| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၆. ဝိနိဗန္ဓသုတ္တဝဏ္ဏနာ
6. Vinibandhasuttavaṇṇanā
၂၀၆. ဆဋ္ဌေ စေတသောဝိနိဗန္ဓာတိ စိတ္တံ ဝိနိဗန္ဓိတ္ဝာ မုဋ္ဌိယံ ကတ္ဝာ ဝိယ ဂဏ္ဟန္တီတိ စေတသောဝိနိဗန္ဓာ။ ကာမေတိ ဝတ္ထုကာမေပိ ကိလေသကာမေပိ။ ကာယေတိ အတ္တနော ကာယေ။ ရူပေတိ ဗဟိဒ္ဓာရူပေ။ ယာဝဒတ္ထန္တိ ယတ္တကံ ဣစ္ဆတိ, တတ္တကံ။ ဥဒရာဝဒေဟကန္တိ ဥဒရပူရံ။ တဉ္ဟိ ဥဒရံ အဝဒေဟနတော ဥဒရာဝဒေဟကန္တိ ဝုစ္စတိ။ သေယ္ယသုခန္တိ မဉ္စပီဌသုခံ, ဥတုသုခံ ဝာ။ ပသ္သသုခန္တိ ယထာ သမ္ပရိဝတ္တကံ သယန္တသ္သ ဒက္ခိဏပသ္သ ဝာမပသ္သာနံ သုခံ ဟောတိ, ဧဝံ ဥပ္ပန္နသုခံ။ မိဒ္ဓသုခန္တိ နိဒ္ဒာသုခံ။ အနုယုတ္တောတိ ယုတ္တပ္ပယုတ္တော ဝိဟရတိ။ ပဏိဓာယာတိ ပတ္ထယိတ္ဝာ။ သီလေနာတိအာဒီသု သီလန္တိ စတုပာရိသုဒ္ဓိသီလံ။ ဝတန္တိ ဝတသမာဒာနံ။ တပောတိ တပစရဏံ။ ဗ္ရဟ္မစရိယန္တိ မေထုနဝိရတိ။ ဒေဝော ဝာ ဘဝိသ္သာမီတိ မဟေသက္ခဒေဝော ဝာ ဘဝိသ္သာမိ။ ဒေဝညတရော ဝာတိ အပ္ပေသက္ခဒေဝေသု ဝာ အညတရောတိ။
206. Chaṭṭhe cetasovinibandhāti cittaṃ vinibandhitvā muṭṭhiyaṃ katvā viya gaṇhantīti cetasovinibandhā. Kāmeti vatthukāmepi kilesakāmepi. Kāyeti attano kāye. Rūpeti bahiddhārūpe. Yāvadatthanti yattakaṃ icchati, tattakaṃ. Udarāvadehakanti udarapūraṃ. Tañhi udaraṃ avadehanato udarāvadehakanti vuccati. Seyyasukhanti mañcapīṭhasukhaṃ, utusukhaṃ vā. Passasukhanti yathā samparivattakaṃ sayantassa dakkhiṇapassa vāmapassānaṃ sukhaṃ hoti, evaṃ uppannasukhaṃ. Middhasukhanti niddāsukhaṃ. Anuyuttoti yuttappayutto viharati. Paṇidhāyāti patthayitvā. Sīlenātiādīsu sīlanti catupārisuddhisīlaṃ. Vatanti vatasamādānaṃ. Tapoti tapacaraṇaṃ. Brahmacariyanti methunavirati. Devo vā bhavissāmīti mahesakkhadevo vā bhavissāmi. Devaññataro vāti appesakkhadevesu vā aññataroti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၆. ဝိနိဗန္ဓသုတ္တံ • 6. Vinibandhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆-၈. ဝိနိဗန္ဓသုတ္တာဒိဝဏ္ဏနာ • 6-8. Vinibandhasuttādivaṇṇanā
