| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៦-៨. វិនិពន្ធសុត្តាទិវណ្ណនា
6-8. Vinibandhasuttādivaṇṇanā
២០៦-៨. ឆដ្ឋេ បវត្តិតុំ អប្បទានវសេន កុសលចិត្តំ វិនិពន្ធន្តីតិ ចេតសោវិនិពន្ធា។ តំ បន វិនិពន្ធន្តា មុដ្ឋិគ្គាហំ គណ្ហន្តា វិយ ហោន្តីតិ អាហ ‘‘ចិត្តំ វិនិពន្ធិត្វា’’តិអាទិ។ កាមគិទ្ធោ បុគ្គលោ វត្ថុកាមេបិ កិលេសកាមេបិ អស្សាទេតិ អភិនន្ទតីតិ វុត្តំ ‘‘វត្ថុកាមេបិ កិលេសកាមេបី’’តិ។ អត្តនោ កាយេតិ អត្តនោ នាមកាយេ, អត្តភាវេ វា។ ពហិទ្ធារូបេតិ បរេសំ កាយេ អនិន្ទ្រិយពទ្ធរូបេ ច។ ឧទរំ អវទិហតិ ឧបចិនោតិ បូរេតីតិ ឧទរាវទេហកំ។ សេយ្យសុខន្តិ សេយ្យាយ សយនវសេន ឧប្បជ្ជនកសុខំ។ សម្បរិវត្តកន្តិ សម្បរិវត្តិត្វា។ បណិធាយាតិ តណ្ហាវសេនេវ បណិទហិត្វា។ ឥតិ បញ្ចវិធោបិ លោភវិសេសោ ឯវ ‘‘ចេតោវិនិពន្ធោ’’តិ វុត្តោតិ វេទិតព្ពោ។ សត្តមដ្ឋមេសុ នត្ថិ វត្តព្ពំ។
206-8. Chaṭṭhe pavattituṃ appadānavasena kusalacittaṃ vinibandhantīti cetasovinibandhā. Taṃ pana vinibandhantā muṭṭhiggāhaṃ gaṇhantā viya hontīti āha ‘‘cittaṃ vinibandhitvā’’tiādi. Kāmagiddho puggalo vatthukāmepi kilesakāmepi assādeti abhinandatīti vuttaṃ ‘‘vatthukāmepi kilesakāmepī’’ti. Attano kāyeti attano nāmakāye, attabhāve vā. Bahiddhārūpeti paresaṃ kāye anindriyabaddharūpe ca. Udaraṃ avadihati upacinoti pūretīti udarāvadehakaṃ. Seyyasukhanti seyyāya sayanavasena uppajjanakasukhaṃ. Samparivattakanti samparivattitvā. Paṇidhāyāti taṇhāvaseneva paṇidahitvā. Iti pañcavidhopi lobhaviseso eva ‘‘cetovinibandho’’ti vuttoti veditabbo. Sattamaṭṭhamesu natthi vattabbaṃ.
វិនិពន្ធសុត្តាទិវណ្ណនា និដ្ឋិតា។
Vinibandhasuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៦. វិនិពន្ធសុត្តំ • 6. Vinibandhasuttaṃ
៧. យាគុសុត្តំ • 7. Yāgusuttaṃ
៨. ទន្តកដ្ឋសុត្តំ • 8. Dantakaṭṭhasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៦. វិនិពន្ធសុត្តវណ្ណនា • 6. Vinibandhasuttavaṇṇanā
៧-៨. យាគុសុត្តាទិវណ្ណនា • 7-8. Yāgusuttādivaṇṇanā
