| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
винийд̇авад̇т̇уван̣н̣анаа
Vinītavatthuvaṇṇanā
132. винийд̇авад̇т̇уусу санд̇хаавад̇ийд̇и судту д̇хаавад̇и. вид̇хаавад̇ийд̇и вивид̇хаа наанаббагаарзна д̇хаавад̇и. гааяаважийд̣̇ваарабхзд̣̇ам̣ винаабийд̇и гааяажобанам̣ важийбхзд̣̇ан̃жа винаа. бадисан̇каанаб̣алзнаад̇и д̇ат̇аавид̇хажид̇д̇уббаад̣̇з аад̣̇ийнавабажжавзгкан̣аб̣алзна.
132. Vinītavatthūsu sandhāvatīti suṭṭhu dhāvati. Vidhāvatīti vividhā nānappakārena dhāvati. Kāyavacīdvārabhedaṃ vināpīti kāyacopanaṃ vacībhedañca vinā. Paṭisaṅkhānabalenāti tathāvidhacittuppāde ādīnavapaccavekkhaṇabalena.
135. бужчаасабхааг̇знаад̇и бужчаануруубзна. нируд̇д̇и зва бат̇о нируд̇д̇ибат̇о, д̇асмим̣ нируд̇д̇ибат̇з. д̇знааха ‘‘вохаараважанамад̇д̇з’’д̇и.
135.Pucchāsabhāgenāti pucchānurūpena. Nirutti eva patho niruttipatho, tasmiṃ niruttipathe. Tenāha ‘‘vohāravacanamatte’’ti.
137. яат̇аагаммам̣ г̇ад̇од̇и иминаа д̇асса мад̇абхаавам̣ д̣̇ассзд̇и. аб̣бхун̣хзд̇и иминааби вуд̇д̇амзва барияааяанд̇арзна вибхаавзд̇ум̣ ‘‘алласарийрз’’д̇и вуд̇д̇ам̣. висабхааг̇асарийрзд̇и ид̇т̇исарийрз. висабхааг̇асарийрад̇д̇аа ажжаасаннзна на бхавид̇аб̣б̣анд̇и ааха ‘‘сийсз ваа’’д̇иаад̣̇и. ваддад̇ийд̇и висабхааг̇асарийрзби ад̇д̇анаава вуд̇д̇авид̇хим̣ гаад̇ум̣ саадаган̃жа г̇ахзд̇ум̣ ваддад̇и. гзжи бана ‘‘гин̃жааби иминаа сигкаабад̣̇зна анаабад̇д̇и, ид̇т̇ируубам̣ бана аамасанд̇асса д̣̇уггада’’нд̇и вад̣̇анд̇и.
137.Yathākammaṃ gatoti iminā tassa matabhāvaṃ dasseti. Abbhuṇheti imināpi vuttameva pariyāyantarena vibhāvetuṃ ‘‘allasarīre’’ti vuttaṃ. Visabhāgasarīreti itthisarīre. Visabhāgasarīrattā accāsannena na bhavitabbanti āha ‘‘sīse vā’’tiādi. Vaṭṭatīti visabhāgasarīrepi attanāva vuttavidhiṃ kātuṃ sāṭakañca gahetuṃ vaṭṭati. Keci pana ‘‘kiñcāpi iminā sikkhāpadena anāpatti, itthirūpaṃ pana āmasantassa dukkaṭa’’nti vadanti.
138. гусам̣ сан̇гаамзд̇ваад̇и гусам̣ баривад̇д̇зд̇ваа. гуудамаанагуудагахаабан̣аад̣̇ийхийд̇и аад̣̇и-сад̣̇д̣̇зна д̇улаагуудагам̣сагуудаван̃жанаад̣̇им̣ сан̇г̇ан̣хаад̇и. д̇ад̇т̇а гуудамаанам̣ хад̣̇аяабхзд̣̇асикаабхзд̣̇араж̇ж̇убхзд̣̇авасзна д̇ивид̇хам̣ ход̇и. д̇ад̇т̇а хад̣̇аяанд̇и наал̣иаад̣̇имаанабхааж̇анаанам̣ аб̣бханд̇арам̣, д̇асса бхзд̣̇о чид̣̇д̣̇агаран̣ам̣ хад̣̇аяабхзд̣̇о, со саббид̇злаад̣̇иминанагаалз лаб̣бхад̇и. д̇аани хи г̇ан̣ханд̇о хздтаачид̣̇д̣̇зна маанзна ‘‘сан̣игам̣ аасин̃жаа’’д̇и вад̇ваа анд̇обхааж̇анз б̣ахум̣ баг̇гхараабзд̇ваа г̇ан̣хаад̇и, д̣̇ад̣̇анд̇о чид̣̇д̣̇ам̣ бид̇хааяа сийгхам̣ буурзд̇ваа д̣̇зд̇и. сикаабхзд̣̇о д̇илад̇ан̣д̣улаад̣̇иминанагаалз лаб̣бхад̇и. д̇аани хи г̇ан̣ханд̇о сан̣игам̣ сикам̣ уссаабзд̇ваа г̇ан̣хаад̇и, д̣̇знд̇о взг̇зна буурзд̇ваа сикам̣ чинд̣̇анд̇о д̣̇зд̇и. раж̇ж̇убхзд̣̇о кзд̇д̇авад̇т̇уминанагаалз лаб̣бхад̇и. кзд̇д̇аад̣̇им̣ минанд̇аа хи амаханд̇амби маханд̇ам̣ гад̇ваа минанд̇и, маханд̇амби амаханд̇ам̣. гуудагахаабан̣о баагадоязва.
138.Kusaṃ saṅkāmetvāti kusaṃ parivattetvā. Kūṭamānakūṭakahāpaṇādīhīti ādi-saddena tulākūṭakaṃsakūṭavañcanādiṃ saṅgaṇhāti. Tattha kūṭamānaṃ hadayabhedasikhābhedarajjubhedavasena tividhaṃ hoti. Tattha hadayanti nāḷiādimānabhājanānaṃ abbhantaraṃ, tassa bhedo chiddakaraṇaṃ hadayabhedo, so sappitelādiminanakāle labbhati. Tāni hi gaṇhanto heṭṭhāchiddena mānena ‘‘saṇikaṃ āsiñcā’’ti vatvā antobhājane bahuṃ paggharāpetvā gaṇhāti, dadanto chiddaṃ pidhāya sīghaṃ pūretvā deti. Sikhābhedo tilataṇḍulādiminanakāle labbhati. Tāni hi gaṇhanto saṇikaṃ sikhaṃ ussāpetvā gaṇhāti, dento vegena pūretvā sikhaṃ chindanto deti. Rajjubhedo khettavatthuminanakāle labbhati. Khettādiṃ minantā hi amahantampi mahantaṃ katvā minanti, mahantampi amahantaṃ. Kūṭakahāpaṇo pākaṭoyeva.
д̇улаагуудам̣ бана руубагуудам̣ ан̇г̇агуудам̣ г̇ахан̣агуудам̣ бадижчаннагууданд̇и жад̇уб̣б̣ид̇хам̣ ход̇и. д̇ад̇т̇а руубагуудам̣ наама д̣̇вз д̇улаа саруубаа гад̇ваа г̇ан̣ханд̇о махад̇ияаа г̇ан̣хаад̇и, д̣̇ад̣̇анд̇о куд̣̇д̣̇игааяа д̣̇зд̇и. ан̇г̇агуудам̣ наама г̇ан̣ханд̇о бажчаабхааг̇з хад̇т̇зна д̇улам̣ аггамад̇и, д̣̇ад̣̇анд̇о буб̣б̣абхааг̇з аггамад̇и. г̇ахан̣агуудам̣ наама г̇ан̣ханд̇о муулз раж̇ж̇ум̣ г̇ан̣хаад̇и, д̣̇ад̣̇анд̇о аг̇г̇з. бадижчаннагуудам̣ наама д̇улам̣ сусирам̣ гад̇ваа анд̇о аяажун̣н̣ам̣ багкибид̇ваа г̇ан̣ханд̇о д̇ам̣ бажчаабхааг̇з гарод̇и, д̣̇ад̣̇анд̇о аг̇г̇абхааг̇з.
Tulākūṭaṃ pana rūpakūṭaṃ aṅgakūṭaṃ gahaṇakūṭaṃ paṭicchannakūṭanti catubbidhaṃ hoti. Tattha rūpakūṭaṃ nāma dve tulā sarūpā katvā gaṇhanto mahatiyā gaṇhāti, dadanto khuddikāya deti. Aṅgakūṭaṃ nāma gaṇhanto pacchābhāge hatthena tulaṃ akkamati, dadanto pubbabhāge akkamati. Gahaṇakūṭaṃ nāma gaṇhanto mūle rajjuṃ gaṇhāti, dadanto agge. Paṭicchannakūṭaṃ nāma tulaṃ susiraṃ katvā anto ayacuṇṇaṃ pakkhipitvā gaṇhanto taṃ pacchābhāge karoti, dadanto aggabhāge.
