| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
винийд̇авад̇т̇уван̣н̣анаа
Vinītavatthuvaṇṇanā
180. маран̣ад̇т̇игаава худ̇ваад̇и имасса гааяасса бхзд̣̇зна саг̇г̇абаабанаад̇хиббааяад̇д̇аа ад̇т̇ад̇о маран̣ад̇т̇игаава худ̇ваа. маран̣ад̇т̇игабхаавам̣ аж̇аананд̇аад̇и звам̣ ад̇хиббааяино маран̣ад̇т̇игаа наама хонд̇ийд̇и ад̇д̇ано маран̣ад̇т̇игабхаавам̣ аж̇аананд̇аа. на хи д̇з ад̇д̇ано жид̇д̇аббавад̇д̇им̣ на ж̇аананд̇и. вохааравасзнаад̇и буб̣б̣абхааг̇авохааравасзна, маран̣аад̇хиббааяасса саннидтаабагажзд̇анаагкан̣з гарун̣ааяа абхаавад̇о гаарун̃н̃зна баасз б̣ад̣̇д̇хасуугараможанам̣ вияа на ход̇ийд̇и ад̇хиббааяо. яат̇ааяунаад̇и вуд̇д̇амзвад̇т̇ам̣ яат̇аанусанд̇хинаад̇и барияааяанд̇арзна вуд̇д̇ам̣, яат̇аанусанд̇хинаа яат̇ааяубарижчзд̣̇знаад̇и вуд̇д̇ам̣ ход̇и. ат̇а ваа яат̇аанусанд̇хинаад̇и яат̇аануббаб̣анд̇хзна, яаава д̇асмим̣ бхавз санд̇аанасса ануббаб̣анд̇хо авижчиннаббавад̇д̇и ход̇и, д̇аава тад̇ваад̇и вуд̇д̇ам̣ ход̇и.
180.Maraṇatthikāva hutvāti imassa kāyassa bhedena saggapāpanādhippāyattā atthato maraṇatthikāva hutvā. Maraṇatthikabhāvaṃ ajānantāti evaṃ adhippāyino maraṇatthikā nāma hontīti attano maraṇatthikabhāvaṃ ajānantā. Na hi te attano cittappavattiṃ na jānanti. Vohāravasenāti pubbabhāgavohāravasena, maraṇādhippāyassa sanniṭṭhāpakacetanākkhaṇe karuṇāya abhāvato kāruññena pāse baddhasūkaramocanaṃ viya na hotīti adhippāyo. Yathāyunāti vuttamevatthaṃ yathānusandhināti pariyāyantarena vuttaṃ, yathānusandhinā yathāyuparicchedenāti vuttaṃ hoti. Atha vā yathānusandhināti yathānuppabandhena, yāva tasmiṃ bhave santānassa anuppabandho avicchinnappavatti hoti, tāva ṭhatvāti vuttaṃ hoti.
аббадивзгкид̇ваад̇и анубабаригкид̇ваа. уд̣̇д̇хам̣ ваа ад̇хо ваа сан̇гаманд̇ийд̇и бажчаа ааг̇ад̇аанам̣ огаасад̣̇аанад̇т̇ам̣ нисиннабаал̣ияаа уд̣̇д̇хам̣ ваа ад̇хо ваа г̇ажчанд̇и. бажжавзгкан̣агижжам̣ над̇т̇ийд̇и бажчаа ааг̇ад̇зхи убабаригкан̣агижжам̣ над̇т̇и. хздтаа гисмин̃жи виж̇ж̇амаанз саадагам̣ вали на г̇ан̣хаад̇ийд̇и ааха ‘‘д̇асмим̣ вали на бан̃н̃ааяад̇ий’’д̇и. бадивзгкан̣ан̃жзд̣̇ам̣ г̇ихийнам̣ санд̇агзязваад̇и д̣̇адтаб̣б̣ам̣.
Appaṭivekkhitvāti anupaparikkhitvā. Uddhaṃ vā adho vā saṅkamantīti pacchā āgatānaṃ okāsadānatthaṃ nisinnapāḷiyā uddhaṃ vā adho vā gacchanti. Paccavekkhaṇakiccaṃ natthīti pacchā āgatehi upaparikkhaṇakiccaṃ natthi. Heṭṭhā kismiñci vijjamāne sāṭakaṃ vali na gaṇhātīti āha ‘‘tasmiṃ vali na paññāyatī’’ti. Paṭivekkhaṇañcedaṃ gihīnaṃ santakeyevāti daṭṭhabbaṃ.
баал̣ияам̣ мусалз уссид̇зд̇и ан̃н̃аман̃н̃ам̣ убад̇т̇амбхзд̇ваа д̣̇вийсу мусалзсу уссид̇зсууд̇и ад̇т̇о. уд̣̇угкалабхан̣д̣иганд̇и уд̣̇угкалад̇т̇ааяа аанийд̇ам̣ д̣̇аарубхан̣д̣ам̣. бадиб̣ад̣̇д̇ханд̇и бхож̇анабадиб̣ад̣̇д̇хам̣, бхож̇ананд̇арааяанд̇и вуд̇д̇ам̣ ход̇и.
Pāḷiyaṃ musale ussiteti aññamaññaṃ upatthambhetvā dvīsu musalesu ussitesūti attho. Udukkhalabhaṇḍikanti udukkhalatthāya ānītaṃ dārubhaṇḍaṃ. Paṭibaddhanti bhojanapaṭibaddhaṃ, bhojanantarāyanti vuttaṃ hoti.
181. аг̇г̇агаариганд̇и зд̇т̇а гааригаа-сад̣̇д̣̇асса бхаававажанад̇д̇аа ‘‘аг̇г̇агирияа’’нд̇и ад̇т̇ам̣ вад̇вааби яасмаа гирияам̣ д̣̇аад̇ум̣ на саггаа, д̇асмаа д̣̇аанасан̇каад̇ааяа аг̇г̇агирияааяа яуд̇д̇ам̣ бин̣д̣абаад̇амзва ид̇ха убажааравуд̇д̇ияаа ‘‘аг̇г̇агирияаа’’д̇и г̇ахзд̇аб̣б̣анд̇и ааха ‘‘батамам̣ лад̣̇д̇хабин̣д̣абаад̇а’’нд̇иаад̣̇и.
