| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. વਿਨਯਪੇਯ੍ਯਾਲਂ
3. Vinayapeyyālaṃ
੨੦੧. ਦ੍વੇਮੇ , ਭਿਕ੍ਖવੇ, ਅਤ੍ਥવਸੇ ਪਟਿਚ੍ਚਾਤਿ, ਭਿਕ੍ਖવੇ, ਦ੍વੇ ਅਤ੍ਥੇ ਨਿਸ੍ਸਾਯ ਦ੍વੇ ਕਾਰਣਾਨਿ ਸਨ੍ਧਾਯ। ਸਿਕ੍ਖਾਪਦਂ ਪਞ੍ਞਤ੍ਤਨ੍ਤਿ ਸਿਕ੍ਖਾਕੋਟ੍ਠਾਸੋ ਠਪਿਤੋ। ਸਙ੍ਘਸੁਟ੍ਠੁਤਾਯਾਤਿ ਸਙ੍ਘਸ੍ਸ ਸੁਟ੍ਠੁਭਾવਾਯ, ‘‘ਸੁਟ੍ਠੁ, ਭਨ੍ਤੇ’’ਤਿ વਤ੍વਾ ਸਮ੍ਪਟਿਚ੍ਛਨਤ੍ਥਾਯਾਤਿ ਅਤ੍ਥੋ। ਸਙ੍ਘਫਾਸੁਤਾਯਾਤਿ ਸਙ੍ਘਸ੍ਸ ਫਾਸੁવਿਹਾਰਤ੍ਥਾਯ। ਦੁਮ੍ਮਙ੍ਕੂਨਨ੍ਤਿ ਦੁਸ੍ਸੀਲਾਨਂ। ਪੇਸਲਾਨਨ੍ਤਿ ਪੀਯਸੀਲਾਨਂ। ਦਿਟ੍ਠਧਮ੍ਮਿਕਾਨਂ ਆਸવਾਨਨ੍ਤਿ ਦਿਟ੍ਠਧਮ੍ਮੇ ਇਮਸ੍ਮਿਂਯੇવ ਅਤ੍ਤਭਾવੇ વੀਤਿਕ੍ਕਮਪਚ੍ਚਯਾ ਪਟਿਲਦ੍ਧਬ੍ਬਾਨਂ વਧਬਨ੍ਧਨਾਦਿਦੁਕ੍ਖਧਮ੍ਮਸਙ੍ਖਾਤਾਨਂ ਆਸવਾਨਂ। ਸਂવਰਾਯਾਤਿ ਪਿਦਹਨਤ੍ਥਾਯ। ਸਮ੍ਪਰਾਯਿਕਾਨਨ੍ਤਿ ਤਥਾਰੂਪਾਨਂਯੇવ ਅਪਾਯਦੁਕ੍ਖਸਙ੍ਖਾਤਾਨਂ ਸਮ੍ਪਰਾਯੇ ਉਪ੍ਪਜ੍ਜਨਕਆਸવਾਨਂ। ਪਟਿਘਾਤਾਯਾਤਿ ਪਟਿਸੇਧਨਤ੍ਥਾਯ। વੇਰਾਨਨ੍ਤਿ ਅਕੁਸਲવੇਰਾਨਮ੍ਪਿ ਪੁਗ੍ਗਲવੇਰਾਨਮ੍ਪਿ। વਜ੍ਜਾਨਨ੍ਤਿ ਦੋਸਾਨਂ। ਤੇ ਏવ વਾ ਦੁਕ੍ਖਧਮ੍ਮਾ વਜ੍ਜਨੀਯਤ੍ਤਾ ਇਧ વਜ੍ਜਾਤਿ ਅਧਿਪ੍ਪੇਤਾ। ਭਯਾਨਨ੍ਤਿ ਚਿਤ੍ਤੁਤ੍ਰਾਸਭਯਾਨਮ੍ਪਿ ਭਯਹੇਤੂਨਂ ਤੇਸਂਯੇવ ਦੁਕ੍ਖਧਮ੍ਮਾਨਮ੍ਪਿ। ਅਕੁਸਲਾਨਨ੍ਤਿ ਅਕ੍ਖਮਟ੍ਠੇਨ ਅਕੁਸਲਸਙ੍ਖਾਤਾਨਂ ਦੁਕ੍ਖਧਮ੍ਮਾਨਂ। ਗਿਹੀਨਂ ਅਨੁਕਮ੍ਪਾਯਾਤਿ ਗਿਹੀਸੁ ਉਜ੍ਝਾਯਨ੍ਤੇਸੁ ਪਞ੍ਞਤ੍ਤਸਿਕ੍ਖਾਪਦਂ ਗਿਹੀਨਂ ਅਨੁਕਮ੍ਪਾਯ ਪਞ੍ਞਤ੍ਤਂ ਨਾਮ। ਪਾਪਿਚ੍ਛਾਨਂ ਪਕ੍ਖੁਪਚ੍ਛੇਦਾਯਾਤਿ ਪਾਪਿਚ੍ਛਾ ਪਕ੍ਖਂ ਨਿਸ੍ਸਾਯ ਸਙ੍ਘਂ ਭਿਨ੍ਦੇਯ੍ਯੁਨ੍ਤਿ ਤੇਸਂ ਪਕ੍ਖੁਪਚ੍ਛੇਦਨਤ੍ਥਾਯ। ਅਪ੍ਪਸਨ੍ਨਾਨਂ ਪਸਾਦਾਯਾਤਿ ਪੁਬ੍ਬੇ ਅਪ੍ਪਸਨ੍ਨਾਨਮ੍ਪਿ ਪਣ੍ਡਿਤਮਨੁਸ੍ਸਾਨਂ ਸਿਕ੍ਖਾਪਦਪਞ੍ਞਤ੍ਤਿਸਮ੍ਪਦਂ ਦਿਸ੍વਾ ਪਸਾਦੁਪ੍ਪਤ੍ਤਿਅਤ੍ਥਾਯ। ਪਸਨ੍ਨਾਨਂ ਭਿਯ੍ਯੋਭਾવਾਯਾਤਿ ਪਸਨ੍ਨਾਨਂ ਉਪਰੂਪਰਿਪਸਾਦਭਾવਾਯ। ਸਦ੍ਧਮ੍ਮਟ੍ਠਿਤਿਯਾਤਿ ਸਦ੍ਧਮ੍ਮਸ੍ਸ ਚਿਰਟ੍ਠਿਤਤ੍ਥਂ। વਿਨਯਾਨੁਗ੍ਗਹਾਯਾਤਿ ਪਞ੍ਚવਿਧਸ੍ਸਾਪਿ વਿਨਯਸ੍ਸ ਅਨੁਗ੍ਗਣ੍ਹਨਤ੍ਥਾਯ।
