| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[160] 10. винийлаж̇аад̇агаван̣н̣анаа
[160] 10. Vinīlajātakavaṇṇanā
звамзва нууна рааж̇аананд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса суг̇ад̇аалаяам̣ аараб̣бха гат̇зси. д̣̇звад̣̇ад̇д̇з хи г̇аяаасийсаг̇ад̇аанам̣ д̣̇виннам̣ аг̇г̇асаавагаанам̣ суг̇ад̇аалаяам̣ д̣̇ассзд̇ваа нибаннз убхоби т̇зраа д̇хаммам̣ д̣̇зсзд̇ваа ад̇д̇ано ниссид̇агз аад̣̇ааяа взл̣уванам̣ аг̇амим̣су. д̇з сад̇т̇аараа ‘‘саарибуд̇д̇а, д̣̇звад̣̇ад̇д̇о д̇умхз д̣̇исваа гим̣ агаасий’’д̇и будтаа ‘‘бханд̇з, суг̇ад̇аалаяам̣ д̣̇ассзд̇ваа махаавинаасам̣ баабун̣ий’’д̇и аарожзсум̣. сад̇т̇аа ‘‘на ко, саарибуд̇д̇а, д̣̇звад̣̇ад̇д̇о ид̣̇аанзва мама анугирияам̣ гаронд̇о винаасам̣ бад̇д̇о, буб̣б̣зби баабун̣иязваа’’д̇и вад̇ваа т̇зрзхи яаажид̇о ад̇ийд̇ам̣ аахари.
Evameva nūna rājānanti idaṃ satthā veḷuvane viharanto devadattassa sugatālayaṃ ārabbha kathesi. Devadatte hi gayāsīsagatānaṃ dvinnaṃ aggasāvakānaṃ sugatālayaṃ dassetvā nipanne ubhopi therā dhammaṃ desetvā attano nissitake ādāya veḷuvanaṃ agamiṃsu. Te satthārā ‘‘sāriputta, devadatto tumhe disvā kiṃ akāsī’’ti puṭṭhā ‘‘bhante, sugatālayaṃ dassetvā mahāvināsaṃ pāpuṇī’’ti ārocesuṃ. Satthā ‘‘na kho, sāriputta, devadatto idāneva mama anukiriyaṃ karonto vināsaṃ patto, pubbepi pāpuṇiyevā’’ti vatvā therehi yācito atītaṃ āhari.
ад̇ийд̇з вид̣̇зхарадтз мит̇илааяам̣ вид̣̇зхарааж̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и. со ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа бид̇у ажжаязна раж̇ж̇з бад̇идтааси. д̇ад̣̇аа згасса суван̣н̣ахам̣сарааж̇асса г̇ожарабхуумияам̣ гаагияаа сад̣̇д̇хим̣ сам̣ваасо ахоси. саа буд̇д̇ам̣ виж̇ааяи. со нзва маад̇убад̇ируубаго ахоси, на бид̇у. ат̇асса винийлагад̇хаад̇угад̇д̇аа ‘‘винийлаго’’д̇взва наамам̣ агам̣су. хам̣сарааж̇аа абхин̣хам̣ г̇анд̇ваа буд̇д̇ам̣ бассад̇и. абарз банасса д̣̇вз хам̣сабод̇агаа буд̇д̇аа ахзсум̣. д̇з бид̇арам̣ абхин̣хам̣ мануссабат̇ам̣ г̇ажчанд̇ам̣ д̣̇исваа бужчим̣су – ‘‘д̇аад̇а, д̇умхз гасмаа абхин̣хам̣ мануссабат̇ам̣ г̇ажчат̇аа’’д̇и? ‘‘д̇аад̇аа, згааяа мз гаагияаа сад̣̇д̇хим̣ сам̣ваасаманвааяа зго буд̇д̇о ж̇аад̇о, ‘винийлаго’д̇исса наамам̣, д̇амахам̣ д̣̇адтум̣ г̇ажчаамий’’д̇и. ‘‘гахам̣ банзд̇з васанд̇ий’’д̇и? ‘‘вид̣̇зхарадтз мит̇илааяа