181.Aggakārikanti ettha kārikā-saddassa bhāvavacanattā ‘‘aggakiriya’’nti atthaṃ vatvāpi yasmā kiriyaṃ dātuṃ na sakkā, tasmā dānasaṅkhātāya aggakiriyāya yuttaṃ piṇḍapātameva idha upacāravuttiyā ‘‘aggakiriyā’’ti gahetabbanti āha ‘‘paṭhamaṃ laddhapiṇḍapāta’’ntiādi.
182-183. д̣̇ан̣д̣амуг̇г̇аранд̇и никаад̣̇анамуг̇г̇арам̣. вибхад̇д̇иб̣яад̇д̇аязнаад̇и вибхад̇д̇ивибарин̣аамзна. висзсаад̇хиг̇амод̇и самаад̇хи вибассанаа жа ад̇ивияа баагадад̇д̇аа ‘‘хад̇т̇аббад̇д̇о вияа д̣̇иссад̇ий’’д̇и вуд̇д̇ам̣. убажчинд̣̇ад̇ийд̇и ‘‘висзсаад̇хиг̇амасса вигкзбо маа ход̇уу’’д̇и аахаарам̣ убажчинд̣̇ад̇и. висзсаад̇хиг̇аманд̇и логуд̇д̇арад̇хаммабадилаабхам̣. б̣яаагарид̇ваад̇и аарожзд̇ваа. убажчинд̣̇ад̇и, на ваддад̇ийд̇и яасмаа сабхааг̇аанам̣ лаж̇ж̇ибхигкуунам̣язва арияаа ад̇д̇анаа ад̇хиг̇ад̇ависзсам̣ д̇аад̣̇исз гааран̣з сад̇и аарожзнд̇и, д̇з жа бхигкуу аббад̇ируубааяа анзсанааяа бажжаяам̣ на бариязсанд̇и, д̇асмаа д̇зхи бариязсид̇абажжаяз гуггужжам̣ уббаад̣̇зд̇ваа аахаарам̣ убажчинд̣̇ид̇ум̣ на ваддад̇ийд̇и ад̇т̇о. сабхааг̇аанан̃хи б̣яаагад̇ад̇д̇аа убажчинд̣̇ид̇ум̣ на лабхад̇и. д̇з хи габбияакзд̇д̇ам̣. д̇знзва ‘‘сабхааг̇аанан̃хи лаж̇ж̇ибхигкуунам̣ гат̇зд̇ум̣ ваддад̇ий’’д̇и ид̣̇ам̣ ‘‘убажчинд̣̇ад̇и, на ваддад̇ий’’д̇и имасса гааран̣ам̣ д̣̇ассзнд̇зна вуд̇д̇анд̇и д̇ийсуби г̇ан̣тибад̣̇зсу вуд̇д̇ам̣.
182-183.Daṇḍamuggaranti nikhādanamuggaraṃ. Vibhattibyattayenāti vibhattivipariṇāmena. Visesādhigamoti samādhi vipassanā ca ativiya pākaṭattā ‘‘hatthappatto viya dissatī’’ti vuttaṃ. Upacchindatīti ‘‘visesādhigamassa vikkhepo mā hotū’’ti āhāraṃ upacchindati. Visesādhigamanti lokuttaradhammapaṭilābhaṃ. Byākaritvāti ārocetvā. Upacchindati, na vaṭṭatīti yasmā sabhāgānaṃ lajjibhikkhūnaṃyeva ariyā attanā adhigatavisesaṃ tādise kāraṇe sati ārocenti, te ca bhikkhū appatirūpāya anesanāya paccayaṃ na pariyesanti, tasmā tehi pariyesitapaccaye kukkuccaṃ uppādetvā āhāraṃ upacchindituṃ na vaṭṭatīti attho. Sabhāgānañhi byākatattā upacchindituṃ na labhati. Te hi kappiyakhettaṃ. Teneva ‘‘sabhāgānañhi lajjibhikkhūnaṃ kathetuṃ vaṭṭatī’’ti idaṃ ‘‘upacchindati, na vaṭṭatī’’ti imassa kāraṇaṃ dassentena vuttanti tīsupi gaṇṭhipadesu vuttaṃ.
ат̇а ваа висзсаад̇хиг̇амам̣ б̣яаагарид̇ваад̇и ид̣̇ам̣ висзсасса ад̇хиг̇ад̇абхаавад̣̇ассанад̇т̇ам̣ вуд̇д̇ам̣. ад̇хиг̇аманд̇арааяам̣ асан̇ганд̇знзва жа аахаарубажчзд̣̇о гаад̇аб̣б̣од̇и анун̃н̃аад̇ад̇д̇аа ад̇хиг̇ад̇зна на гаад̇аб̣б̣од̇и д̣̇ассзд̇ум̣ ‘‘висзсаад̇хиг̇амам̣ б̣яаагарид̇ваа аахаарам̣ убажчинд̣̇ад̇и, на ваддад̇ий’’д̇и вуд̇д̇ам̣. гим̣ бана арияаа ад̇д̇анаа ад̇хиг̇ад̇ависзсам̣ ан̃н̃зсам̣ аарожзнд̇ийд̇и имиссаа жод̣̇анааяа ‘‘сабхааг̇аанан̃хи лаж̇ж̇ибхигкуунам̣ гат̇зд̇ум̣ ваддад̇ий’’д̇и вуд̇д̇ам̣. аяамзд̇т̇а яуд̇д̇ад̇арод̇и амхаагам̣ канд̇и, г̇ан̣тибад̣̇зби аяамад̇т̇о д̣̇ассид̇оязваад̇и. бхан̣д̣агам̣ д̇хованд̇аад̇и жийварам̣ д̇хованд̇аа. д̇хованад̣̇ан̣д̣аганд̇и бхан̣д̣ад̇хованад̣̇ан̣д̣ам̣.