гам̣со вужжад̇и суван̣н̣абаад̇и, д̇ааяа ван̃жанам̣ гам̣сагуудам̣. гат̇ам̣? згам̣ суван̣н̣абаад̇им̣ гад̇ваа ан̃н̃аа д̣̇вз д̇иссо лохабаад̇ияо суван̣н̣аван̣н̣аа гаронд̇и, д̇ад̇о ж̇анабад̣̇ам̣ г̇анд̇ваа гин̃жид̣̇зва ад̣дхам̣ гулам̣ бависид̇ваа ‘‘суван̣н̣абхааж̇анаани гин̣ат̇аа’’д̇и вад̇ваа аг̇гхз бужчид̇з самаг̇гхад̇арам̣ д̣̇аад̇угаамаа хонд̇и. д̇ад̇о д̇зхи ‘‘гат̇ам̣ имзсам̣ суван̣н̣абхааво ж̇аанид̇аб̣б̣о’’д̇и вуд̇д̇з ‘‘виймам̣сид̇ваа г̇ан̣хат̇аа’’д̇и суван̣н̣абаад̇им̣ баасаан̣з гхам̣сид̇ваа саб̣б̣абаад̇ияо д̣̇ад̇ваа г̇ажчанд̇и.
Kaṃso vuccati suvaṇṇapāti, tāya vañcanaṃ kaṃsakūṭaṃ. Kathaṃ? Ekaṃ suvaṇṇapātiṃ katvā aññā dve tisso lohapātiyo suvaṇṇavaṇṇā karonti, tato janapadaṃ gantvā kiñcideva aḍḍhaṃ kulaṃ pavisitvā ‘‘suvaṇṇabhājanāni kiṇathā’’ti vatvā agghe pucchite samagghataraṃ dātukāmā honti. Tato tehi ‘‘kathaṃ imesaṃ suvaṇṇabhāvo jānitabbo’’ti vutte ‘‘vīmaṃsitvā gaṇhathā’’ti suvaṇṇapātiṃ pāsāṇe ghaṃsitvā sabbapātiyo datvā gacchanti.
ван̃жанам̣ наама д̇зхи д̇зхи убааязхи барзсам̣ ван̃жанам̣. д̇ад̇рид̣̇амзгам̣ вад̇т̇у – зго гира луд̣̇д̣̇аго миг̇ан̃жа миг̇абод̇аган̃жа г̇ахзд̇ваа ааг̇ажчад̇и. д̇амзго д̇худ̇д̇о ‘‘гим̣, бхо, миг̇о аг̇гхад̇и, гим̣ миг̇абод̇аго’’д̇и ааха. ‘‘миг̇о д̣̇вз гахаабан̣з, миг̇абод̇аго зга’’нд̇и жа вуд̇д̇з згам̣ гахаабан̣ам̣ д̣̇ад̇ваа миг̇абод̇агам̣ г̇ахзд̇ваа т̇огам̣ г̇анд̇ваа нивад̇д̇о ‘‘на мз, бхо, миг̇абод̇агзна ад̇т̇о, миг̇ам̣ мз д̣̇зхий’’д̇и ааха. д̇зна хи д̣̇вз гахаабан̣з д̣̇зхийд̇и. со ааха – ‘‘нану, бхо, маяаа батамам̣ зго гахаабан̣о д̣̇инно’’д̇и? ‘‘аама д̣̇инно’’д̇и. ‘‘имам̣ миг̇абод̇агам̣ г̇ан̣ха, звам̣ со жа гахаабан̣о, аяан̃жа гахаабан̣аг̇гханаго миг̇абод̇агод̇и д̣̇вз гахаабан̣аа бхависсанд̇ий’’д̇и. со ‘‘гааран̣ам̣ вад̣̇ад̇ий’’д̇и саллагкзд̇ваа миг̇абод̇агам̣ г̇ахзд̇ваа миг̇ам̣ ад̣̇аасийд̇и.
Vañcanaṃ nāma tehi tehi upāyehi paresaṃ vañcanaṃ. Tatridamekaṃ vatthu – eko kira luddako migañca migapotakañca gahetvā āgacchati. Tameko dhutto ‘‘kiṃ, bho, migo agghati, kiṃ migapotako’’ti āha. ‘‘Migo dve kahāpaṇe, migapotako eka’’nti ca vutte ekaṃ kahāpaṇaṃ datvā migapotakaṃ gahetvā thokaṃ gantvā nivatto ‘‘na me, bho, migapotakena attho, migaṃ me dehī’’ti āha. Tena hi dve kahāpaṇe dehīti. So āha – ‘‘nanu, bho, mayā paṭhamaṃ eko kahāpaṇo dinno’’ti? ‘‘Āma dinno’’ti. ‘‘Imaṃ migapotakaṃ gaṇha, evaṃ so ca kahāpaṇo, ayañca kahāpaṇagghanako migapotakoti dve kahāpaṇā bhavissantī’’ti. So ‘‘kāraṇaṃ vadatī’’ti sallakkhetvā migapotakaṃ gahetvā migaṃ adāsīti.
б̣аласаад̇и б̣алзна. бант̇агхаад̇а-г̇г̇ахан̣зна химавибараамосаг̇умб̣авибараамосааби сан̇г̇ахид̇аа. д̇ад̇т̇а яам̣ химабаад̇асамаяз химзна бадижчаннаа худ̇ваа маг̇г̇аббадибаннам̣ ж̇анам̣ муусанд̇и, аяам̣ химавибараамосо. яам̣ г̇уммаад̣̇ийхи бадижчаннаа ж̇анам̣ муусанд̇и, аяам̣ г̇умб̣авибараамосо.
Balasāti balena. Panthaghāta-ggahaṇena himaviparāmosagumbaviparāmosāpi saṅgahitā. Tattha yaṃ himapātasamaye himena paṭicchannā hutvā maggappaṭipannaṃ janaṃ mūsanti, ayaṃ himaviparāmoso. Yaṃ gummādīhi paṭicchannā janaṃ mūsanti, ayaṃ gumbaviparāmoso.
уд̣̇д̇хаарзязва баарааж̇иганд̇и ‘‘сажз саадаго бхависсад̇и, г̇ан̣хиссаамий’’д̇и баригаббасса бавад̇д̇ад̇д̇аа саадагасса жа д̇ад̇т̇а саб̣бхаавад̇о. бад̣̇аваарзна гаарзд̇аб̣б̣од̇и бхуумияам̣ анигкибид̇ваава виймам̣сид̇ад̇д̇аа вуд̇д̇ам̣. барияудтид̇од̇и ануб̣ад̣̇д̇хо. д̣̇исваа хадад̇д̇аа баригаббаавахааро на д̣̇иссад̇ийд̇и иминаа баригаббаавахаарасса асамбхавам̣ д̣̇ассзнд̇о махаабажжариаад̣̇ийсу вуд̇д̇асса аяуд̇д̇абхаавам̣ вибхаавзд̇и. махааадтагат̇ааяанд̇иаад̣̇инаа бана баригаббаавахаарасамбхавам̣ баал̣ияаа сам̣санд̣̇анабхааван̃жа вибхаавзнд̇о махааадтагат̇ааяам̣ вуд̇д̇амзва сувуд̇д̇анд̇и д̣̇ийбзд̇и. д̇знзва маад̇игаадтагат̇ааяамби махааадтагат̇аанаяова д̣̇ассид̇о.
Uddhāreyevapārājikanti ‘‘sace sāṭako bhavissati, gaṇhissāmī’’ti parikappassa pavattattā sāṭakassa ca tattha sabbhāvato. Padavārena kāretabboti bhūmiyaṃ anikkhipitvāva vīmaṃsitattā vuttaṃ. Pariyuṭṭhitoti anubaddho. Disvā haṭattā parikappāvahāro na dissatīti iminā parikappāvahārassa asambhavaṃ dassento mahāpaccariādīsu vuttassa ayuttabhāvaṃ vibhāveti. Mahāaṭṭhakathāyantiādinā pana parikappāvahārasambhavaṃ pāḷiyā saṃsandanabhāvañca vibhāvento mahāaṭṭhakathāyaṃ vuttameva suvuttanti dīpeti. Teneva mātikāṭṭhakathāyampi mahāaṭṭhakathānayova dassito.
