| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. винаяабзяяаалам̣
3. Vinayapeyyālaṃ
201. ад̇т̇авасзд̇и вуд̣̇д̇хивисзсз аанисам̣сависзсз. д̇зсам̣ бана сигкаабад̣̇абан̃н̃ад̇д̇игааран̣ад̇д̇аа ааха ‘‘д̣̇вз гааран̣аани санд̇хааяаа’’д̇и. ад̇т̇оязва ваа ад̇т̇авасо, д̣̇вз ад̇т̇з д̣̇вз гааран̣аанийд̇и вуд̇д̇ам̣ ход̇и. ат̇а ваа ад̇т̇о палам̣ д̇ад̣̇ад̇хийнавуд̇д̇ид̇ааяа васо зд̇ассаад̇и ад̇т̇авасо, гааран̣анд̇и звамбзд̇т̇а ад̇т̇о д̣̇адтаб̣б̣о. яат̇аа ‘‘анабхиж̇жхаа д̇хаммабад̣̇а’’нд̇и вуд̇д̇з анабхиж̇жхаа зго д̇хаммагодтаасод̇и ад̇т̇о ход̇и. звамид̇хааби сигкаабад̣̇анд̇и сигкаагодтаасо сигкааяа зго бад̣̇зсод̇и аяамзд̇т̇а ад̇т̇о д̣̇адтаб̣б̣од̇и ааха ‘‘сигкаабад̣̇ам̣ бан̃н̃ад̇д̇анд̇и сигкаагодтаасо табид̇о’’д̇и.
201.Atthavaseti vuddhivisese ānisaṃsavisese. Tesaṃ pana sikkhāpadapaññattikāraṇattā āha ‘‘dve kāraṇāni sandhāyā’’ti. Atthoyeva vā atthavaso, dve atthe dve kāraṇānīti vuttaṃ hoti. Atha vā attho phalaṃ tadadhīnavuttitāya vaso etassāti atthavaso, kāraṇanti evampettha attho daṭṭhabbo. Yathā ‘‘anabhijjhā dhammapada’’nti vutte anabhijjhā eko dhammakoṭṭhāsoti attho hoti. Evamidhāpi sikkhāpadanti sikkhākoṭṭhāso sikkhāya eko padesoti ayamettha attho daṭṭhabboti āha ‘‘sikkhāpadaṃ paññattanti sikkhākoṭṭhāso ṭhapito’’ti.
сан̇гхасудту наама сан̇гхасса судтубхааво ‘‘судту д̣̇зваа’’д̇и (баараа. адта. 39) ааг̇ад̇адтаанз вияа ‘‘судту, бханд̇з’’д̇и важанасамбадижчанабхааво. д̇знааха ‘‘сан̇гхасудтуд̇ааяаад̇и сан̇гхасса судтубхаавааяаа’’д̇иаад̣̇и. д̣̇умман̇гуунам̣ буг̇г̇алаанам̣ ниг̇г̇ахааяаад̇и д̣̇умман̇гуу наама д̣̇уссийлабуг̇г̇алаа. яз ман̇гуд̇ам̣ аабаад̣̇ияамаанааби д̣̇угкзна аабаж̇ж̇анд̇и, вийд̇иггамам̣ гаронд̇аа ваа гад̇ваа ваа на лаж̇ж̇анд̇и, д̇зсам̣ ниг̇г̇ахад̇т̇ааяа. д̇з хи сигкаабад̣̇з асад̇и ‘‘гим̣ д̇умхзхи д̣̇идтам̣, гим̣ суд̇ам̣, гим̣ амхзхи гад̇ам̣, гад̇арасмим̣ вад̇т̇усмим̣ гад̇амам̣ аабад̇д̇им̣ робзд̇ваа амхз ниг̇г̇ан̣хат̇аа’’д̇и сан̇гхам̣ вихзтзссанд̇и, сигкаабад̣̇з бана сад̇и д̇зсам̣ сан̇гхо сигкаабад̣̇ам̣ д̣̇ассзд̇ваа д̇хаммзна винаязна сад̇т̇усаасанзна ниг̇г̇ахзссад̇и. д̇зна вуд̇д̇ам̣ ‘‘д̣̇умман̇гуунам̣ буг̇г̇алаанам̣ ниг̇г̇ахааяаа’’д̇и.
Saṅghasuṭṭhu nāma saṅghassa suṭṭhubhāvo ‘‘suṭṭhu devā’’ti (pārā. aṭṭha. 39) āgataṭṭhāne viya ‘‘suṭṭhu, bhante’’ti vacanasampaṭicchanabhāvo. Tenāha ‘‘saṅghasuṭṭhutāyāti saṅghassa suṭṭhubhāvāyā’’tiādi. Dummaṅkūnaṃ puggalānaṃ niggahāyāti dummaṅkū nāma dussīlapuggalā. Ye maṅkutaṃ āpādiyamānāpi dukkhena āpajjanti, vītikkamaṃ karontā vā katvā vā na lajjanti, tesaṃ niggahatthāya. Te hi sikkhāpade asati ‘‘kiṃ tumhehi diṭṭhaṃ, kiṃ sutaṃ, kiṃ amhehi kataṃ, katarasmiṃ vatthusmiṃ katamaṃ āpattiṃ ropetvā amhe niggaṇhathā’’ti saṅghaṃ viheṭhessanti, sikkhāpade pana sati tesaṃ saṅgho sikkhāpadaṃ dassetvā dhammena vinayena satthusāsanena niggahessati. Tena vuttaṃ ‘‘dummaṅkūnaṃ puggalānaṃ niggahāyā’’ti.
бзсалаанам̣ бхигкуунам̣ паасувихаарааяаад̇и бзсалаанам̣ бияасийлаанам̣ бхигкуунам̣ паасувихаарад̇т̇ааяа. бияасийлаа хи бхигкуу гад̇д̇аб̣б̣аагад̇д̇аб̣б̣ам̣ сааваж̇ж̇аанаваж̇ж̇ам̣ взлам̣ марияаад̣̇ам̣ аж̇аананд̇аа сигкад̇д̇аяабаарибуурияаа гхадамаанаа гиламанд̇и, уб̣б̣аал̣хаа хонд̇и, гад̇д̇аб̣б̣аагад̇д̇аб̣б̣ам̣ бана сааваж̇ж̇аанаваж̇ж̇ам̣ взлам̣ марияаад̣̇ан̃жа н̃ад̇ваа сигкад̇д̇аяабаарибуурияаа гхадзнд̇аа на гиламанд̇и, на уб̣б̣аал̣хаа хонд̇и. д̇зна д̇зсам̣ сигкаабад̣̇аббан̃н̃аабанаа паасувихаарааяа сам̣вад̇д̇ад̇и. яо ваа д̣̇умман̇гуунам̣ буг̇г̇алаанам̣ ниг̇г̇ахо, свзва зд̇зсам̣ паасувихааро. д̣̇уссийлабуг̇г̇алз ниссааяа хи убосат̇о на д̇идтад̇и, бавааран̣аа на д̇идтад̇и, сан̇гхагаммаани наббавад̇д̇анд̇и, саамаг̇г̇ий на ход̇и, бхигкуу анзгаг̇г̇аа уд̣̇д̣̇зсабарибужчаагаммадтаанаад̣̇ийни ануяун̃ж̇ид̇ум̣ на саггонд̇и. д̣̇уссийлзсу бана ниг̇г̇ахид̇зсу саб̣б̣оби аяам̣ убад̣̇д̣̇аво на ход̇и, д̇ад̇о бзсалаа бхигкуу паасу вихаранд̇и. звам̣ ‘‘бзсалаанам̣ бхигкуунам̣ паасувихаарааяаа’’д̇и зд̇т̇а д̣̇вид̇хаа ад̇т̇о взд̣̇ид̇аб̣б̣о.