авид̣̇уурз асугасмим̣ наама таанз згасмим̣ д̇аалаг̇г̇з васанд̇ий’’д̇и. ‘‘д̇аад̇а, мануссабат̇о наама саасан̇го саббадибхаяо, д̇умхз маа г̇ажчат̇а, маяам̣ г̇анд̇ваа д̇ам̣ аанзссаамаа’’д̇и д̣̇вз хам̣сабод̇агаа бид̇араа аажигкид̇асан̃н̃ааяа д̇ад̇т̇а г̇анд̇ваа д̇ам̣ винийлагам̣ згасмим̣ д̣̇ан̣д̣агз нисийд̣̇аабзд̇ваа мукад̇ун̣д̣агзна д̣̇ан̣д̣агодияам̣ д̣ам̣сид̇ваа мит̇илаанаг̇арамад̇т̇агзна бааяим̣су. д̇асмим̣ кан̣з вид̣̇зхарааж̇аа саб̣б̣асзд̇ажад̇усинд̇хаваяуд̇д̇арат̇аварз нисийд̣̇ид̇ваа наг̇арам̣ бад̣̇агкин̣ам̣ гарод̇и. винийлаго д̇ам̣ д̣̇исваа жинд̇зси – ‘‘маяхам̣ вид̣̇зхаран̃н̃аа гим̣ наанаагааран̣ам̣, зса жад̇усинд̇хаваяуд̇д̇арат̇з нисийд̣̇ид̇ваа наг̇арам̣ анусан̃жарад̇и, ахам̣ бана хам̣саяуд̇д̇арат̇з нисийд̣̇ид̇ваа г̇ажчаамий’’д̇и. со аагаасзна г̇ажчанд̇о батамам̣ г̇аат̇амааха –
Atīte videharaṭṭhe mithilāyaṃ videharāje rajjaṃ kārente bodhisatto tassa aggamahesiyā kucchimhi nibbatti. So vayappatto takkasilāyaṃ sabbasippāni uggaṇhitvā pitu accayena rajje patiṭṭhāsi. Tadā ekassa suvaṇṇahaṃsarājassa gocarabhūmiyaṃ kākiyā saddhiṃ saṃvāso ahosi. Sā puttaṃ vijāyi. So neva mātupatirūpako ahosi, na pitu. Athassa vinīlakadhātukattā ‘‘vinīlako’’tveva nāmaṃ akaṃsu. Haṃsarājā abhiṇhaṃ gantvā puttaṃ passati. Apare panassa dve haṃsapotakā puttā ahesuṃ. Te pitaraṃ abhiṇhaṃ manussapathaṃ gacchantaṃ disvā pucchiṃsu – ‘‘tāta, tumhe kasmā abhiṇhaṃ manussapathaṃ gacchathā’’ti? ‘‘Tātā, ekāya me kākiyā saddhiṃ saṃvāsamanvāya eko putto jāto, ‘vinīlako’tissa nāmaṃ, tamahaṃ daṭṭhuṃ gacchāmī’’ti. ‘‘Kahaṃ panete vasantī’’ti? ‘‘Videharaṭṭhe mithilāya avidūre asukasmiṃ nāma ṭhāne ekasmiṃ tālagge vasantī’’ti. ‘‘Tāta, manussapatho nāma sāsaṅko sappaṭibhayo, tumhe mā gacchatha, mayaṃ gantvā taṃ ānessāmā’’ti dve haṃsapotakā pitarā ācikkhitasaññāya tattha gantvā taṃ vinīlakaṃ ekasmiṃ daṇḍake nisīdāpetvā mukhatuṇḍakena daṇḍakoṭiyaṃ ḍaṃsitvā mithilānagaramatthakena pāyiṃsu. Tasmiṃ khaṇe videharājā sabbasetacatusindhavayuttarathavare nisīditvā nagaraṃ padakkhiṇaṃ karoti. Vinīlako taṃ disvā cintesi – ‘‘mayhaṃ videharaññā kiṃ nānākāraṇaṃ, esa catusindhavayuttarathe nisīditvā nagaraṃ anusañcarati, ahaṃ pana haṃsayuttarathe nisīditvā gacchāmī’’ti. So ākāsena gacchanto paṭhamaṃ gāthamāha –
19.