гзжийд̇и махааадтагат̇ааяамзва згажжз аажарияаа. махаабажжарияам̣ банаад̇и бана-сад̣̇д̣̇о гзживаад̣̇ад̇о махаабажжариваад̣̇асса висзсасанд̣̇ассанад̇т̇о. д̇зна гзживаад̣̇о махаабажжариваад̣̇знаби на самзд̇ийд̇и д̣̇ассзд̇и. махааадтагат̇аанаяо зва жа махаабажжариваад̣̇знаби сам̣санд̣̇анад̇о яуд̇д̇ад̇арод̇и вибхаавзд̇и.
Kecīti mahāaṭṭhakathāyameva ekacce ācariyā. Mahāpaccariyaṃ panāti pana-saddo kecivādato mahāpaccarivādassa visesasandassanattho. Tena kecivādo mahāpaccarivādenapi na sametīti dasseti. Mahāaṭṭhakathānayo eva ca mahāpaccarivādenapi saṃsandanato yuttataroti vibhāveti.
алан̇гаарабхан̣д̣анд̇и ан̇г̇улимуд̣̇д̣̇игаад̣̇и алан̇гаарабхан̣д̣ам̣. гусам̣ баад̇зд̇ваад̇и вилийвамаяам̣ ваа д̇аалабан̣н̣амаяам̣ ваа гад̇асан̃н̃аан̣ам̣ яам̣ гин̃жи гусам̣ баад̇зд̇ваа. самаг̇гхад̇аранд̇и аббаг̇гхад̇арам̣. барагодтаасад̇о гусз уд̣̇д̇хадзби на д̇аава гусасса баривад̇д̇анам̣ ж̇аад̇анд̇и вуд̇д̇ам̣ ‘‘уд̣̇д̇хаарз рагкад̇ий’’д̇и. сивзяяаганд̇и сивирадтз ж̇аад̇ам̣.
Alaṅkārabhaṇḍanti aṅgulimuddikādi alaṅkārabhaṇḍaṃ. Kusaṃ pātetvāti vilīvamayaṃ vā tālapaṇṇamayaṃ vā katasaññāṇaṃ yaṃ kiñci kusaṃ pātetvā. Samagghataranti appagghataraṃ. Parakoṭṭhāsato kuse uddhaṭepi na tāva kusassa parivattanaṃ jātanti vuttaṃ ‘‘uddhāre rakkhatī’’ti. Siveyyakanti siviraṭṭhe jātaṃ.
139. ж̇анд̇аагхаравад̇т̇усмим̣ яасмаа аананд̣̇ад̇т̇зро д̇ад̇т̇а анаабад̇д̇ибхаавам̣ ж̇аанаад̇и, д̇асмаа ‘‘д̇асса гуггужжам̣ ахосий’’д̇и на вуд̇д̇ам̣. яасмаа жа саяам̣ бхаг̇авад̇о наарожзси, д̇асмаа ‘‘аарожзсий’’д̇и згаважанам̣ на вуд̇д̇ам̣.
139. Jantāgharavatthusmiṃ yasmā ānandatthero tattha anāpattibhāvaṃ jānāti, tasmā ‘‘tassa kukkuccaṃ ahosī’’ti na vuttaṃ. Yasmā ca sayaṃ bhagavato nārocesi, tasmā ‘‘ārocesī’’ti ekavacanaṃ na vuttaṃ.
140. вигхаасанд̇и каад̣̇ид̇аавасзсам̣ ужчидтам̣ ваа. габбияам̣ гаараабзд̇ваад̇и бажаабзд̇ваа. ад̇д̇аг̇уд̇д̇ад̇т̇ааяаад̇и д̇ам̣нимид̇д̇аубад̣̇д̣̇авад̇о ад̇д̇аанам̣ рагкан̣ад̇т̇ааяа. ж̇игхажчаабхибхууд̇аа хи сийхаад̣̇аяо ад̇д̇анаа каад̣̇ияамаанам̣ г̇ан̣ханд̇аанам̣ анад̇т̇амби гарзяяум̣. бараануд̣̇д̣̇аяад̇ааяаад̇и сийхаад̣̇ийсу барасад̇д̇зсу анугамбааяа. ж̇игхажчаавинод̣̇анад̇т̇ан̃хи д̇зхи каад̣̇ияамаанам̣ д̇з балаабзд̇ваа г̇ан̣хад̇о д̇зсу анугамбаа наама на бхависсад̇и.
140.Vighāsanti khāditāvasesaṃ ucchiṭṭhaṃ vā. Kappiyaṃ kārāpetvāti pacāpetvā. Attaguttatthāyāti taṃnimittaupaddavato attānaṃ rakkhaṇatthāya. Jighacchābhibhūtā hi sīhādayo attanā khādiyamānaṃ gaṇhantānaṃ anatthampi kareyyuṃ. Parānuddayatāyāti sīhādīsu parasattesu anukampāya. Jighacchāvinodanatthañhi tehi khādiyamānaṃ te palāpetvā gaṇhato tesu anukampā nāma na bhavissati.
141. д̇згадулаяааг̇увад̇т̇умхи вияаад̇и мусааваад̣̇асааман̃н̃ад̇о вуд̇д̇ам̣. аан̣ад̇д̇зхийд̇и саммад̇зна аан̣ад̇д̇зхи. аан̣ад̇д̇знаад̇и саамигзхи аан̣ад̇д̇зна. абарасса бхааг̇ам̣ д̣̇зхийд̇и асанд̇ам̣ буг̇г̇алам̣ д̣̇ассзд̇ваа г̇ахид̇ад̇д̇аа ‘‘бхан̣д̣ад̣̇зяяа’’нд̇и вуд̇д̇ам̣. ан̃н̃знаад̇и яат̇аавуд̇д̇зхи саммад̇аад̣̇ийхи жад̇уухи ан̃н̃зна. ‘‘абарамби бхааг̇ам̣ д̣̇зхий’’д̇и вуд̇д̇зби сан̇гхасанд̇агад̇д̇аа амуулагамзва г̇ахид̇анд̇и ‘‘уд̣̇д̇хаарзязва бхан̣д̣аг̇гхзна гаарзд̇аб̣б̣о’’д̇и вуд̇д̇ам̣. ид̇арзхи д̣̇ийяамаананд̇и саммад̇зна, д̇зна аан̣ад̇д̇зна ваа д̣̇ийяамаанам̣. звам̣ г̇ан̣хад̇од̇и ‘‘абарамби бхааг̇ам̣ д̣̇зхий’’д̇и вад̇ваа ваа гуудавассаани г̇ан̣зд̇ваа ваа г̇ан̣хад̇о. суд̣̇иннанд̇и хздтаа саамигзна, д̇зна аан̣ад̇д̇зна ваа д̣̇ийяамаанам̣ г̇ихисанд̇агам̣ ‘‘абарасса бхааг̇ам̣ д̣̇зхий’’д̇и вад̇ваа г̇ан̣хад̇о абарасса абхаавад̇о саамисанд̇агамзва ход̇ийд̇и бхан̣д̣ад̣̇зяяам̣ ж̇аад̇ам̣. ид̇ха бана д̇зхи звам̣ д̣̇ийяамаанам̣ ‘‘абарамби бхааг̇ам̣ д̣̇зхийд̇и вад̇ваа ваа гуудавассаани г̇ан̣зд̇ваа ваа г̇ан̣хад̇о д̣̇зхий’’д̇и вуд̇д̇ад̇д̇аа ан̃н̃аад̇агавин̃н̃ад̇д̇имад̇д̇ам̣ табзд̇ваа нзва баарааж̇игам̣ на бхан̣д̣ад̣̇зяяанд̇и суд̣̇иннамзва ход̇и.
141.Tekaṭulayāguvatthumhi viyāti musāvādasāmaññato vuttaṃ. Āṇattehīti sammatena āṇattehi. Āṇattenāti sāmikehi āṇattena. Aparassa bhāgaṃ dehīti asantaṃ puggalaṃ dassetvā gahitattā ‘‘bhaṇḍadeyya’’nti vuttaṃ. Aññenāti yathāvuttehi sammatādīhi catūhi aññena. ‘‘Aparampi bhāgaṃ dehī’’ti vuttepi saṅghasantakattā amūlakameva gahitanti ‘‘uddhāreyeva bhaṇḍagghena kāretabbo’’ti vuttaṃ. Itarehi dīyamānanti sammatena, tena āṇattena vā dīyamānaṃ. Evaṃ gaṇhatoti ‘‘aparampi bhāgaṃ dehī’’ti vatvā vā kūṭavassāni gaṇetvā vā gaṇhato. Sudinnanti heṭṭhā sāmikena, tena āṇattena vā dīyamānaṃ gihisantakaṃ ‘‘aparassa bhāgaṃ dehī’’ti vatvā gaṇhato aparassa abhāvato sāmisantakameva hotīti bhaṇḍadeyyaṃ jātaṃ. Idha pana tehi evaṃ dīyamānaṃ ‘‘aparampi bhāgaṃ dehīti vatvā vā kūṭavassāni gaṇetvā vā gaṇhato dehī’’ti vuttattā aññātakaviññattimattaṃ ṭhapetvā neva pārājikaṃ na bhaṇḍadeyyanti sudinnameva hoti.