Atha vā visesādhigamaṃ byākaritvāti idaṃ visesassa adhigatabhāvadassanatthaṃ vuttaṃ. Adhigamantarāyaṃ asaṅkanteneva ca āhārupacchedo kātabboti anuññātattā adhigatena na kātabboti dassetuṃ ‘‘visesādhigamaṃ byākaritvā āhāraṃ upacchindati, na vaṭṭatī’’ti vuttaṃ. Kiṃ pana ariyā attanā adhigatavisesaṃ aññesaṃ ārocentīti imissā codanāya ‘‘sabhāgānañhi lajjibhikkhūnaṃ kathetuṃ vaṭṭatī’’ti vuttaṃ. Ayamettha yuttataroti amhākaṃ khanti, gaṇṭhipadepi ayamattho dassitoyevāti. Bhaṇḍakaṃ dhovantāti cīvaraṃ dhovantā. Dhovanadaṇḍakanti bhaṇḍadhovanadaṇḍaṃ.
184. ахам̣ гуггужжагод̇и ‘‘мама гирияааяа марзяяа ну ко, но ваа’’д̇и звам̣ ж̇аад̇агуггужжаго. саб̣б̣ад̇т̇ааби банзд̇т̇а зваруубзсу вад̇т̇уусу амад̇з т̇уллажжаяасса вуд̇д̇ад̇д̇аа д̇зна гад̇аббаяог̇зна д̣̇угкавзд̣̇анаа уббаж̇ж̇ад̇у ваа маа ваа, баарааж̇игааяа абхаавад̇о бхаг̇авад̇о важанзна т̇уллажжаяамзваад̇и вад̣̇анд̇и.
184.Ahaṃ kukkuccakoti ‘‘mama kiriyāya mareyya nu kho, no vā’’ti evaṃ jātakukkuccako. Sabbatthāpi panettha evarūpesu vatthūsu amate thullaccayassa vuttattā tena katappayogena dukkhavedanā uppajjatu vā mā vā, pārājikāya abhāvato bhagavato vacanena thullaccayamevāti vadanti.
185. г̇аб̣бхо бад̇ад̇и зд̇знаад̇и г̇аб̣бхабаад̇анам̣, д̇аад̣̇исам̣ бхзсаж̇ж̇ам̣. д̇знааха ‘‘язна барибхуд̇д̇знаа’’д̇иаад̣̇и . ‘‘маран̣аван̣н̣ам̣ ваа сам̣ван̣н̣зяяаа’’д̇и вуд̇д̇ад̇д̇аа барияааяад̇о аабад̇д̇имогко на ход̇ийд̇и ааха ‘‘барияааяо наама над̇т̇ий’’д̇и.
185. Gabbho patati etenāti gabbhapātanaṃ, tādisaṃ bhesajjaṃ. Tenāha ‘‘yena paribhuttenā’’tiādi . ‘‘Maraṇavaṇṇaṃ vā saṃvaṇṇeyyā’’ti vuttattā pariyāyato āpattimokkho na hotīti āha ‘‘pariyāyo nāma natthī’’ti.
г̇аб̣бхам̣ на г̇ан̣хаад̇ийд̇и г̇аб̣бхам̣ на д̇хаарзд̇и. ваад̇зна баан̣агзхи ваа г̇аб̣бхо винассанд̇о гаммам̣ винаа на нассад̇ийд̇и ад̇хиббааязна ‘‘д̣̇вийхаагаарзхий’’д̇и вуд̇д̇ам̣. д̣̇ийгханигааяадтагат̇ааяам̣ (д̣̇ий. ни. адта. 1.26) бана ‘‘г̇аб̣бхо хи ваад̇зна баан̣агзхи гаммунаа жаад̇и д̇ийхи гааран̣зхи винассад̇ий’’д̇и вад̇ваа ‘‘гаммунаа винассанд̇з бана б̣уд̣̇д̇хааби бадиб̣аахид̇ум̣ на саггонд̇ий’’д̇и вуд̇д̇ам̣. д̇ад̇т̇а ваад̇зна баан̣агзхи ваа г̇аб̣бхз винассанд̇з на буримагаммунаа огаасо гад̇о, абижа д̇аббажжаяаа гаммам̣ вибажжад̇и, саяамзва бана гаммунаа огаасз гад̇з на зганд̇зна ваад̇о баан̣агаа ваа абзгкид̇аб̣б̣аад̇и иминаа ад̇хиббааязна гаммасса висум̣ гааран̣абхааво вуд̇д̇од̇и д̣̇адтаб̣б̣ам̣. баан̣агаа каад̣̇ид̇ваа анд̇арад̇хаабзнд̇ийд̇и яож̇зд̇аб̣б̣ам̣. авиж̇ааяанад̇т̇ааяа бхзсаж̇ж̇ам̣ д̣̇знд̇асса гужчияам̣ уббаж̇ж̇ид̇ваа винассиссанд̇ийд̇и иминаа ад̇хиббааязна д̣̇иннз обаад̇агкан̣анаад̣̇ийсу вияа гаммаб̣ад̣̇д̇хо, гужчияам̣ на уббаж̇ж̇иссанд̇ийд̇и иминаа бана ад̇хиббааязна д̣̇иннз нзвад̇т̇и гаммаб̣ад̣̇д̇хо.
Gabbhaṃ na gaṇhātīti gabbhaṃ na dhāreti. Vātena pāṇakehi vā gabbho vinassanto kammaṃ vinā na nassatīti adhippāyena ‘‘dvīhākārehī’’ti vuttaṃ. Dīghanikāyaṭṭhakathāyaṃ (dī. ni. aṭṭha. 1.26) pana ‘‘gabbho hi vātena pāṇakehi kammunā cāti tīhi kāraṇehi vinassatī’’ti vatvā ‘‘kammunā vinassante pana buddhāpi paṭibāhituṃ na sakkontī’’ti vuttaṃ. Tattha vātena pāṇakehi vā gabbhe vinassante na purimakammunā okāso kato, apica tappaccayā kammaṃ vipaccati, sayameva pana kammunā okāse kate na ekantena vāto pāṇakā vā apekkhitabbāti iminā adhippāyena kammassa visuṃ kāraṇabhāvo vuttoti daṭṭhabbaṃ. Pāṇakā khāditvā antaradhāpentīti yojetabbaṃ. Avijāyanatthāya bhesajjaṃ dentassa kucchiyaṃ uppajjitvā vinassissantīti iminā adhippāyena dinne opātakkhaṇanādīsu viya kammabaddho, kucchiyaṃ na uppajjissantīti iminā pana adhippāyena dinne nevatthi kammabaddho.
сахад̇хаммигаананд̇и згасса сад̇т̇уно саасанз сахасигкамаанад̇хаммаанам̣. бан̃жаннамби вивадданиссид̇асийлад̇д̇аа ‘‘самасийласад̣̇д̇хаабан̃н̃аана’’нд̇и вуд̇д̇ам̣. н̃аад̇агабаваарид̇адтаанад̇од̇и ад̇д̇ано д̇зсам̣ ваа н̃аад̇агабаваарид̇адтаанад̇о. г̇илаанассад̇т̇ааяа аббаваарид̇адтаанад̇оби вин̃н̃ад̇д̇ияаа анун̃н̃аад̇ад̇д̇аа гад̇ааби агад̇аа вияаад̇и агад̇авин̃н̃ад̇д̇и, ‘‘вад̣̇а, бханд̇з, бажжаязнаа’’д̇и звам̣ агад̇абавааран̣адтаанз жа вин̃н̃ад̇д̇и агад̇авин̃н̃ад̇д̇и.
Sahadhammikānanti ekassa satthuno sāsane sahasikkhamānadhammānaṃ. Pañcannampi vivaṭṭanissitasīlattā ‘‘samasīlasaddhāpaññāna’’nti vuttaṃ. Ñātakapavāritaṭṭhānatoti attano tesaṃ vā ñātakapavāritaṭṭhānato. Gilānassatthāya appavāritaṭṭhānatopi viññattiyā anuññātattā katāpi akatā viyāti akataviññatti, ‘‘vada, bhante, paccayenā’’ti evaṃ akatapavāraṇaṭṭhāne ca viññatti akataviññatti.
бадияаад̣̇ияад̇ийд̇и самбаад̣̇зд̇и. агаад̇ум̣ на ваддад̇ийд̇и зд̇т̇а д̣̇уггадам̣ вад̣̇анд̇и. сахад̇хаммигзсу вуд̇д̇анаязнзваад̇и ‘‘имзсамби бан̃жаннам̣ агад̇авин̃н̃ад̇д̇ияааби бхзсаж̇ж̇ам̣ гаад̇ум̣ ваддад̇ий’’д̇и гурунд̣̇адтагат̇ааяам̣ вуд̇д̇ад̇д̇аа гат̇ид̇ам̣. яаава н̃аад̇агаа бассанд̇ийд̇и яаава д̇асса н̃аад̇агаа бассанд̇и. бид̇у бхаг̇иний бид̇ужчаа. маад̇у бхаад̇аа маад̇уло. наббахонд̇ийд̇и гаад̇ум̣ на саггонд̇и. сажзби на яаажанд̇ийд̇и ‘‘яаажид̇ум̣ д̣̇угка’’нд̇и ад̇хиббааязна яад̣̇и на яаажанд̇и. аабхог̇ам̣ гад̇ваад̇и ид̣̇ам̣ гад̇д̇аб̣б̣ад̇аад̣̇ассанавасзна вуд̇д̇ам̣, ‘‘аабхог̇ам̣ бана агад̇вааби д̣̇аад̇ум̣ ваддад̇ий’’д̇и д̇ийсуби г̇ан̣тибад̣̇зсу ликид̇ам̣. зд̇з д̣̇аса н̃аад̇агз табзд̇ваад̇и д̇зсам̣ буд̇д̇анад̇д̇аад̣̇аяоби д̇аббадиб̣ад̣̇д̇хад̇д̇аа н̃аад̇агаа зваад̇и д̇зби зд̇т̇зва сан̇г̇ахид̇аа. д̇зна ан̃н̃зсанд̇и иминаа ан̃н̃аад̇агаанам̣ г̇ахан̣ам̣ взд̣̇ид̇аб̣б̣ам̣. д̇знзвааха ‘‘зд̇зсам̣ буд̇д̇абарамбарааяаа’’д̇иаад̣̇и. гулабариваддод̇и гулаанам̣ бадибаади, гулабарамбараад̇и вуд̇д̇ам̣ ход̇и. ‘‘маяхам̣ д̣̇ассанд̇и гариссанд̇ий’’д̇и бажжаасааяа гаронд̇ассаби яаажид̇вааби г̇ахзд̇аб̣б̣адтаанад̇ааяа н̃аад̇агзсу взж̇ж̇агаммам̣ ваа гулад̣̇уусагаабад̇д̇и ваа на ход̇ийд̇и вад̣̇анд̇и. саб̣б̣абад̣̇зсуби винижчаяо взд̣̇ид̇аб̣б̣од̇и жуул̣амаад̇уяаад̇иаад̣̇ийсу саб̣б̣абад̣̇зсу ‘‘жуул̣амаад̇уяаа саамиго’’д̇иаад̣̇инаа яож̇зд̇ваа хздтаа вуд̇д̇анаязна винижчаяо взд̣̇ид̇аб̣б̣о.
Paṭiyādiyatīti sampādeti. Akātuṃ na vaṭṭatīti ettha dukkaṭaṃ vadanti. Sahadhammikesu vuttanayenevāti ‘‘imesampi pañcannaṃ akataviññattiyāpi bhesajjaṃ kātuṃ vaṭṭatī’’ti kurundaṭṭhakathāyaṃ vuttattā kathitaṃ. Yāva ñātakā passantīti yāva tassa ñātakā passanti. Pitu bhaginī pitucchā. Mātu bhātā mātulo. Nappahontīti kātuṃ na sakkonti. Sacepi na yācantīti ‘‘yācituṃ dukkha’’nti adhippāyena yadi na yācanti. Ābhogaṃ katvāti idaṃ kattabbatādassanavasena vuttaṃ, ‘‘ābhogaṃ pana akatvāpi dātuṃ vaṭṭatī’’ti tīsupi gaṇṭhipadesu likhitaṃ. Ete dasa ñātake ṭhapetvāti tesaṃ puttanattādayopi tappaṭibaddhattā ñātakā evāti tepi ettheva saṅgahitā. Tena aññesanti iminā aññātakānaṃ gahaṇaṃ veditabbaṃ. Tenevāha ‘‘etesaṃ puttaparamparāyā’’tiādi. Kulaparivaṭṭoti kulānaṃ paṭipāṭi, kulaparamparāti vuttaṃ hoti. ‘‘Mayhaṃ dassanti karissantī’’ti paccāsāya karontassapi yācitvāpi gahetabbaṭṭhānatāya ñātakesu vejjakammaṃ vā kuladūsakāpatti vā na hotīti vadanti. Sabbapadesupi vinicchayo veditabboti cūḷamātuyātiādīsu sabbapadesu ‘‘cūḷamātuyā sāmiko’’tiādinā yojetvā heṭṭhā vuttanayena vinicchayo veditabbo.