Pesalānaṃ bhikkhūnaṃ phāsuvihārāyāti pesalānaṃ piyasīlānaṃ bhikkhūnaṃ phāsuvihāratthāya. Piyasīlā hi bhikkhū kattabbākattabbaṃ sāvajjānavajjaṃ velaṃ mariyādaṃ ajānantā sikkhattayapāripūriyā ghaṭamānā kilamanti, ubbāḷhā honti, kattabbākattabbaṃ pana sāvajjānavajjaṃ velaṃ mariyādañca ñatvā sikkhattayapāripūriyā ghaṭentā na kilamanti, na ubbāḷhā honti. Tena tesaṃ sikkhāpadappaññāpanā phāsuvihārāya saṃvattati. Yo vā dummaṅkūnaṃ puggalānaṃ niggaho, sveva etesaṃ phāsuvihāro. Dussīlapuggale nissāya hi uposatho na tiṭṭhati, pavāraṇā na tiṭṭhati, saṅghakammāni nappavattanti, sāmaggī na hoti, bhikkhū anekaggā uddesaparipucchākammaṭṭhānādīni anuyuñjituṃ na sakkonti. Dussīlesu pana niggahitesu sabbopi ayaṃ upaddavo na hoti, tato pesalā bhikkhū phāsu viharanti. Evaṃ ‘‘pesalānaṃ bhikkhūnaṃ phāsuvihārāyā’’ti ettha dvidhā attho veditabbo.
‘‘на во ахам̣, жунд̣̇а, д̣̇идтад̇хаммигаанам̣язва аасаваанам̣ сам̣варааяа д̇хаммам̣ д̣̇зсзмий’’д̇и (д̣̇ий. ни. 3.182) зд̇т̇а виваад̣̇амуулабхууд̇аа гилзсаа аасаваад̇и ааг̇ад̇аа.
‘‘Na vo ahaṃ, cunda, diṭṭhadhammikānaṃyeva āsavānaṃ saṃvarāya dhammaṃ desemī’’ti (dī. ni. 3.182) ettha vivādamūlabhūtā kilesā āsavāti āgatā.
‘‘язна д̣̇звуубабад̇яасса, г̇анд̇хаб̣б̣о ваа вихан̇г̇амо;
‘‘Yena devūpapatyassa, gandhabbo vā vihaṅgamo;
яагкад̇д̇ам̣ язна г̇ажчзяяам̣, мануссад̇д̇ан̃жа аб̣б̣аж̇з;
Yakkhattaṃ yena gaccheyyaṃ, manussattañca abbaje;
д̇з маяхам̣ аасаваа кийн̣аа, вид̣̇д̇хасд̇аа винал̣ийгад̇аа’’д̇и. (а. ни. 4.36) –
Te mayhaṃ āsavā khīṇā, viddhastā vinaḷīkatā’’ti. (a. ni. 4.36) –
зд̇т̇а д̇збхуумагам̣ гаммам̣ авасзсаа жа агусалаа д̇хаммаа. ид̇ха бана баруубаваад̣̇авиббадисааравад̇хаб̣анд̇ханаад̣̇аяо жзва абааяад̣̇угкабхууд̇аа жа наанаббагаараа убад̣̇д̣̇аваа аасаваад̇и ааха – ‘‘д̣̇идтад̇хаммз имасмим̣язва ад̇д̇абхаавз вийд̇иггамабажжаяаа бадилад̣̇д̇хаб̣б̣аана’’нд̇иаад̣̇и. яад̣̇и хи бхаг̇аваа сигкаабад̣̇ам̣ на бан̃н̃аабзяяа, д̇ад̇о асад̣̇д̇хаммаббадисзванаад̣̇иннаад̣̇аанабаан̣аад̇ибаад̇аад̣̇ихзд̇у яз уббаж̇ж̇зяяум̣ баруубаваад̣̇аад̣̇аяо д̣̇идтад̇хаммигаа наанаббагаараа анад̇т̇аа, яз жа д̇аннимид̇д̇амзва нираяаад̣̇ийсу ниб̣б̣ад̇д̇асса бан̃н̃авид̇хаб̣анд̇ханагаммагааран̣аад̣̇ивасзна махаад̣̇угкаанубхаванаббагаараа анад̇т̇аа, д̇з санд̇хааяа ид̣̇ам̣ вуд̇д̇ам̣ ‘‘д̣̇идтад̇хаммигаанам̣ аасаваанам̣ сам̣варааяа самбарааяигаанам̣ аасаваанам̣ бадигхаад̇ааяаа’’д̇и. д̣̇идтад̇хаммо вужжад̇и бажжагко ад̇д̇абхааво, д̇ад̇т̇а бхаваа д̣̇идтад̇хаммигаа. самбарзд̇аб̣б̣ад̇о бзжжа г̇анд̇аб̣б̣ад̇о самбарааяо, баралого, д̇ад̇т̇а бхаваа самбарааяигаа.
Ettha tebhūmakaṃ kammaṃ avasesā ca akusalā dhammā. Idha pana parūpavādavippaṭisāravadhabandhanādayo ceva apāyadukkhabhūtā ca nānappakārā upaddavā āsavāti āha – ‘‘diṭṭhadhamme imasmiṃyeva attabhāve vītikkamapaccayā paṭiladdhabbāna’’ntiādi. Yadi hi bhagavā sikkhāpadaṃ na paññāpeyya, tato asaddhammappaṭisevanaadinnādānapāṇātipātādihetu ye uppajjeyyuṃ parūpavādādayo diṭṭhadhammikā nānappakārā anatthā, ye ca tannimittameva nirayādīsu nibbattassa paññavidhabandhanakammakāraṇādivasena mahādukkhānubhavanappakārā anatthā, te sandhāya idaṃ vuttaṃ ‘‘diṭṭhadhammikānaṃ āsavānaṃ saṃvarāya samparāyikānaṃ āsavānaṃ paṭighātāyā’’ti. Diṭṭhadhammo vuccati paccakkho attabhāvo, tattha bhavā diṭṭhadhammikā. Samparetabbato pecca gantabbato samparāyo, paraloko, tattha bhavā samparāyikā.
агусалавзраананд̇и баан̣аад̇ибаад̇аад̣̇ибан̃жад̣̇ужжарид̇аанам̣. д̇аани взрагааран̣ад̇д̇аа ‘‘взрааний’’д̇и вужжанд̇и, буг̇г̇алзсу бана уббаж̇ж̇амаанаани взраани. д̇з зва ваа д̣̇угкад̇хаммаад̇и хздтаа вуд̇д̇аа вад̇хаб̣анд̇ханаад̣̇аяо. д̇зсам̣ багкубажчзд̣̇анад̇т̇ааяаад̇и д̇зсам̣ баабижчаанам̣ багкубажчзд̣̇ааяа г̇ан̣абхож̇анасад̣̇исам̣ сигкаабад̣̇ам̣ бан̃н̃ад̇д̇ам̣. бан̣д̣ид̇амануссаананд̇и логияабаригкагаж̇анаанам̣. д̇з хи сигкаабад̣̇абан̃н̃ад̇д̇ияаа сад̇и сигкаабад̣̇абан̃н̃ад̇д̇им̣ н̃ад̇ваа ваа яат̇аабан̃н̃ад̇д̇ам̣ бадибаж̇ж̇амаанз бхигкуу д̣̇исваа ваа – ‘‘яаани вад̇а логз махааж̇анасса раж̇ж̇анад̣̇уссанамуяханадтаанаани, д̇зхи имз саман̣аа сагяабуд̇д̇ияаа аарагаа вихаранд̇и, д̣̇уггарам̣ вад̇а гаронд̇и, бхаарияам̣ вад̇а гаронд̇ий’’д̇и басаад̣̇ам̣ аабаж̇ж̇анд̇и винаяабидагз бод̇т̇агам̣ д̣̇исваа мижчаад̣̇идтигад̇авзд̣̇иб̣раахман̣о вияа. убаруубарибасаад̣̇абхаавааяаад̇и бхияяо бхияяо басаад̣̇уббаад̣̇анад̇т̇ам̣. язби хи саасанз басаннаа гулабуд̇д̇аа, д̇зби сигкаабад̣̇абан̃н̃ад̇д̇им̣ ваа н̃ад̇ваа яат̇аабан̃н̃ад̇д̇ам̣ бадибаж̇ж̇амаанз бхигкуу ваа д̣̇исваа ‘‘ахо, аяяаа, д̣̇уггарагаарино, яз яааваж̇ийвам̣ згабхад̇д̇ам̣ б̣рахмажарияам̣ винаяасам̣варам̣ анубаалзнд̇ий’’д̇и бхияяо бхияяо басийд̣̇анд̇и.