201.Dveme, bhikkhave, atthavase paṭiccāti, bhikkhave, dve atthe nissāya dve kāraṇāni sandhāya. Sikkhāpadaṃ paññattanti sikkhākoṭṭhāso ṭhapito. Saṅghasuṭṭhutāyāti saṅghassa suṭṭhubhāvāya, ‘‘suṭṭhu, bhante’’ti vatvā sampaṭicchanatthāyāti attho. Saṅghaphāsutāyāti saṅghassa phāsuvihāratthāya. Dummaṅkūnanti dussīlānaṃ. Pesalānanti pīyasīlānaṃ. Diṭṭhadhammikānaṃ āsavānanti diṭṭhadhamme imasmiṃyeva attabhāve vītikkamapaccayā paṭiladdhabbānaṃ vadhabandhanādidukkhadhammasaṅkhātānaṃ āsavānaṃ. Saṃvarāyāti pidahanatthāya. Samparāyikānanti tathārūpānaṃyeva apāyadukkhasaṅkhātānaṃ samparāye uppajjanakaāsavānaṃ. Paṭighātāyāti paṭisedhanatthāya. Verānanti akusalaverānampi puggalaverānampi. Vajjānanti dosānaṃ. Te eva vā dukkhadhammā vajjanīyattā idha vajjāti adhippetā. Bhayānanti cittutrāsabhayānampi bhayahetūnaṃ tesaṃyeva dukkhadhammānampi. Akusalānanti akkhamaṭṭhena akusalasaṅkhātānaṃ dukkhadhammānaṃ. Gihīnaṃ anukampāyāti gihīsu ujjhāyantesu paññattasikkhāpadaṃ gihīnaṃ anukampāya paññattaṃ nāma. Pāpicchānaṃ pakkhupacchedāyāti pāpicchā pakkhaṃ nissāya saṅghaṃ bhindeyyunti tesaṃ pakkhupacchedanatthāya. Appasannānaṃ pasādāyāti pubbe appasannānampi paṇḍitamanussānaṃ sikkhāpadapaññattisampadaṃ disvā pasāduppattiatthāya. Pasannānaṃ bhiyyobhāvāyāti pasannānaṃ uparūparipasādabhāvāya. Saddhammaṭṭhitiyāti saddhammassa ciraṭṭhitatthaṃ. Vinayānuggahāyāti pañcavidhassāpi vinayassa anuggaṇhanatthāya.