142-3. баригкааравад̇т̇уусу вуд̇д̇абаригкаарасса хздтаа вуд̇д̇абхан̣д̣асса жа го висзсо? яам̣ барибхог̇аяог̇г̇ам̣ аабхаран̣аад̣̇ируубам̣ агад̇ваа яат̇аасабхаавад̇о табид̇ам̣, д̇ам̣ бхан̣д̣ам̣. яам̣ бана д̇ат̇аа гад̇ваа барибхун̃ж̇ид̇ум̣ анужчавигаагаарзна табид̇ам̣ аабхаран̣аад̣̇игам̣, д̇ам̣ баригкааранд̇и взд̣̇ид̇аб̣б̣ам̣.
142-3. Parikkhāravatthūsu vuttaparikkhārassa heṭṭhā vuttabhaṇḍassa ca ko viseso? Yaṃ paribhogayoggaṃ ābharaṇādirūpaṃ akatvā yathāsabhāvato ṭhapitaṃ, taṃ bhaṇḍaṃ. Yaṃ pana tathā katvā paribhuñjituṃ anucchavikākārena ṭhapitaṃ ābharaṇādikaṃ, taṃ parikkhāranti veditabbaṃ.
144-146. сан̇гаамзд̇ваад̇и тид̇адтаанад̇о абанзд̇ваа. т̇авиганд̇и убааханад̇т̇авигаад̣̇и яам̣гин̃жи т̇авигам̣. аахараабзнд̇зсу бхан̣д̣ад̣̇зяяанд̇и ‘‘г̇ахид̇з ад̇д̇амано ход̇ий’’д̇и (махаава. 356) важанад̇о анад̇д̇аманасса санд̇агам̣ г̇ахид̇амби буна д̣̇аад̇аб̣б̣амзваад̇и вуд̇д̇ам̣. ‘‘саммукийбхууд̇зхи бхааж̇зд̇аб̣б̣а’’нд̇и (махаава. 379) важанад̇о бхааж̇анийяабхан̣д̣ам̣ убажаарасиймадтаанам̣язва баабун̣аад̇ийд̇и ааха ‘‘убажаарасиймааяам̣ тид̇ассзва г̇ахзд̇ум̣ ваддад̇ий’’д̇и.
144-146.Saṅkāmetvāti ṭhitaṭṭhānato apanetvā. Thavikanti upāhanatthavikādi yaṃkiñci thavikaṃ. Āharāpentesu bhaṇḍadeyyanti ‘‘gahite attamano hotī’’ti (mahāva. 356) vacanato anattamanassa santakaṃ gahitampi puna dātabbamevāti vuttaṃ. ‘‘Sammukhībhūtehi bhājetabba’’nti (mahāva. 379) vacanato bhājanīyabhaṇḍaṃ upacārasīmaṭṭhānaṃyeva pāpuṇātīti āha ‘‘upacārasīmāyaṃ ṭhitasseva gahetuṃ vaṭṭatī’’ti.
148-9. ‘‘бхан̣д̣ад̣̇зяяанд̇и убхиннам̣ саалаяабхаавз сад̇и жорасса ваа саамигасса ваа самбад̇д̇асса гассажи д̣̇аад̇ум̣ ваддад̇ий’’д̇и вад̣̇анд̇и. зсзва наяод̇и бам̣сугууласан̃н̃ааяа г̇ахид̇з бхан̣д̣ад̣̇зяяам̣, т̇зяяажид̇д̇зна баарааж̇иганд̇и ад̇т̇о. г̇аамзсууд̇и г̇аамигзсу мануссзсу. г̇аама-г̇г̇ахан̣зна хзд̇т̇а г̇аамадтаа вуд̇д̇аа. вудтаханд̇зсууд̇и г̇аамам̣ чад̣д̣зд̇ваа балааяанд̇зсу. буна аавасанд̇з ж̇анабад̣̇зд̇и ж̇аанабад̣̇игзсу буна ааг̇анд̇ваа васанд̇зсу.
148-9.‘‘Bhaṇḍadeyyanti ubhinnaṃ sālayabhāve sati corassa vā sāmikassa vā sampattassa kassaci dātuṃ vaṭṭatī’’ti vadanti. Eseva nayoti paṃsukūlasaññāya gahite bhaṇḍadeyyaṃ, theyyacittena pārājikanti attho. Gāmesūti gāmikesu manussesu. Gāma-ggahaṇena hettha gāmaṭṭhā vuttā. Vuṭṭhahantesūti gāmaṃ chaḍḍetvā palāyantesu. Puna āvasante janapadeti jānapadikesu puna āgantvā vasantesu.
ависзсзна вуд̇д̇анд̇и ‘‘сауссаахаа ваа нируссаахаа ваа’’д̇и висзсам̣ абараамасид̇ваа сааман̃н̃ад̇о вуд̇д̇ам̣. на хи гад̇ибаяаанам̣ ануссаахз сад̇и сан̇гхигам̣ асан̇гхигам̣ ход̇ийд̇и аяамзд̇т̇а ад̇хиббааяо. сауссаахамад̇д̇амзва бамаан̣анд̇и саамигаанам̣ барижчиннабхаавад̇о вуд̇д̇ам̣. д̇ад̇од̇и г̇ан̣асанд̇агад̇о буг̇г̇аласанд̇агад̇о ваа. сзнаасанад̇т̇ааяа нияамид̇анд̇и ид̣̇ам̣ нид̣̇ассанамад̇д̇ам̣, жад̇уусу бажжаязсу яасса гассажи ад̇т̇ааяа нияамид̇зби вуд̇д̇анаяамзва. иссаравад̇ааяаад̇и барам̣ аабужчид̇ваа ваа анаабужчид̇ваа ваа д̣̇аад̇аб̣б̣агижжам̣ над̇т̇и, аяамзвзд̇т̇а бамаан̣анд̇и звам̣ ад̇д̇ано иссарабхаавзна. аг̇гхзна гаарзд̇аб̣б̣од̇и аг̇гхаануруубам̣ д̣̇уггадзна т̇уллажжаязна ваа гаарзд̇аб̣б̣о. иссаравад̇ааяа барибхун̃ж̇ад̇о г̇ийваад̇и на гзвалам̣ зд̇т̇зва г̇ийваа, хздтаа гуласан̇г̇ахад̇т̇ааяа иссаравад̇ааяа ваа д̣̇иннзби г̇ийвааязва. сукаад̣̇ид̇амзваад̇и анд̇овихаарз нисийд̣̇ид̇ваа гхан̣диббахаран̣аад̣̇ивуд̇д̇авид̇хаанасса гад̇ад̇д̇аа сукаад̣̇ид̇ам̣. сан̇гхиган̃хи взбхан̇г̇ияабхан̣д̣ам̣ анд̇овихаарз ваа б̣ахисиймааяа ваа ход̇у, б̣ахисиймааяам̣ тид̇зхи абалогзд̇ваа бхааж̇зд̇ум̣ на ваддад̇и, убхаяад̇т̇а тид̇амби бана анд̇осиймааяам̣ тид̇зхи абалогзд̇ваа бхааж̇зд̇ум̣ ваддад̇иязва. д̇знзва д̇ийсуби г̇ан̣тибад̣̇зсу вуд̇д̇ам̣ ‘‘вихаарзязва нисийд̣̇ид̇ваа звам̣ гад̇ад̇д̇аа сукаад̣̇ид̇анд̇и аахаа’’д̇и. аяан̃жа ад̇т̇о вассуубанааяигагканд̇хагадтагат̇ааяам̣ аави бхависсад̇и.