Akusalaverānanti pāṇātipātādipañcaduccaritānaṃ. Tāni verakāraṇattā ‘‘verānī’’ti vuccanti, puggalesu pana uppajjamānāni verāni. Te eva vā dukkhadhammāti heṭṭhā vuttā vadhabandhanādayo. Tesaṃ pakkhupacchedanatthāyāti tesaṃ pāpicchānaṃ pakkhupacchedāya gaṇabhojanasadisaṃ sikkhāpadaṃ paññattaṃ. Paṇḍitamanussānanti lokiyaparikkhakajanānaṃ. Te hi sikkhāpadapaññattiyā sati sikkhāpadapaññattiṃ ñatvā vā yathāpaññattaṃ paṭipajjamāne bhikkhū disvā vā – ‘‘yāni vata loke mahājanassa rajjanadussanamuyhanaṭṭhānāni, tehi ime samaṇā sakyaputtiyā ārakā viharanti, dukkaraṃ vata karonti, bhāriyaṃ vata karontī’’ti pasādaṃ āpajjanti vinayapiṭake potthakaṃ disvā micchādiṭṭhikatavedibrāhmaṇo viya. Uparūparipasādabhāvāyāti bhiyyo bhiyyo pasāduppādanatthaṃ. Yepi hi sāsane pasannā kulaputtā, tepi sikkhāpadapaññattiṃ vā ñatvā yathāpaññattaṃ paṭipajjamāne bhikkhū vā disvā ‘‘aho, ayyā, dukkarakārino, ye yāvajīvaṃ ekabhattaṃ brahmacariyaṃ vinayasaṃvaraṃ anupālentī’’ti bhiyyo bhiyyo pasīdanti.
сад̣̇д̇хаммасса жирадтид̇ад̇т̇анд̇и барияад̇д̇исад̣̇д̇хаммо, бадибад̇д̇исад̣̇д̇хаммо, ад̇хиг̇амасад̣̇д̇хаммод̇и д̇ивид̇хассаби сад̣̇д̇хаммасса жирадтид̇ад̇т̇ам̣. д̇ад̇т̇а бидагад̇д̇аяасан̇г̇ахид̇ам̣ саб̣б̣амби б̣уд̣̇д̇хаважанам̣ барияад̇д̇исад̣̇д̇хаммо наама. д̇зраса д̇худ̇аг̇ун̣аа, жуд̣̇д̣̇аса канд̇хагавад̇д̇аани, д̣̇взасийд̇и махаавад̇д̇аани, сийласамаад̇хивибассанаад̇и аяам̣ бадибад̇д̇исад̣̇д̇хаммо наама. жад̇д̇ааро арияамаг̇г̇аа жад̇д̇аари жа сааман̃н̃апалаани ниб̣б̣аанан̃жаад̇и аяам̣ ад̇хиг̇амасад̣̇д̇хаммо наама. со саб̣б̣о яасмаа сигкаабад̣̇абан̃н̃ад̇д̇ияаа сад̇и бхигкуу сигкаабад̣̇ан̃жа д̇асса вибхан̇г̇ан̃жа д̇ад̣̇ад̇т̇аж̇од̇анад̇т̇ам̣ ан̃н̃ан̃жа б̣уд̣̇д̇хаважанам̣ барияаабун̣анд̇и, яат̇аабан̃н̃ад̇д̇ан̃жа бадибаж̇ж̇амаанаа бадибад̇д̇им̣ буурзд̇ваа бадибад̇д̇ияаа ад̇хиг̇анд̇аб̣б̣ам̣ логуд̇д̇арад̇хаммам̣ ад̇хиг̇ажчанд̇и, д̇асмаа сигкаабад̣̇абан̃н̃ад̇д̇ияаа жирадтид̇иго ход̇и.
Saddhammassaciraṭṭhitatthanti pariyattisaddhammo, paṭipattisaddhammo, adhigamasaddhammoti tividhassapi saddhammassa ciraṭṭhitatthaṃ. Tattha piṭakattayasaṅgahitaṃ sabbampi buddhavacanaṃ pariyattisaddhammo nāma. Terasa dhutaguṇā, cuddasa khandhakavattāni, dveasīti mahāvattāni, sīlasamādhivipassanāti ayaṃ paṭipattisaddhammo nāma. Cattāro ariyamaggā cattāri ca sāmaññaphalāni nibbānañcāti ayaṃ adhigamasaddhammo nāma. So sabbo yasmā sikkhāpadapaññattiyā sati bhikkhū sikkhāpadañca tassa vibhaṅgañca tadatthajotanatthaṃ aññañca buddhavacanaṃ pariyāpuṇanti, yathāpaññattañca paṭipajjamānā paṭipattiṃ pūretvā paṭipattiyā adhigantabbaṃ lokuttaradhammaṃ adhigacchanti, tasmā sikkhāpadapaññattiyā ciraṭṭhitiko hoti.
бан̃жавид̇хассаби винаяассаад̇и д̇ад̣̇ан̇г̇авинаяаад̣̇ивасзна бан̃жаббагаарасса винаяасса. винаяадтагат̇ааяам̣ (баараа. адта. 39) бана сигкаабад̣̇абан̃н̃ад̇д̇ияаа сад̇и сам̣варавинаяо жа бахаанавинаяо жа самат̇авинаяо жа бан̃н̃ад̇д̇ивинаяо жаад̇и жад̇уб̣б̣ид̇хоби винаяо ануг̇г̇ахид̇о ход̇и убад̇т̇амбхид̇о субад̇т̇амбхид̇о. д̇зна вуд̇д̇ам̣ ‘‘винаяаануг̇г̇ахааяаа’’д̇и. д̇ад̇т̇а сам̣варавинаяод̇и сийласам̣варо, сад̇исам̣варо, н̃аан̣асам̣варо, канд̇исам̣варо, вийрияасам̣варод̇и бан̃жавид̇хоби сам̣варо яат̇аасагам̣ сам̣варид̇аб̣б̣аанам̣ винзд̇аб̣б̣аанан̃жа гааяад̣̇ужжарид̇аад̣̇ийнам̣ сам̣варан̣ад̇о сам̣варо, винаяанад̇о винаяод̇и вужжад̇и. бахаанавинаяод̇и д̇ад̣̇ан̇г̇аббахаанам̣, вигкамбханаббахаанам̣, самужчзд̣̇аббахаанам̣, бадиббассад̣̇д̇хиббахаанам̣, ниссаран̣аббахаананд̇и бан̃жавид̇хамби бахаанам̣ яасмаа жааг̇адтзна бахаанам̣, винаяанадтзна винаяо, д̇асмаа бахаанавинаяод̇и вужжад̇и. самат̇авинаяод̇и сад̇д̇а ад̇хигаран̣асамат̇аа. бан̃н̃ад̇д̇ивинаяод̇и сигкаабад̣̇амзва. сигкаабад̣̇абан̃н̃ад̇д̇ияаа хи виж̇ж̇амаанааяа зва сигкаабад̣̇асамбхавад̇о сигкаабад̣̇асан̇каад̇о бан̃н̃ад̇д̇ивинаяод̇и сигкаабад̣̇абан̃н̃ад̇д̇ияаа ануг̇г̇ахид̇о ход̇и.