вуд̇д̇анаязна бариязсид̇ваад̇и иминаа ‘‘н̃аад̇исааман̣зрзхи ваа’’д̇иаад̣̇инаа вуд̇д̇амад̇т̇ам̣ ад̇ид̣̇иссад̇и. абажжаасийсанд̇знаад̇и ‘‘маяхам̣ д̣̇ассанд̇и гариссанд̇ий’’д̇и звам̣ ад̇д̇ано ад̇т̇ааяа абажжаасийсанд̇зна. бхигкусан̇гхасса бана убагаарагад̇д̇ам̣ бажжаасийсанд̇зна гаад̇ум̣ ваддад̇и. ‘‘бхзсаж̇ж̇ам̣ аажигкат̇аа’’д̇и вуд̇д̇зби яат̇аа ‘‘ан̃н̃аман̃н̃ам̣ бана гат̇аа гаад̇аб̣б̣аа’’д̇и ид̣̇ам̣ барияааяад̇д̇аа ваддад̇и, звам̣ хздтаа вуд̇д̇анаязна ‘‘ид̣̇ан̃жид̣̇ан̃жа г̇ахзд̇ваа гаронд̇ий’’д̇и иминаа барияааязна гат̇знд̇ассаби нзвад̇т̇и д̣̇осод̇и аажарияаа.
Vuttanayena pariyesitvāti iminā ‘‘ñātisāmaṇerehi vā’’tiādinā vuttamatthaṃ atidissati. Apaccāsīsantenāti ‘‘mayhaṃ dassanti karissantī’’ti evaṃ attano atthāya apaccāsīsantena. Bhikkhusaṅghassa pana upakārakattaṃ paccāsīsantena kātuṃ vaṭṭati. ‘‘Bhesajjaṃ ācikkhathā’’ti vuttepi yathā ‘‘aññamaññaṃ pana kathā kātabbā’’ti idaṃ pariyāyattā vaṭṭati, evaṃ heṭṭhā vuttanayena ‘‘idañcidañca gahetvā karontī’’ti iminā pariyāyena kathentassapi nevatthi dosoti ācariyā.
винаяалагкан̣ам̣ аж̇аананд̇асса анаажарияасса д̇ад̣̇ануруубавохаараасамбхавад̇о ийд̣̇исасса лаабхасса уббад̇д̇и наама над̇т̇ийд̇и ‘‘аажарияабхааг̇о наамааяа’’нд̇и вуд̇д̇ам̣, винаяз багад̇ан̃н̃унаа аажариязна лабхид̇аб̣б̣абхааг̇о аяанд̇и вуд̇д̇ам̣ ход̇и. бубпабууж̇анад̇т̇ааяа д̣̇иннзби агаббияавохаарзна вид̇хаанасса аяуд̇д̇ад̇д̇аа ‘‘габбияавасзнаа’’д̇и вуд̇д̇ам̣, ‘‘бубпам̣ аахарат̇аа’’д̇иаад̣̇инаа габбияавохааравасзнаад̇и ад̇т̇о.
Vinayalakkhaṇaṃ ajānantassa anācariyassa tadanurūpavohārāsambhavato īdisassa lābhassa uppatti nāma natthīti ‘‘ācariyabhāgo nāmāya’’nti vuttaṃ, vinaye pakataññunā ācariyena labhitabbabhāgo ayanti vuttaṃ hoti. Pupphapūjanatthāya dinnepi akappiyavohārena vidhānassa ayuttattā ‘‘kappiyavasenā’’ti vuttaṃ, ‘‘pupphaṃ āharathā’’tiādinā kappiyavohāravasenāti attho.
яад̣̇и ‘‘барид̇д̇ам̣ гарот̇аа’’д̇и вуд̇д̇з гаронд̇и, г̇ихивзяяааважжагаран̣адтаанз д̇идтад̇ийд̇и ‘‘барид̇д̇ам̣ гарот̇а, бханд̇зд̇и вуд̇д̇з на гаад̇аб̣б̣а’’нд̇и вуд̇д̇ам̣, ‘‘бхан̣ат̇аа’’д̇и вуд̇д̇з бана д̇хаммагат̇ааяа аж̇жхзсанадтаанз тид̇ад̇д̇аа ‘‘гаад̇аб̣б̣а’’нд̇и вуд̇д̇ам̣. д̇хамман̃хи анаж̇жхидтзнаби гат̇зд̇ум̣ ваддад̇и, баг̇зва аж̇жхидтзна. жаалзд̇ваа суд̇д̇ам̣ баримаж̇ж̇ид̇ваад̇и барид̇д̇ам̣ гаронд̇зна гаад̇аб̣б̣авид̇хим̣ д̣̇ассзд̇и. вихаарад̇о…бз… д̣̇уггаданд̇и ан̃н̃аад̇агаанам̣язва д̣̇ад̣̇ад̇о д̣̇уггадам̣. но жз ж̇аананд̇ийд̇и яад̣̇и звам̣ вад̇д̇ум̣ на ж̇аананд̇и. уд̣̇аганд̇и д̣̇агкин̣од̣̇агам̣. баад̣̇зсу абанийд̇зсу аваман̇г̇аласан̃н̃ино хонд̇ийд̇и ааха ‘‘на баад̣̇аа абанзд̇аб̣б̣аа’’д̇и . г̇анд̇ум̣ ваддад̇ийд̇и ‘‘бариваарад̇т̇ааяа ааг̇ажчанд̇уу’’д̇и вуд̇д̇зби звам̣ саллагкзд̇ваа г̇анд̇ум̣ ваддад̇и.