Avisesena vuttanti ‘‘saussāhā vā nirussāhā vā’’ti visesaṃ aparāmasitvā sāmaññato vuttaṃ. Na hi katipayānaṃ anussāhe sati saṅghikaṃ asaṅghikaṃ hotīti ayamettha adhippāyo. Saussāhamattameva pamāṇanti sāmikānaṃ paricchinnabhāvato vuttaṃ. Tatoti gaṇasantakato puggalasantakato vā. Senāsanatthāya niyamitanti idaṃ nidassanamattaṃ, catūsu paccayesu yassa kassaci atthāya niyamitepi vuttanayameva. Issaravatāyāti paraṃ āpucchitvā vā anāpucchitvā vā dātabbakiccaṃ natthi, ayamevettha pamāṇanti evaṃ attano issarabhāvena. Agghena kāretabboti agghānurūpaṃ dukkaṭena thullaccayena vā kāretabbo. Issaravatāya paribhuñjato gīvāti na kevalaṃ ettheva gīvā, heṭṭhā kulasaṅgahatthāya issaravatāya vā dinnepi gīvāyeva. Sukhāditamevāti antovihāre nisīditvā ghaṇṭippaharaṇādivuttavidhānassa katattā sukhāditaṃ. Saṅghikañhi vebhaṅgiyabhaṇḍaṃ antovihāre vā bahisīmāya vā hotu, bahisīmāyaṃ ṭhitehi apaloketvā bhājetuṃ na vaṭṭati, ubhayattha ṭhitampi pana antosīmāyaṃ ṭhitehi apaloketvā bhājetuṃ vaṭṭatiyeva. Teneva tīsupi gaṇṭhipadesu vuttaṃ ‘‘vihāreyeva nisīditvā evaṃ katattā sukhāditanti āhā’’ti. Ayañca attho vassūpanāyikakkhandhakaṭṭhakathāyaṃ āvi bhavissati.
150. вуд̇д̇аваад̣̇агавад̇т̇уусу баал̣ияам̣ яуг̇асаадаганд̇и саадагаяуг̇ам̣. д̇уланд̇и баласад̇ам̣. д̣̇он̣анд̇и сол̣асанаал̣имад̇д̇ам̣. барижчзд̣̇ам̣ бана гад̇ваад̇и яад̇д̇агам̣ ижчид̇ам̣, д̇ад̇д̇агам̣ аг̇гхавасзна ваа жийвараад̣̇ибажжаяавасзна ваа барижчзд̣̇ам̣ гад̇ваа. убаарамбхаад̇и ‘‘бхад̣̇анд̇аа абарижчзд̣̇ам̣ гад̇ваа вад̣̇анд̇ий’’д̇и звам̣ д̣̇осааробанад̇о.
150. Vuttavādakavatthūsu pāḷiyaṃ yugasāṭakanti sāṭakayugaṃ. Tulanti palasataṃ. Doṇanti soḷasanāḷimattaṃ. Paricchedaṃ pana katvāti yattakaṃ icchitaṃ, tattakaṃ agghavasena vā cīvarādipaccayavasena vā paricchedaṃ katvā. Upārambhāti ‘‘bhadantā aparicchedaṃ katvā vadantī’’ti evaṃ dosāropanato.
153. чаад̇аж̇жхад̇д̇анд̇и ж̇игхажчаад̣̇угкзна бийл̣ид̇аад̇д̇асанд̇аанам̣. д̇хануганд̇и куд̣̇д̣̇агад̇ханугам̣. б̣ад̣̇д̇хо ход̇ийд̇и д̇ирияам̣ б̣ад̣̇д̇хо ход̇и. сунакад̣̇адтанд̇и саамигзхи виссаж̇ж̇ид̇асунакзна г̇ахид̇ам̣. яадтияаа саха баад̇зд̇ийд̇и суугарасса ааг̇аманад̇о бурзд̇арамзва д̇ад̇т̇а аб̣аж̇жханад̇т̇ааяа баад̇зд̇и. мад̣̇д̣̇анд̇о г̇ажчад̇и, бхан̣д̣ад̣̇зяяанд̇и згасуугараг̇гханагам̣ бхан̣д̣ам̣ д̣̇аад̇аб̣б̣ам̣. на хи д̇зна маг̇г̇зна г̇ажчанд̇аа саб̣б̣зва суугараа д̇зна баасзна б̣аж̇жханд̇и, згоязва батамад̇арам̣ г̇ажчанд̇о б̣аж̇жхад̇и, д̇асмаа згасуугараг̇гханагам̣ бхан̣д̣ам̣ д̣̇аад̇аб̣б̣ам̣. бажчаа г̇ажчад̇ийд̇и д̇зна гад̇абаяог̇зна аг̇анд̇ваа бажчаа саяамзва г̇ажчад̇и. хздтаа вуд̇д̇зсуби ийд̣̇исзсу таанзсу зсзва наяо. уд̣̇д̇харид̇ваа чад̣д̣зд̇ийд̇и бурзд̇арамзва уд̣̇д̇харид̇ваа чад̣д̣зд̇и. вихаарабхуумияанд̇и вихаарасааманд̇аа аран̃н̃аббад̣̇зсз. рагкам̣ яаажид̇ваад̇и рааж̇арааж̇амахаамад̇д̇аад̣̇ийнам̣ санд̇игам̣ г̇анд̇ваа ануд̣̇д̣̇исса рагкам̣ яаажид̇ваа.
153.Chātajjhattanti jighacchādukkhena pīḷitaattasantānaṃ. Dhanukanti khuddakadhanukaṃ. Baddho hotīti tiriyaṃ baddho hoti. Sunakhadaṭṭhanti sāmikehi vissajjitasunakhena gahitaṃ. Yaṭṭhiyā saha pātetīti sūkarassa āgamanato puretarameva tattha abajjhanatthāya pāteti. Maddanto gacchati, bhaṇḍadeyyanti ekasūkaragghanakaṃ bhaṇḍaṃ dātabbaṃ. Na hi tena maggena gacchantā sabbeva sūkarā tena pāsena bajjhanti, ekoyeva paṭhamataraṃ gacchanto bajjhati, tasmā ekasūkaragghanakaṃ bhaṇḍaṃ dātabbaṃ. Pacchā gacchatīti tena katapayogena agantvā pacchā sayameva gacchati. Heṭṭhā vuttesupi īdisesu ṭhānesu eseva nayo. Uddharitvā chaḍḍetīti puretarameva uddharitvā chaḍḍeti. Vihārabhūmiyanti vihārasāmantā araññappadese. Rakkhaṃ yācitvāti rājarājamahāmattādīnaṃ santikaṃ gantvā anuddissa rakkhaṃ yācitvā.
гумийнамуканд̇и гумийнасса анд̇о мажчаанам̣ бависанамукам̣. г̇умб̣з кибад̇и, бхан̣д̣ад̣̇зяяамзваад̇и гумийнасса анд̇о бависид̇аб̣б̣аанам̣ мажчаанам̣ аг̇гхзна бхан̣д̣ад̣̇зяяам̣.
Kumīnamukhanti kumīnassa anto macchānaṃ pavisanamukhaṃ. Gumbe khipati, bhaṇḍadeyyamevāti kumīnassa anto pavisitabbānaṃ macchānaṃ agghena bhaṇḍadeyyaṃ.
156. вийсад̇им̣саад̣̇ивасзна барижчиннаа бхигкуу зд̇т̇аад̇и барижчиннабхигкугам̣. т̇зраананд̇и ааг̇анд̇угад̇т̇зраанам̣ . д̇зсамбийд̇и ааваасигабхигкуунамби. барибхог̇ад̇т̇ааяаад̇и сан̇гхигабарибхог̇авасзна барибхун̃ж̇анад̇т̇ааяа. г̇ахан̣зд̇и баатасзсо д̣̇адтаб̣б̣о. яад̇т̇аад̇и яасмим̣ ааваасз. ан̃н̃зсам̣ ад̇т̇ибхааванд̇и ан̃н̃зсам̣ ааг̇анд̇угабхигкуунам̣ ад̇т̇ибхаавам̣. д̇ад̇т̇аад̇и д̇аад̣̇исз ааваасз. бхааж̇зд̇ваа каад̣̇анд̇ийд̇и ааг̇анд̇угаанамби самбад̇д̇аанам̣ бхааж̇зд̇ваа каад̣̇анд̇ийд̇и ад̇хиббааяо. жад̇уусу бажжаязсу саммаа убанзнд̇ийд̇и амб̣апалаад̣̇ийни виггин̣ид̇ваа жийвараад̣̇ийсу жад̇уусу бажжаязсу саммаа убанзнд̇и. жийварад̇т̇ааяа нияамзд̇ваа д̣̇иннаад̇и ‘‘имзсам̣ ругкаанам̣ палаани виггин̣ид̇ваа жийварзсуязва убанзд̇аб̣б̣аани, на бхааж̇зд̇ваа каад̣̇ид̇аб̣б̣ааний’’д̇и звам̣ нияамзд̇ваа д̣̇иннаа. д̇зсуби ааг̇анд̇угаа аниссараад̇и бажжаяабарибхог̇ад̇т̇ааяа нияамзд̇ваа д̣̇иннад̇д̇аа бхааж̇зд̇ваа каад̣̇ид̇ум̣ аниссараа.