Pañcavidhassapivinayassāti tadaṅgavinayādivasena pañcappakārassa vinayassa. Vinayaṭṭhakathāyaṃ (pārā. aṭṭha. 39) pana sikkhāpadapaññattiyā sati saṃvaravinayo ca pahānavinayo ca samathavinayo ca paññattivinayo cāti catubbidhopi vinayo anuggahito hoti upatthambhito supatthambhito. Tena vuttaṃ ‘‘vinayānuggahāyā’’ti. Tattha saṃvaravinayoti sīlasaṃvaro, satisaṃvaro, ñāṇasaṃvaro, khantisaṃvaro, vīriyasaṃvaroti pañcavidhopi saṃvaro yathāsakaṃ saṃvaritabbānaṃ vinetabbānañca kāyaduccaritādīnaṃ saṃvaraṇato saṃvaro, vinayanato vinayoti vuccati. Pahānavinayoti tadaṅgappahānaṃ, vikkhambhanappahānaṃ, samucchedappahānaṃ, paṭippassaddhippahānaṃ, nissaraṇappahānanti pañcavidhampi pahānaṃ yasmā cāgaṭṭhena pahānaṃ, vinayanaṭṭhena vinayo, tasmā pahānavinayoti vuccati. Samathavinayoti satta adhikaraṇasamathā. Paññattivinayoti sikkhāpadameva. Sikkhāpadapaññattiyā hi vijjamānāya eva sikkhāpadasambhavato sikkhāpadasaṅkhāto paññattivinayoti sikkhāpadapaññattiyā anuggahito hoti.
202-230. бхигкуунам̣ бан̃жаад̇и нид̣̇аанабаарааж̇игасан̇гхаад̣̇исзсаанияад̇авид̇т̇ааруд̣̇д̣̇зсавасзна бан̃жа бхигкуунам̣ уд̣̇д̣̇зсаа. бхигкунийнам̣ жад̇д̇аарод̇и бхигкуунам̣ вуд̇д̇зсу анияад̇уд̣̇д̣̇зсам̣ табзд̇ваа авасзсаа жад̇д̇ааро.
202-230.Bhikkhūnaṃ pañcāti nidānapārājikasaṅghādisesāniyatavitthāruddesavasena pañca bhikkhūnaṃ uddesā. Bhikkhunīnaṃ cattāroti bhikkhūnaṃ vuttesu aniyatuddesaṃ ṭhapetvā avasesā cattāro.
зхибхигкуубасамбад̣̇аад̇и ‘‘зхи бхигкуу’’д̇и важанамад̇д̇зна бан̃н̃ад̇д̇аубасамбад̣̇аа. бхаг̇аваа хи зхибхигкубхаавааяа убаниссаяасамбаннам̣ буг̇г̇алам̣ д̣̇исваа рад̇д̇абам̣сугууланд̇арад̇о суван̣н̣аван̣н̣ам̣ д̣̇агкин̣ахад̇т̇ам̣ нийхарид̇ваа б̣рахмагхосам̣ нижчаарзнд̇о ‘‘зхи бхигку, жара б̣рахмажарияам̣ саммаа д̣̇угкасса анд̇агирияааяаа’’д̇и вад̣̇ад̇и. д̇асса сахзва бхаг̇авад̇о важанзна г̇ихилин̇г̇ам̣ анд̇арад̇хааяад̇и, баб̣б̣аж̇ж̇аа жа убасамбад̣̇аа жа рухад̇и, бхан̣д̣у гаасаававасано ход̇и – згам̣ ниваасзд̇ваа згам̣ баарубид̇ваа згам̣ ам̣сз табзд̇ваа ваамаам̣сагуудз аасад̇д̇анийлуббалаван̣н̣амад̇д̇игаабад̇д̇о.
Ehibhikkhūpasampadāti ‘‘ehi bhikkhū’’ti vacanamattena paññattaupasampadā. Bhagavā hi ehibhikkhubhāvāya upanissayasampannaṃ puggalaṃ disvā rattapaṃsukūlantarato suvaṇṇavaṇṇaṃ dakkhiṇahatthaṃ nīharitvā brahmaghosaṃ nicchārento ‘‘ehi bhikkhu, cara brahmacariyaṃ sammā dukkhassa antakiriyāyā’’ti vadati. Tassa saheva bhagavato vacanena gihiliṅgaṃ antaradhāyati, pabbajjā ca upasampadā ca ruhati, bhaṇḍu kāsāvavasano hoti – ekaṃ nivāsetvā ekaṃ pārupitvā ekaṃ aṃse ṭhapetvā vāmaaṃsakūṭe āsattanīluppalavaṇṇamattikāpatto.
‘‘д̇ижийваран̃жа бад̇д̇о жа, вааси суужи жа б̣анд̇ханам̣;
‘‘Ticīvarañca patto ca, vāsi sūci ca bandhanaṃ;
бариссааванзна адтзд̇з, яуд̇д̇аяог̇асса бхигкуно’’д̇и. (д̣̇ий. ни. адта. 1.215; ма. ни. адта. 1.294; 2.349; а. ни. адта. 2.4.198; баараа. адта. 45 бад̣̇абхааж̇анийяаван̣н̣анаа; аба. адта. 1.авид̣̇уурзнид̣̇аанагат̇аа; б̣у. вам̣. адта. 27.авид̣̇уурзнид̣̇аанагат̇аа; ж̇аа. адта. 1.авид̣̇уурзнид̣̇аанагат̇аа; махаани. адта. 206) –
Parissāvanena aṭṭhete, yuttayogassa bhikkhuno’’ti. (dī. ni. aṭṭha. 1.215; ma. ni. aṭṭha. 1.294; 2.349; a. ni. aṭṭha. 2.4.198; pārā. aṭṭha. 45 padabhājanīyavaṇṇanā; apa. aṭṭha. 1.avidūrenidānakathā; bu. vaṃ. aṭṭha. 27.avidūrenidānakathā; jā. aṭṭha. 1.avidūrenidānakathā; mahāni. aṭṭha. 206) –
звам̣ вуд̇д̇зхи адтахи баригкаарзхи сарийрз бадимуггзхиязва вассасад̇игад̇т̇зро вияа ирияаабат̇асамбанно б̣уд̣̇д̇хаажарияаго б̣уд̣̇д̇хубаж̇жхааяаго саммаасамб̣уд̣̇д̇хам̣ ванд̣̇амааноязва д̇идтад̇и.
Evaṃ vuttehi aṭṭhahi parikkhārehi sarīre paṭimukkehiyeva vassasatikatthero viya iriyāpathasampanno buddhācariyako buddhupajjhāyako sammāsambuddhaṃ vandamānoyeva tiṭṭhati.
