| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
১২. ৰিনযৰারো
12. Vinayavāro
৩০২. ৰিনযো সম্মুখাৰিনযো, সম্মুখাৰিনযো ৰিনযো? ৰিনযো যেভুয্যসিকা, যেভুয্যসিকা ৰিনযো? ৰিনযো সতিৰিনযো, সতিৰিনযো ৰিনযো? ৰিনযো অমূল়্হৰিনযো, অমূল়্হৰিনযো ৰিনযো? ৰিনযো পটিঞ্ঞাতকরণং, পটিঞ্ঞাতকরণং ৰিনযো? ৰিনযো তস্সপাপিযসিকা, তস্সপাপিযসিকা ৰিনযো? ৰিনযো তিণৰত্থারকো, তিণৰত্থারকো ৰিনযো?
302. Vinayo sammukhāvinayo, sammukhāvinayo vinayo? Vinayo yebhuyyasikā, yebhuyyasikā vinayo? Vinayo sativinayo, sativinayo vinayo? Vinayo amūḷhavinayo, amūḷhavinayo vinayo? Vinayo paṭiññātakaraṇaṃ, paṭiññātakaraṇaṃ vinayo? Vinayo tassapāpiyasikā, tassapāpiyasikā vinayo? Vinayo tiṇavatthārako, tiṇavatthārako vinayo?
ৰিনযো সিযা সম্মুখাৰিনযো সিযা ন সম্মুখাৰিনযো। সম্মুখাৰিনযো ৰিনযো চেৰ সম্মুখাৰিনযো চ।
Vinayo siyā sammukhāvinayo siyā na sammukhāvinayo. Sammukhāvinayo vinayo ceva sammukhāvinayo ca.
ৰিনযো সিযা যেভুয্যসিকা, সিযা ন যেভুয্যসিকা। যেভুয্যসিকা ৰিনযো চেৰ যেভুয্যসিকা চ।
Vinayo siyā yebhuyyasikā, siyā na yebhuyyasikā. Yebhuyyasikā vinayo ceva yebhuyyasikā ca.
ৰিনযো সিযা সতিৰিনযো, সিযা ন সতিৰিনযো। সতিৰিনযো ৰিনযো চেৰ সতিৰিনযো চ।
Vinayo siyā sativinayo, siyā na sativinayo. Sativinayo vinayo ceva sativinayo ca.
ৰিনযো সিযা অমূল়্হৰিনযো, সিযা ন অমূল়্হৰিনযো। অমূল়্হৰিনযো ৰিনযো চেৰ অমূল়্হৰিনযো চ ।
Vinayo siyā amūḷhavinayo, siyā na amūḷhavinayo. Amūḷhavinayo vinayo ceva amūḷhavinayo ca .
ৰিনযো সিযা পটিঞ্ঞাতকরণং, সিযা ন পটিঞ্ঞাতকরণং। পটিঞ্ঞাতকরণং ৰিনযো চেৰ পটিঞ্ঞাতকরণঞ্চ।
Vinayo siyā paṭiññātakaraṇaṃ, siyā na paṭiññātakaraṇaṃ. Paṭiññātakaraṇaṃ vinayo ceva paṭiññātakaraṇañca.
ৰিনযো সিযা তস্সপাপিযসিকা, সিযা ন তস্সপাপিযসিকা। তস্সপাপিযসিকা ৰিনযো চেৰ তস্সপাপিযসিকা চ।
Vinayo siyā tassapāpiyasikā, siyā na tassapāpiyasikā. Tassapāpiyasikā vinayo ceva tassapāpiyasikā ca.
ৰিনযো সিযা তিণৰত্থারকো, সিযা ন তিণৰত্থারকো। তিণৰত্থারকো ৰিনযো চেৰ তিণৰত্থারকো চ।
Vinayo siyā tiṇavatthārako, siyā na tiṇavatthārako. Tiṇavatthārako vinayo ceva tiṇavatthārako ca.
ৰিনযৰারো নিট্ঠিতো দ্ৰাদসমো।
Vinayavāro niṭṭhito dvādasamo.
Related texts:
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৰিনযৰারকথাৰণ্ণনা • Vinayavārakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অধিকরণপরিযাযৰারাদিৰণ্ণনা • Adhikaraṇapariyāyavārādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / সমথসম্মুখাৰিনযৰারাদিৰণ্ণনা • Samathasammukhāvinayavārādivaṇṇanā
