābhaṃ paṭicca āsavaṭṭhānīyā dhammā uppajjanti. Patte pana uppajjanti, atha satthā sāvakānaṃ sikkhāpadaṃ paññapeti – ‘‘yo pana bhikkhu acelakassa vā paribbājakassa vā paribbājikāya vā sahatthā khādanīyaṃ vā bhojanīyaṃ vā dadeyya, pācittiya’’nti (pāci. 270). Idañhi lābhaggamahattaṃ patte saṅghe sikkhāpadaṃ paññattaṃ.
б̣аахусажжамахад̇д̇анд̇и б̣аахусажжасса маханд̇абхаавам̣. сан̇гхо хи яаава на б̣аахусажжамахад̇д̇ам̣ бад̇д̇о ход̇и, д̇аава на аасавадтаанийяаа д̇хаммаа уббаж̇ж̇анд̇и. б̣аахусажжамахад̇д̇ам̣ бад̇д̇з бана яасмаа згамби нигааяам̣, д̣̇взби…бз… бан̃жаби нигааяз уг̇г̇ахзд̇ваа аяонисо уммуж̇ж̇амаанаа буг̇г̇алаа расзна расам̣ сам̣санд̣̇ид̇ваа уд̣̇д̇хаммам̣ уб̣б̣инаяам̣ сад̇т̇усаасанам̣ д̣̇ийбзнд̇и. ат̇а сад̇т̇аа ‘‘яо бана бхигку звам̣ вад̣̇зяяа – д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами…бз… саман̣уд̣̇д̣̇зсоби жз звам̣ вад̣̇зяяаа’’д̇иаад̣̇инаа (баажи. 418) наязна сигкаабад̣̇ам̣ бан̃н̃абзд̇ийд̇и.
Bāhusaccamahattanti bāhusaccassa mahantabhāvaṃ. Saṅgho hi yāva na bāhusaccamahattaṃ patto hoti, tāva na āsavaṭṭhānīyā dhammā uppajjanti. Bāhusaccamahattaṃ patte pana yasmā ekampi nikāyaṃ, dvepi…pe… pañcapi nikāye uggahetvā ayoniso ummujjamānā puggalā rasena rasaṃ saṃsanditvā uddhammaṃ ubbinayaṃ satthusāsanaṃ dīpenti. Atha satthā ‘‘yo pana bhikkhu evaṃ vadeyya – tathāhaṃ bhagavatā dhammaṃ desitaṃ ājānāmi…pe… samaṇuddesopi ce evaṃ vadeyyā’’tiādinā (pāci. 418) nayena sikkhāpadaṃ paññapetīti.
звам̣ бхаг̇аваа аасавадтаанийяаанам̣ д̇хаммаанам̣ ануббад̇д̇игаалан̃жа уббад̇д̇игаалан̃жа д̣̇ассзд̇ваа д̇асмим̣ самаяз саб̣б̣асоби д̇зсам̣ абхаавам̣ д̣̇ассзнд̇о ‘‘нираб̣б̣уд̣̇о хи саарибуд̇д̇аа’’д̇иаад̣̇имааха. д̇ад̇т̇а нираб̣б̣уд̣̇од̇и аб̣б̣уд̣̇авирахид̇о; аб̣б̣уд̣̇аа вужжанд̇и жораа, нижжород̇и ад̇т̇о. жораад̇и жа имасмим̣ ад̇т̇з д̣̇уссийлаава ад̇хиббзд̇аа. д̇з хи ассаман̣аава худ̇ваа саман̣абадин̃н̃ад̇ааяа барзсам̣ бажжаяз жорзнд̇и. д̇асмаа нираб̣б̣уд̣̇од̇и нижжоро, нид̣̇д̣̇уссийлод̇и вуд̇д̇ам̣ ход̇и. нираад̣̇ийнавод̇и нирубад̣̇д̣̇аво нирубасаг̇г̇о; д̣̇уссийлаад̣̇ийнаварахид̇оязваад̇и вуд̇д̇ам̣ ход̇и. абаг̇ад̇агаал̣агод̇и гаал̣агаа вужжанд̇и д̣̇уссийлааязва; д̇з хи суван̣н̣аван̣н̣ааби самаанаа гаал̣агад̇хаммаяог̇аа гаал̣агаад̇взва взд̣̇ид̇аб̣б̣аа. д̇зсам̣ абхааваа абаг̇ад̇агаал̣аго . абахад̇агаал̣агод̇иби баато. суд̣̇д̇ход̇и абаг̇ад̇агаал̣агад̇д̇ааязва суд̣̇д̇хо барияод̣̇аад̇о бабхассаро. саарз бад̇идтид̇од̇и сааро вужжанд̇и сийла-самаад̇хи-бан̃н̃аавимуд̇д̇и-вимуд̇д̇ин̃аан̣ад̣̇ассанаг̇ун̣аа, д̇асмим̣ саарз бад̇идтид̇ад̇д̇аа саарз бад̇идтид̇о.