саран̣аг̇амануубасамбад̣̇аад̇и ‘‘б̣уд̣̇д̇хам̣ саран̣ам̣ г̇ажчаамий’’д̇иаад̣̇инаа наязна д̇игкад̇д̇ум̣ ваажам̣ бхинд̣̇ид̇ваа вуд̇д̇зхи д̇ийхи саран̣аг̇аманзхи анун̃н̃аад̇аубасамбад̣̇аа. оваад̣̇уубасамбад̣̇аад̇и оваад̣̇аббадиг̇г̇ахан̣аубасамбад̣̇аа. саа жа ‘‘д̇асмаад̇иха д̇з, гассаба, звам̣ сигкид̇аб̣б̣ам̣ ‘д̇иб̣б̣ам̣ мз хирод̇д̇аббам̣, бажжубадтид̇ам̣ бхависсад̇и т̇зрзсу навзсу маж̇жхимзсуу’д̇и. зван̃хи д̇з, гассаба, сигкид̇аб̣б̣ам̣. д̇асмаад̇иха д̇з, гассаба, звам̣ сигкид̇аб̣б̣ам̣ ‘яам̣ гин̃жи д̇хаммам̣ сун̣иссаами гусалуубасам̣хид̇ам̣, саб̣б̣ам̣ д̇ам̣ адтим̣ гад̇ваа манаси гарид̇ваа саб̣б̣ажзд̇асаа саманнаахарид̇ваа охид̇асод̇о д̇хаммам̣ сун̣иссаамий’д̇и, зван̃хи д̇з, гассаба, сигкид̇аб̣б̣ам̣. д̇асмаад̇иха д̇з, гассаба, звам̣ сигкид̇аб̣б̣ам̣ ‘саад̇асахаг̇ад̇аа жа мз гааяаг̇ад̇аасад̇и на виж̇ахиссад̇ий’д̇и, зван̃хи д̇з, гассаба, сигкид̇аб̣б̣а’’нд̇и (сам̣. ни. 2.154) иминаа оваад̣̇аббадиг̇г̇ахан̣зна махаагассабад̇т̇зрасса анун̃н̃аад̇аубасамбад̣̇аа.
Saraṇagamanūpasampadāti ‘‘buddhaṃ saraṇaṃ gacchāmī’’tiādinā nayena tikkhattuṃ vācaṃ bhinditvā vuttehi tīhi saraṇagamanehi anuññātaupasampadā. Ovādūpasampadāti ovādappaṭiggahaṇaupasampadā. Sā ca ‘‘tasmātiha te, kassapa, evaṃ sikkhitabbaṃ ‘tibbaṃ me hirottappaṃ, paccupaṭṭhitaṃ bhavissati theresu navesu majjhimesū’ti. Evañhi te, kassapa, sikkhitabbaṃ. Tasmātiha te, kassapa, evaṃ sikkhitabbaṃ ‘yaṃ kiñci dhammaṃ suṇissāmi kusalūpasaṃhitaṃ, sabbaṃ taṃ aṭṭhiṃ katvā manasi karitvā sabbacetasā samannāharitvā ohitasoto dhammaṃ suṇissāmī’ti, evañhi te, kassapa, sikkhitabbaṃ. Tasmātiha te, kassapa, evaṃ sikkhitabbaṃ ‘sātasahagatā ca me kāyagatāsati na vijahissatī’ti, evañhi te, kassapa, sikkhitabba’’nti (saṃ. ni. 2.154) iminā ovādappaṭiggahaṇena mahākassapattherassa anuññātaupasampadā.
бан̃хаб̣яаагаран̣уубасамбад̣̇аа наама собаагасса анун̃н̃аад̇аубасамбад̣̇аа. бхаг̇аваа гира буб̣б̣аараамз анужан̇гаманд̇ам̣ собаагасааман̣зрам̣ ‘‘уд̣̇д̇хумаад̇агасан̃н̃аад̇и ваа, собаага, руубасан̃н̃аад̇и ваа имз д̇хаммаа наанад̇т̇аа наанааб̣яан̃ж̇анаа, уд̣̇ааху згад̇т̇аа б̣яан̃ж̇анамзва наана’’нд̇и д̣̇аса асубханиссид̇з бан̃хз бужчи. со б̣яаагааси. бхаг̇аваа д̇асса саад̇хугаарам̣ д̣̇ад̇ваа ‘‘гад̇ивассоси, д̇вам̣ собаагаа’’д̇и бужчи. сад̇д̇авассохам̣ бхаг̇аваад̇и. собаага, д̇вам̣ мама саб̣б̣ан̃н̃уд̇ан̃н̃аан̣зна сад̣̇д̇хим̣ сам̣санд̣̇ид̇ваа бан̃хз б̣яаагаасийд̇и аарад̣̇д̇хажид̇д̇о убасамбад̣̇ам̣ ануж̇аани. аяам̣ бан̃хаб̣яаагаран̣уубасамбад̣̇аа.
Pañhabyākaraṇūpasampadā nāma sopākassa anuññātaupasampadā. Bhagavā kira pubbārāme anucaṅkamantaṃ sopākasāmaṇeraṃ ‘‘uddhumātakasaññāti vā, sopāka, rūpasaññāti vā ime dhammā nānatthā nānābyañjanā, udāhu ekatthā byañjanameva nāna’’nti dasa asubhanissite pañhe pucchi. So byākāsi. Bhagavā tassa sādhukāraṃ datvā ‘‘kativassosi, tvaṃ sopākā’’ti pucchi. Sattavassohaṃ bhagavāti. Sopāka, tvaṃ mama sabbaññutaññāṇena saddhiṃ saṃsanditvā pañhe byākāsīti āraddhacitto upasampadaṃ anujāni. Ayaṃ pañhabyākaraṇūpasampadā.
н̃ад̇д̇ижад̇уд̇т̇аубасамбад̣̇аа наама бхигкуунам̣ зд̇арахи убасамбад̣̇аа. г̇аруд̇хаммуубасамбад̣̇аад̇и г̇аруд̇хаммаббадиг̇г̇ахан̣зна убасамбад̣̇аа. саа жа махаабаж̇аабад̇ияаа адтаг̇аруд̇хаммаббадиг̇г̇ахан̣зна анун̃н̃аад̇аа . убхад̇осан̇гхз убасамбад̣̇аа наама бхигкунияаа бхигкунисан̇гхад̇о н̃ад̇д̇ижад̇уд̇т̇зна, бхигкусан̇гхад̇о н̃ад̇д̇ижад̇уд̇т̇знаад̇и имзхи д̣̇вийхи гаммзхи анун̃н̃аад̇аа адтаваажигуубасамбад̣̇аа. д̣̇ууд̇зна убасамбад̣̇аа наама ад̣дхагаасияаа г̇ан̣игааяа анун̃н̃аад̇аа убасамбад̣̇аа.
Ñatticatutthaupasampadā nāma bhikkhūnaṃ etarahi upasampadā. Garudhammūpasampadāti garudhammappaṭiggahaṇena upasampadā. Sā ca mahāpajāpatiyā aṭṭhagarudhammappaṭiggahaṇena anuññātā . Ubhatosaṅghe upasampadā nāma bhikkhuniyā bhikkhunisaṅghato ñatticatutthena, bhikkhusaṅghato ñatticatutthenāti imehi dvīhi kammehi anuññātā aṭṭhavācikūpasampadā. Dūtena upasampadā nāma aḍḍhakāsiyā gaṇikāya anuññātā upasampadā.
