| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
ৰিনীতৰত্থুৰণ্ণনা
Vinītavatthuvaṇṇanā
২২৫-৬. দুক্কর আগার আৰটকাম অভিরতিৰত্থূসু ‘‘যদি উল্লপনাধিপ্পাযো ভৰেয্য, পারাজিক’’ন্তি ৰদন্তি, কারণং পন দুদ্দসং, থুল্লচ্চযং ৰুত্তং ৰিয, ৰীমংসিতব্বং। যানেন ৰা ইদ্ধিযা ৰা গচ্ছন্তোপি পারাজিকং নাপজ্জতীতি পদসা গমনৰসেনেৰ কতিকায কতায যুজ্জতি। ‘‘অপুব্বংঅচরিমং গচ্ছন্তোতি হত্থপাসং অৰিজহিত্ৰা অঞ্ঞমঞ্ঞস্স হত্থং গণ্হন্তো ৰিয গচ্ছন্তো’’তি ৰুত্তং। উট্ঠেথ এথ গচ্ছামাতি এৰং সহগমনে পুব্বাপরা গচ্ছন্তোপি নাপজ্জতীতি আচরিযস্স তক্কো। ৰসন্তস্সাতি তথা ৰসন্তো চে উপাসকেন দিস্সতি, পারাজিকো হোতি। ‘‘রত্তিং ৰসিত্ৰা গচ্ছন্তো ন পারাজিকো’’তি ৰুত্তং। নানাৰেরজ্জকাতি নানাজনপদৰাসিনো। সঙ্ঘলাভোতি যথাৰুড্ঢং অত্তনো পাপুণনকোট্ঠাসো।
225-6. Dukkara āgāra āvaṭakāma abhirativatthūsu ‘‘yadi ullapanādhippāyo bhaveyya, pārājika’’nti vadanti, kāraṇaṃ pana duddasaṃ, thullaccayaṃ vuttaṃ viya, vīmaṃsitabbaṃ. Yānena vā iddhiyā vā gacchantopi pārājikaṃ nāpajjatīti padasā gamanavaseneva katikāya katāya yujjati. ‘‘Apubbaṃacarimaṃ gacchantoti hatthapāsaṃ avijahitvā aññamaññassa hatthaṃ gaṇhanto viya gacchanto’’ti vuttaṃ. Uṭṭhetha etha gacchāmāti evaṃ sahagamane pubbāparā gacchantopi nāpajjatīti ācariyassa takko. Vasantassāti tathā vasanto ce upāsakena dissati, pārājiko hoti. ‘‘Rattiṃ vasitvā gacchanto na pārājiko’’ti vuttaṃ. Nānāverajjakāti nānājanapadavāsino. Saṅghalābhoti yathāvuḍḍhaṃ attano pāpuṇanakoṭṭhāso.
২২৮. ইধাতি ‘‘কো নু খো’’তিআদিনা ৰুত্তে পঞ্হাকম্মে। ধম্মধাতু সব্বঞ্ঞুতঞ্ঞাণং।
228.Idhāti ‘‘ko nu kho’’tiādinā vutte pañhākamme. Dhammadhātu sabbaññutaññāṇaṃ.
২৩২. ন উপ্পটিপাটিযাতি ন সীহোক্কন্তৰসেন অনুস্সরি। তস্মা অন্তরাভৰভূতা একা এৰ জাতীতি পটিৰিজ্ঝতীতি অত্থো।
232.Nauppaṭipāṭiyāti na sīhokkantavasena anussari. Tasmā antarābhavabhūtā ekā eva jātīti paṭivijjhatīti attho.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৪. চতুত্থপারাজিকং • 4. Catutthapārājikaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৪. চতুত্থপারাজিকং • 4. Catutthapārājikaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৰিনীতৰত্থুৰণ্ণনা • Vinītavatthuvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৰিনীতৰত্থুৰণ্ণনা • Vinītavatthuvaṇṇanā