੨੦੨-੨੩੦. ਪਾਤਿਮੋਕ੍ਖਂ ਪਞ੍ਞਤ੍ਤਨ੍ਤਿ ਭਿਕ੍ਖੁਪਾਤਿਮੋਕ੍ਖਂ ਭਿਕ੍ਖੁਨਿਪਾਤਿਮੋਕ੍ਖਨ੍ਤਿ ਦੁવਿਧਂ ਪਾਤਿਮੋਕ੍ਖਂ ਪਞ੍ਞਤ੍ਤਂ। ਪਾਤਿਮੋਕ੍ਖੁਦ੍ਦੇਸੋਤਿ ਭਿਕ੍ਖੂਨਂ ਪਞ੍ਚ, ਭਿਕ੍ਖੁਨੀਨਂ ਚਤ੍ਤਾਰੋਤਿ ਨવ ਪਾਤਿਮੋਕ੍ਖੁਦ੍ਦੇਸਾ ਪਞ੍ਞਤ੍ਤਾ। ਪਾਤਿਮੋਕ੍ਖਟ੍ਠਪਨਨ੍ਤਿ ਉਪੋਸਥਟ੍ਠਪਨਂ। ਪવਾਰਣਾ ਪਞ੍ਞਤ੍ਤਾਤਿ ਚਾਤੁਦ੍ਦਸਿਕਾ ਪਨ੍ਨਰਸਿਕਾਤਿ ਦ੍વੇ ਪવਾਰਣਾ ਪਞ੍ਞਤ੍ਤਾ। ਪવਾਰਣਟ੍ਠਪਨਂ ਪਞ੍ਞਤ੍ਤਨ੍ਤਿ ਸਾਪਤ੍ਤਿਕਸ੍ਸ ਭਿਕ੍ਖੁਨੋ ਪવਾਰਣਾ ਉਤ੍ਤਿਯਾ વਤ੍ਤਮਾਨਾਯ ਪવਾਰਣਟ੍ਠਪਨਂ ਪਞ੍ਞਤ੍ਤਂ। ਤਜ੍ਜਨੀਯਕਮ੍ਮਾਦੀਸੁ ਭਿਕ੍ਖੂ વਾਚਾਸਤ੍ਤੀਹਿ વਿਤੁਦਨ੍ਤਾਨਂ ਪਣ੍ਡੁਕਲੋਹਿਤਕਾਨਂ ਭਿਕ੍ਖੂਨਂ ਤਜ੍ਜਨੀਯਕਮ੍ਮਂ (ਚੂਲ਼વ॰ ੧ ਆਦਯੋ) ਪਞ੍ਞਤ੍ਤਂ। ਬਾਲਸ੍ਸ ਅਬ੍ਯਤ੍ਤਸ੍ਸ ਸੇਯ੍ਯਸਕਸ੍ਸ ਭਿਕ੍ਖੁਨੋ ਨਿਯਸ੍ਸਕਮ੍ਮਂ ਪਞ੍ਞਤ੍ਤਂ। ਕੁਲਦੂਸਕੇ ਅਸ੍ਸਜਿਪੁਨਬ੍ਬਸੁਕੇ ਭਿਕ੍ਖੂ ਆਰਬ੍ਭ ਪਬ੍ਬਾਜਨੀਯਕਮ੍ਮਂ (ਚੂਲ਼વ॰ ੨੧ ਆਦਯੋ) ਪਞ੍ਞਤ੍ਤਂ। ਗਿਹੀਨਂ ਅਕ੍ਕੋਸਕਸ੍ਸ ਸੁਧਮ੍ਮਤ੍ਥੇਰਸ੍ਸ ਪਟਿਸਾਰਣੀਯਕਮ੍ਮਂ (ਚੂਲ਼વ॰ ੩੩ ਆਦਯੋ) ਪਞ੍ਞਤ੍ਤਂ। ਆਪਤ੍ਤਿਯਾ ਅਦਸ੍ਸਨਾਦੀਸੁ ਉਕ੍ਖੇਪਨੀਯਕਮ੍ਮਂ ਪਞ੍ਞਤ੍ਤਂ। ਗਰੁਕਾਪਤ੍ਤਿਂ ਆਪਨ੍ਨਸ੍ਸ ਪਟਿਚ੍ਛਨ੍ਨਾਯ ਆਪਤ੍ਤਿਯਾ ਪਰਿવਾਸਦਾਨਂ ਪਞ੍ਞਤ੍ਤਂ। ਪਰਿવਾਸੇ ਅਨ੍ਤਰਾਪਤ੍ਤਿਂ ਆਪਨ੍ਨਸ੍ਸ ਮੂਲਾਯ ਪਟਿਕਸ੍ਸਨਂ ਪਞ੍ਞਤ੍ਤਂ। ਪਟਿਚ੍ਛਨ੍ਨਾਯਪਿ ਅਪ੍ਪਟਿਚ੍ਛਨ੍ਨਾਯਪਿ ਆਪਤ੍ਤਿਯਾ ਮਾਨਤ੍ਤਦਾਨਂ ਪਞ੍ਞਤ੍ਤਂ। ਚਿਣ੍ਣਮਾਨਤ੍ਤਸ੍ਸ ਅਬ੍ਭਾਨਂ ਪਞ੍ਞਤ੍ਤਂ। ਸਮ੍ਮਾ વਤ੍ਤਨ੍ਤਸ੍ਸ ਓਸਾਰਣੀਯਂ ਪਞ੍ਞਤ੍ਤਂ। ਅਸਮ੍ਮਾવਤ੍ਤਨਾਦੀਸੁ ਨਿਸ੍ਸਾਰਣੀਯਂ ਪਞ੍ਞਤ੍ਤਂ।