н̃ад̇д̇игаммам̣ нава таанаани г̇ажчад̇ийд̇и гад̇амаани нава таанаани г̇ажчад̇и? осааран̣ам̣, ниссааран̣ам̣, убосат̇о, бавааран̣аа, саммуд̇и, д̣̇аанам̣, бадиг̇г̇ахам̣, бажжуггад̣дханам̣, гаммалагкан̣ан̃н̃зва наваманд̇и звам̣ вуд̇д̇аани нава таанаани г̇ажчад̇и. д̇ад̇т̇а ‘‘сун̣аад̇у мз, бханд̇з, сан̇гхо, ид̇т̇аннаамо ид̇т̇аннаамасса ааяасмад̇о убасамбад̣̇аабзгко, анусидто со маяаа, яад̣̇и сан̇гхасса бад̇д̇агаллам̣, ид̇т̇аннаамо ааг̇ажчзяяа, ааг̇ажчаахийд̇и вад̇д̇аб̣б̣о’’д̇и (махаава. 126) звам̣ убасамбад̣̇аабзгкасса осааран̣аа осааран̣аа наама.
Ñattikammaṃnava ṭhānāni gacchatīti katamāni nava ṭhānāni gacchati? Osāraṇaṃ, nissāraṇaṃ, uposatho, pavāraṇā, sammuti, dānaṃ, paṭiggahaṃ, paccukkaḍḍhanaṃ, kammalakkhaṇaññeva navamanti evaṃ vuttāni nava ṭhānāni gacchati. Tattha ‘‘suṇātu me, bhante, saṅgho, itthannāmo itthannāmassa āyasmato upasampadāpekkho, anusiṭṭho so mayā, yadi saṅghassa pattakallaṃ, itthannāmo āgaccheyya, āgacchāhīti vattabbo’’ti (mahāva. 126) evaṃ upasampadāpekkhassa osāraṇā osāraṇā nāma.
‘‘сун̣анд̇у мз, ааяасманд̇аа, аяам̣ ид̇т̇аннаамо бхигку д̇хаммагат̇иго, имасса нзва суд̇д̇ам̣ ааг̇ажчад̇и, но суд̇д̇авибхан̇г̇о, со ад̇т̇ам̣ асаллагкзд̇ваа б̣яан̃ж̇анажчааяааяа ад̇т̇ам̣ бадиб̣аахад̇и. яад̣̇ааяасманд̇аанам̣ бад̇д̇агаллам̣, ид̇т̇аннаамам̣ бхигкум̣ вудтаабзд̇ваа авасзсаа имам̣ ад̇хигаран̣ам̣ вуубасамзяяаамаа’’д̇и звам̣ уб̣б̣аахигавинижчаяз д̇хаммагат̇игасса бхигкуно ниссааран̣аа ниссааран̣аа наама.
‘‘Suṇantu me, āyasmantā, ayaṃ itthannāmo bhikkhu dhammakathiko, imassa neva suttaṃ āgacchati, no suttavibhaṅgo, so atthaṃ asallakkhetvā byañjanacchāyāya atthaṃ paṭibāhati. Yadāyasmantānaṃ pattakallaṃ, itthannāmaṃ bhikkhuṃ vuṭṭhāpetvā avasesā imaṃ adhikaraṇaṃ vūpasameyyāmā’’ti evaṃ ubbāhikavinicchaye dhammakathikassa bhikkhuno nissāraṇā nissāraṇā nāma.
‘‘сун̣аад̇у мз, бханд̇з, сан̇гхо, аж̇ж̇убосат̇о баннарасо. яад̣̇и сан̇гхасса бад̇д̇агаллам̣, сан̇гхо убосат̇ам̣ гарзяяаа’’д̇и звам̣ убосат̇агаммавасзна табид̇аа н̃ад̇д̇и убосат̇о наама.
‘‘Suṇātu me, bhante, saṅgho, ajjuposatho pannaraso. Yadi saṅghassa pattakallaṃ, saṅgho uposathaṃ kareyyā’’ti evaṃ uposathakammavasena ṭhapitā ñatti uposatho nāma.
‘‘сун̣аад̇у мз, бханд̇з, сан̇гхо, аж̇ж̇а бавааран̣аа баннарасий. яад̣̇и сан̇гхасса бад̇д̇агаллам̣, сан̇гхо баваарзяяаа’’д̇и звам̣ бавааран̣аагаммавасзна табид̇аа н̃ад̇д̇и бавааран̣аа наама.
‘‘Suṇātu me, bhante, saṅgho, ajja pavāraṇā pannarasī. Yadi saṅghassa pattakallaṃ, saṅgho pavāreyyā’’ti evaṃ pavāraṇākammavasena ṭhapitā ñatti pavāraṇā nāma.
‘‘сун̣аад̇у мз, бханд̇з, сан̇гхо, ид̇т̇аннаамо ид̇т̇аннаамасса ааяасмад̇о убасамбад̣̇аабзгко. яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ анусаасзяяа’’нд̇и, ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ анусаасзяяаа’’д̇и, ‘‘яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ анд̇арааяигз д̇хаммз бужчзяяа’’нд̇и, ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ анд̇арааяигз д̇хаммз бужчзяяаа’’д̇и, ‘‘яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ винаяам̣ бужчзяяа’’нд̇и, ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ винаяам̣ бужчзяяаа’’д̇и, ‘‘яад̣̇и сан̇гхасса бад̇д̇агаллам̣, ахам̣ ид̇т̇аннаамзна винаяам̣ будто виссаж̇ж̇зяяа’’нд̇и, ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамзна винаяам̣ будто виссаж̇ж̇зяяаа’’д̇и звам̣ ад̇д̇аанам̣ ваа барам̣ ваа самманнид̇ум̣ табид̇аа н̃ад̇д̇и саммуд̇и наама.
‘‘Suṇātu me, bhante, saṅgho, itthannāmo itthannāmassa āyasmato upasampadāpekkho. Yadi saṅghassa pattakallaṃ, ahaṃ itthannāmaṃ anusāseyya’’nti, ‘‘yadi saṅghassa pattakallaṃ, itthannāmo itthannāmaṃ anusāseyyā’’ti, ‘‘yadi saṅghassa pattakallaṃ, ahaṃ itthannāmaṃ antarāyike dhamme puccheyya’’nti, ‘‘yadi saṅghassa pattakallaṃ, itthannāmo itthannāmaṃ antarāyike dhamme puccheyyā’’ti, ‘‘yadi saṅghassa pattakallaṃ, ahaṃ itthannāmaṃ vinayaṃ puccheyya’’nti, ‘‘yadi saṅghassa pattakallaṃ, itthannāmo itthannāmaṃ vinayaṃ puccheyyā’’ti, ‘‘yadi saṅghassa pattakallaṃ, ahaṃ itthannāmena vinayaṃ puṭṭho vissajjeyya’’nti, ‘‘yadi saṅghassa pattakallaṃ, itthannāmo itthannāmena vinayaṃ puṭṭho vissajjeyyā’’ti evaṃ attānaṃ vā paraṃ vā sammannituṃ ṭhapitā ñatti sammuti nāma.
‘‘сун̣аад̇у мз, бханд̇з, сан̇гхо, ид̣̇ам̣ жийварам̣ ид̇т̇аннаамасса бхигкуно ниссаг̇г̇ияам̣ сан̇гхасса ниссадтам̣. яад̣̇и сан̇гхасса бад̇д̇агаллам̣, сан̇гхо имам̣ жийварам̣ ид̇т̇аннаамасса бхигкуно д̣̇ад̣̇зяяаа’’д̇и, ‘‘яад̣̇ааяасманд̇аанам̣ бад̇д̇агаллам̣, ааяасманд̇аа имам̣ жийварам̣ ид̇т̇аннаамасса бхигкуно д̣̇ад̣̇зяяу’’нд̇и звам̣ ниссадтажийварабад̇д̇аад̣̇ийнам̣ д̣̇аанам̣ д̣̇аанам̣ наама.