156. Vīsatiṃsādivasena paricchinnā bhikkhū etthāti paricchinnabhikkhukaṃ. Therānanti āgantukattherānaṃ . Tesampīti āvāsikabhikkhūnampi. Paribhogatthāyāti saṅghikaparibhogavasena paribhuñjanatthāya. Gahaṇeti pāṭhaseso daṭṭhabbo. Yatthāti yasmiṃ āvāse. Aññesaṃ atthibhāvanti aññesaṃ āgantukabhikkhūnaṃ atthibhāvaṃ. Tatthāti tādise āvāse. Bhājetvā khādantīti āgantukānampi sampattānaṃ bhājetvā khādantīti adhippāyo. Catūsu paccayesu sammā upanentīti ambaphalādīni vikkiṇitvā cīvarādīsu catūsu paccayesu sammā upanenti. Cīvaratthāya niyametvā dinnāti ‘‘imesaṃ rukkhānaṃ phalāni vikkiṇitvā cīvaresuyeva upanetabbāni, na bhājetvā khāditabbānī’’ti evaṃ niyametvā dinnā. Tesupi āgantukāanissarāti paccayaparibhogatthāya niyametvā dinnattā bhājetvā khādituṃ anissarā.
на д̇зсу…бз… таад̇аб̣б̣анд̇и зд̇т̇а ааг̇анд̇угзхи хздтаа вуд̇д̇анаязна бхааж̇зд̇ваа каад̣̇ид̇аб̣б̣анд̇и ад̇хиббааяо. д̇зсам̣ гад̇игааяа таад̇аб̣б̣анд̇и ‘‘бхааж̇зд̇ваа на каад̣̇ид̇аб̣б̣а’’нд̇и ваа ‘‘зд̇д̇агзсу ругкзсу палаани г̇ан̣хиссаамаа’’д̇и ваа ‘‘зд̇д̇агаани палаани г̇ан̣хиссаамаа’’д̇и ваа ‘‘зд̇д̇агаанам̣ д̣̇ивасаанам̣ аб̣бханд̇арз г̇ан̣хиссаамаа’’д̇и ваа ‘‘на гин̃жи г̇ан̣хиссаамаа’’д̇и ваа звам̣ гад̇ааяа ааваасигаанам̣ гад̇игааяа ааг̇анд̇угзхи таад̇аб̣б̣ам̣. махааадтагат̇ааяам̣ ‘‘аниссараа’’д̇и важанзна д̣̇ийбид̇оязва ад̇т̇о махаабажжарияам̣ ‘‘жад̇уннам̣ бажжаяаана’’нд̇иаад̣̇инаа вид̇т̇аарзд̇ваа д̣̇ассид̇о. барибхог̇авасзнзваад̇и зд̇т̇а зва-сад̣̇д̣̇о адтаанаббаяуд̇д̇о. барибхог̇авасзна д̇амзва бхааж̇зд̇ваад̇и яож̇зд̇аб̣б̣ам̣. зд̇т̇аад̇и зд̇асмим̣ вихаарз радтз ваа. сзнаасанабажжаяанд̇и сзнаасанан̃жа д̇ад̣̇ад̇т̇ааяа нияамзд̇ваа табид̇ан̃жа.
Na tesu…pe… ṭhātabbanti ettha āgantukehi heṭṭhā vuttanayena bhājetvā khāditabbanti adhippāyo. Tesaṃ katikāya ṭhātabbanti ‘‘bhājetvā na khāditabba’’nti vā ‘‘ettakesu rukkhesu phalāni gaṇhissāmā’’ti vā ‘‘ettakāni phalāni gaṇhissāmā’’ti vā ‘‘ettakānaṃ divasānaṃ abbhantare gaṇhissāmā’’ti vā ‘‘na kiñci gaṇhissāmā’’ti vā evaṃ katāya āvāsikānaṃ katikāya āgantukehi ṭhātabbaṃ. Mahāaṭṭhakathāyaṃ ‘‘anissarā’’ti vacanena dīpitoyeva attho mahāpaccariyaṃ ‘‘catunnaṃ paccayāna’’ntiādinā vitthāretvā dassito. Paribhogavasenevāti ettha eva-saddo aṭṭhānappayutto. Paribhogavasena tameva bhājetvāti yojetabbaṃ. Etthāti etasmiṃ vihāre raṭṭhe vā. Senāsanapaccayanti senāsanañca tadatthāya niyametvā ṭhapitañca.
лаамагагодияаад̇и лаамагам̣ аад̣̇им̣ гад̇ваа, лаамагасзнаасанад̇о бадтааяаад̇и вуд̇д̇ам̣ ход̇и. сзнаасанзби д̇ин̣аад̣̇ийни лаамагагодияаава виссаж̇ж̇зд̇аб̣б̣аани, сзнаасанабаригкаарааби лаамагагодияаава виссаж̇ж̇зд̇аб̣б̣аа. муулавад̇т̇ужчзд̣̇ам̣ бана гад̇ваа на убанзд̇аб̣б̣анд̇и иминаа гим̣ вуд̇д̇ам̣ ход̇ийд̇и? д̇ийсуби г̇ан̣тибад̣̇зсу д̇аава ид̣̇ам̣ вуд̇д̇ам̣ ‘‘саб̣б̣аани сзнаасанаани на виссаж̇ж̇зд̇аб̣б̣аанийд̇и вуд̇д̇ам̣ ход̇ий’’д̇и. лаамагагодияаа виссаж̇ж̇знд̇зхиби сзнаасанабхуумияо на виссаж̇ж̇зд̇аб̣б̣аад̇и аяамад̇т̇о вуд̇д̇о ход̇ийд̇и но канд̇и, виймам̣сид̇ваа яам̣ ружжад̇и, д̇ам̣ г̇ахзд̇аб̣б̣ам̣.
Lāmakakoṭiyāti lāmakaṃ ādiṃ katvā, lāmakasenāsanato paṭṭhāyāti vuttaṃ hoti. Senāsanepi tiṇādīni lāmakakoṭiyāva vissajjetabbāni, senāsanaparikkhārāpi lāmakakoṭiyāva vissajjetabbā. Mūlavatthucchedaṃ pana katvā na upanetabbanti iminā kiṃ vuttaṃ hotīti? Tīsupi gaṇṭhipadesu tāva idaṃ vuttaṃ ‘‘sabbāni senāsanāni na vissajjetabbānīti vuttaṃ hotī’’ti. Lāmakakoṭiyā vissajjentehipi senāsanabhūmiyo na vissajjetabbāti ayamattho vutto hotīti no khanti, vīmaṃsitvā yaṃ ruccati, taṃ gahetabbaṃ.
д̇хаммасанд̇агзна б̣уд̣̇д̇хабууж̇ам̣ гаад̇ум̣, б̣уд̣̇д̇хасанд̇агзна ваа д̇хаммабууж̇ам̣ гаад̇ум̣ ваддад̇и, на ваддад̇ийд̇и? ‘‘д̇ат̇ааг̇ад̇асса ко зд̇ам̣ ваасздта ад̇хиважанам̣ д̇хаммагааяо ид̇ибийд̇и жа яо ко, ваггали, д̇хаммам̣ бассад̇и, со мам̣ бассад̇ий’’д̇и (сам̣. ни. 3.87) жа важанад̇о ваддад̇ийд̇и вад̣̇анд̇и. гзжи бана ‘‘звам̣ санд̇з ‘яо, бхигкавз, мам̣ убадтахзяяа, со г̇илаанам̣ убадтахзяяаа’д̇и важанад̇о б̣уд̣̇д̇хасанд̇агзна г̇илаанассаби бхзсаж̇ж̇ам̣ гаад̇ум̣ яуд̇д̇анд̇и аабаж̇ж̇зяяа, д̇асмаа на ваддад̇ий’’д̇и вад̣̇анд̇и, д̇ам̣ агааран̣ам̣. на хи ‘‘яо, бхигкавз, мам̣ убадтахзяяа, со г̇илаанам̣ убадтахзяяаа’’д̇и иминаа ад̇д̇ано жа г̇илаанасса жа згасад̣̇исад̇аа д̇ад̣̇убадтаанасса ваа самапалад̇аа вуд̇д̇аа. аяан̃хзд̇т̇а ад̇т̇о ‘‘яо мам̣ оваад̣̇аанусаасанийгаран̣зна убадтахзяяа, со г̇илаанам̣ убадтахзяяа, мама оваад̣̇агаран̣зна г̇илаано убадтаад̇аб̣б̣о’’д̇и. бхаг̇авад̇о жа г̇илаанасса жа убадтаанам̣ згасад̣̇исанд̇и звам̣ банзд̇т̇а ад̇т̇о на г̇ахзд̇аб̣б̣о. д̇асмаа ‘‘яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’’д̇и важанад̇о ‘‘ахан̃жа банид̣̇аани зго овад̣̇аами анусаасаами, маяи бариниб̣б̣уд̇з имаани жад̇ураасийд̇и б̣уд̣̇д̇хасахассаани д̇умхз овад̣̇иссанд̇и анусаасиссанд̇ий’’д̇и вуд̇д̇ад̇д̇аа жа б̣ахуссуд̇ам̣ бхигкум̣ басам̣санд̇зна жа ‘‘яо б̣ахуссуд̇о, на со д̇умхаагам̣ сааваго наама, б̣уд̣̇д̇хо наама зса жунд̣̇аа’’д̇и вуд̇д̇ад̇д̇аа д̇хаммаг̇аругад̇д̇аа жа д̇ат̇ааг̇ад̇асса буб̣б̣анаяо зва басад̇т̇ад̇арод̇и амхаагам̣ канд̇и.
