| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၁၂. ဝိနယဝာရော
12. Vinayavāro
၃၀၂. ဝိနယော သမ္မုခာဝိနယော, သမ္မုခာဝိနယော ဝိနယော? ဝိနယော ယေဘုယ္ယသိကာ, ယေဘုယ္ယသိကာ ဝိနယော? ဝိနယော သတိဝိနယော, သတိဝိနယော ဝိနယော? ဝိနယော အမူဠ္ဟဝိနယော, အမူဠ္ဟဝိနယော ဝိနယော? ဝိနယော ပဋိညာတကရဏံ, ပဋိညာတကရဏံ ဝိနယော? ဝိနယော တသ္သပာပိယသိကာ, တသ္သပာပိယသိကာ ဝိနယော? ဝိနယော တိဏဝတ္ထာရကော, တိဏဝတ္ထာရကော ဝိနယော?
302. Vinayo sammukhāvinayo, sammukhāvinayo vinayo? Vinayo yebhuyyasikā, yebhuyyasikā vinayo? Vinayo sativinayo, sativinayo vinayo? Vinayo amūḷhavinayo, amūḷhavinayo vinayo? Vinayo paṭiññātakaraṇaṃ, paṭiññātakaraṇaṃ vinayo? Vinayo tassapāpiyasikā, tassapāpiyasikā vinayo? Vinayo tiṇavatthārako, tiṇavatthārako vinayo?
ဝိနယော သိယာ သမ္မုခာဝိနယော သိယာ န သမ္မုခာဝိနယော။ သမ္မုခာဝိနယော ဝိနယော စေဝ သမ္မုခာဝိနယော စ။
Vinayo siyā sammukhāvinayo siyā na sammukhāvinayo. Sammukhāvinayo vinayo ceva sammukhāvinayo ca.
ဝိနယော သိယာ ယေဘုယ္ယသိကာ, သိယာ န ယေဘုယ္ယသိကာ။ ယေဘုယ္ယသိကာ ဝိနယော စေဝ ယေဘုယ္ယသိကာ စ။
Vinayo siyā yebhuyyasikā, siyā na yebhuyyasikā. Yebhuyyasikā vinayo ceva yebhuyyasikā ca.
ဝိနယော သိယာ သတိဝိနယော, သိယာ န သတိဝိနယော။ သတိဝိနယော ဝိနယော စေဝ သတိဝိနယော စ။
Vinayo siyā sativinayo, siyā na sativinayo. Sativinayo vinayo ceva sativinayo ca.
ဝိနယော သိယာ အမူဠ္ဟဝိနယော, သိယာ န အမူဠ္ဟဝိနယော။ အမူဠ္ဟဝိနယော ဝိနယော စေဝ အမူဠ္ဟဝိနယော စ ။
Vinayo siyā amūḷhavinayo, siyā na amūḷhavinayo. Amūḷhavinayo vinayo ceva amūḷhavinayo ca .
ဝိနယော သိယာ ပဋိညာတကရဏံ, သိယာ န ပဋိညာတကရဏံ။ ပဋိညာတကရဏံ ဝိနယော စေဝ ပဋိညာတကရဏဉ္စ။
Vinayo siyā paṭiññātakaraṇaṃ, siyā na paṭiññātakaraṇaṃ. Paṭiññātakaraṇaṃ vinayo ceva paṭiññātakaraṇañca.
ဝိနယော သိယာ တသ္သပာပိယသိကာ, သိယာ န တသ္သပာပိယသိကာ။ တသ္သပာပိယသိကာ ဝိနယော စေဝ တသ္သပာပိယသိကာ စ။
Vinayo siyā tassapāpiyasikā, siyā na tassapāpiyasikā. Tassapāpiyasikā vinayo ceva tassapāpiyasikā ca.
ဝိနယော သိယာ တိဏဝတ္ထာရကော, သိယာ န တိဏဝတ္ထာရကော။ တိဏဝတ္ထာရကော ဝိနယော စေဝ တိဏဝတ္ထာရကော စ။
Vinayo siyā tiṇavatthārako, siyā na tiṇavatthārako. Tiṇavatthārako vinayo ceva tiṇavatthārako ca.
ဝိနယဝာရော နိဋ္ဌိတော ဒ္ဝာဒသမော။
Vinayavāro niṭṭhito dvādasamo.
Related texts:
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဝိနယဝာရကထာဝဏ္ဏနာ • Vinayavārakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဓိကရဏပရိယာယဝာရာဒိဝဏ္ဏနာ • Adhikaraṇapariyāyavārādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သမထသမ္မုခာဝိနယဝာရာဒိဝဏ္ဏနာ • Samathasammukhāvinayavārādivaṇṇanā