19.
‘‘звамзва нууна рааж̇аанам̣, взд̣̇зхам̣ мит̇илаг̇г̇ахам̣;
‘‘Evameva nūna rājānaṃ, vedehaṃ mithilaggahaṃ;
ассаа ваханд̇и ааж̇ан̃н̃аа, яат̇аа хам̣саа винийлага’’нд̇и.
Assā vahanti ājaññā, yathā haṃsā vinīlaka’’nti.
д̇ад̇т̇а звамзваад̇и звам̣ зва, нуунаад̇и баривид̇аггз нибаад̇о. згам̣сзби ваддад̇иязва. взд̣̇зханд̇и вид̣̇зхарадтасаамигам̣. мит̇илаг̇г̇аханд̇и мит̇илаг̇зхам̣, мит̇илааяам̣ гхарам̣ бариг̇г̇ахзд̇ваа васамаананд̇и ад̇т̇о. ааж̇ан̃н̃аад̇и гааран̣аагааран̣ааж̇аананагаа. яат̇аа хам̣саа винийлаганд̇и яат̇аа имз хам̣саа мам̣ винийлагам̣ ваханд̇и, звамзва ваханд̇ийд̇и.
Tattha evamevāti evaṃ eva, nūnāti parivitakke nipāto. Ekaṃsepi vaṭṭatiyeva. Vedehanti videharaṭṭhasāmikaṃ. Mithilaggahanti mithilagehaṃ, mithilāyaṃ gharaṃ pariggahetvā vasamānanti attho. Ājaññāti kāraṇākāraṇājānanakā. Yathā haṃsā vinīlakanti yathā ime haṃsā maṃ vinīlakaṃ vahanti, evameva vahantīti.
хам̣сабод̇агаа д̇асса важанам̣ суд̇ваа гуж̇жхид̇ваа ‘‘ид̇хзва нам̣ баад̇зд̇ваа г̇амиссаамаа’’д̇и жид̇д̇ам̣ уббаад̣̇зд̇вааби ‘‘звам̣ гад̇з бид̇аа но гим̣ вагкад̇ий’’д̇и г̇арахабхаязна бид̇у санд̇игам̣ нзд̇ваа д̇зна гад̇агирияам̣ бид̇у аажигким̣су. ат̇а нам̣ бид̇аа гуж̇жхид̇ваа ‘‘гим̣ д̇вам̣ мама буд̇д̇зхи ад̇хигад̇ароси, яо мама буд̇д̇з абхибхавид̇ваа рат̇з яуд̇д̇асинд̇хавз вияа гароси, ад̇д̇ано бамаан̣ам̣ на ж̇аанааси. имам̣ таанам̣ д̇ава аг̇ожаро, ад̇д̇ано маад̇у васанадтаанамзва г̇ажчаахий’’д̇и д̇аж̇ж̇зд̇ваа д̣̇уд̇ияам̣ г̇аат̇амааха –
Haṃsapotakā tassa vacanaṃ sutvā kujjhitvā ‘‘idheva naṃ pātetvā gamissāmā’’ti cittaṃ uppādetvāpi ‘‘evaṃ kate pitā no kiṃ vakkhatī’’ti garahabhayena pitu santikaṃ netvā tena katakiriyaṃ pitu ācikkhiṃsu. Atha naṃ pitā kujjhitvā ‘‘kiṃ tvaṃ mama puttehi adhikatarosi, yo mama putte abhibhavitvā rathe yuttasindhave viya karosi, attano pamāṇaṃ na jānāsi. Imaṃ ṭhānaṃ tava agocaro, attano mātu vasanaṭṭhānameva gacchāhī’’ti tajjetvā dutiyaṃ gāthamāha –
20.
20.
‘‘винийла д̣̇уг̇г̇ам̣ бхаж̇аси, абхуумим̣ д̇аад̇а сзваси;
‘‘Vinīla duggaṃ bhajasi, abhūmiṃ tāta sevasi;
г̇ааманд̇агаани сзвассу, зд̇ам̣ маад̇аалаяам̣ д̇аваа’’д̇и.
Gāmantakāni sevassu, etaṃ mātālayaṃ tavā’’ti.
д̇ад̇т̇а винийлаад̇и д̇ам̣ наамзнаалабад̇и. д̣̇уг̇г̇ам̣ бхаж̇асийд̇и имзсам̣ васзна г̇ирид̣̇уг̇г̇ам̣ бхаж̇аси. абхуумим̣, д̇аад̇а, сзвасийд̇и, д̇аад̇а, г̇иривисамам̣ наама д̇ава абхууми , д̇ам̣ сзваси убаг̇ажчаси. зд̇ам̣ маад̇аалаяам̣ д̇аваад̇и зд̇ам̣ г̇ааманд̇ам̣ уггаарадтаанам̣ аамагасусаанадтаанан̃жа д̇ава маад̇у аалаяам̣ г̇зхам̣ васанадтаанам̣, д̇ад̇т̇а г̇ажчаахийд̇и. звам̣ д̇ам̣ д̇аж̇ж̇зд̇ваа ‘‘г̇ажчат̇а, нам̣ мит̇иланаг̇арасса уггаарабхуумияан̃н̃зва од̇аарзд̇ваа зт̇аа’’д̇и буд̇д̇з аан̣аабзси, д̇з д̇ат̇аа агам̣су.
Tattha vinīlāti taṃ nāmenālapati. Duggaṃ bhajasīti imesaṃ vasena giriduggaṃ bhajasi. Abhūmiṃ, tāta, sevasīti, tāta, girivisamaṃ nāma tava abhūmi , taṃ sevasi upagacchasi. Etaṃ mātālayaṃ tavāti etaṃ gāmantaṃ ukkāraṭṭhānaṃ āmakasusānaṭṭhānañca tava mātu ālayaṃ gehaṃ vasanaṭṭhānaṃ, tattha gacchāhīti. Evaṃ taṃ tajjetvā ‘‘gacchatha, naṃ mithilanagarassa ukkārabhūmiyaññeva otāretvā ethā’’ti putte āṇāpesi, te tathā akaṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа винийлаго д̣̇звад̣̇ад̇д̇о ахоси, д̣̇вз хам̣сабод̇агаа д̣̇вз аг̇г̇асаавагаа ахзсум̣, бид̇аа аананд̣̇о ахоси, вид̣̇зхарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā vinīlako devadatto ahosi, dve haṃsapotakā dve aggasāvakā ahesuṃ, pitā ānando ahosi, videharājā pana ahameva ahosi’’nti.
винийлаж̇аад̇агаван̣н̣анаа д̣̇асамаа.
Vinīlajātakavaṇṇanā dasamā.
д̣̇ал̣хаваг̇г̇о батамо.
Daḷhavaggo paṭhamo.
д̇ассуд̣̇д̣̇аанам̣ –
Tassuddānaṃ –
рааж̇оваад̣̇ан̃жа син̇г̇аалам̣, суугарам̣ ураг̇ам̣ бхаг̇г̇ам̣;
Rājovādañca siṅgālaṃ, sūkaraṃ uragaṃ bhaggaṃ;
алийнажид̇д̇аг̇ун̣ан̃жа, сухану моравинийлам̣.
Alīnacittaguṇañca, suhanu moravinīlaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 160. винийлаж̇аад̇агам̣ • 160. Vinīlajātakaṃ
