| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
80. винаяависсаж̇ж̇анагат̇аа
80. Vinayavissajjanakathā
152. д̇зна ко бана самаязна чаб̣б̣аг̇г̇ияаа бхигкуу сан̇гхамаж̇жхз асаммад̇аа винаяам̣ виссаж̇ж̇знд̇и 1. бхаг̇авад̇о зд̇амад̇т̇ам̣ аарожзсум̣. на, бхигкавз, сан̇гхамаж̇жхз асаммад̇зна винаяо виссаж̇ж̇зд̇аб̣б̣о. яо виссаж̇ж̇зяяа, аабад̇д̇и д̣̇уггадасса. ануж̇аанаами, бхигкавз, сан̇гхамаж̇жхз саммад̇зна винаяам̣ виссаж̇ж̇зд̇ум̣. зван̃жа бана, бхигкавз, самманнид̇аб̣б̣ам̣. ад̇д̇анаа ваа 2 ад̇д̇аанам̣ самманнид̇аб̣б̣ам̣, барзна ваа баро самманнид̇аб̣б̣о. гат̇ан̃жа ад̇д̇анаава ад̇д̇аанам̣ самманнид̇аб̣б̣ам̣? б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
152. Tena kho pana samayena chabbaggiyā bhikkhū saṅghamajjhe asammatā vinayaṃ vissajjenti 3. Bhagavato etamatthaṃ ārocesuṃ. Na, bhikkhave, saṅghamajjhe asammatena vinayo vissajjetabbo. Yo vissajjeyya, āpatti dukkaṭassa. Anujānāmi, bhikkhave, saṅghamajjhe sammatena vinayaṃ vissajjetuṃ. Evañca pana, bhikkhave, sammannitabbaṃ. Attanā vā 4 attānaṃ sammannitabbaṃ, parena vā paro sammannitabbo. Kathañca attanāva attānaṃ sammannitabbaṃ? Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, ахам̣ ид̇т̇аннаамзна винаяам̣ будто виссаж̇ж̇зяяа’’нд̇и. звам̣ ад̇д̇анаава ад̇д̇аанам̣ самманнид̇аб̣б̣ам̣.
‘‘Suṇātu me, bhante, saṅgho. Yadi saṅghassa pattakallaṃ, ahaṃ itthannāmena vinayaṃ puṭṭho vissajjeyya’’nti. Evaṃ attanāva attānaṃ sammannitabbaṃ.
гат̇ан̃жа барзна баро самманнид̇аб̣б̣о? б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Kathañca parena paro sammannitabbo? Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамзна винаяам̣ будто виссаж̇ж̇зяяаа’’д̇и. звам̣ барзна баро самманнид̇аб̣б̣од̇и.
‘‘Suṇātu me, bhante, saṅgho. Yadi saṅghassa pattakallaṃ, itthannāmo itthannāmena vinayaṃ puṭṭho vissajjeyyā’’ti. Evaṃ parena paro sammannitabboti.
д̇зна ко бана самаязна бзсалаа бхигкуу сан̇гхамаж̇жхз саммад̇аа винаяам̣ виссаж̇ж̇знд̇и. чаб̣б̣аг̇г̇ияаа бхигкуу лабханд̇и аагхаад̇ам̣, лабханд̇и аббажжаяам̣, вад̇хзна д̇аж̇ж̇знд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сан̇гхамаж̇жхз саммад̇знаби барисам̣ ологзд̇ваа буг̇г̇алам̣ д̇улаяид̇ваа винаяам̣ виссаж̇ж̇зд̇унд̇и.
Tena kho pana samayena pesalā bhikkhū saṅghamajjhe sammatā vinayaṃ vissajjenti. Chabbaggiyā bhikkhū labhanti āghātaṃ, labhanti appaccayaṃ, vadhena tajjenti. Bhagavato etamatthaṃ ārocesuṃ. Anujānāmi, bhikkhave, saṅghamajjhe sammatenapi parisaṃ oloketvā puggalaṃ tulayitvā vinayaṃ vissajjetunti.
Footnotes:
