| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
வினீதவத்து²வண்ணனா
Vinītavatthuvaṇṇanā
341. அலங்வசனீயாதி ந வசனீயா, நிவாரணே அலங்-ஸத்³தோ³. தே²ரபிதா வத³தீதி ஜிண்ணபிதா வத³தீதி அத்தோ². கிஞ்சாபி எத்த² ‘‘இத்தீ² நாம மனுஸ்ஸித்தீ² ந யக்கீ² ந பேதீ ந திரச்சா²னக³தா, புரிஸோ நாம மனுஸ்ஸபுரிஸோ ந யக்கோ²’’திஆதி³ நத்தி², ததா²பி காயஸங்ஸக்³கா³தீ³ஸு ‘‘மனுஸ்ஸித்தீ²’’தி இத்தீ²வவத்தா²னஸ்ஸ கதத்தா இதா⁴பி மனுஸ்ஸித்தீ² ஏவாதி பஞ்ஞாயதி. மேது²னபுப்³ப³பா⁴க³த்தா மனுஸ்ஸஉப⁴தொப்³யஞ்ஜனகோ ச து²ல்லச்சயவத்து²கோவ ஹோதி, ஸேஸா மனுஸ்ஸபண்ட³கஉப⁴தொப்³யஞ்ஜனகதிரச்சா²னக³தபுரிஸாத³யோ து³க்கடவத்து²காவ மிச்சா²சாரஸாஸனங்க³ஸம்ப⁴வதோதி வேதி³தப்³ப³ங். யதா²ஸம்ப⁴வங் பன வாரா உத்³த⁴ரிதப்³பா³. பஞ்ஞத்திஅஜானநே விய அலங்வசனீயபா⁴வாஜானநேபி அசித்தகதா வேதி³தப்³பா³. து³ட்டு²ல்லாதீ³ஸுபீதி ‘‘இமஸ்மிம்பீ’’தி வுத்தமேவ ஹோதி. ‘‘லேக²ங் நெத்வா படிலேக²ங் ஆரோசிதஸ்ஸாபி ஸஞ்சரித்தங் நத்தி² ஸஞ்சரித்தபா⁴வமஜானந்தஸ்ஸா’’தி வத³ந்தி, வீமங்ஸித்வா க³ஹேதப்³ப³ங்.
341.Alaṃvacanīyāti na vacanīyā, nivāraṇe alaṃ-saddo. Therapitā vadatīti jiṇṇapitā vadatīti attho. Kiñcāpi ettha ‘‘itthī nāma manussitthī na yakkhī na petī na tiracchānagatā, puriso nāma manussapuriso na yakkho’’tiādi natthi, tathāpi kāyasaṃsaggādīsu ‘‘manussitthī’’ti itthīvavatthānassa katattā idhāpi manussitthī evāti paññāyati. Methunapubbabhāgattā manussaubhatobyañjanako ca thullaccayavatthukova hoti, sesā manussapaṇḍakaubhatobyañjanakatiracchānagatapurisādayo dukkaṭavatthukāva micchācārasāsanaṅgasambhavatoti veditabbaṃ. Yathāsambhavaṃ pana vārā uddharitabbā. Paññattiajānane viya alaṃvacanīyabhāvājānanepi acittakatā veditabbā. Duṭṭhullādīsupīti ‘‘imasmimpī’’ti vuttameva hoti. ‘‘Lekhaṃ netvā paṭilekhaṃ ārocitassāpi sañcarittaṃ natthi sañcarittabhāvamajānantassā’’ti vadanti, vīmaṃsitvā gahetabbaṃ.
ஸஞ்சரித்தஸிக்கா²பத³வண்ணனா நிட்டி²தா.
Sañcarittasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. ஸஞ்சரித்தஸிக்கா²பத³ங் • 5. Sañcarittasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
