| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
வினீதவத்து²வண்ணனா
Vinītavatthuvaṇṇanā
281. திணண்டு³பகந்தி ஹிரிவேராதி³மூலானி க³ஹெத்வா கத்தப்³ப³ங். தாலபண்ணமுத்³தி³கந்தி தாலபண்ணமயங் அங்கு³லிமுத்³தி³கங், தேன தாலபண்ணமயங் கடங், கடிஸுத்தகங், கண்ணபிளந்த⁴னாதி³ ஸப்³ப³ங் ந வட்டதீதி ஸித்³த⁴ங். தம்ப³பண்ணிவாஸினோ இத்தி²ரூபங் லிகி²தங், கடிகபடஞ்ச ந சு²பந்தி கிர. ஆகரதோ முத்தமத்தோ. ரதனமிஸ்ஸோதி அலங்காரத்த²ங் கதோ கஞ்சனலதாதி³வினத்³தோ⁴. ஸுவண்ணேன ஸத்³தி⁴ங் யோஜெத்வா பசித்வாதி ஸுவண்ணரஸங் பக்கி²பித்வா பசித்வா. பீ³ஜதோ தா⁴துபாஸாணதோ பட்டா²ய. தே²ரோ ந கப்பதீதி ‘‘தும்ஹாகங் பேஸித’’ந்தி வுத்தத்தா. ‘‘சேதியஸ்ஸ பூஜங் கரோதா²’’தி வுத்தே வட்டதி கிர. பு³ப்³பு³ளகங் தாரகங். ஆரகூடலோஹம்பி ஜாதரூபக³திகமேவ.
281.Tiṇaṇḍupakanti hiriverādimūlāni gahetvā kattabbaṃ. Tālapaṇṇamuddikanti tālapaṇṇamayaṃ aṅgulimuddikaṃ, tena tālapaṇṇamayaṃ kaṭaṃ, kaṭisuttakaṃ, kaṇṇapiḷandhanādi sabbaṃ na vaṭṭatīti siddhaṃ. Tambapaṇṇivāsino itthirūpaṃ likhitaṃ, kaṭikapaṭañca na chupanti kira. Ākarato muttamatto. Ratanamissoti alaṅkāratthaṃ kato kañcanalatādivinaddho. Suvaṇṇena saddhiṃ yojetvā pacitvāti suvaṇṇarasaṃ pakkhipitvā pacitvā. Bījato dhātupāsāṇato paṭṭhāya. Thero na kappatīti ‘‘tumhākaṃ pesita’’nti vuttattā. ‘‘Cetiyassa pūjaṃ karothā’’ti vutte vaṭṭati kira. Bubbuḷakaṃ tārakaṃ. Ārakūṭalohampi jātarūpagatikameva.
வுத்தஞ்ஹேதங் அந்த⁴கட்ட²கதா²யங் –
Vuttañhetaṃ andhakaṭṭhakathāyaṃ –
‘‘ஆரகூடலோஹங் ஸுவண்ணஸதி³ஸமேவ, ஸுவண்ணங் அனுலோமேதி, அனாமாஸ’’ந்தி.
‘‘Ārakūṭalohaṃ suvaṇṇasadisameva, suvaṇṇaṃ anulometi, anāmāsa’’nti.
‘‘பே⁴ஸஜ்ஜத்தா²ய பன வட்டதீ’’தி வசனதோ மஹாஅட்ட²கதா²யங் வுத்தனயேகதே³ஸோபி அனுஞ்ஞாதோ ஹோதீதி தத்த² தத்த² அதி⁴ப்பாயங் ஞத்வா விபா⁴வேதப்³ப³ங்.
‘‘Bhesajjatthāya pana vaṭṭatī’’ti vacanato mahāaṭṭhakathāyaṃ vuttanayekadesopi anuññāto hotīti tattha tattha adhippāyaṃ ñatvā vibhāvetabbaṃ.
காயஸங்ஸக்³க³ஸிக்கா²பத³வண்ணனா நிட்டி²தா.
Kāyasaṃsaggasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. காயஸங்ஸக்³க³ஸிக்கா²பத³ங் • 2. Kāyasaṃsaggasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. காயஸங்ஸக்³க³ஸிக்கா²பத³வண்ணனா • 2. Kāyasaṃsaggasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. காயஸங்ஸக்³க³ஸிக்கா²பத³வண்ணனா • 2. Kāyasaṃsaggasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. காயஸங்ஸக்³க³ஸிக்கா²பத³வண்ணனா • 2. Kāyasaṃsaggasikkhāpadavaṇṇanā