Yadi ‘‘parittaṃ karothā’’ti vutte karonti, gihiveyyāvaccakaraṇaṭṭhāne tiṭṭhatīti ‘‘parittaṃ karotha, bhanteti vutte na kātabba’’nti vuttaṃ, ‘‘bhaṇathā’’ti vutte pana dhammakathāya ajjhesanaṭṭhāne ṭhitattā ‘‘kātabba’’nti vuttaṃ. Dhammañhi anajjhiṭṭhenapi kathetuṃ vaṭṭati, pageva ajjhiṭṭhena. Cāletvā suttaṃ parimajjitvāti parittaṃ karontena kātabbavidhiṃ dasseti. Vihārato…pe… dukkaṭanti aññātakānaṃyeva dadato dukkaṭaṃ. No ce jānantīti yadi evaṃ vattuṃ na jānanti. Udakanti dakkhiṇodakaṃ. Pādesu apanītesu avamaṅgalasaññino hontīti āha ‘‘na pādā apanetabbā’’ti . Gantuṃ vaṭṭatīti ‘‘parivāratthāya āgacchantū’’ti vuttepi evaṃ sallakkhetvā gantuṃ vaṭṭati.
анаамадтабин̣д̣абаад̇од̇и абаб̣б̣аж̇ид̇асса хад̇т̇ад̇о лад̣̇д̇хо ад̇д̇анаа ан̃н̃зна ваа баб̣б̣аж̇ид̇зна аг̇г̇ахид̇ааг̇г̇о бин̣д̣абаад̇о. т̇аалагзд̇и иминаа бад̇д̇оби г̇ахид̇оязваад̇и д̣̇адтаб̣б̣ам̣. д̣̇аамаригажорассаад̇и раж̇ж̇ам̣ бад̇т̇аяамаанасса баагадажорасса. жоранааг̇авад̇т̇ууд̇и зд̇т̇а ‘‘жоранааг̇асса гира аамадтам̣ д̣̇знд̇о гуж̇жхиссад̇и, анаамадтам̣ на ваддад̇ийд̇и т̇зро бад̇д̇аг̇г̇ахан̣ахад̇т̇знзва аг̇г̇ам̣ г̇ахзд̇ваа бад̇д̇з бхад̇д̇ам̣ саб̣б̣амад̣̇ааси, со д̇зна д̇усси. ‘зд̇д̇агам̣ маяха’нд̇и бхад̇д̇асса згабассзязва т̇огам̣ табзд̇вааби буна д̇зна сад̣̇д̇хим̣ саб̣б̣амби д̣̇аад̇ум̣ ваддад̇ий’’д̇и жуул̣аг̇ан̣тибад̣̇з вуд̇д̇ам̣.
Anāmaṭṭhapiṇḍapātoti apabbajitassa hatthato laddho attanā aññena vā pabbajitena aggahitaaggo piṇḍapāto. Thālaketi iminā pattopi gahitoyevāti daṭṭhabbaṃ. Dāmarikacorassāti rajjaṃ patthayamānassa pākaṭacorassa. Coranāgavatthūti ettha ‘‘coranāgassa kira āmaṭṭhaṃ dento kujjhissati, anāmaṭṭhaṃ na vaṭṭatīti thero pattaggahaṇahattheneva aggaṃ gahetvā patte bhattaṃ sabbamadāsi, so tena tussi. ‘Ettakaṃ mayha’nti bhattassa ekapasseyeva thokaṃ ṭhapetvāpi puna tena saddhiṃ sabbampi dātuṃ vaṭṭatī’’ti cūḷagaṇṭhipade vuttaṃ.
аамисасса д̇хаммасса жа алаабхзна ад̇д̇ано барасса жа анд̇арз самбхаванд̇асса чид̣̇д̣̇асса виварасса бхзд̣̇асса бадисант̇аран̣ам̣ бид̣̇аханам̣ г̇ан̣ханам̣ бадисант̇ааро. аяан̃хи логасанниваасо алаб̣бхамаанзна аамисзна жа д̇хаммзна жаад̇и д̣̇вийхи чид̣̇д̣̇о, д̇асса д̇ам̣ чид̣̇д̣̇ам̣ яат̇аа на бан̃н̃ааяад̇и, звам̣ бийтасса вияа бажжад̇т̇аран̣зна аамисзна жа д̇хаммзна жа бадисант̇аран̣ам̣ аамисабадисант̇ааро д̇хаммабадисант̇ааро жаад̇и вужжад̇и. д̇ад̇т̇а д̇хаммабадисант̇ааро гассажи на гаад̇аб̣б̣о над̇т̇и. яасса гассажи хи г̇ахадтасса ваа баб̣б̣аж̇ид̇асса ваа д̇хаммзна сан̇г̇ахо гаад̇аб̣б̣оязва. ‘‘бадисант̇ааро бана гасса гаад̇аб̣б̣о, гасса на гаад̇аб̣б̣о’’д̇и ид̣̇ам̣ бана аамисабадисант̇аарам̣ санд̇хааяа вуд̇д̇ам̣. уб̣б̣аасзд̇ваад̇и саманд̇ад̇о д̇ияож̇анам̣ вилумбанд̇о мануссз балаабзд̇ваа ан̃н̃зсам̣ аваасам̣ гад̇ваа. сан̇гхассад̇т̇ааяа аахадаад̇и баагаваддад̇о д̇ам̣д̣̇ивасассад̇т̇ааяа аахадаа. варабод̇т̇ажид̇д̇ад̇т̇аран̣анд̇и анзгаббагаарауд̇д̇амаруубавижид̇д̇ад̇т̇аран̣ам̣.