Evaṃ bhagavā āsavaṭṭhānīyānaṃ dhammānaṃ anuppattikālañca uppattikālañca dassetvā tasmiṃ samaye sabbasopi tesaṃ abhāvaṃ dassento ‘‘nirabbudo hi sāriputtā’’tiādimāha. Tattha nirabbudoti abbudavirahito; abbudā vuccanti corā, niccoroti attho. Corāti ca imasmiṃ atthe dussīlāva adhippetā. Te hi assamaṇāva hutvā samaṇapaṭiññatāya paresaṃ paccaye corenti. Tasmā nirabbudoti niccoro, niddussīloti vuttaṃ hoti. Nirādīnavoti nirupaddavo nirupasaggo; dussīlādīnavarahitoyevāti vuttaṃ hoti. Apagatakāḷakoti kāḷakā vuccanti dussīlāyeva; te hi suvaṇṇavaṇṇāpi samānā kāḷakadhammayogā kāḷakātveva veditabbā. Tesaṃ abhāvā apagatakāḷako . Apahatakāḷakotipi pāṭho. Suddhoti apagatakāḷakattāyeva suddho pariyodāto pabhassaro. Sāre patiṭṭhitoti sāro vuccanti sīla-samādhi-paññāvimutti-vimuttiñāṇadassanaguṇā, tasmiṃ sāre patiṭṭhitattā sāre patiṭṭhito.
звам̣ саарз бад̇идтид̇абхаавам̣ вад̇ваа буна со жасса саарз бад̇идтид̇абхааво звам̣ взд̣̇ид̇аб̣б̣од̇и д̣̇ассзнд̇о имзсан̃хи саарибуд̇д̇аад̇и аад̣̇имааха. д̇ад̇рааяам̣ сан̇кзбаван̣н̣анаа – яаанимаани взран̃ж̇ааяам̣ вассааваасам̣ убаг̇ад̇аани бан̃жа бхигкусад̇аани, имзсам̣ яо г̇ун̣авасзна бажчимаго саб̣б̣абарид̇д̇аг̇ун̣о бхигку, со сод̇аабанно. сод̇аабаннод̇и сод̇ам̣ аабанно; сод̇од̇и жа маг̇г̇ассзд̇ам̣ ад̇хиважанам̣. сод̇аабаннод̇и д̇зна саманнааг̇ад̇асса буг̇г̇аласса. яат̇ааха –
Evaṃ sāre patiṭṭhitabhāvaṃ vatvā puna so cassa sāre patiṭṭhitabhāvo evaṃ veditabboti dassento imesañhi sāriputtāti ādimāha. Tatrāyaṃ saṅkhepavaṇṇanā – yānimāni verañjāyaṃ vassāvāsaṃ upagatāni pañca bhikkhusatāni, imesaṃ yo guṇavasena pacchimako sabbaparittaguṇo bhikkhu, so sotāpanno. Sotāpannoti sotaṃ āpanno; sototi ca maggassetaṃ adhivacanaṃ. Sotāpannoti tena samannāgatassa puggalassa. Yathāha –
‘‘сод̇о сод̇од̇и хид̣̇ам̣, саарибуд̇д̇а, вужжад̇и; гад̇амо ну ко, саарибуд̇д̇а, сод̇од̇и? аяамзва хи, бханд̇з, арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хий’’д̇и. ‘‘сод̇аабанно сод̇аабаннод̇и хид̣̇ам̣, саарибуд̇д̇а, вужжад̇и; гад̇амо ну ко, саарибуд̇д̇а, сод̇аабанно’’д̇и? ‘‘яо хи, бханд̇з, иминаа ариязна адтан̇г̇игзна маг̇г̇зна саманнааг̇ад̇о, аяам̣ вужжад̇и – сод̇аабанно. сояамааяасмаа звам̣наамо звам̣г̇од̇д̇о’’д̇и (сам̣. ни. 5.1001). ид̇ха бана маг̇г̇зна паласса наамам̣ д̣̇иннам̣. д̇асмаа паладто ‘‘сод̇аабанно’’д̇и взд̣̇ид̇аб̣б̣о.
