| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. виниб̣анд̇хасуд̇д̇аван̣н̣анаа
6. Vinibandhasuttavaṇṇanā
206. чадтз жзд̇асовиниб̣анд̇хаад̇и жид̇д̇ам̣ виниб̣анд̇хид̇ваа мудтияам̣ гад̇ваа вияа г̇ан̣ханд̇ийд̇и жзд̇асовиниб̣анд̇хаа. гаамзд̇и вад̇т̇угаамзби гилзсагаамзби. гааязд̇и ад̇д̇ано гааяз. руубзд̇и б̣ахид̣̇д̇хааруубз. яаавад̣̇ад̇т̇анд̇и яад̇д̇агам̣ ижчад̇и, д̇ад̇д̇агам̣. уд̣̇араавад̣̇зхаганд̇и уд̣̇арабуурам̣. д̇ан̃хи уд̣̇арам̣ авад̣̇зханад̇о уд̣̇араавад̣̇зхаганд̇и вужжад̇и. сзяяасуканд̇и ман̃жабийтасукам̣, уд̇усукам̣ ваа. бассасуканд̇и яат̇аа самбаривад̇д̇агам̣ саяанд̇асса д̣̇агкин̣абасса ваамабассаанам̣ сукам̣ ход̇и, звам̣ уббаннасукам̣. мид̣̇д̇хасуканд̇и нид̣̇д̣̇аасукам̣. ануяуд̇д̇од̇и яуд̇д̇аббаяуд̇д̇о вихарад̇и. бан̣ид̇хааяаад̇и бад̇т̇аяид̇ваа. сийлзнаад̇иаад̣̇ийсу сийланд̇и жад̇убаарисуд̣̇д̇хисийлам̣. вад̇анд̇и вад̇асамаад̣̇аанам̣. д̇абод̇и д̇абажаран̣ам̣. б̣рахмажарияанд̇и мзт̇унавирад̇и. д̣̇зво ваа бхависсаамийд̇и махзсагкад̣̇зво ваа бхависсаами. д̣̇зван̃н̃ад̇аро ваад̇и аббзсагкад̣̇звзсу ваа ан̃н̃ад̇арод̇и.
206. Chaṭṭhe cetasovinibandhāti cittaṃ vinibandhitvā muṭṭhiyaṃ katvā viya gaṇhantīti cetasovinibandhā. Kāmeti vatthukāmepi kilesakāmepi. Kāyeti attano kāye. Rūpeti bahiddhārūpe. Yāvadatthanti yattakaṃ icchati, tattakaṃ. Udarāvadehakanti udarapūraṃ. Tañhi udaraṃ avadehanato udarāvadehakanti vuccati. Seyyasukhanti mañcapīṭhasukhaṃ, utusukhaṃ vā. Passasukhanti yathā samparivattakaṃ sayantassa dakkhiṇapassa vāmapassānaṃ sukhaṃ hoti, evaṃ uppannasukhaṃ. Middhasukhanti niddāsukhaṃ. Anuyuttoti yuttappayutto viharati. Paṇidhāyāti patthayitvā. Sīlenātiādīsu sīlanti catupārisuddhisīlaṃ. Vatanti vatasamādānaṃ. Tapoti tapacaraṇaṃ. Brahmacariyanti methunavirati. Devo vā bhavissāmīti mahesakkhadevo vā bhavissāmi. Devaññataro vāti appesakkhadevesu vā aññataroti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. виниб̣анд̇хасуд̇д̇ам̣ • 6. Vinibandhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-8. виниб̣анд̇хасуд̇д̇аад̣̇иван̣н̣анаа • 6-8. Vinibandhasuttādivaṇṇanā
