| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೧೨. ವಿನಯವಾರೋ
12. Vinayavāro
೩೦೨. ವಿನಯೋ ಸಮ್ಮುಖಾವಿನಯೋ, ಸಮ್ಮುಖಾವಿನಯೋ ವಿನಯೋ? ವಿನಯೋ ಯೇಭುಯ್ಯಸಿಕಾ, ಯೇಭುಯ್ಯಸಿಕಾ ವಿನಯೋ? ವಿನಯೋ ಸತಿವಿನಯೋ, ಸತಿವಿನಯೋ ವಿನಯೋ? ವಿನಯೋ ಅಮೂಳ್ಹವಿನಯೋ, ಅಮೂಳ್ಹವಿನಯೋ ವಿನಯೋ? ವಿನಯೋ ಪಟಿಞ್ಞಾತಕರಣಂ, ಪಟಿಞ್ಞಾತಕರಣಂ ವಿನಯೋ? ವಿನಯೋ ತಸ್ಸಪಾಪಿಯಸಿಕಾ, ತಸ್ಸಪಾಪಿಯಸಿಕಾ ವಿನಯೋ? ವಿನಯೋ ತಿಣವತ್ಥಾರಕೋ, ತಿಣವತ್ಥಾರಕೋ ವಿನಯೋ?
302. Vinayo sammukhāvinayo, sammukhāvinayo vinayo? Vinayo yebhuyyasikā, yebhuyyasikā vinayo? Vinayo sativinayo, sativinayo vinayo? Vinayo amūḷhavinayo, amūḷhavinayo vinayo? Vinayo paṭiññātakaraṇaṃ, paṭiññātakaraṇaṃ vinayo? Vinayo tassapāpiyasikā, tassapāpiyasikā vinayo? Vinayo tiṇavatthārako, tiṇavatthārako vinayo?
ವಿನಯೋ ಸಿಯಾ ಸಮ್ಮುಖಾವಿನಯೋ ಸಿಯಾ ನ ಸಮ್ಮುಖಾವಿನಯೋ। ಸಮ್ಮುಖಾವಿನಯೋ ವಿನಯೋ ಚೇವ ಸಮ್ಮುಖಾವಿನಯೋ ಚ।
Vinayo siyā sammukhāvinayo siyā na sammukhāvinayo. Sammukhāvinayo vinayo ceva sammukhāvinayo ca.
ವಿನಯೋ ಸಿಯಾ ಯೇಭುಯ್ಯಸಿಕಾ, ಸಿಯಾ ನ ಯೇಭುಯ್ಯಸಿಕಾ। ಯೇಭುಯ್ಯಸಿಕಾ ವಿನಯೋ ಚೇವ ಯೇಭುಯ್ಯಸಿಕಾ ಚ।
Vinayo siyā yebhuyyasikā, siyā na yebhuyyasikā. Yebhuyyasikā vinayo ceva yebhuyyasikā ca.
ವಿನಯೋ ಸಿಯಾ ಸತಿವಿನಯೋ, ಸಿಯಾ ನ ಸತಿವಿನಯೋ। ಸತಿವಿನಯೋ ವಿನಯೋ ಚೇವ ಸತಿವಿನಯೋ ಚ।
Vinayo siyā sativinayo, siyā na sativinayo. Sativinayo vinayo ceva sativinayo ca.
ವಿನಯೋ ಸಿಯಾ ಅಮೂಳ್ಹವಿನಯೋ, ಸಿಯಾ ನ ಅಮೂಳ್ಹವಿನಯೋ। ಅಮೂಳ್ಹವಿನಯೋ ವಿನಯೋ ಚೇವ ಅಮೂಳ್ಹವಿನಯೋ ಚ ।
Vinayo siyā amūḷhavinayo, siyā na amūḷhavinayo. Amūḷhavinayo vinayo ceva amūḷhavinayo ca .
ವಿನಯೋ ಸಿಯಾ ಪಟಿಞ್ಞಾತಕರಣಂ, ಸಿಯಾ ನ ಪಟಿಞ್ಞಾತಕರಣಂ। ಪಟಿಞ್ಞಾತಕರಣಂ ವಿನಯೋ ಚೇವ ಪಟಿಞ್ಞಾತಕರಣಞ್ಚ।
Vinayo siyā paṭiññātakaraṇaṃ, siyā na paṭiññātakaraṇaṃ. Paṭiññātakaraṇaṃ vinayo ceva paṭiññātakaraṇañca.
ವಿನಯೋ ಸಿಯಾ ತಸ್ಸಪಾಪಿಯಸಿಕಾ, ಸಿಯಾ ನ ತಸ್ಸಪಾಪಿಯಸಿಕಾ। ತಸ್ಸಪಾಪಿಯಸಿಕಾ ವಿನಯೋ ಚೇವ ತಸ್ಸಪಾಪಿಯಸಿಕಾ ಚ।
Vinayo siyā tassapāpiyasikā, siyā na tassapāpiyasikā. Tassapāpiyasikā vinayo ceva tassapāpiyasikā ca.
ವಿನಯೋ ಸಿಯಾ ತಿಣವತ್ಥಾರಕೋ, ಸಿಯಾ ನ ತಿಣವತ್ಥಾರಕೋ। ತಿಣವತ್ಥಾರಕೋ ವಿನಯೋ ಚೇವ ತಿಣವತ್ಥಾರಕೋ ಚ।
Vinayo siyā tiṇavatthārako, siyā na tiṇavatthārako. Tiṇavatthārako vinayo ceva tiṇavatthārako ca.
ವಿನಯವಾರೋ ನಿಟ್ಠಿತೋ ದ್ವಾದಸಮೋ।
Vinayavāro niṭṭhito dvādasamo.
Related texts:
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ವಿನಯವಾರಕಥಾವಣ್ಣನಾ • Vinayavārakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಅಧಿಕರಣಪರಿಯಾಯವಾರಾದಿವಣ್ಣನಾ • Adhikaraṇapariyāyavārādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಸಮಥಸಮ್ಮುಖಾವಿನಯವಾರಾದಿವಣ್ಣನಾ • Samathasammukhāvinayavārādivaṇṇanā