‘‘Soto sototi hidaṃ, sāriputta, vuccati; katamo nu kho, sāriputta, sototi? Ayameva hi, bhante, ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhī’’ti. ‘‘Sotāpanno sotāpannoti hidaṃ, sāriputta, vuccati; katamo nu kho, sāriputta, sotāpanno’’ti? ‘‘Yo hi, bhante, iminā ariyena aṭṭhaṅgikena maggena samannāgato, ayaṃ vuccati – sotāpanno. Soyamāyasmā evaṃnāmo evaṃgotto’’ti (saṃ. ni. 5.1001). Idha pana maggena phalassa nāmaṃ dinnaṃ. Tasmā phalaṭṭho ‘‘sotāpanno’’ti veditabbo.
авинибаад̇ад̇хаммод̇и винибаад̇зд̇ийд̇и винибаад̇о; наасса винибаад̇о д̇хаммод̇и авинибаад̇ад̇хаммо, на ад̇д̇аанам̣ абааязсу винибаад̇анасабхаавод̇и вуд̇д̇ам̣ ход̇и. гасмаа? яз д̇хаммаа абааяаг̇аманийяаа, д̇зсам̣ баригкаяаа. винибад̇анам̣ ваа винибаад̇о, наасса винибаад̇о д̇хаммод̇и авинибаад̇ад̇хаммо, абааязсу винибаад̇анасабхааво асса над̇т̇ийд̇и вуд̇д̇ам̣ ход̇и. саммад̇д̇анияаамзна маг̇г̇зна нияад̇ад̇д̇аа нияад̇о. самб̣од̇хи барам̣ аяанам̣ бараа г̇ад̇и ассаад̇и самб̣од̇хибарааяан̣о. убари маг̇г̇ад̇д̇аяам̣ авассам̣ самбаабагод̇и ад̇т̇о. гасмаа? бадилад̣̇д̇хабатамамаг̇г̇ад̇д̇аад̇и.
Avinipātadhammoti vinipātetīti vinipāto; nāssa vinipāto dhammoti avinipātadhammo, na attānaṃ apāyesu vinipātanasabhāvoti vuttaṃ hoti. Kasmā? Ye dhammā apāyagamanīyā, tesaṃ parikkhayā. Vinipatanaṃ vā vinipāto, nāssa vinipāto dhammoti avinipātadhammo, apāyesu vinipātanasabhāvo assa natthīti vuttaṃ hoti. Sammattaniyāmena maggena niyatattā niyato. Sambodhi paraṃ ayanaṃ parā gati assāti sambodhiparāyaṇo. Upari maggattayaṃ avassaṃ sampāpakoti attho. Kasmā? Paṭiladdhapaṭhamamaggattāti.
винаяабан̃н̃ад̇д̇ияаажанагат̇аа нидтид̇аа.
Vinayapaññattiyācanakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винаяабан̃н̃ад̇д̇ияаажанагат̇аа • Vinayapaññattiyācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убаасагад̇д̇абадивзд̣̇анаагат̇ааван̣н̣анаа • Upāsakattapaṭivedanākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / винаяабан̃н̃ад̇д̇ияаажанагат̇ааван̣н̣анаа • Vinayapaññattiyācanakathāvaṇṇanā
