| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
६-८. विनिबन्धसुत्तादिवण्णना
6-8. Vinibandhasuttādivaṇṇanā
२०६-८. छट्ठे पवत्तितुं अप्पदानवसेन कुसलचित्तं विनिबन्धन्तीति चेतसोविनिबन्धा। तं पन विनिबन्धन्ता मुट्ठिग्गाहं गण्हन्ता विय होन्तीति आह ‘‘चित्तं विनिबन्धित्वा’’तिआदि। कामगिद्धो पुग्गलो वत्थुकामेपि किलेसकामेपि अस्सादेति अभिनन्दतीति वुत्तं ‘‘वत्थुकामेपि किलेसकामेपी’’ति। अत्तनो कायेति अत्तनो नामकाये, अत्तभावे वा। बहिद्धारूपेति परेसं काये अनिन्द्रियबद्धरूपे च। उदरं अवदिहति उपचिनोति पूरेतीति उदरावदेहकं। सेय्यसुखन्ति सेय्याय सयनवसेन उप्पज्जनकसुखं। सम्परिवत्तकन्ति सम्परिवत्तित्वा। पणिधायाति तण्हावसेनेव पणिदहित्वा। इति पञ्चविधोपि लोभविसेसो एव ‘‘चेतोविनिबन्धो’’ति वुत्तोति वेदितब्बो। सत्तमट्ठमेसु नत्थि वत्तब्बं।
206-8. Chaṭṭhe pavattituṃ appadānavasena kusalacittaṃ vinibandhantīti cetasovinibandhā. Taṃ pana vinibandhantā muṭṭhiggāhaṃ gaṇhantā viya hontīti āha ‘‘cittaṃ vinibandhitvā’’tiādi. Kāmagiddho puggalo vatthukāmepi kilesakāmepi assādeti abhinandatīti vuttaṃ ‘‘vatthukāmepi kilesakāmepī’’ti. Attano kāyeti attano nāmakāye, attabhāve vā. Bahiddhārūpeti paresaṃ kāye anindriyabaddharūpe ca. Udaraṃ avadihati upacinoti pūretīti udarāvadehakaṃ. Seyyasukhanti seyyāya sayanavasena uppajjanakasukhaṃ. Samparivattakanti samparivattitvā. Paṇidhāyāti taṇhāvaseneva paṇidahitvā. Iti pañcavidhopi lobhaviseso eva ‘‘cetovinibandho’’ti vuttoti veditabbo. Sattamaṭṭhamesu natthi vattabbaṃ.
विनिबन्धसुत्तादिवण्णना निट्ठिता।
Vinibandhasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
६. विनिबन्धसुत्तं • 6. Vinibandhasuttaṃ
७. यागुसुत्तं • 7. Yāgusuttaṃ
८. दन्तकट्ठसुत्तं • 8. Dantakaṭṭhasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
६. विनिबन्धसुत्तवण्णना • 6. Vinibandhasuttavaṇṇanā
७-८. यागुसुत्तादिवण्णना • 7-8. Yāgusuttādivaṇṇanā