Āmisassa dhammassa ca alābhena attano parassa ca antare sambhavantassa chiddassa vivarassa bhedassa paṭisantharaṇaṃ pidahanaṃ gaṇhanaṃ paṭisanthāro. Ayañhi lokasannivāso alabbhamānena āmisena ca dhammena cāti dvīhi chiddo, tassa taṃ chiddaṃ yathā na paññāyati, evaṃ pīṭhassa viya paccattharaṇena āmisena ca dhammena ca paṭisantharaṇaṃ āmisapaṭisanthāro dhammapaṭisanthāro cāti vuccati. Tattha dhammapaṭisanthāro kassaci na kātabbo natthi. Yassa kassaci hi gahaṭṭhassa vā pabbajitassa vā dhammena saṅgaho kātabboyeva. ‘‘Paṭisanthāro pana kassa kātabbo, kassa na kātabbo’’ti idaṃ pana āmisapaṭisanthāraṃ sandhāya vuttaṃ. Ubbāsetvāti samantato tiyojanaṃ vilumpanto manusse palāpetvā aññesaṃ avāsaṃ katvā. Saṅghassatthāya āhaṭāti pākavaṭṭato taṃdivasassatthāya āhaṭā. Varapotthacittattharaṇanti anekappakārauttamarūpavicittattharaṇaṃ.
187. сад̇д̇арасаваг̇г̇иязсу буб̣б̣з згасса ан̇г̇улибад̇од̣̇зна маарид̇ад̇д̇аа сзсасол̣асаж̇анзсу уд̣̇арам̣ аарухид̇ваа нисиннамзгам̣ табзд̇ваа ‘‘сзсааби баннараса ж̇анаа’’д̇и вуд̇д̇ам̣. ад̣̇уухалабаасаан̣аа вияаад̇и ад̣̇уухалз ааробид̇абаасаан̣аа вияа. гаммаад̇хиббааяаад̇и д̇аж̇ж̇анийяаад̣̇игаммагаран̣аад̇хиббааяаа. ааваахзд̇ваад̇и аависаабзд̇ваа. ваал̣авихааранд̇и жан̣д̣асад̇д̇зхи ад̇хидтид̇авихаарам̣.
187. Sattarasavaggiyesu pubbe ekassa aṅgulipatodena māritattā sesasoḷasajanesu udaraṃ āruhitvā nisinnamekaṃ ṭhapetvā ‘‘sesāpi pannarasa janā’’ti vuttaṃ. Adūhalapāsāṇā viyāti adūhale āropitapāsāṇā viya. Kammādhippāyāti tajjanīyādikammakaraṇādhippāyā. Āvāhetvāti āvisāpetvā. Vāḷavihāranti caṇḍasattehi adhiṭṭhitavihāraṃ.
189. яо ругкзна од̇т̇ад̇оби на марад̇ийд̇иаад̣̇ийсу яам̣ вад̇д̇аб̣б̣ам̣, д̇ам̣ бхууд̇аг̇аамасигкаабад̣̇адтагат̇ааяам̣ саяамзва вагкад̇и. зван̃хи д̇ад̇т̇а вуд̇д̇ам̣ (баажи. адта. 92) –
189.Yorukkhena otthatopi na maratītiādīsu yaṃ vattabbaṃ, taṃ bhūtagāmasikkhāpadaṭṭhakathāyaṃ sayameva vakkhati. Evañhi tattha vuttaṃ (pāci. aṭṭha. 92) –
‘‘мануссавиг̇г̇ахабаарааж̇игаван̣н̣анааяам̣ бана саб̣б̣аадтагат̇аасу ‘сажз бхигку ругкзна ваа аж̇жход̇т̇ад̇о ход̇и обаад̇з ваа бад̇ид̇о, саггаа жа ход̇и згзна бассзна ругкам̣ чинд̣̇ид̇ваа бхуумим̣ ваа кан̣ид̇ваа нигкамид̇ум̣, ж̇ийвид̇ахзд̇уби ад̇д̇анаа на гаад̇аб̣б̣ам̣, ан̃н̃зна бана бхигкунаа бхуумим̣ ваа кан̣ид̇ваа ругкам̣ ваа чинд̣̇ид̇ваа алларугкад̇о ваа д̣̇ан̣д̣агам̣ чинд̣̇ид̇ваа д̇ам̣ ругкам̣ баваддзд̇ваа нигкамаабзд̇ум̣ ваддад̇и, анаабад̇д̇ий’д̇и вуд̇д̇ам̣. д̇ад̇т̇а гааран̣ам̣ на д̣̇иссад̇и, ‘ануж̇аанаами, бхигкавз, д̣̇авад̣аахз д̣аяхамаанз бадаг̇г̇им̣ д̣̇аад̇ум̣ барид̇д̇ам̣ гаад̇у’нд̇и (жуул̣ава. 283) ид̣̇ам̣ бана згамзва суд̇д̇ам̣ д̣̇иссад̇и. сажз зд̇асса ануломам̣, ад̇д̇ано на ваддад̇и, ан̃н̃асса ваддад̇ийд̇и ид̣̇ам̣ наанаагаран̣ам̣ на саггаа лад̣̇д̇хум̣. ад̇д̇ано ад̇т̇ааяа гаронд̇о ад̇д̇асинзхзна агусалажид̇д̇знзва гарод̇и, баро бана гаарун̃н̃зна. д̇асмаа анаабад̇д̇ийд̇и жз, зд̇амби агааран̣ам̣. гусалажид̇д̇знаби хи имам̣ аабад̇д̇им̣ аабаж̇ж̇ад̇и, саб̣б̣адтагат̇аасу бана вуд̇д̇ад̇д̇аа на саггаа бадисзд̇хзд̇ум̣, г̇авзсид̇аб̣б̣аа зд̇т̇а яуд̇д̇и, адтагат̇аажарияаанам̣ ваа сад̣̇д̇хааяа г̇анд̇аб̣б̣а’’нд̇и.