Dhammasantakena buddhapūjaṃ kātuṃ, buddhasantakena vā dhammapūjaṃ kātuṃ vaṭṭati, na vaṭṭatīti? ‘‘Tathāgatassa kho etaṃ vāseṭṭha adhivacanaṃ dhammakāyo itipīti ca yo kho, vakkali, dhammaṃ passati, so maṃ passatī’’ti (saṃ. ni. 3.87) ca vacanato vaṭṭatīti vadanti. Keci pana ‘‘evaṃ sante ‘yo, bhikkhave, maṃ upaṭṭhaheyya, so gilānaṃ upaṭṭhaheyyā’ti vacanato buddhasantakena gilānassapi bhesajjaṃ kātuṃ yuttanti āpajjeyya, tasmā na vaṭṭatī’’ti vadanti, taṃ akāraṇaṃ. Na hi ‘‘yo, bhikkhave, maṃ upaṭṭhaheyya, so gilānaṃ upaṭṭhaheyyā’’ti iminā attano ca gilānassa ca ekasadisatā tadupaṭṭhānassa vā samaphalatā vuttā. Ayañhettha attho ‘‘yo maṃ ovādānusāsanīkaraṇena upaṭṭhaheyya, so gilānaṃ upaṭṭhaheyya, mama ovādakaraṇena gilāno upaṭṭhātabbo’’ti. Bhagavato ca gilānassa ca upaṭṭhānaṃ ekasadisanti evaṃ panettha attho na gahetabbo. Tasmā ‘‘yo vo, ānanda, mayā dhammo ca vinayo ca desito paññatto, so vo mamaccayena satthā’’ti vacanato ‘‘ahañca panidāni eko ovadāmi anusāsāmi, mayi parinibbute imāni caturāsīti buddhasahassāni tumhe ovadissanti anusāsissantī’’ti vuttattā ca bahussutaṃ bhikkhuṃ pasaṃsantena ca ‘‘yo bahussuto, na so tumhākaṃ sāvako nāma, buddho nāma esa cundā’’ti vuttattā dhammagarukattā ca tathāgatassa pubbanayo eva pasatthataroti amhākaṃ khanti.
бан̣н̣ам̣ ааробзд̇ваад̇и ‘‘зд̇д̇агзхзва ругкзхи зд̇д̇агамзва г̇ахзд̇аб̣б̣а’’нд̇и бан̣н̣ам̣ ааробзд̇ваа, ликид̇ваад̇и вуд̇д̇ам̣ ход̇и. нимид̇д̇асан̃н̃ам̣ гад̇ваад̇и сан̇гзд̇ам̣ гад̇ваа. д̣̇аарагаад̇и д̇зсам̣ буд̇д̇анад̇д̇аад̣̇аяо д̣̇аарагаа. ан̃н̃зби яз гзжи г̇обагаа хонд̇и, д̇з саб̣б̣зби вуд̇д̇аа. саб̣б̣ад̇т̇ааби г̇ихийнам̣ г̇обагад̣̇аанз яад̇д̇агам̣ г̇обагаа д̣̇знд̇и, д̇ад̇д̇агам̣ г̇ахзд̇аб̣б̣ам̣. сан̇гхигз бана яат̇аабарижчзд̣̇амзва г̇ахзд̇аб̣б̣анд̇и д̣̇ийбид̇ад̇д̇аа ‘‘ад̇т̇ад̇о зга’’нд̇и вуд̇д̇ам̣.
Paṇṇaṃ āropetvāti ‘‘ettakeheva rukkhehi ettakameva gahetabba’’nti paṇṇaṃ āropetvā, likhitvāti vuttaṃ hoti. Nimittasaññaṃ katvāti saṅketaṃ katvā. Dārakāti tesaṃ puttanattādayo dārakā. Aññepi ye keci gopakā honti, te sabbepi vuttā. Sabbatthāpi gihīnaṃ gopakadāne yattakaṃ gopakā denti, tattakaṃ gahetabbaṃ. Saṅghike pana yathāparicchedameva gahetabbanti dīpitattā ‘‘atthato eka’’nti vuttaṃ.
д̇ад̇од̇и яат̇аавуд̇д̇аубосат̇ааг̇аараад̣̇игаран̣ад̇т̇ааяа табид̇ад̣̇аарусамбхаарад̇о. аабужчид̇ваад̇и гаарагасан̇гхам̣ аабужчид̇ваа. д̇ам̣ саб̣б̣амби аахарид̇ваад̇и анаабужчид̇вааби д̇аавагаалигам̣ аахарид̇ваа. аахараабзнд̇од̇и зд̇т̇а анаахараабзнд̇зби д̣̇аад̇аб̣б̣амзва. аяамзва бхигку иссарод̇и згасса бхигкуно баабун̣анадтаанам̣, д̇ад̇оязва сзнаасанад̇о д̇асса д̣̇аад̇аб̣б̣ам̣, на жа со д̇ад̇о удтаабзд̇аб̣б̣од̇и вуд̇д̇ам̣ ход̇и.
Tatoti yathāvuttauposathāgārādikaraṇatthāya ṭhapitadārusambhārato. Āpucchitvāti kārakasaṅghaṃ āpucchitvā. Taṃ sabbampi āharitvāti anāpucchitvāpi tāvakālikaṃ āharitvā. Āharāpentoti ettha anāharāpentepi dātabbameva. Ayameva bhikkhu issaroti ekassa bhikkhuno pāpuṇanaṭṭhānaṃ, tatoyeva senāsanato tassa dātabbaṃ, na ca so tato uṭṭhāpetabboti vuttaṃ hoti.
‘‘уд̣̇агабууж̇анд̇и жзд̇ияадтаанзсу син̃жана’’нд̇и г̇ан̣тибад̣̇зсу вуд̇д̇ам̣. вад̇д̇асийсзнаад̇и гзвалам̣ сад̣̇д̇хааяа, на взд̇анаад̣̇иад̇т̇ааяа. савад̇т̇уганд̇и саха бхуумияаа. д̇ин̣амад̇д̇ам̣ бана д̣̇аад̇аб̣б̣анд̇и гасмаа вуд̇д̇ам̣, гим̣ д̇ам̣ г̇арубхан̣д̣ам̣ на ход̇ийд̇и? на ход̇и. арагкид̇ааг̇обид̇адтаанз хи винассагабхаавзна тид̇ам̣ г̇арубхан̣д̣ам̣ на ход̇и, д̇асмаа д̇аад̣̇исам̣ санд̇хааяа ‘‘д̇ин̣амад̇д̇ам̣ бана д̣̇аад̇аб̣б̣а’’нд̇и вуд̇д̇ам̣. ж̇аг̇г̇ид̇ваад̇и сам̣важчарз сам̣важчарз ж̇аг̇г̇ид̇ваа.
‘‘Udakapūjanti cetiyaṭṭhānesu siñcana’’nti gaṇṭhipadesu vuttaṃ. Vattasīsenāti kevalaṃ saddhāya, na vetanādiatthāya. Savatthukanti saha bhūmiyā. Tiṇamattaṃ pana dātabbanti kasmā vuttaṃ, kiṃ taṃ garubhaṇḍaṃ na hotīti? Na hoti. Arakkhitaagopitaṭṭhāne hi vinassakabhāvena ṭhitaṃ garubhaṇḍaṃ na hoti, tasmā tādisaṃ sandhāya ‘‘tiṇamattaṃ pana dātabba’’nti vuttaṃ. Jaggitvāti saṃvacchare saṃvacchare jaggitvā.
гудданд̇и г̇зхабхид̇д̇им̣. баагааранд̇и баригкзбабаагаарам̣. д̇ад̇од̇и чад̣д̣ид̇авихаарад̇о. д̇ад̇о аахарид̇ваа сзнаасанам̣ гад̇ам̣ ход̇ийд̇и сааманд̇аг̇аамаваасийхи бхигкуухи чад̣д̣ид̇авихаарад̇о д̣̇аарусамбхаараад̣̇им̣ аахарид̇ваа сзнаасанам̣ гад̇ам̣ ход̇и.
