| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
80. வினயவிஸ்ஸஜ்ஜனகதா²
80. Vinayavissajjanakathā
152. தேன கோ² பன ஸமயேன ச²ப்³ப³க்³கி³யா பி⁴க்கூ² ஸங்க⁴மஜ்ஜே² அஸம்மதா வினயங் விஸ்ஸஜ்ஜெந்தி 1. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ஸங்க⁴மஜ்ஜே² அஸம்மதேன வினயோ விஸ்ஸஜ்ஜேதப்³போ³. யோ விஸ்ஸஜ்ஜெய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, ஸங்க⁴மஜ்ஜே² ஸம்மதேன வினயங் விஸ்ஸஜ்ஜேதுங். ஏவஞ்ச பன, பி⁴க்க²வே, ஸம்மன்னிதப்³ப³ங். அத்தனா வா 2 அத்தானங் ஸம்மன்னிதப்³ப³ங், பரேன வா பரோ ஸம்மன்னிதப்³போ³. கத²ஞ்ச அத்தனாவ அத்தானங் ஸம்மன்னிதப்³ப³ங்? ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
152. Tena kho pana samayena chabbaggiyā bhikkhū saṅghamajjhe asammatā vinayaṃ vissajjenti 3. Bhagavato etamatthaṃ ārocesuṃ. Na, bhikkhave, saṅghamajjhe asammatena vinayo vissajjetabbo. Yo vissajjeyya, āpatti dukkaṭassa. Anujānāmi, bhikkhave, saṅghamajjhe sammatena vinayaṃ vissajjetuṃ. Evañca pana, bhikkhave, sammannitabbaṃ. Attanā vā 4 attānaṃ sammannitabbaṃ, parena vā paro sammannitabbo. Kathañca attanāva attānaṃ sammannitabbaṃ? Byattena bhikkhunā paṭibalena saṅgho ñāpetabbo –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், அஹங் இத்த²ன்னாமேன வினயங் புட்டோ² விஸ்ஸஜ்ஜெய்ய’’ந்தி. ஏவங் அத்தனாவ அத்தானங் ஸம்மன்னிதப்³ப³ங்.
‘‘Suṇātu me, bhante, saṅgho. Yadi saṅghassa pattakallaṃ, ahaṃ itthannāmena vinayaṃ puṭṭho vissajjeyya’’nti. Evaṃ attanāva attānaṃ sammannitabbaṃ.
கத²ஞ்ச பரேன பரோ ஸம்மன்னிதப்³போ³? ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
Kathañca parena paro sammannitabbo? Byattena bhikkhunā paṭibalena saṅgho ñāpetabbo –
‘‘ஸுணாது மே, ப⁴ந்தே, ஸங்கோ⁴. யதி³ ஸங்க⁴ஸ்ஸ பத்தகல்லங், இத்த²ன்னாமோ இத்த²ன்னாமேன வினயங் புட்டோ² விஸ்ஸஜ்ஜெய்யா’’தி. ஏவங் பரேன பரோ ஸம்மன்னிதப்³போ³தி.
‘‘Suṇātu me, bhante, saṅgho. Yadi saṅghassa pattakallaṃ, itthannāmo itthannāmena vinayaṃ puṭṭho vissajjeyyā’’ti. Evaṃ parena paro sammannitabboti.
தேன கோ² பன ஸமயேன பேஸலா பி⁴க்கூ² ஸங்க⁴மஜ்ஜே² ஸம்மதா வினயங் விஸ்ஸஜ்ஜெந்தி. ச²ப்³ப³க்³கி³யா பி⁴க்கூ² லப⁴ந்தி ஆகா⁴தங், லப⁴ந்தி அப்பச்சயங், வதே⁴ன தஜ்ஜெந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸங்க⁴மஜ்ஜே² ஸம்மதேனபி பரிஸங் ஓலோகெத்வா புக்³க³லங் துலயித்வா வினயங் விஸ்ஸஜ்ஜேதுந்தி.
Tena kho pana samayena pesalā bhikkhū saṅghamajjhe sammatā vinayaṃ vissajjenti. Chabbaggiyā bhikkhū labhanti āghātaṃ, labhanti appaccayaṃ, vadhena tajjenti. Bhagavato etamatthaṃ ārocesuṃ. Anujānāmi, bhikkhave, saṅghamajjhe sammatenapi parisaṃ oloketvā puggalaṃ tulayitvā vinayaṃ vissajjetunti.
Footnotes:
