| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
79. винаяабужчанагат̇аа
79. Vinayapucchanakathā
151. д̇зна ко бана самаязна чаб̣б̣аг̇г̇ияаа бхигкуу сан̇гхамаж̇жхз асаммад̇аа винаяам̣ бужчанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, сан̇гхамаж̇жхз асаммад̇зна винаяо бужчид̇аб̣б̣о. яо бужчзяяа, аабад̇д̇и д̣̇уггадасса. ануж̇аанаами, бхигкавз, сан̇гхамаж̇жхз саммад̇зна винаяам̣ бужчид̇ум̣. зван̃жа бана, бхигкавз, самманнид̇аб̣б̣о – ад̇д̇анаа ваа 1 ад̇д̇аанам̣ самманнид̇аб̣б̣ам̣, барзна ваа баро самманнид̇аб̣б̣о. гат̇ан̃жа ад̇д̇анаава ад̇д̇аанам̣ самманнид̇аб̣б̣ам̣? б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
151. Tena kho pana samayena chabbaggiyā bhikkhū saṅghamajjhe asammatā vinayaṃ pucchanti. Bhagavato etamatthaṃ ārocesuṃ. Na, bhikkhave, saṅghamajjhe asammatena vinayo pucchitabbo. Yo puccheyya, āpatti dukkaṭassa. Anujānāmi, bhikkhave, saṅghamajjhe sammatena vinayaṃ pucchituṃ. Evañca pana, bhikkhave, sammannitabbo – attanā vā 2 attānaṃ sammannitabbaṃ, parena vā paro sammannitabbo. Kathañca attanāva attānaṃ sammannitabbaṃ? Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ винаяам̣ бужчзяяа’’нд̇и. звам̣ ад̇д̇анаава ад̇д̇аанам̣ самманнид̇аб̣б̣ам̣.
‘‘Suṇātu me, bhante, saṅgho. Yadi saṅghassa pattakallaṃ, ahaṃ itthannāmaṃ vinayaṃ puccheyya’’nti. Evaṃ attanāva attānaṃ sammannitabbaṃ.
гат̇ан̃жа барзна баро самманнид̇аб̣б̣о? б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Kathañca parena paro sammannitabbo? Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ винаяам̣ бужчзяяаа’’д̇и. звам̣ барзна баро самманнид̇аб̣б̣од̇и.
‘‘Suṇātu me, bhante, saṅgho. Yadi saṅghassa pattakallaṃ, itthannāmo itthannāmaṃ vinayaṃ puccheyyā’’ti. Evaṃ parena paro sammannitabboti.
д̇зна ко бана самаязна бзсалаа бхигкуу сан̇гхамаж̇жхз саммад̇аа винаяам̣ бужчанд̇и. чаб̣б̣аг̇г̇ияаа бхигкуу лабханд̇и аагхаад̇ам̣, лабханд̇и аббажжаяам̣, вад̇хзна д̇аж̇ж̇знд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сан̇гхамаж̇жхз саммад̇знаби барисам̣ ологзд̇ваа буг̇г̇алам̣ д̇улаяид̇ваа винаяам̣ бужчид̇унд̇и.
Tena kho pana samayena pesalā bhikkhū saṅghamajjhe sammatā vinayaṃ pucchanti. Chabbaggiyā bhikkhū labhanti āghātaṃ, labhanti appaccayaṃ, vadhena tajjenti. Bhagavato etamatthaṃ ārocesuṃ. Anujānāmi, bhikkhave, saṅghamajjhe sammatenapi parisaṃ oloketvā puggalaṃ tulayitvā vinayaṃ pucchitunti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баад̇имогкуд̣̇д̣̇зсагат̇аа • Pātimokkhuddesakathā