202-230.Pātimokkhaṃ paññattanti bhikkhupātimokkhaṃ bhikkhunipātimokkhanti duvidhaṃ pātimokkhaṃ paññattaṃ. Pātimokkhuddesoti bhikkhūnaṃ pañca, bhikkhunīnaṃ cattāroti nava pātimokkhuddesā paññattā. Pātimokkhaṭṭhapananti uposathaṭṭhapanaṃ. Pavāraṇā paññattāti cātuddasikā pannarasikāti dve pavāraṇā paññattā. Pavāraṇaṭṭhapanaṃ paññattanti sāpattikassa bhikkhuno pavāraṇā uttiyā vattamānāya pavāraṇaṭṭhapanaṃ paññattaṃ. Tajjanīyakammādīsu bhikkhū vācāsattīhi vitudantānaṃ paṇḍukalohitakānaṃ bhikkhūnaṃ tajjanīyakammaṃ (cūḷava. 1 ādayo) paññattaṃ. Bālassa abyattassa seyyasakassa bhikkhuno niyassakammaṃ paññattaṃ. Kuladūsake assajipunabbasuke bhikkhū ārabbha pabbājanīyakammaṃ (cūḷava. 21 ādayo) paññattaṃ. Gihīnaṃ akkosakassa sudhammattherassa paṭisāraṇīyakammaṃ (cūḷava. 33 ādayo) paññattaṃ. Āpattiyā adassanādīsu ukkhepanīyakammaṃ paññattaṃ. Garukāpattiṃ āpannassa paṭicchannāya āpattiyā parivāsadānaṃ paññattaṃ. Parivāse antarāpattiṃ āpannassa mūlāya paṭikassanaṃ paññattaṃ. Paṭicchannāyapi appaṭicchannāyapi āpattiyā mānattadānaṃ paññattaṃ. Ciṇṇamānattassa abbhānaṃ paññattaṃ. Sammā vattantassa osāraṇīyaṃ paññattaṃ. Asammāvattanādīsu nissāraṇīyaṃ paññattaṃ.