‘‘Manussaviggahapārājikavaṇṇanāyaṃ pana sabbaaṭṭhakathāsu ‘sace bhikkhu rukkhena vā ajjhotthato hoti opāte vā patito, sakkā ca hoti ekena passena rukkhaṃ chinditvā bhūmiṃ vā khaṇitvā nikkhamituṃ, jīvitahetupi attanā na kātabbaṃ, aññena pana bhikkhunā bhūmiṃ vā khaṇitvā rukkhaṃ vā chinditvā allarukkhato vā daṇḍakaṃ chinditvā taṃ rukkhaṃ pavaṭṭetvā nikkhamāpetuṃ vaṭṭati, anāpattī’ti vuttaṃ. Tattha kāraṇaṃ na dissati, ‘anujānāmi, bhikkhave, davaḍāhe ḍayhamāne paṭaggiṃ dātuṃ parittaṃ kātu’nti (cūḷava. 283) idaṃ pana ekameva suttaṃ dissati. Sace etassa anulomaṃ, attano na vaṭṭati, aññassa vaṭṭatīti idaṃ nānākaraṇaṃ na sakkā laddhuṃ. Attano atthāya karonto attasinehena akusalacitteneva karoti, paro pana kāruññena. Tasmā anāpattīti ce, etampi akāraṇaṃ. Kusalacittenapi hi imaṃ āpattiṃ āpajjati, sabbaṭṭhakathāsu pana vuttattā na sakkā paṭisedhetuṃ, gavesitabbā ettha yutti, aṭṭhakathācariyānaṃ vā saddhāya gantabba’’nti.
д̇асмаа яам̣ зд̇т̇а ид̇о ан̃н̃ат̇аа гзнажи бабан̃жид̇ам̣, г̇ан̣тибад̣̇зсу жа гааран̣ам̣ вуд̇д̇ам̣, д̇ам̣ на саарад̇о бажжзд̇аб̣б̣ам̣.
Tasmā yaṃ ettha ito aññathā kenaci papañcitaṃ, gaṇṭhipadesu ca kāraṇaṃ vuttaṃ, taṃ na sārato paccetabbaṃ.
190. алла…бз… баажид̇д̇ияанд̇и сугкадтаанзби аг̇г̇им̣ баад̇зд̇ваа иминаа ад̇хиббааязна аалимбзнд̇асса баажид̇д̇ияамзва. д̣̇уггаданд̇и сугкадтаанз ваа сугкам̣ ‘‘асугка’’нд̇и ававад̇т̇абзд̇ваа ваа аг̇г̇им̣ баад̇знд̇асса д̣̇уггадам̣. гийл̣аад̇хиббааязби зсзва наяо. гийл̣аад̇хиббааяо жа бадабадааяамаанасад̣̇д̣̇ассаад̣̇авасзнзва взд̣̇ид̇аб̣б̣о. бадибагкабхууд̇о аг̇г̇и бадаг̇г̇и. барид̇д̇агаран̣анд̇и аарагкагаран̣ам̣. саяам̣ ваа удтид̇анд̇и ваад̇зрид̇аанам̣ взл̣уаад̣̇ийнам̣ ан̃н̃аман̃н̃асан̇гхадданзна самудтид̇ам̣. нирубаад̣̇аанод̇и инд̇ханарахид̇о.
190.Alla…pe… pācittiyanti sukkhaṭṭhānepi aggiṃ pātetvā iminā adhippāyena ālimpentassa pācittiyameva. Dukkaṭanti sukkhaṭṭhāne vā sukkhaṃ ‘‘asukkha’’nti avavatthapetvā vā aggiṃ pātentassa dukkaṭaṃ. Kīḷādhippāyepi eseva nayo. Kīḷādhippāyo ca paṭapaṭāyamānasaddassādavaseneva veditabbo. Paṭipakkhabhūto aggi paṭaggi. Parittakaraṇanti ārakkhakaraṇaṃ. Sayaṃ vā uṭṭhitanti vāteritānaṃ veḷuādīnaṃ aññamaññasaṅghaṭṭanena samuṭṭhitaṃ. Nirupādānoti indhanarahito.
191-192. кзд̇д̇амзва од̇ин̣н̣ад̇д̇аа баарааж̇иганд̇и ‘‘д̣̇вийхий’’д̇и вуд̇д̇з д̣̇вийхиби бахаарзхи маран̣асса бажжаасийсанад̇о згзна винаа д̣̇виннам̣ абхаавад̇о жа баарааж̇игам̣. ‘‘д̣̇вийхиязваад̇и нияамид̇з бана згзна бахаарзна маарид̇з над̇т̇и баарааж̇ига’’нд̇и вад̣̇анд̇и. батамам̣ аахид̇аб̣алавзг̇асса буб̣б̣аанужин̣н̣авасзна д̇хаммаанам̣ д̣̇зсанд̇аруббад̇д̇ияаа г̇аманамад̇д̇ам̣ табзд̇ваа ж̇ийвид̇инд̣̇рияасса д̇ад̇т̇а авиж̇ж̇амаанад̇д̇аа ‘‘сийсажчзд̣̇агассаа’’д̇и вуд̇д̇ам̣. имасса вад̇т̇уссаад̇и аагхаад̇анавад̇т̇усса. ‘‘баанабарибхог̇знаад̇и вуд̇д̇ад̇д̇аа лон̣асовийрагам̣ яаамагаалига’’нд̇и вад̣̇анд̇и.
191-192.Khettameva otiṇṇattā pārājikanti ‘‘dvīhī’’ti vutte dvīhipi pahārehi maraṇassa paccāsīsanato ekena vinā dvinnaṃ abhāvato ca pārājikaṃ. ‘‘Dvīhiyevāti niyamite pana ekena pahārena mārite natthi pārājika’’nti vadanti. Paṭhamaṃ āhitabalavegassa pubbānuciṇṇavasena dhammānaṃ desantaruppattiyā gamanamattaṃ ṭhapetvā jīvitindriyassa tattha avijjamānattā ‘‘sīsacchedakassā’’ti vuttaṃ. Imassa vatthussāti āghātanavatthussa. ‘‘Pānaparibhogenāti vuttattā loṇasovīrakaṃ yāmakālika’’nti vadanti.
винийд̇авад̇т̇уван̣н̣анаа нидтид̇аа.
Vinītavatthuvaṇṇanā niṭṭhitā.
ид̇и саманд̇абаасаад̣̇игааяа винаяадтагат̇ааяа саарад̇т̇ад̣̇ийбанияам̣
Iti samantapāsādikāya vinayaṭṭhakathāya sāratthadīpaniyaṃ
д̇ад̇ияабаарааж̇игаван̣н̣анаа нидтид̇аа.
Tatiyapārājikavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