‘‘Suṇātu me, bhante, saṅgho, idaṃ cīvaraṃ itthannāmassa bhikkhuno nissaggiyaṃ saṅghassa nissaṭṭhaṃ. Yadi saṅghassa pattakallaṃ, saṅgho imaṃ cīvaraṃ itthannāmassa bhikkhuno dadeyyā’’ti, ‘‘yadāyasmantānaṃ pattakallaṃ, āyasmantā imaṃ cīvaraṃ itthannāmassa bhikkhuno dadeyyu’’nti evaṃ nissaṭṭhacīvarapattādīnaṃ dānaṃ dānaṃ nāma.
‘‘сун̣аад̇у мз, бханд̇з, сан̇гхо, аяам̣ ид̇т̇аннаамо бхигку аабад̇д̇им̣ сарад̇и виварад̇и уд̇д̇ааним̣ гарод̇и д̣̇зсзд̇и. яад̣̇и сан̇гхасса бад̇д̇агаллам̣, ахам̣ ид̇т̇аннаамасса бхигкуно аабад̇д̇им̣ бадиг̇г̇ан̣хзяяа’’нд̇и, ‘‘яад̣̇ааяасманд̇аанам̣ бад̇д̇агаллам̣, ахам̣ ид̇т̇аннаамасса бхигкуно аабад̇им̣ бадиг̇г̇ан̣хзяяа’’нд̇и, д̇зна вад̇д̇аб̣б̣о ‘‘бассасий’’д̇и? аама бассаамийд̇и. ‘‘ааяад̇им̣ сам̣варзяяаасий’’д̇и звам̣ аабад̇д̇иббадиг̇г̇ахо бадиг̇г̇ахо наама.
‘‘Suṇātu me, bhante, saṅgho, ayaṃ itthannāmo bhikkhu āpattiṃ sarati vivarati uttāniṃ karoti deseti. Yadi saṅghassa pattakallaṃ, ahaṃ itthannāmassa bhikkhuno āpattiṃ paṭiggaṇheyya’’nti, ‘‘yadāyasmantānaṃ pattakallaṃ, ahaṃ itthannāmassa bhikkhuno āpatiṃ paṭiggaṇheyya’’nti, tena vattabbo ‘‘passasī’’ti? Āma passāmīti. ‘‘Āyatiṃ saṃvareyyāsī’’ti evaṃ āpattippaṭiggaho paṭiggaho nāma.
‘‘сун̣анд̇у мз, ааяасманд̇аа ааваасигаа, яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама, ааг̇амз гаалз баваарзяяаамаа’’д̇и, д̇з жз, бхигкавз, бхигкуу бхан̣д̣анагаарагаа галахагаарагаа сан̇гхз ад̇хигаран̣агаарагаа д̇ам̣ гаалам̣ анувасзяяум̣, ааваасигзна бхигкунаа б̣яад̇д̇зна бадиб̣алзна ааваасигаа бхигкуу н̃аабзд̇аб̣б̣аа ‘‘сун̣анд̇у мз, ааяасманд̇аа ааваасигаа, яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама, ааг̇амз ж̇ун̣хз баваарзяяаамаа’’д̇и звам̣ гад̇аа бавааран̣аа бажжуггад̣дханаа наама.
‘‘Suṇantu me, āyasmantā āvāsikā, yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame kāle pavāreyyāmā’’ti, te ce, bhikkhave, bhikkhū bhaṇḍanakārakā kalahakārakā saṅghe adhikaraṇakārakā taṃ kālaṃ anuvaseyyuṃ, āvāsikena bhikkhunā byattena paṭibalena āvāsikā bhikkhū ñāpetabbā ‘‘suṇantu me, āyasmantā āvāsikā, yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame juṇhe pavāreyyāmā’’ti evaṃ katā pavāraṇā paccukkaḍḍhanā nāma.
саб̣б̣зхзва згаж̇жхам̣ саннибад̇ид̇аб̣б̣ам̣, саннибад̇ид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о ‘‘сун̣аад̇у мз, бханд̇з, сан̇гхо, амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣аху ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. яад̣̇и сан̇гхасса бад̇д̇агаллам̣, сан̇гхо имам̣ ад̇хигаран̣ам̣ д̇ин̣авад̇т̇аарагзна вуубасамзяяа табзд̇ваа т̇уллаваж̇ж̇ам̣, табзд̇ваа г̇ихибадисам̣яуд̇д̇а’’нд̇и звам̣ д̇ин̣авад̇т̇аарагасамат̇з гад̇аа саб̣б̣абатамаа саб̣б̣асан̇г̇аахиган̃ад̇д̇и гаммалагкан̣ам̣ наама.
Sabbeheva ekajjhaṃ sannipatitabbaṃ, sannipatitvā byattena bhikkhunā paṭibalena saṅgho ñāpetabbo ‘‘suṇātu me, bhante, saṅgho, amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahu assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Yadi saṅghassa pattakallaṃ, saṅgho imaṃ adhikaraṇaṃ tiṇavatthārakena vūpasameyya ṭhapetvā thullavajjaṃ, ṭhapetvā gihipaṭisaṃyutta’’nti evaṃ tiṇavatthārakasamathe katā sabbapaṭhamā sabbasaṅgāhikañatti kammalakkhaṇaṃ nāma.
н̃ад̇д̇ид̣̇уд̇ияам̣ гаммам̣ сад̇д̇а таанаани г̇ажчад̇ийд̇и гад̇амаани сад̇д̇а таанаани г̇ажчад̇и? осааран̣ам̣ , ниссааран̣ам̣, саммуд̇и, д̣̇аанам̣, уд̣̇д̇харан̣ам̣, д̣̇зсанам̣, гаммалагкан̣ан̃н̃зва сад̇д̇аманд̇и звам̣ вуд̇д̇аани сад̇д̇а таанаани г̇ажчад̇и. д̇ад̇т̇а вад̣дхасса лижчавино бад̇д̇аниггуж̇ж̇анавасзна канд̇хагз вуд̇д̇аа ниссааран̣аа, д̇ассзва бад̇ауггуж̇ж̇анавасзна вуд̇д̇аа осааран̣аа жа взд̣̇ид̇аб̣б̣аа. сиймаасаммуд̇и д̇ижийварзна авиббаваасасаммуд̇и сант̇ад̇асаммуд̇и бхад̇д̇уд̣̇д̣̇зсагасзнаасанаг̇г̇аахаабагабхан̣д̣ааг̇аарига- жийвараббадиг̇г̇аахага-жийварабхааж̇ага-яааг̇убхааж̇ага-палабхааж̇ага-каж̇ж̇абхааж̇ага-аббамад̇д̇агависсаж̇ж̇ага- саадияаг̇г̇аахаабага-бад̇д̇аг̇г̇аахаабага-аараамигабзсага-сааман̣зрабзсагасаммуд̇ийд̇и зд̇аасам̣ саммуд̇ийнам̣ васзна саммуд̇и взд̣̇ид̇аб̣б̣аа. гатинажийварад̣̇аанамад̇агажийварад̣̇аанавасзна д̣̇аанам̣ взд̣̇ид̇аб̣б̣ам̣. гатинуд̣̇д̇хааран̣авасзна уд̣̇д̇хааро взд̣̇ид̇аб̣б̣о. гудивад̇т̇увихааравад̇т̇уд̣̇зсанаавасзна д̣̇зсанаа взд̣̇ид̇аб̣б̣аа. яаа бана д̇ин̣авад̇т̇аарагасамат̇з саб̣б̣асан̇г̇аахиган̃ад̇д̇ин̃жа згзгасмим̣ багкз згзгам̣ н̃ад̇д̇ин̃жаад̇и д̇иссоби н̃ад̇д̇ияо табзд̇ваа буна згасмим̣ багкз згаа, згасмим̣ багкз згаад̇и д̣̇взби н̃ад̇д̇ид̣̇уд̇ияагаммаваажаа вуд̇д̇аа. д̇аасам̣ васзна гаммалагкан̣ам̣ взд̣̇ид̇аб̣б̣ам̣.
