| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
6-8. வினிப³ந்த⁴ஸுத்தாதி³வண்ணனா
6-8. Vinibandhasuttādivaṇṇanā
206-8. ச²ட்டே² பவத்திதுங் அப்பதா³னவஸேன குஸலசித்தங் வினிப³ந்த⁴ந்தீதி சேதஸோவினிப³ந்தா⁴. தங் பன வினிப³ந்த⁴ந்தா முட்டி²க்³கா³ஹங் க³ண்ஹந்தா விய ஹொந்தீதி ஆஹ ‘‘சித்தங் வினிப³ந்தி⁴த்வா’’திஆதி³. காமகி³த்³தோ⁴ புக்³க³லோ வத்து²காமேபி கிலேஸகாமேபி அஸ்ஸாதே³தி அபி⁴னந்த³தீதி வுத்தங் ‘‘வத்து²காமேபி கிலேஸகாமேபீ’’தி. அத்தனோ காயேதி அத்தனோ நாமகாயே, அத்தபா⁴வே வா. ப³ஹித்³தா⁴ரூபேதி பரேஸங் காயே அனிந்த்³ரியப³த்³த⁴ரூபே ச. உத³ரங் அவதி³ஹதி உபசினோதி பூரேதீதி உத³ராவதே³ஹகங். ஸெய்யஸுக²ந்தி ஸெய்யாய ஸயனவஸேன உப்பஜ்ஜனகஸுக²ங். ஸம்பரிவத்தகந்தி ஸம்பரிவத்தித்வா. பணிதா⁴யாதி தண்ஹாவஸேனேவ பணித³ஹித்வா. இதி பஞ்சவிதோ⁴பி லோப⁴விஸேஸோ ஏவ ‘‘சேதோவினிப³ந்தோ⁴’’தி வுத்தோதி வேதி³தப்³போ³. ஸத்தமட்ட²மேஸு நத்தி² வத்தப்³ப³ங்.
206-8. Chaṭṭhe pavattituṃ appadānavasena kusalacittaṃ vinibandhantīti cetasovinibandhā. Taṃ pana vinibandhantā muṭṭhiggāhaṃ gaṇhantā viya hontīti āha ‘‘cittaṃ vinibandhitvā’’tiādi. Kāmagiddho puggalo vatthukāmepi kilesakāmepi assādeti abhinandatīti vuttaṃ ‘‘vatthukāmepi kilesakāmepī’’ti. Attano kāyeti attano nāmakāye, attabhāve vā. Bahiddhārūpeti paresaṃ kāye anindriyabaddharūpe ca. Udaraṃ avadihati upacinoti pūretīti udarāvadehakaṃ. Seyyasukhanti seyyāya sayanavasena uppajjanakasukhaṃ. Samparivattakanti samparivattitvā. Paṇidhāyāti taṇhāvaseneva paṇidahitvā. Iti pañcavidhopi lobhaviseso eva ‘‘cetovinibandho’’ti vuttoti veditabbo. Sattamaṭṭhamesu natthi vattabbaṃ.
வினிப³ந்த⁴ஸுத்தாதி³வண்ணனா நிட்டி²தா.
Vinibandhasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
6. வினிப³ந்த⁴ஸுத்தங் • 6. Vinibandhasuttaṃ
7. யாகு³ஸுத்தங் • 7. Yāgusuttaṃ
8. த³ந்தகட்ட²ஸுத்தங் • 8. Dantakaṭṭhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
6. வினிப³ந்த⁴ஸுத்தவண்ணனா • 6. Vinibandhasuttavaṇṇanā
7-8. யாகு³ஸுத்தாதி³வண்ணனா • 7-8. Yāgusuttādivaṇṇanā