Kuṭṭanti gehabhittiṃ. Pākāranti parikkhepapākāraṃ. Tatoti chaḍḍitavihārato. Tatoāharitvā senāsanaṃ kataṃ hotīti sāmantagāmavāsīhi bhikkhūhi chaḍḍitavihārato dārusambhārādiṃ āharitvā senāsanaṃ kataṃ hoti.
157. жад̇убхааг̇ауд̣̇агасамбхиннзд̇и жад̇уд̇т̇абхааг̇зна уд̣̇агзна самбхиннз. од̣̇анабхааж̇анийяавад̇т̇усминд̇и ‘‘д̣̇зхи абарасса бхааг̇а’’нд̇и ааг̇ад̇авад̇т̇усмим̣.
157.Catubhāgaudakasambhinneti catutthabhāgena udakena sambhinne. Odanabhājanīyavatthusminti ‘‘dehi aparassa bhāga’’nti āgatavatthusmiṃ.
159. аяяаа ад̇д̇анаа гаад̇ум̣ яуд̇д̇амби на гаронд̇и, ад̇ивияа т̇ад̣̇д̇хаад̇и басаад̣̇ам̣ бхинд̣̇ид̇ваа жид̇д̇зна губбанд̇и, д̇асмаа ‘‘басаад̣̇аанурагкан̣ад̇т̇ааяаа’’д̇и вуд̇д̇ам̣. ид̣̇д̇хим̣ бадисам̣харийд̇и ид̣̇д̇хим̣ виссаж̇ж̇зси. сагадтаанзязва адтаасийд̇и ид̣̇д̇хияаа виссаж̇ж̇ид̇ад̇д̇аа зва ‘‘баасаад̣̇о буна ааг̇ажчад̇уу’’д̇и анад̇хидтид̇зби саяамзва ааг̇анд̇ваа сагадтаанзязва адтааси. ‘‘яаава д̣̇аарагаа баасаад̣̇ам̣ аароханд̇и, д̇аава баасаад̣̇о д̇зсам̣ санд̇игз ход̇уу’’д̇и буб̣б̣з ад̇хидтид̇ад̇д̇аа зва жа гаалабарижчзд̣̇ам̣ гад̇ваа ад̇хидтид̇зна д̇ад̇о барам̣ ид̣̇д̇хи виссаж̇ж̇ид̇аа наама ход̇ийд̇и гад̇ваа вуд̇д̇ам̣ ‘‘т̇зро ид̣̇д̇хим̣ бадисам̣харий’’д̇и. яасмаа д̇з д̣̇аарагаа звам̣ г̇ахзд̇ваа г̇ад̇аанам̣ санд̇агаа на хонд̇и, яасмаа жа ийд̣̇исзна баяог̇зна т̇зрзна д̇з аанийд̇аа наама на хонд̇и, д̇асмаа т̇зро звамагаасийд̇и д̣̇адтаб̣б̣ам̣. д̇знзвааха ‘‘вохааравасзнаа’’д̇иаад̣̇и. ад̇д̇ано багад̇иван̣н̣ам̣ авиж̇ахид̇ваа б̣ахид̣̇д̇хаа хад̇т̇иаад̣̇ид̣̇ассанам̣ ‘‘згоби худ̇ваа б̣ахуд̇хаа ход̇ий’’д̇и (д̣̇ий. ни. 1.238; ма. ни. 1.147; сам̣. ни. 5.842) ааг̇ад̇ан̃жа ад̇хидтаанавасзна нибпаннад̇д̇аа ад̇хидтаанид̣̇д̇хи наама. ‘‘со багад̇иван̣н̣ам̣ виж̇ахид̇ваа гумаарагаван̣н̣ам̣ ваа д̣̇ассзд̇и нааг̇аван̣н̣ам̣ ваа…бз… вивид̇хамби сзнааб̣яуухам̣ д̣̇ассзд̇ий’’д̇и (бади. ма. 3.13) звам̣ ааг̇ад̇аа ид̣̇д̇хи багад̇иван̣н̣авиж̇аханавигааравасзна бавад̇д̇ад̇д̇аа вигуб̣б̣анид̣̇д̇хи наама. ад̇д̇аанам̣ ад̣̇ассзд̇ваа б̣ахид̣̇д̇хаа хад̇т̇иаад̣̇ид̣̇ассанамби зд̇т̇зва сан̇г̇ахид̇анд̇и д̣̇адтаб̣б̣ам̣. багад̇иван̣н̣авиж̇аханан̃хи наама ад̇д̇ано багад̇ируубасса ан̃н̃зсам̣ ад̣̇ассанам̣, на саб̣б̣зна саб̣б̣ам̣ д̇асса нирод̇ханам̣. зван̃жа гад̇ваа ‘‘ад̇д̇аанам̣ ад̣̇ассзд̇ваа б̣ахид̣̇д̇хаа хад̇т̇иаад̣̇ид̣̇ассанамби зд̇т̇зва сан̇г̇ахид̇а’’нд̇и ид̣̇ам̣ ‘‘багад̇иван̣н̣ам̣ виж̇ахид̇ваа’’д̇и вуд̇д̇амуулабад̣̇зна на вируж̇жхад̇и.
159. Ayyā attanā kātuṃ yuttampi na karonti, ativiya thaddhāti pasādaṃ bhinditvā cittena kuppanti, tasmā ‘‘pasādānurakkhaṇatthāyā’’ti vuttaṃ. Iddhiṃ paṭisaṃharīti iddhiṃ vissajjesi. Sakaṭṭhāneyeva aṭṭhāsīti iddhiyā vissajjitattā eva ‘‘pāsādo puna āgacchatū’’ti anadhiṭṭhitepi sayameva āgantvā sakaṭṭhāneyeva aṭṭhāsi. ‘‘Yāva dārakā pāsādaṃ ārohanti, tāva pāsādo tesaṃ santike hotū’’ti pubbe adhiṭṭhitattā eva ca kālaparicchedaṃ katvā adhiṭṭhitena tato paraṃ iddhi vissajjitā nāma hotīti katvā vuttaṃ ‘‘thero iddhiṃ paṭisaṃharī’’ti. Yasmā te dārakā evaṃ gahetvā gatānaṃ santakā na honti, yasmā ca īdisena payogena therena te ānītā nāma na honti, tasmā thero evamakāsīti daṭṭhabbaṃ. Tenevāha ‘‘vohāravasenā’’tiādi. Attano pakativaṇṇaṃ avijahitvā bahiddhā hatthiādidassanaṃ ‘‘ekopi hutvā bahudhā hotī’’ti (dī. ni. 1.238; ma. ni. 1.147; saṃ. ni. 5.842) āgatañca adhiṭṭhānavasena nipphannattā adhiṭṭhāniddhi nāma. ‘‘So pakativaṇṇaṃ vijahitvā kumārakavaṇṇaṃ vā dasseti nāgavaṇṇaṃ vā…pe… vividhampi senābyūhaṃ dassetī’’ti (paṭi. ma. 3.13) evaṃ āgatā iddhi pakativaṇṇavijahanavikāravasena pavattattā vikubbaniddhi nāma. Attānaṃ adassetvā bahiddhā hatthiādidassanampi ettheva saṅgahitanti daṭṭhabbaṃ. Pakativaṇṇavijahanañhi nāma attano pakatirūpassa aññesaṃ adassanaṃ, na sabbena sabbaṃ tassa nirodhanaṃ. Evañca katvā ‘‘attānaṃ adassetvā bahiddhā hatthiādidassanampi ettheva saṅgahita’’nti idaṃ ‘‘pakativaṇṇaṃ vijahitvā’’ti vuttamūlapadena na virujjhati.
винийд̇авад̇т̇уван̣н̣анаа нидтид̇аа.
Vinītavatthuvaṇṇanā niṭṭhitā.
ид̇и саманд̇абаасаад̣̇игааяа винаяадтагат̇ааяа саарад̇т̇ад̣̇ийбанияам̣
Iti samantapāsādikāya vinayaṭṭhakathāya sāratthadīpaniyaṃ
д̣̇уд̇ияабаарааж̇игаван̣н̣анаа самад̇д̇аа.
Dutiyapārājikavaṇṇanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
винийд̇авад̇т̇уван̣н̣анаа • Vinītavatthuvaṇṇanā
гусасан̇гааманавад̇т̇угат̇ааван̣н̣анаа • Kusasaṅkāmanavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
винийд̇авад̇т̇уван̣н̣анаа • Vinītavatthuvaṇṇanā
гусасан̇гааманавад̇т̇угат̇ааван̣н̣анаа • Kusasaṅkāmanavatthukathāvaṇṇanā