ਏਹਿਭਿਕ੍ਖੂਪਸਮ੍ਪਦਾ ਸਰਣਗਮਨੂਪਸਮ੍ਪਦਾ ਓવਾਦੂਪਸਮ੍ਪਦਾ ਪਞ੍ਹਾਬ੍ਯਾਕਰਣੂਪਸਮ੍ਪਦਾ ਞਤ੍ਤਿਚਤੁਤ੍ਥਕਮ੍ਮੂਪਸਮ੍ਪਦਾ ਗਰੁਧਮ੍ਮੂਪਸਮ੍ਪਦਾ ਉਭਤੋਸਙ੍ਘੇ ਉਪਸਮ੍ਪਦਾ ਦੂਤੇਨ ਉਪਸਮ੍ਪਦਾਤਿ ਅਟ੍ਠવਿਧਾ ਉਪਸਮ੍ਪਦਾ ਪਞ੍ਞਤ੍ਤਾ। ਞਤ੍ਤਿਕਮ੍ਮਂ ਨવ ਠਾਨਾਨਿ ਗਚ੍ਛਤੀਤਿ ਏવਂ ਨવਟ੍ਠਾਨਿਕਂ ਞਤ੍ਤਿਕਮ੍ਮਂ ਪਞ੍ਞਤ੍ਤਂ। ਞਤ੍ਤਿਦੁਤਿਯਕਮ੍ਮਂ ਸਤ੍ਤ ਠਾਨਾਨਿ ਗਚ੍ਛਤੀਤਿ ਏવਂ ਸਤ੍ਤਟ੍ਠਾਨਿਕਮੇવ ਞਤ੍ਤਿਦੁਤਿਯਕਮ੍ਮਂ ਪਞ੍ਞਤ੍ਤਂ। ਞਤ੍ਤਿਚਤੁਤ੍ਥਕਮ੍ਮਂ ਸਤ੍ਤ ਠਾਨਾਨਿ ਗਚ੍ਛਤੀਤਿ ਏવਂ ਸਤ੍ਤਟ੍ਠਾਨਿਕਮੇવ ਞਤ੍ਤਿਚਤੁਤ੍ਥਕਮ੍ਮਂ ਪਞ੍ਞਤ੍ਤਂ। ਪਠਮਪਾਰਾਜਿਕਾਦੀਨਂ ਪਠਮਪਞ੍ਞਤ੍ਤਿ ਅਪਞ੍ਞਤ੍ਤੇ ਪਞ੍ਞਤ੍ਤਂ। ਤੇਸਂਯੇવ ਅਨੁਪਞ੍ਞਤ੍ਤਿ ਪਞ੍ਞਤ੍ਤੇ ਅਨੁਪਞ੍ਞਤ੍ਤਂ। ਧਮ੍ਮਸਮ੍ਮੁਖਤਾ વਿਨਯਸਮ੍ਮੁਖਤਾ ਸਙ੍ਘਸਮ੍ਮੁਖਤਾ ਪੁਗ੍ਗਲਸਮ੍ਮੁਖਤਾਤਿ ਇਮਸ੍ਸ ਚਤੁਬ੍ਬਿਧਸ੍ਸ ਸਮ੍ਮੁਖੀਭਾવਸ੍ਸ વਸੇਨ ਸਮ੍ਮੁਖਾવਿਨਯੋ ਪਞ੍ਞਤ੍ਤੋ। ਸਤਿવੇਪੁਲ੍ਲਪ੍ਪਤ੍ਤਸ੍ਸ ਖੀਣਾਸવਸ੍ਸ ਅਚੋਦਨਤ੍ਥਾਯ ਸਤਿવਿਨਯੋ ਪਞ੍ਞਤ੍ਤੋ। ਉਮ੍ਮਤ੍ਤਕਸ੍ਸ ਭਿਕ੍ਖੁਨੋ ਅਮੂਲ਼੍ਹવਿਨਯੋ ਪਞ੍ਞਤ੍ਤੋ। ਅਪ੍ਪਟਿਞ੍ਞਾਯ ਚੁਦਿਤਕਸ੍ਸ ਆਪਤ੍ਤਿਯਾ ਅਤਰਣਤ੍ਥਂ ਪਟਿਞ੍ਞਾਤਕਰਣਂ ਪਞ੍ਞਤ੍ਤਂ। ਬਹੁਤਰਾਨਂ ਧਮ੍ਮવਾਦੀਨਂ ਲਦ੍ਧਿਂ ਗਹੇਤ੍વਾ ਅਧਿਕਰਣવੂਪਸਮਨਤ੍ਥਂ। ਯੇਭੁਯ੍ਯਸਿਕਾ ਪਞ੍ਞਤ੍ਤਾ। ਪਾਪੁਸ੍ਸਨ੍ਨਸ੍ਸ ਪੁਗ੍ਗਲਸ੍ਸ ਨਿਗ੍ਗਣ੍ਹਨਤ੍ਥਂ ਤਸ੍ਸਪਾਪਿਯਸਿਕਾ ਪਞ੍ਞਤ੍ਤਾ। ਭਣ੍ਡਨਾਦਿવਸੇਨ ਬਹੁਂ ਅਸ੍ਸਾਮਣਕਂ ਕਤ੍વਾ ਆਪਤ੍ਤਿਂ ਆਪਨ੍ਨਾਨਂ ਭਿਕ੍ਖੂਨਂ ਠਪੇਤ੍વਾ ਥੁਲ੍ਲવਜ੍ਜਂ ਠਪੇਤ੍વਾ ਗਿਹਿਪਟਿਸਂਯੁਤ੍ਤਞ੍ਚ ਅવਸੇਸਾਪਤ੍ਤੀਨਂ વੂਪਸਮਨਤ੍ਥਾਯ ਤਿਣવਤ੍ਥਾਰਕੋ ਪਞ੍ਞਤ੍ਤੋ।
Ehibhikkhūpasampadā saraṇagamanūpasampadā ovādūpasampadā pañhābyākaraṇūpasampadā ñatticatutthakammūpasampadā garudhammūpasampadā ubhatosaṅghe upasampadā dūtena upasampadāti aṭṭhavidhā upasampadā