Ñattidutiyaṃkammaṃ satta ṭhānāni gacchatīti katamāni satta ṭhānāni gacchati? Osāraṇaṃ , nissāraṇaṃ, sammuti, dānaṃ, uddharaṇaṃ, desanaṃ, kammalakkhaṇaññeva sattamanti evaṃ vuttāni satta ṭhānāni gacchati. Tattha vaḍḍhassa licchavino pattanikkujjanavasena khandhake vuttā nissāraṇā, tasseva pataukkujjanavasena vuttā osāraṇā ca veditabbā. Sīmāsammuti ticīvarena avippavāsasammuti santhatasammuti bhattuddesakasenāsanaggāhāpakabhaṇḍāgārika- cīvarappaṭiggāhaka-cīvarabhājaka-yāgubhājaka-phalabhājaka-khajjabhājaka-appamattakavissajjaka- sāṭiyaggāhāpaka-pattaggāhāpaka-ārāmikapesaka-sāmaṇerapesakasammutīti etāsaṃ sammutīnaṃ vasena sammuti veditabbā. Kaṭhinacīvaradānamatakacīvaradānavasena dānaṃ veditabbaṃ. Kaṭhinuddhāraṇavasena uddhāro veditabbo. Kuṭivatthuvihāravatthudesanāvasena desanā veditabbā. Yā pana tiṇavatthārakasamathe sabbasaṅgāhikañattiñca ekekasmiṃ pakkhe ekekaṃ ñattiñcāti tissopi ñattiyo ṭhapetvā puna ekasmiṃ pakkhe ekā, ekasmiṃ pakkhe ekāti dvepi ñattidutiyakammavācā vuttā. Tāsaṃ vasena kammalakkhaṇaṃ veditabbaṃ.
н̃ад̇д̇ижад̇уд̇т̇агаммам̣ сад̇д̇а таанаани г̇ажчад̇ийд̇и гад̇амаани сад̇д̇а таанаани г̇ажчад̇и? осааран̣ам̣, ниссааран̣ам̣, саммуд̇и, д̣̇аанам̣, ниг̇г̇ахам̣, саманубхаасанам̣, гаммалагкан̣ан̃н̃зва сад̇д̇аманд̇и звам̣ вуд̇д̇аани сад̇д̇а таанаани г̇ажчад̇и. д̇ад̇т̇а д̇аж̇ж̇анийяагаммаад̣̇ийнам̣ сад̇д̇аннам̣ гаммаанам̣ васзна ниссааран̣аа, д̇зсам̣язва жа гаммаанам̣ бадиббассамбханавасзна осааран̣аа взд̣̇ид̇аб̣б̣аа. бхигкуноваад̣̇агасаммуд̇ивасзна саммуд̇и взд̣̇ид̇аб̣б̣аа. бариваасад̣̇аанамаанад̇д̇ад̣̇аанавасзна д̣̇аанам̣ взд̣̇ид̇аб̣б̣ам̣. муулааяабадигассанагаммавасзна ниг̇г̇ахо взд̣̇ид̇аб̣б̣о. угкид̇д̇аанувад̇д̇агаа, адта яаавад̇ад̇ияагаа, аридто, жан̣д̣агаал̣ий жа имзд̇з яаавад̇ад̇ияагаад̇и имаасам̣ згаад̣̇асаннам̣ саманубхаасанаанам̣ васзна саманубхаасанаа взд̣̇ид̇аб̣б̣аа. убасамбад̣̇агаммааб̣бхаанагаммавасзна гаммалагкан̣ам̣ взд̣̇ид̇аб̣б̣ам̣.
Ñatticatutthakammaṃ satta ṭhānāni gacchatīti katamāni satta ṭhānāni gacchati? Osāraṇaṃ, nissāraṇaṃ, sammuti, dānaṃ, niggahaṃ, samanubhāsanaṃ, kammalakkhaṇaññeva sattamanti evaṃ vuttāni satta ṭhānāni gacchati. Tattha tajjanīyakammādīnaṃ sattannaṃ kammānaṃ vasena nissāraṇā, tesaṃyeva ca kammānaṃ paṭippassambhanavasena osāraṇā veditabbā. Bhikkhunovādakasammutivasena sammuti veditabbā. Parivāsadānamānattadānavasena dānaṃ veditabbaṃ. Mūlāyapaṭikassanakammavasena niggaho veditabbo. Ukkhittānuvattakā, aṭṭha yāvatatiyakā, ariṭṭho, caṇḍakāḷī ca imete yāvatatiyakāti imāsaṃ ekādasannaṃ samanubhāsanānaṃ vasena samanubhāsanā veditabbā. Upasampadakammaabbhānakammavasena kammalakkhaṇaṃ veditabbaṃ.
д̇хаммасаммукад̇аад̇иаад̣̇ийсу язна д̇хаммзна, язна винаязна, язна сад̇т̇усаасанзна сан̇гхо гаммам̣ гарод̇и, аяам̣ д̇хаммасаммукад̇аа, винаяасаммукад̇аа, сад̇т̇усаасанасаммукад̇аа. д̇ад̇т̇а д̇хаммод̇и бхууд̇авад̇т̇у. винаяод̇и жод̣̇анаа жзва сааран̣аа жа. сад̇т̇усаасанам̣ наама н̃ад̇д̇исамбад̣̇аа жзва анусааванасамбад̣̇аа жа. яаавад̇игаа бхигкуу гаммаббад̇д̇аа, д̇з ааг̇ад̇аа хонд̇и, чанд̣̇аарахаанам̣ чанд̣̇о аахадо ход̇и, саммукийбхууд̇аа наббадиггосанд̇и, аяам̣ сан̇гхасаммукад̇аа. яасса сан̇гхо гаммам̣ гарод̇и, д̇асса саммукийбхааво буг̇г̇аласаммукад̇аа. сзсамзд̇т̇а вуд̇д̇анаяад̇д̇аа уд̇д̇аанад̇т̇амзва.
Dhammasammukhatātiādīsu yena dhammena, yena vinayena, yena satthusāsanena saṅgho kammaṃ karoti, ayaṃ dhammasammukhatā, vinayasammukhatā, satthusāsanasammukhatā. Tattha dhammoti bhūtavatthu. Vinayoti codanā ceva sāraṇā ca. Satthusāsanaṃ nāma ñattisampadā ceva anusāvanasampadā ca. Yāvatikā bhikkhū kammappattā, te āgatā honti, chandārahānaṃ chando āhaṭo hoti, sammukhībhūtā nappaṭikkosanti, ayaṃ saṅghasammukhatā. Yassa saṅgho kammaṃ karoti, tassa sammukhībhāvo puggalasammukhatā. Sesamettha vuttanayattā uttānatthameva.
ид̇и манорат̇абууран̣ияаа ан̇г̇уд̇д̇аранигааяа-адтагат̇ааяа
Iti manorathapūraṇiyā aṅguttaranikāya-aṭṭhakathāya
д̣̇уганибаад̇аван̣н̣анааяа ануд̇д̇аанад̇т̇ад̣̇ийбанаа самад̇д̇аа.
Dukanipātavaṇṇanāya anuttānatthadīpanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. винаяабзяяаалам̣ • 3. Vinayapeyyālaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. винаяабзяяаалам̣ • 3. Vinayapeyyālaṃ