paññattā. Ñattikammaṃ nava ṭhānāni gacchatīti evaṃ navaṭṭhānikaṃ ñattikammaṃ paññattaṃ. Ñattidutiyakammaṃ satta ṭhānāni gacchatīti evaṃ sattaṭṭhānikameva ñattidutiyakammaṃ paññattaṃ. Ñatticatutthakammaṃ satta ṭhānāni gacchatīti evaṃ sattaṭṭhānikameva ñatticatutthakammaṃ paññattaṃ. Paṭhamapārājikādīnaṃ paṭhamapaññatti apaññatte paññattaṃ. Tesaṃyeva anupaññatti paññatte anupaññattaṃ. Dhammasammukhatā vinayasammukhatā saṅghasammukhatā puggalasammukhatāti imassa catubbidhassa sammukhībhāvassa vasena sammukhāvinayo paññatto. Sativepullappattassa khīṇāsavassa acodanatthāya sativinayo paññatto. Ummattakassa bhikkhuno amūḷhavinayo paññatto. Appaṭiññāya cuditakassa āpattiyā ataraṇatthaṃ paṭiññātakaraṇaṃ paññattaṃ. Bahutarānaṃ dhammavādīnaṃ laddhiṃ gahetvā adhikaraṇavūpasamanatthaṃ. Yebhuyyasikā paññattā. Pāpussannassa puggalassa niggaṇhanatthaṃ tassapāpiyasikā paññattā. Bhaṇḍanādivasena bahuṃ assāmaṇakaṃ katvā āpattiṃ āpannānaṃ bhikkhūnaṃ ṭhapetvā thullavajjaṃ ṭhapetvā gihipaṭisaṃyuttañca avasesāpattīnaṃ vūpasamanatthāya tiṇavatthārako paññatto.
વਿਨਯਪੇਯ੍ਯਾਲਂ ਨਿਟ੍ਠਿਤਂ।
Vinayapeyyālaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. વਿਨਯਪੇਯ੍ਯਾਲਂ • 3. Vinayapeyyālaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩. વਿਨਯਪੇਯ੍ਯਾਲਂ • 3. Vinayapeyyālaṃ
